بىر تۇيغۇ تۆكۈلەر كېچە لىۋىگە

muslina216

	بىر تۇيغۇ تۆكۈلەر كېچە لىۋىگە   چىچەكلەپ بېغىمدا كۈلۈپتۇ ئازاپ ، خانەمدە تەنھامەن، يۇلتۇزلار ساناپ . شىرىقلاپ يېنىدىن ئۆتمەيدۇ شامال ، قاناپتۇ گۈل بەرگى، ھالىدۇر خاراپ . كۆزلىرىم يىراققا باقالمايدۇ ھېچ ، ئۈزىدۇ كىرپىكتە مەرۋايىت ئوقيا . چاقىرماس چۈشلەرمۇ تۆشەكلىرىگە  ، ھەسرەتلىك يۈرىكىم، ھەسرەتلىك دۇنيا ... تىترەيدۇ ۋۇجۇدۇم سوغۇق كېچىدە ، بىر  تۇيغۇ تۆكۈلەر كېچە لېۋىگە . چىلىشىپ ئازاپقا ئاتسىمۇ تاڭلار ، كىرىمەيمەن ئاھ! بەلكى يارنىڭ چۈشىگە ... مەنبە : ئىجادىيەت .

qaraxani

	چوڭقۇر پىكىر ،تەبئى لىرىكا،گۈزەل ئەستىلىكنىڭ يارقىن خاتىرىسى ئىكەن،خۇددى پوشكىننىڭ شېئىرىنى ئوقۇغاندەك ھېسسىياتتا بولدۇم.

qaraxani

	ماۋزۇسىمۇ ئىجادى ھەم ئۆزگىچە شۇنداقلا ئەسەر مەزمۇنى بىلەن ماس كەپتۇ،ئالتۇن ئۈزۈككە ياقۇت كۆز قۇيغاندەك.

rustam205

	ئۈمۈدنى ئۈزمىگىن بەرمە باشقىگە، كىرىپمۇ قالارسەن بەلكىم چۈشىگە. شۇندىلا ئارمانلار تاپسا گەر دەرمان، كېچەلمەي كېپ قالار ئۇمۇ قېشىڭگە.

tatlikpigan

	مۇسلىنە ھەدەم ياخشى يازىدۇ جۇمۇ،،،،ئىزچىل يېزىۋاتىدۇ....ھارمىغايسىز،،،سالامەت بولۇڭ....

musilina

	ئېسىل چىققان يەنە بىر شېئىرىڭىزنى ھوزۇر ئىچىدە ئوقۇدۇم... قەلىمىڭىز ھارمىغاي....

kukhelal

	تەكچەمگە ياماشقان گۈزەل سۆگەتگۈل، مۇڭلىنار كۆككە تارىسا ناخشام. ئوخشاتسام شۇ ئايغا يارنىڭ ھۆسنىنى زەپ گۈزەل كۆرۈندى بۈگۈنكى ئاخشام. ئىسل چىققان شىئىرلىرىڭىزدىن تولۇمۇ مەمنۇن بولدۇم!