سېنى يەنە ئەسلەپ قالدىم....! (نەسىر)

مۇئەللىم

شۇ تاپتا سېنى يەنە ئەسلەپ  قالدىم،كېچە چۈشۈمگە كىرىپ قاپسەن،چۈشۈمدە بىز تولا مېڭىپ يادا بولۇپ كەتكەن باغچىدا ئىككىمىز قول تۇتۇشۇپ مېڭىۋاتقۇدەكمىز. ئەتىگەن ئورنۇمدىن تۇرۇپلا  ئەتراپقا تەلمۈرۈپ،سەن قايەرلەرگىدۇ بىر يەرگە مۆكىۋالغاندەك،ئىزدىسەملا سېنى تېپىۋالىدىغاندەك بىر خىل تۇيغۇدا  ،ئۆينىڭ  ئۇ يەر بۇ يەرلىرىگە كۆز يۈگۈرتۈپ چىقتىم ۋە سېنىڭ سىمايىڭنىڭ بۇ ئۆيدە كۆرۈنمەيدىغانلىقىنى،ئۆيدىلا ئەمەس ئىككىمىزگە تونۇش بولغان ،ئەستىلىكلەر بىلەن لىق تولغان جايلاردىنمۇ يوقالغانلىقى ئېسىمگە كېچىپ،يۈرىكىمنى بىر خىل ئۈمىتسىزلىك  قاپلىۋالدى.ۋۇجدۇمنى كۈتۈش،زارىقىش،ئىنتىلىشتىن ئىبارەت  چاڭقاق   ھېسلار چۇلغىۋالدى،تېنىم بىر خىل ماغدۇرسىز،ئىچ –ئىچىمدىن يىغا قاپساۋاتىدۇ،يۈرىكىم ئۆز –ئۆزىگە ‹‹ ئەي يۈرىكىم ،يەنە نىمىنى كۈتىدىغاندسەن؟!ئالدانغان تۇرۇقلۇق يەنە تەن بەرمەيسەن!ساقلىما بولدى  ،ئۇ ئاللىقاچان سېنى ئۇنتۇدى،بۇ زارىقىشلىرىڭغا، كۈتۈشلىرىڭگە مەڭگۈ جاۋاب كەلمەسلىكى مۇمكىن ،ئۆزۈڭنى ئۆزۈڭ ئورۇنسىز قىينىما،ئازابلىما...!››دەپ خىتاپ قىلىدۇ-يۇ ،بىراق يەنە ئىختىيارىغا باقمايدۇ......
سېنى يەنە ئەسلەپ قالدىم،گاھىدا مەن سېنى ئەسلىگەندەك ،سەنمۇ مېنى ئېسىڭگە ئالامدىغانسەن ياكى يېڭى يار بىلەن قول تۇتۇشۇپ ،مۇھاببەتنىڭ شېرىن پەيزىنى سۈرىۋاتقان بولساڭ،مېنى ئېسىڭگە ئېلىش خىيالىڭغىمۇ كىرىپ چىقمىغاندۇ بەلكىم..
بۈگۈن سېنى ئەسلەپ قالدىم.
كۈنلەر ئايلارنى،ئايلار يىللارنى قوغلۇشۇپ ئۆتىۋاتقان بولسىمۇ ،سېنى سېغىنىشىم مىنۇتمۇ توختاپ قالغىنى يوق،ساڭا نەپرەتلىنەي دەيمەنۇ ،بىراق بۇ نەپرەت ئۆزلىكدىن ئەسلەشكە،سېغىنىشقا،كۆز ياشلارغا ئايلىنىپ كېتىدۇ!
بۈگۈن سېنى يەنە ئەسلەپ قالدىم.سېنى ئويلىماسلىققا، خىياللىرىمدىن سۈرگۈن قىلىشقا تىرىشاتتىم-يۇ،بىراق بۇنىڭغا ماجالىم يەتمەيتتى،سەن قەلبىمنى شۇ قەدەر چوڭقۇر ئىگىلىگەن ئىدىڭكى،قەلبىمدىكى ئورنۇڭنى ھەرقانچە قىلىپمۇ يوققا چىقىرالمايتتىم!
بۈگۈن سېنى  ئەسلەپ قالدىم.قاناتسىز،ئەركىن خىياللىرىم سىنى ئەسكە ئېلىشقا، ساپ ھېسلىرىمنى قەلب قەسىرىمدىكى پىنھانلارغا تۆكۈشكە ،سەن بىلەن خىيالەن ۋىسال تېپىشقا ئۈندەيتتى،بۇ خىياللار شۇنداق ئىختىيارسىز ھەم ئەركسىز ئىدىكى،بۇنى يىراققا قاچۇرۇش مۈمكىن ئەمەس ئىدى.يۈرىكىم سېنى ئەسلەشكە مەجبۇر قىلىۋاتسا قانداق قىلىمەن ئەسلىمەي....!
سېنى يەنە  ئەسلەپ قالدىم.
چوڭقۇر سېغىنىش ئىچىدە ساڭا خاتىرجەملىك ،بەخىت تىلىدىم.‹‹ئۇمۇ مېنى ئويلامدىغاندۇ؟مەن سېغىنغاندەك سېغىماندىغاندۇ؟››دەپ ئويلاپ  قالدىم ئۆزۈمچە،سېغىنماي قانداق چىدىسۇن يۈرەك شۇنچە ئەستىلىكلەرگە تولغان تۇرسا،بەلكىم بەزىلەر دېيىشى مۈمكىن‹‹ھەي ئەخمەق ،ئۇ سېنى شۇنچە ئازابلارغا سالغان تۇرسا،ئۇنى يەنە سېغىنامسەن،سېنى چىن يۈرىكىدىن سۆيگەن كىشى سېنىڭ كۆزۈڭدىن ياش ئاققۇزمايدۇ...!››دەپ ،ئۇلارنىڭ ئېيتقىنىمۇ ئورۇنلۇقتۇ بەلكىم،بىراق ئەسلىمەي چىدىمىسا بۇ يۈرەك،سېغىنماي ئۇنىمىسا بۇ كۆڭۈل...!
سېنى يەنە ئەسلەپ قالدى،ئەسلەپ تۇراي تاكى ئۇنۇتقىچە،كۆڭۈل قەپىزىمدىن ئۇچۇپ كەتكەن قۇش كەبى خىياللىرىمدىن يوقىغىچە،كۆڭلۈمدىن باشقا بىراۋلار ئورۇن ئالغۇچە...!

مەنبە :ئۆز قەلىمىم

ئاي بەرگى

گۈل بەرگىلىرى توزۇغان چاغدا ،سۈبھى بىلەن تەڭ بۇلاق مۇڭلۇق يىغلايدۇ جېنىم ....بۇلاق بويىدا تەنھا بىر ئاشىق،لېكىن ئۇ سەن ئەمەس،بۇلاق سۈيى يېڭى بىر سۆيگۈ مىلودىيىسىگە گۇۋاھچىدۇر..كەچكى شەپەق خلۋەتتىكى سېھىرلىك رەڭلەرنى ئوغىرلاپ ئۆزىنى بېزىگەندە مەن سېنى سېغىنىپ يىغلىمىدىم،قارشى قىرغاقتىكى شەپەڭنىڭ نازۇك گۈللەرنىڭ رەڭگىنى بىلەلمەيدىغىنىنى يۈرىكىم كۆردى...يۈرىكىم ئەمدى يىغلاشنى خالىمىدى جېنىم...
بىزنىڭ مەھەللىمىزدە چىققان تۇلۇنئاي ئۈچۈن لىرىكىلار ئەھمىيەتسىز،ئۇنىڭ ئۆزى بىر لىرىكا....سېنىڭ مەن ئۈچۈن يازغان لىرىكاڭنىڭ ئەمدىلىكتە باشقىلارنىڭ كۆڭلىنى خۇش قىلىپ يۈرگىنىنى بىلگىنىمدىمۇ مەن يىغلىمىدىم.
شېرىن بىر ھىستا ھاياجانلىرىم ھەممىمىگە ئە ئۇۋاھلىق بېرىپ تۇرغاندىمۇ مەن يىغلىمىدىم.كېتىپ قالماقچىمۇ سەن ياكى مەن كەتمەكچىمۇ؟ تۇيغۇلىرىم مىنى ئالدىدىمۇ ياكى سەن مىنى ئالدىدىڭمۇ؟ ھېچنىمىنى ئويلىغۇم يوق.
"سېنى سۆيىمەن"دىمەيمەن،"سېنى سېغىندىم"دىمەيمەن.ئۇ قۇرلار ئەمدى سېنىڭ ئەمەس،يۈرىكىمدىكى ھەممىنى پاك-پاكىز ئۆچۈرمەكچىمەن.خۇددى سېنى ھاياتىم بەتلىرىدىن ئۆچۈرمەكچى بولغىنىمدەك...بۇ قارارنى چىقارغىنمدا مەن يىغلىمىدىم .خۇددى بۇرۇندىنلا شۇنداق بۇلۇشى كېرەكتەك....
سېنى ئويلىغىنىمدا يۈرىكىم قاتىتىق سوقۇپ كەتمەيدۇ ئەمدى،مۇزلىغان يۈرىكىمنىڭ قاتىلى ئىكەنلىك يادىمغا يەتكەندە مەن يىغلىمىدىم.كۆز ياشلىرىمنىڭ قىممىتى بولۇشى كېرەكقۇ ئاخىر....
قارا...بۈگۈن ياغقىنى يامغۇر ئەمەس،چاناقلاردىن لىرىكا ئېقىۋاتىدۇ.يامغۇر يېغىۋاتىدۇ ،يۈرىكىم ئېرىۋاتىدۇ،ھەممە گۈرۈلدەپ كۈيىۋاتىدۇ.....

بىلگيار

شۇنداق، مۇھەببەت ئىگىلىرى قالدۇرغان ئۇ ئىزنى ئەسلىگەندە كىشنىڭ كۆز ئالدىدا بىر خىل ئەسلەش، كونا، لىكىن شۇنچە تونۇش ھەم يىقىن سىما پەيدا بولىدۇ. ئەمما ئايرىلىشتىن كەلتۈرۈپ چىقارغان ھىجران تىنىقلىرنى خۇئرسىنىش بىلەن تىنغىنىدا، لەۋلەرنىڭ بۇرجەكلىردە قىتىپ قالغان بىر خخل كۈلۈمسىرەشتىن باشقا ھىچنىمىگە، ھىچنىمە ئىرىشكىلى بولمايدىكەن. سۆيگەن ۋە سۆيۈلگەن چاغلار نەقەدەر بەخىتلىك ئىدى!؟ يىتەرسىزلىكلەرنلا كۆرۈپ ھەر مەھەل كۆڭۈل ئاغىرىقلىرنى تىرىشىپ، تا خوش دېيىشكەندە ئارتۇقچىلىقلىرنى ئەسلەش، غايىبانە سىغىنىش نىمە دېگەن بىچارىلىك، نىمىدىگەن ئازاب!!!  
چۈشلەرگە كىرمەيدۇ،
خىيالىڭدىن كەچمەيدۇ؟
ئەسلەيسەن ئۇنى پەقەت، يالغۇچ قالغاندا، قەلبىڭنى ئازاب مۇجۇپ ئالغاندا.
   مەيلى مەن قانچىلىك رەزىل، قانچىلىك ئىپلاس بولاي، مەندىن ۋاز كەچكىنىڭ سىنىڭ ئەڭ چوڭ خاتالىقىڭ، چۈنكى مەن سىنى ئاشۇ رەزىللىكلەر بىلەن، ئاشۇ ئىپلاسلىقلار بىلەن چىن قەلبىمنى ساڭا ئاتاپ تۇرۇپ سۆيەتتىم. چۈنكى مەن، دۇنيادا بىر دىن بىر ئىدىم.
   شۇنداق، جاپا ھالاۋەتتە بىرگە بولىمىز دېگەن سۆزلەرگە تۈكۈردىغان بولدۇم. سەۋەبى ناھايتى ئاددىيلا، چۈنكى سەن مەندىن بىخەتەر تۇيغۇسى تاپالمىغان چىغىڭدا ئۆزۈڭنىڭ بىخەتەر تۇيغۇسىنى ئىزلەپ ۋاز كەچتىڭ. چۈنكى سەن بەخىت تۇيغۇسى ئىزدىگەندە، بارلىق ئاۋارچىلىقلاردىن قىچىپ ئۆزۇڭنىڭ خۇشاللىقى ئۈچۈن ۋەدەڭدە تۇرمىدىڭ.
   بىراق، مەن سىنى راستىنلا ئەسلەپ قالدىم، سىغىنىپ قالدىم.

تىلسىم

يۈرۈگۈم سىنىڭ كىملەرنى سىغىندىم دەپ نىدا قىلۋاتقىنىڭ بەش قولدەك ئايان بولمىسىمۇ تۆت قولدەك  ئايان ،  بىلىمەن ئازاپلىنىۋاتىسەن ، ئەگەر سىنى بىرخەنجەر ئىككى پارچە قىلىۋەتكەندىمۇ بۇنچىلىك ئازاپلانماس ئىدىڭ بەلكىم ...ئۇ گۈل ئىدى ، كەتتى ...سىنى تىكەنلىرى بىلەن ھالسىزلاندۇرۇپ كەتتى ... ئاخىرقى نىداھلىرىڭ يەنە سىنى قىينىماقتا.

چۆلدە ئۆسكەن قىزىل گۈلدەك ،
شۈنچىلىك پاك شۈنىلىك كۆركەم ئىدىڭ .
تىكەنلىرىڭدە باشقىلارنىڭ قولى يار بولمىسۇن ،
ئۈزۈش توغرا كەلسە ئۆزەم ئۈزەي .

ساڭا زوقلىنىپ قارىيالايمەن ،
دوستلىرىمغا مىنىڭكى دەپ سۆزلىيەلەيمەن .
كۆزۈمنى يۇمۇپ ئەسلىيەلەيمەن ،
لىكىن يىنىڭغا بىرىپ سۆزلىيەلمەيمەن .

شاھيار

كۈلكە

تىلسىم يوللىغان ۋاقتى  2015-5-5 15:51
يۈرۈگۈم سىنىڭ كىملەرنى سىغىندىم دەپ نىدا قىلۋاتقىنىڭ  ...

"بەش قولدەك ئايان بولمىسمۇ تۆت قولدەك ئايان " نەسرى تىلغا ماس كەلمەي قاپتۇ .
داۋاملاشتۇرۇپ بېقىڭە ...

كۈلكە

نىچۈن شۇنچە ئەسلەرمەن سېنى ،
بۇ دۇنيادا سەنلا قالغاندەك .

ئاخىرقى ئابزاسنى ياقتۇردۇم . ،يۈرەك قېرىمايدۇ دەيمەندە يەنە

تىلسىم

كۈلكە يوللىغان ۋاقتى  2015-5-5 16:02
"بەش قولدەك ئايان بولمىسمۇ تۆت قولدەك ئايان " نەسرى تى ...

راستىنى ئىيىتقاندا ھازىر مەندە نەسىر يازىدىغانغا ۋاقىت يوق بولۇپ قالدى ، گىتتار مەشىق قىلىپ ، كىتاب كۆرۈپ ، تورغا چىقىپ ...
ئۇنىڭ ئۈستىگە ھازىرمۇ ئارقا بەت بىلەن ھەپلىشۋاتىمەن ...
يەكەنگە تور كەلگەن بولسىمۇ ئوقۇغۇچى تورى يەكەندە سۈرىتى بەك ئاستا ئىچىلىدىكەن . شۇڭا دىلشىر ئاكام تىخنىكا ئىشلىرىنى ھازىر قىلالمىغۇدەك .
ئازاپ ئۇچقۇنلىرىنى داۋاملاشتۇرۇپ باقساق قانداق ؟

مۇئەللىم

كۈلكە يوللىغان ۋاقتى  2015-5-5 16:06
نىچۈن شۇنچە ئەسلەرمەن سېنى ،
بۇ دۇنيادا سەنلا قالغاندە ...

‹‹ئۆزۈم قېرى ،كۆڭلۈم ياش››دېگەندەكچۇ.....

كەمجان

ئەسلەپ تۇراي تاكى ئۇنۇتقىچە دىگەن بۇ گەپ ماڭا مۇشۇ نەسىردىكى ھەممىدىن تەسىر قىلغان گەپ بولدى .رەھمەت .بۇنىڭدىن كېيىنكى ئىجادىيەتلىرىڭىزگە ئۇتۇق تىلەيمەن !

نازىم

بۇندىن كىيىنكى ئىجادىيەتلىرىڭىزگە ئۇتۇق، تېنىڭىزگە سالامەتلەك تىلەيمەن ھەدە