بىز ئەنە شۇنداق ئۇيغۇرلار

ئەرتۇرا

	               بىز ئۇيغۇرلار تارىخى ئۇزۇن   كۈرمىڭ يىللار ھالقىغان بىز ئۇيغۇرلار، تىل يېزىق تارىخى  شانلىق   ئىجاد قاينىغان بىز ئۇيغۇرلار، ‹ئۇيغۇر زەمبىرىكى›  ياساپ   چاقنىغان  بىز ئۇيغۇرلار، ھىكمەتلەر تېپىپ تىبابەتتە ياشنىغان بىز ئۇيغۇرلار، مەدەنىيەتلەرگە يوللارنى باشلىغان بىز ئۇيغۇرلار. تائاملىرى قۈۋەتلىك شىپا،سەرخىل تولا بەك تاتلىق، يىگەنلەرگە ھەم ھوزۇر ھەم بىرىدۇ كۆپ ئۆمۈر ساقلىق، كىيىملىرى  چاققان گۈزەل يارىشىملىق چىقار پاكلىق، ھەرخىل مەنىلىك دوپپىللىرى گۈل بەلگىسى ئورناقلىق، كۆپ خىل مەدەنىيىتى گۈللەپ نۇرچاچقان بىز ئۇيغۇرلار. بىزگە قۇت بىرىدىغان  بىلىمدىن باشقىنى كۆرمىدىم، ئاشار «قۇتادغۇبىلىك» يازغان ئەجداتلارغا ھۆرمىتىم، كۆرۈپ قانماي  مۇقام مەشرەپ ‹ئەقىللىق ئىكەنمىز›دىدىم، يادىمغا كەلسە ئۇيغۇرلىقىم پەخىرلىنمەن ھەرقېتىم، يىلتىزى چوڭقۇر يۇرتىغابەك ياراشقان بىز ئۇيغۇرلار. بوكسىرچى ھەم دارۋازلىرى رىكورىت بۇزار  بەك داڭلىق، ئۆزى ئىشچان بەك ئەقىللىق ھويلىسى يىشىل  باراڭلىق، ‹زامانىمىزدىكى ئۇيغۇر كەشپىياتچىللىرى›  ئاڭلىق، يورۇق شۇڭلاشقا تارىخى بولسىمۇ يوللىرى ھاڭلىق ، خىسلىتى دۇنيانى ئۆزىگە قاراتقان بىز ئۇيغۇرلار. مىڭ يىل بۇرۇن كاشغەرىمىز دۇنيا خەرىتىسى سىزغان، قالدۇرۇپ ھەم‹تۈركى تىللار دىۋانى›دەك ئىسىل ئىرپان، دىۋاننى بوۋىمىز ھەرخىل بىلىملەر قامۇسى قىلغان، تۈركى تىلىنى گۈللەشكە‹دىۋان›بىزگە ئۇلۇغ بىركان، تۈركى تىلنى ئەلگە تونۇتۇپ   ياشناتقان  بىز ئۇيغۇرلار. 2013-2

kukhelal

	بۇ تىمىڭىزغا قوشۇمچە قىلىپ قوياي! راس بىز پەخىرلەنگۈدەك مىللەت: ئۇيغۇر شان-شەرىپىم ئىدى غورۇر،ۋىجدان ئاتلىق باتۇر سەردار، ئۇيغۇر دىسە كېلەر ئەسكە جەڭدە جەڭچى جەڭگىۋار، خىسلىتىڭ كۆپ،جاسارەتلىك،چىچەن چەندان،تونۇش دەركار، شۆھرەت ئارا كۈلتۈر سىنىڭ پەزىلەتتە بايان داڭدار، قەلبىڭ شۇنچە قاشتىشىڭنىڭ ھۆسنى ئايان بەردى دىدار. تەڭدىشىڭ يوق قوينۇڭدىن تۆكۈلىدۇ مىڭ ھىممەت، سىنىڭ خۇلقۇڭ مىراستۇر،ئەۋلاد ئۈچۈن زور رىغبەت، دىۋانلىرىڭ بېتىدە ئاقار شىددەت تىرەن ھېكمەت، تەپەككۇر تىلى لەززەت،چاچراپ تۇرار ئىسىل مەقسەت، شەممى تارار ئەنئەنەڭدىن ئىلىم-ئىرپان چاقنار،يانار. ئەنئەنەڭدىن تامچىپ تۇرار ئەسلى كۈچلۈك ھۆرمىتىڭ، تاماق سۇنۇش خوشنىلارغا كۆيۈم-مۇھاببەت زىننىتىڭ، بارچە دىلغا تىكلىنەر زەردىن نىشانە سۈرئىتىڭ، ئالتۇن بىرىپ مەدەن نەققاش بويلىمايدۇ قىممىتىڭ ، كۆرمىگەي ئەرمەن-ئەجەمدە سەن كەبى بۈيۈك دىلدار. دانىشمەن پەدەرلىرىڭدىن سەن بۈيۈكسەن مۆھتىرەم، تەھلىكىدىن يىراق قوينۇڭ،مېھرىڭ گويا مىسلى ئىرەم، مېھمان كۈتەر چىچەن خەلقىم سېلىپ يولغا زىلچە گىلەم، نىممەتلەرگە تاڭلاي خۇشتار،قىزى نازىنىن،كۆزى سەنەم، خەسە كەبى ئاپئاق كۆڭلى پاك ۋە ساددا بىغۇبار. ئىزلەپ قالساڭ ۋۇجۇدىدىن مەرەتلىك ئۇندا تېپىلار، مېھمان بولساڭ قوي سويۇپ ساڭا بەتتە ئېتىلار، گەپچى خەلقىم ساڭا قىيپاش،سۆھپىتىڭگە  قېتىلار، مېھماندۇسلۇق زىننىتىدىن سەلتەنەتكە چېتىلار، تەمەييۇر ئەيلىمە زىنھار مىننەت قىلماس تۆھپىكار. (ئۆلۈمدىن باشقىسى تاماشا) ئەقىدىگە بولۇپ سىرداش، ئۆتەر ئەييام گۈل تىزىپ مېھنىتىڭگە بولۇپ يانداش، ئادىمىيلىك مىزانىغا ئىتىقادنى قىلىپ جۈپتاش، مۇھاببەتلىك كۆزى بىلەن قەلبلەرگە يېقىپ ئوتقاش، شەيدا ۋەسلىڭ ئاتەش كەبى چېھرىڭگە ئۇيغۇر دىلخۇمار. قايناپ قالسا بازىرى چوڭ ئايەمدىن بىشارەتتۇر، يوقلاپ ئۆتەر بىر-بىرىنى بۇ ئۇيغۇرچە ئىناۋەتتۇر، كۆيۈم ئۆلمەس ئۇيغۇر ئىلدە بۇ ئاشۇنداق جامائەتتۇر، ئۇيغۇرغا خاس ھارارەتتۇر،تىلەكلىرى ئىجابەتتۇر، ئۆلمەس سۆيگۈ ئىناق ياشاش ئەجدادلاردىن يادىكار. پۈتكەن ئىلى،ماڭلاي سۆيەر ئىشچان خەلق تەرىدىن، كۆكلەپ ئۆتتى ھەربىر مايسا باغۋەن ئۇيغۇر ئەجرىدىن، جاسارەتلىك ياشاش مىراس بىزگە ئەجداد نەسلىدىن، شۇڭا بۆرە ئاتالغان ئۇيغۇر ئەجدات ئەسلىدىن، ئىشچان قولى تەگسە يەرگە يەنە كېلەر نەۋ باھار. ئىگە خەلقىم گۈزەل ئۆرنەك مۇھاببەتلىك بىزەكلەرگە، بولسا ھەم لايىق ئىدى پەزلىڭ بۈيۈك كۆرەكلەرگە، بىرلا ئارمان سىڭگەن يۈرەك بۆلۈنمەيدۇ بۆلەكلەرگە، رەيھان ھىدى چاچار كۆزنەك،قارا گۈللۈك روجەكلەرگە، قارا كۈن كەلسە باشقا ئۇيغۇر قېرىنداش غەمگۇزار. ئىشتىراك قىلساڭ مۇراسىم چېھرى شاتلىق ئېتەر سېماس، قول تۇتۇشۇپ ئىناقلىقتا كەلتۈرىدۇ سۈرەن-قىيقاس، شۇنداق خەلقىم ئىكرام بىلەن ھاياتىغا چاتار ئىخلاس، تەبەسسۇمدا مۇڭلىنار  گۈل چېچەكتە جىمى مىقياس، غەملىرىڭگە ھەمدەم بولسام ئاشار مەندە چىن ئىپتىخار. يۈتەر چاپقۇن بولسا پىقىر ھەرتەرەپتىن كېلەر شەپقەت، ئادالەتنى كۈيلىمەككە تاشار جۈرئەت،چىدام-غەيرەت، قولى تەككەن نەققاش سۈرئەت،ئۇز- گۈزەللىك قىلار بەيئەت، ھۆنەرلىردىن تارار لەززەت ،روزىغاردىن تاشار راھەت، ئۆتەر ۋاقىت،كەلمەس رەنىج تۇرمۇشقا خوپ ئۇستىكار. سېنىڭ نەپسىڭنى ئالسا مەغرۇر،ئۇنى پەلەك ئۆزى ئۇرغاي، ياخشىلىقتىن چالسا تەمبۇر،ئۇنۇڭ بېشىغا قۇت قونغاي، ھالال تەردىن ئىتەك مەمۇر،خامىنىڭغا بەركەت تولغاي، مېھنىتىڭدىن ياشا ئۇيغۇر ،ئۇشبۇ يازمام تامام بولغاي، ئەنئەنە ئەجداد روھى رىشتە ئۇدۇمدىن تىلتۇمار مەنبە:https://uyghur-archive.com/misranim/thread-97748-1-1.html تىخىمۇ تىرىشىڭ.

kokbora520

	kukhelal يوللىغان ۋاقتى  2013-2-8 11:46 PM بۇ تىمىڭىزغا قوشۇمچە قىلىپ قوياي! راس بىز پەخىرلەنگۈدە ... ئادەمنى ھاياجانغا سھلىدىغان مىسرالار......

تۈركيار

	ئۇيغۇرۇم ئۈچۈن سوقىدۇ بۇ يۇرەك .................

alenur

ئەرتۇرا

	kukhelal يوللىغان ۋاقتى  2013-2-8 11:46 PM بۇ تىمىڭىزغا قوشۇمچە قىلىپ قوياي! راس بىز پەخىرلەنگۈدە ... رەھمەت قېرىندىشىم! سىز بۇ شىئرىڭىزدا خەلقىمىزنىڭ مەن دەپ بولالمىغان نۇرغۇن خىسلەتلىرىنى بايان قىپسىز. ئەلۋەتتە خەلقىمىزنىڭ خىسلەتلىرىنى يېزىپ تۈگىتەلمەيمىز. لىكىن خەلقىمىزنىڭ ئىللەتلىرىمۇ يوق ئەمەس! بىز خەلقىمىزنىڭ خىسلەتلىرىنى تېخىمۇ راۋاجلاندۇرىشىغا، ئىللەتلىرىنى تۈزۈتۈشكە ھەيدەكچىلىك قىلساق چوقۇم نەتىجىسىنى كۆرۈمىز!........

kukhelal

	ئەرزىمەيدۇ قىرىندىشىم بۇ ئىرادىڭىزدىن ئالەمچە سۆيۈندۇم خۇدايىم ئىتقانلىرىڭىز كىلەر!

qintax

nijad520

	توغرا!بىز شۇنداق ئسىل!! مەنچە بولغاندا مۇشۇندا ئادەمنى ئۇرغۇتدىغان شىئرلار كۆپلەپ يىزىلسا ياخشىمكىن~~~~ بىزدە ماندا ئىللەتلەر بار دەپ قاخشىغاندىن ياخشى~