بىزنىڭ «بىراق»، «لېكىن»لىرىمىز

abrara

	بىر دوستىمنى زىيارەت قىلىپ قايتىشىمىز ئىدى. ئۆزىمىز ئولتۇرىدىغان رايۇنىمىزغا بارىدىغان ئاپتوبۇسنىڭ باش بېكىتىدىن ئابتوبۇسقا چىقتۇق. چوڭ قىزىم ئالدىنقى قاتاردىكى ئورۇندا، مەن بولسام ئىككىنچى ۋە ئۈچۈنچى قىزىم بىلەن ئۇنىڭ ئارقىدىكى ئورۇندا ئولتۇردۇق. قولۇمدا ئەتىگەن ئۆيدىن چىققاندا يولدا بېرىش- كېرىش سەپىرىدە ئوقۇۋالماقچى بولغان كىتاپنىڭ ئاخىرقى بەتلىرىنى ئوقۇشقا باشلىدىم ۋە ئابتوبۇس قوزغىلىپ ئىككى بىكەت ماڭار ماڭماس كىتاپنى تاماملىدىم. ئاجايىپ قەھرىمان ۋە مەرت ئوغلانلارنىڭ ئىمان، ئەخلاق، باتۇرلۇق، پىداكارلىقتىكى ئېسىل سۈپەتلىرى ئاللاھنىڭ يەر يۈزىدىكى خەلىپلىرىگە خاس بولغان ئۆرنەك ھاياتلىرى قەلبىمدە شىرىن بىر قايىلىق پەيدا قىلغان ۋە خۇددى لەززەتلىك بىر تەمدەك سەزگۈ ئەزالىرىمنى ھۇزۇرلاندۇرغان ئىدى. كىتاپنى سومكامغا سېلىپ بولۇپ ئاپتۇۋۇزدىن سىرتقا قارىدىم. بىر- بىرىدىن ئالدىراش ئادەم ۋە ماشىنىلار ئېقىمى. ئاپتوبۇس ئىچىدىن ئالدىمغا قارىدىم. كۆزلىرىم ئۆزەمۇ بىلمەيدىغان ئۇپۇقلاردىن بىرنەرسە ئىزدەۋاتقاندەك كۆزۈم بىلەن كۆرىۋاتقان نەرسىلەرگە رايىم يوق بىر ھالەتتە قاراپ قويدۇم.چۈنكى، كىتاپتا يېزىلغان تارىختىكى داڭلىق ۋەقەلەر، ئىمان، ئەقىدىسى، تاللىغان يولىدا بىر ئۈمۈر يىغقان ماللىرىنىلا ئەمەس، جانلىرىنى بېرىشتە بىر- بىرلىرى بىلەن مۇسابىقىغە چۈشكەن ئەرلەر، نومۇس، ۋىجدان غۇرۇرىنى قوغداشتا باش ئەگمەس روھلار ... ھازىرقى زاماندىكى كۆركەم ماشىنىلار ، كۆركەم تۇرالغۇ – سارايلار، كۆركەم ماركىلىق كىيىملەر ئىچىدە دۇنيالىق ھەۋەس ۋە ماقامى، نەپسى ئۈچۈن ياشايدىغان ئىنسانلىق ساپاسىدىن يوقسۇل ئىنسانلار بىلەن سېلىشتۇرغاندا ... بۇلارنى ئويلىغىنىمچە بىر قىسما بولۇپ قالدىم ۋە ئېغىر بىر ئۇھسىندىم. ئالدىمدىكى ئورۇندا ئولتارغان قىزىم بولسا بېشىنى كۈتەرمەستىن كىتابىنى ئوقۇۋاتاتتى. ئۇنىڭ دولىسىغا يەڭگىل ئۇردۇم، ماڭا قارىدى. مەن: -كىتابنى ماڭا بەرسىڭىز بولامدۇ. ئۆزەمدىكىنى ئوقۇپ بولدۇم، دېدىم. قىزىم مۆرىسىنى كۆتۈرۈپ بېرىشنى خالىمايدىغانلىقىنى بىلدۈرۈپ يەنە كىتاپنىڭ ئىچىگە كىرىپ كەتتى. ئانىلىق ئىمتىيازىمدىن پايدىلىنىپ روھى سىقىلىشىمنى باستۇرۇش ئۈچۈن ئۇنىڭدىن ھەقسىز بىر تەلەپتە بولغانلىقىمنى ئويلاپ كۈلۈپ قويدۇم. چۈنكى، مەنمۇ كىچىكىگىمدىن باشلاپ ھەرقانداق مەرتلىك قىلساممۇ ئوقۇۋاتقان كىتاپتا ھەرگىز مەرتلىك قىلالمايتىم. ھەر نەرسىدىن كەچسەم كېچەتىم كىتاپنى ئوقۇپ بولمىغىچە ھېچكىمگە تۇتقۇزمايتىم. -بەزىدە ئىنسان دائىم ئۆزىنىڭ قىلغانلىرىنى ئۇنتۇپ قالىدۇ- ھە! دېدىم ئىچىمدە. ئىنسان دائىم دېگىدەك ئۆزىنىلا ئويلايدىغان بولۇپ قالغاچقا بۇ دۇنيا دۇنيالىقتىن، ئىنسانلار ئىنسانلىقتىن يىراقلاشمىدىمۇ؟ مەن يان تەرەپكە قارىدىم. ئىككىنچى قىزىم قۇچىغىغا ئېلىۋالغان سىڭلىسىغا ھە دەپ يولدىكى ماشىنا ۋە باشقا نەرسىلەر ھەققىدە ھېكايە ئويدۇرۇپ سۆزلەپ مېڭىۋاتاتتى. مەن ئۆزەمنى خىيال دۇنيادىكى ئاشۇ سائەدەتمەن ئىنسانلار دۇنياسىغا ئۇچۇردۇم. - ھەر راست ئاپا، دېدى ئىككىنچى قىزىم تۇيۇقسىز خىيالىمنى بۆلۈپ: -مەن چوڭ بولغاندا ئافرىقىغا باراي دەيمەن. -مەيلى بېرىڭ، دېدىم. ھېچ ئويلانماستىن. -ئۇ يەرگە بېرىپ ئافرىقىدىكى مۇسۇلمانلارغا ياردەم قىلىشنى خالايمەن. -ناھايىتى ياخشى . مەن سىزنى يۈزدە يۈز قوللايمەن. بارىكاللاھ سىزگە، دېدىم. -مەن دوختۇر بولسام تېخىمۇ ياخشى دەپ ئويلايمەن، دوختۇر بولسام ئۇ يەردىكى كېسەللەرنى داۋالىسام. -بارىكاللاھ سىزگە- دېدىم ئىچىمدىكى رازىلىقىمنى يۇشۇرالماستىن. قىزىمنىڭ بۇخىل سۆزلىرى مېنى تولىمۇ سۈيۈندىرەتتى. ئەتىراپتىكى مۇھىت تەسىرى بىلەن بەزىدە ماددىي تەلەپلەرنىڭ ئىھتىايجىدىن ئارتۇقىنى تەلەپ قىلغان ۋاقىتلاردا ياكى ېيمەكلىكلەردە بەزى يۇقىرى تەلەپ ياكى ئىسراپچىلىققا يۈز: تۇتقان ۋاقىتلىرىدا مەن ئۇلارغا سومالىدىكى ئاچارچىلىقتا ئۆلۈۋاتقان ئىنسانلارنى، ئاچلىق ۋ ەبىر بۇردا نان ئۈچۈن مۇسۇلمانلىقتىن چىقىپ باشقا دىنلارغا كىرىپ كېتىۋاتقانلار ھەققىدە سۆزلەپ بەرگەندىم. شۇنداقلا بىز شەرىقى لىقلارنىڭ ماددىي ۋە ماقامى جەھەتتلەردە قانچلىك ياخشى ۋە يۇقىرى ئىمكانلارغا ئىگە بولساق بولايلى يەنىلا ئۆز دۆلىتى باشقىلار تەرىپىدىن تارتېلىنغان، ئىنسانى ھۆرلۈكلىرىدىن مەھۇرم قىلىنىپ ياشاۋاتقان بىر مۇھاجىر خەلق ئىكەنلىكىمىزنى، ھەم مۇسۇلمان، ھەم مۇھاجىر بىر مىللەتكە دۇنيالىق ھەۋەسلىرى ئۈچۈن ئىسراپ قىلىشقا، كۆرەڭلەشنىڭ قەتئى دۇرۇس بولمايدىغانلىقىنى سۆزلەيتتىم. ئۇنىڭ ئافرىقىغا بېرىپ ئىنسانلارغا ياردەم بېرىش ئارزۇسى بەلكىم بۇنىڭ تەسىرىدىن بولسا كېرەك. --بىراق ، دېدى قىزىم سۈزىنى داۋام قىلىپ: مەن دوختۇر بولسام، ئۇ يەرگە بارسام ئۇ يەردىكى كېسەللەرنى داۋالاش جەريانىدا ئۇلارنىڭ كېسەللىكلىرى ماڭا يۇقۇپ قالارمۇ؟ دەپمۇ ئەنسىرەيمەن. ئۇنىڭ بۇ سۆزى بايامقى سۈيۈنىشلىرىمنى پۈتۈنلەي يوق قىلىۋەتكەندەك بولدى. -ياق، دېدىم. كۆڭلۈمنى قاتتىق بىئارام بولغانلىقىنى چاندۇرماي، - ئاللاھنىڭ خالىغىنى بولىدۇ. سىز ئالدى بىلەن دوختۇر بولۇڭ، ئۇ يەرگە بېرىڭ. قىزىم! قىزىم كەيپىياتىمدىكى ئۆزگۈرۈشتىن بىرنەرسە سەزگەندەك سىرتقا قاراپ ئولتارغان سىڭلىسىغا بۇرۇلدى. مەن بولسام ئاچچىق بىر تۇيغۇغا چۆمگەن ئىدىم. يەنى، ھازىرقى زاماندىكى ئەڭ يۇقۇملۇق بولغان " بىراق" "لېكىن" كېسىلىنىڭ ئون يېشىدىكى قىزىمغىمۇ يۇقۇشقا باشلىغانلىقىدىن كۆڭلۈم ېيرىم بولغانىدى. بۇ كەلىمىلەرنىڭ ئەڭ خوشۈ م يوق كەلىمىلەردىن بولۇپ قېلىشىدىكى سەۋەپ مېنىڭ تولا ئاڭلاپ زېرىكىپ كەتكەن : ئوقۇغۇم بار ئىدى،لېكىن، ناماز ئوقۇي دېگەن بىراق...، قۇرئان ئوقۇشنى ئۆگۈنەي دېگەن لېكىن، بۇرۇنراق قاتنىشاي دېگەن لېكىن... شۇنداق دەپ ئاڭلىغان ئىدىم، بىراق... شۇ بۇ ئىشنى قايتا قىلماي دېگەن لېكىن... پالانچى دوستىمىزنى كېسىلىنى يوقلاپ كېلەي دېگەن بىراق. چاقىرغان پائالىيەتكە قاتنىشاي دېگەن¸لېكىن. جامائەتكە قېتىلاي دېگەن، لېكىن... مېنىڭمۇ ياردەم قىلغىم بار، بىراق... ئېرىمگە ئىتائەت قىلىشنىڭ پەرز ئىكەنلىكىنى بىلىمەن، لېكىن... كەچۈرۈم سوراي دەيمەن، بىراق. ... تۈگىمەس، بىراق، لېكىنلەر. ئۆزىنى ئاقلاشنىڭ، ھورۇنلۇقنىڭ، نان قېپىلىقنىڭ ، پەرۋاسىزلىقنىڭ، مەسئۇلىيەتسىزلىكنىڭ ، غەپلەتتە قالغانلىقنىڭ نىقابى ئورنىدا ئىشلىتىلىشكە باشلىغانلىقتىن ئەسلى قىممىتىدىن ئايرىلغان، شۇنداقلا ئەسلىدە ھەقلىق بولغان ۋاقىتتىمۇ ، باھانە كۆرسىتىش سەۋەبىدىن ھەقلىق سەۋەبلىرىنىمۇ ھەقسىز يەرگە چۈشۈرۈپ قويۇدىغان بۇ كەلىمىلەر. ئەلۋەتتە بۇ كەلىملەر تىلدا قوللىنىش ئۈچۈن تۈزۈلگەن. شۇنىڭ ئۈچۈن ئۇنىڭ ئىشلىتىلىشى تەبىئى بىر ئەھۋال. بەزى يەرلەردە چوقۇم قوللانمىسا مەنانى ئۇقتۇرالمايدۇ. ئۇنداقتا قانداق يەردە قوللۇنىشى كېرەك؟ ئەلۋەتتە لايىق بولغان يېرىدە. شۇ ئېنىق بولۇشى كېرەككى بىر كەلىمىنى بىر ئىنسان قانداق نىيەت بىلەن ئاغزدىن چىقىرىپ ، سۆزلىمەكچى بولۇپ شۇ مەقسىتى ئۈچۈن خىزمەت قىلدۇرسا شۇنىڭغا چۈشلۇق ئەجىر ياكى گۇناھى يېزىلىدۇ. شۇنىڭ ئۈچۈن بۇ كەلىمىلەر ھەرگىزمۇ ئۆزىمىزنىڭ بولۇمسىزلىقىنى يوشۇرىدىغان نىقاپ كەلىمىلىرى بولۇپ قالماسلىقى كېرەك. ئۇ كەلىمىلەر ئورۇنسىز ئىشلىتىلگەنلىكتىن ئۆزىنىڭ قىممىتىنى يوقۇتۇپلا قويماي، ئۇ كەلىمىلەرنى ئىشلىتىشنى ئادەت قىلىۋالغانلارنىڭمۇ قىممىتىنى چۈشۈرۋىتىدۇ.ئاخىرەتتىكى ھېسابى بولسا تېخى باشقا. بۇ كەلىمىلەر بىلەن نىقاپلانلانغانلار باھانىلىرى بىلەن ئىنسانلارنى ئىشەندۈرەلگەن، بۇنىڭ بىلەن خۇددى ئاللاھنىمۇ قايىل قىلغاندەك پەخىرلىك تۇيغۇسى بىلەن ياشاشنى داۋام قىلىۋېرىدىغان، بۇنىڭ بىلەن قىلچىلىكمۇ خىجالەتچىلىك ھېس قىلمايدىغان، ۋىجدان ئازابى تارتمايدىغان ئىنسانلارغا ئاللاھ ئىنساپ بەرسۇن. ئىنسانلارنى سانى بار ساپاسى يوق، قىلىپ قويىدىغان بۇ كەلىمىلەرنىڭ كېلەچەكتە بىزنى نادامەتتە قالدۇرماسلىقى ئۈچۈن ئۇنى لايىقىدا ئىشلىتىلىدىغانلاردىن قىلىپلا قالماي باھانىلار ئارقىلىق ئۆزىنى يۇشۇرۇشنى تاشلاپ ئاللاھنىڭ ئالدىدا قىلىشقا تېگىشلىك مەسئۇلىيەتلىرىنى تونۇيدىغانلاردىن بولۇشقا ئاللاھ نېسىپ قىلسۇن، ئامىن! مەنبەسى؛ ئۇيغۇر تورى

hekmat-uyghur

	تېمىڭىزغا مۇناسىۋەتسىز  گەپ قىلىپ  قالىدىغان بولدۇم. https://uyghur-archive.com/misranim/thread-97496-1-1.html مېنىڭ  بۇ تېمام   بىرەر قېتىم ئويلىنىپ بېقىشقىمۇ  ئەرزىمەسمۇ؟   شۇنچىلا كۆڭۈل قويۇپ تەييارلىغان ،  يېرىم سائەتنىڭ  ئالدىدا  يوللىغان تېمان   ئون نەچچىنچى   ئورۇنغا  تىزىلىپتۇ.لېكىن سەنئەت،ناخشىچى توغرىسىدا يوللىغان تېمىلار  قۇر بېشىدىن چۈشمەيدىكەن،باشقۇرغۇچىلار نىڭ دىنغا قارىتا  باشقىچە پىكىرى بولسا  مەن  مىسرانىمدىن   خوشلاشسام بولغۇدەك.

hokumran

	hekmat-uyghur يوللىغان ۋاقتى  2013-1-27 01:17 AM تېمىڭىزغا مۇناسىۋەتسىز  گەپ قىلىپ  قالىدىغان بولدۇم. ht ... ئىنىم، ئالدىراپ مۇنبەر بىلەن خوشلاشماڭ! ھايات مۇشۇنداق زىددىيەت ئىچىدە تەرەققى قىلىدۇ. ئەسلى تېمىڭىزنى بۇرۇنراق كۆرگەن بولسام ئەڭ ياخشى ئىنكاس ئارقىلىق سىزنى قوللىغان  بولاتتىم. ئەپسۇس، كۆرمەي قاپتۇمەن. نۇرغۇن تور بېكەت باشلىقلىرى، ۋە باشقۇرغۇچىلار بەزى ئىشلارغا راستىنلا ئامالسىز. ئۇنى توغرا چۈشۈنۈڭ! ئەمما تور دۇنياسىدىكى نۇرغۇن پەسكەش، مۇناپىقلار ئاددى تەپەككۇر ئارقىلىقلا مەسىلىنى بايان قىلىش ۋە تەشۋىقات قىلىشقا كۈچىگەنلىكى ئۈچۈنلا سىز دېگەندەك ناتوغرا ئىشلار توغرا يۇسۇندا ئېلان قىلىنىپ كېتىپ بارىدۇ.ئەمما تەھلىل قىلىش ھوقۇقى يەنىلا سىزدە. سىز، بىز بەزى ئىشلارنى تۈپتىن ئوڭشاشقا قادىر بولالمىساقمۇ ئەمما شۇ ئىشنىڭ ھەقىقىي ماھىيىتىنى تەشۋىق قىلىپ باشقىلارنى توغرا يولغا يېتەكلەش بىزنىڭ بۇرچىمىز. ئەسلى مىسرانىمدا قايتا ئىنكاس يازمايمەن دەپ ئويلىغانتىم. لېكىن سۈكۈت قىلالماي بۇ ئىنكاسنى يېزىپ سالدىم.

alenur

	ما تىمىنى بەك ياخشى يىزىپسىز قىرىندىشىم بىزدە مۇشۇنداق (بىراق) لار بەك كۆپ ،مۇشۇ ھازىرقى بىر قىسىم ياشلىرىمىزغا قارايدىغان بولسام ئۆزىنى مۇسۇلمان دەيدۇ لىكىن ئۇلارنىڭ قىلقىغا قارسىڭىز بىرسىمۇ مۇسۇلمان قىلدىغان ئىش ئەمەس ،ھازىرقى ياشلىرىمىزدا شۇنداق بىر (زامانىۋى ئاڭ) باكى ئۇلارغا پەقەت دىبا رىسىتۇران ھاراقخانا تورخانا مىھمانخانا بولسا ئۇلارنىڭ كۆڭۈلنى ئاچىدىغان بەك ياخشى جاي ئۇلار ئۆزىنىڭ مۇسۇلمانلىقىنى ئۇنتۇپ مايمۇنغا ئوخشاش تولغىما ئۇسۇللارنى ئويناپ يۈرۈيدۇ ،ئۇلاردا مەن كىم  مەن نىمە ئىش قىلۋاتىمەن مەن مۇشۇنداق قىلسام ئاللاھ راۋا كۆرەمدۇ ،ئۇ دۇنيالىقىم قانداق بولا دىگەننى ئويلىمايدۇ ھەي..مۇشۇلارنى ئويلىساملا كۆڭلۈم بەك يىرىم بولدۇ

زۇلال

	hekmat-uyghur يوللىغان ۋاقتى  2013-1-27 01:17 AM تېمىڭىزغا مۇناسىۋەتسىز  گەپ قىلىپ  قالىدىغان بولدۇم. ht ... قېرىندىشىم، چىۋىنمۇ پوققا ئولىشىدۇ، ھازىرقى زامان ياشلىرىنىڭ ناشايان مۇھەببەتلىرى تەسۋىرلەنگەن ھېكايىدىن بىرنى يازسام ، ئىشىنەمسىز ؟ نەچچە بەت ئىنكاس چۈشىدۇ، لىكىن سەل ۋەزنى بار قېرىنداشلار ئويلانسۇن دەپ يازغان تىمىلارنى ئوقۇپ چۈشىنىدىغانلارمۇ قالمايۋاتقاندەك قىلىدۇ،  شۇندىمۇ توختىماڭ،«ھەقىقەت ئىگىلىدۇ، سۇنمايدۇ»!

زۇلال

	hokumran يوللىغان ۋاقتى  2013-1-27 01:31 AM ئىنىم، ئالدىراپ مۇنبەر بىلەن خوشلاشماڭ! ھايات مۇشۇند ... «ئەسلى مىسرانىمدا قايتا ئىنكاس يازمايمەن دەپ ئويلىغانتىم. لېكىن سۈكۈت قىلالماي بۇ ئىنكاسنى يېزىپ سالدىم. » مەنمۇ نەچچە قېتىم شۇنداق ئويلىغان ، لىكىن...

hanjar993554

	Akikatan yahxi tima boptu Apsus Amma koridiganlar kop bolmaptu hay muxu. Kunlarda biz hakka zadi nima boldikina?

hanjar993554

	Yahxi timikan

زاغرا

	hekmat-uyghur يوللىغان ۋاقتى  2013-1-27 01:17 AM تېمىڭىزغا مۇناسىۋەتسىز  گەپ قىلىپ  قالىدىغان بولدۇم. ht ... بۇ دىگەن سىستىما تەڭشىلىش. باشقۇرغۇچىلار بىلەن ئالاقىسىز. يوللانغان ھەم تەستىقلانغان تىمىلارنى ۋاختىغا قاراپ سىستىما تەڭشەيدۇ. ئوتتۇردىكى ئەڭ يىڭى ئىنكاس تىما بولسا قايسى تىمىغا ئەڭ يىڭى ئىنكاس چۈشسە   يەنى مىسرانىمدىكى ئەڭ ئاخىرقى يوللانغان ئىنكاسلىق تىما بىشىغا يۆتكىلىدۇ. مەسلەن مەن مۇشۇ ئىنكاسىمنى يوللىدىم، شۇنىڭ بىلەن تىمىڭىز يىڭى ئىنكاس تىمىنىڭ ئۈستىگە چىقتى. قاچانكى باشقا بىرە تىمىغا مىنىڭ مۇشۇ تىمىدىكى مۇشۇ ئىنكاسىمدىن كىيىن ئىنكاس چۈشسە شۇ تىما ئۈستىگە چىقىدۇ. ئىشەنمىسىڭىز بىرە تىمىغا ئىنكاس يىزىپ بىقىڭ. شۇ تىما يىڭى ئىنكاس تىمىلار قاتارىنىڭ بىشىغا چىقىدۇ.ئاۋۇ ناخشا تىمىللىرى بولسا توختىماي ئىنكاس چۈشىۋەرگەچكە ئۈستىدە تۇرىۋەرگەندەك كۆرىنىدۇ. يىڭى تىمىلار  قاتارىنى بولسا يوللانغان ھەم تەستىقلانغان ۋاختىغا قارىسىڭىز چۈشىنىسىز. ئاۋات تىما بولسا چىكىلىش سانىغا قاراپ تەڭشىلىدۇ. تىمىلارنىڭ ئورۇن تەرتىپىنى ئەزەلدىن باشقۇرغۇچىلار ئورۇنلاشتۇرمايدۇ. ھەم ئۇنداق قىلسىمۇ بولمايدۇ. بىر يىڭى تىما تەستىقلانسا يىڭى تىمىلارنىڭ ئۈستىگە چىقىدۇ. بۇرۇنقىللىرى بولسا بىر قەدەم پەسكە چۈشىدۇ. بىرنەچچە تىما  بىرلا ۋاقىتتا تەڭ تەستىقلانسا قايسىسى ئەڭ كىيىن يوللانغان بولسا شۇ ئۈستىگە چىقىدۇ. يوللىنىش ۋاقتى بىلەن تەستىقلىنىش ۋاقتى بەلگىلەيدۇ. سىستىما تەڭشەيدۇ. خىلى ئۇزۇن باشقۇرغۇچىلىق قىلغان ھۆكۈمرانمۇ مۈجمەل جاۋاب بىرىپتۇ . بىكاردىن بىكار ئەزالارنى پەسكەش مۇناپىق دەپ تىللاپتۇ. كۆرمىگەن ئادەمنى مۇناپىق، بىرەسىگەن يامانلىق قىلغىنىنى بىلمەي تۇرۇپ پەسكەش دىيىش  ئاسان گەپمۇ؟ توردا ئادەم تىللاش ئەڭ ئاسان دە بەزىلەرگە.  9 ياشلىق بالىمۇ 40 ياشلىق بەردەم ئادەمنى تىللاپ پوسكايتىۋىتەلەيدۇ توردا. چۈنكى توردا تىللاشقا كۈچ كەتمەيدۇ دە

11karwan

	توختىماڭ،«ھەقىقەت ئىگىلىدۇ، سۇنمايدۇ»!