بۇ يازمىنى ئاخىرىدا باھادىر تەھرىرلىگەن. ۋاقتى 2013-12-4 21:58
« ئۆزىل ، بوتىس كىيگەن سېھرىگەر»
خۇئان ئىگناشىئو گارسىيا ئوچوئا [ئىسپانىيە]
ئۆزىلنىڭ ئىلگىرىكى ترېنېرلىرى ، ئائىلىسىدىكىلىرى ، سەپداشلىرى ۋە دوستلىرىنى زىيارەت قىلىش ئارقىلىق ، ماركا گېزىتىنىڭ مۇخپىرى خۇئان ئىگناشىئو گارسىيا ئوچوئا (Juan Ignacio García-Ochoa) تەرجىمھال خاراكتېرلىك بىر كىتاب يازدى . بۇ كىتاب ئارقىلىق ئۆزىلنىڭ پۇتبولغا قەدەم قويغاندىن بۇيانقى ئۆسۈپ يىتىلىشى ۋە ئۆزگىرىشىنى تەسۋىرلەپ ، كىشىلەرنىڭ بۇ چولپاننى تېخىمۇ چوڭقۇر تونۇپ يىتىشىنى مەقسەت قىلدى . بۇ كىتاب 2013-يىلى ئىيۇلنىڭ بېشىدا بازارغا سېلىندى .
--------------------------------
كىتابنىڭ ئاپتورى خۇئان .
--------------------------------
ئاپتوردىن :
مەسۇت ئۆزىل (1988-يىلى گېرسېنكىرشىندا تۇغۇلغان) كىچىك ۋاقتىدا باشقىلار چوڭ بولغاندا نىمە ئىش قىلىسەن دېسە ، ئۇ داۋاملىق «توپ تېپىمەن !» دەپ جاۋاپ بېرەتتى . ئۇ بۇ ئارزۇسىنى ئىشقا ئاشۇرۇشقا ئالدىرىغاچقا ، 7 ياش ۋاقتىدىلا ئون ياشلىق بالىلار بىلەن بىللە توپ تېپەتتى ، ئۆسمۈر چىغىدىلا ياشلار كوماندىسىدا تۇنجى مەيدان مۇسابىقىنى تاماملىغان ئىدى ، ھەمدە 17 ياشقا كىرىپلا كەسپىي پۇتبولچىغا ئايلاندى . 21 ياش ۋاقتىدا پۇتبول ھاياتىدىكى چوڭ بىر قەدەمنى تاشلىدى ، يېڭىلا رېئال مادرىد بوسوغىسىدىن ئاتلىغان ياش پۇتبولچى بولۇش سۈپىتى بىلەن ، مۈشكۈل بىر ۋەزىپىنى تاماملىدى : پۇت ئاستىدىكى سېھىرى بىلەن بېرنابۇدىكى توپ مەستانىلىرىنى قايىل قىلدى . شەخسىي تېخنىكىسى ، كۆرۈش دائىرىسى ۋە پۇت ئاستىدا كىشىنىڭ ئەقلى يەتمىگۈدەك ۋەزىپىلەرنى ئورۇندايدىغان قابىلىيتى ، ئۇنى زىدانېنىڭ ئىز باسارى دېگەن ئاتاققا ئېرىشتۈردى . ھالبۇكى ، زىدانې دەل ئۇنىڭ بالا ۋاقتىدىكى چوقۇنقۇچىسى ۋە ئۇنىڭ سەنئەتكە ماھىل تېخنىكىسىنىڭ كىلىش مەنبەسى ئىدى .
«ئۆزىل ، بوتىس كىيگەن سېھرىگەر» ئۇنىڭ دادىسى ، ترېنېرلىرى ، سەپداشلىرى ۋە ئىلگىرى ئۇنىڭ بىلەن بىللە يۈرگەن كىشىلەرنىڭ بايانىغا ئاساسلىنىپ ، ئۇنىڭ كەسپىي ھاياتى قايتىدىن سۈرەتلەندى . بۇ سەپەر گېرسېنكىرشىندىكى «مايمۇن قەپىسى» ناملىق مەيداندىن باشلانغان بولۇپ ، شالكې04 ۋە ۋېندېر بېرمىننى باشتىن ئۆتكۈزۈپ ، ھازىر سانتىياگو بېرنابۇدا داۋاملاشماقتا . ئۆزىل بېرنابۇدىكى قالتىس ماھارەتلىرى ئارقىلىق ، دۇنيادىكى ئەڭ ياخشى توپچى بولۇش ئۈچۈن ئىنتىلمەكتە . ھېلىقى ئالتۇن توپ ئۇنىڭ قاچىسىغا چۈشۈشتىن بۇرۇن ، ئۇ سول پۇتىنى سېھىر تايىقى قىلىپ ، پۇتبولدىن چاقنىغان نۇر چىقارغۇسى .
-------------------------------
مۇندەرىجە
13 - كىرىش سۆز : بىر قالتىس بالا --مۇستافا ئۆزىل
15 - 1-باپ : تونۇشتۇرۇش
19 - 2-باپ : مايمۇن قەپىسىدە
25 - 3-باپ : تولۇپ تاشقان تالانت
31 - 4-باپ : شالكې ئوغلى
37 - 5-باپ : تۇنجى قىتىملىق زىيارەت
45 - 6-باپ : ئون يەتتە ياشلىق تايانچ
50 - 7-باپ : تۇنجى قىتىملىق تالاش-تارتىشلىق يۆتكىلىش
60 - 8-باپ : كۆرۈشكەنلىكىمدىن خۇرسەنمەن ، مېركېل خانىم
76 - 9-باپ : سالام دۇنيا
91 - 10-باپ : رېئال مادرىدنى ساقلىغان 414 كۈن
105 - 11-باپ : مورىنىيونى چۈشىنىش
112 - 12-باپ : بېرنابۇنىڭ ئەتىۋارلىق بالىسى
119 - 13-باپ : «پۈتۈن مەيدان» ئۆزىلگە مەنسۇپ
134 - 14-باپ : يېڭى زىدانې
142 - 15-باپ : ئالتۇن توپ ئۈچۈن توپ كىرگۈزۈش
148 - 16-باپ : كرىستىئانو-ئۆزىل چەكسىز ئىمكانىيەتكە ئىگە شېرىكلەر
153 - 17-باپ : زۇلمەتكە تولغان كىچە
163 - 18-باپ : سۆيۈملۈك كاراس بېلىقى
169 - 19-باپ : ئۆزىل پىلانتى
178 - 20-باپ : سەككىزىنچى ساياھەتچى
---------------------------------------------------------------
كىرىش سۆز : بىر قالتىس بالا
مۇستافا ئۆزىل
بىر دادا بولۇش سۈپىتىم بىلەن ، مېنى ئەڭ پەخىرلەندۈرىدىغىنى مەسۇت بىلەن ئۇنىڭ ئاكا-ئىنى ، ئاچا-سىڭىللىرى ھەممىسى ئەدەپلىك ، قابىلىيەتلىك ، كەمتەر ، ئېھتىياتچان ، مۇلايىم ، يېقىملىق ، باشقىلارغا ياردەم قىلىشنى خۇشاللىق بىلىدىغان ئەخلاقلىق ياخشى بالىلار . گەرچە توپ چولپىنى بولۇپ ئۇنىڭ نامى پۈتۈن دۇنياغا تارقالغان بولسىمۇ ، ئۇ يەنىلا ئۆزگەرمىدى ، ئۇ يەنىلا ھېلىقى كىچىك زېرەك بالا . كېيىنچە ئۇنىڭ قانچىلىك نام چىقىرىشىدىن قەتئىينەزەر ، ئىشىنىمەنكى بۇ ئۇنىڭ چوڭ بىر مۇۋەپپىقىيتى . مەسۇت نېمىدىگەن ئاددىي-ساددا ۋە كەمتەر بالا ھە ، شۇڭا مەن بىرسىنىڭ ئۇنىڭ يامان گېپىنى قىلغىنىنى ئاڭلاپ باقمىدىم . ئۇ راستلا قۇسۇر ئىزدىگۈسىز بىر بالا .
مەسۇت بۇ يىل 24 ياشقا كىردى ، پۇتبول ئىشلىرىدا بەلگىلىك ئۇتۇققا ئېرىشتى ، لېكىن ئالدىمىزدىكى يول ئىنتايىن ئۇزۇن ھەم مۈشكۈل . رېئال مادرىد ۋە گېرمانىيە دۆلەت كوماندىسىدا توپ تېپەلىشى ، پۈتۈنلەي ئۇنىڭ ئارزۇسىغا بولغان كۈچلۈك ئىزدىنىشىدىن بولغان . مېنىڭچە ئۇ بۇلار بىلەن پۈتۈنلەي كۆكرىكىنى كېرىپ يۈرسە بولىدۇ ، چۈنكى بۇنىڭ ھەممىسى ئۇ ئۆز كۈچىگە تايىنىپ ئېرىشكەن . ئۇنىڭدىن گۇمانلىنىدىغان كىشىلەر ئاز ئەمەس ، ئۇ بۇ قەدەمگە كەلگىچە نۇرغۇنلىغان ناتوغرا قاراشلارنى تىشىپ ئۆتكەن . ئەينى يىلى ئۇ يۇرتىنى تاشلاپ ، شالكېدىن بېرمىنغا كەلگەندە ، نۇرغۇنلىغان كىشىلەر ئۇنىڭ كەلگۈسى قاراڭغۇ دەپ قاراشقان . ھەقىقەتەن بۇ يول ئۇنچىلىك ئاسانغا توختىمىدى ، بىراق ئەمدىگە كەلگەندە ھەممىمىز كۆرۈپ تۇرۇپتىمىز . يىغىنچاقلاپ ئېيتقاندا ، ئۇنىڭ ئېرىشكەن بارلىقى ، ئۆزىنىڭ تىرىشچانلىقىدىن قولغا كەلگەن .
ئۇنىڭ ۋاستىچىسى ھەم دادىسى بولۇش سۈپىتىم بىلەن ، ئەمدى ئۇنى تىلغا ئىلىش نۆۋىتى ماڭا كەلدى . بۇ ئوڭاي ئەمەس ، كۆپ ئويلىنىپ بۇ سالاھىيەت (ۋاستىچىسى ھەم دادىسى) نىڭ مەسۇت ئۈچۈن ئەڭ ياخشى تاللاش يولى ئىكەنلىكىنى قارار قىلدىم . بۇنداق ئەھۋال بىزدىلا ئەمەس ، روببىننىڭ دادىسىمۇ ئۇنىڭ ۋاستىچىسى . ئۆزىنىڭ دادىسى ئىش قىلغاندا ھامىنى يات كىشىلەر بىلەن ئوخشىمايدۇ ، دادا بولغان كىشى چوقۇم ھەممە ئىشتا ئوغلىنىڭ مەنپەتىنى چىقىش قىلىدۇ . ئەلۋەتتە كۆپلىگەن ۋاستىچىلار ئۆزىنىڭ مۇئامىلىدارى ئۈچۈن ئويلايدۇ ، لېكىن ئاز ساندىكىلەر ئۆزىنىڭ مەنپەتى ياكى كېيىنكى سودىسىنى ئالدىن ئورۇنغا قويىدۇ . مۇشۇ سەۋەپتىن ، بىز كۆپ ئويلىنىپ مەسلىھەتلىشىش ئارقىلىق ، مېنىڭ ۋاستىچى بولىشىمنى بىكىتتۇق .
مەن ئۇنىڭ ۋاستىچىسى بولغانكەن ئىكەنمەن ، نەزەرىيەدىن ئىلىپ ئېيتقاندا ئۇنىڭ بىلەن تېخىمۇ كەسپىي ئارىلىق ساقلىشىم كېرەك ئىدى ، لېكىن ئىككىمىزنىڭ مۇناسىۋىتى يەنىلا شۇنداق يىقىن ، نېمىلا دېگەن بىلەن ئۇ مېنىڭ ئۆز ئوغلۇم ئەمەسمۇ . شۇڭلاشقا سىرتنىڭ ئۇنىڭغا بولغان تەنقىتىگە قارىتا ، مېنىڭ باشقىلاردىن بەكرەك ئاچچىقىم كېلىدۇ ، بولۇپمۇ بەزى خاتا تەنقىتلەشلەرگە قارىتا . بىراق ھازىر مەن بۇ ئىشلارغا تەمكىنلىك بىلەن مۇئامىلە قىلىشنى ئۆگىنىۋالدىم .
مۇسافا ئۆزىل مەسۇت ئۆزىلنىڭ دادىسى ھەم ۋاستىچىسى .
---------------------------------------------------------------
1-باپ : تونۇشتۇرۇش
بىر كامىرا ئۈستى ئوچۇق مەيداننىڭ ئۈستى تەرىپىدىن چۈشۈۋاتاتتى . بۇ يەر سانتىگو بېرنابۇ توپ مەيدانى ، 2013-يىلى 13-فىۋىرال ، رېئال مادرىد بىلەن مانچىستېر بىرلەشمىسىنىڭ مۇسابىقىسى . بۇ ۋاقىتتا بۇ كىتابنىڭ ئاران يېرىمى تاماملىنىپ بولۇنغان ئىدى .
شۇنداق ، بۇ جىددىي پەيت .
مەن خاتىرە كومپيۇتېرىمنى ۋە ھازىر قولۇمدا بار بىردىنبىر ئۇنىڭ قوليازمىسىنى بۇزىۋەتتىم . يازغانلىرىم بەلكىم قۇرۇق گەپلەر بولسا كېرەك ، بىراق مەن زاپاسلاش جەھەتتە مۇتەخەسىس ھېسابلىنىمەن . شۇڭا مەن ئىككى كىتاب يازدىم ، ئىككىلىيسىنىڭ مىقدارى ئانچە پەرقلىنىپ كەتمەيدۇ . مەن قانداقسىگە كىچىككىنە مېتېئورىت تاشقا سوقۇلۇپ كەتكەنگە چىدىماي قالاي ؟ پەقەت يىگىرمە مىڭ خەتلا شۇ . بۇ توم ئەسەرنى پۈتتۈرۈش ئۈچۈن سۈرئەت بىلەن كىرىشىپ كەتتىم ، مەن بۇ ئەسەرنىڭ پۈتىشىگە كاپالەت بېرىشىم كېرەك .
ھالبۇكى مەن كومپيۇتېرىمنى قولغا ئالمىسام بولمايدۇ ، بۇ پەقەت بىر نەچچە ديۇيملۇقلا بەرسە ، بۇنداق جاھىللىق قىلسام تېخىمۇ ناچار ئاقىۋەت كېلىپ چىقىدۇ . شۇنداق قىلىپ فوتو ئاپىراتىمنى كومپيۇتېرغا ئۇلىدىم ، ھەمدە توختىماي رەسىملارنى كۆرۈشكە باشلىدىم ، بۇنداق قىلسام كۆپ نەرسىلەر ئېسىمگە كېلىپ قەلەم تەۋرىتەلەيمەن ، ھەمدە مەسۇت ئۆزىلنىڭ ھېكايىسىنى داۋاملاشتۇرالايمەن .
مېنىڭ تۇنجى قىتىم بۇ كىتابنىڭ باش پېرسوناژىنى زىيارەت قىلغان ۋاقتىم 2010-يىلى 23-ئىيۇن ، ئورنى يوھاننېسبۇرگ پۇتبول شەھەرچىسىنىڭ تونېلىدا ئىدى . شۇنداق ، بۇ بىز چېمپيونلۇققا ئېرىشكەن مەيدان شۇ . ئۇ ۋاقىتتا بۇ كىتابقا مۇناسىۋەتلىك ھېچقانداق پىلان يوق ئىدى . بۇ قىتىملىق مۇسابىقە مەزگىلىدە ، مەن بىرازىلىيەنىڭ خەۋەرلىرىگە مەسئۇل ئىدىم ، ئۆزىلنىڭ رېئال مادرىدقا قوشۇلۇش ئېھتىماللىقى كۆزدە تۇتۇلۇپ ، مەن ئۇنىڭ گانا كوماندىسى بىلەن بولغان مۇسابىقىسىنى كۆرۈشكە ئورۇنلاشتۇرۇلدۇم .
گېرمانىيەنىڭ ئىپادىسى ناچار بولىۋاتاتتى . مەن ئۆزىلدىن كۆزۈمنى ئۈزمەي ئۇنىڭغا دىققەت قىلىپ تۇردۇم ، ئۇ توپ كىرگۈزۈپ كوماندىسىنى شاللاش مۇسابىقىسىگە باشلاپ كىردى . ئۇ ماڭا ئۆزگىچە تەسىر بەردى ، شۇڭا باشلىقلىرىم مەندىن ئۇ توغرۇلۇق سوراپ قالسا ، ئۇنىڭ رېئال مادرىد توپچىسى بولۇشقا سالاھىتى توشىدىغانلىقىنى ئېيتىشقا تەييارلىق قىلپ قويدۇم .
http://static.video.qq.com/TPout.swf?auto=1&vid=6s1SBCgMqUY
بۇ مەيدان مۇسابىقىدىن بۇرۇن گېرمانىيلىك كەسىپدىشىم ئۇنىڭ ناھايىتى تارتىنچاق ئىكەنلىكىنى ئېيتتى . شۇندىن كېيىن مەن ئۇنىڭغا بەكرەك دىققەت قىلدىم . ھالبۇكى بىز ئۆزىلنىڭ ئالاھىدە تەرىپىنى بايقىدۇق . مەن ئۇنىڭدىن رېئال مادرىد توغرۇلۇق سۇئال سورىغاندا ئۇنىڭ كۈلۈمسىرىشى شۇنداق يىقىملىق تۇيۇلدى ، مەن بۇنىڭدىن ھېچقانداق خاپا بولغان ئالامەتنى ھېس قىلالمىدىم ، مەن ئۇنى كىبىرى ئۈستۈن ياكى ئاچچىقى يامان دەپ ئويلىغان ئىدىم . مەسۇت ماڭا ئۇنىڭ رېئال مادرىد توغرۇلۇق سۆزلىمەيدىغانلىقى ئېيتىپ ، شاللاش مۇسابىقىسىدىكى رەقىبى ئېنگلاند كوماندىسى توغرىسىدا سۆزلەپ بەردى . شۇنداق ، ئۇ ئۆزىنىڭ تارتىنچاق ئىكەنلىكىنى ئېتىراپ قىلدى ، ئۇ راستىنلا ئۇياتچان ئىدى . ئۇ مېنىڭ ئۇرغان توپ توغرۇلۇق سورىشىمنى تەكلىپ بەردى . مەن ئالدى-كەينى بولۇپ ئۈچ سۇئال سورىدىم ، ئەمەلىيەتتە ھەممىسى كىچىك ئىشلار ئىدى .
ئۈچ يىلدىن كېيىن ، ئەينى ۋاقىتتىكى 21 ياشلىق بۇ بالا ، دۇنيادىكى ئىلغار توپچىلارنىڭ بىرىگە ئايلاندى . ئۇ يەنىلا ئالتۇن توپ مۇكاپاتى ئىلىش يوشۇرۇن كۈچى بار «دەرىجىدىن تاشقىرى چولپان» . مەن ئۇنىڭ سۆزلىرىنى ئاڭلىغاندىن كېيىن شۇنداق جەزىملەشتۈرەلەيمەنكى ، ئۇ ھازىر بۇ خىل يوشۇرۇن كۈچنىڭ باشلانما باسقۇچىدا . بۇ ئەسەردە مەن ئۇنىڭ دادىسىغا كۆپتىن-كۆپ رەھمەت ئېيتىمەن ، يەنە ئۇنىڭ تۇنجى ترېنېرى ، سەپداشلىرى ۋە ئۇنىڭ ئەتراپىدىكىلەرگىمۇ چىن كۆڭلۈمدىن تەشەككۈرۈمنى بىلدۈرىمەن .
(بۇ باپتا ئاپتورنىڭ بۇ كىتابنى يىزىش داۋامىدىكى بەزى كىلىشمەسلىكلەر ۋە يازغان كەچۈرمىشلىرى سۆزلىنىپتۇ . مەنمۇ بۇ كىتابنى تەرجىمە قىلىش جەريانىدا كۆپ قىيىنچىلىقلارغا ئۇچرىدىم . ئىسپانچە سەۋىيەم ئاساسەن نۆل سەۋىيەدە بولغاچقا ، تەرجىمە جەريانى بىر ئاز مۈشكۈل بولدى ، كىتاب ئىسپانچىدىن ئېنگلىزچىگە ياكى خەنزۇچىغا تەرجىمە قىلىنىپ ئاندىن ئۇيغۇرچە قىلىندى . شۇڭا كەڭ قېرىنداشلارنىڭ ئەمگەك مىۋەمنى ھۆرمەتلىشىنى ئۈمۈد قىلىمەن . رۇخسەتسىز باشقا تور بەت ياكى مەتبۇئالاردا كۆچۈرۈلۈپ ئىشلەتمەسلىكنى سورايمەن . بۇ جەرياندا مېنى قوللاپ قۇۋۋەتلىگەن بارلىق كىشىلەرگە چىن كۆڭلۈمدىن تەشەككۈر ئېيتىمەن . كۆپ رەھمەت !)
1-باپ تامام !!!
---------------------------------------------------------------
2-باپ : مايمۇن قەپىسىدە
2010-يىلى 13-ئىيۇن ، كەچ سائەت 8:30 . جەنۇبىي ئافرىقا دۇربان شەھىرى . بۇ ئۆزىلنىڭ پۇتبول ھاياتىدىكى مەڭگۈ ئۇنتۇلغۇسىز بىر كۈن . دۇنيادىكى ئەڭ چوڭ پۇتبول كاتتا زىياپىتى باشلىنىش ئالدىدا ، گېرمانىيەنىڭ 8-نومۇرى -- ئانچە كۆزگە چېلىقمىغان بىر توپچى كىشىلەرنىڭ دىققىتىنى ئۆزىگە تارتتى . بۇ بالىنىڭ فامىلىسى ئۆزىل ، ئىسمى مەسۇت ئىدى . تۇغۇلغان كۈنى : 1988-يىلى 10-ئاينىڭ 15-كۈنى . تۇغۇلغان جايى گېرسېنكىرشىن (گېرمانىيە) .
گېرمانىيە دۆلەت كوماندىسىنىڭ باش ترېنېرى لوف كىشىلەرنىڭ گېرمانىيە تانكىسىغا بولغان قارىشىنى ئۆزگەرتتى . كىلەڭسىز پار ماشىنىسى بىراقلا لەرزىن يۆتكەلگەن موي قەلەمگە ئايلانغان بولۇپ ، گېرمانىيە پۇتبولچىلىقىدا ئۇزۇن يىللار بۇنداق تېخنىكىسى ئۆتكۈر توپچىلار كۆرۈنمىگەن ئىدى . بۇ ياش گېرمانىيەدە ھەممىگە تونۇلۇپ كەتكەن . ھەممەيلەن ئۇنى «كىچىك مېسسى» دەپ ئاتىشاتتى . ئۇ بۇ پەسىلدە گېرمانىيە بىرلەشمىسىدىكى مۇنەۋۋەر 11 ئادەم قاتارىغان كىرگەن ، ھەمدە بىر پەسىللىك ياردەم پاس رېكورتىنى بۇزۇپ 30 پاس بەرگەن ئىدى . گەرچە شۇنداق بولسىمۇ ، ئۇنىڭ گېرمانىيە دۆلەت كوماندىسىنىڭ بۇ قىتىملىق دۇنيا لوڭقىسى مۇسابىقىسىدە ئاساسلى ئەزا بولۇپ مەيدانغا چىقىشى كۆپلىگەن كىشىلەرنى ھەيران قالدۇردى .
جەنۇبىي ئافرىقىدىن 8595 كلومېتىر يىراقلىقتىكى مادرىد ، بېرنابۇدىكى بىر ئىشخانىدا ، بالدانو بىلەن پاردېزا تېلېۋىزورغا تىكىلىپ ئولتۇرىۋاتاتتى . تېلېۋىزور ئىكرانىدا ئۆزىل قوش قولىنى ئىچىپ دۇئا قىلىۋاتقانلىق كۆرۈنىشى قويۇلىۋاتاتتى . ئۆزىل بېرنابۇ ئىشخانىسىدىكى كىشىلەر ئارىسىدا تونۇلۇپ كەتكەن ئىدى . رېئال مادرىدنىڭ تەنتەربىيە باش نازارەتچىسىنىڭ ئاللىبۇرۇنلا گېرمانىيە بىرلەشمىسى مەيدانىغا بايقىغۇچى ئەۋەتكەنلىكىگە گەپ كەتمەيتتى . يەنە يېڭى ترېنېر مورىنىيونىڭمۇ قولىدا ئۇنىڭ ئارخىپى تاغدەك دۆۋىلىنىپ كەتكەن ئىدى . «ئاق ئوردا» بايقىغۇچىسىنىڭ دوكىلاتى ئىنتايىن تەپسىلىي بولۇپ ، پەقەت ئۇنىڭ چوڭ مۇسابىقىلەردە قانداق ئىپادە كۆرسىتىدىغانلىقىلا نامەلۇم ئىدى . 21 ياشلىق بۇ بالا ھەقىقەتەن دۇنيادىكى ئەڭ ياخشى كۇلۇبتا توپ تېپىشكە تەييارلىنىپ بولدىمۇ ؟ دۇنيا لوڭقىسى شۈبھىسىزكى بۇ تۈگۈننى يېشىدىغان ياخشى پۇرسەت ئىدى .
مۇسابىقە باشلىنىپ 25 مىنۇت بولا-بولمايلا ، ئۆزىل ئۆزىنىڭ قىممىتىنى نامايەن قىلدى : چىرايلىق يالغان ھەرىكەتلىرى ، ناھايىتى كەڭ بولغان كۆرۈش دائىرىسى ، ئەپچىل ھەرىكەتلىرى ۋە قۇسۇرسىز توپ سىزىمى . ئۇ بۇ كىچىدە ئىككى ياردەم پاس بەردى ، يەنە بىر قىتىم ھۇجۇمدىكى چىرايلىق ماسلىشىشنى تامالىدى ، ھەتتا توپقا پۇتى تەگمەي تۇرۇپلا ئىشلىگەن يالغان ھەركىتى دۇنيانى بوي سۇندۇردى . بۇ ئالدىنقى ئەسىرنىڭ 70-يىللىرىدىكى پىلىنىڭ مېكسىيكا دۇنيا لوڭقىسىدىكى سەنئەتلىك پۇتبولى بىلەن ئىنتايىن ئوخشىشىپ كىتەتتى ، گېرمانىيلىك بۇ ياش ئەپچىللىك بىلەن سەپدىشىنىڭ يىنىدىن مۇداپىيەچى ئەزانى ئالداپ ئىلىپ كەتكەن ئىدى . پۈتۈن مەيدان ئۇنىڭ بۇ ھەركىتىگە ھەيران قالغانلىقتىن ۋۇۋۇزۇلانىڭ ئاۋازى بىر پەس توختاپ قالدى . مادرىدتا ، ئىككى قىتىملىق تېلفون كەلگەن ئاۋاز بېرنابۇنىڭ جىمجىتلىقىنى بۇزدى ، بۇ بالدانونىڭ تېلفونى ئىدى . بۇ تېلفون فلورىنتىنو پېرېزدىن كەلگەن :«بىز چوقۇم ئۇنىڭ بىلەن توختاملىشىمىز . ئۆزىلنىڭ ئىپادىسى ئويلىغىنىمدىنمۇ كۆپ ياخشى ئىكەن .»
رەئىس داۋاملىق توپچىلانىڭ ئىپادىسىگە دىققەت قىلاتتى . ئۇ بۇ كىچىدە ئۇنىڭ يېڭى زېدانىسىنى كۆردى . فرانسىيلىك 2006-يىلى مايدا توپچىلىقتىن چىكىنگەندىن كېيىن ، ئۇ چۈشىدىمۇ ئۇنىڭغا ئوخشاش توپچىغا ئېرىشىشنى ئويلايتتى ، بۇ ئۇنىڭ سېھرىگىرى ، رېئال مادرىدنىڭ 10-نومۇرى ئىدى . كاكا ئالدىنقى بىر پەسىلدە ئىلىپ كەلگەن ئۈمۈدسىزلىك كۇلۇبنى يېڭى بىر يۇقىرى سەۋىيلىك ئوتتۇرا مەيدان توپچىسى كىرگۈزمىسە بولمايدىغان ھالەتكە ئىلىپ كەلگەن ئىدى . فلورىنتىنوغا ھېچكىم لازىم ئەمەس ، ئۇ ئۆزىلنى ياخشى كۆرۈپ قالدى .
بۇ كىچە ، مەسۇتنىڭ قىلغان ئىشى باشقا بىر توپچىغا ئوخشاشلا پۇتبولدىن ھوزۇرلىنىش بولدى . بىراق جەنۇبىي ئافرىقىدىكى مۇسابىقە ئۇنىڭ گېرسېنكىرشىندا تۇنجى قىتىم توپ تەپكەندە بارلىققا كەلگەن ئارزۇسىنى ، ئۇنتۇلۇپ كەتكەن ئارزۇسىنى رېئاللىق باشلاپ كىردى . بۇلمكې رايونى (گېرسېنكىرشىن شەھىرىگە قاراشلىق بىر رايون ، نوپوسى 20 نەچچە مىڭ) دا ، ئۆزىلنىڭ ئالاھىدە بىر مەيدانى بار : مايمۇن قەپىسى -- بۇ ئىسىمنى ئۇنىڭ كىچىك دوستلىرى قويغان بولۇپ ، ئۇلار داۋاملىق ئۆزىلنىڭ كەينىدىن ياۋايى توپ ئوينايتتى ، ئاستا-ئاستا ئۇنىڭ ئارزۇسى ئۇلارنىڭ كاللىسىغا سىڭىپ قالدى . ئۇ مەيداننىڭ ئۇزۇنلىقى ئارانلا 40 مېتىر ، كەڭلىكى 20 مېتىر كىلەتتى ، تۆت ئەتراپى 3 مېتىرلىق ئىگىز تۆمۈر سىم توپ بىلەن ئورالغان ئىدى . ئۇ يەردە ، ئۆزىل ئۆزىدىن ئۈچ ياش چوڭ ئاكىسى بىلەن توپ تېپىشنى باشلىدى .
ئۇ مايمۇن قەپىسىدە ، مەسۇت ئۇياتچانلىقىنى پۈتۈنلەي ئۇنتۇپ ، گىگانت ئادەملەردەك بولۇپ كىتەتتى . توپ پۇتىغا تەگدىمۇ ، بولدى . ئۆزىدىن چوڭ رەقىپلەرگە قارىتا ، ئۇ بىر ئاز ئىككىلەنگەندىن كېيىن توپ شاھى ھالىتىگە ئۆتەتتى . رەقىبى بىلەن بولغان ياش پەرقى چوڭ بولغاچقا ، ئۇنىڭ ئاساسلىق نىشانى پۇتلىنىشتىن ساقلىنىش ئىدى . مۇسابىقىگە قاتنىشىدىغان ئەزالار ھەر قىتىم ئاساسەن ئوخشاش بولۇپ ، ئۆزىل ئاكا دوستلار كوماندىسى vs مەسۇت دوستلىرى كوماندىسى بولاتتى . بۇ پولتاي كۆزلۈك بالىنىڭ توپ ماھارىتى داۋاملىق كىشىنىڭ ھەسەتخورلىقىنى قوزغايتتى ، بىراق ئۇلار ئاخىرىدا يەنىلا مەسۇتنىڭ ئۇلارنى يەڭگۈگەنلىكىگە رەھمەت ئېيتىشاتتى .
بورنسچرېس كوچىسىدىكى بۇ ئۇياتچان بالا مەيداندا دۇنيا چېمپيونىغا ئوخشاشپ قالاتتى ، بۇ يەرگە سىنچىلاپ قارىسىڭىز بىر تال ئوت-چۆپمۇ يوق . بۇنداق مەيداندا توپ ئويناش ساغرىسىنىڭ پۈتۈنلەي يارا ئىزى ، ئىشتىنىنىڭ پۈتۈنلەي ياماق بولىشىدىن دىرەك بېرەتتى . بىراق ئۇ بۇنىڭغا پەرۋا قىلمايتتى . ئۇ ئۆزىنىڭ تەسەۋۋۇر قابىلىيتىنى تولۇق ئازاد قىلىپ ، ھەر كۈنى كەچ كىرگىچە توپ ئوينايدىغان بۇ مايمۇن قەپىسىنى ھەيۋەتلىك چوڭ بىر توپ مەيدانىغا ئايلاندۇرالايتتى . كىچىك مەسۇت ئۆزىنى پۇتبولنىڭ ئەڭ يۇقىرى سەھنىسىدە تۇرغاندەك خىيال قىلاتتى ، يەنە داۋاملىق ئۆزىنى زىدانې دېگەن خىيال بىلەن توپ تېپىشقا كىرىشىپ كېتەتتى . توپ مەيدانىغا بارىدىغان يولدا چوڭ بىر كۆمۈر كان قۇدۇقى بار بولۇپ ، بۇ كۆمۈر شەھىرىنىڭ سىمۋولى ئىدى . چىراق مۇنارى پۈتۈن مەيداننى تولۇق يورىتالايدىغان بولۇپ ، ئۇنىڭ نەزىرىدە ئەتراپتىكىلەر دەرەخ ياكى ئۆي ئەمەس بەلكى تۈمەن مىڭلىغان توپ مەستانىلىرى ئىدى ، ئۇلار يۇقىرى ئاۋازدا ئۇنىڭ ئىسمىنى توۋلاۋاتاتتى . ئەلۋەتتە ، ئەڭ ئاخىرقى ھالقىلىق توپ چوقۇم ئۇنىڭ بولاتتى ، بۇ دۇنيا لوڭقىسى ھەل قىلغۇچ مۇسابىقىسىدىكى ئاچقۇچلۇق توپ ئىدى . كىچىك مەسۇت مانا مۇشۇنداق بىر بالا . جەنۇبىي ئافرىقا دۇنيا لوڭقىسىغا قاتنىشىش ، ئۇنىڭ خىياللىرىنى رېئاللىققا ئايلاندۇردى .
ئۆزىل گېرسېنكىرشىندا ئۆسۈپ چوڭ بولغان ، بىراق ئۇنىڭ ئەجداتلىرى تۈركىيەلىك . چوڭ ئاپا-دادىلىرىنىڭ يۇرتىدىن ئايرىلىپ بۇ دۆلەتتە ئىش قىلغىلى كەلگەچكە ئۇ گېرمانىيەدە تۇغۇلغان . ئۇلارنىڭ ئەسلىدىكى تۇرۇشلۇق ئورنى تۈركىيەنىڭ زونگۇلداك ئىدى . ئىككىنچى دۇنيا ئۇرۇشىدىن كېيىن گېرمانىيە قايتا دۆلەت قۇرۇش ئۈچۈن جىددىي ھالدا ئەمگەك كۈچىگە مۇھتاج بولۇپ ، 1961-يىلى تۈركىيە بىلەن ئەمگەك ئىشچىلىرىنى كىرگۈزۈش كېلىشىمى تۈزگەن ، شۇنىڭ بىلەن نۇرغۇن تۈركىيەلىك بۇ يەرگە كەلگەن . گەرچە ئەينى ۋاقىتتا قالغان ئادەم ئانچە كۆپ بولمىسىمۇ ، بۈگۈنكى كۈندە ئىككى مىليون تۈركىيەلىك بۇ يەردە ئولتۇراقلىشىپ قالدى . ئۆزىل جەمەتىدىكىلەرمۇ بۇ كۆچمەنلەر دولقۇنىغا ئەگىشىپ گېرمانىيەگە كەلگەن .
مەسۇتنىڭ دادىسى گېرسېنكىرشىنغا كەلگەندە ئاران 2 ياشتا بولۇپ ، ئەمدىدا ئايىقى چىققان ئىدى . مەسۇت چوڭ دادىسىنىڭ ئىسمىمۇ مۇستافا بولۇپ ، ئۇ مەرمەر تاش زاۋۇتىدا ئىشلەيتتى . بىراق ئۇنىڭ ئۆزىنىڭمۇ كىچىك كارخانىسى بار ئىدى . باشتا مەيخانىدىن باشلىغان ، كېيىن يەنە بىر نەچچە دۇكان سالغان ، ئائىلىنىڭ تۇرمۇشى خېلى ياخشى ئىدى . مەسۇت بوۋىسىنىڭ سودىغا كاللىسى بەك ئىشلەيتتى ، كىشىلەر بولغان ئالاقىنىمۇ ياخشى بىر تەرەپ قىلالايتتى ، بۇ قابىللىيەتلەر مەسۇتنىڭ دادىسىغىمۇ ئېرسىيەت قالغان . ئۇ بىر ماركېتىڭ شىركىتى قۇرغان ، جەمئىي 7 ئادەم ئىشلەيتتى ، ئۇلار ئۆزىل ماركىسىنى كېڭەيتىپ خەلقئاراغا يۈزلەندۈرۈشنى مەقسەت قىلغان . گېرسېنكىرشىندىكى تۈكىيەلىك كۆچمەنلەر مۇستافاغا ئەنبىيالاردەك چوقۇناتتى ، ئۇنى يول باشچى قىلاتتى . ئۆزىل ئائىلىسىمۇ توختىماي مەبلەغ توپلاۋاتاتتى .
ئۆزىلنىڭ بالىلىق ۋاقتى بەختلىك ھەم راھەت ئۆتكەن . نېمە دېسە شۇ بار ئىدى ، ھەمدە بىللە توپ ئوينايدىغان بەزى دوستلىرىغان ئوخشىمايدىغان بولۇپ ، ئۇنىڭ مەكتەپتە ياخشى ئوقۇپ ، ياخشى بولغان ئائىلە مۇھىتى ئىلىپ كەتكەن خاتىرجەم تۇرمۇشتىن ھوزۇرلىنىش پۇرسىتى بار ئىدى . مەسۇتنىڭ ئاپىسى گۈلزار ئائىلە ئايالى ، مەسۇتنىڭ ئۆگۈنىشىگە پۈتۈنلەي ئۇ مەسئۇل . كىچىك مەسئۇت ئەلۋەتتە يەنىلا بىر مىنۇت بولسىمۇ بالدۇر تۈگىتىپ توپ تېپىشكە ئالدىرايدۇ ، بىراق مەسۇت ئاپىسىنىڭ باشقۇرىشى ئاستىدا ئوقۇشىنى تاشلاپ قويمايتتى . مەسۇتنىڭ ئاكىسى ۋە سىڭىللىرىمۇ شۇنداق ئىدى . مەسۇتنىڭ كىچىك سىڭلىسى ھازىر ئۇنىڭ سادىق مەستانىسى .
گەرچە گۈلزار بىلەن ئۇنىڭ بالىلىرى گېرمانىيەدە تۇغۇلغان بولسىمۇ ، ئۆزىل ئائىلىسىدە ئادەتتە داۋاملىق تۈرك تىلى ئىشلىتىلىدۇ . گېرسېنكىرشىندا تۇغۇلغان بىلەن ، مەسۇتنىڭ كىچىكىدىن قوبۇل قىلغان ئائىلە تەربىيسى ئۇنىڭ ئەجداتلىرى بىلەن ئوخشاش ئىدى . شۇڭا ئۇ ھازىرمۇ ئىخلاسمەنلىك بىلەن ئىسلام دىنىغا ئېتقاد قىلىدۇ ، ھەر يىلى يازدا يۇرتىغا قايتىپ تۇپراق بىشىنى يوقلايدۇ ، يەنە شۇ يەردىن ئادەم تەكلىپ قىلىپ ئەجداتلىرىنىڭ قەبرىسىنى ئاسراشقا قويغان .
2-باپ تامام !
---------------------------------------------------------------
3-باپ : تولۇپ تاشقان تالانت
يەتتە ياش ۋاقتىدىلا ، مەسۇت زىدانېنى نىشان قىلغان ئىدى . گەرچە بۇ بىر كىچىك بالا بولسىمۇ ، بۇ كىچىككىنە مايمۇن قەپىسى ئۇنىڭ يۈكسەك غايىلىرىنى سىغدۇرالمايۋاتاتتى . توپ ئوينىغاندا قاپقىغا توپ كىرگۈزۈش ئۇنىڭ بىر كۈندىكى ئەڭ خۇشاللىق پەيتلىرى ئىدى ، بىراق مەسۇت يەنىلا رەسمىي ھالدا مۇسابىقە ئويناشقا تەشنا بولاتتى . ئاكىسى مۇتلۇ ئۇ ۋاقىتتا ئاللىبۇرۇن بىر كۇلۇبقا كىرىپ بولغان ئىدى ، مەسۇت بولسا ھەر شەنبە كۈنى كۆرۈش سۇپىسىدا ئاكىسىنىڭ مۇسابىقە ئوينىغىنىنى كۆرۈپلا تۇراتتى ، ئۇ ئاكىسىنىڭ قەدىمىگە تېزراق يىتىشىۋىلىشنى ئارزۇ قىلاتتى . مۇستافا قەتئىي قارارغا كېلىپ ، ئاخىرى شۇ يەردىكى كۇلۇبتا مەسۇتنى تىزىمغا ئالدۇردى . بۇ كۇلۇب غەربىي فالىيا 04 ئىدى .
ئوغلىنىڭ كەسىپ باشلانمىسى تىلغا ئېلىنغاندا ، مۇستافانىڭ ئېسىدە قالغىنى دەسلەپكى بىر نەچچە كۈندە مەسۇت كۇلۇب مەشىقىنى رەسمي مۇسابىقىگە ئوخشاش ئېلىپ بارغىنى ئىدى . كىچىك مەسۇتنىڭ ئىشتىن سىرتقى قىلىدىغان ئىشى ياپونىيە كارتون فىىمى «كاپىتان سۇباسا»(خەنزۇچە «پۇتبول شاكىچىكى» دەپ تەرجىمە قىلىنغان .) نى كۆرۈش بولۇپ ، ئوزورا سۇباسا ئۇنىڭ ئۈلگىسى ئىدى . مىنامى كاسۇ كوماندىسىدىكى كىچىك ئەزالار مەسۇتنى ئۆزىگە رام قىلىۋالدى ، ئۇ كىچىك ئەزالارغا ئوخشاش ، مەسۇت كوماندىسىنىڭمۇ پۇتبولغا بولغان مۇھەببىتى چوڭقۇر ئىدى . ئەلۋەتتە ، ئۇ ياشتىكى بالىلارنىڭ كۆپىنچىسى «كاپىتان سۇباسۇ» نى قىزىقىپ كۆرىدۇ ، پۇتبول تېپىشنىمۇ ياخشى كۆرىدۇ ، بىراق مەسۇتقا ئوخشاش پۇتبول تېخنىكىسى بار بالىلار ئىنتايىن ئاز . «ئۇ ھەقىقەتەن باشقىلارغا ئوخشىمايدۇ . ئادەتتىكى 7 ياشلىق بالىلار ھەممىسى توپنى قوغلاپ قالايمىغان يۈگۈرىدۇ ، بىراق ئۇ شۇ يىشىدىلا باشقىدىن ئىشىپ چۈشىدىغان پۇتبول ئەقلىنى نامايەن قىلغان . ئۇ بىردىنبىر بوشلۇقتىن پايدىلىنىپ ئويلانغاندىن كېيىن ئاندىن توپنى ئىلپ يۈگۈرىدىغان بالا . بۇ خىل قالتىس پۇتبول ئەقلى ئۇنى باشقىلاردىن پەرىقلىق قىلىپ تۇراتتى .» مەسۇتنىڭ تۇنجى ترېنېرى رالف مارائۇن ئەسلەپ شۇنداق دېدى .
«مەيدان سىرتىدا ئۇ ئۇياتچان بالا ، ناھايىتى تېنچ ، بەكلا كەمسۆز . ئۇ بالىلارنىڭ ئارىسىدىمۇ پەقەت گەپ قىلماي جىمجىت تۇرغاچقا ، بىز بەزىدە ئۇنىڭدىن ھېچ ئىش يوقتۇ دەپ سوراپ قوياتتۇق . شۇنىڭ بىلەن ئۇنىڭ توپ تەپكىنىنى كۆرۈپ ھەممىمىز ئاغزى-ئاغزىمىزغا تەگمەي ماىتاپ كېتەتتۇق . ئۇنىڭ بويى پاكار بولغىنى بىلەن ، كوماندىدا پەقەت مەسۇتلا يىراقتىن قاپقىغا توپ ئۇرالايتتى .» مەسۇتنىڭ ھاياتىدىكى تۇنجى ترېنېر بولۇش شەرىپىگە ئېرىشەلىگەن رالف شۇنداق دېدى .
مەسۇت غەربىي فالىيا 04 كۇلۇبىدا 3 پەسىل تۇردى ، ئۇنىڭ ئىپادىسى ترېنېرلىرىنى ، سەپداشلىرىنى ھەتتا ئۆز دادىسىنىمۇ ھەيرانۇ ھەس قالدۇردى . مۇستافا تېزلا بۇ بالىدىن يۇقىرى دەرىجىلىك توپچى بولالايدىغان يوشۇرۇن كۈچنى بايقىدى . رالف شۇ ۋاقىتتىكى مۇستافا بىلەن بولغان سۆھبەتنى ئەسلەپ :«ئۇنىڭ دادىسى ماڭا : ئوغلۇم بەكلا قالتىس ، لېكىن بۇنى ئۇنىڭغا ئېيتماڭ . دەيتتى .» دېدى . مۇستافا راستلا ئالدىن كۆرەر ، بالدۇرلا ئوغلىنىڭ پۇتبول جەھەتتىكى تالانتىنى بايقىغان . مەسۇت بولغاچقا ، غەربىي فالىيا ئۈچ مۇسابىقە پەسلىدە ئاران بىر مەيداندىلا يېڭىلىپ قالدى . ئۇندىن كېيىن ئۇ DJK Teutonia Schalke Nord (گېرمانىيە ياشلار بىرلەشمىسى ، شىمالىي شالكې) كوماندىسىغا باردى . بىراق ئۇزۇن ئۆتمەيلا بۇ يەرمۇ مەسۇت ئۈچۈن كىچىك كىلىپ قالدى ، ئۇلار بىلەن چېمپيونلۇققا ئېرىشكەندىن كېيىن ، ئۇ يەنە DJK Falke (گېرمانىيە ياشلار بىرلەشمىسى ، فالكې) كوماندىسىغا يۆتكەلدى ، بۇ 11 ياشلىق مەسۇتنىڭ ئۈچىنچى كۇلۇبى ئىدى .
مەسۇت كىچىككىنە يىشىدىلا خۇددى كەسپىي توپچىلاردەك ئۇ كۇلۇبدىن بۇ كۇلۇبقا يۆتكىلىپ يۈردى . ئۇ يېڭى بىر كۇلۇبقا بارغاندىن كېيىن ، سەپداشلىرى داۋاملىق ئۇنىڭ تېخىتىكىسىدىن قىتىپ تۇرۇپ قالاتتى ، مەسۇتمۇ گېرسېنكىرشىندىكى چوڭ-كىچىك كۇلۇبلاردا يۆتكلىپ بولدى . ئۆزىل ئائىللىسى بىر دوستىنىڭ تەكلىپى بىلەن ، مەسۇت كالكې كۇلۇبىغا تىزىملىتىشنى قارار قىلدى ، بىراق ئۇ يازدا ھەممىدىن قۇرۇق قالغىلى تاسلا قالدى . مۇستافا مەسۇتنى ئىلىپ ئۇلارنىڭ تۇنجى مەيدان مەشىق مەيدانىغا كەلگەندە ئۇلارنى سانى توشۇپ بولغان ئىدى . «ئۇ سىنتەبىردە كەلگەن ، بىز ئيۇندىلا ئادەپ تىزىملاشنى تاماملاپ بولغان . سان توشۇپ بولدى ، شۇڭا ئۇلارغا بىز بىلەن بىللە مەشىقكە قاتناشسا بولمايدىغانلىقىنى ئېيتتۇق .» كوماندا ترېنېرى يۆرگ كوردىك شۇ ۋاقىتنى ئەسلەپ شۇنداق دېدى ، «ئۇ بالا راستىنلا بەك بەك ئۈمۈتسىزلەندى ، شۇنىڭ بىلەن بىز ئۇنى يان تەرەپتىكى مەيداندا چوڭ ياشتىكى بالىلار بىلەن ئويناشقا ئورۇنلاشتۇردۇق . شۇ ۋاقىتتا بىز كۆزىمىزنىڭ قۇيرىقىدا ئۇنىڭغا قاراپ ، ئۇنىڭ ئۆمرىمىزدە كۆرگەن ئەڭ يامان بالا ئىكەنلىكىنى سەزدۇق .» فالكې كۇلۇبى شۇ ھامانلا گېپىنى قايتۇرىۋالدى :«ئۇزۇن مەزگىلدىن بىرى ، بىزنىڭ نىشانىمىز ياخشى مايسىلارنى يىتىشتۈرۈش ، كۇلۇبىمىزدا ئادەم سانىنىڭ توشقانلىقى راست ، بىراق بىز بۇنداق پۇرسەتنى قولدىن بەرمەيمىز .»
قالتىس توپ كونترول قىلىش قابىلىيتى ، قانۇنىيەتلىك يارىلىنىشتىن ساقلىنىش ئىقتىدارى ، يەنە كەڭ كۆرۈش دائىرىسى بولغاچقا ، ئۆزىل قەيەرگە بارسا ھەممىدىن بەك كۆزگە چىلىقاتتى . ئۇ ئەتراپتىكى ھەر قانداق نەرسىنى كونترول قىلالايتتى ، ھەتتا بەزىدە ترېنېرلارمۇ كۆرەلمىگەن بشلۇقنى بايقىيالايتتى . 11 ياشلىق ئۆزىل ئەڭ بىشىدا توپ ئىلىپ مېڭىشنىلا بىلىدىغان شۇمتەك ئىدى . مايمۇن قەپىسىدە ، ئۇ ھەر زامان فرانسىيە دۇنيا لوڭقىسىدا بىر كۆرۈپ ياقتۇرۇپ قالغان چوقۇنغۇچىسى زىدانې ئىدى ، ئۇ ھەر كۈنى دېگۈدەك چوقۇنغۇچىسىنىڭ تېخنىكا ھەرىكەتلىرىنى دورايتتى . بىراق فالكېدىكى بىرلەشمە مەزگىلىدە ، ئۇ «كىچىك مارادونا» ئىدى -- سەپداشلىرىنىڭ ئاتا-ئانىلىرى ئۇنى شۇنداق چاقىراتتى .
فالكې ياشلار كوماندىسىنىڭ ترېنېرلىرى ئۆزىلنىڭ رەقىپلىرىنى قانداق يۈز خاتىرە قىلماي مەغلۇپ قىلغانلىقىنى ئىنىق قىلىپ ئەسلىيەلەيتتى ، ئۇلار ھەر قىتىم رەقىبىدىن كەچۈرۈم سوراشقا مەجبۇر بولاتتى . «ئۇ ھەقىقەتەن تەڭداشسىز ، توسقىلى بولمايدىغان ، بىر مەيدان مۇسابىقىدە ئالتە يەتتە توپ كىرگۈزەلەيتتى . بىر قىتىم ئۇ ئون توپ كىرگۈزدى ، ئۇنى ۋاقتىدا ئالماشتۇرۇپ چۈشۈرىۋەتمىگەچكە ، ئامالسىز رەقىبىمىزدىن كەچۈرۈم سورىغان ئىدۇق . ئەگەر ئۇنىڭ جۇغى كىچىك بولمىسا ، كىشىلەر چوقۇم ئۇنى باشقا بالىلاردىن ئىككى ئۈچ ياش چوڭ دەپ قالىدۇ ، چۈنكى ئۇنىڭ قابىلىيتى باشقىلاردىن بەكلا كۈچلۈك ، كۈچلۈكلىكىدىن رەھىمسىز ھەم يولسىز ئىدى .» دۇنيادىكى مۇنەۋۋەر پۇتبولچىنىڭ بىرى ھىسابلىنىدىغان ئۆزىلگە ئېرىشەلىگەن كوردېك قەتئىي پىكىردە شۇنداق دېدى .
2000-يىلى ياز ، ئۆزىل 12 ياش ، ئۇ يەنە يۆتكەلدى . بۇ قىتىمقى كۇلۇب قىزىل ئاق ئېسسېن بولدى . گەرچە يىقىنقى يىللاردىكى كرىزىستا خاراپلاشقان بولسىمۇ ، ئۇلارنىڭ لوڭقا كۆرگەزمە ئۆيىدە بىر ئا دەرىجىلىك بىرلەشمە چېميونلۇق لوڭقىسى ۋە بىر گېرمانىيە لوڭقىسى بار بولۇپ ، ئىككىلىيسى 50-يىللىرى قولغان كەلگەن ئىدى . قىزىل ئاق ئېسسېن ھەرگىز نامسىز كىچىك كۇلۇب ھېسابلانمايتتى ، بۇ كۇلۇب ئەينى يىللىرى تۇنجى تۈركۈمدە گېرمانىيەگە ۋاكالىتەن ياۋرۇپا چېمپيونلۇق لوڭقىسىغا قاتناشقان كوماندىلارنىڭ بىرى بولۇپ، مۇتلەق ھالدا ئۇلى مۇستەھكەم كونا كۇلۇب ئىدى . بىراق ھازىر كىشىلەرنىڭ ئۇ كۇلۇبنىڭ نامىنى بىلىشىدىكى سەۋەپ ئۆزىلنىڭ ئۇ يەردە تۇرۇپ باققانلىقى بولسا كېرەك . مۇستافا ھەر بىر قەدەمنى ئېھتىياتچانلىق باساتتى ، ھەمدە ئۆزىنىڭ نېمە ئىش قىلىۋاتقانلىقىنى ئوبدان بىلەتتى . ئۇنىڭ قارىچىشە قىزىل ئاق ئېسسېن ئوغلىنىڭ ئۆزىنى نامايەن قىلىدىغان ئەڭ ياخشى سەھنىلەرنىڭ بىرى ئىدى . ئۇ ۋاقىتتا مەسۇت تېخى كىچىك بىر نېمە دېگىلى بولمايتتى ، بىراق ئۇ مۇشۇنداقلا ماڭسا ، بۇ يەر ئۇنىڭ ئەڭ ياخشى سەكرەش تاختىسى بولۇپ قالاتتى . قىزىل ئاق ئېسسېندا بولۇپمۇ ياشلار كوماندىسى مەشىق مەيدانىدا ، گېرمانىيەنىڭ ھەر يىرىدىن كەلگەن توپچى بايقۇغىچىلارنىڭ ئايىغى ئۈزۈلمەيتتى .
ئۆزىل تېزلا بۇ كۇلۇبنىڭ تەلىپىگە ماسلىشىپ ، ئۇ بىر تۈركۈم بالىلارنىڭ يادروسى بولدى . ئۇ كوماندىدا ئەڭ ئېگىزمۇ ، ئەڭ بەستلىكمۇ ھېسابلانمايتتى ، بىراق ئۇنىڭ توپ تېخنىكىسى 14 يىشىدىن باشلاپلا ھەممىنىڭ دىققىتىنى تارتقان ئىدى . ئۇنىڭ توپ تەپكەندىكى ئىلاستىكلىقى ئۇنى بىردىنبىر قىلاتتى ، تېخنىكىسىمۇ بارغانسىرى ياخشىلىنىۋاتاتتى . ئۆسمۈر مەسۇت بىر ھۇجۇم قاتىلى ئىدى . ئۇ داۋاملىق 9-نومۇرلۇق كىيىم كىيەتتى ، ھەمدە داۋاملىق باشقىلارغا ياردەم پاس بېرىش ئەمەس بەلكى ئۆزى مۇسابىقىدىكى ھالقىلىق توپنى كىرگۈزەتتى . قىزىل قارا ئېسسېندىكى ۋاقتىدا ئۇ گېرسېنكىرشىندىكى مېسسى ھېسابلىناتتى . ئۇ ئادەتتە يالغان 9-نومۇر رولىدا ئوينايتتى ، مەيداندا ئالدى-كەينى بۆسۈپ ئۆتەتتى . ئۇ ھۇجۇمنىمۇ تەشكىللەيتتى ، ئۆزىمۇ ھۇجۇم سېپىگە قوشۇلاتتى ، پەستە ترېنېرلار ئىغىزىنى ئىچىپلا قالاتتى . شۇنىڭ بىلەن ئۇ ياشلار كوماندىسىدا بىر دەرىجە ئۆرلەپ ، 16 ياشتىلا 19 ياشلىقلار كوماندىسىدا مۇسابىقە ئوينىدى . ياشلار كوماندىسى ئوقوغۇچىسى بولغان مەسۇت يەنە قائىدىنى بۇزۇپ ئىككىنچى سەپ كوماندىشىنىڭ مەشىقىگە قاتناشتى ، بىراق ئىككىنسى سەپ كوماندىدىكى تۇنجى مەيدان مۇسابىقىسى ئۇ 15 ياش ۋاقتىدا ئاندىن يىتىپ كەلدى . ئۇ 2004-يىلى 12-نويابىر بولۇپ ، رەقىبى بوخۇم1848 ئىدى .
16 ياشقا كىرگەن يىلى ، مەسۇت ياشلار بىرلەشمىسىدە رەسمىي مەيدانغا چىقتى . شۇ كۈنكى خاتىرىگە ئاساسلانغاندا ، تاماشىبىن سانى 750 ، مۇسابىقە ۋاقتى چۈشتىن كېيىن سائەت تۆت ، ئورنى بوخۇم تەنتەربىيە مەركىزى بىرىنچى نومۇرلۇق مەيدان ئىدى . ئۆزىلنىڭ كىسپىي ھاياتى شۇندىن باشلاپ تۈپتىن ئۆزگەردى . ئۇنىڭ ئىسمى شۇ يەردىكى گېزىت-ژورناللارنىڭ تەنتەربىيە مەخسۇس بېتىدە پەيدا بولۇشقا باشلىدى . ئۇنىڭ تولۇپ تاشقان تالانتى ئەمدىلىكتە گېرسېنكىرشىننىڭلا مەخپىيەتلىكى بولماي قالدى . ھالبۇكى گېرسېنكىرشىن شالكې04 نىڭ زىمىنى بولۇپ ، ئۇلارنىڭ توپچى بايقىغۇچى تورى ھەممە يەرگە تارىلاتتى . مەسۇتنىڭ تۇرمۇشى 180 گرادۇسلۇق بۇرۇلۇشنى كۈتىۋىلىش ئالدىدا ئىدى .
3-باپ تامام !!
---------------------------------------------------------------
4-باپ : شالكې ئوغلى
سىنىپىڭىزنىڭ سىرتىدىلا ياخشى كۆرىدىغان كوماندىنىڭ مەيدانى بولسا ، كۆڭۈل قويۇپ دەرس ئاڭلاشنىڭ نەقەدەر قېيىن بولىدىغانلىقىنى بىلەمسىز ؟ مەن مادىرددىكى سان ئاگۇستېن ئىنىستىتوتىدا ئوقۇيتتۇم ، ئارىلىقى بېرنابۇغا ئارنلا 100 مېتىر كېلەتتى ، شۇڭا مەن بۇنىڭغا كاپالەت بېرەلەيمەنكى ، بۇ راستلا بەك تەس . ھەر كۈنى ئۇخلىماي چۈش كۆرىدىغان گەپ ، نېمە ماتىماتىكا ، ئېنگلىزتىلى ، مۇئەللىمنىڭ سۆزلىرى ... ھەممىسى پەقەتلا پات-پات خىيالىڭىزنى بۆلىۋىتىدىغان ئامىللار بولۇپ قالاتتى . مەسۇتنىڭ كىچىك ۋاقتىدىكى كۈنلەر مانا مۇشۇنداق ئۆتكەن . ئۇ دەل ئاف شالكې (ھازىر فېلتىنس دەپ ئاتىلىدۇ) توپ مەيدانى ئاستىدىلا چوڭ بولغان . گېرسېنكىرشىندا توپ ئوينايدىغان بالىلارنىڭ ھەممىسى شالكې04 كە بىرىشنى ئارزۇ قىلىدۇ ، مەسۇتمۇ بۇنىڭ سىرتىدا ئەمەس . ئۇنىڭ دەرىزە سىرتىدىكى مەيدانغا قاراپ خىيال سۈرۈشى باشقا ساۋاقداشلىرىدىن خېلىلا كۆپ ئىدى .
گېرسېنكىرشىندىكى بېرگېر فېلد (Berger Feld) مەكتىپى شۇ يەرلىك بالىلار تەرىپىدىن «ئۆزىل بىلەن نويېرنىڭ ئانا مەكتىپى» دەپ ئاتىلىدۇ . ھازىر بۇمەكتەپنىڭ گېرمانىيە پۇتبولچىلار بىرلەشمىسى ۋە شالكې04 بىلەن ھەمكارلىق مۇناسىۋىتى بار ، بىراق يىقىندا رائۇلنىڭ مۇناسىۋىتى بىلەن قايتىدىن تونۇلغىنى توغرا كىلىپ قېلىش . شۇڭا ئۇنىڭ كەچۈرمىشىگە نىسبەتەن ، مېنىڭ دېمەكچى بولغىنىم ئۆزىل شالكې04 نى قوغلاشقان . شالكې ساق 5 يىل ۋاقىتتا ئۇنى بايقىدى ، مەكتەپنىڭ پۇتبول مەيدانىدا ئەمەس بەلكى قىزىل ئاق ئېسسېننىڭ مۇسابىقە مەيدانىدا .
باشقا ھەممەيلەنگە ئوخشاش ، ئۆزىلنىڭمۇ ئۇنى تولۇق چۈشىنىدىغان بىر ئوقۇتقۇچىسى بار : پروففېسسور كرىستىئان كراببې -- 6 يىل ئۆزىلنىڭ سىنىپ مەسئۇلى بولغان . «مەن ئۈچۈن ئېيتقاندا ، ئەڭ مۇھىمى سىلەرنىڭ مېنى ئەسكە ئالالىغىنىڭلار ، ئەگەر مېنى ئەسكە ئالالىغان بولساڭلار ، بۇ مېنىڭ ئوقۇتۇشۇمنىڭ ئۈنۈمى بولغان بولىدۇ ، سىلەرمۇ بۇ يەردە ئۆتۈلىدىغان ئەڭ مۇھىم دەرسنى ئەسلىيەلەيسىلەر ، ئۇ بولسىمۇ مەڭگۈ پۇختا ھەم ئەستايىدىل بولۇش .» ھازىر رېئال مادرىددىك ئۆزىلدە ئۇنىڭ ئەينى ۋاقىتتىكى سىماسىنى كۆرگىلى بولماسلىقى مۇمكىن . ئۇ ۋاقىتتىكى مەسۇت ئەمدىلا كەپسىزلىكى ۋە ئۇياتچانلىقىنى تاشلاپ ، چولپانلىق يولىغا قەدەم تاشلىغان ئىدى . ھېرمان بۇ مەكتەپ بىلەن شالكې04 نىڭ ئالاقىچىسى ، مەسۇت بىلەن تونۇشقىلى 11 يىل بولدى . «ئۇ بەزىدە قاراشقا باشقىلار بىلەن پىكىر ئالماشتۇرۇشتا مەسىلە باردەك قىلىدۇ ، بەك ئۇياتچان ھەم بەك ئەدەپلىك . بۇلارنىڭ ھەممىسى سەزگۈر بالىلارنىڭ ئالاھىدىلىكى . دەرس ئارلىقىدا ئۇ داۋاملىق توپ تەپكىلى بارىدۇ ، دەرس ۋاقتىدىمۇ توپنى قۇچاقلاپ ئولتىرىدۇ . گەرچە ئۇنىڭ ئاتا-ئانىسى ئىنكار قىلغان بولسىمۇ ، مېنىڭە ئۇ ئۇخلىغاندىمۇ توپنى قۇچاقلاپ ئۇخلايدۇ . ئۇنىڭ ماڭا بەرگەن تەسىرى بىرلا : پۇتبولنى يۈكسەك ئىشتىياق بىلەن سۆيىدۇ .»
ئۇنى ناچار ئوقوغۇچى دېيىشكىمۇ بولمايدۇ . كاللىسىدا پۈتۈنلەي پۇتبول بولغىنى بىلەن ، ئائىلىسىدىكىلەر ئوقۇش جەھەتتە ئۇنىڭغا تەلەپ قوياتتى . مەسۇت ئەتىگەندىن كەچكىچە مايمۇن قەپىسىدە توپ ئوينايتتى ، ياكى كۇلۇبتا مەشىق قىلاتتى ، شۇڭا ئۇنى ياۋاشلىق بىلەن ئۆيدە ئولتۇرغۇزۇپ تاپشۇرۇق ئىشلىتىش ئۇنچىلىك ئوڭاي ئەمەس ئىدى . گەرچە مەسۇت خالىمىسىمۇ ، ئاپىسىنىڭ قاتتىق تەلىپى ۋە نازارىتى ئاستىدا ئۇ يەنىلا ئوقۇش ۋەزىپىسىنى تاماملىيالايتتى . پەقەت خەلقئارا شاھماتقىلا مەسۇت بىر سائەت توپ ئويناش ۋاقتىنى چىقىرىشنى خالايتتى . يامغۇر ياغقان ۋاقتىدا ، پروففېسسور كراببې بالىلارنىڭ مەيدانغا چىقىپ توپ تېپىشىنى خالىمايتتى ، شۇنىڭ بىلەن ئۇلارغا شاھمات ئويناشنى ئۆگەتتى . ئۆزىل ئۈچۈن ئىلىپ ئېيتقاندا . بۇ شاھمات ئويۇنى ئۇنىڭ توپ مەيدانىدىكى ئىلھامىنىڭ كېلىش مەنبەسى ، ئۇلارنىڭ تالانتى ۋە مەيداندىكى يۆتكىلىشىنىڭ ئاساسى ئىدى . ئۇ كەسىپ ھاياتىنىڭ باشلىرىدىكى بىر قىتىملىق زىيارەتتە بۇنى چۈشەندۈرۈپ :«توپ مەيدانى شاھمات تاختىسىغا ئوخشايدۇ ، ھەممە ئىش سىزنىڭ كونتروللىقىڭىزدا بولىشى كېرەك . يەنە توپنىڭ قەيەردە ، پىلنىڭ قەيەردە ، دۈشمەننىڭ قەيەردە ئىكەنلىكىنى ، قاچان ھۇجۇم قىلىپ قاچان مۇداپىيە قىلىش كېرەكلىكىنى بىلىشىڭىز كېرەك . بۇ پۇتبول بىلەن ئوپمۇ ئوخشاش ، قايسى سەپدىشىڭىزنىڭ ھازىرقى ئورنىنىڭ ياخشى ئىكەنلىكىنى ، قاچان كەينىگە قايتىشىڭىز كېرەكلىكىنى ، قاچان سۈرئەت تېزلىتىش كېرەكلىكىنى ، قانداق ۋاقىتتا ھېچنىمەگە قارىماي ئىتىلىش كېرەكلىكىنى بىلىشىڭىز كېرەك .» شۇنداق دېيىشكە بولىدۇكى ، مەكتەپ ھەقىقەتەن مەسۇتقا پۇتبولدىن سىرت نەرسىلەرنى ئۆگەتكەن ئىدى . ئۇنىڭ بۇ يەرگە قالدۇرغىنىمۇ خېلى كۆپ . ئۇ ھازىر مەكتەپتىكى مىڭلىغان بالىنىڭ ئارزۇسىدىكى شەخىس . بىز يەنىلا ئۇنىڭ ئوقۇتقۇچىسىدىن ماتېرىيال توپلىدۇق :«مەسۇت بىزنىڭ بارلىقىمىز . ئۇ بالىلارنىڭ ئۈلگىسى ، چۈنكى ئۇ ئاخىرىدا ئۆزىنىڭ ئارزۇسىنى ئىشقا ئاشۇرۇپ يۇقىرى دەرىجىلىك توپچى بولدى . ئەگەر ئۇنىڭ پەزىلىتى ياخشى بولمىسا (گەرچە توپ تېخنىكىسى ھەر قانچە ئېسىل بولسىمۇ) ئۈلگە بولالمايتتى . مانا بۇ ئۆزىل . بىر قىتىم دەرس ۋاقتىدا بالىلارنى تاپشۇرۇق ئىشلەتكۈزۈش ئۈچۈن ، مەسۇتغا تېلفون بەردىم ، مەسۇت تېلفوندا تۈركچە ، نېمىسچە ۋە ئىنگلىزچە ئۈچ تىلدا بالىلارغا ياخشى ئۆگىنىپ ئوقۇشىنى تاماملاشنى ئېيتتى . ئۆزىلنىڭ سۆزىنى ئاڭلىغاندىن كېيىن ، بالىلار ناھايىتى تىرىشىپ ئۆگىنىشكە باشلىدى . ئۆزىل قۇربانلىق بېرىش ، بىرىكىش ۋە ئاقكۆڭۈللۈكنىڭ سىمۋولى .»
مەسۇت پەقەت ئىمتېھاندىن قالمايتتى . مەيلى يۇقىرى نومۇر ياكى تۆۋەن نومۇر بولسۇن ، ھەممە پەندىن تولۇق ئۆتەلەيتتى . پۇتبول مەيدانىدا بولسا ، ئۇنىڭ تېخنىكىسىنىڭ ئىلگىرلىشى چوڭ قەدەملەر بىلەن بولاتتى . 2000-يىلى ، جۇغراپىيلىك ئورنىنىڭ يىقىن بولۇش سەۋەپلىك ، شالكې بۇ مەكتەپ بىلەن ھەمكارلىق توختامى ئىمزالىدى . بىراق بۇ چاغدا ئۆزىل ئۇلار تەرىپىدىن تاللىنىلماي ، قىزىل ئاق ئېسسېنغا باردى . ھېرمان :«ئۇ شالكې شۇ ۋاقىتتا تاللىغانلاردىن خېلىلا بەك ياخشى ئىدى ، مەن ئۇنىڭ نېمىشقا تاللانمىغانلىقىنى بىلمىدىم . مېنىڭچە بەلكىم شالكې ئۇنى تېخى كىچىك دەپ قارىغان بولسا كېرەك ، بىراق مەن دەرس ئارلىقىدا ئۇنىڭ دوستلىرى بىلەن توپ تەپكىنىنى كۆرۈپ بىشىم قىيىپلا كېتەتتى . ئۇنىڭ تېخىنىكىسى راستلا بەك ياخشى ئىدى ، مەن قاپقا باقساممۇ ئۇ يەنىلا شۇنداق ئويناۋىرەتتى .» دېدى .
ئۆزىل شالكېنىڭ ئۇنى چاقىرتمىغىنىغا شۇنداق تەمكىن تۇراتتى . راستنى ئېيتقاندا ئۇ قىزىل ئاق ئېسسېن ۋە مايمۇن قەپىسىدە توپ تەپكىنىگە قەۋەتلا خۇشال ئىدى ، ئۇ داۋاملىق توپ ئويناپ ئايرىلغۇسى كەلمەيتتى ، بىراق بىر كۈنى دادىسى راستلا ئاچچىقلاندى . ئىزچىل پۇتبولغا ئاشىق بولۇپ ئۆزىنى تارتالمىغان مەسۇت ، بىر قىتىملىق كوماندىنىڭ مۇھىم مۇسابىقىسىدىن 6 سائەت بۇرۇن دوستلىرى بىلەن توپ ئوينىغىلى كەتتى . «مۇسابىقە چۈشتىن كېيىن ئىدى ، ئۇ دوستلىرى بىلەن ساق يېرىم كۈن توپ ئويناپتۇ . مەن ئۇنى ئوينىما ، مۇسابىقىدىن بۇرۇن ياخشى ئارام ئال دېسەم گېپىمنى ئاڭلىماي قىچىپ كېتىپتۇ . ئاقىۋەتتە چۈشتىن كېيىنكى مۇسابىقىدە ئۇ ھېرىپ ھالىدىن كەتتى ، پەقەتمۇ يۈگۈرەلمىدى . شۇنىڭ بىلەن مەن بېرىپ ترېنېرغا ئۇنىڭ يېرىم كۈن توپ ئوينىغىنىنى ، كېيىنكى مەيداندا ئۇنى ئالماشتۇرۇپ چۈشۈرىۋىتىشنى ئېيتتىم .» مۇستافا شۇنداق دېدى . بۇ ھېكايە ھازىر تىلغا ئېلىنسا قىززىق تۇيۇلىدۇ ، بىراق ئەينى ۋاقىتتا مۇستافانىڭ راستلا قاتتىق ئاچچىقى كەلگەن ئىدى .
گەرچە مەسۇت ئۆزى پەقەت ئويلىمىدىم دېگەن بىلەن ، ئۇ كۈتكىلى ئۇزۇن بولغان پەيت ئاخىرى 2005-يىلى ئىيۇندا يىتىپ كەلدى ، ئۇ يىلى ئۇ 16 ياش ئىدى . مەسۇت قىزىل ئاق ئېسسېننىڭ كىيىمىنى كىيگەن 18 ياشلىقلار بىرلەشمىسىدىكى تۇنجى مەيدان مۇسابىقىسىدىن كېيىن ، شالكې ياشلار مەشىق بازىسى باش نازارەتچىسى شۇرتېر :«بىز سېنىڭ بىز بىلەن بىللە توپ تېپىشىڭنى ئۈمۈد قىلىمىز .» دېدى . بۇ سۆز مەسۇتنىڭ قۇلىقىغا غايىپتىن كەلگەندەكلا ئاڭلاندى ، مەسۇت ئارزۇسىغا كۈنسىرى يېقىنلىشىۋاتاتتى .
مەسۇتنىڭ ھاياتى يېڭى باشقۇچقا كىردى . مۇستافامۇ دەرھاللا ھەركەتكە كېلىپ ، بىر ھەپتە ئىچىدىلا ۋاستىچى ئىزدەپ تاپتى . مۇستافا توختاملىشىشتا تەشەببۇسكار ئورۇندا تۇرماقچى ئىدى ، بىراق شالكېنىڭ مەسۇت ئۈچۈن تەييارلىغان توختامى ئۇنى ھەيران قالدۇردى :«بىز مەسۇتنىڭ ئىككىنچى كوماندىغا كىرىشىنى ئويلىشىۋاتىمىز .» ئارانلا 16 ياشتىكى بالىنىڭ ئىككىنچى كوماندىغا كىرىشى ، گېرمانىيە بىرلەشمىسىنىڭ يىراقتا ئەمەسلىكىدىن دىرەك بېرەتتى .
ئاف شالكې مەيدانى ئىشخانىسىغا بارغان تۇنجى كۈنى ھازىرمۇ مەسۇتنىڭ ئېسىدە تۇرۇپتۇ . ئۇ لوڭقىلار تىزىلىپ كەتكەن كارىدوردىن ئۆتكەندە ، ئۆزىنىڭ نەقەدەر كىچىك ھېس قىلاتتى . ئۇ يەر ئىلگىرىكى ھېچقانداق كۇلۇبقا ئوخشىمايتتى . بۇ يەر باشقا قىلچە سۈر-ھەيۋىسى يوق رەئىسلەر قولىدىكى كۇلۇبلارنىڭ ئىشخانىسىغا ئوخشىمايتتى . شالكېنىڭ كارىدورلىرى ناھايىتى جىمجىت ، ئۇ دادسى ۋە ۋاستىچىسى بىلەن بۇ يەرگە كىرىپ كەلدى ، بۇ ئۆزىل ۋە پۇتبولنىڭ يېڭى دۇنياسى ئىدى .
4-باپ تامام !!
---------------------------------------------------------------
5-باپ : تۇنجى قىتىملىق زىيارەت
ئوخشىمايدىغان ئۈچ كىشى دېيىشىپ قويغاندەكلا ، ئۆزلىرىنىڭ بىر «قىزىلچا» غا بولغان كۆز قارىشىنى ئوتتۇرىغا قويدى ، بۇ 2006-يىلى يانۋاردىكى ياشلار خەلقئارا مۇسابىقىسى ۋاقتى ئىدى . بۇ ئۈچەيلەننىڭ باھاسى مەسۇتنىڭ دەسلەپ شالكېغا قوشۇلغان ۋاقتىدىكى باشقىلارنىڭ كۈتكەن ئۈمۈدىنىڭ يارقىن نامايەندىسى بولدى . بىرىنچى باھا ئۇلى ستىلىكنىڭ ، سابىق رېئال مادرىد ئەزاسى ، شۇ ۋاقىتتىكى گېرمانىيە ياشلار كوماندىسىنىڭ ترېنېرى . «بۇ يەردە قايسى توپچىنىڭ ئەڭ ئالاھىدە ئىكەنلىكىنى سورامسىز ؟ بۇنى دېيىش كەتمەيدۇ ، ئەنە شۇ شالكېنىڭ 11-نومۇرى . ئۇ ھەقىقەتەن قالتىس ، سەۋىيسىمۇ ناھايىتى ياخشى . ئۇ يەنە تۈركىيە دۆلەت تەۋەلىكىدە ئىكەن ، مەن گېرمانىيە پۇتبولچىلار بىرلەشمىسىنىڭ ئۇنى قولغا كەلتۈرىشىنى ئۈمۈد قىلىمەن .» ئىككىنچىسى لېف ، ھازىرقى گېرمانىيە كوماندىسىنىڭ باش ترېنېرى :«بۇ يەردە 2010-يىللىق دۇنيا لوڭقىسىغا قاتنىشىش يوشۇرۇن كۈچى بار مايسىلار بار ئىكەن ، بولۇپمۇ بۇ بالا .» ئۇنىڭ كۆرسەتكىنى ئۆزىل ئىدى . ئۈچىنچىسى ، ئۆزىل ئۆزى . بۇ قىتىملىق مۇسابىقىلەر پۈتۈنلەي ئاياغلاشقاندىن كېيىن ، ئۇ ھاياتىدىكى تۇنجى قىتىملىق تېلېۋىزىيە زىيارىتىنى قوبۇل قىلىپ :«مەن ھازىرلا شالكې كوماندىسىدا توپ تېپىدىغان بولدۇم .» دېدى .
بۇ بىر قىتىملىق ياشلار بىرلەشمىسىنىڭ قىشلىق ئارام ئىلىش مەزگىلىدە ئۆتكۈزۈلگەن مۇسابىقە بولۇپ ، مۇسابىقىگە قاتناشقان كوماندىلارنىڭ ئىچىدە گېرمانىيەدىكى ئەڭ كۈچلۈك بىر نەچچە كوماندىلاردىن سىرت يەنە دۆلەت سىرتىدىكى بەزى كوماندىلارمۇ بار ئىدى . ئەمەلىيەتتە بۇ بىر قىتىملىق زور كۆلەمدىكى ياش توپچىلار كۆرگەزمىسى ھېسابلىناتتى . ھەر قايسى زەردار چوڭ كۇلۇبلار ۋەكىل ، ترېنېر بايقىغۇچى ۋە توپچىلارنى ئەۋەتىپ مۇسابىقىنى كۆزىتەتتى . بۇ مۇسابىقە يەنە پۈتۈن دۆلەت ئىچىدىمۇ تېلېۋىزوردا تارقىتىلاتتى . ئىسپانىيەدىمۇ بۇنىڭغا ئوخشاش مۇسابىقە بار ، بۇ مۇسابىقە برۇنېتېدا ئۆتكۈزىلىدۇ . بىراق مۇسابىقىگە قاتناشقانلارنىڭ ھەممىسى كەسپىي توپچىلار ، بۇلارنىڭ گېرمانىيە بىرلەشمىسىگە يۆتكىلىش ئىمكانىيتىمۇ بار .
بۇ مۇسابىقىنىڭ شەكلى ناھايىتى ئاز كۆرۈلىدۇ . زال ئىچىدە ئوينىلىدۇ ، سۈنئىي چىم مەيدان ، 7 كىشىلىك مەيدان چوڭلۇقىدا ، يان سىزىق ۋە ئاساسىي سىزىق يوق . بۇنداق مۇسابىقىنىڭ رىتىمى ئەسەبىيلەرچە بولىدۇ ، ئاساسەن ئەزالارنىڭ ئالدى كەينىگە توختىماي يۈگۈرىشىگە توغرا كېلىدۇ . مەيدان يان تەرىپىدىكى ئېلان تاختىسى ئاساسىي سىزىققا ئوخشايدۇ ، ئەزالار ئۇنىڭدىن پايدىلىنىپ رەقىبىدىن ئۆتسە بولىدۇ . بۇ قىتىملىق مۇسابىقىگە قاتناشقان كوماندىلار ئاساسەن مۇشۇ رايوندىن كەلگەن . مەسۇتقا ئوخشاش مەيمۇن قەپىسىدە توپ تېپىپ چوڭ بولغان بالا ، بۇ يەردە سۇدىكى بېلىقتەكلا تەڭداشسىز بولۇپ كېتىدۇ . ئاخىرىدا ئۇ بۇ قىتىملىق مۇسابىقىدىكى ھەممە مۇكاپاتلارنى قولغا كەلتۈردى . ئۇ ئەڭ مۇنەۋۋەر توپچى ، مەرگەنلەر شاھى بولۇپ باھالاندى ، ئاز دېگەندىمۇ بەش توپ كىرگۈزدى ، برېمېن بىلەن بولغان نوقتا توپ جېڭىدىمۇ توپ كىرگۈزدى ، يەنە چېمپيونلۇققا ئېرىشتى . مۇسابىقىدىن كېيىن ، تېلېۋىزىيە ئىستانسسىنىڭ سىنغا ئېلىش ئاپاراتى ئۇنىڭغا توغىرلاندى ، بىر پۇتبول تەنھەركەتچىسى بولۇش سۈپىتى بىلەن ، مەسۇت ھاياتىدىكى تۇنجى قىتىملىق تېلېۋىزىيە زىيارىتىنى قوبۇل قىلدى .
سۇئال : چېمپيون بولغىنىڭىزنى تەبرىكلەيمەن .
جاۋاپ : رەھمەت .
س : سىز ھازىر تۈركىيە نوپوسى ئىكەنسىز ، قاچان گېرمانىيە دۆلەت تەۋەلىكىگە ئۆتىسىز ؟
ج : ئىككى ئايدىن كېيىن بولىشىش مۇمكىن ، شۇ ۋاقىتتا پۈتىدۇ .
س : تۈركىيە ئۈچۈن توپ تېپىشنى ئويلىشىپ باقتىڭىزمۇ ؟
ج : ھازىر مېنىڭ گېرمانىيە ياشلار كوماندىسى ئۈچۈن توپ تەپكۈم بار . تۈركىيەگە كېيىنچە بىر گەپ بولسۇن . گېرمانىيە 18 ياشلىقلار كوماندىسى مېنى فرانسىيە بىلەن بولغان مۇسابىقىگە چاقىردى . شۇ ۋاقىتتا توپ ئۇرالامدىم قاراپ باقايلى .
س : لوڭقا ئالغاندىكى ھېسىياتىڭىز قانداق بولىۋاتىدۇ ؟
ج : ئىنتايىن ياخشى . بۇ مېنىڭ شالكېدا ئالغان تۇنجى لوڭقام . بۇ يەردە كۈچلۈكلەر كۆپ ئىكەن ، شۇڭا مەن بەك خۇشال .
س : سىز يەنە 5 توپ كىرگۈزۈپ ئالتۇن ئاياققا ئېرىشتىڭىز .
ج : بىلىمەن . مەن بۇنىڭدىن بەك خۇشال بولدۇم . بىراق مۇھىم ئىش يەنىلا بىزنىڭ لوڭقىغا ئېرىشكەنلىكىمىز . ئەلۋەتتە ، 5 توپ كىرگۈزۈش ناھايىتى ياخشى .
س : سىزنىڭچە سىز شالكې بىرىنچى سەپ كوماندىسىغا كىرەلەمسىز ؟
ج : ئەلۋەتتە ، مەن ھازىر كىرەلەيدىغان بولدۇم . بۇ پەسىل ئاخىرىدىلا رەسمىي قوشۇلۇشىمنى ئۈمۈد قىلىمەن .
ئۆزىلنىڭ گېرمانىيە ئا دەرىجىلىكلەر بىرلەشمىسىگە چىققان يول ناھايىتى ئوڭۇشلۇق بولغان . بۇرۇنقى شالكېغا قىتىلىشتىن ئەنسىرەيدىغان ۋاقىتلار تارىخقا ئايلاندى . ھازىر بۇ بالىنىڭ نەزىرىدە بىرلا نىشان بار : 17 ياشتا بىرىنچى سەپ كوماندىسىغا ئۆرلەش .
ئۆتكەن 5 ئاي ئىچىدە ، مەسۇت ئالەمشۇمۇل ئۆزگىرىشلەرنى باشتىن كەچۈردى . پەسىل ئىلگىرىدىكى مەشىق ئۇنىڭ ئۈچۈن ئازابلىق كەچۈرمىش بولدى ، چۈنكى مەشىقلەر بەك ئىغىر ئىدى . بىراق مەسۇت ئاخىرىدا تىرمىشىپ نوبېرت ئېلگېرتنىڭ تەلىپىنى ئورۇندايتتى ، ئۇ مەسۇتنىڭ شالكېدىكى تۇنجى ترېنېرى ئىدى . مەسۇتنىڭ بەدىنىنى كەسپىي توپچىلار بىلەن سېلىشتۇرۇشقا بولمايتتى ، لېكىن ئۇ يەنىلا ئۇلار بىلەن بولغان بەدەن سۈركىلىشكە بەرداشلىق بېرەلەيتتى . «ئۇ باشتا كەلگەن ۋاقىتلاردا داۋاملىق يىقىلاتتى ، باشقىلار بىلەن ئازراقلا سوقۇلۇپ كەتسىلا يىقىلىپ چۈشەتتى . بىراق ئۇ ناھايىتى تېزلا بەدەن تىركىشىشىگە ماسلىشىپ كەتتى . تىلغا ئېلىشقا توغرا كەلسە ، مەسۇت توپ مەيدانىدا ناھايىتى پاراسەتلىك ئىدى ، پۇتبول جەھەتتە ئۇنىڭ ئالاھىدە تالانتى بار .» ياشلار كوماندىسىنىڭ ترېنېرى شۇنداق دېدى .
ئۇنىڭ دەسلەپكى ۋاقتى ئەمدىلا رېئال مادرىدقا يۆتكەلگەنكى ۋاقىتقا ئوخشاش بولدى ، ئادەتتە ، 16 ياشلىق پۇتبولچى بىر كوماندىغا يۆتكەلگەندىن كېيىن بىر مەزگىللىك ماسلىشىش مۇددىتى بولىدۇ . كۆپ ھالدا باشقىلار ئۇلارنىڭ مەيداندىكى ئىپادىسىنىڭ ناچار بولىشىنى بۇ سەۋەپ بىلەن باغلايدۇ . يۆتكىلىش بىلەن مەيداندىكى ئىپادىنىڭ مۇناسىۋىتىنى ، پەقەت پۇتبول ساھەسىدىكى كىشىلەرلا چۈشىنىدۇ . بىراق مەسۇت بۇلارنىڭ بىرسى ئەمەس .
ئۇ تېخى ئىككى ئاي ئىلگىرىلا ئۆزىنىڭ يېڭى تۇرمۇش رېتىمىنى باشلىغان . سەپداشلىرى ، ترېنېر ، كىيىم-كېچەك ، ئۆگىنىش ئادىتى قاتارلىقلارنىڭ ئۆزگىرىشى ، ياكى تاراتقۇلارنىڭ بەزى خەۋەرلىرى قاتارلىق ئامىللارنىڭ ھەممىسى ئۆزىلنىڭ پۈتۈن زېھنى بىلەن رەسمىي بىر پۇتبول تەنھەركەتچىسى بولۇشىغا تەسىر كۆرسىتىشى مۇمكىن ئىدى . ئەمەلىيەتتە مەنمۇ ئۇنىڭ مەيدان سىرتىدىكى ئامىللارنىڭ تەسىرىگە ئۇچرىغان-ئۇچرىمىغانلىقىدىن گۇمان قىلىمەن . 16 ياشلىق يەر شارىدىكى بىر بالا ئىككى ئاي ئىچىدىلا مارىس ئادىمىگە ئايلانسا ئۇ ئۆزىمۇ غەلىتىلىك ھېس قىلىدىغاندۇ ھە ، كۈندۈزدە ئوقۇشقا بارماي مەشىقكە بارسا ، كۈچ كىرگەندە ئاندىن شەخسىي ئوقۇتقۇچىنى ئىزدەپ ئۆگىنىش قىلسا ، بەش ئاي ئىچىدىلا ئۈچ ۋاستىچى ئالماشتۇرسا ، بىراق بۇلار مەسۇتنىڭ پۇتبولغا بولغان مۇھەببىتىگە قىلچە تەسىر كۆرسەتمىدى . «ئۇ توپ تەپكەندە يەنىلا كىچىك بالىغا ئوخشايدۇ . ئۇ توختام ، ترېنېر ۋە تارتقۇلارنىڭ بىسىمىغا پەرۋا قىلمايدۇ . توپ مەيدانىغا مۇسابىقە ئوينىغاندا بۇ يەرنىڭ نوۋكامپ ياكى بېرنابۇ ياكى مايمۇن قەپىسى ئىكەنلىگى بىلەن ھېسابلىشىپ ئولتۇرمايدۇ ، ئۇ ھەمىشە شۇنداق ئىغىر بىسىق ھالدا ئۆزىنىڭ توپ تېپىشى بىلەن بولىدۇ .» مۇستافا ماڭا شۇنداق دېدى . بۇ ياۋرۇپا چېمپيونلۇق بىرلەشمىسىدىكى مېھمان مەيداندا دورتمۇند بىلەن بولغان مۇسابىقە ۋاقتى ئىدى ، ئۇ ۋاقىتتا مەن بۇ كىتابنىڭ باش پېسوناژىنىڭ دەسلەپكى ھايات مۇساپىسىنى مۇئەييەنلەشتۈرىۋاتاتتىم .«مەيلى يېڭىدىن ياشلار كوماندىسىغا قوشۇلغان ۋاقتىدا ياكى كەسپىي توپچى بولغان دەسلەپكى مەزگىللەردە ، ئۇ توپ مەيدانىدا قەتئىي جىددىيلەشمەيتتى .» مۇستافا ئەسلەپ شۇنداق دېدى .
2005-يىلى 21-ئاۋغۇست ، مەسۇت شالكېدىكى تۇنجى مەيدان مۇسابىقىسىنى ئوينىدى . رەقىبى قىزىل ئاق ئالىن ئىدى ، نەتىجىدە كۆك كىيىملىك قوشۇن 3-2 بىلەن غەلبە قىلدى ، مەسۇتمۇ توپ كىرگۈزدى . ئۇ كۈنىدىكى مۇسابىقىگە قاتناشقان 30 بالىنىڭ ئارىسىدا ، پەقەت ئۈچىلا كېيىن يۇقىرى دەرىجىلىك بىرلەشمىگگ كىرەلىدى : مەسۇت ، ھازىرمۇ شالكېدا توپ تېپىۋاتقان خوۋېدېس يەنە بىرسى گروس كرۇس . ئۇ كۈنكى قىزىل ئاق ئالىن كىرگۈزگەن ئىككىلىي توپنى گروس كرۇس كىرگۈزگەن ، ئۇ ھازىر دورتمۇند كوماندىسىدا توپ تېپىدۇ ، ئۇلارنىڭ رېئال مادرىدنى شاللىۋەتكىنىگە ئۇزۇن بولمىدى . گەرچە ياشلار كوماندىسى گېرمانىيە بىرلەشمىسىدىن بىر قەدەملا يىراق ھېسابلانسىمۇ ، بۇ بىر قەدەم نۇرغۇن كىشىلەر ئۈچۈن ھالقىپ ئۆتكىلى بولمايدىغان ھاڭ بولۇپ قالاتتى .
بىراق ئۆزىلنىڭ ئۆسۈپ يىتىلىش مۇساپىسىگە قارايدىغان بولساق ، ھەقىقەتەن ھەم ئەركىن ھەم ئازادە ئىدى . ئۇ توختىماي دەرىجە ئاتلايتتى ، ھەم پەقەتلا ئاساسلىق ئورۇندىن ئەنسىرىمەيتتى ، قەيەرگە بارسا شۇ يەرگە ئىزىنى قالدۇرۇپ قوياتتى . ئەزەلدىن زاپاس ئەزالار ئورۇندۇقىدا ئولتۇرۇپ باقمىغان بۇ بالا ، مۇشۇنداقلا شالكې 19 ياشلىقلار كوماندىسىغا كەلدى . خوسې ئانتىنىئو كاماچونىڭ داڭلىق سۆزى بويىنچە ، مەسۇت ياشلار كوماندىسى ئۈچۈن يېڭى ئىشىك ئاچتى . ئۇ شالكې ياشلار كوماندىسى ئۈچۈن چىققان 13 مەيدان مۇسابىقىدە 12 توپ كىرگۈزۈپ ، بۇ كانچىلار كوماندىسىنىڭ كەلگۈسى چولپىنى بولۇپ قالدى . تاراتقۇلارمۇ ئۇنى «شالكې ئوغلى» دەپ ئاتاشتى ، بۇ نام پۈتۈن گېرسېنكىرشىننى قاپلىدى . ياشلار بىرلەشمىسىنىڭ تۇنجى كۈنى ، ئاران 100 كۆرۈرمەن نەخ مەيدانغا كەلگەن ئىدى ، 10-مەيدان مۇسابىقىغا كەلگەندە بۇ سان 300 گە يەتتى . ئاخىرقى بىر نەچچە كۈنلىرى ، بۇ كىچىككىنە مەيداندا مىڭلىغان توپ مەستانىلىرى ئۇنىڭ توپ تەپكىنىنى كۆرگىلى كىردى . 11-نومۇرلۇق كىيىم كىيگەن مەسۇت مەستانىلارنىڭ قىزغىنلىقىنى ھېس قىلدى ، ھاياتىدا تۇنجى قىتىم كىشىلەر ئۇنىڭ ئىمزاسىنى تەلەپ قىلدى .
ئۇ يەنە بىر ئالتۇن كاكىلايدىغان غاز ھېسابلىناتتى . ۋاستىچىلارمۇ ئۇنىڭ ئۈچۈن مۇلازىمەت قىلىشنى خالايتتى ، شۇڭا ئۇ شالكېدىكى ئالدىنقى بەش ئاي ئىچىدە ئۈچ قىتىم ۋاستىچى ئالماشتۇرۇپ بولدى . مەسۇت ھەر بىر ۋاستىچىلارنىڭ چۈشىدىمۇ توختاملىشىشنى ئويلايدىغان ئادىمى ، ئۇنىڭ ھەرخىل ماركىلارغا ئوبراز ۋاكالەتچىسى بولۇشى ، بايرىن بىلەن دورتمۇندنىڭ ئۇنى قوشۇۋىلىشى ، ھەر ھەپتىدىكى تاراتقۇلارنىڭ زىيارەت قىلىشى قاتارلىقلاردىن پايدىغا ئېرىشەلەيتتى ، يەنە نۇرغۇن قىزلارمۇ ئۇلار بىلەن ئۇچرىشىشنى تەلەپ قىلاتتى . ئۇنىڭ ئائىلىسىدىكىلەر ، بولۇپمۇ ئاتا-ئانىسى بۇ ئىشلار سەۋەپلىك كاللىسى قىيىپ كەتمىدى . ئۇلار ئانچە تونۇلمىغان بىر ۋاستىچىنى تەكلىپ قىلدى ، رېزا فازلى ، ئۇ پۇتبولدىن سىرت ھېچقانداق ئىشنى ئويلاشمايدىغانلىقىنى بىلدۈردى . شۇڭا ئۈچ قىتىملىق مەغلۇبىيەتتىن كېيىن ، تۆتىنچى قىتىم ئاخىرى ئۇنى ۋاستىچى قىلىپ بىكىتتى ، مۇستافا ئۆزى ئەڭ ياخشى نازارەتچى ئىدى .
مەسۇتنىڭ قالتىس ئىپادىسى شالكې04 نىڭ باش ترېنېرى مىركو سلومكانىڭ دىققىتىنى تارتتى ، ئۇ پات-پات بىرىنچى سەپ كوماندىسىغا بېرىپ مەشىقكە قاتنىشاتتى . بىراق 19 ياشلىقلار كوماندىسىدىكى ياخشى ھالىتىدە ئۇ ۋاقتىنچە بىرىنچى سەپ كوماندىسىغا چىقالمايتتى . چۈنكى ئۆتكەنكى بىر نەچچە يىللاردا ، شالكې ياشلار كوماندىسىنىڭ يادرولۇق ئەزالىرى بىرىنچى سەپ كوماندىسىغا چىقىپ كەتكەچكە ، ياشلار كوماندىسىنىڭ نەتىجىسى ناھايىتى ناچار بولۇۋاتاتتى .
ياشلار بىرلەشمىسى ماي ئىيىدا ئاخىرلاشتى ، مەسۇتمۇ ئەڭ مۇنەۋۋەر ئەزا بولۇپ باھالاندى . مۇكەممەل دېيىشكە بولىدىغان بىر مۇسابىقە پەسلىدىن كېيىن ، شالكې دۆلەتلىك لەۋھە مۇسابىقىسىنىڭ يېرىم ھەل قىلغۇچ مۇسابىقىسىگە بۆسۈپ كىردى ، ئۆزىل ئاساسلىق تۆھپىكار ئىدى . ئۇ كوماندىنىڭ 19 مەيدان يەڭگەن 5 مەيدان تەڭلەشكەن 2 مەيدان يېڭىلگەن بۇ نەتىجىسى بۈگۈنگە قەدەر ئەڭ يۇقىرى نومۇر رېكورتىنى ساقلاپ كەلمەكتە . مەسۇت جەمئىي 26 مەيدان مۇسابىقىدە 25 قىتىم ئاساسلىق ئەزا بولۇپ مەيداغا چىقىپ ، 14 توپ كىرگۈزۈپ 13 ياردەم پاس بەردى .
ھازىر شالكې04 نىڭ بۇ 11-نومۇرى ھاياتىدىكى تۇنجى چوڭ سىناققا دۇچ كەلدى : دۆلەتلىك لەۋھە مۇسابىقىسىنىڭ ھەل قىلغۇچ مۇسابىقىلىرى . كۆك كىيىملىك شاكىچىلەرنىڭ ئالدىدا ئۈچ مەيدان مۇسابىقە بار ئىدى . يېرىم ھەل قىلغۇچ مۇسابىقە قوش مەيدان ، ھەل قىلغۇچ مۇسابىقىدە بولسا بىر مەيدانىدىلا چېمپيون ئايرىلاتتى . ئۇلار ئاۋۋال بېرلىن ھېرتاغا دۇچ كەلدى . تۇنجى ئۇچرىشىش ئېچىنىشلىق ئاخىرلاشتى ، ئىغىر بىسىم ئاستىدا قالغان شالكې ئەزالىرى مېھمان مەيداندا 2-0 مەغلۇپ بولدى ، ھازىر ماينز05دە توپ تېپىدىغان نېگىرىيە ئۇرۇقى بار گېرمانىيە ھۇجۇمچىسى چىنېدۇ ئېدې ئىككى توپ كىرگۈزدى (23-90-مىنۇتلاردا) . بىراق كېيىنكى ئۇچرىشىشتا ، مەسۇت ئۆزىل ئىسىملىك بىر بالا ۋەزىيەتنى بىراقلا ئۆزگەرتتى . شالكې 3-0 نەتىجە بىلەن رەقىبىنى يېڭىپ ھەل قىلغۇچ مۇسابىقىگە كىردى ، ئۇلارنى ساقلاپ تۇرغىنى بايرىن بولدى . مەسۇت گەرچە ئۇ مەيدان مۇسابىقىدە توپ كىرگۈزمىگەن بولسىمۇ ، كىرگەن ئۈچ توپنىڭ ئىچىدە ئىككىسىگە ئۇ ياردەم پاس بەرگەن ئىدى .
ھەل قىلغۇچ مۇسابىقە گېرسېنكىرشىندىكى خاسېل1919 نىڭ مەيدانىدا ئۆتكۈزۈلۈپ ، 7000 دىن ئارتۇق تاماشىبىن ئەڭ كۈچلۈك بۇ ئىككى ياشلار كوماندىسنىڭ تىركىشىشىنى كۆرگىلى كەلگەن ئىدى . بۇ مەيدان مۇسابىقە ئۆزىل ئۈچۈن ھاياتىدىكى ئەڭ مۇھىم مۇسابىقە ھېسابلىناتتى . بىراق ئۇنىڭ ھەل قىلغۇچ مۇسابىقىدىكى سالماق ئىپادىسىغا قارىغاندا ، بىسىم ، مەسئۇلىيەت قاتارلىق نەرسىلەرنىڭ ئۇنىڭدا مەۋجۇت ئەمەستەك قىلاتتى . يېرىم ھەل قىلغۇچ مۇسابىقىگە ئوخشاش ، ئۇ پىسانو بىلەن بونېشقا ياردەم پاس بېرىپ ، شالكېنى يىتەكلەپ 2-1 نەتىجە بىلەن رەقىبىنى مەغلۇپ قىلدى . ئۆزىلمۇ ھەل قىلغۇچ مۇسابىقىدىكى (ئەڭ قىممەتكە ئىگە توپچى) ۋە دۆلەتلىك مۇنەۋۋەر توپچى بولۇپ باھالاندى . بۇنىڭ بىلەن ياشلار كوماندىسىدىكى ھاياتىغا مۇكەممەل بىر چىكىت قويدى .
5-باپ تامام !!!
---------------------------------------------------------------
6-باپ : ئون يەتتە ياشلىق تايانچ
ھېچكىم مەسۇت ئۆزىلگە كوماندا تايانچىسىنىڭ قانداق بىسىملارغا دۇچ كېلىدىغانلىقىنى ئېيتىپ بەرمەيتتى . بىر نەپەر پۇتبولچى بولۇش سۈپىتى بىلەن ، ئۇ ھەر ۋاقىت بىر قەدەمنى خاتا ئالسىلا ئارزۇلىرىدىن خوشلىشىشى مۇمكىن ئىدى ، شۇڭا ئۇ ئۆزىمۇ قەيسەر ھەم ئېھتىياتچان بولۇشنى ئۆگىنىۋاتاتتى . ئىلگىرى مەيلى قايسى كۇلۇبتا بولسۇن ، ئۇ ھەممىنىڭ گۆھىرى ئىدى ، بىراق ھازىر بۇ كىيىم ئالماشتۇرۇش ئۆيىدە ئۇنىڭ بۇنداق تەمىناتى «بوغۇزلۇنۇپ» كەتكەن ئىدى . ئۆزىل دەسلەپ كەلگەن ۋاقىتتىمۇ ، ترېنېر ئوچۇق قىلىپ ئۇنىڭ كىچىك بالا تەربىيلەشكە ۋاقتى يوقلىقىنى ، مەقسىتىنىڭ چېمپيون كوماندىسى قۇرۇش ئىكەنلىكىنى ئېيتقان ئىدى .
مۇشۇنداق شارائىتتا ، مەسۇت بىرىنچى سەپ كوماندىسىنىڭ كىيىم ئالماشتۇرۇش ئۆيىگە كىردى . ئۇ تېخىچە يازدىكى خۇشال پەيتلەرنىڭ خۇشاللىقىدىن ئۆزىنى تولۇق تارتالمىغان بولۇپ ، يۈزلىنىش ئالدىدىكى بىسىمنى قەتئىي ھېس قىلمىدى . ئۇ يىلى دۇنيا لوڭقىسى پۇتبول مۇسابىقسى ئۇنىڭ يۇرتىدا ئۆتكۈزۈلدى . ئۇمۇ ياشلار بىرلەشمىسى چېمپيونلىقىغا ئېرىشكەندىن كېيىن ، ئۆزىنىڭ تۇنجى كەسپىي توختامىنى ئىمزالىدى . ئەمەلىيەتتە بۇ توختام ئۇنىڭ ياشلار كوماندىسى بىلەن قىلغان توختامىنىڭ ئۇزارتىلمىسى بولۇپ ، ئۈستىگە بىرىنچى سەپ كوماندىسىدىكى تەمىناتى ۋە مائاشى قاتارلىقلار قوشۇلغان ئىدى . ئۇ ئۆزىمۇ ئاللىبۇرۇن تۇنجى مائاشنى قانداق خەجلەشنى ئويلىشىپ قويغان بولۇپ ، ئۇنى پىراۋا ئېلىشقا ئىشلەتتى ، يەنە ئۆيىنى قايتا بېزىدى . بۇ ئۇنىڭ كەسپىي توپچى بولغاندىن كېيىنكى ئائىلىسىدىكىلەرگە بەرگەن تۇنجى سوۋغىسى بولدى . ئۇزۇن ئۆتمەي ، ئۇلار يەنە ماشىنا ئالدى .
بۇ ياز مەسۇت ئاران يېرىم ئايلا ئارام ئالدى . ئىيۇن ئىيىنىڭ ئوتتۇرىدا ياشلار كوماندىسىنىڭ مەشىقى ئاخىرلىشىپ ، ئۇ ئىيۇلدىغا بىرىنچى سەپ كوماندىسىغا باردى . ياشلار كوماندىسىدىكى چۈش كەبى بىر پەسىل پۈتۈن گېرسېنكىرشىندە غۇلغۇلا قوشغىغاندىن كېيىن ، باش ترېنېر مىركو سلومكا بىرىنچى سەپ كوماندىسىدا ئۇنىڭ ئۈچۈن ئورۇن چىقىرىشى كېرەك ئىدى . بىراق كېيىن سېپى ئۈزۈلمىگەن قوغۇننىڭ تەمى بولمايدۇ دېگەندەك ئىش يۈز بەردى . ئۆزىل بىرىنچى سەپ كوماندىسى بىلەن ئېنگلاندقا بەدەن قىزىتىش مەشىقىگە بېرىپ ، كەسپىي پۇتبولچى بولغاننىڭ تۇنجى تەمىنى تېتىدى . بۇ بالا تېخى 15 ئاي بۇرۇنلا خېلمۇت شۇلتې تەرىپىدىن شالكې ياشلار كوماندىسىغا ئىلىپ كىلىنگەن . بۇنىڭغا ھېچكىمنىڭ ئىشەنگۈسى كەلمەيتتى .
بىراق كەسپىي پۇتبول ھاياتىنىڭ باشلانمىسى ئۇنچىلىك لەززەتلىك بولمىدى . ئۆزىل ۋە شالكې يۇقىرى قاتلاملىرىنىڭ ئويى مىركو سلومكا بىلەن چوڭ پەرقلىق ئىدى . يۇقىرى قاتلامدىكىلەر بۇ بالىنىڭ تالانتىغا تولۇق ئىشىنەتتى ، ئۇلار بىلەن مەسۇتنىڭ قارىشىچە ئۇ فېلتىنس توپ مەيدانىنىڭ چولپىنى ئىدى . ئۆزىل ئىلگىرى مەيلى قەيەردە بولۇشتىن قەتئىينەزەر كوماندىنىڭ مۇتلەق يادروسى بولغاچقا ، تەبئىيلا شالكېدىكى ھەر ھەپتە ئاخىرىدىكى گېرمانىيە بىرلەشمىسىدە شۇنداق مۇئامىلىگە ئۇچراشنى ئارزۇ قىلاتتى . پەسىل ئالدىدىكى بەدەن قىزىتىش مۇسابىقىلىرىدە ئۇنىڭ ئىپادىسى تەلەپكە توشتى ، بىراق ترېنېر مەسۇتنى ئىشلىتىشتە ناھايىتى ئېھتىياتچان پوزىتسىيدە تۇردى ، ئىشلارنىڭ بۇنداق ئاستا بولۇشى مەسۇتنى ئۈمۈتسىزلەندۈرۈپ قويدى .
ئۇزۇن كۈتكەن گېرمانىيە بىرلەشمىسىدىكى تۇنجى مەيدان مۇسابىقە ئاخىرى 2006-يىلى 12-ئاۋغۇست يىتىپ كەلدى ، بۇ ئۆز مەيدانىدا فرانكفۇرت كوماندىسى بىلەن بولغان مۇسابىقە ئىدى . مەسۇت بىلەن ئالمىشىپ چۈشكەن ئەزا دەل خەمىت ئالتۇنتوپ ، بۇلار دۆلەت كوماندىسى تاللاش مەسىلىسىدە ئازارلىشىپ قالغان ، كېيىنچە رېئال مادرىد كىيىم ئالماشتۇرۇش ئۆيىدە ياخشى ئۆتكەن سەپداشلار ئىدى . مەيداندىكى نەتىجە 1-1 ، مۇسابىقە ئاخىرلىشىشقا يەنە 10 مىنۇت ۋاقىت بار بولۇپ ، ئۆزىل 17-نومۇرلۇق كىيىمنى كىيىپ مەيدانغا چىقتى . بۇ مەيدان مۇسابىقىدە ئۇنىڭ مەيدانغا چىقىشى ۋەزىيەتتى ئۆزگەرتەلمىدى ، بىراق بۇ ئۇنىڭ شالكې04 دىكى تۇنجى مەيدانغا چىققانلىق خاتىرىسى بولۇپ قالدى .
ئۆزىل بۇ مۇسابىقىدىن رازى بولدى ، بىراق ئانچە بەك خۇشال بولۇپ كەتمىدى . گېرمانىيە بىرلەشمىسىنىڭ تۇنجى كۈنىدىلا مەيدانغا چىقىش ھەقىقەتەن ياخشى باشلىنىش ئىدى . ترېنېر بۇ بالىغا خېلى ياخشى مۇئامىلە قىلغان بولسىمۇ ، نىمىشقىكىن ، ئۇ سلومكانى ئۆزىگە ئانچە بەك ئەتىۋار نەزىرى بىلەن قارىمايدىغاندەك ھېس قىلاتتى . ئۇ ئاتاق ئوغۇلدە ئىمتىيازغا ئېرىشىشنى ئويلىمايتتى ، ئۇ پەقەت ترېنېرنىڭ ئۆزىگە بەكرەك ئىشىنىشىنى ئارزۇ قىلاتتى ، بىراق ئۇنىڭ نەزىرىدە بۇ ھال تەلەپكە خېلى يىراق ئىدى . ئەمەلىيەتتە ئۇنىڭ سېزىمى توغرا چىقتى ، ئۇنىڭ بىرىنچى سەپ كوماندىسىدا مەيدانغا چىقىشى ، بىر ئايدىن كېيىن بولدى .
كېيىنكى ئىككى مەيدان ئاللېماننىيا لاچېن ۋە ۋېردېر برېمېن بىلەن بولغان مۇسابىقىدە ، ئۇ پۈتۈن مەيدان ئورۇندۇقتا ئولتۇردى . 19 ياشلىقلار كوماندىسىنىڭ ترېنېرى تىت-تىت بولۇپ تۇرغان بۇ بالىنى ياشلار كوماندىسىغا چاقىرتىپ مۇسابىقىگە قاتناشتۇردى . مەسۇت مۇسابىقىگە قاتناشقانغا خوش بولغان بىلەن ، يەنىلا كۆڭلىدىكى چۈشكۈنلۈكنى يوشۇرۇپ قالالمايتتى . ئاتاقتا بىرىنچى سەپ كوماندىسى ئەزاسى بولغان بىلەن ، ئەمەلىيەتتە ئۇنىڭ پۇرسىتى ئىنتايىن ئاز بولۇپ ، پەقەتلا ئىلگىرىكى ياشلار كوماندىسىدىكى سەپداشلىرى بىلەن توپ تېپەلەيتتى .
ئۆزىل سىنتەبىر ئىيىنىڭ ئوتتۇرىدا بىرىنچى سەپ كوماندىسىغا قايتىپ كېلىپ ، بىر ئاي ئىچىدە تۆت مەيدان مۇسابىقىدە مەيدانغا چىقتى ، يەنە تېخى نانسى كوماندىسى بىلەن بولغان كېيىنكى ئۇچرىشىشتا ، ياۋرۇپا لوڭقىسىدىكى تۇنجى مەيدان مۇسابىقىسىنى تاماملىدى ، بىراق ئۇلار 1-3 نەتىجە بىلەن شاللىنىپ كەتتى . مەسۇت ئۇ كىچە ئاساسلىق ئەزا بولۇپ مەيدانغا چىقىپ ، مۇسابىقە ئاخىرلىشىشقا 12 مىنۇت قالغاندا ئالماشۇرۇپ چۈشۈرىۋىتىلدى ، چۈنكى تۇنجى قىتىملىق ئۇچىرىشىشتا ئۇلار 1-0 ئۈستۈنلۈكتە بولۇپ ، يەنە بىر توپ كىرگۈزسىلا كېيىنكى باسقۇچقا كىرەلەيتتى ، بىراق ئاخىرىدا مۆجىزە يەنىلا يۈز بەرمىدى .
ياۋرۇپا لوڭقىسىدىكى مەغلۇبىيەتتىن كېيىن ، ئۆزىل ئۆكتەبىر ئىيىدىن كېيىنكى يىلى فىۋرالغىچە ئاساسەن مەيدانغا چىقالمىدى ، ئۇ جەمئىي 39 مىنۇت مۇسابىقە ئوينىدى ، بۇنىڭ ئىچىدە ماينز05 بىلەن بولغان مۇسابىقىدە 15 مىنۇت ، بىئېلېفېلد بىلەن بولغان مۇسابىقىدە 24 مىنۇت مەيدانغا چىقتى . ئىككىلىي قىتىم ئالمىشىپ مەيدانغا چىققاندا ، كوماندا ئۈتۈنلۈكتە ئىدى . بىراق مەسۇت بۇنىڭدىن قىلچە ئاغرىنالمايتتى ، چۈنكى ئۇ ۋاقىتتا پۈتۈن كوماندىنىڭ ئىپادىسى ناھايىتى ياخشى ئىدى . شالكې ، ستۇتگارت ، برېمېن ۋە بايرىن قاتارلىق كۇلۇبلارنىڭ چېمپيونلۇق تالىشىشى ناھايىتى كەسكىن بولۇۋاتاتتى ، شۇڭا سلومكا كوماندىنى ئەمدىلا 18 ياشقا كىرگەن شۇمتەكنىڭ قولىغا تاپشۇرۇپ بېرەلمەيتتى .
مەسۇت شۇندىن كېيىن ئۆزىنىڭ ئەمەلىي ھەركىتى ئارقىلىق ئۇنىڭ بۇنداقلا بوشاشمايدىغانلىقىنى ، ئەكسىچە ھەر ۋاقىت جەڭگە تەييار ھالەتتە تۇرىدىغانلىقىنى ئىسپاتلىدى . دەسلەپكى چۈشكۈنلۈك تېخىمۇ تېرىشىشنىڭ مەنبەسىگە ئايلاندى ، ئۇ داۋاملىق تۇنجى بولۇپ مەشىقكە كېلىپ ، ئەڭ ئاخىرىدا ئايرىلاتتى . تېخىمۇ ياخشى ھالدا كەسپىي پۇتبولنىڭ تەلىپىگە ماسلىشىش ئۈچۈن ، ئۇ بەدەن چىنىقىش ئۆيىدىكى مەشىقنى كۆپەيتتى . قىشلىق ئارام ئىلىش مەزگىلى دەل ۋاقتىدا كەلدى ، ئۇ بۇ پۇرسەتتىن پايدىلىنىپ بەدەن قۇۋۋىتىدىكى زور ياخشلىنىشنى ئىشقا ئاشۇردى . فىۋرال ئىيىدىن باشلاپ ، ئۇ ئاخىرى كوماندىنىڭ ئاساسلىق ئەزالار قاتارىغا كىردى .
ئۇ ئىشنى ئاۋۋال ئاساسلىق زاپاس ئەزادىن باشلاپ ، ئاستا-ئاستا كوماندىغا پۈتۈنلەي سىڭىپ كىردى . ئۇ پەسىلدىكى كوماندىنىڭ ئاخىرقى 10 مەيدان مۇسابىقىسىدە ئۇ سەككىز قىتىم مەيدانغا چىقتى ، كوماندا يەتتە مەيدان يېڭىپ ، بىر مەيدان تەڭلىشىپ ، ئىككى مەيدان يېڭىلدى . گەرچە ئۆزىلنىڭ پەسىل ئاخىرىدىكى ياخشى ئىپادىسى شالكېنى ئۇلارنىڭ تۇنجى بىرلەشمە چېمپيونلۇقىغا ئېرىشتۈرەلمىگەن بولسىمۇ ، ئۇلار بىرلەشمە ئىككىنچىلىكى بىلەن كېيىنكى پەسىلدىكى چېمپيونلۇق بىرلەشمىسىگە قاتنىشىش سالاھىيتىگە ئېرىشتى . مەسۇتمۇ ئۆزىنىڭ ئوبرازىنى يېڭىلاپ ، مۇسابىقە ئەھۋالىنى ئۆزگەرتەلەيدىغان توپچىنىڭ بىرى بولۇپ قالدى .
-----------------------------------------------------------------
7-باپ : تۇنجى قىتىملىق تالاش-تارتىشلىق يۆتكىلىش
ياۋرۇپا چېمپيونلۇق بىرلەشمىسى مۇسابىقە كۈنى ئۆزىل ئائىلىسى ئۈچۈن بايرام ھىسابلىناتتى . مەسۇتنىڭ دادىسى ، ئاكىسى ۋە ئۆزى بۇ مۇسابىقىلەرنى كۆرۈشنى قەۋەتلا ياخشى كۆرەتتى ، ئۇلار ھەر ھەپتنىڭ سەيشەنبە ۋە چارشەنبە كۈنلىرى كەچ سائەت سەككىزدىن 45 مىنۇت ئۆتكەندە دەل ۋاقتى بىلەن كىرىسلوغا بىرىپ مۇسابىقە كۆرۈشكە ئادەتلەنگەن ئىدى . مۇسابىقە كۆرۈش ئەلۋەتتە ئىنتايىن مۇھىم ، دەل ۋاقىتتا تېلېۋىزورنى ئىچىپ كوماندا ئەزالىرىنىڭ جاراڭلىق چېمپيونلۇق بىرلەشمىسى مۇزىكىسىغا ئەگىشىپ مەيدانغا كىرىشىنى كۆرۈش ئۇمۇ بىر خىل ھوزۇر . بۇ كىچە مەيداندىكى سېھىرلەر ئۆزىل ئائىلىسىنى چەكسىز خۇشاللىققا چۆمدۈرىدۇ ، بولۇپمۇ ئاكا-ئىنى ئىككىسى ، ئىلگىرى ساناقسىز قىتىم ئۆيىدە ياكى مايمۇن قەپسىدە چېمپيونلۇق بىرلەشمىسى مۇسابىقىسىنى قايتىدىن ئويناپ چىققان ئىدى . كىچىك مەسۇت ئەينى ۋاقىتتا بارسېلونانى ئىنتايىن ياخشى كۆرەتتى ، ئەگەر گېرمانىيە كۇلۇبلىرىنىڭ مۇسابىقىسى بولمىسا ئۇ چوقۇم ئۇلارنىڭ مۇسابىقىسىنى كۆرەتتى . لېكىن رېئال مادرىد زىدانېنى قوشۇۋالغاندىن كېيىن كىچىك مەسۇتنىڭ مەيدانى يۆتكىلىشكە باشلىدى ، بولۇپمۇ زىدانې گلاسگوۋدا ھەممىنى ھاڭ-تاڭ قالدۇرغان ھالقىلىق توپنى كىرگۈزگەندىن كېيىن ئۇ پۈتۈنلەي مادرىد تەرەپكە ئۆتتى : بۇ ئۇنىڭ ئەڭ ياخشى كۆرىدىغان توپى .
شالكېدىكى تۇنجى مۇسابىقە پەسلىدىن كېيىن ، مەسۇتنىڭ چېمپيونلۇق بىرلەشمىسىگە قاتنىشىپ زىدانېنى ئۆرنەك قىلىش چۈشى ئەمەلگە ئىشى ئالدىدا ئىدى ، توغرا قىلىپ ئېيتقاندا بىر قەدەملا قالغان ئىدى . شالكېنىڭ چېمپيونلۇق بىرلەشمىسى سالەھىيتىگە ئېرىشىپ گورۇپپا مۇسابىقىسىگە قاتنىشىشى ، مەسۇتنىڭ بىرىنچى سەپ كوماندىسىغا چىققان ئىككىنچى يىلىنى ئالاھىدە ئەھمىيەتكە ئىگە قىلدى . توختىماي ياۋرۇپادىكى يۇقىرى سەۋىيەلىك رەقىبلەر بىلەن تىركەشكەن بۇ مۇسابىقە پەسلى مەسۇتنىڭ چولپانلىق يولىدا باسقان پۇختا بىر قەدىمى بولۇپ قالدى ، گەرچە كېينچە مەسۇت كونترول قىلالمايدىغان ئىشلاردا بۇرۇلۇش يۈز بەرگەن بولسىمۇ .
مەسۇتنىڭ شالكې بىلەن بولغان توختام مۇددىتى 2008-يىلى 30-ئىيۇنغىچە ئىدى ، شۇڭا ئۇ توختام ئۇزارتىش ئىشلىرىگە تۇتۇش قىلىشقا باشلىدى . بۇ ئىشقا قارىتا مەسۇت ناھايىتى تەمكىن ئىپادە بىلدۈردى ، بىراق ۋاستىچى فازلى بىلەن مۇستافا ئازراق ئەنسىرەيتتى ، ئۇلارنىڭ قارىشىچە مەسۇتنىڭ شالكېدىكى كېلەچىكى ئانچە بەك پارلاق ئەمەس ئىدى . گەرچە شالكېنىڭ راستىنلا توختام ئۇزارتىش مەقسىتى بولسىمۇ ، لېكىن ئۇلار بۇ ئىشقا ئانچە قىزغىن مۇئامىلە قىلمىدى . ئەلۋەتتە ، شالكې مەسۇت بىلەن مۇستافانىڭ كوماندىدىكى يادرولۇق ئەزا مۇئامىلىسىگە ئېرىشىش تەلىپىنى قاندۇرالمايتتى .
ھەقىقى كىرىزىس شالكې راكىتىچنى قوشۇۋالغاندىن كېيىن باشلاندى ، راكىتىچنىڭ مەيداندىكى ئورنى دەل ئۆزىل ئىنتىلىدىغان 10-نومۇرلۇق ئورۇن ئىدى ، ھەمدە ئۇ كوماندىغا قوشۇلۇپ 10-نومۇرلۇق كىيىمنى تاپشۇرىۋالدى . لىنكىننىڭ ئايرىلىشىغا ئەگىشىپ ۋە مەسۇتنىڭ توختام مەزمۇنىغا ئاساسەن ، 10-نومۇرلۇق كىيىم ئۆزىلگە بېرىلىشى كېرەك ئىدى . لېكىن شالكې بۇ ۋەدىسىدە تۇرماي ، بۇ نومۇرنى كرودىيەلىككە بەردى . ئىشلار شۇنداق ياخشى يۈرۈشۈپ تۇرۇپ ، نېمە ئۈچۈن بۇنداق بولىدۇ ؟ بارلىق سۇئاللار ترېنېر سلومكاغا مەركەزلەشتى . شالكېنىڭ بۇ تېخنىك يىتەكچىسى مەسۇتنىڭ كوماندىنى يىتەكلەپ چېمپيونلۇق بىرلەشمىسىگە قاتناشقۇدەك ئىقتىدارى يوق دەپ قارايىتتى ، ھەمدە ھەر قانداق ئادەمدىنمۇ بەكرەك بۇ ئورۇنغا يېڭىدىن توپچى كىرگۈزۈش كېرەكلىكىنى تەكىتلەيىتتى . «ئەگەر مەسۇت 10-نومۇرلۇق كىيىمنى كىيەلمىسە كېتىدىغان ئىش بولسا ، مەيلى ئۇنى كەتكۈزىۋىتەيلى .» ئۇ قانداق بولۇشتىن قەتئىينەزەر چوقۇم راكىتىچنى قوشۇۋالماقچى ئىدى ، راكىتىچ مەسۇتتىن پەقەت يەتتە ئايلا چوڭ ئىدى . شالكې راستىنلا ئۆزىنىڭ كانىدىن چىققان بۇ "گۆھەر" نى شۇنچىلىك ئەتىۋارلامدىغاندۇ ؟ ئۆزىل ئائىلىسىدىكىلەر بۇ ئىشنى بىر ئىغۋاگەرلىك دەپ قارىدى .
يېڭى مۇسابىقە پەسلى باشلاندى ، ئەھۋال ئەنچە كۆڭۈلدىكىدەك ئەمەس ئىدى . تۇنجى مەيدان مۇسابىقە شتۇتگارت بىلەن ئوينالدى ، ئۇ ئاساسلىق ئەزا بولۇپ مەيدانغا چۈشۈپ ، كېيىنكى يېرىم مەيداندا ئالماشتۇرىۋىتىلدى . ئىككىنچى مەيدان بىرلەشمە دورتمۇند بىلەن ئۆتكۈزۈلدى ، راكىتىچ يارىلانغاندىن كېيىن ئاندىن مەسۇت ئالمىشىپ مەيدانغا چىقتى ، ئۇ بۇ مەيدان رۇل دېربىدا ئاران 9 مىنۇت توپ تەپتى . بىر ھەپتىدىن كېيىنكى ۋولفسىبۇرگ بىلەن بولغان مۇسابىقىدە ، مەسۇت يەنە زاپاس ئەزا بولدى . ئەلۋەتتە ، مەسۇتنىڭ خىيالىدىكى يېڭى مۇسابىقە پەسلى بۇنداق ئەمەس ئىدى .
سىنتەبىر ئىيى يىتىپ كەلدى ، تەشنا بولۇپ كۈتكەن چېمپيونلۇق بىرلەشمىسى ئاخىرى باشلىنىش ئالدىدا ئىدى . شالكې ۋالىنسىيا ، چېلسى ۋە روسېنبورگ (نورۋىگىيە) بىلەن بىر گورۇپپىغا بۆلۈندى . بۇ ئۈچ كوماندا ئۇنىڭ چېمپيونلۇق بىرلەشمىسىدىكى تۇنجى رەقىبلىرى ئىدى . تۇنجى مەيدان مۇسابىقە ۋالىنسىيا كوماندىسى بىلەن بولدى ، بۇ مەسۇتنىڭ ئۆزىنى كۆرسىتىدىغان ياخشى پۇرسىتى ئىدى ، بىراق نەتىجە ئويلىغاندىكىدىنمۇ ناچار بولدى . ئۇ مۇسابىقە باشلىنىپ 61 مىنۇت بولغاندا ئالمىشىپ مەيدانغا چىقتى ، ئۇ ۋاقىتتا نەتىجە 0-0 ئىدى . ئۇ مەيدنغا چىقىپ بىر مىنۇتتىن كېيىن يەنى 62 مىنۇت بولغاندا ، ۋىللا ئاچقۇچلۇق بىر توپ كىرگۈزدى . بۇ قىتىملىق مەغلۇبىيەت شالكې توپ مەستانىلىرى ۋە مەسۇتنىڭ بىشىغا بىر چىلەك سوغۇق سۇ قۇيىۋەتكەندەك بولدى . مەسۇت مەيدانغا چىققاندىن كېيىن ئۆز كۈچى بىلەن مۇسابىقىنى بەلگىلەپ غەلبە قىلىش ئويىدا بولغان ئىدى ، نەتىجىدە ئويلىمىغان يەردىن توپ ئۇنىڭ پۇتىغا تەگمەي تۇرۇپلا كوماندىسى بىر توپ يەۋالدى .
بۇ مەيدان مۇسابىقىنىڭ مەغلۇبىيتى ئىلىپ كەلگەن ئاقىۋەت مەسۇتنىڭ ئويلىغىنىدىن خېلىلا ئىغىر بولدى . كەينىدىكى ئۈچ مەيدان گېرمانىيە بىرلەشمىسىدىكى مۇسابىقىلەردە مەسۇت بىر مىنۇتمۇ مەيدان چىقىش پۇرسىتىگە ئېرىشەلمىدى . ترېنېر سلومكا ۋالىنسىيە بىلەن بولغان مۇسابىقىدىكى يوقاتقان توپنى مەسۇتنىڭ مەسئۇلىيتى دەپ قارىماس ھە ؟ ئەھۋال قارىماققا راستىنلا شۇنداق ئىدى . مەسۇتنىڭ ئەھۋالى بارغانسىرى ناچارلىشىۋاتاتتى . تاراتقۇلار «توختام ئۇزارتىش قىيىنچىلىقى» توغرىسىدىكى خەۋەرلارنى چىقىرىشقا باشلىدى ، ئۆلگەننىڭ ئۈستىگە تەپمەك دېگەندەك ، كارسلۇئې بىلەن بولغان مۇسابىقىدە ئۆزىل ئوڭ پۇتىنىڭ ئوشۇق بوغۇمى يارىلاندى . بۇ مەسۇت ئۇنتۇپ كېتىشنى ئارزۇ قىلغان يەنە بىر كىچە بولدى . شالكې 17-نومۇرى كېيىنكى يېرىم مەيداندا يارلىنىپ ئالماشتۇرىۋىتىلدى ، ئۇ ۋاقىتتا نەتىجە 0-0 ئىدى ، ئاندىن قاراپ تۇرۇپ سەپداشلىرى ئاخىرقى ئون مىنۇتتا ئارقا-ئارقىدىن ئىككى توپ ئۇرۇپ غەلبە قىلدى .
بۇ قىتىملىق يارا يىنىك قايرىلىش بولۇپ ، 15 كۈندىلا پۈتۈنلەي ساقايدى . داۋالىنىش مەزگىلى ئۇنىڭ كەلگۈسى توغرىسىدا ئويلىشىدىغان ئەڭ ياخشى پۇرسىتى بولۇپ قالدى . مەسۇتنىڭ ئارزۇسىدىكى كوماندا شالكې04 ئىدى ، بىراق دادىسى بىلەن ۋاستىچىسى رۇل رايونى سىرتىدىكى كوماندىلارنى ئىزدەشكە باشلىغان ئىدى . ۋەزىپە ئىنتايىن ئىنىق ئىدى :«ماڭىمىز دەپلا كېتىمىز !» . توختام ئۇزارتىش ئىشىدا قىلچە ئىلگىرلەش بولمىدى ، كۇلۇب مەسۇت 16 ياش ۋاقتىدا ئۇنىڭ بىلەن پۈتۈشكەنلىرىنى پەقەتلا ئورۇندىمىدى ، ئەڭ ھەددىدىن ئاشقىنى شۇكى ، ئۇلار يەنە توختامنىڭ تەپسىلىي مەزمۇنىنى گېرمانىيە تاراتقۇلىرىغا ئاشكارلاپ قويغان ئىدى . مۇستافا سەھەردە ئويغىنىپلا ئوغلىنىڭ سېتىلىش توختام تۈرلىرىنىڭ گېزىتتا شۇ پىتى ئېلان قىلىنغانلىقىكى كۆرۈپ قاتتىق غەزەپلەندى . مەسۇتنىڭ شالكېدىكى كۈنى تەتۈر ساناققا چۈشتى .
ۋاستىچى كۇلۇب بىلەن توختام ئۇزارتىش توغرىسىدا تۈكۈرۈك جېڭى قىلىۋاتقاندا ، مەسۇت ئاستا-ئاستا كىيىم ساقلايدىغان زاپاس ئەزا ئورۇنىدىن ئايرىلغان ئىدى . چېمپيونلۇق بىرلەشمىسىدە ئۆز مەيدانىدا چېلسى بىلەن 0-0 تەڭلەشكەن مۇسابىقىدە ئىپادىسى ئىنتايىن قالتىس بولدى ، گېرمانىيە بىرلەشمىسىدە ھانوفېر (2-3) بىلەن بولغان مۇسابىقىدە ئىككى توپ كىرگۈزدى ، بىراق يەنىلا ئاساسلىق ئەزا ئورنىغا ئېرىشەلمىدى . ھالبۇكى 12-ئاينىڭ 11-كۈنى ، پۇتبول ئىلاھى ئۇنىڭغا كەتكۈزگۈسىز ئالتۇن پۇرسەتتىن بىرنى بەردى .
شالكېنىڭ چېمپيونلۇق بىرلەشمىسى گورۇپپا مۇسابىقىسىدىكى ئەڭ ئاخىرقى رەقىبى روسېنبورگ ئىدى ، ئۇ ۋاقىتتا شالكې رەقىبىدىن 2 نومۇر كەينىدە تۇراتتى (چېلسى ئاللىبۇرۇن گورۇپپىدىكى بىرىنچىلىك ئورنىنى بىكىتىپ بولغان) ، چوقۇم يەڭسە ئاندىن گورۇپپىدىن چىقالايتتى . راكىتىچنىڭ بەدەن ئەھۋالى ناچار بولغاچقا ، سلومكانىڭ ئۆزىلنى بۇ مەيدان ھايات-ماماتلىق مۇسابىقىگە ئاساسلىق ئەزا سۈپىتىدە چۈشۈرمەي باشقا ئامالى يوق ئىدى . شالكې ئوغلىنىڭ ئىپادىسىمۇ شۇنداق قالتىس بولۇپ ، مەيدانغا چىقىپ رەقىبىنى 3-1 نەتىجە بىلەن مەغلۇپ قىلدى . مەيدان قايناپ كەتتى ، 86-مىنۇتتا ئالمىشىپ چۈشۈرىۋىتىلگەندە پۈتۈن مەيداندىكى توپ مەستانىلىرى ئۇنىڭ ئىسمىنى يۇقىرى ئاۋازدا توۋلاشتى . بۇ مەسۇتنىڭ تۇنجى چوڭ ئەھمىيەتكە ئىگە چېمپيونلۇق بىرلەشمىسى كىچىسى ئىدى . مەسۇت شالكې توپ مەستانىلىرىنىڭ قەلبىنى پۈتۈنلەي بوي سۇندۇردى . بىراق كىممۇ بىلسۇن ، بۇ كىچە شالكې يېڭى چولپىنىنىڭ بۇ كوماندىغا ۋاكالىتەن تەپكەن ئاخىرقى ئىككىنچى مەيدان توپى ئىدى . 4 كۈندىن كېيىن نيۇرنبېرگ مەسۇتنىڭ شالكىنىڭ كىيىمىنى كىيىپ توپ تەپكەن ئەڭ ئاخىرقى رەقىبى بولۇپ قالدى . بۇ مەيدان خاتىمىدە شالكې 2-1 نەتىجە بىلەن رەقىبىنى يەڭدى .
قىشلىق دەم ئىلىش مەزگىلىدە ، مەسۇت ئارام ئىلىش تۇرۇقلۇق ، ئەكسىچە تېخىمۇ تەشۋىشلىنىپ كەتتى . ئۇ كۈندە توختام ئۇزارتىش توغرىسىدىكى يۈز كۆرۈشۈش ۋە تېلفون سۆزلىشىشنى قوبۇل قىلاتتى . 1-يانۋاردىن باشلاپ ، مەسۇت ئەركىن ھالدا باشقا كۇلۇب بىلەن سۆھبەتلەشسە بولاتتى . شالكېمۇ ئالدى كەينى بولۇپ ئىككى نۇسخا توختام چىقاردى . ۋاستىچى فازلى بىلەن مۇستافانىڭ قارىشىچە توختامدىكى شەرتلەرنىڭ قىلچە سەمىمىيتى يوق ئىدى . ئۇ ئىككەيلەن ئائۇف شالكې توپ مەيدانىنىڭ ئىشخانىسىدىن ئايرىلغاندىن كېيىن ، داڭلىق سۆز بايانى قىلدى :«بۇ توختام كەلگۈسىدە رېئال مادرىدتا توپ تېپىدىغان توپچى ئۈچۈن قەتئىي مۇۋاپىق ئەمەس .» شالكې ئەمەلدارلىرىنىڭ بۇ سۆزدىن كۈلۈپ ئۈچىيى ئۈزۈلەي دەپ قالدى ، مەسۇتمۇ باشقا كۇلۇبقا بېرىشنى قارار قىلدى . يۆتكىلىش كۆزنىكى تاقىلىشقا 24 سائەت ۋاقىت قالمىغان شارائىتتا ، تېز سۈرئەتتە برېمېنگە يۆتكەلدى . برېمېن 4 مىليون 300 مىڭ ياۋرۇ يۆتكىلىش ھەققى تاپشۇردى ، «شالكې ئوغلى» 3 يېرىم پەسىللىك توختام تۈزۈپ ، يۈك-تاقىلىرىنى يىغىشتۇرۇپ برېمېنغا كەلدى . كوماندا يادروسى بىرازىلىيەلىك دىئېگو ، باش ترېنېرى بولسا توماس شاف ئىدى .
ئورگان تەرەپ ئېلان قىلغاندىن كېيىنكى بىر نەچچە سائەتتە ، بۇ قىتىملىق يۆتكىلىش شالكې تەرىپىتىن «ئىنتايىن ياخشى سودا» دەپ تەسۋىرلەندى . بىراق ۋاقىتنىڭ ئۆتىشىگە ئەگىشىپ ، ئۇلار ئۆكۈنۈش ئىلكىدە سېتىۋەتكىنىنىڭ گېرسېنكىرشىندىن چىققان ئەڭ ياخشى سورتلۇق قىزىلچا ئىكەنلىكىنى بايقىدى . ھازىر قاراپ باقىدىغان بولساق ئۆزىل قانداق سەۋىيەدە ؟ راكىتىچ قانداق سەۋىيەدە ؟ ۋاراتار نويېر بايرىنغا بېرىشتىن بۇرۇن ، ئۆزىلنىڭ رېئال مادرىدتا ئۇتۇق قازانغانلىقىنى كۆرۈپ ، ئەينى ۋاقىتتىكى شالكې توپ مەستانىلىرىنىڭ بۇنىڭغا بولغان چۈشكۈن كەيپىياتىنى تەسۋىرلىدى :«ئەينى يىلى شالكى شۇنداقلا ئۆزىلنى كەتكۈزىۋەتتى ، مەن ھازىرمۇ كۇلۇبنىڭ بۇ قارارىدىن قاتتىن ئاچچىقلىنىمەن .
قاق چۈشتە
كىچىك ۋاقتىدىكىگە ئوخشاشلا ، ئۆزىلنىڭ ئىلگىرلىشى ئوخشاش ياشتىكى توپچىلاردىن خېلىلا تېز بولدى . ئەگەر ئۆسمۈر ۋاقتىدىن ھىسابلىنىپ كەلسە ، برېمېن ئۇنىڭ 7 ياشتىن باشلاپ توپ ئوينىغان ئالتىنچى كۇلۇبى ھىسابلىناتتى . بۇ ۋاقىتتا مەسۇت بۇ يۆتكىلىشكە سەل ئىككىلىنىپ قالدى ، بۇمۇ نورمال ئەھۋال ئىدى . شالكېدىن ئايرىلىشنىڭ سەۋەبى بولسا ، بىرگە توختام مەسىلىسى ، يەنە بىرسى بولسا مەيدانغا چىقىش پۇرسىتىنىڭ يوق بولۇشى ئىدى . لېكىن برېمېنغا يۆتكەلگەن بىلەنمۇ ، ئۆزى بىلەن ئوخشاش ئورۇن ئوينايدىغان دىئېگو گېرمانىيە بىرلەشمىسىدىكى ئەڭ ئىلغار توپچىلارنىڭ بىرى ئىدى . بۇ بىر قىتىملىق قاپ يۈرەكلىك بىلەن قىلىنغان تەۋەككۈلچىلىك بولدى . بەزى ئىقىپ يۈرگەن گەپ-سۆزلەردە دىئېگونى زەردار كۇلۇبلارغا يۆتكىلىدۇ دېيىلگەن ، ئۇ زەردار دەل رېئال مادرىد ئىدى . بۇ مەسۇتنى كەلگۈسىدە ئۇنىڭ ئىزىنى بىسىشقا ئىنتىلدۈردى .
شاف ئۇنى دەرھاللا ھۇجۇم كۈچى قىلىپ ئىشلەتتى . ئۆزىل برېمېندىكى 5 ئاي ئىچىدە ، گەرچە داۋاملىق ئاساسلىق ئەزا بولالمىسىمۇ ، ئاستا-ئاستا سەپداشلىرىنىڭ ئۆزىگە ئىشىنىدىغانلىقىنى ھىس قىلىپ ، تېزلا يېڭى مۇھىتقا ماسلىشىپ كەتتى . دادىسى بىلەن ۋاستىچىسى 24 سائەت لەپپەي دەپ تۇرغان بىلەنمۇ ، نېمىلا دېگەن بىلەن بۇ مەسۇتنىڭ تۇنجى قىتىم ئائىلىسىدىن ئايرىلىپ ياشىشى بولغاچقا ، پات-پات يالغۇزلۇق ھىس قىلىپ قالاتتى . بىراق مۇھىمى شۇكى ، ھايات مۇساپىسىدىكى تۇنجى چوڭ قىيىنچىلىققا قارىتا ، ئۇ تەمكىنلىك بىلەن تاقابىل تۇرىۋاتاتتى .
2007-2008 مۇسابىقە پەسلى ، برېمېننىڭ قالغان 20 مەيدان مۇسابىقىسىدە ، ئۆزىل 14 قىتىم مەيدانغا چىقتى ، ئۆزىنىڭ گېرمانىيە ئا دەرىجىلىكلەر بىرلەشمىسىدىكى تۇنجى توپىنىمۇ قولغا كەلتۈردى . ئۇ شالكېنىڭ كىيىمىنى كىيگەندىن باشلاپلا بۇ پەيىتنىڭ كېلىشىنى تەقەززالىق بىلەن كۈتكەن ئىدى ، بىراق بۇ ئارزۇسى برېمېنغا كەلگەندە ئىشقا ئاشتى . بۇ 2008-يىلى 4-ئاينىڭ 26-كۈنى ، كارسلۇئېنىڭ ساھىپخان مەيدانى -- ۋىلىد باغچىسى توپ مەيدانى ئىدى . بۇ مەيدان مۇسابىقە ئاخىرىدا ئۈچ توپ كىرىپ ئاخىرلاشتى . مۇسابىقە 29-مىنۇتىدا ، مەسۇتنىڭ كىرگۈزگەن توپى نەتىجىنى 1-2 قىلىپ ئۆزگەرتتى . بۇ توپ سول پۇتتا كىرگەن بولۇپ ، ئەجەللىك پاس بەرگۈچى بوروۋىسكى ئىدى .
كەينىدىكى مۇسابىقە پەسلى -- 2008-2009 مۇسابىقە پەسلى ، مەسۇتنىڭ گېرمانىيە بىرلەشمىسىدە رەڭگارەڭ نۇر چاچقان بىر يىلى بولدى . بۇ ۋاقىتتا ياۋرۇپا ياشلار لوڭقىسى بىلەن گېرمانىيە لوڭقىسىدىكى مۇسابىقىلەر ئارقا-ئارقىدىن كېلىشكە باشلىدى . بۇ پەسىل برېمېن دىئېگونى ئىلىپ قالدى ، ئۇنىڭ بىلەن مەسۇتنىڭ يىتەكچىلىكىدە ، كوماندىنىڭ ئاساسەن بارلىق چېمپيونلۇققا زەربە قىلغۇدەك ئەمەلى كۈچى بار ئىدى . گەرچە پەسىل ئاخىرىدا ھوسۇل خېلى كۆپ بولغان بولسىمۇ ، پەسىل بىشى يەنىلا مۈشكۈل بولدى . ئۇ پەسىلدە برېمېننىڭ چېمپيونلۇق بىرلەشمىسى گورۇپپا چەك تارتىشتىكى تەلىيى بەك ئوڭدىن كەلدى ، 16 كۈچلۈككە كىرىشتە ئۈمۈد زور ئىدى . بىر گورۇپپىغا بۆلۈنگەن كوماندىلار : مورىنىيونىڭ ئىنتېر مىلان ، گرىتسىيەدىكى پاناسىنائىكوس ۋە سىپرۇسدىكى ئانورسوسىس ئىدى . بۇلار مۇنداقچە قىلىپ ئېيتقاندا ، بىر پارچە قاتتىق سۆڭەك بىلەن ئىككى پارچە لوخ گۆش ھىسابلىناتتى . نەتىجىدە گېرمانىيە ئۆتكۈچ قېلىچىنىڭ ئىپادىسى كۆرىنەرلىك بولدى ، ئىنتېر مىلاننى بىر يىڭىپ بىر تەڭلىشىپ ، ئىككى پارچە لوخ گۆشكە كەلگەندە ئۈچ تەڭلىشىپ بىر يېڭىلىپ ، ئەپسۇسلىنارلىق بىلەن شاللىنىپ كەتتى .
بەلكىم بۇ تەقدىرنىڭ ئورۇنلاشتۇرىشى بولسا كېرەك ، مەسۇت مورىنىيونىڭ ئىنتېر مىلان كوماندىسى بىلەن بولغان مۇسابىقىدە ناھايىتى ياخشى ئىپادە كۆرسىتىپ ، ئۆزىگە مورىنىيونىڭ دىققىتىنى تارتقۇزدى . ئىنتېر مىلان بىلەن بولغان ئىككى مەيدان مۇسابىقىدە ، ئۆزىل برېمىندىكى ئىپادىسى ئەڭ ياخشى بولغان ئەزا ھىسابلىناتتى . سان سىرودا نەتىجىتى تەڭلەشتۈرگەن بىر توپ دەل ئۆزىلنىڭ ئەجەللىك پىسى ئىدى . برېمېنغا قايتىپ كېلىپ ، ئۆزىل پىزاررو بىلەن روسېنبېرگقا ئەجەللىك پاس بېرىپ ، كوماندىنىڭ 2-1 نەتىجە بىلەن ئۈچ نومۇر ئېلىشىغا كۈچ چىقاردى . ئۆزىل مورىنىيونىڭ ياۋرۇپا چېمپيونلۇق بىرلەشمىسىدىكى قاباھەتلىك چۈشىنىڭ بىرى . ئەگەردە بۇ شاللاش مۇسابىقىسى بولغان بولسا ئىنتېر مىلان شاللىنىپ كەتكەن بولاتتى ، بىراق برېمېن ئاخىرىدا گورۇپپىدا ئارانلا ئۈچىنچى بولۇپ ، بىراقلا ياۋرۇپا بىرلەشمىسىگە قاتناشتى .
ياۋرۇپا بىرلەشمىسىدە ، برېمېن شافنىڭ يىتەكچىلىكىدە بىرلا غەيرەت قىلىپ ، مىلان ، ساينت ئېتىئېن ، ئۇدىنېس ۋە ھامبۇرگنى شاللاپ ھەل قىلغۇچ مۇسابىقىگە بۆسۈپ كىردى . برېمېن بىرلەشمىدىن ۋاز كىچىپ ، ئاساسلىق زىھنىنى لوڭقا مۇسابىقىلىرىگە مەركەرلەشتۈرگەن بولۇپ ، گېرمانىيە لوڭقىسىدىمۇ ھەل قىلغۇچ مۇسابىقىگە كىردى . برېمېندىكى پۈتۈن بىر مۇسابىقە پەسلىدە ، مەسۇتنىڭ قاتناشقان ياۋرۇپا ياشلار لوڭقىسىنى ھىسابقا ئالمىغاندا ، مەسۇتنىڭ ئىككى لوڭقىنى كۆتۈرۈش مۇمكىنچىلىكى بار ئىدى . بۇ راستىنلا چۈش كەبى بىر يىل بولدى ، پەقەت كىچىككىنە بىر نۇقسان بار بولۇپ ، ئۇ بىرلەشمىدىكى قوپال ھەركىتى سەۋەبى بىلەن قىزىل كارتا ئىستىمال قىلىۋىلىپ ، كۇلۇب تەرەپتىن ئۈچ مەيدان مۇسابىقىدىن چەكلەش جازاسى بېرىلدى .
ياۋرۇپا كىچىك شاھزادىسى
ئۈچ مەيدان ھەل قىلغۇچ مۇسابىقىنىڭ بىرىنچىسى ياۋرۇپا لوڭقىسى ھەل قىلغۇچ مۇسابىقىسى بولدى ، برېمېن بىلەن ئۇكرائىنا كان ئىشچىلىرى لوڭقىنى تالىشاتتى . بۇ مەيدان مۇسابىقە مەسۇت ئۈچۈن ئالاھىدە ئەھمىيەتكە ئىگە بولۇپ ، مۇسابىقە ئورنى تۈركىيەدىكى شۈكرۈ ساراجوغلۇ تەنتەربىيە مەيدانى يەنى فەنەر باغچىنىڭ ساھىپخان مەيدانىدا ئىدى . بۇ مۇسابىقە پەسلىدە ، ئۇلارنىڭ دەسلەپكى چېمپيونلۇق بىرلەشمىسىدىكى ئىپادىسى ۋە ياۋرۇپا بىرلەشمىسىدىكى ئۆتكۈر قېلىچتەك ھالىتىدە ، 14 مەيدان مۇسابىقىنىڭ ئارانلا 2 مەيدىنىدە ئۇتتۇتىۋەتتى ، شۇڭا ئىككى كوماندا ئارىسىدا گېرمانىيە كوماندىسىنىڭ چېمپيون بولىشى ئېھتىمالغا يىقىن دەپ قارالغان ئىدى . كوماندا يادروسى دىئېگو مۇسابىقىدىن چەكلىنىپ ھەل قىلغۇچ مۇسابىقىگە قاتنىشالمىغاچقا ، بارلىق ئۈمۈدنىڭ ھەممىسى ئۆزىلنىڭ زىممىسىگە يۈكلەندى . ئۆزىل ئەينى ۋاقىتتا كوماندىدىكى تەۋرەنمەس ئاساسلىق سول ھۇجۇمچى ئىدى ، گەرچە مۇسابىقە باشلىنىپ ئىپادىسى ياخشى بولغان بولسىمۇ ، يەنىلا كوماندىنى ھەل قىلغۇچ مۇسابىقىدىكى مەغلۇبىيەتتىن قۇتقۇزۇپ قالالمىدى .
ئۇكرائىنا كوماندىسىدىكى ئاد | 
[ئۇلانما كۆچۈرۈش]
ۋاقتى: 2013-9-11 22:52:20
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2013-9-11 23:31:04
بولتىدە
ئىگىسى
