بۇيىللىق ياۋروپا لوڭقىسىدىكى 16دۆلەتنىڭ كوزۇر توپچىلىرى ( ماتىريال )

پارتىزان

2012-يىللىق ياۋروپا لوڭقىسىنى تالىشىش پۇتبول مۇسابىقىسى باشلىنىدىغانغا يەنە 4 كۈن ۋاقىت قالدى ! شۇ مۇناسىۋەت بىلەن پۇتبول مۇنبىرىمىزمۇ مۇشۇ قېتىملىق ياۋروپا لوڭقىسىنى تالىشىش پۇتبول مۇسابىقىسىنى مۇنبىرىمىزنىڭ ۋاي ۋاي قانىلىدا توردىن بىۋاستە تارقىتىش خىزمىتىمۇ جىددى ئېلىپ بېرىلىۋاتىدۇ ! شۇ مۇناسىۋەت بىلەن مۇسابىقە چۈشەندۈرىشىگە قولايلىق بولۇش ئۈچۈن تۆۋەندە مۇشۇ قېتىملىق ياۋروپا لوڭقىسىغا قاتنىشىدىغان 16 دۆلەتنىڭ 23 كىشىلىك چوڭ تىزىملىكىدىكى شۇ دۆلەت كوماندىسىغا نىسبەتەن تەسىر كۈچى نىسبەتەن چوڭ بولغان ، كوماندىغا نىسبەتەن تەشكىللەش ، رەھبەرلىك قىلىش ، ۋە مەنىۋى تۈۋرۈكلۈك رولىنى ئوينىيالايدىغان بىرقىسىم چولپانلارنىڭ قىسىقىچە ئارخبىنى تۇنۇشتۇرماقچى !  

---

ئەمسە تۇنۇشتۇرۇشنى  ئا گۇرۇپپىدىن باشلاي !



1. پولشا دۆلەت كوماندىسى .
پولشا دۆلەت كوماندىسىدا بولسا زەردار كوماندىدا توپ تىپىدىغان توپچىلارمۇ خېلى كۆپ بولۇپ بۇلارنىڭ ئىچىدە پولشا دۆلەت كوماندىسىنىڭ 1-نومۇرلۇق قاپقىچىسى ۋاللىي دېسىننىي ئارسىنال كوماندىسىنىڭمۇ ئاساسلىق قاپقىچىسى بولۇپ ،  1990-يىلى 4-ئاينىڭ 18-كۈنى تۇغۇلغان .  دۆلەت تەۋەلىكى پولشا ،  بوي ئىگىزلىكى 195 سانتىمىتىر ، ئوڭ پۇتىدا توپ تىپىدۇ !  كۇلۇبتا 13-نومۇرلۇق كىيىمنى كىيىدۇ .  ۋاللىي دىسىننىينىڭ دادىسىمۇ ئىلگىرى پولشا دۆلەت كوماندىسىنىڭ قاپقىچىسى بولغان ، شۇنىڭدىن ئىتىبارەن دادىسىنىڭ ئەتراپلىق تەربىيلىشى ۋە ئۆزىنىڭ تىرىشىپ مەشىق قىلىشى نەتىجىسىدە ھازىر پولشا دۆلەت كوماندىسىنىڭ ۋە ئارسىنال كوماندىسىنىڭ ئايرىلماس بىر قىسمىغا ئايلاندى .  
ۋاللىي دىسىننىي 15 ياش ۋاقتىدىن باشلاپ يۇقىرى دەرىجىلىك بىرلەشمىلەردە مەيدانغا چىققان تارىخى بار بولۇپ ، ئارسىنال كوماندىسىغا ۋاكالەتەن تۇنجى بولۇپ مەيدانغا چىققان ۋاقتى 2009-يىلى 9-ئاينىڭ 23-كۈنى بولۇپ ھېسابتا 19 ياش ۋاقىتلىرى ئىدى .  
يەنە بىر كوزۇر توپچىسى بولسا دورىتمونىد كوماندىسىدا ئوڭ بېك ئويناۋاتقان پىشچېك بولۇپ ،  تۇغۇلغان ۋاقتى 1985-يىلى 6-ئاينىڭ 3-كۈنى ،  بوي ئىگىزلىكى 184سانتىمىتىر ،
ئېغىرلىقى 73 كىلوگىرام ،  مەيداندىكى ئاساسلىق ئورنى ئوڭ بېك ، ئوڭ كىراي !  كۇلۇبتىكى كىيىم نومۇرى 26 ، دۆلەت كوماندىسىدىكى نومۇرى 20 .
پېشچىك 2004-يىلى گېرمانىيەنىڭ بېرلىن ھېتا كوماندىسىغا يۆتكىلىپ كىلىپ تۇنجى يىلىلا بىر قېتىممۇ مەيدانغا چۈشۈش پۇرسىتىگە ئېرىشەلمىگەن ۋە شۇ يىلىلا كۇلۇب تەرىپىدىن پولشانىڭ ئا دەرىجىلىك بىرلەشمىسىگە 3 يىللىق ئىجارىگە بېىۋىتىلگەن ! 3 يىل توشۇپ گېرمانىيەگە قايتىپ كەلگەندىن كىيىن بېرلىن ھېتا كوماندىسىغا ۋاكالەتەن 3  پەسىل توپ تەپكەندىن كىيىن 2010-يىلى يازدا دورتمونىد كوماندىسىغا يۆتكەلگەن !  2010-2011-يىلىدىكى مۇسابىقە پەسلىدە 41 مەيدان مۇسابىقىگە قاتنىشىپ 8 ياردەمچى پاس چىقارغان ۋە كوماندىسىنىڭ چىمپىيون بولىشىغا ئالاھىدە كۈچ چىقارغان ، بۇ پەسىلدە بولسا ئوخشاشلا 8 ياردەمچى پاس چىقىرىشتىن باشقا يەنە 4 توپ كىرگۈزگەن ، شۇنداقلا گېرمانىيە بويىچە ئەڭ جىق توپ كىرگۈزگەن يان بېك دىگەن شەرەپكە ئېرىشكەن !
يەنە بىر داڭلىق توپچىسى بولسا دورىتمونىد كوماندىسىنىڭ ئوتتۇرا مەيدان توپچىسى بۇرلاكېفسىجى بولۇپ ، 1985-يىلى 12-ئاينىڭ 14-كۈنى تۇغۇلغان ، بوي ئىگىزلىكى 173سانتىمىتىر ،  71 كىلوگىرام ، مەيداندىكى ئورنى ئوتتۇرا مەيدان ،  كۇلۇبتىكى ۋە دۆلەت كوماندىسىدىكى نومۇرى ئوخشاشلا 16 .    بۇ توپچىنىڭ ئەڭ ئاساسلىق ئالاھىدىلىكى يۈرگىرەش سۈرئىتى ئالاھىدە تىز بولۇپ ، بىر قېتىمقى كۇلۇب ئىچىدىكى ئۆلچەشتە 100مىتىرئارلىقنى 9سىكونىت 76دەقىقىدە تاماملاپ بولغان شۇنداقلا ھازىرقى دۇنيا پۇتبول ساھەسىدىكى يۈگىرەش سۈرئىتى ئەڭ تىز دىگەن نامغا ئېرىشكەن !   بۇ توپچى 2007-يىلى 2مىليون 800مىڭ ياۋرولۇق باھا بىلەن دورىتمونىد كوماندىسىغا قوشۇلغان بولۇپ شۇ چاغدا 4 يىللىق توختام تۈزگەن . سۈرئىتى تېز ۋە بۆسۈپ كىرىش ئىقتىدارى ئالاھىدە يۇقىرى بولغاچقا مەيداندا ئوڭ بېك ۋە ئوڭ كىراي قاتارلىق ئورۇنلارنىڭ ھۆددىسىدىن چىقىپ كىلىۋاتىدۇ !   2006-يىلى تۇنجى بولۇپ پولشا دۆلەت كوماندىسىغا ۋاكالىتەن مۇسابىقىگە قاتناشقان ، 2007-يىلى تۇنجى توپىنى ئۇرغان ،  2010-يىلى 11-ئاينىڭ 17-كۈنى دۆلەت كوماندىسىنىڭ كاپىتانى بولغان .
پولشا كوماندىسىنىڭ يەنە بىر كوزۇر توپچىسى بولسا دورىتمونىد كوماندىسىنىڭ 9 -نومۇرلۇق ھۇجۇمچىسى لەيۋەندونىسكى بولۇپ ، بۇ توپچىنىڭ بۇيىللىق كۇلۇبتىكى ئىپادىسى ئادەمنىڭ ھەقىقەتەن قايىللىقىنى قوزغايدۇ .  1988-يىلى 8-ئاينىڭ 21-كۈنى تۇغۇلغان ،  بوي ئىگىزلىكى 181سانتىمىتىر ، 79 كىلوگىرام ،   مەيداندىكى ئورنى ئالدى ھۇجۇمچى ،
2010-يىلى يازدا 4مىليون 500ياۋرۇلۇق باھا بىلەن دورىتمونىد كوماندىسىغا قوشۇلغان ، 4 يىللىق توختام تۈزگەن .    2011-يىلى پولشا پۇتبول ئەپەندىسى بولغان .
پولشادۆلەت كوماندىسىنىڭ يۇقىردا تۇنۇشتۇرۇلغان 4 توپچىسىنىڭ بۇ قېتىمقى ياۋروپا لوڭقىسىدىكى ئىپادىسىنىڭ قانداق بولىشى پولشا دۆلەت كوماندىسىنىڭ تەغدىرىگە بىۋاستە مۇناسىۋەتلىك بولۇپ ، مۇتەخەسىسلەرنىڭ تەھلىلىگە قارىغاندا پولشا دۆلەت كوماندىسى مۇشۇ تۆت توپچىسىنىڭ ياخشى ئىپادىسىگە تايىنىپ بۇقېتىمقى قارا تۇلپار بوپ قېلىش مۇمكىنچىلىكى يۇقىرى ئىكەن .

---

  



2. گىرىتسىيە دۆلەت كوماندىسى
گىرىتسىيە دۆلەت كوماندىسىدا بولسا دۇنيا دەرىجىلىك زەردار كۇلۇبلاردا توپ تىپىدىغان چولپان دەرىجىلىك توپچىلار ئاساسەن يوق دىيەرلىك بولۇپ ،
بۇنىڭ ئىچىدە كىلىتلىقلار كوماندىسىدا توپ تىپىدىغان 7-نومۇرلۇق توپچىسى سىمارىسنىڭ ئىناۋىتى بىر قەدەر يۇقىرى ،   بۇ توپچى 1985-يىلى 2-ئاينىڭ 21-كۈنى تۇغۇلغان بولۇپ ، بوي ئىگىزلىكى 194سانتىمىتىر ، مەيداندىكى ئورنى ئالدى ھۇجۇمچى ،  21ياش ۋاقتىدا تۇنجى بولۇپ دۆلەت كوماندىسىغا تاللانغان ، 2006-يىلى 6 مىليون فونىستىرلىڭلىق يۇقىرى باھا بىلەن مانچىستىر شەھىرىگە قوشۇلۇپ مانچىستىر شەھەر تارىخىدىكى 2-قىممەت پۇتبولچى بولۇپ قالغان (شۇ چاغدا1-قىممەت توپچى ئانىلكا ئىدى )  . بىراق بۇ توپچىنىڭ شەھەردىكى كۈنلىرى تازا ئوڭۇشلۇق بولماي 2008-يىلى 1-ئايدا كىلىتلىقلار كوماندىسىغا ئىجارىگە بېرىۋىتىلگەن ھەمدە 7-ئايدا كىلىتلىقلار كوماندىسى تەرىپىدىن 2مىليون 500مىڭ فونىستىرلىڭغا رەسمى سېتىۋىلىنغان .  
ئۇنىڭدىن باشقا گىرىتسىيە دۆلەت كوماندىسىنىڭ 9-نومۇرلۇق يەنە بىر توپچىسى لىبىيروبىسمۇ خېلى تالانىتلىق توپچىلارنىڭ بىرسى بولۇپ ،  1975-يىلى 8-ئاينىڭ 4-كۈنى تۇغۇلغان ،
بوي ئىگىزلىكى 187سانتىمىتىر ، 82كىلوگىرام ،  2008-يىلى يازدا گېرمانىيەنىڭ فىرانكىفورد كوماندىسىغا قوشۇلغان ۋە 10-نومۇرلۇق كىيىمنى كەيگەن ، گېرمانىيەدە ئىككى پەسىل توپ تەپكەندىن كىيىن ھازىر گىرىتسىيە بىرلەشمىسىدە داۋاملىق توپ تىپىۋاتىدۇ .  
يەنە بىر داڭلىق توپچىسى ئوتتۇرا بېك ئوينايدىغان پارپاسىتۇپولىس بولۇپ ، تۇغۇلغان ۋاقتى 1988-يىلى 6-ئاينىڭ 9-كۈنى ، ئېگىزلىگى 183سانتىمىتىر ، 82كىلوگىرام ،
دۆلەت كوماندىسىدىكى نومۇرى 19 .    پارپاسىتۇپولىس 2008-يىلى 3مىليون 800مىڭ ياۋرولۇق باھا بىلەن ئىتالىيەنىڭ رىنايا كوماندىسىغا يۆتكىلىپ كەلگەن بولۇپ ، 2010-يىلى 4مىليون ياۋرو لۇق باھا ۋە بىرنەچچە توپچىنى قوشۇپ بىرىش بەدىلىگە مىلان كۇلۇبى تەرىپىدىن سىتىۋېلىنغان ، 2011-يىلىغا كەلگەندە مىلان كۇلۇبى بۇ توپچىنى 2 مىليون ياۋرۇلۇق باھا بىلەن رىناياغا يەنە قايتۇرۇپ بەرگەن ، رىنايا كۇلۇبى بۇ توپچىنى ھازىر گرمانىيەنىڭ بېرمىن كوماندىسىغا ئىجارىگە بېرىۋەتتى .

---

3. روسسىيە دۆلەت كوماندىسى
بۇ دۆلەت كوماندىسىدىمۇ خېلى يامان ئەمەس توپچىلار توپلاشقان كوماندىنىڭ بىرسى بولۇپ ، كاپىتان ئارشاۋىن ۋە ئىگانوۋىچ قاتارلىقلار روسسىيەنىڭ داڭلىق چولپانلىرى ھېسابلىنىدۇ .
ئارشاۋىن بولسا 1981-يىلى 5-ئاينىڭ 29-كۈنى تۇغۇلغان ، بوي ئىگىزلىكى 167سانتىمىتىر ،  سانكىت پىتىربورىگدا تۇغۇلغان ، 69 كىلوگىرام ، 2006-يىلى روسسىيە پۇتبول ئەپەندىسى ، 2008-2009-يىللىق ئارسىنال كوماندىسىنىڭ يىللىق ئەڭ ياخشى ماھىرى قاتارلىق شەرەپلەرگە ئېرىشكەن ! 2007-2008-يىللىق مۇسابىقە پەسلىدە ئارشاۋىن زىنىت كۇلۇبى ئۈچۈن 25 مەيدان مۇسابىقىگە قاتنىشىپ 11 توپ ئۇرۇپ شۇ يىللىق ياۋروپا ئىتتىپاق لوڭقىسىنىڭ چىمپىيونلۇقىنى قولغا كەلتۈرگەن . ھەمدە 2008-يىللىق ياۋروپا لوڭقىسىدىكى ئېسىل ئىپادىسى بىلەن ياۋروپادىكى نۇرغۇنلىغان زەردارلارنىڭ سېتىۋىلىش نىشانى بولۇپ قالغان . دەسلەپتە ئارسىنال باش تېرىنىرى ۋېنگىر زىنىت كۇلۇبىغا ئارشاۋىن ئۈچۈن 10مىليون فونىستىرلىڭ باھا قويغان  ..بىراق كەسكىنلىك بىلەن رەت قىلىنغان .  شۇ چاغدا بارسىلونا كوماندىسىمۇ ئارشاۋىننى سېتىۋىلىش ئۈچۈن ھەركەت قوللانغان بىراق زىنىت تەرەپنىڭ قويغان شەرتى بارسىلونا كۇلۇبىنى بېسىقتۇرۇپ قويغان ! زىنىت تەرەپنىڭ شەرتى بولسا 23مىليون ياۋرو + ئارشاۋىن = مېسسى .   زىنىت تەرەپ بولسا 27ياشلىق ئارشاۋىننىڭ ئۈستىدىن يەنە 23 مىليون ياۋرو قوشۇپ 21 ياشلىق مېسسىغا ئالماشتۇرماقچى بولغان    ..... بىراق بارسىلونا كۇلۇبى بۇ شەرىتكە قانداقمۇ قوشۇلسۇن .  
شۇنىڭ بىلەن ئارسىنال كوماندىسى 16مىليون 500 ياۋرو باھا بىلەن  چېلسى قاتارلىق بىر نەچچە زەردارنىڭ قارىتىپ قويۇپ  ئارشاۋىننى سېتىۋالغان .
بۇيىل 2-ئاينىڭ 25-كۈنى ئارشاۋىن 2011-2012-يىللىق مۇسابىقە پەسلى تۈگىگىچە ئۆزىنىڭ ئانا كوماندىسى بولغان زىنىت كۇلۇبىغا 1مىليون 500مىڭ ياۋروغا ئىجارىگە بېرىۋىتىلدى .
ئىگانوۋىچ بولسا 1979-يىلى 7-ئاينىڭ 14-كۈنى تۇغۇلغان ، مەيداندىكى ئورنى بېك ،  بوي ئىگىزلىكى 186سانتىمىتىر ، 84 كىلوگىرام . ئوڭ پۇتلۇق .  دۆلەت كوماندىسىدا 4-نومۇرلۇق كىيىمنى كىيىدۇ .  
ئىگانوۋىچ بارلىق پۇتبولچىلىق ھاياتىدا روسسىيە بىرلەشمىسىدىن ئايرىلىپ باشقا زەردار كۇلۇبلاردا توپ تىپىپ باقمىغان بولسىمۇ ، بىراق روسسىيەدە ئىگانوۋىچنىڭ تەسىر دائىرىسى خېلىلا يۇقىرى . 2008-يىلى مىلان كۇلۇبى روسسىيەنىڭ بۇ داڭلىق ئوتتۇرا بىكىگە خېلىلا يېقىنلاشقان بولۇپ بەزى سەۋەبلەر تۈپەيلىدىن توختام تۈزۈشەلمەي قالغان . يەنى شېۋچىنكونىڭ مىلانغا قوشۇلىشى بىلەن ئىگانوۋىچنىڭ مىلانغا قوشۇلۇش ئىشى كەينىگە سۈرۈلۈپ ئاخىرىدا مىلاننىڭ سېتىۋىلىش پىلانى پۈتۈنلەي توختاپ قالغان .

---

4. چېخ دۆلەت كوماندىسى
بۇ دۆلەت كوماندا ھەممەيلەننىڭ بىرىنچى بولۇپ ئىسىمىزگە كىلىدىغىنى ھازىرقى چىلسى كۇلۇبىنىڭ بىرىنچى نومۇرلۇق قاپقىچىسى چېخ !  
چىخ 2004-يىلى 7-ئاينىڭ 1-كۈنى 10مىليون ياۋرۇلۇق باھا بىلەن چىلسى كوماندىغا قوۇشۇلغان بولۇپ 5 يىللىق توختام تۈزگەن ( ھازىر قايتىدىن توختام ئۇزارتىپ بولدى )  .
تۇغۇلغان ۋاقتى 1982-يىل 5-ئاينىڭ 20-كۈنى ، بوي ئىگىزلىكى 196سانتىمىتىر ، 92 كىلوگىرام ،  بۇيىللىق چىلسىنىڭ ئۇزغۇن بولىشىدا ئالاھىدە تۆھپىسى بار !   
چىخنىڭ چېلسىدا ئېرىشكەن شان -شەرەپلىرى خېلىلا كۆپ بولۇپ ،  8 يىلدىن بىرى چېلسى كۇلۇبى بىلەن نۇرغۇنلىغان ئىسسىق -سوغۇقنى بىللە ئۆتكۈزگەن . ... ھازىرقى چىسلىنىڭ رىۋايەتلىك شەخىسلىرىدىن بىرى بولۇشقا مۇناسىپ .  چېخ ھازىرقى دۆلەت كوماندىسىنىڭ كاپىتانى ، دۆلەت كوماندىسىدا ۋە كۇلۇبتا 1 -نومۇرلۇق كىيىمنى كىيىدۇ !
چېخ كوماندىسىنىڭ يەنە بىر داڭلىق چولپىنى بولسا ھازىرقى ئارسىنال كوماندىسىدىكى روسىكىي .
روسىكىي 1980-يىلى 10-ئاينىڭ 4-كۈنى تۇغۇلغان .   بوي ئىگىزلىكى 175 سانتىمىتىر ،  ئېغىرلىقى 67 كىلوگىرام ، مەيداندىكى ئاساسلىق ئورنى ئوتتۇرا مەيدان .   2000-يىلى گېرمانىيىنىڭ دورتمونىد كوماندىسىغا قوشۇلغان ، 6 پەسىل دورىتمونىد كوماندىسى ئۈچۈن توپ تەپكەن ۋە شانلىق نەتىجىلەرنى ياراتقان ،   2006-يىلى يازدا ئارسىنال كوماندىسىغا يۆتكىلىپ ھازىرغىچە ئارسىنال كوماندىسىدا توپ تىپىۋاتىدۇ .   ئىلگىركى نېدۋىد ، كوللىر قاتارلىقلار بىلەن ئۇزۇن يىل دۆلەت كوماندىسى ئۈچۈن توپ تەپكەن داڭلىق پۇتبولچى !  
يەنە بىر داڭلىق پۇتبولچىسى بولسا تۈركىيەنىڭ گالاتا ساراي كۇلۇبنىڭ ھۇجۇمچىسى باروس .   باروسنىڭ تۇغۇلغان ۋاقتى 1981-يىل 10-ئاينىڭ 28-كۈنى ، بوي ئىگىزلىكى 184سانتىمىتىر ، ئېغىرلىقى 28 كىلوگرام ، مەيداندىكى ئورنى ھۇجۇم ، ئالاھىدىلىكى سۈرئىتى ئالاھىدە تىز .  كىيىم نۇمۇرى 15 !  
باروسنىڭ پۇتبولچىلىق ھاياتىنىڭ كۆپ قىسمى ئىنگىلانىد دەرىجىدىن تاشقىرى بىرلەشمىدە ئۆتكەن بولۇپ ، ئاساسلىقى لېۋىرپول ، ئاستۇنۋىللا ، بۇسىماۋسى قاتارلىق كۇلۇبلاردا توپ تەپكەن ۋە فىرانسىيەنىڭ لىيون كۇلۇبىدىمۇ بىر مەزگىل توپ تەپكەن چېخ كوماندىسىنىڭ داڭلىق چولپانلىرىنىڭ بىرى .   2001-يىلى 3مىليون 500مىڭ ياۋرۇلۇق باھا بىلەن لىۋىرپول كۇلۇبىغا قوشۇلۇپ 5 يىل توپ ئوينىغان ، كەينىدىن ئىككى يىل ئاستۇنۋىللادا ، 1.5يىل لىيون كوماندىسىدا ، 0.5يىل بۇسىماۋسى كۇلۇبىدا توپ ئويناپ 2008-يىلى  تۈركىيەنىڭ گالاتا ساراي كۇلۇبىغا قوشۇلغان ... ھازىرغىچە تۈركىيە بىرلەشمىسىدە توپ تىپىۋاتىدۇ .  باروسمۇ نىدۋىد ، روسىكىي ، كوللىر ،چېخ قاتارلىقلار بىلەن بىللە چىخ كوماندىسىنىڭ شانلىق دەۋرىنى ياراتقۇچىلارنىڭ بىرى .

---

5.گوللاندىيە دۆلەت كوماندىسى
بۇ دۆلەتنىڭ داڭلىق چولپانلىرى ناھايىتى كۆپ بولۇپ ، تۆۋەندە بۇيىللىق ياۋروپا لوڭقىسىدا گوللاندىيەنىڭ تەغدىرىنى بەلگىلەيدىغان بىرنەچچە چولپاننى قىسقىچە تونۇشتۇرۇپ ئۆتىمەن !
1. ۋان پېرىس  :  بۇ چولپاننىڭ بۇ يىللىق قالتىس ئىپادىسىنى مۇنبەردىكىلەرنىڭ بىلمەيدىغىنى يوققۇ دەيمەن، فابرىگاس ئارسىنالدىن كەتكەندىن كىيىن فابرىگاسنىڭ كاپىتانلىق يەڭ بەلگىسى بۇ پەسىل ۋان پېرىسقا قالدى ھەمدە كاپىتان بولغانغا چۇشلۇق ئىپادىسىمۇ ئالاھىدە ياخشى بولدى .  2011-2012-يىللىق مۇسابىقە پەسلىدە بىرلەشمىدە 35 توپ ئۇرۇپ ئىنگىلانىدنىڭ مەرگىنى بولدى شۇنداقلا 95-يىلى ئالەن شىر ياراتقان ئىنگىلانىدنىڭ 36 توپ رىكورتىغا خېلىلا يېقىنلاشتى .
ۋان پىرىسنىڭ تۇغۇلغان ۋاقتى 1983-يىل 8-ئاينىڭ 6-كۈنى ،  بوي ئىگىزلىكى 186سانتىمىتىر ، 71 كىلوگىرام . سول پۇتلۇق ،  كۇلۇبتىكى نومۇرى 10 ، دۆلەت كوماندىسىدىكى نومۇرى 16 .  دۆلەت كوماندىسىغا ۋاكالەتەن 60 مەيدان مۇسابىقىگە قاتنىشىپ 25 توپ ئۇرغان . مەيداندىكى ئورنى ھۇجۇم ، قۇشۇمچە يان ھۇجۇم !
2004-يىلى يازدا ئارسىنال كوماندىسىغا قوشۇلغان ، جەمئىي 8 يىل ئارسىنال كۇلۇبى ئۈچۈن مەيدانغا چىققان ، تا ھازىرغىچە ئارسىنال كۇلۇبىدا تۇرىۋاتىدۇ ، لىكىن بۇيىل ياۋروپا لوڭقىسىدىن كىيىن ئارسىنالدىن ئايرىلىش ئىھتىماللىقى سەل چوڭراق  !  ياۋروپادىكى داڭلىق زەردارلارنىڭ تالىشىپ سېتىۋىلىش ئوبىيىكتى   
2. روبىن : بۇ توپچىمۇ ھەممىمىزگە تونۇشلۇق بولغان گوللاندىيەنىڭ دۇنيا دەرىجىلىك چولپىنى .  1984-يىلى 1-ئاينىڭ 23-كۈنى تۇغۇلغان ،  بوي ئىگىزلىكى 181سانتىمىتىر ، 80 كىلوگىرام ،  سول پۇتلۇق ، ھازىرقى كوماندىسى گېرمانىيە زەردارى بەيرىن مىيۇنخىن ، كۇلۇبتىكى نومۇرى 10 ،  دۆلەت كوماندىسىدىكى نومۇرى 11 ،  2010-يىللىق گېرمانىيە پۇتبول ئەپەندىسى .  مەيداندىكى ئورنى ئوتتۇرا مەيدان ، ئوڭ كىراي !    روبىن 2004-يىلى گوللاندىيەنىڭ ئەيىنخوۋىن كۇلۇبىدىن 12 مىليون فونىستىرلىڭ باھا بىلەن چىلسىغا يۆتكىلىپ كەلگەن بولۇپ 3 پەسىل تۇرغاندىن كىيىن 2007-يىلى يازدا 36 مىليون ياۋرۇلۇق باھا بىلەن  ئىسپانىيەنىڭ خان جەمەتى مادرىد كۇلۇبىغا يۆتكىلىپ كەلگەن ،  مادرىدتا 2 پەسىل تۇرغاندىن كىيىن 2009-يىلى يازدا25 مىليون ياۋرۇلۇق باھا بىلەن  گېرمانىيەنىڭ بەيرىن مىيۇنخىن كوماندىسىغا يۆتكەلگەن .... تا ھازىرغىچە بايرىندا توپ تىپىۋاتىدۇ !  
روبىننىڭ دۆلەت كوماندىسىدىكى ئىپادىسىمۇ ئالاھىدە ياخشى !  
3. سىنىيدېر :  گوللاندىيەنىڭ بۇ 10-نومۇرلۇق ئوتتۇرا مەيدان توپچىسىمۇ دۇنيادىكى داڭلىق پۇتبول چولپانلىرىنىڭ بىرى .  
ھازىر ئىتالىيەنىڭ ئىنتېر كۇلۇبىدا توپ تىپىدۇ .  تۇغۇلغان ۋاقتى 1984-يىل 6-ئاينىڭ 9-كۈنى ، بوي ئىگىزلىكى 170 سانتىمىتىر ، ئېغىرلىقى 64 كىلوگىرام ،  2009-2010-يىلللىق ياۋرۇپا ئۇزغۇنلۇق لوڭقىسى ئەڭ مۇنەۋۋەر ئوتتۇرا مەيدان ماھىرى ، 2010-يىللىق دۇنيا لوڭقىسى كۈمۈش توپ مۇكاپاتى ، 2010-يىللىق دۇنيا لوڭقىسى مىس ئاياق مۇكاپاتى قاتارلىق شەخسىي شەرەپلەرگە ئېرىشكەن !  دۆلەت كوماندىسىغا ۋاكالىتەن 79 مەيدان مۇسابىقىگە قاتنىشىپ 23 توپ ئۇرغان .  2007-يىلى 8-ئاينىڭ 13-كۈنى 27 مىليون ياۋرۇلۇق  باھا بىلەن گوللاندىيەنىڭ ئاياكىس كۇلۇبىدىن ئىسپانىيەنىڭ خان جەمەتى مادرىد كۇلۇبىغا يۆتكەلگەن ،  2009-يىلى 8-ئاينىڭ 27-كۈنى 15 مىليون ياۋرۇلۇق باھا بىلەن مادرىدتىن ئىتالىيەنىڭ ئىنتېر كۇلۇبىغا يۆتكەلگەن !  كۇلۇبتىكى ۋە دۆلەت كوماندىسىدىكى نۇمۇرى 10 !  
ئۇنىڭدىن باشقا توتىنخامدا توپ ئوينايدىغان 23-نومۇرلۇق ۋاندىرۋات ، ئالدىنقى كۈنىلا لېۋىرپولدىن ئايرىلىپ تۈركىيەگە كەتكەن 7-نومۇرلۇق كۇيىت ، بارسىلونادا توپ تىپىدىغان 20-نومۇرلۇق ئافىللەي ، گېرمانىيەنىڭ شارىك04 كۇلۇبىدىكى 9-نومۇرلۇق خۇنتىلار ،مانچىستىر شەھىرىدە توپ ئوينايدىغان 8 -نومۇرلۇق دېروڭ ، يېقىندا مىلاندىن ئايرىلغان  6-نومۇرلۇق ۋان بوممىل قاتارلىقلارمۇ گوللاندىيەنىڭ دۇنياغا داڭلىق چولپانلىرى ھېسابلىنىدۇ .    

---

6. دانىيە دۆلەت كوماندىسى
دانىيە دۆلەت كوماندىسىمۇ  بۇيىللىق قارا تۇلپار بوپ قېلىش ئېھتىماللىقى ناھايىتى يۇقىرى بولغان كۇلۇبلارنىڭ بىرسى بولۇپ ، بۇ كوماندىدا  كىيار ، ئېرىكسون ، بېنتىنا قاتارلىق ياۋروپادا خېلى كۆزگە كۆرۈنگەن چولپانلار بار !
كىيار: 1989-يىلى 3-ئاينىڭ 26-كۈنى تۇغۇلغان .  بوي ئىگىزلىكى 189سانتىمىتىر ، ئېغىرلىقى 82 كىلوگىرام ،  مەيداندىكى ئورنى ئوتتۇرا بېك .   دۆلەت كوماندىسىدىكى نومۇرى  3-نومۇر !
كىيار 2008-يىلى 4 مىليون ياۋرۇلۇق باھا بىلەن ئىتالىيەنىڭ پالېرمو كوماندىسىغا قوشۇلغان ھەمدە شۇ يىلى 27 مەيدان مۇسابىقىگە قاتنىشىپ 3 توپ ئۇرغان ،  كىيىنكى پەسىلدە 35 مەيدان مۇسابىقىگە قاتنىشىپ 2 توپ ئۇرغان ، 2010-يىلى 12 مىليون ياۋرۇلۇق باھا بىلەن گېرمانىيەنىڭ بۆرە قەلئەسى (ۋولفۇسبورىگ ) كۇلۇبىغا يۆتكەلگەن !   2007-يىلى 19 ياشلىق كىيار دانىيە پۇتبول جەميىتى تەرىپىدىن يىللىق ئەڭ ياخشى يېڭى ماھىر شەرىپىگە ئېرىشكەن !  كىيارنىڭ بويى ئېگىز ، بەدىنىمۇ خېلى قاۋۇل بولۇپ باش توپ ئىقتىدارىمۇ خېلىلا يۇقىرى ، بىراق سۈرئىتى بىلەن پۇت ئاستى تېخنىكىسىنى يەنىمۇ ئۆستۈرۈشكە توغرا كىلىدۇ  !
ئېرىكسون :  1992-يىلى 2-ئاينىڭ 27-كۈنى تۇغۇلغان ( بەزى ماتىرياللاردا 2-ئاينىڭ 14-كۈنى تۇغۇلغان دەپتۇ )   مەيداندىكى ئورنى ئۇتتۇرا مەيدان ،  بوي ئىگىزلىكى 175سانتىمىتىر ، ئېغىرلىقى 65 كىلوگىرام ،  ھەر ئىككىلا پۇتىدا توپنى ناھايىتى ياخشى تىپىدۇ .  ھازىرقى تۇرۇشلۇق كوماندىسى گوللاندىيەنىڭ ئاياكىس كۇلۇبى ،  2010-يىلى 1-ئاينىڭ 17-كۈنى ئېرىكسون ئاياكىس كۇلۇبىدا تۇنجى مەيدان يۇقىرى دەرىجىلىك بىرلەشمە مۇسابىقىدە مەيدانغا چىققان .  ھازىرقى دۆلەت كوماندىسىدىكى نومۇرى 8 !   
بۇيىل 3-ئايدا ئېرىكسون ئۆزىنىڭ رىم كۇلۇبىنىڭ مەستانىسى ئىكەنلىگىنى ئاشكارلىغان ، 5 -ئايدا يەنە بىر قېتىم ئۆزىنىڭ رىم كوماندىسىغا قوشۇلۇش ئارزۇسى بارلىقىنى ئاشكارلىغان ، رىم كۇلۇبىمۇ شۇ ھامان بۇ تالانىتلىق ياش چولپانغا 15 مىليون ياۋرۇ باھا قويغان ، ئاياكىس كۇلۇبىمۇ بۇ باھاغا قوشۇلغان !  ( رىم كوماندىسىغا قوشۇلدىغانلىقى توغرىسىدىكى مەزمۇنلار سەل مۇجىمەل تۇرىدۇ ،  بۇ توغۇرلۇق مەزمۇن توتتىكامغا قالدى   )
بېنتىنا : 1988-يىلى 1-ئاينىڭ 16-كۈنى تۇغۇلغان ،  بوي ئىگىزلىكى 193سانتىمىتىر ،  ئېغىرلىقى 86 كىلوگىرام ،  ھازىرقى كۇلۇبى  ئېنگىلانىدتىكى ساندىرلانىد كۇلۇبى ،  دۆلەت كوماندىسىدىكى نومۇرى 11 ،  مەيداندىكى ئورنى ئوتتۇرا ھۇجۇم !  
بېنتىنا 16 ياشقا كىرگەن يىلى ۋېنگىر كوپىنھاگىن كۇلۇبىدىن 250مىڭ ياۋروغا سېتىۋېلىپ  ئارسىنال كۇلۇبىنىڭ ياشلار بازىسىغا ئېلىپ كىلىپ ئۆزى بىر قوللۇق تەربىيلەپ يىتىشتۈرگەن .  ئارسىنالنىڭ تەييارلىق كوماندىسىدا تۇرغان ۋاقىتتا 27 مەيدان مۇسابىقىدە 22 توپ ئۇرۇپ تەييارلىق كوماندىنىڭ رىكورتىنى بۇزغان تالانىتلىق ھۇجۇمچى !   2006-يىلى 8-ئاينىڭ 16-كۈنى تۇنجى قېتىم دانىيە دۆلەت كوماندىسىغا تاللانغان ،  2006-يىلى 11-ئايدىن 12-ئايغىچە بولغان ئارلىقتا لىيون كۇلۇبى بىلەن مىلان كۇلۇبى بېنتىناغا تەكلىپ ئەۋەتكەن ، بىراق بېنتىنا ئىنگىلانىدتىن ئايرىلغۇسى يوقلىقىنى ئېيتىپ رەت قىلىۋەتكەن ، ھەمدە شۇ يىلى ۋىنگىرنىڭ قارارى بويىچە ئىنگىلانىدنىڭ بومىڭيۈ كۇلۇبىغا بىر يىللىق ئىجارىگە بېرىلگەن .  2007-يىلى 5-ئايدا ئارسىنال كۇلۇبى بېنتىنا بىلەن 5 يىللىق توختام ئىمزالىغان ،  2011-يىلى 8-ئاينىڭ 31-كۈنى ساندىرلانىد كۇلۇبىغا ئىجارىگە بېرىلگەن !  
بېنتىنانىڭ دۆلەت كوماندىسىدىكى ئىپادىسىمۇ خېلى ياخشى بولۇپ 31 مەيدان مۇسابىقىگە قاتنىشىپ 10 توپ ئۇرغان .  

---

7.گېرمانىيە دۆلەت كوماندىسى
گېرمانىيە كوماندىسى بولسا دۇنيادىكى داڭلىق چولپانلار توپلاشقان كوماندىلارنىڭ بىرسى بولۇپ ، نويىر ، لام ، پودولىسكى ، كېلوز ، گومىز ، ئۆزىل ، قىدرا ، موللىر ، گوتزې ،شىۋىنىستايگېر...... قاتارلىق داڭلىق چولپانلار بار .

نويىر :  تۇغۇلغان ۋاقتى : 1986-يىلى 3-ئاينىڭ 27-كۈنى بەدەن ئېغىرلىقى : 90 كىلوگىرام   بوي ئىگىزلىكى : 193سانتىمىتىر  ، دۆلەت كوماندىسىدىكى نومۇرى ۋە كۇلۇبتىكى نۇمۇرى 1 .
نويىر 1991-يىلى 3-ئاينىڭ 5-كۈنى 5 ياشقا توشماي تۇرۇپ گېرمانىيەنىڭ شارىك 04 كۇلۇبىنىڭ ياش-ئۆسمۈرلەرنى تەربىيلەش بازىسىغا ئېلىپ كىلىنىپ مۇنتىزىم تەربىيلەنگەن ، 19 ياشقا كىرگەن يىلى شارىكنىڭ 1-كوماندىسىدا رەسمى قاپقىچى بولغان ، 2006-2007-يىللىق ۋە 2010-2011-يىللىق مۇسابىقە پەسلىدە گېرمانىيەبىرلەشمىسىدىكى ئەڭ مۇنەۋۋەر قاپقىچى شەرىپىگە ئېرىشكەن ، 2010-2011-يىللىق گېرمانىيە پۇتبول ئەپەندىسى بولغان ، 2006-يىلدىن 2011-يىلغىچە 5يىل شارىكتا ئاساسلىق قاپقىچى بولغان ، 2011-يىلى 6-ئاينىڭ 30-كۈنى 25 مىليون ياۋرۇلۇق باھا بىلەن بەيرىنگە قېتىلغان ، توختام مۇددىتى 5 يىل ، 2016-يىلى 6-ئاينىڭ 30-كۈنى توشىدۇ . دۆلەت كوماندىسىغا ۋاكالىتەن 21 مەيدان مۇسابىقىگە قاتناشقان .

لام : 1983-يىلى 11-ئاينىڭ 11-كۈنى تۇغۇلغان ، بوي ئىگىزلىكى 170سانتىمىتىر ، ئېغىرلىقى 61 كىلوگىرام ، مەيداندىكى ئورنى يان بېك (ئوڭ-سول ھەممە ئورۇننى ئوينىيالايدۇ )  دۆلەت كوماندىسىدىكى نومۇرى 16 .  لەقىمى تىيىن ،  
لام بەيرىن مىيۇنخىن كۇلۇبىنىڭ ياشلار بازىسىدىن يىتىشىپ چىققان پۇتبولچى بولۇپ ئەينى يىللىرى بەيرىن يۇقىرى قاتلىمىنىڭ دىققىتىنى تارتالماي، 2004-يىلى سىتۇگارت كۇلۇبىغا ئىككى يىللىق ئىجارىگە بېرىۋىتىلگەن ، لام سىتۇگارتقا كەلگەندىن كىيىن تېرىنىر ماجاتنىڭ يىتەكچىلىكىدە مەيداندىكى ياخشى ئىپادىسى بىلەن سىتۇگارت كۇلۇبىنىڭ 2-لىكنى قولغا كەلتۈرىشىگە كۆپ كۈچ چىقارغان ، ياۋرۇپا ئۇزغۇنلۇق لوڭقىسىدىكى ئىپادىسىمۇ ناھايىتى ياخشى بولغان ، 2006-يىلغا كەلگەندە بايرىن يۇقىرى قاتلىمى جىددى ھەركەتكە كىلىپ لامنى قايتۇرۇپ ئەپ كەلگەن ! لام قايتىپ كىلىپ شۇ يىلىلا دۆلەت كوماندىسىغا تاللانغان ،ھەمدە كوماندىنىڭ ئاساسلىق سول بېكى بوپ قالغان ، لام بالىلىق ۋاقتىدىن باشلاپ ۋاسكىتبول پادىشاھى مايكول جوردانغا ئوخشاش داڭلىق ۋاسكىتبولچى بولۇشنى ئارزۇ قىلىدىغان بولۇپ ، كىيىن يېشىنىڭ چوڭىيىشىغا ئەگىشىپ ئۆزىنىڭ بەدەن ساپاسىنىڭ ۋاسكىتبولچى بولوشقا ماس كەلمەيدىغانلىقىنى تونۇپ يىتىپ ، ئاخىرى پۇتبولچىلىق كەسپىنى تاللىغان ، لام ھازىر بەيرىن مىيۇنخىن ۋە گېرمانىيە دۆلەت كوماندىسىنىڭ كاپىتانى .  دۆلەت كوماندىسى ئۈچۈن 57 مەيدان مۇسابىقىگە قاتنىشىپ 3 توپ ئۇرغان ، بۇ ئۇرغان توپ سانى ئاز بولغان بىلەن ھالقىلىق توپلارنى ئۇرۇپ قويىدىغان خۇيى بار ، ياردەمچى پاس بىرىش ئىقتىدارىمۇ ناھايىتى ياخشى ! بايرىن كوماندىسى ئۈچۈن جەمئىي 6 پەسىل توپ تەپكەن ھەم داۋاملىق تىپىۋاتىدۇ .

كىلوز : 1978-يىلى 6-ئاينىڭ 9-كۈنى تۇغۇلغان ، بوي ئىگىزلىكى 184سانتىمىتىر ، ئېغىرلىقى 81كىلوگىرام ، دۆلەت كوماندىسىدا 11 -نومۇرنى كىيىدۇ ، كۇلۇبتا 11، 18،25-نومۇرلۇق كىيىملەرنى كىيگەن ، دۇنيا لوڭقىسىدا 14 توپ ئۇرغان قاتىل ھۇجۇمچى ، دۆلەت كوماندىسىنىڭ مۇئاۋىن كاپىتانى .
كىلوز 99-يىلدىن 2004-يىلغىچە كەيزى سىلاۋتىڭ كوماندىسىدا 2004-يىلدىن 2007-يىلغىچە بېرمىن كوماندىسىدا ، 2007-يىلدىن 2011-يىلغىچە بەيرىن مىيۇنخىن كوماندىسىدا توپ ئوينىغان ، ھازىر ئىتالىيەنىڭ لازىيو كوماندىسىدا توپ تىپىۋاتىدۇ . بېرمىن كۇلۇبىغا 5 مىليون ياۋرۇلۇق باھا بىلەن يۆتكەلگەن 2007-يىلى بەيرىنگە 15 مىليون ياۋرۇلۇق باھا بىلەن يۆتكىلىپ كەلگەن ،  دۆلەت كوماندىسىدا جەمئىي 63 توپ ئۇرۇپ گېرمانىيەنىڭ رىۋايەتلىك ھۇجۇمچىسى گەيدى مۇللىرنىڭ 68 توپ رىكورتىغا ئەڭ يېقىنلاشقان ھۇجۇمچى . يەنە بىر قىزىق نۇقتا شۇكى كىلوز  دۆلەت كوماندىسىدىكى پۇتبولچىلىق ھاياتىدا بىرمۇ نۇقتا توپ تىپىپ باقمىغان ئۇرغان 63 توپنىڭ ھەممىسى ئۆزىنىڭ تىرىشچانلىقىغا تايىنىپ پۇرسەت تۇتۇپ ئۇرغان توپلىرى .

ئۆزىل : 1988-يىل 10-ئاينىڭ 15-كۈنى تۇغۇلغان ، بوي ئىگىزلىكى 182سانتىمىتىر ، تۈرك مىللىتىدىن ، ئىسلام دىنىغا ئىتىقاد قىلىدۇ ، ھازىر توپ تىپىۋاتقان كۇلۇبى ئىسپانىيە زەردارى خان جەمەتى مادرىد كوماندىسى ، كۇلۇبتا 10-نومۇرلۇق كىيىمنى كىيىدۇ ،  سول پۇتىدا توپ تىپىدۇ . 2010-يىللىق دۇنيا لوڭقىسىدا بىر توپ ئۇرۇپ 3 ياردەمچى پاس چىقارغان . دۆلەت كوماندىسىدا 8-نومۇرلۇق كىيىمنى كىيىدۇ .
ئۆزىل 2005-يىلى شارىك 04 كۇلۇبىنىڭ ياشلار بازىسىغا قوشۇلغان ،  2008-يىلى 20ياشقا كىرگەندە3 يىللىق توختام بىلەن بېرمىن كوماندىسىغا يۆتكىلىپ كەلگەن ، 2008-يىلى 4-ئاينىڭ 26-كۈنى بېرمىن كۇلۇبىدا ئۆزىنىڭ بىرلەشمىدىكى تۇنجى توپىنى ئۇرغان .   2010-يىللىق دۇنيا لوڭقىسىدىكى ئېسىل ئىپادىسىدىن كىيىن مادرىد باش تىرىنىرى مورىنخو 15 مىليون ياۋرۇلۇق باھا بىلەن ئۆزىلنى مادرىدقا قوشىۋالغان ، مادرىدقا كەلگەن بىرىنچى پەسىلدىلا 28 ياردەمچى پاس چىقىرىپ 10 توپ كىرگۈزگەن .

شىۋىنىستايگىر : 1984-يىلى 8-ئاينىڭ 1-كۈنى تۇغۇلغان ،  بوي ئېگىزلىكى 180سانتىمىتىر ، ئېغىرلىقى 76كىلوگىرام ،  دۆلەت كوماندىسىدىكى نومۇرى 7 ، كۇلۇبتىكى نومۇرى 31 .  1998-يىلى 7-ئاينىڭ -كۈنى بايرىن مىيۇنخىن كۇلۇبىنىڭ ياشلار بازىسىغا قوبۇل قىلىنغان ، 2002-يىلى رەسمىي ھالدا بەيرىننىڭ تەييارلىق كوماندىسىغا كىرگەن .  2003-يىلى 9-ئايدا بىرلەشمىدىكى تۇنجى توپىنى كىرگۈزگەن . مەيداندىكى ئورنى ئوتتۇرا مەيدان ( ئارقا بەل ) ،  دۆلەت كوماندىسىغا ۋاكالىتەن 71 مەيدان مۇسابىقىگە قاتنىشىپ 22 توپ كىرگۈزگەن ،  10 يىل بەيرىن ئۈچۈن مەيدانغا چىققان سادىق توپچىلارنىڭ بىرسى .  2003-يىلى 1-ئاينىڭ 1-كۈنى بەيرىن بىلەن رەسمى توختاملاشقان ، كەينىدىن داۋاملىق توختام ئۇزارتىش ئارقىلىق ھازىر بەيرىندىكى توختامى 2016-يىلى 6-ئاينىڭ 30-كۈنى توشىدۇ .

پودولىسكى : 1985-يىل 6-ئاينىڭ 4-كۈنى تۇغۇلغان .  بوي ئىگىزلىكى 182سانتىمىتىر ،  دۆلەت كوماندىسىدىكى نومۇرى 10 ، ئېغىرلىقى 83 كىلوگىرام ،  مەيداندىكى ئورنى ھۇجۇمچى ( قۇشۇمچە سول كىراي )  ،  دۆلەت كوماندىسى ئۈچۈن 95 مەيدان مۇسابىقىگە قاتنىشىپ 43 توپ كىرگۈزگەن قاتىل ھۇجۇمچى .  1995-يىلدىن2003-يىلغىچە كىلون كوماندىسىنىڭ مەشىق بازىسىدا تەربىيلەنگەن ، 2003-يىلدىن 2006-يىلغىچەرەسمى كىلون كوماندىسىنىڭ ئەزاسى سۈپىتىدە مەيدانغا چىققان ، 2006-يىلدىن 2009-يىلغىچە10مىليون ياۋرۇلۇق باھا بىلەن 3يىل  بەيرىن كوماندىسىدا توپ تەپكەن ، 2009-يىلدىن 2012-يىلغىچە يەنە 10مىليون ياۋرۇلۇق باھا بىلەن  كىلون كوماندىسىغا كەتكەن  ، ھازىر 14 مىليون ياۋرۇ باھا بىلەن ئىنگىلانىدنىڭ ئارسىنال كۇلۇبىغا يۆتكەلدى . ئەسلى تۇغۇلغان جايى : پولشا .

گومىز : 1985-يىل 7-ئاينىڭ 10-كۈنى تۇغۇلغان ،  بوي ئىگىزلىكى 189سانتىمىتىر ، 86كىلوگىرام ،  كۇلۇبتىكى نۇمۇرى 33 ، دۆلەت كوماندىسىدىكى نۇمۇرى 9 ،
ھازىر توپ تىپىۋاتقان كۇلۇبى بەيرىن مىيۇنخىن . 16 ياش ۋاقتىدا سىتۇگارت كۇلۇبىنىڭ ياشلار بازىسىغا قوبۇل قىلىنغان،  2005-2006-يىللىق مۇسابىقە پەسلىدە سىتۇگارت كۇلۇبىنىڭ بىرىنچى كوماندىسىغا تاللىنىپ چىقىپ يارلانغان بولسىمۇ 25مەيدان مۇسابىقىگە قاتنىشىپ 14 توپ ئۇرغان، جەمئىي 6 پەسىل سىتۇگارت كۇلۇبى ئۈچۈن توپ تەپكەن  ،  2009-يىلى 5-ئاينىڭ 26-كۈنى 30مىليون ياۋرۇلۇق يۇقىرى باھا بىلەن بەيرىن مىيۇنخىن كۇلۇبىغا يۆتكىلىپ كىلىپ گېرمانىيە بىرلەشمىسىنىڭ يۆتكىلىش رىكورتىنى بۇزىۋەتكەن .
يۇقىردىكىلەردىن باشقا يەنە توماس مۇللېر ، گوتزې ، تونىي كىروس ، بوئاتىڭ ، لۇيىس  ، قىدىرا ، موتساك ، بادىسبۇتىر ..... قاتارلىق خېلى نامى چىققان چولپانلار بار !

---

8. پورتىگالىيە دۆلەت كوماندىسى
بۇيىللىق پورتىگالىيە دۆلەت كوماندىسىدىمۇ دۇنياغا داڭلىق چولپانلار خېلى كۆپ بولۇپ ، بۇلارنىڭ ئىچىدە خان مادرىدنىڭ قاتىل ھۇجۇمچىسى ، پورتىگالىيە دۆلەت كوماندىسىنىڭ كاپىتانى كىرىستىيانو رونالدو ،  مانچىستىر بىرلەشمىسىنىڭ داڭلىق توپچىسى نانى ، مادرىدنىڭ داڭلىق ئوتتۇرا بېكى پې پې  ، ياش ئىستىقباللىق يان بېكى ماھىر كونتىراۋ ، چېلسىنىڭ ئوتتۇرا مەيدان توپچىسى مېرىلىس ، ساراگوسادىكى پوستىكا ، تۈركىيەدە توپ تىپىۋاتقان ئارمىلدا ، كورىسما ،  روسسىيەدىكى ئارۋىس ،  پورتودىكى رولەندو ، موتىنخو .....قاتارلىق داڭلىق ماھىرلار بار  .. بۇلارنىڭ ئىچىدە ئىناۋىتى بىر قەدەر يۇقىرى ئورۇندا تۇرىدىغىنى رونالدو ، نانى ، پې پې ، مېرىلىس !  
كىرىستىيانو رونالدو : 1985-يىل 2-ئاينىڭ 5-كۈنى تۇغۇلغان .  بوي ئىگىزلىكى 185سانتىمىتىر ، بەدەن ئېغىرلىقى 78 كىلوگىرام ،  
ئەڭ چوڭ شەخسى نەتىجىلىرى : 2008-يىلى دۇنيا پۇتبول ئەپەندىسى ، ياۋروپا پۇتبول ئەپەندىسى بولغان ، 2008-يىلى ياۋروپا ئۇزغۇنلۇق لوڭقىسى مەرگىنى ،  2008،2011-يىلى ياۋروپا ئالتۇن ئاياق مۇكاپاتىغا ئېرىشكەن !  ھازىر ئىسپانىيەنىڭ خان جەمەتى مادرىد كوماندىسىدا توپ تىپىدۇ ، كۇلۇبتىكى ۋە دۆلىتىدىكى نومۇرى 7  .  
مەيداندا كۆپ ئورۇننىڭ ھۆددىسىدىن چىقالايدۇ  . مەسىلەن : ئوڭ-سول كىراي ، ئوتتۇرا ھۇجۇم .. ( 左右边前卫、左右边锋) مۇنۇ ئىككىسىنىڭ ئېنىق توغرا ئاتىلىشىنى بىلىدىغانلار بولسا ئىنكاس شەكىلدە يېزىپ قويۇڭلا !
رونالدو توغۇرلۇق جىق توختالمىساممۇ مۇنبەردە بۇ توغۇرلۇق مەزمۇنلار جىق يوللىنىپ بولۇنغان ، شۇنداق بولسىمۇ قىسقىچە ئىزاھلاپ ئۆتۈپ كىتەي!
رونالدو 2003-يىلى 8-ئاينىڭ 8-كۈنى12مىليون 240مىڭ فونىستىرلىڭلىق باھا بىلەن پورتىگالىيە بىرلەشمىسىدىكى لىسبون رىقابەت كۇلۇبىدىن ئىنگىلانىدنىڭ مانچىستىر بىرلەشمىسىگە يۆتكىلىپ كەلگەن ،  2009-يىلى 6-ئايدا مانچىستىر بىرلەشمىسىدىن 80مىليون فونىستىرلىڭلىق (94 مىليون ياۋرۇ)  يۇقىرى باھا بىلەن ئىسپانىيەنىڭ مادرىد كۇلۇبىغا يۆتكىلىپ كىلىپ زىدانى ساقلاپ تۇرىۋاتقان ئەڭ يۇقىرى يۆتكىلىش باھاسىنى بۇزۇپ رىكورت ياراتقان ، 2009-7-28-كۈنى مادرىدتىكى تۇنجى توپىنى ئۇرغان .
2003-يىلى 8-ئاينىڭ 20-كۈنى قازاقىستان بىلەن بولغان دوسىتلۇق مۇسابىقىسىدە تۇنجى بولۇپ مەيدانغا چىققان .

نانى :  1986-يىل 11-17-كۈنى تۇغۇلغان ،  بوي ئىگىزلىكى 175 سانتىمىتىر ، بەدەن ئېغىرلىقى 66 كىلوگىرام ،  ھازىرقى كوماندىسى ئېنگىلانىدنىڭ مانچىستىر بىرلەشمىسى كۇلۇبى !
نانى ئافرىقىنىڭ بىر ئارال دۆلىتىدە دۇنياغا كەلگەن ھەمدە كىچىك چېغىدا ئاتا-ئانىسىغا ئەگىشىپ پورتىگالىيەگە كۆچمەن بولۇپ كىلىپ شۇ يەردە ئولتۇراقلىشىپ قالغان ،
نانىمۇ رونالدوغا ئوخشاشلا لىسبون رىقابەت كۇلۇبىنىڭ ياشلار بازىسىدىن يىتىشىپ چىققان پۇتبولچى ، فىگو ، سىماۋ قاتارلىقلارمۇ مۇشۇ كۇلۇبنىڭ مەھسۇلاتلىرى .
2007-يىلى نانى 20ياشقا كەلگەندە فۇرگېسىن بۇنىمۇ مانچىستىر بىرلەشمىسىگە يۆتكەپ ئەكەلگەن ،بىراق ئىككىلا تەرەپ يۆتكىلىش سوممىسىنى ئاشكارلىمىغان . كىيىن ئالاقىدار ئورۇنلارنىڭ ئاشكارلىشىچە شۇ قېتىمقى يۆتكىلىش باھاسى 25مىليون 500مىڭ ياۋرو بولغان .  دۆلەت كوماندىسى ۋە كۇلۇبتىكى نۇمۇرى 17 .  22ياش ۋاقتىدا دۆلەت كوماندىسىغا تاللانغان .

پې پې : 1983-يىل 2-ئاينىڭ 26-كۈنى تۇغۇلغان ، بوي ئىگىزلىكى 187سانتىمىتىر ، بەدەن ئېغىرلىقى 75 كىلوگىرام ،  ھازىرقى تۇرۇشلۇق كۇلۇبى ئىسپانىيە خان جەمەتى مادرىد كوماندىسى ، مەيداندىكى ئورنى كۆپ ئىقتىدارلىق ئوتتۇرا بېك ،  ئەسلى تۇغۇلغان يۇرتى بىرازىليە .  
پې پې كىچىك چېغىدا بىرازىليەنىڭ كىلىندىئان كوماندىسىنىڭ ياشلار بازىسىدا تەربىيلەنگەن ،  18 ياشقا كىرگەندە پورتىگالىيەنىڭ بىر كىچىك كۇلۇبى تەرىپىدىن سېتىۋىلىنغان ، 20ياشقا كىرگەندە كۇلۇبنىڭ ئاساسلىق ئەزاسىغا ئايلانغان ،  2004-يىلى 1 مىليون ياۋرو باھا بىلەن پورتۇ كۇلۇبى تەرىپىدىن سېتىۋىلىنغان ، 2007-يىلى 7-ئاينىڭ 16-كۈنى 30مىليون ياۋرۇلۇق باھا بىلەن مادرىدقا يۆتكىلىپ كەلگەن .  ھەمدە كىچىك چېغىدىلا بىرازىليەدىن كەتكەنلىكتىن ۋە بىرازىليە دۆلەت كوماندىسىغا كىرىشنىڭ قىيىنلىقىنى كۆزدە تۇتۇپ 2007-يىلى 8-ئايدا پورتىگالىيە دۆلەت تەۋەلىكىگە رەسمى ئۆتكەن .  دۆلەت كوماندىسىدا ۋە كۇلۇبتا 3-نومۇرلۇق كىيىمنى كىيىدۇ .

مېرىلىس : 1983-يىلى 3-ئاينىڭ 17-كۈنى تۇغۇلغان ،  بوي ئىگىزلىكى 179سانتىمىتىر ، مەيداندىكى ئورنى ئوتتۇرا مەيدان ، ھازىرقى تۇرۇشلۇق كۇلۇبى چېلسى كۇلۇبى ، تۇغۇلغان يۇرتى پورتۇ .  بەدەن ئېغىرلىقى 65 كىلوگىرام .  
دۆلەت كوماندىسى ئۈچۈن 29 مەيدان مۇسابىقىگە قاتنىشىپ 5 توپ كىرگۈزگەن ،  چىلسىغا كىلىشتىن بۇرۇن پورتۇ ، لېۋىرپول قاتارلىق كۇلۇبلاردا توپ تەپكەن ،  دۆلەت كوماندىسىكى نومۇرى 16  .
مېرىلىس 2004-يىلى ئەركىن توپچى سالاھىتىدە كىچىك بىر كۇلۇبتىن پورتۇ كۇلۇبىغا قوشۇلغان ،  6يىل پورتو كۇلۇبى ئۈچۈن توپ ئوينىغان ، 2010-يىلى 8-ئاينىڭ 29-كۈنى  14مىليون ياۋرۇلۇق باھا بىلەن لېۋىرپولغا يۆتكىلىپ كەلگەن ، 2011-يىل 8-ئاينىڭ 31-كۈنى 15مىليون ياۋرۇلۇق باھا بىلەن چېلسى كۇلۇبىغا ئالماشقان .

---

9. ئىسپانىيە دۆلەت كوماندىسى
بۇ دۆلەت كوماندىسىدا دۇنيا دەرىجىلىك چولپانلار ناھايىتى كۆپ . ھەتتاكى زاپاس قاپقىچىلاردىن تارتىپ ، زاپاس بېك ، ھۇجۇمچى ، ئوتتۇرا مەيدانلارغىچە ھەممىسى دىگۇدەك دۇنياۋى چولپانلار !  بۇلارنىڭ ئىچىدە دۆلەت كوماندىسىدا ئىناۋىتى بىر قەدەر يۇقىرىلىرىدىن ، كاپىتان كاسىللاس  ،  شاۋى ، ئىنىستا ، فابرىگاس ، راموس ،  توررىس ، داۋىد سىلۋا ، ئالونسو ، پېك ، ماتا، ئاربىلويا ... قاتارلىقلار .

كاسىللاس : 1981-يىلى 5-ئاينىڭ 20-كۈنى تۇغۇلغان ،  بويى 185سانتىمىتىر ، ئېغىرلىقى 70كىلوگىرام ،   دۆلەت كوماندىسىدا ۋە كۇلۇبتا ئوخشاشلا 1 -نومۇرلۇق قاپقىچى ،  ھازىرقى تۇرۇشلۇق كۇلۇبى خان جەمەتى مادرىد كۇلۇبى !   1999-يىلى ئىسپانىيەنىڭ ياشلار كوماندىسىغا قوبۇل قىلىنغان ،  2000-يىلى رەسمى ھالدا ئىسپانىيە دۆلەت كوماندىسىغا چاقىرتىلغان .   دۆلەت كوماندىسى ئۈچۈن جەمئىي 127مەيدان مۇسابىقىگە قاتناشقان . 1999-2000-يىلدىكى مۇسابىقە پەسىلدە مادرىدنىڭ ب كوماندىسىدا قاپقىچى بولىۋاتقان كاسىللاس 1-كوماندىنىڭ ئاساسلىق قاپقىچىسىنىڭ يارلانغانلىقى سەۋەبىدىن  1-كوماندىنىڭ ئاساسلىق قاپقىچىسى بولۇپ ئا دەرىجىلىك بىرلەشمە ھاياتىنى رەسمى باشلىغان .
مادرىد كوماندىسى ئۈچۈن جەمئىي 13يىل ئاساسلىق قاپقىچى بولغان سادىق كاپىتان .  

شاۋى :  1980-يىلى 1-ئاينىڭ 25-كۈنى تۇغۇلغان ، بوي ئىگىزلىكى 170 سانتىمىتىر ، بەدەن ئېغىرلىقى 66 كىلوگىرام  ، مەيداندىكى ئورنى ئوتتۇرا مەيدان ،  دۆلەت كوماندىسىدا 8-نومۇرنى  ، بارسىلونا كۇلۇبىدا 6-نومۇرلۇق كىيىمنى كىيىدۇ .   2000-يىلى 11-ئاينىڭ 15-كۈنى ئىسپانىيە دۆلەت كوماندىسىغا ۋاكالىتەن تۇنجى قېتىم مەيدانغا چىققان ،  ھازىرغىچە دۆلەت كوماندىسىغا ۋاكالىتەن 101مەيدان مۇسابىقىگە قاتنىشىپ 9 توپ ئۇرغان ،  شاۋى 11ياشقا كىرگەن يىلى بارسىلوناننىڭ ياشلار بازىسىغا قوبۇل قىلىنغان ،  1999-يىلدىن باشلاپ رەسمىي ھالدا ئىسپانىيە ئا دەرىجىلىك مۇسابىقە ئويناشنى باشلىغان .

ئىنېستا : 1984-يىلى 5-ئاينىڭ 11-كۈنى تۇغۇلغان ،  بوي ئىگىزلىكى 170 سانتىمىتىر ، 65 كىلوگىرام ،  شاۋىغا ئوخشاشلا بارسىلونا كوماندىسىنىڭ لاماسسىيە ئۆسمۈرلەر بازىسىدىن يىتىشىپ چىققان  يەنە بىر داڭلىق ئوتتۇرا مەيدان توپچى ،  دۆلەت كوماندىسىدا 6-نومۇرنى ، كۇلۇبتا 8-نومۇرنى كىيىدۇ !  دۆلەت كوماندىسىدا 63 مەيدان مۇسابىقىگە قاتنىشىپ 10 توپ كىرگۈزگەن ،  12 ياش ۋاقتىدا بارسىلونا كۇلۇبىنىڭ ياشلار بازىسىغا قوبۇل قىلىنغان ،  2002-يىلى بارسىلونا بىرىنچى كوماندىسىغا ۋاكالىتەن تۇنجى قېتىم مەيدانغا چىققان ،  
2006-يىلى 5-ئاينىڭ 27-كۈنى دۇنيا لوڭقىسىدىن بۇرۇنقى بىر قېتىملىق بەدەن قىزىتىش مۇسابىقىسىدە دۆلەت كوماندىسىغا ۋاكالىتەن تۇنجى قېتىم زاپاس ئەزا سالاھىيىتىدە مەيدانغا چىققان .  

توررىس :  1984-يىلى 3-ئاينىڭ 20-كۈنى تۇغۇلغان .  بوي ئىگىزلىكى 183 سانتىمىتىر ،  بەدەن ئېغىرلىقى 70 كىلوگىرام ،  ھازىرقى تۇرۇشلۇق كۇلۇبى چېلسى كۇلۇبى ، دۆلەت كوماندىسىدىكى ۋە كۇلۇبتىكى نومۇرى 9  ،  مەيداندىكى ئورنى ئوتتۇرا ھۇجۇم ،  ئوڭ پۇتتا توپ تىپىدۇ .  چوقۇندىغان ئادىمى  : ئاق پىلى زىكو ،  
17 يىل بۇرۇن توررىس مادرىدتىكى بىر مەھەللىنىڭ ئىشچىلار رايونىدا توپ ئويناپ ئاكىسىنىڭ تەپكەن توپنى توسۇش جەريانىدا بىر چىشى چۈشۈپ كەتكەن ، شۇ چاغدا توررىس قاپقىچى ئىدى .  شۇنىڭدىن كىيىن توررىس كۈزىگە ياش ئالغان ھالدا ئىككىنچى قاپقىچى بولماسلىققا قەسەم قىلغان ،  شۇ قېتىمقى ئاكىسىنىڭ تەپكەن توپى ئىنىسىنىڭ تەقدىرىنى پۈتۈنلەي ئۆزگەرتكەن .   توررىس 10 ياشقا كىرگەن يىلى ھەقىقى تۈردە 11 كىشىلىك مۇسابىقە ئوينايدىغان مۇنتىزىم بىر كۇلۇبقا ئالماشقان ،  ھەمدە بىر پەسىلدىلا 55 توپ ئۇرۇپ ، مادرىد رىقابەت كۇلۇبنىڭ ياشلار بازىسىغا كىرىش پۇرسىتىگە ئېرىشكەن .  14 ياشقا كىرگەن يىلى توررىس مادرىد رىقابەتنىڭ ئۆسمۈرلەر كوماندىسىنى باشلاپ ، مادرىد ، بارسىلونا ، مىلان ، مانچىستىر ، يۇۋىنتۇس كۇلۇبلىرىنىڭ ئۆسمۈرلەر كوماندىسىنى يېڭىپ ئاخىرقى چىمپىيونلۇقنى قولغا كەلتۈرگەن ، شۇنداقلا ياۋروپادىكى ئەڭ مۇنەۋۋەر ياش ماھىر شەرىپىگە ئېرىشكەن .
2001-يىلى 16ياشلىقلار دۆلەت كوماندىسىنىڭ مۇسابىقىسىدە ئىسپانىيە كوماندىسى چىمپىيونلۇقنى قولغا كەلتۈرگەن ، توررىس ئەڭ مۇنەۋۋەر مەرگەن بولغان ،  19 ياشقا كىرگەندە مادرىد رىقابەتنىڭ 1-كوماندىسىغا تاللانغان ھەمدە دەرىجە چۈشۈپ كىتىش گىردابىغا بېرىپ قالغان كوماندىسىنى قۇتقۇزۇپ قالغان ،  شۇنداقلا 2002-يىلى ياۋروپا 19 ياشلىقلار مۇسابىقىسىنىڭ چىمپىيونلۇقىنى قولغا كەلتۈرگەن .  ھەل قىلغۇچتا بىردىنبىر توپنى ئۇرۇپ چىمپىيون بولۇشقا ئالاھىدە كۈچ قوشقان .  كۇلۇبتا 35 مەيدان مۇسابىقىدە 19 توپ كىرگۈزۈپ كوماندىنىڭ ئەڭ ئاساسلىق ماھىرلىرىدىن بولۇپ قالغان شۇنداقلا كاپىتانلىق يەڭ بەلگىسىنى تاقاش سالاھىيىتىگە ئېرىشكەن ،شۇنداقلا كۇلۇب تارىخىدىكى يېشى ئەڭ كىچىك كاپىتان بوپ قالغان . يەڭ بەلگىسىنى تاقىغاندا ئاران 19 ياشتا ئىدى.   
شۇنىڭدىن ئىتىبارەن توررىسقا ئىنگىلانىد زەردارلىرىدىن ئارسىنال ، مانچىستىر ، چىلسى كۇلۇبلىرىنىڭ كۆزى چۈشكەن .  لىكىن توررىس ئاخىرى لېۋىرپولنى تاللىغان ، ھەمدە 2007-يىلى يەنى23ياشقا كىرگەن يىلى مادرىد رىقابەتتىن لېۋىرپول كۇلۇبىغا 26مىليون 500 مىڭ فونىستىرلىڭلىق يۇقىرى باھا بىلەن يۆتكىلىپ ئىسپانىيە توپچىلىرىنىڭ يۆتكىلىش رىكورتىنى بۇزۇپ تاشلىغان .
لېۋىرپولغا كەلگەندىن كىيىن ئىسپانىينىڭ يەنە بىر توپچىسى ئالونسو توررىسقا جىق ياردەملەرنى قىلغان ، نۇرغۇن جەھەتتە ئۇنىڭغا يار يۆلەكتە بولغان ،   2011-يىلى 1-ئاينىڭ 31-كۈنى  توررىس 50مىليون فونىستىرلىڭلىق يۇقىرى باھا بىلەن لېۋىرپولدىن چىلسى كۇلۇبىغا يۆتكىلىپ ئىنگىلانىد دەرىجىدىن تاشقىرى بىرلەشمىسىنىڭ يۆتكىلىش رىكورتىنى بۇزۇپ ئاستىن-ئۈستۈن قىلىۋەتكەن . توختام مۇددىتى 2016-يىلى 7-ئاينىڭ 31-كۈنىگىچە !  
دۆلەت كوماندىسىدا 76 مەيدان مۇسابىقىگە قاتنىشىپ 24 توپ كىرگۈزگەن .  

---

10. ئىتالىيە دۆلەت كوماندىسى
ئىتالىيە دۆلەت كوماندىسىمۇ بۇيىلقى كۈچلۈك كوماندىلارنىڭ بىرسى بولۇپ ، بۇ كوماندىدىمۇ دۇنياۋى چولپانلار خېلى بار ، مەسىلەن : دۇنياغا داڭلىق قاپقىچى بۇففىن ، شانلىق ۋاقىتلىرىنى مىلاندا ياراتقان ھازىرقى يۇۋىنىنتۇسنىڭ داڭلىق ئوتتۇرا مەيدان توپچىسى پېرلو ، مانچىستىر شەھىرىدىكى چاتاقچى بالوتىلى ، رىمنىڭ داڭلىق ئارقا بەل توپچىسى دېروسسى ، مىلاننىڭ ئەسكى بالىسى كاسانو ، ئۇدىنىس كۇلۇبىنىڭ داڭلىق قېرى ھۇجۇمچىسى دىناتالى ، نوچىرىنو ، چېلىنى ، مىلاننىڭ داڭلىق يان بېكى ئاباتى .......... قاتارلىق داڭلىق توپچىلار توپلاشقان !  يۇقارقىلارنىڭ ئارىسىدىن ئەڭ ۋەكىللىك خاراكتىرگە ئىگە بىرنچچە چولپاننى قىسقىچە تونۇشتۇرۇپ ئۆتەي !
بۇففىن : 1978-يىلى 1-ئاينىڭ 28-كۈنى تۇغۇلغان .  بوي ئىگىزلىكى 191سانتىمىتىر ، ئېغىرلىقى 83 كىلوگىرام ،  ھازىرقى كۇلۇبى ئىتالىيەنىڭ يۇۋىنتۇس كۇلۇبى ، مەيداندىكى ئورنى قاپقىچى ،  دۆلەت كوماندىسىدا ۋە كۇلۇبتا 1-نومۇرلۇق كىيىمنى كىيىدۇ ،
1995-يىلى 11-ئاينىڭ 19-كۈنى ئىتالىيەنىڭ پارما كۇلۇبىغا ۋاكالىتەن ئىتالىيە ئا دەرىجىلىك بىرلەشمىسىنىڭ تۇنجى مەيدان مۇسابىقىسىگە قاتناشقان ، 1997-يىلى 10-ئاينىڭ 29-كۈنى دۆلەت كوماندىسىغا ۋاكالىتەن تۇنجى بولۇپ مەيدانغا چۈشكەن ،  2001-يىلى 32مىليون 600مىڭ فونىستىرلىڭلىق باھا بىلەن ئىتالىيەنىڭ يۇۋىنتۇس كۇلۇبىغا يۆتكەلگەن ، ھازىرغىچە يۇۋىنتۇس كۇلۇبى ئۈچۈن 11يىل قاپقىچى بولغان .
98-يىللىق دۇنيا لوڭقىسىدا بۇففىن ئىتالىيە كوماندىسىنىڭ 3-نومۇرلۇق زاپاس قاپقىچىسى ئىدى ، 2000-يىللىق ياۋروپا لوڭقىسىدا يارلانغانلىق سەۋەبىدىن  مەيدانغا چۈشەلمىگەن ، 2002-يىللىق دۇنيا لوڭقىسىغا كەلگەندە ئاخىرى كوماندىنىڭ 1-نومۇرلۇق ئاساسلىق قاپقىچىسى سۈپىتىدە مەيدانغا چىققان .  

پېرلو : 1979-يىل 5-ئاينىڭ 19-كۈنى تۇغۇلغان ، بوي ئىگىزلىكى 177سانتىمىتىر ، ئېغىرلىقى 68 كىلوگىرام ، ھەر ئىككىلا پۇتىدا توپنى ياخشى تىپىدۇ ، مەيداندىكى ئورنى ئوتتۇرا مەيدان .
پېرلو 1998-يىلى بۇلېسىيا كۇلۇبىدىن 600مىليون دوللارلىق باھا بىلەن ئىتالىيەنىڭ زەردار كۇلۇبى ئىنتېر كۇلۇبىغا يۆتكەلگەن ،  شۇ ۋاقىتتا مەيداندىكى ئورنى ھۇجۇمچى ئىدى ، 2001-يىلى 1-ئاينىڭ 25-كۈنى يارلانغانلىق سەۋەبىدىن جىق مۇسابىقىلەرگە قاتنىشالمىغاچقا  ئىنتىر كۇلۇبى ئۇنى ئىجارە شەكىلدە بۇرۇنقى كوماندىسىغا قايتۇرۋەتكەن ، مانا بۈگۈنكى كۈنگە كەلگەندە يېشى بىريەرگە بېرىپ قالغان بولسىمۇ يۇۋىنتۇسنىڭ ۋە دۆلەت كوماندىسىنىڭ ھۇجۇم تەشكىللەشتىكى يادروسى بولۇپ كەلمەكتە  . ھازىرغىچە دۆلەت كوماندىسىغا ۋاكالىتەن 70 مەيدان مۇسابىقىگە قاتنىشىپ 9 توپ كىرگۈزگەن .  
پىرلو 2001-يىلنىڭ ئاخىرغا كەلگەندە12 مىليون ئامىرىكا دوللىرىلىق باھا بىلەن  ئىنتىرنىڭ ئەشەددى رەقىبى بولغان مىلان كۇلۇبىغا يۆتكەلگەن ھەمدە مىلاندا 10يىل توپ تەپكەن ، 2011-يىلى يۇۋىنتۇس كۇلۇبىغا قوشۇلغان ھەم 3 يىللىق توختام تۈزگەن .
2002-يىلى 9-ئايدا تۇنجى بولۇپ دۆلەت كوماندىسىغا تاللانغان.

بالاتولى : 1990-يىلى 8-ئاينىڭ 12-كۈنى تۇغۇلغان ،  بوي ئېگىزلىكى 189سانتىمىتىر ، ئېغىرلىقى 88كىلوگىرام ، ھازىرقى كۇلۇبى ئىنگىلانىدنىڭ مانچىستىر شەھىرى كۇلۇبى ، مەيداندىكى ئورنى ھۇجۇمچى ، كۇلۇبتىكى نومۇرى 45، دۆلەت كوماندىسىدىكى نومۇرى 9  .  چوقۇنغۇچىسى : تاشقى پىلانىت ئادىمى رونالدو !
بالوتېلى ئىتالىيەنىڭ پالېرمو شەھىرىدە تۇغۇلغان ،  18 ياشقا كىرگەن يىلى ئاران ئىتالىيە دۆلەت تەۋەلىكىگە ئۆتكەن ،  بەدىنى قاۋۇل ، تېخنىكىسى يۇقىرى ھەم ياش بولغاچقا كىشىلەر تەرىپىدن ئىتالىيە دۆلەت كوماندىسىنىڭ كىيىنكى ئۈمۈدى دەپ تەرىپلىنىپ كەلگەن ، 2006-يىلى 16ياشقا كىرگەن يىلى ئىنتېر يۇقىرى قاتلىمى بالاتولىنىڭ ئاكىسى بىلەن ئالاقىلىشىپ 3 يىللىق توختام بىلەن كۇلۇنقا يۆتكەپ كەلگەن .  2007-يىلى 12-ئاينىڭ 17-كۈنى مەنچىنىنىڭ بۇيرۇقى بىلەن تۇنجى قېتىم ئىنتېر كوماندىسىغا ۋاكالىتەن زاپاس ئەزا سالاھىيىتىدە مەيدانغا چۈشكەن ،  2كۈندىن كىيىنكى ئىتالىيە لوڭقىسى مۇسابىقىسىدە تۇنجى قېتىم ئاساسلىق ئەزا سۈپىتىدە مەيدانغا چىققان ، 2008-يىلىغا كەلگەندە 1مىليون 200 مىڭ ياۋرۇلۇق يىللىق مائاش بىلەن يەنە 2011-يىلغىچە توختام ئۇزارتقان .
بالوتىلى شۇ چاغدا ئىتالىيە ۋە گانا قوش دۆلەت تەۋەلىكىگە ئىگە بولغاچقا ، گانا دۆلەت كوماندىسىنىڭ باش تىرىنىرى 17 ياشلىق بالوتىلىغا تېلفۇن قىلىپ گانا دۆلەت كوماندىسىغا قوشۇلۇشنى ئېيىتقان ، لىكىن بالوتىلى گانا كوماندىسنىڭ تەكلىبىنى رەت قىلىپ ئۆزىنىڭ ئىتالىيە دۆلەت كوماندىسىغا قوشۇلغۇسى بارلىقىنى ئېيىتقان.
بالوتىلى ئىنتېردىكى ۋاقىتتا يېشىنىڭ كىچىكلىكى ، كەپسىزلىكى ۋە خاراكتىرىنىڭ ئالاھىدە بولغانلىق سەۋەبىدىن كوماندىدىكى نۇرغۇن ئەزا بىلەن مۇناسىۋىتى ياخشى بولمىغان ، باش تېرىنىرغىمۇ نۇرغۇنلىغان ئاۋارىچىلىقلارنى تېپىپ بەرگەن ، 2010-يىلى 7-ئاينىڭ 26-كۈنىگە كەلگەندە 35 مىليون ياۋرۇلۇق يۇقىرى باھا بىلەن مانچىستىر شەھىرىگە سېتىۋىتىلگەن . مىجەزىنىڭ چۇسلىقى ۋە كەپسىزلىكىدىن شەھەرگە كىلىپمۇ مەنچىنىنىڭ بېشىنى يەتكۈچە ئاغرىتقان ، دوسلىرى بىلەن كىچە -كىچىلەپ ھاراق ئىچىپ ئىجارىگە ئالغان داچىسىغىمۇ ئوت قويىۋەتكەن ، ئۆزىدىن چوڭ كوماندا ئەزالىرى بىلەنمۇ نەچچە قېتىم سوقۇشقان ، ھازىر بۇنىڭ مەيدان سىرتىدىكى قىزىقارلىق ئىشلىرى ئاىبارات ۋاستىلىرىنىڭ ئىز-قوغلاپ خەۋەر قىلىش ئوبىكتى بولۇپ قالدى .





ئەسكەرتىش : بۇ تېما بۇ قېتىمقى ياۋرۇپا لوڭقىسىنى  مۇنبىرىمىز ۋاي ۋاي قانىلىدا نەق مەيداندىن ئاڭلىتىش تەييارلىقلىرىنى جىددى ئىشلەۋاتقان مۇنبىرىمىز باشلىقى ئەنقەر 528 ئاكىمىزنىڭ تەۋسىيەسى بىلەن نەق مەيدان ئاڭلىتىشقا ئازراق بولسىمۇ ماتىريال قىلىش ئۈچۈن يېزىلىۋاتىدۇ !  يازىدىغان مەزمۇن بەك كۆپ  ۋە چۈشەندۈرىلىدىغان توپچىلارمۇ بەك جىق بولغاچقا بەزى مەزمۇنلار قىسقارتىلىپ ۋە مۇددەتكە بۆلۈپ يېزىلىدۇ ، ( خۇدايىم بۇيرىسا 9-چىسلاغىچە توللۇق يېزىلىپ بولىنىدۇ )  شۇنىڭ ئۈچۈن مۇنبەرداشلارنىڭ تېمىنى تەپسىلىي ئوقۇپ ، قوشىدىغان ۋە ياكى خاتا بولۇپ قالغان يەرلىرى بولسا ۋاقتىدا ئىنكاس يېزىپ تۈزۈتۈپ بېرىشىنى ئۈمىد قىلىمەن !   مۇناسىۋەتلىك رەسىملەرمۇ بىر-بىرلەپ توللۇقلىنىدۇ !

tanhategin

ئېسىل تېما!!جاپا چېكىپسىز،قولىڭىزغا دەرد كەلمىسۇن!دېگىنىڭىزدەك قىسقارتىلىپراق يېزىلىپتۇ!
ھەممىسى تۈگىگەندىن كېيىن بىر ئوقاي

چېمپىئون

بەك ياخشى يېزىپسىز بورھان ئىينىم     بەك  تەپسىلي بوپتۇ ،،مەنمۇ مۇشۇ كوماندا ئەزالارنىڭ ئارخپىنى ئىزدەۋاتقان نەق يەرگىلا كىرپتىمەن ئەتتىگەندە    

marvel

ئاۋۇ پولشانىڭ ۋارتاسىنىڭ ئىسمىنى بىرلىككە كەلتۈرۋالايلى ، سىززىنىي دەپ تەرجىمە قىلساق مۇئاپىق
بولارمۇ ، مۇشۇ ئىسىمنى قىلىپلاشتۇرۋالايلى بولمىسا  باللا باشتا نىمدەپ ئاڭلىغان بولسا شۇنى دەپ تۇرۋالىدىكەن
  

باتىستۇتا

جاپا چىكىپسىز رەھمەت سىزگە....   دوستلار مۇنبەر ئۈچۈن ھەممىز بىرلىكتە كۈچ چىقىرايلى!

توپ تەپكۈچى

بىزگە ھازىرقىدەك ۋاقىتتا دەل مۇشۇنداق تېما كرەك..رەخمەت..توختاپ قالماڭ ئۇكا ...

dilmurat.

ياۋرۇپا لوڭقىسىنىڭ چىمپىيونى گىرمانىيە بولىشىنى ئۈمۈت قىلىمەن ! ئۆزىل پۈتۈن كۈچۈڭنى ئىشقاسال

artuq999

نەخ مەيداندىن ئاڭلىتامسىلە  ۋاھ   ۋاھ   ۋاھ   تەرەققىيات بەك زورغۇ

madred.

رەخمەت .  بىلمىگەننى بىلۋالاىم

ماركو

جاپا چىكىپسىز 8-ئارمىيە ئىنىم!! رەھمەت!!   

بىرازىلىيە

پارتىزاندەك ئىش قىپسىز،.،..

bastvrvk

تىمىنى ئىنتايىن ئەتراپلىق ھەم دەل ۋاقتىدا يىزىپسىز.......