قىيىن ئانىلارغا بىر كەلىمە سۆز

sutbulak

	قىيىن ئانىلارغا بىر كەلىمە سۆز مۇھەممەدئىمىن ھەسەن 　　　　قىيىن ئانا دېگەن بۇ ‹‹نام›› ئەسلىدە بىر ئوغۇل بالىنى تۇغۇش،  بىقىش، تەربىيلەش، ئوقۇتۇش قاتارلىق جاپالىق مۇساپىلەرنى بىشىدىن ئۆتكۈزۈپ سان- ساناقسىز جاپا- مۇشەققەت ۋە مىھىرى مۇھاببىتى بىلەن ياراملىق تەربىيلەپ، 10- 20مىڭ يۈەن پۇل خەجلەپ ئۆيلۈك- ئوچاقلىق قىلىپ، لاياقەتلىك چوڭ قىلىپ ھاياتلىق سىپىگە قوشالىغاندا قولغا كىلىدىغان، جاپا- مۇشەققەت ئەجرى مىھنىتىگە تولغان ئۇلۇغ ۋە شەرەپلىك نام. 　　　بۇ جاپاكەش ئۇلۇغ قىيىن ئانىلارنىڭ تىللاردا داستان بولغۇدەك ئەجىر مىھنىتىنى كۆز ئالدىمىزغا ئەكەلگىنمىزدە بۇلارغا تەربىيە بىرىش، تەنقىدلەش، تەكلىپ بىرىش دىگەنلەرنى ئىغىزدىن چىقىرىشقا خىجىل بولىمىز ئەلۋەتتە. 　　　بىراق قىسمەن قىيىن ئانىلارنىڭ كىلىنلەرگە قىلىۋاتقان مۇئامىلىسى، ئادالەتسىزلىكى، زۇلۇملىرى تۈپەيلىدىن بۇلارغا بىر كەلىمە سۆزنى دىيىشكە مەجبۇرمەن. 　　　يىقىندا بىر دوستۇم مىنى ئالاھىيتەن ئىزدەپ كەپتۇ، بۇ دوستۇم ئەسلىدە مەلۇم بىر ساقچىخانىنىڭ خىزمەتچىسى بولۇپ، كىشىلەرگە ئۆتۈنۈشنى،  يالۋۇرۇشنى ئەزەلدىن خالىمايدىغان، مىجەزى چۇس كىشى ئىدى، بىراق بۈگۈن چىرايى تولىمۇ سۇلغۇن بولۇپ غەمكىن كۆرىنەتتى. 　　　- يۇۋاشلاپ قاپلا، مىجەزلىرى يوقمۇ ياكى ئاياللىرىدىن تاياق يەپ دەرت ئىيتىقىلى كەللىمۇ؟  دەپ ئەھۋال سورىدىم، چاقچاق ئارىلاش. 　　　بولدى تولا چاقچاق قىلمىسىلىچۇ، دەپ سەل تىرىكتى رەنجىگەن قىياپەتتە. 　　　- بولىدۇ ئەمىسە، نەخ گەپكە كىلەيلى دىدىممەن، ئۇنىڭ مەقسدىنى ئۇقماقچى بولۇپ، 　　　- مەن سىلىدىن بىر ئىشقا ياردەم قىلىشلىرىنى ئۆتۈنمەكچى ئىدىم، دېدى ئۇ تولىمۇ بىچارە قىيپاتتە. 　　　- بولىدۇ، قولۇمدىن كىلىدىغانلا ئىش بولسا چوقۇم ياردەم قىلىمەن، قىنى دەپ باقسىلا. 　　　- بۇ ئەسلى ئانامغا نەسىھەت قىلىدىغان ئىش ئىدى دېدى سۆزىنى داۋاملاشتۇرۇپ، سىلە ماڭا قارىغاندا كۆپ ئىقتىدارلىق، بولۇپمۇ كىشلەرگە نەسىھەت قىلىدىغان ئىشتا كىشىنى قايىل قىلغۇدەك  سۆزلەش ئىقتىدارىغا ئىگە، مەن ئانام بىلەن ئايالىم ئوتتۇرىسدا تولىمۇ تەڭقىسلىقتا قالدىم، ئائىلەم ۋەيران بولۇش گىرداۋىغا يىتىپ قالدى، بىشىم بەك قاتتى. مەن ئايالىم بىلەن توي قىلغىلى 15يىل بولدى، بىر ئوغۇل، بىر قىز ئىككى پەرزەنتىم بار، بىز ناھايىتى چىىقىشىپ قالغان ئىدۇق. توي قىلغان دەسلەپكى مەزگىللەردە ئاناممۇ ناھايىتى ياخشى  چىقىشىپ قالغان ئىدى. 7-8يىل بولدى، ئانام ئايالىمغا ئۆزىچىلا ئۆچ بولۇپ قالدى، بۇ جەرياندا ئۆمرۈم ئانامغا يالۋۇرۇش، ئايالىمغا چۈشەندۈرۈش بىلەن تولىمۇ قىيىنىلىپ ئۆتتى. بۇنىڭ سەۋەبىنى زادىلا بىلەلمىدىم، ئايالىم يۇۋاش، مۇلايىم، سەمىمى ئايال. ئانامنى ھەرگىزمۇ يامان دىمەكچى ئەمەسمەن، يامان دىيىشكە ھەددىم ئەمەس، بىراق ئايالىمنىڭ ياخشى گىپى يامان بولۇپ چىقىدۇ، كۈلسە ھىجايغان، يىغلىسا سەتلەشكەن، ئولتۇرسا ئولتۇرىۋالغان، ئىش قىلسا قوڭىنى چاققان، ئىشقىلىپ ھېچقانداق ئىشى ئەرزىمەيدۇ، ئايالىم ئانامغا ئالاھىتەن بىرەر نەرسە سوۋغا قىلسا قوبۇل قىلمايدۇ، ئايالىمنى كۆرسىلا قاپىقى تۈرۈلۈپ قالىدۇ. ئانامنىڭ باشقىلارغا دىيىشچە ئۆزىچىلا ئۆچ بولۇپ قاپتىمىش، سەۋەبىنى ئۆزىمۇ بىلمەيدىكەن، ئانامنىڭ ئارزۇسى بويىچە بولغاندا ئايالىم بىلەن ئاجرىشىپ كىتىشىم كېرەك ئىكەن، شۇنداق قىلالىسام ئوغۇل بالىدەك ئىش قىلغان بولىدىكەنمەن. بۇنداق قىلسام ئايالىمغا، بالىلىرىمغا ئۇۋۋال قىلغان بولىمەن، ۋاپاسىز، نامەرەت دادا بولغان بولىمەن، ئانامنى نارازى قىلىپ قويسام بىر تۇز كور، يارىماس ئوغۇل بالا بولۇپ قالىمەن. مەن قانداق قىلاي دىگىنىچە كۆزلىرىگە لىققىدە ياش ئالدى. 　　　- ھەي ساقچى ئاغىنە بولدى يىغلىمىسىلا، يىغلاش سىلەردەكلەرگە ياراشمايدۇ، خاتىرجەم بولسىلا مەن بارلىق چارە- ئامال بىلەن سىلىگە ياردەم قىلىمەن، دەپ تەسەللى بىرىپ يولغا سالدىم. 　　　راستىنى ئىيتقاندا مىنىڭمۇ بىشىم قاتتى، بالىلارغا، كىلىنلەرگە تەربىيە قىلماق ياكى تەنقىد قىلماق ئاسان بولغان بىلەن، قىيىن ئانىلارغا تەربىيە قىلماق، تەنقىد قىلماق تولىمۇ مۈشكۈل ئىش. 　　　دىمىسىمۇ قىسمەن قىيىن ئانىلار باركى كونا جەمىىيەتتىن قالغان، كىلىننى دىدەك ئورنىدا، ئۆزىنى خانىش ئورنىدا كۆرىدىغان ئىددىيسىنى تاشلىغۇسى كەلمەي، كىلىنىلەرگە خوجايىن بولىۋىلىپ مۇئامىلە قىلىدىغان، ھەتتا بەزىلىرى كىلىنىنى ئوغلىنىڭ ئورغىنىدىن، كىلىنلەرنىڭ زارلىنىپ يىغلاشلىرىدىن كۆڭلىنى ئاچىدىغان قىلىقلارنىڭمۇ بارلىقىنى ئاڭلىغان ئىدىم. 　　　مەن بۇ يەردە يۇقارقىدەك ئاز بىر قسىم قىين ئانىلارغا دەيدىغانلىرىم، ئۇنداق قىلماڭلار، بۇلار سىلەرنىڭ كىلىنىڭلار، ئامراق ئوغلۇڭلارنىڭ ئۆمۈرلۈك ھەمرايى، جەمەتىڭلارنىڭ ئىز باسارى بولىدىغان ئوماق نەۋرەڭلارنىڭ ئانىسى ئەمەسمۇ، مۇشۇ خىل موھىت ئىچىدە ھامىلىدار بولۇپ تۇغۇلغان بوۋاقلارنىڭ كۆپىنچىسى تۇغما يۈرەك كىسلى بولۇپ قالىدىكەن. سىلەر سەۋەپلىك يۇقارقىدەك پاجىئەلەرنىڭ يۈز بېرىشى بىگۇناھ سەبىلەرنىڭ يىتم بولۇپ قىلىشى سىلەرنى ئىچىندۇرمامدۇ. سىلەر خورلاۋاتقان بۇ بىچارە كىلىنلەر ئۆز- ئاتا- ئانىلىرىنىڭ ئۆيلىرىدە شۇنداق ئەتىۋار، شۇنداق غەمسىز، شۇنداق ئەركىن قىزلار ئىدىغۇ!   　　　تەقدىر قىسمەت سىلەرگە كىلىن قىلىپ بەردى، ئەگەر سىلەرنىڭ ئۆز قىزىڭلار باشقىلارنىڭ ئۆيلىرىدە شۇنداق مۇئامىلىگە ئۇچرىسا  سىلەر چىدىيالامسىلەر؟ ئوغۇللىرىڭلار سىلەرنى دەپ ئايالى بىلەن تالاي قېتىم ئۇرۇشقاندۇ، تالاي قېتىم يالۋۇرغاندۇ، تالاي قېتىم قىسىلغاندۇ. 　　　قىيىن ئانا بولماق ھەقىقەتەن تەس، ئۆز ئىسمىدىنمۇ چىقىپ تۇرىدۇ، چۈنكى باشقىلارنىڭ قىزىغا ئانا بولماق شۇنداق تەس، شۇنداق بولسىمۇ ئۇلارنى كەچۈرسەڭلار، تەربىيلىسەڭلار، ئۆز قىزلىرىڭلارغا ئوخشاش مۇئاملە قىلساڭلار، جان- جىگەر ئوغلۇڭلارنى ئائىلە- نىكاھ ئىشلىرىدا خاتىرجەم قىلىپ، ئۇلارنى قوللىساڭلار، ئۇلار زىھنىنى ئايالىم بىلەن ئانام قانداق ئۆتكەندۇ، ئۇلارنى قانداق ئەپلەشتۈرەرمەن دەپ ئويلايدىغاننىڭ ئورنىغا، خىزمەتكە، ئۈگۈنۈشكە، كەسىپكە قاراتسا، تىخىمۇ روناق تىپىپ، ئالغا بىسىپ، ھايات مۇساپىسىدە نى- نى غەلبىلەرنى قولغا كەلتۈرمەسمىدى.

akbar999

	سىز يازغان بۇتىمىنى مەن ياخ تۇرمىدىم،سىز نادانمۇ ياساراڭ مۇ،  ئەگەر مۇشۇدىگەن ئانا راس ئەشۇندا كىلىنگە.بىكا دىن بىكا  ئازار بەرسە  ئۇنداق بۇلسا ئۇساراڭ بۇلىدۇ؟ئەگەر ئۇنداق بولمىسا بۇدىگەن.تۆھمەت بۇلىدۇ بۇنىڭ گۇنايىنى.كۆتىرەلمەيسىز.ئەگەر ساراڭ بۇلسىمۇ.بۇنداق يازمايتىڭز ؟جەننەت ئانىنىڭ تاپان ئاستىدا .ئۇلا نىڭ ئىشى تىخى چالىكەن ئالدۇرمي تۇرسۇن.

naznigar

	akbar999 يوللىغان ۋاقتى  2013-2-3 08:11 PM سىز يازغان بۇتىمىنى مەن ياخ تۇرمىدىم،سىز نادانمۇ ياسا ... قېرىندىشىم خەتنى توغرا يازسىڭىز

لېدىر

	akbar999 يوللىغان ۋاقتى  2013-2-3 08:11 PM سىز يازغان بۇتىمىنى مەن ياخ تۇرمىدىم،سىز نادانمۇ ياسا ... سىزنى قوللايمەن قىرىندىشىم ،مىسرانىمدا بىرنەچچە يومشاق باش پەيدا بولوپ قالدى ،خوتوننىڭ سىزىغان سىزىقىدىن چىقماي ئانىسىنى تىللايدۇ ،شەرەپسىزلە .بەلكىم ئۇلار خوتونىنى سىزلەيدىغۇ دەيمەن ،ئەمما ئانىسىنىچۇ ؟ . يىمەي يىگۇزۇپ چوڭ قىلىپ بالىسىنى كۇچكە تولدۇردى ،ئەمما ئۆزىچۇ چارچىدى ،ھاردى ،قىرىلىق يەتتى .ئەمدى شۇ بالىسى توردا ئانىسىغا تەربىيە بىرىشتىن ئۇيالمىغانمىدۇ .ئۇلۇغ ئاللاھ ئىنساپ بەرسۇن . (مىسرانىمدا بۇنداق تىمىلارنى تەستىقلىماسنى ئۆمۆت قىلىمەن )

abaytarim

	ئەجەب ئىچىم بىر خىل ...

kaitmas

	ئاتا- ئانىلارنىڭ يۈرەك سۆزىنى ئاڭلاڭ http://anatel.blogbus.com/logs/130048867.html

quxtikiakku

	ھەرقانداق ئانا ئۆز بالىسىنى سۆيۇدۇ. كىلىننىڭ قىينى ئانا بىلەن چىقىشىپ ئۆتمىكى تولىمۇ تەس. يەنىلا ئۆز ئارا ئەپۇ قىلىشقان ياخشى.

گۈلچۈشى

	مەن يېقىندا توي قىلدىم ،قېنئانام شۇنچىلىك ياخشى ،مېنى ئۆز قىزىدەكلا كۆرۈپ ئەرتىۋالايدۇ .بەلكىم بۇ مېنىڭ بەختىم بولسا كېرەك ،شۇڭا قېنئانامغا ئاپامدەكلا بەكمۇ ئامراق . بۇنىڭدىن كېيىنمۇ قېنئاپام بىلەن مۇشۇنداق ئۆتۈشنى خالايمەن ،ئۇنىڭ مۇئامىلىسىنىڭ ئۆزگىرىپ قالماسلىقىنى ئاللادىن تىلەيمەن .

بەرگى

	بۇ تىمىنى كۆرسە سەۋەنلىكنىڭ ھەممىسى ئانسىغا قويۇپتۇ ، چوقۇم ئۆچ بولۇپ قىلىشنىڭ مەلۇم سەۋەبى بولدۇ . بەلكىم باشقىلارغا دىيەلمىگەندۇ ياكى دىيىشنى خالىمىغاندۇ ، ئوغۇل بولغۇچى قىيىن ئانا بىلەن كىلىن ئوتتۇرسىدا ئەڭ مۇھىم رولنى ئوينايدۇ ، مەسىلنى ئۆزدىنمۇ ئىزدەپ بىقىش كېرەك ، ئەگەر ئانا ھەقىقەتەن ئەسەردە دىيىلگەندەك يولسىز بولسا  بۇ گەپلەرنى دىمىگەن بولاي ، قىيىن ئانىلار مىنىڭ ئاپامدىن ئۈگەنسە بولدۇ جىمۇ ،

armi

	مەنغۇ  قىيىنئانىنىڭ  دەردىنى  ئەرنىڭ  دەردىنى ھارغۇچە  تارتىپ [ بىرىنچى  تۇرمۇشۇمدىكى  ئىشلار  بۇ  ]   ئاجىرىشىپ  كەتكەندىن  كىيىنمۇ ئىككىنچى  توي  قىلماسمەن  دىگەنتىم . ئەمما  ئىككىنچى  تۇرمۇشۇمدا  قىيىن  ئانام  يوق  ،  يولدىشىم   بىلەن  ئىككىمىزلا بولغاچقا  دەردىنى  تارتىدىغان  قىيىن  ئانىغۇ  ئۇ  ياقتا  تۇرسۇن  .  خىزمىتىنى قىلىدىغان  قىيىن  ئانامنىڭ  بولمىغىندىن  تولىمۇ  ئەپسۇسلاندىم . ئەمما  يولدىشىم  بەكمۇ  ئېسىل   پەزىلەتلىك ،  ئەخلاقلىق ئەر .   مىھرىبان  كۈيۈمچان  دادا . بىزنىڭ  ئىككى  بالىمىز  بار  .  بىرى  ئوغۇل  بىر  قىز  . اللاھ  خالىسا  شۇنداق  بەختىلىكمەن .