[مۇھىم تېما] كېلىڭلار، تېكىست توپلايمىز

ئەسلەرسەنمۇ

سېنى ئويلاپ ئۆتتى كۈنۈم،

سەنمۇ مېنى ئويلارسەنمۇ.

ھەربىر سۆزۈڭ بىر مۇڭ غەزەل،

سەن ھەم ئۇنى ئەسلەرسەنمۇ.

قولۇڭ تۇتۇپ ئۆتەلمىدىم،

ۋىسالىڭغا يېتەلمىدىم.

ھېچ بىر سۆزۈم ئېيتالمىدىم،

بۇ كۆڭلۈمنى بىلگەيسەنمۇ.

جاندىن كەچتىم، جانىمنى دەپ،

سەنسىز تارتقىنىم بولدى ئەلەم.

سەن يۈرىكىم، سەن مەھبۇبەم،

مەن غېرىپتىن كەچكەيسەنمۇ.

جاندىن كەچتىم، جانىمنى دەپ،

سەنسىز تارتقىنىم بولدى ئەلەم.

سەن يۈرىكىم، سەن مەھبۇبەم،

مەن غېرىپتىن كەچكەيسەنمۇ.

ئەپسۇس دەيمەن، باغرىم ئەلەم،

زېرىكىمەن يالغۇزلىقتىن.

ساڭا يېتەلمىگەنىمدىن،

ياكى سەنمۇ كۈلەرسەنمۇ.

شېرىن ئەسلىمە قالدى گۈزەل،

سەنمۇ ئۇنى ئەسلەرسەنمۇ.

ئويلاپ يۈرىكىڭ قىينىما،

سەنمۇ مېنى ئويلارسەنمۇ.

يۈرىكىمنى بىللە ئېلىپ كەت

گۈلۈم يىراق كەتمەكچى بوپسەن،

يۈرىكىمنى بىللە ئېلىپ كەت.

شادلىقىمنى تۇتىمەن يوللۇق،

ئازابىڭنى ماڭا بېرىپ كەت.

يىغلاپ قالساڭ مەن قالاي يالغۇز،

ياشلىرىڭنى تۆكمە، كۈلۈپ كەت.

ئازابىڭنى ئۇنتۇشۇڭ مۇمكىن،

ئۆچمىكى تەس سالغان ئوتۇڭنىڭ.

مەيلى كەتسۇن باغلاردىن باھار،

شېرىن ھىدى كەتمەس بويۇڭنىڭ.

شۇ باغلاردا كۈتىمەن يالغۇز،

كۆرمىسەڭمۇ مەيلى بىلىپ كەت.

ھەر تۈنلىرى سېنى ئەسلىسەم،

چۈشلىرىڭگە كىرىمەن بەلكىم.

پەقەت ئويلاپ قويغىن سېغىنساڭ،

ياكى مېنىڭ ئۆتۈلسە قەدرىم.

كەتكەن بىلەن كەچمىدىڭ بەلكىم،

چىن سۆيگۈمنى بىللە ئېلىپ كەت،

پاك سۆيگۈمنى بىللە ئېلىپ كەت...