مىللىي-خەنزۇ مەكتەپلەرنى بىرلەشتۈرۈش ماڭا نىمىلەرنى تونۇتتى

koygandengiz

	غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا  نىمىلەرنى تونۇتتى ؟    غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا  ئالدى بىلەن ئانا تىلىمىزنى،  يېزىقىمىزنى  قوغدىشىمىزنىڭ زۆرۈرلىكىنى ، ئانا تىلىمىزنى يېزىقىمىزنى  قوغداشنىڭ بىزنىڭ ئۇيغۇر  مائارىپىمىزنىڭ مەۋجۈتلىقىنى ئالدىنقى شەرت بىلەن تەمىنلەيدىغانلىقىنى تونۇتتى .    غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا ، تىلنىڭ مەدەنىيەت تارقىتىش رولىنى ئوينايدىغانلىقىنى ،  « قوش تىل » نى ئۈگۈنۈش ،  ئانا تىلغا پىششىق بولۇشتىن ئىبارەت ئالدىنقى شەرت ئاساسىدا ئېلىپ بېرىلىشنىڭ زۆرۈرلىگىنى   ، مەلۈم بىر خىل تىلنى زورلاپ ئۈگۈتۈشنىڭ مەدەنىيەت تاجاۋۇزچىلىقىدىن دېرەك بېرىدىغانلىقىنى تونۇتتى .   غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا  ،  يېنىمدىكى مەن تونۇيدىغان ھەم تونۇمايدىغان، مېنى تونۇيدىغان ھەم تونۇمايدىغان  ھەر بىر ئۇيغۇرنىڭ  مەن ئۈچۈن مۇھىملىقىنى ،  ھەر بىر ئۇيغۇرنىڭ  ئۇيغۇر ئۈچۈن روھىي تەسەللى ، مەدەت ، ئېتىقاتتىن  ، جۈملىدىن مەۋجۈتلۇقتىن دېرەك بېرىدىغانلىقىنى تونۇتتى .   غۇلجىدىكى مىللىي -خەنزۇ مەكتەپلەرنى بىرلەشتۈرۈش ماڭا ،  « ئايرىلغاننى ئېيىق يەر ، بۆلۈنگەننى بۆرە يەر » دىگەن خەلق ماقالىسىدىكى ھېكمەتنى ، پرىنسىپاللىق مەسىلىلەردە ئىتتىپاقلىقنىڭ نەقەدەر زور  رول ئوينايدىغانلىقىنى ، بىر توپنىڭ ئىچىدىن ، كىچىك ، كىچىك توپلارنى ئايرىپ چىقىپ كەتكەندە ئاقىۋېتىنىڭ قانداق بولىدىغانلىقىنى تونۇتتى .   غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا ،ھەرقانداق مىللەت مائارىپىنىڭ  مۇستەقىللىقىدىن ئايرىلىپ ، يەنە بىر مىللەتنىىڭ بېقىندى مائارىپىغا ئايلىنىپ قالغاندا تەرەققىيات يۆلىنىشىدىن چەتنەپ ئۆزى ۋەكىللىك قىلىدىغان قەۋمگە خىزمەت قىلىش ئېقتىدارىدىن بارا - بارا مەھرۇم قالىدىغانلىقىنى تونۇتتى .        غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا ،  ھەر بىر كىشى ، بولۇپمۇ مائارىپقا نىسبەتەن باشقۇرغۇچىدىن تارتىپ ، ئوقۇتقۇچىغىچە ئۆزىنى ئۆزى تەربىيەلەپ ، ئۆزىنى ئۆزى قۇتقۇزۇشىنىڭ زۆرۈرلىكىنى ، « ئوقۇتقۇچىلىق كەسپىگە ئۆزىنى بېغىشلاش » تىن ئىبارەت بۇ مەسىلىدە ، بۈگۈنكى ئۇيغۇر مائارىپىدا  ، ئۇيغۇر مائارىپچىلىرىدا غايەت زور مەسىلە ساقلانغانلىقىنى تونۇتتى .    غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا ، ئۇيغۇردىن ئىبارەت بۇ قەۋمنىڭ بىر ئەزاسى بولۇش سۈپىتىم بىلەن ، مۇئاشنى ئېلىپ ، قورسىقىنىڭ توق ، كىيىمىنىڭ پۈتۈنلىكى بىلەن قانائەت تېپىپ ، « ئىتتىرىۋەتكۈسى كەلگەنلەرنڭ نەزىرىدە يەر ، تارتقۇسى كەلگەنلەرنڭ نەزىرىدە ئەر » بولۇپ يۈرۈشنىڭ نەقەدەر نومۇس « جان باقتى» لىق  ئىكەنلىكىنى تونۇتتى .    غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا ، ئويغۇر مائارىپى بولۇپمۇ غۇلجا مائارىپى ئۈچۈن مەمۇرى رەھبەرلا ئەمەس ، كەسپىي رەھبەرنىڭ زۆرۈرلىكىنى ، ھەر دەرىجىلىك مەكتەپلىرىمىزنىڭ مۇدىرلىرىنىڭ ، مىللىي - خەنزۇلار بىرلەشكەندىكى ئەۋزەل شارائىتتىن پايدىلىنىپ ، مەكتەپ باشقۇرۇش ئىلمىدە تەجرىبە ئالماشتۇرۇشىنىڭ زۆرۈرلىگىنى تونۇتتى .      غۇلجىدىكى مىللىي - خەنزۇمەكتەپلەرنى بىرلەشتۈرۈش ماڭا ، خەنزۇدىن ئىبارەت بۇ مىللەتنىڭ ۋۇجۇدىغا سىڭىپ كەتكەن تىرىشچانلىق ، ئاز گەپ قىلىش ، باشقىلارنڭ ئىشىغا ئاز ئارىلىشىپ، ئۆزىنىڭ ئىشىغا پىششىق بولۇش ، ئورۇنسىز پۇل خەجلىمەسلىك ، ۋاقىتقا رىئايە قىلىش ،  بېرىلگەن ۋەزىپىنى جان -دىل بىلەن ئورۇنلاشتەك پەزىلەتلەرنى ھەم بۇ پەزىلەتلەرنىڭ ئۇلارنى بۈگۈنكى كۈنگە ئېرىشتۈرگەنلىكىنى  تونۇتتى .    غۇلجىدىكى مىللىي _ خەنزۇ مەكتەپلەرنى بىرلەشتۈرۈش ماڭا ، « قىيداش » پىسخىكىمىزنى چوقۇم ئۆزگەرتىپ ، يۈز بېرىش ئېھتىماللىقى بولغان ئەڭ ناچار ئاقىۋەتكىمۇ روھىي جەھەتتىن تەييارلىق كۆرۈپ ، ھەرقانداق پۇرسەتتىن پايدىلىنىپ ، ھۇقۇق مەنپەئەتىمىزنى ، جۈملىدىن ئانا تىلىمىزنى ، يېزىقىمىزنى قوغداشقا دائىر  ھەققانىي سادالىرىمىزنى ئاڭلىتىپ تۇرۇشىمىزنىڭ زۆرۈرلىگىنى تونۇتتى .    غۇلجىدىكى مىللىي - خەنزۇ مەكتەپلەرنى بىرلەشتۈرۈش ماڭا ، ئۇيغۇرنىڭ بېشىغا كەلگەن ، ھەل قىلىش زۆرۈر بولغان  بىر قاتار ئىجدىمائى مەسىلىلەرنىڭ  قانداقتۇر ھەل قىلىش تەسلىكىدىن ئەمەس ، بەلكى شۇ مەسىلىلەرنى ھەل قىلىش ھاكىمىيەتنىڭ  ئىرادىسىگە ، ئارزۇسىغا ئايلىنالمىغانلىقىنى ، شۇنىڭ ئۈچۈن ھەر بىر ئۇيغۇرنىڭ « شىنجاڭ ئۇيغۇر ئاپتونوم رايونى » دا ئاپتونومىيە قوقۇقى تەلەپ قىلىش ئۈچۈن كۈچ چىقىرىشى زۆرۈرلىگىنى ، بۇ ھەققانىي سادانىڭ بىر ئىككى كىشىنىڭ ياكى بىرەر توپنىڭ ساداسى بولۇپ قالماي ، بالكى بىر پۈتۈن قەۋمنىڭ ساداسى بولىشى كېرەكلىگىنى تونۇتتى .    مەنبە : قەلىمىم

gadankax111

	بەلكىم ھىس قىلغانلىرىڭىز توغرىدۇ. بىراق ئەنە قاراڭ.    مەن بولسام غۇلجا مائارىپىدىكى بۇ <<ئىسلاھات>>نى بىزنىڭ بەزىبىر غوللۇق <<خەلق چاكىرى>>لىرىمىز مەركەز بىلەن يۈكسەك بىردەكلىكنى ساقلاپ، بايرىقى روشەن ھالدا دەۋر بىلەن تەڭ ئىلگرىلەپ؛ مىللەتلەر ئىتتىپاقلىقىنى تېخىمۇ چوڭقۇرلاشتۇرۇشنى مەقسەت، جۇڭخۇا مىللەتلىرىنىڭ بۈيۈك بىرلىكىنى نىشان، ساۋاتسىزلىق ۋە نامراتلىقنى تۈگۈتۈپ بالدۇرراق ھاللىق سەۋىيەگە يىتىشنى پىلان قىلىپ خەلق ئويلىغاننى ئويلاپ يولغا قويغان؛ <<3 تىن ئايرىلالماسلىق>> ئىددىيىسىنىڭ كونكىرىت تەدبىقلىنىشى شۇنداقلا ئازاتلىقتىن بۇيانقى 3- قىتىملىق يېزىق ئىسلاھاتى دەپ ھىس قىلدىم.

rustorahbar

	ئاپتۇنۇم ھۇقۇقى بىزنىڭ شىنجاڭدا پۇت تىرەپ تۇرالمايدۇ............چۈنكى بىزنىڭ شىنجاڭنىڭ يېزا ناھىيەلىرىدە بىزنىڭ دۆلىتىمىزمۇ ئۇقمايدىغان سانسىز يەرلىك سىياسەت يەرلىك قانۇنلىرمىز بار بۇ ھەقتە سۆزلىسەم سەل قايناپ سالىمەن بۇ گەپكە مۇنۇ سۆزلەر دەلىل ...........ئۇرىدۇ گىپىدە تۇرىدۇ ..........ئۇرمايدۇ گىپىدە تۇرمايدۇ.

ئەلشاھ

	بىر كۈن ئادىللىق بىلەن يۇرت سۇرىسا 60يىللىق ئىبادەتكە تەڭ بۇلارمىش.

كېچە

	ئىشقىلىپ مەكتەپتىكى بالىلارنىڭ ياخشى ئوقۇشىنى ئۈمىد قىلىمەن ،

iltebir

	دوستۇم سىزنىڭ مىللىي -خەنزۇ مەكتەپلەرنى بىرلەشتۈرگەندىن كىيىنكى ،مەكتەپلەرنىڭ ئەھۋالى توغرىلىق مەلۇمات بەرگەنلىكىڭىزگە رەھمەت.مەنمۇ ئۈرۈمچى شەھرىدىكى  ئۇيغۇر -خەنزۇ مەكتەپلەرنى  بىرلەشتۈرگەندىن  كىيىنىكى ، ھىس قىلغانلىرىممۇ   سىزنىڭكى بىلەن  تامامەن ئوخشاپ كىتىدۇ.مەن ئويلايمەن ،بىز چوقۇم كاللىمىزنى سىلكىۋىتىپ ،ئانا تىلمىزنى قوغداش بىلەن بىرگە، ئۆزىمىزنىڭ ھوقۇق -مەجبۇريىتىمىزنى ياخشى ئادا قىلىشىمىز كىرەك.

faruh193

	ئەلشاھ يوللىغان ۋاقتى  2013-1-16 06:50 PM بىر كۈن ئادىللىق بىلەن يۇرت سۇرىسا 60يىللىق ئىبادەتكە ت ... مىش پىش نىمە  ئۇ !!!!!!!!!!!!!!!!!!!!!

akbar999

	رۇستەم.ئاكىمىزتوغرادەيدۇ،ھەرقايسى.ئۇرۇللانىڭ.ئۆزئالدىغا.قانۇنى.باكەن؟ بۇنىچۈىشەنگەن.ئادەم.بىلىۋالىدۇ..........؟

faruh193

	ھەي بۇ كۇنلەر ئاخىرى كەپ قاپتۇ ھە ؟ قېرېنداشلا!!!!

ibrahimjan4815

	...........ئۇرىدۇ گىپىدە تۇرىدۇ ..........ئۇرمايدۇ گىپىدە تۇرمايدۇ. بوۋامدىن كۆپ ئاڭلايتىم بۇ سۆزلەرنى.