ئېشەكنىڭ تېلىۋېزورغا چىقىش پىلانى

YuqunAdam

	ئېشەكنىڭ تېلىۋېزورغا چىقىش پىلانى مەسەل شۈكران         ئېشەك يېزا ئىگىلىك ئونۋېرىستىتنى پۈتتۇرۇپ ھايۋاناتلار شەھرىنىڭ ھاۋارايى ئىستانسىغا تەقسىم قىلىنىپ تولىمۇ خۇشال بوپتۇ. خىزمەت ۋاقتى قىس، مۇئاش يۇقىرى بولغاچقا ئۇنىڭ پىلانىدا ئۆزگىرىش بولۇپ <ئۆسۈش> جىنى چاپلىشىپتۇ. بۇ يەردە ئۇنىڭدىن باشقا خىڭىلدايدىغان ئاتتىن نەچچىسى ئىشلەيدىكەن. ئاتلار ئۆز تىلىغا ناھايىتى پىششىق بولۇپ خىزمەتنىمۇ ياخشى ئىشلەيدىكەن. ئېشەككە ھەر قانچە قىلسا ياخشى خىزمەت بىرىلمەي شۇ نەدىكى ئۇششاق-چۈشەك قولغا چىقمايدىغان خىزمەتلەر ئېشىپ قالىدىكەن ياكى ئۆسۈش ئېھتىمالى يوق خىزمەت تەقسىمات بولۇپ تۇردىكەن. شۇڭا ئېشەك ئاتتىن لايىق تېپىپ ئۆيلىنىشنى قارار قىپتۇ. ئېشەك ئات ئېلىش ئۈچۈن ئۇلارنىڭ تۇرمۇشىغا چوڭقۇر چۆكمىسە بولمايدۇ ئەلۋەتتە. ئۇ خىزمەتتىن سىرىتقى ۋاقىتلاردا ئاتنىڭ تىلىنى قېتىرقىنىپ ئۈگەنسە، ئۆي ئىشى ۋە سىرىت ئىشلىرىدا ئاتنىڭ تۇرمۇش ئادەتلىرى ۋە يېمەك- ئىچمەك ئۆرۈپ-ئادەتلىرىنى تەتقىق قىپتۇ ۋە باشچىلاپ ئۆگۈنۈشكە كىرىشىپتۇ. ئات يېگەننى يەپتۇ. ئات قىلغاننى قىپتۇ. ئەمما بايتالچىلە چاپالماي يېشى 38كە كىرىپ كىتىپتۇ. ياش 38كە كىرگەندە ئۇ ئىدارىدىن ئۇنىڭغا كىممۇ تەگسۇن؟! ئاخىرى چوڭ پىلان تۈزۈپ چىقىپتۇ. ئۇ قانداق پىلان؟ ئۇنىڭدا بىر يېڭى ئىجادىي ئىش قىلىپ كەڭ جامائەتچىلىككە تونۇلۇش ئىستىگى كۆتىرىلىپتۇ. شۇڭا ئۇ ئۆزىنى ئاتتەك بويۇتۇپ، قۇيرۇقلىرىنى ئۇلۇتۇپ، ياللىسىغا ئىشلىتىپ، تۇياقلىرىنى تاقىلىتىپ، قۇلغىنى ئازىراق كەستۇرۇپ، قاپاق چىقىرىپ تاسىلداپ چوڭ يولغا چىقىپتۇ. مەركىزى تېلۋىزىيە ئىدارىلىرىنىڭ مۇخبىرلىرى ئۇنىڭ بۇ سۆلەتلىك كۆرنىشى سۈرەتكە ئېلىۋاتسا تۇيۇقسىز قاتتىق بوران چىقىپ كىتىپتۇ. ھەممەيلەن دالدىلىنىپ ئۆزلىرىنى بوراندىن ئەپقېچىپتۇ. يامغۇرمۇ يېغىپ ئەتىراپ چىپپىدە بېسىقىپتۇ. شۇ ئارلىقتا ئۆزىنى ئۇنۇتقان ئېشەك بارلىق ھىس-تۇيغۇلىرىنى ئۇنۇتقان ھالدا كەلگۈسى ئۆمۈدلىرى ئۈچۈن، بوران-يامغۇرغا پەرۋا قىلماي ئۆزىنىڭ باتۇرلىغىنى نامايەن قىلىپ تۇرىۋەرگەن ئىكەن. مۇخپىرلار يامغۇر توختاپ ئۆز ئورۇنلىرىغا قايتىپ كەپتۇ. لىكىن ئەپسۇسلانغان يېرى شۇكى ئالدىدا قۇلاقلىرىدىن قان ئاققان، قۇيرىغىنىڭ يېرىمى يەردە ئۈزۈلۈپ ساڭگىلاپ قالغان، ئالا-چىپا بويالغان، ياللىسى ساڭگىلىغان، ئات دىسە ئات ئەمەس، ئېشەك دىسە ئېشەك ئەمەس، سەت بەتبەشىرە مەخلۇق قاپاقلىرىنى ساڭگىلىتىپ تۇرغىدەك. قانداق قىلىش كېرەك؟ مۇخپىرلار يۇقۇرنىڭ بۇيرىغىغا ئاساسەن شۇ پېتى سۈرەتكە ئېلىپ ئېشەكنىڭ بەتبەشىرە كۆرنىشنى نەخ مەيداندىن سۈرەتكە ئېلىپ تارقىتۋېتىپتۇ. ئۇ ئېشەك مۇشۇ قىلىقى بىلەن مەڭگۈ ئۆيلىنەلمەي ئۆتىدىغان ئوخشايدۇ!   ئېشەكنىڭ دەرجىسى ئۆسەمدۇ-ئۆسمەمدۇ؟ ئۇ خوتۇن ئالالامدۇ؟ قىزقىدىغانلار كىيىنكى قىسمىنى ئىزلەپ ئوقۇپ بېقىڭ!

010zikirullah

	تۆرىدە ئولتۇرۋالاي.....

mator

	جەمىيىتىمىزدىكى بىر قىسىم ئۇيغۇرغا خاس ئالاھىدىلىكلەرنى يوقۇتۇپ يولداشلارنى دورايمىز دەپ قىلمىغىنى قالمايۋاتقان ئېشەكلەرنىڭ ئوبرازىنى ناھايىتى ئۇستۇلۇق بىلەن يارتىپسىز .... قولىڭىزغا دەرت كەلمىسۇن ، تېخىدىنمۇ تىرىشىڭ

mahatjan

	ئېشەكنىڭ دەرجىسى ئۆسەمدۇ-ئۆسمەمدۇ؟ ئۇ خوتۇن ئالالامدۇ؟ قىزقىدىغانلار كىيىنكى قىسمىنى ئىزلەپ ئوقۇپ بېقىڭ!    ئالتۇندىن ۅەل بەرسەڭمۇ بەرى بىر كىسەك، ۅەركۉنلىكى ئۉچ ۋاح ۅالۋا بەرسەڭمۇ تىزەكلەر ئىشەك.   ئۇ ئىشەكتۇر بەرى بىر ئىشەك.     ئۇ ئىشەكتۇر بەرى بىر ئىشەك.         ئىشەك ئوراپ بشىعا يوعان سەللىنى،         دوراپتۇ ئىمام مەزۉن موللىنى،         تحىمۇ كۉكۉلىك ئەمەسمۇ مىنىڭ،          تەحسىر دەپ تۅرگە باشلىعىنىم ئۇنى.

QQtulpar

	ئاخىرى نەدە ؟

QQtulpar

	كىيىنكى قىسمىغا  تەشنامىز

qog

	مىنىڭچە ئۇ ئىشەكنىڭ دەرىجىسى ھەرگىز ئۆسمەيدۇ . ئۆسكەن ھالەتتىمۇ شۇ ئۇنۋىرسال قانۇن ئىجراچىللىرىنىڭ ئىجرا باشقۇرغۇچىسى بولىشى مۇمكىن.ياكى بولمىسا تەكشۈرۈش پونكىتلىردا تەكشۈرگۈچى باشلىق بولىشى مۇمكىن،ئۇ چاغدا كىملىكى ئۇنتۇلۇپ قالغان ئاددى ئىشەكللەرنى ھاقارەتلەپ ھەتتا ئۇرۇپ ئۇلارنى تۇغۇلغىنىغا تويغىزىۋىتەلەيدۇ.شۇندىلا ئۇ ئاتقا ياخشىچاق بولالايدۇ.

iztirap007

	ئۈزىنى قۇيۇپ ئۆزگۈنى تاللاش  خۇددى  ئالتۇننى قۇيۇپ كېسەكنى  تاللىغاندەكلا  ئىشتە. لېكىن بۇنى ۋاقتىدا ھېسقىلىپ يېتالايدىغانلار يەنىلائازدە..

سۈمەييە

	بۇ تىما ھازىرقى جەمىيىتمىزدىكى بىر قىسىم ھەسەتخور ، ئۆزىنىڭ ھالىغا باقماي يۇقىرغا يامىشىدىغان ناچار كىشىلەرنىڭ ئوبرازىنى ئەينەن ئەكىس ئەتتۈرۈپ بەرگۈسى ، باشقا گەپنى قويۇپ مۇنۇ جۈملىنى بۇ تىمىغا قالدۇرۇپ قويۇشنى لايىق كۆردۈم ساڭا ھەسەت قىلغان ئادەم سەندىن ھەر جەھەتتىن تۆۋەن ئادەمدۇر .