|
ئەسسالامۇ ئەلەيكۇم مۇنبەر ئەھلى!
سىلەرگە تۆۋەندىكىدەك بىر خوش خەۋەرمۇ يا شۇمخەۋەرمۇ يا ئوتتۇرىدا قالغان بىر خەۋەرمۇ ئىشقىلىپ بىر خەۋەرنى ئېيتماقچىمەن. نەق گەپكە كېلەي:
نەچچە ۋاقىتتىن بۇيان ئۇيغۇر جامائىتىگە خىزمەت قىلىپ كېلىۋاتقان پاسىبان كۇلۇبىنى ئەمدى يېزىشتىن توختىدىغان بوپقالدىم. بۇنىڭدا ۋاقتىمنىڭ يېتىشمەسلىكىمۇ بىر سەۋەب. يالغۇز ئاتنىڭ چېڭى چىقماس، چېڭى چىقسىمۇ دېڭى چىقماس دېگەندەك، ماڭا ئوخشاش تور بەت بېلىمىنىڭ تايىنى بولمىغان ئىشتىن سىرتقى بىر ھەۋەسكارنىڭ بىر توربەتنى ئىزچىل يېڭىلىق بىلەن بېزەپ كېلىشى قىيىنغا توختايدىكەن. بۇ يەنە بىر سەۋەب. شۇڭا ھەرقايسى ئورتاق پىكىردىكى بۇرادەرلەر بىلەن تور بېتىمىزنى تەڭ گۈللەندۈرۈش، قىيىنچىلىققا يولۇققانلارنىڭ قىيىنچىلىقىنى پەقەت مۇشۇ مەيداندا بىللە ھەل قىلىش ئۈچۈن، كۈچنى بىر يەرگە توپلاپ، دەۋر تەرەققىياتىغا ماسلىشىپ، يىللىق ئىشلەپچىقىرىش ئومومى قىممىتىنى ... ۋوي، ۋوي، قەشقە خەۋەلىرىمۇ يا بۇ؟
گەپنىڭ قىسقىسى، ئەمدى بلوگ يازمايمەن. كۈندە 6 ئادەم www.pasiban.com نى، 4 ئادەمhttp://bbs.pasiban.com نى ئېچىپ يۈرگەننىڭ ئورنىغا، ھەممە ئادەم بىراقلا www.pasiban.com نىلا ئاچسۇن. ھەممە مۇشۇ يەردە قاينىسۇن. مەن يازىدىغان نەرسىلىرىمنى يەنىلا مۇنبەرگە يېزىۋېرەي. لېكىن بۇرۇنقى WordPressشەكلىدە ئەمەس، BBS ياكى CMS Article شەكلىدە. پەمىمچە كۆپىنچىلەر مۇشۇنى قوللايدۇ.
ئىلگىرىكى پاسىبان كۇلۇبىمىزنىڭ نامىنى مۇنبەرگە يۆتكەپ ئەكىلەيلى. چۈنكى كۇلۇبتا ھەۋەسكارلار بولىدۇ. پاراڭخۇمارلار بولىدۇ. بىز ئەمدى پارىڭىمىزنى مۇنبەردە قىلىمىز. شۇڭا بۇ يەرنىڭ نامىنىڭ كۇلۇب بولىشى قۇلاققا ياقىدۇ. ئىلگىرىكىسى خاتىرە شەكلىدە "پاسىبان بلوگى" بولۇپ قېلىۋەرسۇن. چۈنكى ئۇ ئەمدى ئۇنچە تېز يېڭىلانمايدۇ. يېڭىلانمىغىنى ئۇنىڭ قىممىتىنىڭ يوقالغانلىقىدا ئەمەس، ئەلۋەتتە. ئۇنىڭدا مېنىڭ يەنە يىللارچە سىڭدۈرگەن ئەجىرلىرىم بار. پاسىبان بلوگىنى زىيارەت قىلىش ئۈچۈن http://blog.pasiban.com دەپ كىرىشكە بولىدۇ. بلوگدىكى نادىر يازمىلارنى بىر بىرلەپ كۆچۈرۈپ ئەكىلىپ يۈرمىدىم. لېكىن ۋاقتى بار ياخشى كۆڭۈللۈك دوسلار بولسا شۇ يەردىن كۆچۈرۈپلا مۇنبەرگە تېما شەكلىدە يوللاپ قويسا ھەممىمىز خوش بولىمىز.
خۇدا خالىسا مۇنبىرىمىزنى پات ئارىدا چىرايلىق بىر شەكىلدە يېڭىلىۋالىمىز. مەنمۇ سەپەردىن قايتىپ خۇددى بۇرۇن بلوگ يازغانغا ئوخشاش ۋاقىت چىقىرىپ يېڭىلىقلار بىلەن تەمىنلەپ تۇرىمەن. ئاخىرىدا تورداشلارنىڭ قىزغىنلىقىغا، قوللاپ قۇۋەتلىگىنىگە رەھمىتىمنى بىلدۈرىمەن.
بۇ يازمىنى ئاخىرىدا پاسىبان تەھرىرلىگەن. ۋاقتى 2012-4-23 18:43
| 
قۇربان ھېيت ئۆتۈپ كەتتى .. 
ئەمەلنىڭ ساۋابى تەڭداشسىز بولغان تەشرىق كۈنلىرى يەنە بىر يىللىق مۇساپە [em:26: ...
يوللىغان ۋاقتى 2012-4-23 16:12:37
يوللىغان ۋاقتى 2012-4-23 16:18:22
شۇنداق،ماڭغا مۇشۇ ھالىتى ناھايتى چىرايلىق بىلىنىدۇ!خاپا بولماي باشلىق،،،،سىز يازغان تېمىدا خەتنىڭ ئۈستىگە خەت چىقىپ قاپتۇ،بەزەن سۆزلەرنى ئوقىغىلى بولمىدى،بىر قاراپ باقامسىز بۇ يازمىنى ئاخىرىدا تۇپراق تەھرىرلىگەن. ۋاقتى 2012-4-23 16:29 
يوللىغان ۋاقتى 2012-4-23 18:30:24
