[مۇھىم تېما] كېلىڭلار، تېكىست توپلايمىز

ئاي بەرگى

سىزنى سېغىنسام
(ئابدۇللا ئابدۇرېھىم)

بىرقاراشتا يۈرەكنى ئېلىپ كەتتىڭىز،
بارچە قايغۇ ئەلەمنى سېلىپ كەتتىڭىز.
بەلكىم يەنە بۇ ھالىمنى بىلىپ يەتتىڭىز،
چارىلەردىن يىراقمەن سىزنى سېغىنسام.

ھىدىڭىزنى چىمەنلەر قاچۇردى مەندىن،
دەستە بىرىپ مەن ئۈچۈن قايغۇ ئەلەمدىن.
سەۋدالىقىم ئازارى ئۆتكەندە جاندىن.
گويا قايناق بۇلاقمەن سىزنى سېغىنسام.

خۇشاللىقى دۇنيانىڭ سىزبىلەن كەتتى،
ئەركە يۈرەك ،ئاھۇ-دەرت كۆز بىلەن كەتتى.
بىچارىمەن دەرتلىرىم ساماغا يەتتى.
يېنىپ ئۆچمەس چىراقمەن سىزنى سېغىنسام.

ئاي بەرگى

بەخت كىلىدۇ

(مۆمىنجان ئابلىكىم)

ھىجران ئوتى تۈنلەردە،
كۆيدۈرگەندە دىلىڭنى.
قايغۇرمىغىن ئامرىقىم،
تۆكۈپ ئۈنچە يېشىڭنى.

ئىشەنچ بىلەن ياشىغىن،
ۋىسال پەيتى كىلىدۇ.
قۇچاق ئېچىپ بىزگىمۇ،
بەخت ئىقبال كۈلىدۇ.

تۈگىمەيدۇ ئازاۋىڭ،
يىغلىغانغا ھېچقاچان.
كۈلۈپ كۈلۈپ ياشىغىن،
نۇرغا تولسۇن كەڭ جاھان.

ئاي بەرگى

ئۇنتالمىدىم
(ئابدۇللا ئابدۇرېھىم)
دىلرابايىم كۆزلىرىڭنى ئۇنتالمىدىم.
بال ھەسەلدەك سۆزلىرىڭنى ئۇنتالمىدىم.
بۇ ھىجراننى يۈرەكىمگە سېلىپ كەتكەن،
شۇ جىلۋىگەر يۈزلەرىڭنى ئۇنتالمىدىم.

خازان بولدى سېنى باغلار كۆرەلمەستىن،
تاڭ شامىلى ساچلارىڭنى سۆيەلمەستىن.
تولغىنىمەن نەقىلارىم بىلەلمەستىن،
گۈل زىبايىم بويلىرىڭنى ئۇنتالمىدىم.

توختىمايدۇ يامغۇرلرى نادامەتنىڭ،
گۈلى سۇلدى ئېچىلماستىن ساداقەتنىڭ.
يىگانىمەن چۆللىرىدە مۇھەببەتنىڭ.
ئىزىڭ قالغان يوللىرىڭنى ئۇنتالمىدىم.

تىلەك

كىچىككىنە تەكلىپ،تېكىستنى يازغاندا ئامال بار،ئاپتۇرنىڭ ئىسمىنىمۇ يىزىپ قويساق!

قەدرىم ئۆتكەندە


ئاپتۇرى: ياقۇپجان ياسىن


ئىزلەيسەن بىركۇنى قەدرىم ئۆتكەندە،
ئىشەنگەن يارلىرىڭ تاشلاپ كەتكەندە.
كىملەرگە يار بولۇپ يۇرگەنتىڭ گۈلۈم،
سەن ئۇچۇن كۆزۈمدىن ياش ئەگىگەندە.

بىرەلمەي يېشىمنى سۇرتۇپ تەسەللى،
نەدىتىڭ بېشىمغا كۈلپەت كەلگەندە.
بولدى قىل ئالدىمدا تۆكمە يىشىڭنى،
نەدىتىڭ غورورۇم ئازار يىگەندە.

كەلمەيدۇ ئورنىغا چۇشەندۇرسەڭمۇ،
قالدۇرۇپ كەتكەنتىڭ مېنى ئەلەمدە.
بىكارغا ئاقمايدۇ ھەر بىر تامچە ياش،
قان ياشلار تۆكىسەن ھەر بىر قەدەمدە.


ناخشىدا ئالىمجان ھەسەن

تىلەك

ئاسانمۇ


رەنجىمىگىن ئەي ئاشىقىم كۆيمەك ئاسانمۇ،
كۆڭۇل بىرىپ چىن يۈرەكتىن سۆيمەك ئاسانمۇ،
سۇ ئىچمىسە ئاشىق كۆڭۇل مەشۇق دىلىدىن،
ئۇ كۈلمەيدۇ ئوت ئاتەشكە سالغان بىلەنمۇ.

كۆڭۇل بىرىپ چىن يۈرەكتىن سۆيمەك ئاسانمۇ،
كۆيمەي تۇرۇپ بۇ يۈرەكنى بەرمەك ئاسانمۇ.
يار ئوتىدا كۆيگەن يۈرەكنىڭ داۋاسى بولماس،
ئوتلۇرۇڭ ئۆچمەيدۇ يار مۇزلار تاڭسىمۇ.
يار ئوتىدا كۆيگەن يۈرەكنىڭ داۋاسى بولماس،
ئۇ ئۆچمەي مۇز ئوكيانغا بارغان بىلەنمۇ.

سېنى كۇتتۇم مەن نەچچە يىل،كۇتمەك ئاسانمۇ،
يايرى تۇرۇپ تەنھالىقتا ئۆتمەك ئاسانمۇ،
بولۇپ قالدىم تىرىك مۇردا قالمىدى دەرمان،
ئاڭلارمەن راست سۆزۇڭنى زادى قاچانمۇ،

ياخشى كۆرگەن ئاشىقىدىن كەچمەك ئاسانمۇ،
ئەلەم يۇتۇپ كۆز ياشىنى تۆكمەك ئاسانمۇ،
قايغۇ بىسىپ،ئەلەم بىسىپ تۇرغان يۈرەكنى،
ياشقا تولغان كۆزى بىلەن كۈلمەك ئاسانمۇ؟.

ناخشىدا ئەخمەتجان

تىلەك

بىلىپ قال

ئاپتۇرى: ئابلىمىت سۇلايمان


ئازار بەردىڭ دىلىمغا سېغىنمايمەن بىلىپ قال،
پىراقىڭدا ئۆلسەممۇ يىلىنمايمەن بىلىپ قال.
كىتەربولساڭ كىتىۋەر،يار بەختىڭىنى تىپىۋەر،
كەتمىگىن دەپ قولۇڭغا ئىسىلمايمەن بىلىپ قال.

تەلمۇرۇپ شوخ كۆزۇڭگە،قىلىپ قويدۇڭ ئۆزۇڭگە،
ئەمدى يالغان سۆزۇڭگە ئىشەنمەيمەن بىلىپ قال،
ئەمدى سېنى سۆيمەيمەن ئايرىلغانغا ئۆلمەيمەن،
ئۆتۇپ كىتەر بۇ كۇنمۇ ئىچىنمايمەن بىلىپ قال.

ياششاپ باققىن مەنسىزمۇ،ياششاپ باقاي غەمسىزمۇ،
بەختىم كىلەر سەنسىزمۇ،يىغلىمايمەن بىلىپ قال.
رەنجىمىگىن مېنىڭدىن كىتەر بولدۇم يىنىڭدىن،
يۈرۈگۈمدىن سۆيسەممۇ كەچۇرمەيمەن بىلىپ قال.


ناخشىدا ئالىمجان ھەسەن

تىلەك

ئۆچ بولدۇم


ئاپتۇرى: رۇستەم قارا سۇ


ھەر يەردە غەيۋەت بولار،
غەيۋەتلەرگە ئۆچ بولدۇم.
قالبىمدە ھەسرەت تولا،
نامەردلەرگە ئۆچ بولدۇم.

مەن ياردىگەن تاشلىدى،
تىخى يۈرەك ياش ئىدى.
يۈرۈگۈمنى ياشلىغان،
ۋاپاسىزغا ئۆچ بولدۇم.

مۇھەببەتتە ۋاپا يوق،
بۇ يۈرەككە داۋا يوق.
قاچان بولار كۆڭۇل توق،
مۇھەببەتكە ئۆچ بولدۇم.

تەقدىر دىدىم ئامالسىز،
سۆيگۇم قالدى جاۋاپسىز،
باغرىڭ تاشكەن ۋاپاسىز،
ساڭا شۇنچە ئۆچ بولدۇم.

قەدەمدە بار قەست دىگەن،
ئالدايدىكەن پەس دىگەن،
ئاتا — ئانا دوست ئىكەن،
يالغانلارغا ئۆچ بولدۇم.

ئەمدى قايتا باشلايمەن،
يېڭى قەدەم تاشلايمەن،
ئۈمىد بىلەن ياشايمەن،
كۆز ياشلارغا ئۆچ بولدۇم.

ناخشىدا قۇربانجان ئىمىر ھەسەن

تىلەك

دىلىمنى ئاغرىتتى دىلىمدىكىلەر


دىلىمنى ئاغرىتتى دىلىمدىكىلەر،
تۈنۈ كۈن ناملەرى تىلىمدىكىلەر،
ئاپتابىم شامالىم يىنىمدىكىلەر،
مەن ئۇلارنى كەچۇرەي بىر قۇدرەت بەرگىن،
ئەي دۇنيا مېھرىڭدىن بىر خىلۋەت بەرگىن.

زەھەرلەر كەلتۇردى شاراپلار تۇتتۇم،
غەيۋەتلەر ئويدۇردى ئىتتائەت تۇتتۇم،
قەسەملار ئىچتىھەم ساۋاپلار تۇتتۇم،
مەن ئۇلارنى كەچۇرەي بىر قۇدرەت بەرگىن،
ئەي دۇنيا مېھرىڭدىن بىر خىلۋەت بەرگىن.

داستىخان تۆرۇمدە شەربەت تارتتىلەر،
ئۆرۇلدۇم ئارقامدىن غەيۋەت ئاتتىلەر،
ئۇلار بۇنچە مېنى ئاسان ساتتىلەر،
مەن ئۇلارنى كەچۇرەي بىر قۇدرەت بەرگىن،
ئەي دۇنيا مېھرىڭدىن بىر خىلۋەت بەرگىن.

دۇشمەنىم ھەيياردۇر پەيىتلەر پايلايدۇ،
دوستۇم بولسا نادان سۇنى لايلايدۇ،
ئىككىسى بىر بولۇپ كۆزۇم بويايدۇ،
مەن ئۇلارنى كەچۇرەي بىر قۇدرەت بەرگىن.

جىنىمغا جازادۇر جىنىمدىكىلەر،
كۆزۇمنىڭ قاراسى قىنىمدىكىلەر،
ئىۋاھ بىگانەدۇر يىنىمدىكىلەر،
مەن ئۇلارنى كەچۇرەي بىر قۇدرەت بەرگىن،
ئەي دۇنيا مېھرىڭدىن بىر خىلۋەت بەرگىن.

ئەسلىدە دوست ھەم بىر دۇشمەننىڭ تۇرى،
دۇشمەننىڭ ئەڭ زور دۇشمەننىڭ شىرى،
چۇنكى قولىدەدۇر كۆڭلۇمنىڭ سىرى،
مەن ئۇلارنى كەچۇرەي بىر قۇدرەت بەرگىن،
ئەي دۇنيا مېھرىڭدىن بىر خىلۋەت بەرگىن.

بىشىمغا بالادۇر،بالادۇر كۆڭلۇم،
بىر سۆزنىڭ تىغىدىن يارادۇر كۆڭلۇم،
دوست ھەم دۇشمەن ئارا ئادادۇر كۆڭلۇم،
مەن ئۇلارنى كەچۇرەي بىر قۇدرەت بەرگىن،
ئەي دۇنيا مېھرىڭدىن بىر خىلۋەت بەرگىن.

ئۆزۇڭدىن يوق ئۆزگىگە مەھرەمى جانىم،
ئۆزۇڭ سەن سۇلتانىم،ئۆزۇڭ خاقانىم،
ئوتتا كۆيدۇرمىگىن ئىككى جاھانىم،
مەن ئۇلارنى كەچۇرەي بىر قۇدرەت بەرگىن،
ئەي دۇنيا مېھرىڭدىن بىر خىلۋەت بەرگىن.


ناخشىدا شاپائەت

ئۇنتۇش

مۇھەببەت ئازابى

قەلبىمگە ھېچ بۇيرۇق بىرەلمەسمەن
سىنى ئەسلا ئۇنۇتالماسمەن
كۆز ئالدىمدا پەيدا بۇلارسەن
يۈرۈكۈمگە خەنجەر سالارسەن

ئۇنۇتقىن دەپ سورىما مەندىن
سورىغان ئىدىم چىن سۆيگۈ سەندىن
نىتەي قەلبىمدىن ئۈچۈرەلمىسەم
كۆز يېشىم ئەمدى قۇرىتالمىسام

ئاھ شۇنچلىك قىيىن مۇھەببەت ئازابى
ئاھ شۇنچلىك سالىقىن كۈڭۈلنىڭ باھارى
ئاھ شۇنچىلىك ناۋاسىز سۆيگۈ ئىشق تارى
سەن ئىدىڭ ھاياتىم بارىم

ئۈمۈتۋار يۈرەگىم سورايدۇ سىنى
كۆزلەرىم يۇمساممۇ كۈرەرمەن سىنى
ئارزۇلار ئارمانىم تىلەيدۇ سىنى
قۇياشتىن سورايىمەن كۆيدۈرگىن مىنى

ئاسماندىن نۇر بۇلۇپ نۇرلار چاچايمۇ
مۇزلىغان قەلبىڭگە ئوتلار ياقايمۇ
مۇھەببەت دەردىدە يالغۇز ئۈتەيمۇ
چۈشلەردىن ۋىسالىڭ ئىزدەپ يۈرەيمۇ


‹ مۆمىنجان ئابلىكىم ›

تىلەك

سېغىنىمەن

ئاپتورى: گۈلناز تۇرسۇن

يانماي پەقەت كۆڭۈلنىڭ پەيلى،
مەجنۇن بولدۇم سەن گويا لەيلى.
شۇنداق ئىكەن يۈرەكنىڭ مەيلى،
سېغىنىمەن سېغىنمىساڭمۇ.

يىراقلاردا قىپقالدى ناۋا،
ئىزدەپ يۇرۇپ دەردىمگە داۋا.
قانداق خۇي بۇ بۇلمىدىم توۋا،
سېغىنىمەن سېغىنمىساڭمۇ.
قانداق دەرت بۇ،بىلمىدىم توۋا
سېغىنىمەن سېغىنمىساڭمۇ.

يىللاپ يىللاپ كۆرمەي قاراڭنى،
پەقەت سەندىن باشلاپ پاراڭنى.
ئۇخلىمايلا ئاتقۇزۇپ تاڭنى،
سېغىنىمەن سېغىنمىساڭمۇ.

ۋىسالىڭسىز سۆيگۈ سولمامدۇ،
بۇ يۈرەكلەر دەرتكە تولمامدۇ،
قەلبىڭ بىلەن سەزسەڭ بولمامدۇ،
سېغىنىمەن سېغىنمىساڭمۇ.


ناخشىدا مۆمىنجان ئابلىكىم.