|
قۇلۇپلىق iPhone لارنىڭ قۇلۇپىنى يېشىش قوللانمىسى
بۈگۈن دوستلارنىڭ سەمىگە قۇلۇپلىق iPhone لارنىڭ قۇلۇپىنى يېشىش ، يەنى سىگنال چىقىرىش ئۇسۇلىنى سۇناي . ئالدى بىلەن مۇشۇ قۇلۇپلىق ۋە قۇلۇپسىز دىگەن ئۇقۇم ئۈستىدە توختىلىپ بەزەن بىر سوئاللارنى ئايدىڭلاشتۇرۇپ قوياي . ھەممىمىزگە مەلۇم ، iPhone نىڭ ھەرخىل تۈرلىرى بولىدۇ ، چوڭ جەھەتتىن قۇلۇپلىق ۋە قۇلۇپسىز دەپ ئىككى خىلغا بۆلىنىدۇ. يانفونىڭىز قۇلۇپلىق تىپىدىكى iPhone بولسا ، چوقۇم ئەسلى دۆلەتنىڭ تىجارەتچى كارتىسىنىلا تونۇيدۇ ، دۆلىتىمىزنىڭكىنى تونىمايدۇ . شۇڭا بىز مەيلى تۈرمىدىن قاچۇرۇپ بولسۇن ، ياكى چاپلىما كارتا ئىشلىتىش ئارقىلىق بولسۇن ، ئالدى بىلەن سېگنال چەكلىمىسىنى يەشكەندىن كېيىن بىمالال ئىشلىتەلەيمىز . (چاپلىما كارتا تېخى يانفوننى قايتا قوزغاتسىڭىز قايتا مەشغۇلات قىلىشنى تەلەپ قىلىدۇ ). سېگنال چىقىرىش ۋە چەكلاشتە مۇھىم رول ئوينايدىغىنى يانفونىڭىزنىڭ مودېم نەشىرى بولۇپ، سېستىما نەشىرىنىڭ يۇقىرلىشىغا ئەگىشىپ مودېم نەشىرىمۇ يۇقىرلاپ ماڭىدۇ ، شۇڭا بەلگىلىك دەرىجىدىكى مودېم نەشىرلىرىنى تېخى يەشكىلى بولمايدۇ . (iPhone 3GS نىڭ 05.13 ، iPhone 4 نىڭ 04.10 دەرىجىگىچە يەشكىلى بولىدۇ) .يۇقىرىدا دەپ ئۆتۈلگەن سېگنال چەكلىمىسىنى يېشىش ھەممىسى يۇمشاق دېتال ئۈستىدىكى يېشىشنى كۆرسىتىدۇ . شۇڭا كۆپلىگەن دوستلىرىمىزنىڭ iPhone لىرى مودېم نەشىرى يۇقىرىلاپ كەتكەنلىكى تۈپەيلىدىن تېلفون ئۇرۇشتىن مەھرۇم قېلىنىپ ، iPod Touch نىڭ ئورنىدا ئىشلىتىپ كېلىۋاتىدۇ . بۈگۈن مۇشۇ دوستلىرىمىز ئۈچۈن بىر خوش خەۋەر . بۇ ئۇسۇل ئارقىلىق قۇلۇپنى يېشىش ئۈچۈن ھازىرلاشقا تېگىشلىك ئالدىنقى شەرتلەر: 1. يانفونىڭىز چوقۇم تۈرمىدىن قاچۇرۇلغان بولىشى كېرەك . ھازىر 5.0.1 سېتىمىسغىچە مۇكەممەل تۈرمىدىن قاچۇرغىلى بولىدۇ . iPhone 4 ۋە iPhone 3GS ، iPad لارنىڭ تۈرمىدىن قاچۇرۇش قوللانمىسىنى بۇيەردىن كۆرۈڭ : قوللانما . iPhone 4S ۋە iPad 2 لارنىڭ تۈرمىدىن قاچۇرۇش قوللانمىسىنى بۇيەردىن كۆرۈڭ : قوللانما .
2. مەيلى ھازىر يانفونىڭىزدا تېلفون ئۇرغىلى بولسۇن ياكى سېگنال يوق ئۇرغىلى بولمىسۇن iPhone نىڭىز چوقۇم ئاكتىپلانغان بولىشى كېرەك . يەنى iTunes غا ئۇلىسىڭىز ھېچقانداق خاتالىق ئۇچۇرى چىقماي بىمالال ئىشلىتىشنى كۆرسىتىدۇ. ھازىر قۇلۇپلىق iPhone لارنىڭ ئىككى خىل ئاكتىپلاش ئۇسۇلى بار ، بىرخىلى ئەسلى دۆلەت تىجارەتچى كارتىسى بىلەن ئاكتىپلاش ، يەنە بىرسى بولسا ھۆججەت سېستىمىسىنى ئۆزگەرتىش ئارقىلىق ئاكتىپلاش .ئاكتىپلاشنىڭ تەپسىلىي قوللانمىسىنى بۇيەردىن كۆرۈڭ : قوللانما
مەن بۇ يازمامدا ئۆزۈمنىڭ ئامېرىكا نۇسخىسىدىكى iPhone 4 نى مېسالغا ئېلىپ چۈشەندۈرۈپ ئۆتەي.
تەپسىلىي باسقۇچلار: 1. ئالدى بىلەن Cydia نى ئېچىپ Manage 管理 نى بېسىڭ .
2. ئاندىن Sources نى بېسىپ مەنبە قوشۇش كۆزنىكىنى ئېچىڭ .
3. مەنبە تەھرىرلەشنى بېسىپ ، ئادېرىسقا ماۋۇ مەنبەنى repo.bingner.com قوشۇڭ .
4. مەنبەنى قوشۇپ بولغاندىن كېيىن ، مۇشۇ مەنبە ئىچىگە كىرىپ ، SAM دېگەن قىستۇرمىنى تېپىپ قاچىلاڭ .
5. قىستۇرمىنى قاچىلاپ بولغاندىن كېيىن ، يانفوننى ئۆچۈرۈپ سېگنال يەشمەكچى بولغان كارتىنى سېلىپ يانفوننى قوزغىتىڭ . (چاپلىما ئىشلىتىپ كېلىۋاتقان دوستلار بولسا چاپلىمىنى ئېلىۋېتىڭ ) . قوزغىتىپ بولغاندىن كېيىن ئېكرانىڭىزدا چوقۇم سېگنال يوق ، چۈنكى چاپلىمىنى ئېلىۋەتتىڭىز، ياكى قۇلۇپنى تېخى يەشمىدۇق .
6. ئەمدى تەڭشەك ئىچىگە كىرىپ ، SAM قىستۇرمىسىنىڭ تەڭشىكىنى ئېچىڭ .
7. ئەمدى SAM تەڭشىكى ئىچىدىكى Utilities دىگەن يەرنى چېكىڭ . بۇ يەردە چېكىپ كىرگەندىن كېيىن كۆرۈلىدىغان كۆزنەك بارلىق iPhone لارنىڭ ئوخشاش چىقماسلىقى مۇمكىن . ئەگەر تۆۋەندىكى رەسىمدىكىدەك چىقسا De-Activate iPhone نى بېسىڭ ، ئەگەر Revert Lockdownd to Stock دەپ چىقسا شۇنى بېسىڭ.
8. ئالدىنقى كۆزنەككە قايتىپ ، More Information نى بېسىڭ ، ھەمدە بىرىنجى قۇرغا قاراپ ، Unactivated دەپ چىقتىمۇ يوق ، شۇنى جەزىملەشتۇرۇڭ .
9. يەنە ئالدىنقى كۆزنەككە قايتىپ ئاستىدىكى Enabled كۇنۇپكىسىغا قاراپ بېقىڭ ، ئوچۇق بولسۇن ، ئەگەر ئېچىلمىغان بولسا كۇنۇپكىنى ئېچىۋېتىڭ. ئاندىن يەنە قايتىدىن More Information غا كىرىپ SAM Details ئاستىدىكى IMSI نومۇرىڭىزنى خاتىرلىۋېلىڭ . (دىققەت : SIM Details ئەمەس ، SAM Details ، ئىككىسىنىڭ نومۇرى ئوخشىمايدۇ ، ھەممە iPhone نىڭ IMSI نومۇرى ئوخشىمايدۇ، ئۇقماي مېنىڭكىنى كۆچۈرۈۋالماڭ ) .
10. ئەمدى باش كۆزنەككە قايتىپ ، Method نى بېسىپ كىرىپ ، By Bundle Name نى تاللاڭ ، ئاندىن ئالدىنقى كۆزنەككە قايتىسىڭىز Bundle نى كۆرىسىز ، بۇ يەردىن سىزنىڭ يانفونىڭىزنىڭ ئورگان تەرەپ تىجارەتچى ئىسمىنى تاللاڭ .
مەسلەن مېنىڭ ئامېرىكا نۇسخىسى، شۇڭا AT&T نى تاللىدىم، ئەگەر ئۆزىڭىزنىڭ يانفونىڭىزنىڭ قايسى تىجارەتچى شىركىتىغا قارايدىغانلىقىنى بىلمىسىڭىز تۆۋەندىكى جەدۋەلدىن پايدىلىنىڭ .
11. تاللاپ بولغاندىن كېيىن ، باش كۆزنەككە قايتىپ ، More Information غا كىرىڭ ، ئاندىن ئوتتۇرىدىكى Spoof Real to SAM نى بېسىڭ . بۇ ۋاقىتتا SIM Details بىلەن SAM Details ئىككىسىنىڭ IMSI نومۇرى ئوخشاش بولىدۇ .
12. يەنە باش كۆزنەككە قايتىپ ، Method غا كىرىپ ، Manual نى تاللاڭ .
13. باش كۆزنەككە قايتىپ ئاستىدىكى IMSI نومۇرى يازىدىغان يەرگە ئابايتىن خاتىرلىۋالغان IMSI نومۇرىنى چاپلاڭ .
14. ئەمدى iTunes نى ئېچىپ ئاكتىپلاڭ . (iTunes نىڭ ئەڭ يېڭى نەشىرى بولسۇن ، يېڭى ICCID ئاسىتىدىكى iPhone نى ئۆزىلىكىدىن ئاكتىپلايدۇ ) .
15. ئاكتىپلاپ بولغاندىن كېيىن ، iTunes ئىچىدىكى يانفون نومۇرى چىقىدىغان يەرنى ئىككى قېتىم چەكسىڭىز ICCID نومۇرىڭىز چىقىدۇ ، مۇشۇ نومۇرىڭىزنى SAM تەڭشىكى More Information ئىچىدىكى ئىككى ICCID نومۇرىڭىز بىلەن سېلىشتۇرۇپ بېقىڭ ، چوقۇم ئوخشاش بولسۇن ، ئەگەر ئوخشىمىسا يۇقارقى قەدەملەرنى قايتىدىن قىلىڭ .
16. ئەمدى iTunes نى ئۆچۈرۋېتىپ ، يانفوننى USB دىن چىقىرۋېتىڭ . ئاندىن CYDIA غا كىرىپ SAM نى يۇيۇۋېتىپ يانفوننى قايتا قوزغىتىڭ .
17. قايتا قوزغىتىپ بولغاندىن كېيىن ، iTunes غا ئۇلىسىڭىز تۆۋەندىكىدەك خاتالىق ئۇچۇرى چىقىدۇ، ئەنسىرمەڭ ، بۇ نورمال ئەھۋال . ئەمدى iTunes ئۆچۈرۋېتىپ قايتا ئېچىڭ . بىردەم ساقلىسىڭىز سېگنال پەيدا بولىدۇ .
دىققەت قىلىشقا تېگىشلىك ئىشلار :
1. بۇ قېتىملىق سېگنال يېشىشنىڭ پىرىنسىپى بولسا ، ئەسلى دۆلەت تىجارەتچى SIM كارتىسىنىڭ IMSI نومۇرىدىن پايدىلىنىپ ، يانفوندا SAM قىستۇرمىسى ئارقىلىق بىز ئىشلەتمەكچى بولغان كارتىنىڭ ICCID نومۇرىنى سۈنئىي ھالدا ئۆزگەرتىشتىن ئىبارەت . دېمەك ، بۇمۇ بىر Apple مۇلازىمېتېرىنىڭ يوچۇقى .
2. بىز يۇقارقى ئۇسۇلدىن پايدىلىنىپ سېگنال چەكلىمىسىنى يېشىپ بولغاندىن كېيىن ، بېمالال يانفوننى قايتا قوزغىتالايمىز، ھەرقاچان كارتىنى سېلىپ چىقارساقمۇ ھېچقانداق مەشغۇلاتسىز سېگنال چىقىدۇ . لېكىن كەمچىلىكى شۇكى ، كارتا ئالماشتۇرسىڭىز ياكى قايتا سېستىما يازسىڭىزمۇ يۇقارقى باسقۇچلارنى قايتىدىن ئېلىپ بېرىشىڭىز كېرەك ، چۈنكى سىز ئۆزگەرتكەن IMSI نومۇرىنى سېستىما ئىچىگە يېزىپ كىرگۈزۈۋەتكىلى بولمايدۇ ،ھەم يانفونىڭىزدا مەڭگۈ ساقلىنىپمۇ تۇرمايدۇ .
3. يەنە بىر مەسىلىنى تەكىتلەپ قوياي ، خۇددى تەكىتلىگەنگە ئوخشاش ، بۇ ئۇسۇلدا بىز APPLE مۇلازىمېترىنىڭ يوچۇقىدىن پايدىلاندۇق ، لېكىن بۇنى مەڭگۈلۈك يوچۇق دەپ ئېيتالمايمىز، APPLE شىركىتى كەلگۈسىدە بۇ يوچۇقنى ياماقلىشىمۇ مۇمكىن ، شۇڭا تەۋسىيەرىم ، ئەڭ ياخشىسى iPhone رىڭىزنىڭ خاتىرلەشكە تېگىشلىك سانلىق رەقەملەرنىڭ ھەممىسىنى ساقلاپ قويۇڭ ، كېيىن ئىشلىتىلىپ قالسا ئەجەپ ئەمەس . (ئەگەر چاپلىما ئىشلىتىپ كېلىۋاتقان بولسىڭىز، چاپلىمىنىمۇ ياخشى ساقلاپ قويۇڭ ،ھەرگىز تاشلىۋەتمەڭ ) .
يازمىنى ئالدىراپلا يېزىپ قالدىم ، بەزەن يېرى تومتاق چۈشىنىكسىز بولۇپ قالغان بولىشى مۇمكىن ، قانداق مەسىلىلەرگە ئۇچرىغان بولسىڭىز ياكى چۈشىنەلمىگەن يەرلەر بولسا ، دوستلارنىڭ قىزغىن سوئاللارنى سورىشىنى ھەمدە پىكىر تەلەپلەرنى بېرىشىنى ئۈمۈد قىلىمەن .
تامام بۇ يازمىنى ئاخىرىدا بەھرام تەھرىرلىگەن. ۋاقتى 2012-4-22 20:47
| 
يوللىغان ۋاقتى 2012-4-22 15:26:23
يوللىغان ۋاقتى 2012-4-22 23:13:11
يوللىغان ۋاقتى 2012-4-23 10:06:32
