ئۇيغۇر ئاپتۇنۇم رايۇنلۇق مائارىپ نازارىتى ئۈستىدىن ئەرز

amirtugluk

	توغرا ھىسيات ، ئەقىلنى  كېسىدۇ .

amirtugluk

	yahxi100 يوللىغان ۋاقتى  2013-2-27 03:10 PM ئۇ يەردە ۋىجدانى بار ئەمەلدەرلار بولغان بولسا مائارىپ ... مۇشۇنداق  كىېتىۋەرسە ، كەلگۇسى  مائارىپتىن قانداقمۇ  ئۇمۇت كۇتكىلى بولسۇن  ؟

urann

	ئوبدان ئويلاپسىز ھەم چوڭ ئىشقا نىيەت قىلىپسىز،لېكىن تەييارلىقىڭىز تېخى پۈتمەپتۇ،ئەرىز قىلىشنى ئويلاشقانكەنسىز ئەرىزدە يىڭىش ئۈچۈن پۇختا تەييارلىق بولۇش كېرەك،يەنى دەلىل-ئىسپات.ئەرزىڭىزنى سوتقا تاپشۇرغاندا سوتتىن ئىككى مەسلىگە قارىتا تەكشۈرۈش ئېلىپ بارىدۇ،دەۋا ئوبىيكتى يەنى كىمنىڭ ئۈستىدىن ئەرىز قىلىسىز،يەنە بىرى دەۋا تەلىپى نېمە تەلىپىڭىز بار؟بايا تورداشلار ئېيتقاندەك ئىدارە ئەمەس نازارەتنىڭ ئۈستىدىن ئەرىز قىلسىڭىز بىر قەدەر مۇۋاپىق،ئەگەردە قوش تىل سىياسىتى مائارىپ نازارىتىنىڭ يەككە خارەكتىرلىك بۇيرۇقى بولماستىن ئاپتونۇم رايونلۇق ھۆكۈمەت چىقارغان ھۆججەت بولسا ئەلۋەتتە دەۋا ئوبىيكتى ماس ھالدا ئۆزگىرىدۇ،دەۋا تەلىپىڭىز نېمە؟سىزگە مەزكۇر سىيەسەت تۈپەيلى قانداق زىيان يەتتى،قايسى ھوقۇقلىرىڭىز كاپالەتكە ئېرىشەلمىدى شۇ سەۋەپتىن قانچىلىك زىيان بولدى؟مانا مۇشۇلار توللۇق ۋە توغرا بولسا دېلو تۇرغۇزۇش شەرتىگە توشقان بولۇپ قانۇن بويىچە سوت مەھكىمىسى ئەرزىڭىزنى قوبۇل قىلىشى كېرەك،ئەرزىڭىز قوبۇللانغاندىن كېيىن قىلىدىغان بارلىق ئىش پەقەت بىرلا-دەلىل ئىسپات،قايسى مەكتەپتە قانچىلىك ئوقۇغۇچى ئۆز تىلىدا نورمال مائارىپ تەربىيىسى ئېلىپ بارالمىدى؟قانچىلىك ئوقۇغۇچىنى ئىستاستىكا قىلغاندىكىن كېيىن ئەسلىدىكى قانچە پىرسەنتلىك دەرس ئۆزلىشىش ئەھۋالى قانچە پىرسەنتكە ئۆزگەردى؟قىسقىسى ئېيىتقان ھەر بىر ئېغىز سۆزىڭىزنىڭ دەلىلى قايسى؟گۇۋاھچسى كىم؟مانا بۇ ئەقەللىي ھەر بىر دەۋادا ئۇتۇش-ئۇتتۇرۇشنىڭ ئاساسىي،شۇڭا تەكلىپىم باشتىلا ئەرىز سۇنىمەن دەپ چوڭ يەردىن چۈشمەي ئىسپات توپلاشتىن سانلىق مەلۇماتنى يىغىشتىن باشلاڭ،خالىغان بىر مەكتەپكە مائارىپ ئىدارىسىغا خەت ياكى ئىلخەت ئەۋەتىپ مەلۇم مەزگىلدىكى ئوقۇغۇچى سانى دەرىس ئۆزلىشىش ئەھۋالى ئوقۇتقۇچىلارنىڭ مەدىنىيەت سەۋىيىسى دەرس ئورۇنلاشتۇرۇلىشى قاتارلىقلارنى ئىگىلىسىڭىز بولىدۇ،ھۆكۈمەت ئورۇنلىرىنىڭ ئۇچۇرلارنى ئاشكارلاشقا ئالاقىدار قانۇن نىزاملىرىغا ئاساسەن ھەر بىر پۇقرانىڭ دۆلەت مەخپىيەتلىكىدىن سىرت بارلىق ئۇچۇرلارنى ئاشكارلاشنى تەلەپ قىلىش ھوقۇقى بار،يەنە كېلىپ يۇقارقىلار ئاغىرمايدىغان قىچىشمايدىغان مەزمۇنلار،بەك مۇھىممۇ ئەمەس،ئەگەر 15خىزمەت كۈنى ئىچىدە ئىنكاس قايتۇرمىسا قايتا قاراپ چىقىشنى ئىلتىماس قىلىپ بىر دەرىجە يۇقىرى ئورۇنغا ئىلتىماس سۇنسىڭىز ياقى مۇشۇ ئىش توغرىلىق ئەرىز قىلسىڭىز بولىدۇ.ئۇچۇرلارغا ئېرىشكەندىن كېيىن ئولتۇرۇپ سېلىشتۇرۇپ پاكىت توپلايدىغان گەپ،ھازىرچە مۇشۇنچىلىك قىلالىسىڭىز ئاخىرىغا بارغۇچە ھەممىنى قىلىپ كېتىسىز،ئەگەر بىردەملىك ھاياجاندا يېزىىپ قويمىغانلا بولسىڭىز ئوبدان باشلاپسىز،بۇ بىر ئادەم بىلەن ئاخىرى چىقىدىغان ئىش ئەمەس،سىز باشلايسىز يەنە بىرسى داۋاملاشتۇرىدۇ،مۇسۇلمانچىلىق ئاستا-ئاستا بولىدۇ

amirtugluk

	umudi يوللىغان ۋاقتى  2013-2-27 02:28 PM ھەر ئىشنىڭ يولى بىلەن ، دەلىلى بىلەن قىلغان ياخشى ، قو ... مائارىپقا  كۇڭۇل  بۇلگەنلىك  ،  كەلگۇسى  ئەۋلاتلار ئۇچۇن  .

Sungqar

	توغراقجان ئەپەندىنىڭ بۇ ئەرزى دەل ۋاختىدا ئوتتۇرغا قۇيۇلدى يەنە كىچىكسە بولمايتتى. سىزنى قوللايمەن. تەۋىسسىيەم ھەر بىر ۋىجدانلىق ئۇيغۇر ئاتا- ئانا ھىسسىياتكا بېرىلمەي بالىلىرىمىزنى ئۇقۇتۇش جەريانىدا يۇلۇققان ئەمىلى پاكىتلىق دىتاللارنى ئوتتۇرغا قۇيۇش ئارقىلىق ئاتالمىش قوشتىل مائارىپىنىڭ ھىقىقىي ماھىيىتىنى ئېچىپ تاشلاپ ئەۋلاـلىرىمىزنى قۇتقۇزۇپ قالايلى.

nur20

	مىنىڭچە بولسا بۇ تىمىنىڭ تەسىر دائىرسىنى كىڭەيتىپ  ھۆكۈمەت دائىرلىرىنىڭ دىققىتىنى مۇشۇ ئاۋام خەلىقنىڭ يۈرەك ساداسىغا مەركەزلەشتۈرسەك چۇقۇم بۇ ئەرىزنامىنىڭ كۈچى كۆرۈلىدۇ، كۆپچىلىك بىرلىكتە ئانا تىل مائارىپىمىزنىڭ كەلگۈسى ئۈچۈن كۈچ چىقىرايلى!

aljani

	ئىنكاسىمنى ئۆچۈرۋىتەي دەپ كىرسەم، ماڭا ياردەم قىلىپ ئىشىمنى ھەل قىلىپ بوپسىلەرغۇ، ئازراق خىجىللىق بىلەن كىرىپتىم. يېنىكلا چىقاي. بىر مۇنبەرنىڭ ئىش بىجىرىش پىرىنىسىپى مۇشۇ تۇرسا، چوڭ يەرنىڭ ئەلۋەتتە شۇنداق بولامدىكى ھەقىچان.

Sungqar

	مەن كېرىيە ناھىيىسىدىن. ئوغلۇم 8ياشقا كىردى. ناھىيىلىك خەنزۇ مەكتەبنىڭ ئاتالمىش قوشتىل سىنىپىنىڭ بىرىنجى يللىقىدا ئۇقۇيدۇ. تەتىلدىن بۇرۇنمۇ تاپشۇرۇق ئىشلىتەلمەي بەك ئاۋارە بۇلاتتۇق.ئانىسى بالىنى تىللاپ دۈكۈشلەپ دىگندەك ئىشلىتەتتى. ئەمما مەن بۇنىڭغا قارشى ئىدىم. بالا ئۇخلاپ قېلىپ ئىشلەپ بۇلالمىغاندا ئەتىسى ئەتتىگەن ئانىسى يەنە بالىنى توۋلاپ ئويغۇتۇپ  تاپشۇرۇق ئىشلىتەتتى. بالا كىچىك ئۇيقۇغا قانماي ئاران ئورنىدىن تۇرۇپ ئىشلەيتتى. ئىشلەپ بۇلالمىسا مەكتەپكە بارمايمەن دەپ تۇراتتى. بۇگۈن ھود 27-كۈنى بالام تەتىلدىن كېيىن تۇنجى مەكتەپكە بارغان كۈن ئىدى. كەچتە ئانىسى ئىشتىن بالىنى ئېلىپ ئىشىكتىن كىرىپلا بالىغا ۋاقىراپ -جاقىراپ كەتتى. سەۋەبى بالام تەتىل تاپشۇرۇقلىرىنى (مەجبۇرى سېتىپ بېرىلگەن قۇشۇمچە تەتىل تاپشۇرۇقلىرى) تۇلۇق ئىشلەپ بولمىغان .چۇنكى مەن ئۇبدان ئويناپ ئارام ئېلىۋالسۇن دىگەن. شۇڭا خەن مۇئەللىم بالام ھەم ئانىسىغا تاپشۇرۇقنى ئىشلەپ بولمىسا ئەتە مەكتەپكە كەلمىسۇن دەپتۇ. بۇنى ئاڭلاپ ئەرۋايىم ئۇچتى. شۇنىڭ بىلەن ئۆيدە كۈڭۈلسىزلىك يۈز بېرىپ تاماقمۇ يىيەلمىدۇك. ھازىرمۇ بالام ئەتە مەكتەپكە بارماسلىقنىڭ قازىنىنى ئېسىپ قۇسۇكۇم ئاغرىدى مەكتەپكە بارمايمەن دىدى. ئالدىساقمۇ ئۇنىماي يېغلاپ يۇرۇكۇمنى ئېچىشتۇرۋەتتى. ھازىر ئانىسى ئالداپ يوتقاندا ئىشلىتىۋاتىدۇ. بالامغا چىدىماي ۋاتىمەن. ئەتە بالا بىلەن مەكتەپكە بىرەە بېرىپ ئولتۇرۇشنى ئويلاۋاتىمەن بالامغا خەن ىانىم بىرنىمە دىسە دىيىشمەكچى. كېرىيىنىڭ ئۇمۇمى مائارىپ ئەھۋالىنى ئالساق پىداگوگىكا قېلىپىدىن چىكىپ كەتتى. كىملىكىنى جەزىملەشتۈرگىلى بولمايدىغان خەن زۇۋان بىر ئايال  ئىدارە باشلىقى بولغان. ئۇ قوشتىللىق مائارىپنى سىياسى دەسمى قىلىپ مۇئاۋىن ھاكىملىققا ئۆستى. يەنە مائارىپنى باشقۇرۇۋاتىدۇ  كېرىيە مائارىپىنىڭ كەلگۈسى قاراڭغۇ.

sardor

	مەنچە بىزنىڭ تىل -يىزىقىمىز يوقالمايدۇ ،ئۇنداق تەشۋىشلىنىپ كەتسەكمۇ بولماس ،لىكىن سۈكۈت قىلىشمۇ بويسۇنغانلىق .تىل -يىزىق شۇنداق خىرىسقا دۇچ كەلگەن بولسىمۇ بۇ چوڭ خەتەر ئەمەس ،ئەڭ يامىنى ئەشۇ تىل -يىزىقنى ئىشلىتىشنى خالىمايدىغان ،مىللىي خاراكتىرىنى يوقاتقان ،بىدئەت ئۇيغۇرلار ئەڭ خەتەرلىك .

ئەخمەد

	مۇشۇ تېمىنىڭ ئۆز ئېگىسى بۇ ئىنكاسلاردىن خەۋەردار بولۇپ تۇرشىنى  ئۈمىد قىلىمەن!