- تىزىملاتقان
- 2013-7-2
- ئاخىرقى قېتىم
- 2013-10-22
- ھوقۇقى
- 1
- جۇغلانما
- 25
- نادىر
- 2
- يازما
- 25
|
3. كۇلۇپلارنىڭ رەت-تەرتىپىنى ھېسابلاش
ياۋروپا پۇتبولچىلار بىرلەشمىسى (UEFA) كۇلۇپلارنىڭ رەت-تەرتىپىنىمۇ، دۆلەتلەر بىرلەشمىسىنىڭ تىزىلىشىغا ئوخشاش 5 يىللىق ئومۇمى نەتىجىسىنى ئاساس قىلىپ تىزىپ چىقىدۇ. 2013-يىللىق ئەڭ يېڭى نەتىجە بويىچە تىزىلىش تەرتىپى تۆۋەندىكىچە:
كۇلۇپلار ھەر پەسىلدە جەمئىي ئېرىشكەن نومۇرلىرىنى 5 يىلنى بىر قىلىپ تۇرۇپ، ھېسابلىنىدۇ. كىيىنكى يىلى، يېڭىباشتىن ھېسابلىنىپ، ئەڭ ئالدىدىكى يىلنىڭ نەتىجىسى چىقىرىۋېتىلىدۇ. شۇنىڭ بىلەن ئادىل بىر شەكىلدە، كۇلۇپلارنىڭ ئەمىلى كۈچى بويىچە رەت-تەرتىپنى تىزىپ چىقىدۇ.
لېكىن فىفانىڭ تىزىش ئۇسلۇبىنىڭ ئەكسىچە، بۇ رەت-تەرتىپنىڭ كۇلۇپ ئۈچۈن ئېلىپ ئېيتقاندا، مۇسابىقىگە قاتنىشىشى ئۈچۈن بەك پايدىسىمۇ يوق. چۈنكى ئۇزغۇنلۇق ياكى ياۋروپا بىرلەشمىسىگە قاتنىشىشى ئاخىرقى ھېسابتا، ئۆز دۆلىتىنىڭ بىرلەشمىسىدە ئېرىشكەن نەتىجىسىگە قاراشلىق بولۇپ چىقىدۇ. مەسىلەن، ئىنتېر مىلان 7-رەتكە تىزىلغان بىلەن (2013)، بۇ قېتىملىق ئۇزغۇنلۇق ياكى ياۋروپا بىرلەشمىسىگە قاتنىشىشى يوق گەپ. لېكىن بۇ تىزىشنىڭ مۇھىم بىر تەرىپى، گۇرۇپپا ئۈچۈن چەك تارتقاندا، ياكى گۇرۇپپىدىن بۇرۇنقى شاللاش مۇسابىقىلىرىدە، ئۇرۇق كوماندا بولۇش بولالماسلىقنى بەلگىلەيدۇ.
مەسىلەن، ئۆتكەن قېتىملىق گۇرۇپپا مۇسابىقىسىدىن بۇرۇن، دورتمۇند ۋە شەلىكلەرنىڭ رەت تەرتىپى بەك تۆۋەن بولغاچقا، ئۇرۇقسىز كوماندىلارنىڭ خالتىسىغا چۈشۈپ كەتتى. شۇنىڭ بىلەن رېئال مادرىد، دورتمۇند، شەلىكلەر ۋە ئاياكستىن ئىبارەت 4 بىرلەشمىنىڭ چىمپيونلىرى بىر ئۆلۈم گۇرۇپپىسىغا بۆلۈنۈپ قالدى.
FIFAنىڭ رەت تەرتىپىنىڭ رولىمۇ موشۇ قائىدىگە چۈشىدۇ. دۇنيا لوڭقىسى ئالدىن تاللاش، ياكى رەسمى مۇسابىقىسى بولسۇن، بۇ تەرتىپ ئۇرۇقلاشتۇرۇشتا مۇھىم رول ئوينايدۇ. مەسىلەن، دۇنيا لوڭقىسىدا، ئەڭ ئاخىرقى 32 دۆلەتنى فىفانىڭ تىزىملىكى بويىچە رەتكە تىزىپ چىقىدۇ، ۋە بۇ بويىچە 4 خالتىغا بۆلىدۇ.
مەسىلەن، 2010 جەنۇبى ئافرىقا دۇنيا لوڭقىسى خالتىلارغا بۆلۈنۈش ئەھۋالى:
(بۇنىڭدا فىفانىڭ 2009-يىللىق ئۆكتەبىر ئېيىدىكى رەت-تەرتىپى ئاساس قىلىنغان، چەك 2009 دېكابىردا تارتىلغان)
1- خالتا (ئۇرۇق كوماندىلار- ئۈستتىكى 7 كوماندا)
جەنۇبى ئافرىقا
برازىلىيە (1)
ئىسپانىيە (2)
گوللاندىيە (3)
ئىتالىيە (4)
گېرمانىيە (5)
ئارگېنتىنا (6)
ئىنگلاند (7)
2- خالتا - ئاسىيا، شىمالىي ئامېرىكا ۋە ئوكېئانىيە (بۇنىڭدا بۇ قىتئەدىكى دۆلەتلەرنىڭ بىر گۇرۇپپىغا كىرىپ قالماسلىق ئۈچۈن)
ئاۋسترالىيە
ياپونىيە
شىمالى كورىيە
جەنۇبى كورىيە
ھوندۇراس
مېكسىكا
ئامېرىكا
يېڭى زىللاندىيە
3- خالتا- ئافرىقا ۋە جەنۇبى ئامېرىكا
ئالجىرىيە
كامېرون
كوت دې ئىۋورى
گانا
نىگېرىيە
چىلى
پاراگۋاي
ئۇرۇگۋاي
4- خالتا - ياۋروپا
فرانسىيە (9)
پورتۇگالىيە (10)
شىۋىتسارىيە (13)
گرىتسىيە (16)
سېربىيە (20)
دانىيە (27)
سلوۋاكىيە (33)
سلوۋېنىيە (49)
كۆرۈۋېلىشقا بولىدۇكى، گۇرۇپپا مۇسابىقىدىكى چەك تارتىش ئۈچۈن، بۇ رەت-تەرتىپ يەنىلا بەك مۇھىم. بولۇپمۇ ياۋروپا ۋە جەنۇبى ئامېرىكىدىكىلەر ئۈچۈن. فرانسىيە بىر دەرىجە پەرق بىلەن 1- خالتىدىن 4-خالتىغا كىرىپ قالغان، بۇنداق بولغاندا ئۇنىڭ ئىسپانىيە ۋە گېرمانىيەلەر بىلەن بىر گۇرۇپپىغا كىرىش ئىھتىماللىقى بار ئىدى.
|
|
يوللىغان ۋاقتى 2013-7-3 00:42:47
شۇ نىمداق مۇرەككەپ..
يوللىغان ۋاقتى 2013-7-3 12:04:13
