ئېشەكنىڭ تېلىۋېزورغا چىقىش پىلانى

ayyamguri

	مۇشۇنداق ناچار  ئىللەتلار ،مۇشۇنداق ناچار  چاغانلارنىڭ دەردىدە ئادەم ئەتراپىغا  قاراشقىمۇ  نۇمۇس  قىلىدىغان بولۇپ قالدى ،ئەمدى بۇنى كۆرمەسكە  سېلىپ ئۈتۈپ كەتسەم بولغاندەك !!

!UYGHURJAN

	yik يوللىغان ۋاقتى  2013-2-21 02:47 PM مەن چۈشۈمدە ئەمەس ئۆز كۈزۈمدە كۆردۈم   شۇنداق قىلدى ئاللا ! ئاللا !  مەن يېپىپراق چۈشۈمدە دەپ قويغانتىم

YuqunAdam

	2. ئېشەكنىڭ مۈشۈككە مەسنىۋىي يازدۇرغانلىغى           ئېشەك تۈنجى قېتىم ئۆزىنىڭ بەتبەشىرە ھالىتىنى مەركىزى تېلۋىزىيە ئىستانتىسىنىڭ قانىلىدا كۆرۈپ تېلىۋۇزۇرنى ئارقا پۇتلاپ تېپىپ چېقىپ تاشلىدى. ئۇنىڭ بايتالخاننى قولغا كەلتۇرۇش پېلانى مەغلۇپ بولۇپ كۆڭلى يېرىم بولۇپ ھاياتىدىن كەچكىدەك دەرىجىدە ئۆزىدىن ئاغرىنىپ مەغلۇبىيتىنى كۈچكە ئايلاندۇرۇش ئۈچۈن يەنە پىلان تۈزۈپ چىقتى. ئۇ بۇ رەت مۈشۈكنى ئىزلىدى. دىمىسىمۇ مۈشۈك خەتنى تولىمۇ ياخشى يازاتتى. بايتالخاننىڭ 3.8 بايرىمىغا مەسنىۋىي يازدۇرۇپ سوۋغا قىلىشنى ئويلىغان ئېشەك مۈشۈككە: -مۈشۈك. سەندىن ئۆتۈنۈشۈم شۇكى ماڭا بىر مەسنىۋىي يېزىپ بىرىسەن. ئۇنىڭ ئۇخلاپ قالغان پۇرسىتىدىن پايدىلىنىپ ئېغىلىنىڭ ئىشكىگە چاپلاپ كۆڭلۈمنى بىلدۇرىمەن! -بولىدۇ. بۇنىڭ ئۈچۈن سەن ماڭا بىر ئىش قىلىپ بىرەمسەن؟ -نېمە ئىش؟ -يېقىندىن بىرى ئىت ماڭا كۆز تاشلاپ يۈرىيدۇ. شۇڭا ئۇنىڭ دەككىسىنى بىرىدىغان بىر ئىش بولسىلا بولاتتى. -ئاسانغۇ؟ -قانداق ئاسان؟ -ئۇنىڭغا دورا يىگەن چاشقاننى يىگىزىۋەتسەك بولمامدۇ؟ -دورا يىگەن چاشقاننى قانداق تاپىمىز؟ -بۇنى ماڭا قويۋەت!        ئېشەك ئىتنىڭ ئۆلىمى ھىساۋىغا مۈشۈككە مەسنىۋىنى يازدۇرۇپ كۆڭلى خاتىرجەم بولدى. توغرا بۇ ئىشنىمۇ تېلۋۇزۇردا چىقىرىپ داغدۇغى پەيدا قىلىپ، ئالدىنقى قېتىمدىكى بەتبەشىرە ئىشىنى يۇيماقچى بولۇپ تېلۋىزىيە ئىستانتىسىدىكىلەرگە خەۋەر قىلدى ۋە ئارقىدىن ئوڭۇشلۇق پۈتكەن خەيرىيەت ئىشلىرىنى ئويلاپ ئىچىدە مىيىققىدە كۈلۈپ قويدى.

honzade

	ئالامەت ياخشى چىقىپتۇ! ئېشەكنىڭ ھېكايىسىنى داۋاملىق ئاڭلايلى

ayyamguri

	ھا ھا  ھا تازا  كەپتۇ جۇمۇ؟ بەك ئۇبدان قامچىلاش  بوپتۇ ،تېلفۇن قىلىپ خەۋەر قىلىۋەتسەك بولاتتىكەنتۇق

yik

	ئىشەك بۇتى تىقىلىپ كەتكەن كۆۋرۇك بىلەن يەنە مېڭىپتۇ دە يەنە پۇتى تىقىلىپ كىتەرمۇ

mahatjan

	ئشەك ئوراپ بېشىغا يوغان سەللىنى،                       دوراپتۇ ئىمام،مەھزۈن موللىنى.                       تېخىمۇ كۈلكۈلۈك ئەمەسمۇ مىنىڭ،                      تەخسىر دەپ تۆرگە باشلىغىنىم ئۇنى.

YuqunAdam

	3.8 بايرىمىدىكى ئېشەك            بايتالخان ئېغىلىدىن چىقىۋېتىپ ئىشكىگە قىزىل رەڭلىك مەسنىۋىي چاپلانغانلىغىنى كۆرۈپ ئىچ-ئىچىدىن خۇشال بولدى. مەسنىۋىيدە ‹سىزنى ياخشى كۆرىمەن!› دىگەن خەت يېزىلغان بولۇپ ئېشەكنىڭ تۇيقى قارا لاينى كىچىپ تۇرۇپ تامغا قىلىپ ئۇرۇلغان ئىدى. دىمەك بۇ ئېشەكنىڭ قىلىغى ئىدى. بايتالخاننىڭ كۆڭلى ئېچىلغان بىلەن ئېشەكتەك بىر ھاڭۋاقتىنىڭ قىلغانلىغىدىن ئاچچىقلانمايمۇ قالمىدى.        ئېشەك بىر ئازدىن كىيىن بايتالخاننىڭ خاس ئېغىلىغا چاقىرىتىلدى. نۇمۇس دەستىدىن تۇياقلىرىنى ئويناپ تۇرغان ئېشەك نېمە دىيىشىنى بىلمەيۋاتاتتى. بايتالخان تولىمۇ چىرايلىق بولغاچقا ئېشەكنىڭ ئۇنىڭ ئالدىدا ئېغىز ئاچالماسلىغىنى ئانچە ئەپسۇسلىنارلىق ئىش ئەمەس ئەلۋەتتە. ئاردىكى جىمجىتلىقنى بايتالخان بۇزدى. -ئېشەكجانمۇ دەپ قوياي ھۆرمەتلىك قېرى يىگىت! ئەھۋللىرى چاغمۇ قانداق؟ بۇ نېمە قىلىق ئەمدى؟ سېنىڭ باشقا قىلىدىغان ئىشلىرى يوقما؟ ئۆزۈڭنىڭ سەتلىكىنى بىر دىمەي بوپتۇ. ئې بويۇڭمۇ مەندىن پاكار تۇرسا ماڭا نېمە كۆڭۈل ئىزھار قىلىسەن؟ مەن سەندەك بىر قەلەندە قوتور بىلەن جاھان تۇتارمەنمۇ؟ -ئۇنداق دىمىسىلە. مەن ئۆلگىچە سىلىنىڭ خىزمەتلىرىنى قىلىمەن. يىمەي يىگۈزىمەن! -سەنمۇ ۋوي قوتو! نەچچە يىل بېشىڭنى تىقىۋېلىپ يىسەڭمۇ كىچىككىنە چىرايىڭغا چىقمايدۇ. بېرىڭ شۇ! ساڭا لەنەت!!! -راس دەۋاتىمەن. مەن سىزنى قەدىرلەيمەن! ھۆرمەتلەيمەن! مەڭگۈ ئارقىڭىزدا ماڭىمەن. سەۋەنلىك ئۆتكۈزمەيمەن. مېنى قوبۇل ئىتىڭ -سەنما. سەن بىر يالاڭتۆش ناكەس! سېنى كۆرە كۆزۈم يوق! چىق!       بايتالخاندىن دەككىسىنى يەپ كۆزلىرىگە ياش ئالغان ئېشەك ئېغىر قەدەملىرىنى ئاستا يۆتكەن بايتالخاننىڭ خاس ئېغىلىدىن چىقىۋېتىپ ئۆزىنىڭ بۇ بايرامدىن ئۇنتۇلغۇسىز تەسىرات ئالغانلىغىنى، مەڭگۈلۈك دەرىتنى سېتىۋالغانلىغىنى، كەلگۈسى ئۆسۈش ئارزۇسىنىڭ بىر چۈش ئىكەنلىكىنى تونۇپ يەتتى.

YuqunAdam

	4. ئېشەكنىڭ ياشلار بايرىمىلىق سوۋغىسى              كۆزنى يۇمۇپ ئاچقۇچە ياشلار بايرىمى كىلىپ قېلىۋاتاتتى. يېشى بىر يەرگە بارغان بولسىمۇ ئېشەك بۇنىڭغا ھەرگىز تەن بەرمەيدۇ-دە. ئۇنىڭ يېشى  38 كە كىرگىنى بىلەن تېخى ئون گۈلىنىڭ بىرى پۆرەكلەپ باقمىدى ئەمەسمۇ؟ ئۇ بۇ بايراممۇ مۈشۈككە مەسنىۋىي يازدۇرۇشنى ئويلىغان بولسىمۇ يۈزى كۆتەرمىدى. قېلىن يۈزى كۆتەرسىمۇ مۈشۈكتەك يۈزىدە تۈكى بار ھايۋاننىڭ سوغاق بىر ئېغىز گەپ قىلىپ قويىشىدىن تازا ئەنسىرەپ ئۇنى ئىزلەپ بارمىدى. ئۇ ئىچىدە چۈچلە بولۇپ بايتالخانغا كۆيۋاتاتتى. دىمىسىمۇ ئۇنىڭدىن كىچىك ھەمراھلىرىنىڭ باللىرى ناۋاخ جەڭگە يارغىدەك بولغىلى. ئۇنىڭ خىياللىرى ئاسماندا پەرۋاز قىلماقتا ئىدى. ئۇ بۇ نۆۋەت ئېشەككە گۈل سوۋغا قىلىشنى ئويلاشتى. قەغەزدىن كىسىدىغان بۇ گۈلنىمۇ توزدىن باشقىسى ياخشى كىسەلمەيتى. توز بەك ھاكاۋۇر بولۇپ ئېشەكنى كۆرسە نەچچە قەدەم يىراق تۇراتتى. ئېشەكتىن ئۇنىڭغا غەيرىي كېسەللەر يۇقۇپ قالامىش. ئۇ ئېشەكنى سېپى ئۆزىدىن مەينەت مەخلۇق دەپ بىلەتتى. ئېشەك بۇ پىلانى ئۈچۈن بېشىدىن باغلىغاندەك توزنى ئىزدەپ تاپتى. توز ئۇنىڭغا قەغەزدىن گۈل كىسىپ بەردى ھەم ئۇ گۈلنى شۇنداق چىرايلىق پۈكۈپ توڭ تېزەككە سانجىپ بەردى. ئېشەك تېزەكنى چىشلەپ چوڭ يولدا شۇنداق مەغرۇر ماڭدىكى كۆز ئالدىدا بايتالخاننىڭ گۈزەل جامالى پەيدا بولغاندەك بولۇپ تېلى ساڭگىلاپ قالغانلىغىنىمۇ بىلمەي قالدى.        ياشلار بايرىمى ھەممەيلەن جۈپلىرى بىلەن كوچا ئارلاپ يۈرسە يولدا يىگانە ئېشەك توڭ تېزەكنى چىشلەپ بايتالخاننى ئىزلەپ يۈرمەكتە ئىدى. توپا-چاڭ دەستىدە ئۇنىڭ قوتورلىرى خېلى يېپىلىپ قالغان ئىدى. كىلىماتمۇ ياخشى بولغاچقا سىمىنا قوشۇپ ئىشلەيدىغان ئىشنى چۆرۈپ قويۇپ تۈنجى رەت ئۆزىگە ئىلىھام ئاتا قىلىپ بايتالخاننى ئىزلىشى بولغاچقا ئۇنىڭ خىياللىرىغا ھىچنىمە توغرا كەلمەيتى. دۇنيادا ئۇنىڭدەك مەغرۇر مەخلۇق يوق دىسىمۇ ئارتۇق كەلمەيتى ئەلۋەتتە.        ئېشەك بۇ نۆۋەت بايتالخاننى تولىمۇ تەستە تۆۋەنكى باغچىدا قىران تۇرۇق بىلەن ئۇچۇرۇتۇپ قالدى. ئۇلاردىن تولىمۇ ھەسەت قىلدى. قىران تۇرۇق  تولىمۇ كېلىشكەن بولۇپ بايتالخانغا خۇددى ‹ياقۇت كۆزگە ئالتۇن ئۈزۈك› ياراشقاندەك ياراشقان بولۇپ  باشقىلارنىڭ مەسلىكىنى كەلتۈرەتتى. بىچارە ئېشەكنىڭ تېلى ساڭگىلاپ كۆزىگە ياش كەلدى ۋە چىشلىرى غۇچۇرلاپ كەتتى. ئۇ چىشىنى شۇنداق غۇچۇرلاتتىكى ئاغزىدىكى توڭ تېزەك بىلەن گۈلنى قوشۇپ يەپ كەتكەنلىكىنىمۇ سىزەلمەي قالدى.

bazarbay

	قالتىس ئاپىرىن قېرىندىشىم.خۇش بولدۇم