جوڭگودىكى 1- تۈرمە : بىيجىڭ چىنچېڭ تۈرمىسى

yusup823

	بەلكىم كۆپچىلىك تازا بىلمەسلىكى مۇمكىن ، جوڭگودىكى بارلىق تۈرمىلەرنى قانۇن تارماقلىرى باشقۇرىدۇ . لىكىن جوڭگودا بىۋاستە جامائەت خەۋىپسىزلىك مىنىستىرلىكىگە قارايدىغان بىر تۈرمە بار . بۇ جۇڭگودىكى 1- تۈرمە دەپ ئاتالغان بىيجىڭ چىنچېڭ تۈرمىسى . بۇ تۈرمە بىيجىڭ شەھىرى چاڭپىڭ رايونى شىن شوۋ يىزىسنىڭ چىنچېڭ كەنىتىگە جايلاشقان بولغاچقا ، چىنچېڭ تۈرمىسى دەپ ئاتالغان . ئۇنداقتا بۇ تۈرمە نىمە سەۋەپتىن جوڭگودىكى 1 - تۈرمە دەپ ئاتىلىپ قالغان . دۆلىتىمىز ئازاد بولغان دەسلەپكى مەزگىللەردە گومىنداڭ ئارمىيىسىدىن ئەسىرگە ئىلىغان گۇناھى ئېغىر بولغان بىر قىسىم ھەربىيلەر ، گومىنداڭنىڭ يۇقىرى دەرىجىلىك ئەمەلدارلىرى ، چەتئەل ئىشپىيۇنلىرى قاتارلىق يۇقىرى دەرىجىلىك ئۇرۇش جىنايەتچىلىرىنى قاماش ئۈچۈن جىددىي بىر تۈرمە لازىم بولۇپ قالدى . بۇنىڭ بىلەن جامائەت خەۋىپسىزلىك مىنىسترلىكى بىيجىڭغا يىقىن بىر جايدا تۈرمە قۇرۇش ئۈچۈن يەر ئىزدەۋىتىپ ، بىيجىڭغا خىلى يېقىن بولىشىغا قارىماي ئىنتايىن قاقاس بولغان چىنچېڭ كەنتىنى بايقاپ ، تۈرمىنى مۇشۇ يەردە قۇرۇشنى قارار قىلىدى . شۇنداق قىلىپ جوڭگودىكى 1 - تۈرمە بۇ قاقاس كەنىتتە قەد كۆتۈردى . بۇ يەردە ئىلگىرى كىيىن بولۇپ ، سابىق مانجۇرىيە پادىشاھلىقىنىڭ يۇقىرى دەرىجىلىك ئەمەلدارلىرى ، گومىنداڭ ئارمىيىسىنىڭ يۇقىرى دەرىجىلىك ئەمەلدارلىرى قامالغان بولسا ، ئارقىدىن تۆت كىشلىك گۇرۇھنىڭ غوللۇق قولچوماقچىلىرىدىن جياڭ چىڭ قاتارلىقلار سۇلاندى .  90 - يىللاردىن كىيىن ، ھايات بولغان ئۇرۇش جىنايەتچىلىرىنىڭ ھەممىسى ئۆلۈپ تۈگىدى ياكى تۈرمىدىن چىقتى .لىكىن بۇ چاغدا جامائەت خەۋىپسزلىك مىنىستىرلىكى چەتئەل ئىشپىيۇنلىرى ،پارتىيە ئىچىدىكى  مۇھىم ھوقۇقلارنى تۇتقان پارىخۇرلارنى ساقلايدىغان بىر ئورۇنغا مۇھتاج بولدى .  بۇنىڭ بىلەن چىنچېڭ تۈرمسى مەخسۇس ئۆلكە دەرىجىلىكتىن يۇقىرى پارىخور ئەمەلدارلارنى قامايدىغان ئورۇنغا ئايلىنىپ ، نامى جاھانغا تارىلىپ ، پارىخورلارنىڭ قاباھەتلىك چۈشىگە ئايلاندى .ئىلگىرى كىيىن بولۇپ ،  گۇاڭشى جۇاڭزۇ ئاپتۇنۇم رايونىنىڭ مۇئاىن شۇجىسى  چىڭ كىجيې ، جوڭگو كۆچمە خەۋەرلىشىش شىركىتىنىڭ مۇئاۋىن باش دىرىكتورى جاڭ چۈنجياڭ قاتارلىق چوڭ پارىخۇرلار مۇشۇ جايغا سۇلاندى . يىقىندا بوشىلەي دىلوسىغا سوت ئىچىلىدۇ ، بەلكىم بوشىلەيمۇ مۇشۇ تۈرمىگە سولىنىشى مۇمكىن ، يىقىندىلا سابىق تۆمۈر يول مىنىسىرى ليۇ جىجۈن چىرىكلەشكەنلىكى ئۈچۈن مۇشۇ تۈرمىگە سولاندى . 90 - يىللاردىن بۇيان بۇ تۈرمىدە جازا ئىجرا قىلغان ئۆلكە باشلىقىدىن يۇقىرى ئەمەلدارلار 100 دىن ئاشتى .ئەلۋەتتە يىقىندا دۆلەتكە ئاسيىلىق قىلىپ ، ئامرىكا ئەلچىخانىسىغا بىكىنىۋالغان سابىق چوڭچىڭ شەھەرلىك جامائەت خەۋىپسىزلىك ئىدارىسىنىڭ باشلىقى ۋاڭ لىجۈنمۇ 4 تۈرلۈك جىنايەت بىلەن ئەيىبلىنىپ ،مۇشۇ جايدا جازا ئىجرا قىلىۋاتىدۇ . بۇ جايغا سۇلانغان داڭلىق ئەربابلاردىن يەنە مەركىزى كومىتىت سىياسىي بىيروسىنىڭ ئەزاسى ، شاڭخەي شەھىرىنىڭ سابىق پارتىكوم شۇجىسى چېن لىياڭيۈ ،مەركىزى كومىتىت سىياسىي بىيروسىنىڭ ئەزاسى ، بىيجىڭ شەھىرىنىڭ سابىق پارتىكوم شۇجىسى چېن لىياڭيۈ قاتارلىقلارمۇ بار . تۈرمە ئا ب س د دىن ئىبارەت تۆت رايونغا ، ئىنتايىن مۇھىم مەھبۇسلار تۈرمىسى ۋە ئادەتتىكى مەھبۇسلار تۈرمىسى دەپ ئىككى بۆلەككە بۆلۈنگەن . بۇ تۈرمىنىڭ تاملىرى مەھبۇسلارنىڭ ئۆلىۋىلىشىدىن ساقلىنىش ئۈچۈن ئالاھىدە ئۇسۇلدا ياسالغان .مەنبەسى :[url]http://baike.soso.com/v725148.htm[/url]تەرجىمە قىلغۇچى : يۈسۈپقارى

budak810

	پاھ مانا مانا  مەن ئۇخمىغان ئاڭلىمىغان ئىشتىن بىرنى ئاڭلىدىم.شىنجاڭدىن بارغانلا يۇقمىكەن.

ئىز0997

	ھەقىقەتەن جوڭگۇ دىكى  ئوستۋىزىمكەنغۇ ،،،،شۇ جايغا كىرگەنلەر گە  ھەق .....

joda☠

	پاھ .. مۇنداق تۈرمىمۇ باركەن ھە !؟ بىرەر پارچە رەسىمى بولغان بولسا كۆرۈپ باقساق ..

hemrah

	تېما يوللىغۇچىغا كۆپ رەخمەت ، بىلمىگەن يېڭىلىقتىن بىرنى بىلىۋالدىم.

bodak010

	بۇ بىر يېڭىلىققۇ .

abdulahad

	ئەمدى ئاڭلاپتىمەن تېخى.

مسكىنÍÍ

	ئاڭلاپ باقماپتىكەنمەن، تېما يوللىغۇچىغا رەخمەت.

turantikin

	كىرمەندەپلا كىرگىلى بولغۇدەكتە