شىنجاڭ ئۇيغۇر ئاپتونوم رايونلۇق كۇتۇپخانىنىڭ شۆبىسى قۇرۇلدى

baykar

	شىنجاڭ ئۇيغۇر ئاپتونوم رايونلۇق كۇتۇپخانىنىڭ «مەدەنىيەت-سەنئەت مەكتىپى شۆبىسى» قۇرۇلدى      كەڭ مىللىي ئوقۇرمەنلەرنىڭ ئۇزۇندىن بۇيانقى تەلىپى، ئاپتونوم رايونلۇق مەدەنىيەت نازارىتى ۋە ئاپتونوم رايونلۇق كۇتۇپخانىنىڭ مۇناسىۋەتلىك رەھبەرلىرىنىڭ كۆڭۈل بۆلىشى ئاستىدا، ئاپتونوم رايونلۇق كۇتۇپخانىنىڭ شۆبسى شىنجاڭ مەدەنىيەت-سەنئەت مەكتىپىدە قۇرۇلدى. بۈگۈن ئەتىگەن ئاددى ئېچىلىش مۇراسىمى ئۆتكۈزۈلۈپ، رەسمىي سىرتقا قارىتا ئېچىۋىتىلدى.      بۈگۈن  ئەتىگەن سائەت سەككىزدە ئاپتونوم رايونلۇق رادىيو ئىستانسىسىنىڭ داڭلىق رىياسەتچىسى مەۋلۈد ئىبراھىم كۇتۇپخانىنىڭ سېكىرتارى ئەركىن مۇھەممەتنى زىيارەت قىلدى. كۇتۇپخانىنىڭ سېكىرتارى ئەركىن مۇھەممەت كۇتۇپخانىنىڭ جەمئىيەتتىكى ئىجتىمائىي رولى، تارماق شۆبىسى قۇرۇشنىڭ سەۋەبى ۋە ئەھمىيىتى قاتارلىق نۇقتىلاردا چۈشەنچە بېرىپ، «باش كۇتۇپخانا شەھىرىمىزنىڭ شىمالىغا يەنى جەنۇبىي بېيجىڭ يولىغا جايلاشقانلىقى ئۈچۈن كەڭ ئاز سانلىق ئاممىسى ئۈچۈن ئەپسىز بولۇپ قالدى، بولۇپمۇ كۇتۇپخانىمىزنىڭ دائىملىق ئوقۇرمەنلىرى بولغان پىشقەدەملەر، ياشانغانلار ئۈچۈن كۆپ قولايسىز بولۇپ قالدى. شۇنىڭ ئۈچۈن بىز كۇتۇپخانىمىزنىڭ ‹مەدەنىيەت-سەنئەت شۆبىسى› نى قۇرۇپ چىقتۇق. گەرچە بۇ تارماق كۇتۇپخانىنىڭ كۆلىمى كۆپ كىچىك، ماتېرىياللار ئاز بولسىمۇ لېكىن بىز كەڭ خەلقمىزنىڭ قوللىشى بىلەن كۇتۇپخانىمىزنى تېخىمۇ مۇكەممەل، كېڭەيگەن، ئېلىكتېرلەشكەن قىلىپ قۇرۇپ چىقىش ئۈچۈن تىرىشىمىز، كەڭ خەلقىمىزنىڭ ياخشى تەكلىپ-پىكىرلىرىنى بېرىشىنى ئۈمىد قىلىمىز» دېدى.        بۈگۈن ئەتىگەنكى ئېچىلىش مۇراسىمغا ئىشچىلار ۋاقىت گېزىتى، قانۇنچىلىق گېزىتى، ئىقتىساد گېزىتى، رادىيو-تېلېۋىزىيە گېزىتى قاتارلىق ئاخبارات ۋاسىتلىرىنىڭ مۇخبىرلىرى ۋە بىر قىسىم ئوقۇرمەنلەرمۇ قاتناشتى....        كۇتۇپخانا بىر بىلىم كانى، ئىلىم خەزىنىسىدۇر.  كىتاب ـــ پەقەت كىتاب جازىسىدا تېزىقلىق تۇرىدىكەن، ئۇ بىر قەغەز دۆۋىسىدىن باشقا نەرسە ئەمەس، ئۇنىڭ قىممىىتى پەقەت ئۇنى سۈيىدىغان ئادەمنىڭ قولىغا ئۆتكەندىلا ئاندىن بباھادۇر.        شۇنىڭ ئۈچۈن بىز بۇ قۇلايلىق پۇرسەتتىن ئوبدان پايدىنىلىشىمىز كېرەك. كەڭ ئامما ۋاقىت چىقىرىپ بۇ تارماق كۇتۇپخانىنى زىيارەت قىلىپ بېقىشىمىز، كۇتۇپخانىنىڭ كەلگۈسى تەرەققىياتى ئۈچۈن تېخىمۇ ياخشى تەكلىپ-پىكىرلەرنى بېرشىمىز كېرەك  ...    ئورنى: ئىتتىپاق يولى مەدەنىيەت-سەنئەت مەكتىپى،      دەرۋازا ئۇدۇلىدىكى بىنا بىرىنچى قەۋەت سول تەرەپ

tax1

	ياخشى ئىش بوپتۇ. رەھمەت.

yawa0903

	بۇ بەك ئەھمىيەتلىك ئىش بوپتۇ، ئاممىغا قولاي بولغان مۇشۇنداق كۈتۈپخانىلار جىقراق ئىچىلسا، ھەقسىز ئىچىۋىتىش مۇلازىمەت ئىقتىدارى ۋە شارائىتى تىرىشىپ ئۆستۈرۈلسە، ئورۇنسىز چاي-ئولتۇرۇشلارغا، ئەھمىيەتسىز ئىشلارغا سەرپ بولۇۋاتقان ۋاقتىمىزنى كۈتۈپخانىلارغا بىرىشقا، كىتاپ كۆرۈپ مەنىۋىيتىمىزنى بىيىتىشقا سەرپ قىلساق بەك ياخشى بولاتتى.

ئاينۇر901

iltebir

	بەلەن ئىش بوپتۇ. دىمىسىمۇ ئۇيغۇرلار كۆپرەك جايغا ئېچىپ بىزنىڭ مەنىۋى تورمۇشىمىزنى بېيىتمامدۇ دەيمەن. يەكشەنبە كۈنى ئۈرۈمچى شەھىرى يىكەنكۆل مەيدانى يېنىغا جايلاشقان ئۈرۈمچى شەھەرلىك كۈتۈپخانىغا بارغان ئىدىم.ئۇيغۇرچە كىتاپلار 5-قەۋەتتە ئىكەن.ئۇ يەرگە كىتاپ كۆرگىلى بارغان ئىككى ئۇيغۇر بۇۋاينى كۆردۈم.ئۇنىڭدىن باشقا بىزنىڭ ئادەملەر يوق.دىمىسمۇ ئۇ تەرەپتە ئاساسەن خەنزۇ يولداشلار ئولتۇرىدۇ.بىزنىڭ ئادەملەر ئۆيى ئاساسەن بۇ يەردىن يىراق.خەلق تۇرمۇشىنى ياخشىلاش ،خەلقنى ئويلاش دەيدۇ.ئۇيغۇرلار توپلىشىپ ئولتۇراقلاشقان جايلارغا كۆپلەپ مۇشۇنداق مەدەنيەت ئۆيلىرىنى قۇرۇش كىرەك. ئاندىن خەلق ئۈچۈن ياخشى ئىش قىلغان بۇلىدۇ.

bazarbay

	ياخشى ئىشكەن رەھمەت

مەشھەر

	بەك ياخشى ئىش بۇپتۇ!

azizanakaxkar

	بۇ ناھايىتى بەلەن ئىش بولاپتۇ ھەرقايسى ۋىلايەت شەھەرلەردىمۇ ئىچىلغان بولسا ياخشى بولاتتى، ياكى قەشقەر ۋىلايەتلىك كۇتۇپخانىدەك كۇتۇپخانىنىڭ كىتاپ ژورنال سانىنى غولدىتىپ كۇچىنى ئاشۇرۇپ بەرگەن بولسا ياخشى بولاتتى. ماۋۇ قەشقەر ۋىلايەتلىك كۇتۇپخانىدىمۇ داۋاملىق مۇشۇ يولداشلار لىق ئولتۇردۇ، ئىچىمنى پۇشۇرۇپ.

qaraxani

	ئۇنىڭ قۇرۇلۇشى يولىمىزغا بەلگە ،دىلىمىزغا لەرزە ئېلىپ كەلگۈسى.

baytura

	ياخشى بولۇپتۇ .بىزنىڭ غۇلجىدىكى شىنخۇا كىتابخانىسىدا بۇرۇن  كىچىك ۋاقىتلىرىمىزدا ئۇيغۇرچە كىتابلار بىرىنچى قەۋەتنىڭ  يېرىمىدا  كۆلىمى خېلى چوڭ ئىدى ،گەرچە كىچىك بالىلار كىتاب ئوقىسا «ئالمايدىغانلار چىقىپ كېتىڭلار»دەيدىغان پوزىتسىيىسى ناچار خىزمەتچىلەر بولسىمۇ بارىدىغانلار كۆپ ئىدى .بۇ يىل تەتىلدە بىر كىتاب ئالماقچى بولۇپ شىنخۇا كىتابخانىسىنىڭ ئىچىگە كىرىپ ھەيران قالدىم . ئۇيغۇرچە كىتابلار بۇرۇنقىدىن بەكلا ئازلاپ كەتكەن بولۇپ ،بىر بۇلۇڭدىكى نەچچە رەت كىتاب جازىسىغىلا  تىزىپ قويۇلۇپتۇ،شۇ چاغدا كۆڭلۈم بەكلا يېرىم بولغان .ھېچ بىلمىدىم ھۆكۈمەتنىڭ مېدىيىلىرىدە كۈچەپ تەشۋىقات قىلىنىۋاتقان مەدەنىيەت قۇرۇلۇشى بىزنىڭ يۇرتقا قايسى خىل شەكىلدە يېتىپ كەلدىكىن .ھەي ،بولسا تورخانا بىلەن قاۋاقنىڭ ئورنىغا كۈتۈپخانىدەك مەدەنىيەت ئورۇنلىرى كۆپلەپ قۇرۇلسا ياخشى بولاتتى.