بۇ يازمىنى ئاخىرىدا tagderem تەھرىرلىگەن. ۋاقتى 2013-3-12 01:10
پۇل يوقمىش
ياز كۈنلىرى گۈل پۇراپ بەك سۆيۈملۈك كىلەر قىش،
تاغلىرىدا بايلىق كۆپ باغلىرىدا يەل يىمىش.
قۇملۇقلارنى تاتلايدۇ قۇيۇن كەبى قارا چىش،
بىر كەلگەنگە تەس كىلەر بۇ زىمىندىن ئايرىلىش. .
شۇنچە كاتتا ئۆلكىدە ئۈچ مىليۇن سوم پۇل يوقمىش.
مەغرۇر تۇرار كۆك تىرەپ «خانتەڭرى» دەپ چوققىسى،
تاڭ قالدۇردى جاھاننى چىققان نىغىت بوتقىسى.
«ئۈچ تاغ»«ئىككى ئويمانلىق» نار تۆگىنىڭ لوكىسى،
شىلدىر-شىلدىر سۇلىرى پەرىلەرنىڭ كۈلكىسى.
شۇنچە كاتتا ئۆلكىدە ئۈچ مىليۇن سوم پۇل يوقمىش.
تەرىپلىسەك بۇ يۇرتنى قەلەم قۇۋۋەت يەتمەيدۇ،
يۇلتۇزلارمۇ ھەر كىچە بۇندا قونۇپ كەتمەيدۇ.
لىكىن پۇقرا بىچارە،'ئۇھ'دەپ بىردەم ياتمايدۇ،
بىرەر باشلىق ئازاپنىڭ ئىشىكىنى ئەتمەيدۇ.
شۇنچە كاتتا ئۆلكىدە ئۈچ مىليۇن سوم پۇل يوقمىش.
مۇخبىر يولداش ئۆتۈنەي يۇرتىمىزغا بىر كىلىڭ،
ھىچ بولمىسا بىز ئۈچۈن ھەقتىن ئازراق گەپ قىلىڭ.
دەردىمىزگە يارىشا بىزگە مەسلىھەت بىرىڭ،
غەيۋەت ئەمەس دىگىنىم، يۈرۈك سۆزۈم دەپ بىلىڭ.
شۇنچە كاتتا ئۆلكىدە ئۈچ مىليۇن سوم پۇل يوقمىش.
سىياسىتى مەركەزنىڭ يىتىپ كەلدى باھاردا،
بەس-بەس بىلەن ئوقۇلدى ھەممە يۇرتتا جاكاردا.
قەغەز كەلدى پۇل قىنى خەلق يەنە ھاشاردا،
بىزنىڭ توپچى ئەزىمەتلەر يۈرۈپ كەتتى بىكارغا،
شۇنچە كاتتا ئۆلكىدە ئۈچ مىليۇن سوم پۇل يوقمىش.
بالىلارنىڭ كۆڭلىدە كۈچلۈك پۇتبول ساداسى،
ئاڭلانمايدۇ ۋە لىكىن سىرتقا ئۇنىڭ ئاۋازى.
بىزگە ئازاپ (ئاھ تەڭرىم)خەققە بايرام ناۋاسى،
مۇشۇ ئۆتنە ئالەمدە يوقمۇ ئۇنىڭ جازاسى.
شۇنچە كاتتا ئۆلكىدە ئۈچ مىليۇن سوم پۇل يوقمىش.
پۇتبول ئۈچۈن قاينىغاچ تومۇرلاردا قىنىمىز،
ھەۋەس ئەمەس بۇ ئىشق! شۇڭا پىدا جىنىمىز.
چىقتى بىزدىن بارىدەك،مىرەخمەتتەك ئىنىمىز،
(نىچۈن بۈگۈن بىز يەنە ئۇلۇغ-كىچىك تىنىمىز )
شۇنچە كاتتا ئۆلكىدە ئۈچ مىليۇن سوم پۇل يوقمىش.
بىز بىلىمز مەركەزنىڭ سىياسىتى بەك ئوبدان،
خەلق دىگەن تەلەپكە قۇلاق سالار شۇ ھامان.
دىسەك -دىسەك بولىمىز كونا خامان سورىغان،
بىزگە كىرەك ۋەلىكىن خەلق سۆيەر قوماندان.
شۇنچە كاتتا ئۆلكىدە ئۈچ مىليۇن سوم پۇل يوقمىش.
ئىيتقانلىرىم بىر ئەمەس تۈمەن خەلق ئارمىنى،
ئۈمىدىمىز:ئۇلغايسۇن پۇتبولچىلىق يالقۇنى.
ھەممە يۇرتلار ئاڭلىسۇن شىنجاڭلىقنىڭ داڭقىنى،
(خەلق دەريا ئاگاھ بول!ئاڭلانماقتا شاۋقۇنى)
شۇنچە كاتتا ئۆلكىدە ئۈچ مىليۇن سوم پۇل يوقمىش
ياسىن ئەلى | 
[ئۇلانما كۆچۈرۈش]
يوللىغان ۋاقتى 
يوللىغان ۋاقتى 
