‹ تاڭنۇر › شېئىرلىرىدىن توپلام - 4

تاڭنۇر

	1 - بىر كۈنلۈك جەڭ تاڭ سەھەر قۇياش چىقماستا شۇنچە ئالدىراش بىر تۇنۇش چىراي . چۈنكى قېنىمىز يىلتىزىمىز نەسلىمىز ئەزەلدىن ئوخشاش . ئۇ ئاتىۋەتكەن بارلىغىنى ئەمگىكىنى بارچە كۈچىنى مۇھىت ئاسراشقا . ھەۋەس قىلمايدۇ ، مودا كىيىمگە مودا گىرىمگە ھارام كىرىمگە . كۆزلەيدۇ ھامان ، ئاقلىقنى پاكلىقنى ساقلىقنى . ئۇ شۇنداق قەيسەر ، قەھىرتان قىشتا تۇمۇز ئىسىقتا ، بوران چاپقۇندا ، بەئەينى توغراق ..... ئۇنىڭ روھى پاكلىق ئەلچىسى ئەمگەك تەرى پاكلىق تامچىسى . ئۇ شۇنداق ، ئىگىلمەيدىغان يېڭىلمەيدىغان . خىزمىتىدىن زىرىكمەيدىغان پەخىرلىنىدىغان باش تارتمايدىغان ياپيىشىل قارغاي ....... تاڭ سەھەر قۇياش قىزارغان چاغدا قۇياش بىلەن تەڭ مۇھىت ئۇچۈن باشلايدۇ ئۇ جەڭ . قۇياش پاتقاندا ئاي كۈلگەندە ئۇمۇ كۈلىدۇ مۇھىت كۈلگەندە . ئۇ شۇنداق ئۇيغۇر چىدام غەيرەتلىك مىھر - شەپقەتلىك سېخى بەركەتلىك كۆزلەيدۇ غورۇر . تومۇرىدا سادىرنىڭ لۇتپۇلنىڭ نۇزۇگۇمنىڭ قىپقىزىل قېنى فونتاندەك دەريادەك پاكلىق ئاقلىق ئۇچۇن ھامان جۇش ئۇرار .... 2 - ياغلىقىم ‹ ساتىرا › پارازىتقا – قۇرۇتقا ئۇزۇق بولغان ياغلىقىم ، مۇقۇملۇققا –شاشلىققا قۇزۇق بولغان ياغلىقىم . قوغداپ ئۆرۈپ ئادەتنى، چاچنى توسسا ھايادىن ، كۆرەلمەسلەر ئېغىزىدا ،‹ بۇزۇق › بولغان ياغلىقىم . يۇۋاش قوينىڭ غېمى چۆپ ،تۈلكە ھامان پايلاقتا ، نەپسى يامان ئوۋچىغا،‹ قۇيرۇق › بولغان ياغلىقىم . بۇدۈرە- سېرىق چاچلارنىڭ ،جامالىنى سۇندۇرۇپ، ناز – كەرەشمە ھۆسنىگە ، ‹ قورۇق › بولغان ياغلىقىم . تارىخ بۇيان ساقلانغان ، ئىسىل خىسلەت –ئەنئەنە  ، باش كىيىمدە نۇرانە ، ‹ نۇرلۇق › بولغان ياغلىقىم . قەبىرىسىنى قاتۇردۇق ، تالاي ئۆرۈپ – ئادەتنىڭ ،.... غەرىپلىشىش رىتىمىگە ، ‹ بۇيرۇق › بولغان ياغلىقىم . تەرەققىيات كەيدۈردى ،‹ پىستەككىمۇ › ئىسىل تون  ، ھايا بىرلە نۇمۇسقا ، ‹ قۇللۇق › بولغان ياغلىقىم . ھەممە دەيدۇ ھاياتنى ، قايمىقى بار ئەتكەنچاي ،....                           بۇغداي ئۇنى -زاغرىنى ، ‹ تۇزلۇق› قىلغان ياغلىقىم .                                                                                                     ‹ رىزىۋاننىڭ › غورۇرى ، ‹نۇزۇگنىڭ › ئىززىتىن،                                         تارىخ بىرلە ئۈچۈرمەي ، ‹ يۇرۇق › قىلغان ياغلىقىم . 3- قىزلارغا خىتاب   نادانلارچە يۈرمىگىن قىزچاق ، نادان ھامان غەپلەت ئۇيقۇسى . ئەتەڭگە باق ، غورۇرۇڭ بىلەن ، ئىشەنىچ -ۋاپا ،ۋىجدان دورىسى . كۈلگەن كۈلكەڭ ھاياتقا باقسۇن ، تۆككەن يېشىڭ ،مىللەتكە ئاقسۇن ، مەيلى بولغىن شاھ ياكى گاداي ، تۇتقان يولۇڭ ، پۇقراغا ياقسۇن . مەيلى بولساڭ پۇراقسىز بىر گۈل ، بولما ھەرگىز ،زەھەرلىك تىكەن . ھايا بىرلە ، گۈزەلىكىڭگە ، ئەيشى –ئىشرەت سالمىسۇن يۈگەن . قولۇڭنى بەر ، قول تەڭلىگەنگە ، ئۈمۈت نۇرى ، سەندە كۆكلىسۇن ! قەلبىڭ بولسۇن ،ئايدەك ،قۇياشتەك ، مىللەت ئوتۇڭ ،يانسۇن ،ئۆچمىسۇن ! نامەرتلەردىن يىراق بول قىزچاق ، ئۇنىڭدا يوق ،ياخشىلىق تىلەك ، بولساڭ مەيلى ، دىھقانغا ئېتىز . بولما ھەرگىز خەمىكى يوق پىلەك . ئۆركەشلىسۇن قەلبىڭدا ئارمان ، شاۋقۇنى بار ، دەريا دېڭىزدەك ، قايناپ تۇرسۇن تۇمۇرۇڭدا قان ، ،شەيتانغا ئۆچ ،پەرى – خىزردەك . گۈزەللىككە ئىنتىلمە قىزچاق ، دىلىڭ بولسۇن پاكىز چىرايلىق ، ئىمان بىرلە، بولساڭ جەزبىدار ، بۇلار جىسمىڭ ، ئايدەك جۇلالىق . پەخىرلەنسۇن سەندىن ئەل ۋەتەن ، رىزىۋاندەك قەيسەر قىزىم دەپ نائۈمۈتتە قويمىغىن زىنھار ، ئەنسىرمىسۇن سەندىن ۋايىم يەپ . ئاڭلا قىزچاق مەندىن خىتاپتۇر ، قىزلار دىگەن كىلەچەك ئانىسى ، بولغىن دائىم ، ئىللەتكە قامچا ‹تۇزلانمىسۇن › مىللەت يارىسى ! ئاڭلا قىزچاق ،تارىخىڭغا باق ، تارىخ ئىزىڭ ، قاندا يېزىلغان ، نۇزۇگۇمدەك غورۇرلۇق ياشا ، ئىسسىق قېنى ساڭا قېتىلغان . ئاڭلا قىزچاق ، باغدۇر ھاياتلىق ، گۈل بولمىساڭ ، بولغىن بۇلبۇلى . دوئىلى بار ، ھايات يولۇڭنىڭ ، بولغىن ھارماس ،چاپقۇر –دۇلدۇلى . 4- ‹ ئاينىڭ › نالىسى باغرىمدا يىغلايدۇ ئاينىڭ شولىسى ، ھىجراننى گۈللەرنىڭ بەرگىدىن ئىزدەپ ، بىر يۇلتۇز شۇڭغىدى ، ئاينىڭ يېنىدىن ، ناپاكلىق يولىدىن ، پاكلىقنى ئىزدەپ . يۇلتۇزغا ئاھ ئۇرۇپ ، ئاسمان يىغلىدى ، گۈل گىياھ ، قارغاينىڭ، قەددى ئىگىلدى. ناپاكلار باغرىدا ، ئىشرەتلەر قۇتراپ، يۈگەنسىز قىزىلگۈل، بەرگى ئىزىلدى. باغرىمدا يىغلىدى، ئاينىڭ شولىسى، مۇدھىشلىق قاپلىغاچ ،ئىشرەت ھويلىسى. قۇياشمۇ دەرت تۆكەر ،زىمىنغا قاراپ ، قىزىرىپ كەتكەچكە ، ئاينىڭ ئوسمىسى ... 5 - دادىنىڭ ئىلتىجاسى < دادا تىلىدىن > بىر بالام باردۇر مېنىڭ ، پۇت- قولى ئىشلىمەس ، تەييارنىلا ئىزدەيدۇ ، ئەجىرىدىن گۆش چىشلىمەس . چوڭ- كىچىككە سالام يوق ، ھاكاۋۇرلۇق خۇيىدۇر ، ئەدەپ ئەخلاق ھايا كەم ،لەيلەپ يۈرەر كۈندە مەس. يېشى ئاشتى ئوتتۇزدىن ، ئىللىقىنە ئۆيى يوق ، كەلگۈسىگە ،ئەتىگە ، نىشانى ھەم ئويى يوق . مىڭچە ئەپسۇس قېنىمدىن ، قانداق پەرزەنىت يارالدى ، بويى تۇرۇپ توغراقتەك ، ئەپسۇس بىر تال دېنى يوق . ئۇنىڭ ئىللىق ماكانى ،قىمارخانا ،بورۇتخانا ، گۈزەل تۇرمۇش رىتىمى ، بەدبۇي پۇراق مەيخانا ، ئۇندىن يىراق تىرىشىش ، ئۇندىن يىراق ئىزدىنىش ، ئەركەك تۇرۇپ ئىللەتكە ، بولۇپ كەتتى قۇل چاكا . يارىشامدۇ ھەي بالام ، ئىللەت بىلەن دۈم ياتساڭ ؟ يارىشامدۇ ھەي بالام ، ئىللەتلەرگە كۈي قاتساڭ ؟ يارىشامدۇ ھەي بالام ، شۇنچە قىران ئەر تۇرۇپ ، ئۆز بەختىڭگە ،ئۆمرۈڭگە ، ئۆز قولۇڭدا تىخ سالساڭ ؟ ئەركەك بولساڭ تىك تۇرغىن ، يىقىلغانغا ئۆكۈنمەي ، كەيىپ -ساپا، ئىشرەتنىڭ ،تومانلىرىغا تەڭ چۆكمەي ، ھايات دىگەن گۈلباغدۇر ، ئىنسان ئۇنىڭ باغۋەنى ، كېتىپ قالما دۇنيادىن ، مىللەت ئۈچۈن تەر تۆكمەي . 6- تارىخى شەخىسلەر ھەم بىزلەر لىڭشىپ تۇرغان كۇچەتنىڭ، شېخىدا تۇرماس مىۋىسى ، ھەقىقەت ھەم ۋىجداننىڭ، مەڭگۈ سۇنماس ھەيۋىسى . قۇملار كۆچۈپ ، تاغ كۆچۈپ، ئۆتسىمۇ گەر ئەسىرلەر ، ‹بالدۇر ئۆچكەن ئىزلارنى›، تاپار بىر كۈن نەۋرىسى . ‹ئۆتكۈر› كەتتى ئارىدىن ،لىكىن نامى ئۆچمىدى ، ئۇيغۇر چەكتى رىيازەت ،دىيارىدىن كەچمىدى . ئەجىر قىلساق گۈل تېرىپ ، يىلتىزى بالدۇر چانىلىپ، ‹سۇلياۋ گۈلدەك ئاتالمىش›، خۇشبۇي ھىدىنى چاچمىدى . تەكلىماكان جەۋھىرى ، جان تەسەددۇق قىزلىدى ، ئەجنەبىيلەر ئۆيىگە ، جەۋھەر بولۇپ تىزىلدى . ئاتىلار غېرىپ ،ئانا بىچچارە ،بالىلار يىتىم ، زىمىن يىغلاپ ، نالە قىلىپ ، يۈرەك ئىزىلدى . سىيىت نوچىنى تىللىدۇق ، تارىخ بىزدىن يىراقتا ، ئۆلۈم خېتى ھەممنى ، قويسىمۇ گەر پىراقتا . ھەقنى كۆزلەپ ئەل ئۈچۈن ،بارلىغىنى ئاتىغانلار ، قارغاي كەبى تىك تۇرۇپ ئۆلۈپ كەتتى سۇلاقتا . ئابدۇخالىق ياش ئىدى ، غۇنچە كەبى توزىدى ، تالاي ئارزۇ –ئارمىنى ، يۇلتۇز بىلەن شۇڭغىدى . بۇۋام قازغان قۇدۇقنى ،بالام تېخى ئىچمەستىن ، مەينەت قوللار ياراتماي ، ئەجەپ ئاسان بۇلغىدى . غېنى باتۇر جەڭ قىلغان ،قانلار كىچىپ تاغلاردا ، بەزەن مەنسەپ تون كەيدى ،سەيلە قىلىپ باغلاردا . نىسىۋىسى قالماقتا ، يىتىم –يىسىر ئاجىزنىڭ ، ۋىجدانىنى يۇقاتقان ،تۆرگە ئامراق بايلاردا ... قۇمۇشلۇقتا جەڭ قىلغان ، ئۇيغۇر قىزى نۇزۇگۇم ، ئاتالغانتى ئەللەردە ‹ئۇيغۇر قىزىم › كۆز نۇرۇم . پاك ئىپپەتنىڭ يولىدا ،قۇل بولماستىن جان بېرىپ ، خىتاپ قىلغان  ئەۋلاتقا ، ئەلا مېنىڭ غورۇرۇم . يېزىپ كەتكەن لۇتپۇللا ،بىزگە ئىسىل شئېىرنى ، كۈيلەر ئىدى مىسراسى ، سەھرا – يېزا ،قىرىنى . شۇنچە ئۇلۇغ ئەدىپنىڭ ، قەبىرىسىنى بىلمەستىن ، ئىناقلىققا قۇم چېچىپ ، يوق قىلامدۇق ئىزىنى . قۇرلۇرۇمدا بەزىدە ، ئەنجەنباينى ئەسلەيمەن ، ‹تەۋپىق › چىلىك بۇلالماي ئۇخلاپ يېتىپ ئەسنەيمەن . دوئىلى بار ھاياتتا ، ئىلىم- پەندىن يىراقلاپ ، ھەرە كەبى ياشالماي ، ‹ئادەم بولماق تەس دەيمەن › . باقى ئەمەس بىر ئۆمۈر ، تارىختىكى كىشىلەر ، چىرىتمىسۇن دىللارنى ، ئىشرەت ھاراق نىشىلەر . ئەتىمىزگە ئۇل سېلىپ ، غورۇر بىلەن ياشىساق ، ھايا بىلەن گۈل كۆرەر ،بىزنىڭ ئەنداز نەۋرىلەر . 7- بۈگۈنكى غەم ئەتە ئۆتمۈش سارغايغان يۇپۇرماق ، يالىڭاچ دەرەخ ، ھۇۋلايدۇ . كۈزنىڭ شەپىسى ، سۇۋىغان سەھەر . بۇشىغان ئېتىزلار ، قىراۋلىق تاغلار ، ئۆتمۈشتۈر . يازنىڭ ئەتىسى. مىۋىسىز باغلار ، قىينايدۇ . دىھقاننى غەملەر ، قىراۋغا ئايلىنار ، يازدىكى تەملەر . خىيالغا ئەگىشەر . ياپيېشىل دۇنيا ، ئاق لىباس ئىچىدە، توڭلايدۇ گىياھ . ئەنسىزدۇر . ماكانسىز ئىنسان ، ئۇيقۇسىز كۆزى ، ئىستەر گۈلۈستان . غايىۋى دۇنيا ، غايىۋى شەھەر . كۆز يەتمەس بىنا ، غەمسىز نەقەدەر.... 8 - مىللىتىم ‹ تاڭنۇر › غەزەل شانۇ شەۋكەت ، بەركەتلىك ، تارىخ سۈيەر مىللىتىم ، ئەقىل ئىدراك ، ھىكمەتلىك ،مىللەت سۈيەر مىللىتىم . قىسمەتلىرى يېزىلدى ، ئاچچىق كۆز ياش قان بىلەن ، زىمىستاندىن ، جۇدۇندىن ، باھار كۈتەر مىللىتىم . ھاجەتمەنگە ، يىتىمگە ، بولۇپ پاناھ ، كۈن نۇرى ، ئۆز باغرىدىن ھارارەت ، مىھىر تۆكەر مىللىتىم . چۈمۈلىدەك روھ بىلەن  ،باش ئەگمەستىن مۈشكۈلگە ، ھەرە كەبى ئەجرىدىن ، ھەسەل تۆكەر مىللىتىم . ئەدەپ – ئەخلاق مۇجەسسەم ، شەرمى ھايا تاجىسى ، ئىلىم – پەنگە ، ئىسلامغا ، چوڭقۇر چۆكەر مىللىتىم . بەزەن تېخى چاتايدۇ  ، غولى يوغان قارغاي دەپ ، سايىۋەن بوپ ئەل ئۈچۈن ، كۆكلەپ ئۈنەر مىللىتىم . سېخىلىقى ، مەرتلىكى، تارىخ بۇيان نۇر ماياك ، ناپاكلىقتىن ، پاكلىقنى ، ئىلغاپ ئۆتەر مىللىتىم . بەزەن بىرلەر ماختىسا ، شەرەپ قۇچسا ئىزدىنىپ ، ماختانماستىن ئۇيۇلۇپ ، ‹ئايدەك › مۈكەر مىللىتىم . ھەر مىللەتتە بولىدۇ ، ياخشى بىلەن يامانلار ... نۇمۇس بىلەن ئىللەتنى ، شۇئان سۈكەر مىللىتىم . تىرىشچانلار ، ئىشچانلار ، گۈل كۆرىدۇ بېغىدىن ، ئىناقلىققا ، ئۆملۈككە ، نەۋكەر بولغىن مىللىتىم . 9 - جان بالام ‹ غەزەل › تۇغۇلغانغا ،ئۆلمەك بار ، ھاياتلىقتا جان بالام ، ئەل ئىچىدە ھۆرمەت بار ، ساۋاپلىققا جان بالام . ھايات يولۇڭ ئىگىز پەس ، كۈلكىسى بار يىغىسى ، مەيلى كەچسەڭ جېنىڭدىن ، ساتما غورۇر جان بالام . تىرىشچانغا ئەل –ئاۋام  ، گۈل تۈتىدۇ ھۆرمەتتە  ، ئۆزگىلەرنىڭ ئەجرىدىن ، كۈتمە ھوزۇر جان بالام . قۇرۇق سۆلەت ئىنسانغا ، ياراشمايدۇ ئەزەلدىن ، بىلىمى يوق تىك موردا ، بولما پۇزۇر جان بالام . ئۇنۇتمىغىن تارىخنى ، بىزدە ئالىم ئاز ئەمەس ، تۇتالمىساڭ گۈلدەستە ، تاپما قۇسۇر جان بالام . ھۇشيار بولغىن كەمتەر ،مەردانە بوپ مەرىت ياشا  ، ياۋلار ئۈچۈن تىزلىنىپ ، بولما كوزۇر جان بالام . ساۋاتسىزلار مىللەتكە ، يۈك بولىدۇ ئاقىۋەت ، ئىلىم - ئېرپان بېغىدا ، سۈرگىن ھوزۇر جان بالام . 10 -باشلىقىم ‹ ساتىرىك غەزەل › تاڭنۇر مەنسەپ ئابروي تاج ئۈچۈن ، ئىنتىلىدۇ باشلىقىم ، چۈشىدىمۇ بىسات دەپ ، سىلكىنىدۇ باشلىقىم . ئوي خىيالى بىيىشتا ، يانچۇقىنى تولدۇرۇپ ، مەنپەئەت ئۈچۈن قۇل بولۇپ ، تىزلىنىدۇ باشلىقىم . ھەقىقەتكە گاچىدۇر ، تىلى ئويناق قۇۋلۇقتا  ، بوزەك قىلىپ پۇقرانى ، تىكلىنىدۇ باشلىقىم . مەرتىۋىسى يۇقىرلار ، بۇيرۇق قىلسا شۈمشىيىپ ، ‹سۇغا چۈشكەن مۈشۈكتەك › شۈكلىنىدۇ باشلىقىم . تۇرسا ياندا ئايالى ، ئائىلىسى ، بالىسى ، نەپسى ئۈچۈن شەھۋەتكە ، ئىنتىلىدۇ باشلىقىم . شەرەپ قۇچسا بىراۋلار ، باشلىقىمنىڭ ئالدىدا ، ئوتتا كۆيگەن قىل كەبى ، ئۈكلىنىدۇ باشلىقىم . ئۆزى ئەجىر قىلماستىن ، مەنسىپىنى پەش قىلىپ ، تەييار تائام ،لوق بىلەن ، ئەتلىنىدۇ باشلىقىم . سوۋغا – سالام كۆپ بولسا ، قىلىپ تازىم ئىگىلىپ  ، سۆڭىكى يوق بەدەندەك ، قاتلىنىدۇ باشلىقىم . ھەق سۆزلىگەن ئاۋامنىڭ ، يالغان قىلىپ گىپىنى ، پىلاستىردەك ئېغزىغا ، چاپلىنىدۇ باشلىقىم . ئەسكەرتىش - ئاز بىر قىسىم ئەمەلدارلارغا قارتىلىپ يېزىلدى . 11- شەكىلسىز ھايات يىلاندەك تولغانغان چەكسىز قۇملۇق ، كەچمىشنى قۇچاغلاپ ياتىدۇ غەمكىن . قۇرىغان دەريادا .تاشلار ھازىدار ..... ۋىجداندىن مىھىرلەر، تاپالماس تەسكىن . ئىمىزگە شورىغان ، يىتىم بالىنىڭ – خىيالى ئانىدا ، ئىسسىق ئەمچەكتە . غەمكىنلىك قاپلىغان سوغوق ھوجىرىغا ، ھىسداشلىق كىرەلمەس ،ئېسىلىپ رۇجەكتە . سىنچىلاپ قارىسام گۈللەر بەرگىدىن ، كۆرۈنەر كۆزۈمگە ، دېڭىزنىڭ تېگى قەبىلە قاپلىغان چىمەنزالاردىن .... بىر تەشتەك گۈلچىلىك تارىماس ھىدى . ئەنسىزلىك قاپلىغاچ ، دەرەخ شېخىنى ، كىشەنگە مۇپتىلا ، بولدى يۇپۇرماق . گۇناھى كۆپ بولغاچ ، قانخور شامالنىڭ ... ئۆزىنى پەردازلاپ ، بولدى يۇشۇرماق . سەپەرداش بولىۋالدى ئوت بىلەن سۇمۇ ، غەبلەتكە ئۇل سېلىپ تۈلكە بىلەن قوي . ئالدىمدىن مۇسىبەت ، ئۆلۈم ئۇزىسا ، كەينىمدىن قىزىيدۇ ، ناغرا بىلەن توي . ئەسكەرتىش - بۇ تېمىلارنىمىڭ مىسرانىم مۇنبىرىگە يولىغان ئىجادىيەتلىرىم بولۇپ توپلام قىلىپ ساقلاپ قۇيۇش مەقسىتدە ئازراق تەھىرلەش ئېلىپ بېرىپ قايتا يولىدىم ، تورداشلارنىڭ تەكلىپ پىكىر بېرىشىنى ئۈمۈت قىلىمەن ! مەنبە-- خەيرۇللا قۇربان < تاڭنۇر > بۆرتالا

axik1314

	ياخشى  يىزىپسىز      يارايسىز

كارۋان

	ھەقىقەتەن توپلام ئوقىغاندەك بولدۇم.قالتىس يېزىۋېتىسىز.پات-پات يېزىپ تۇرۇڭ،بىزمۇ ئىنكاس دىگەننى تىراكتۇرنىڭ توچىيىدە ئەكىلىپ تۆكۈپ تۇرىمىز.

rustorahbar

	ئەسسالامۇ ئەلەيكۇم تاڭنۇر ئاكا ياخشىمۇسىز قەلمىڭىزگە ھاردۇق يەتمىسۇن شېئرلىرڭىزدىن ھۇزۇرلاندىم رەھمەت

xarari

	ماڭا ھەممىدىن بەك ياغلىقىم دىگەن ساتىرا بەك يارىدى ، ھەقىقەتەن كۈچلۈك ئوي پىكىر ئىپادىلىنىپتۇ .. سىزنىڭ ئەسەرلىرىڭىزنى تولىمۇ ياقتۇرۇپ ئۇقۇۋاتىمەن .. بارىكاللا ، قەلىمىڭىز ھارمىغاي  ..

musilina

	ئۇزۇن بوپتىكەن ئېسىل شېئىرلىرىڭىزنى كۆرمىگىلى،يەنە بىر قېتىم ئوقۇۋەتتىم زوق ئىچىدە شېئىرلىرىڭىزنى....

sawapkar

	بىر  كىتاپ  ئۇقۇغاندەك  بولدۇم

مارشال

	ئەسسالامۇ ئەلەيكۇم،تاڭنۇر. بۆرتالادا ئۇچراشقاندا قىلىشقا سۆھبەتلىرىمىز ۋە قىزغىن پاراڭلىرىمىز ھازىرغىچە ئېسىڭىزدىن چىقىپ كەتمىگەندۇ؟ گەرچە سىزدىن نەچچە ياش كىچىك بولساممۇ،ئالدىنقى يىلىدىكى بۆرتالادا ئۇچراشقاندا قىلىشقا پاراڭلىرىمىزدىن سىزنىڭ نۇرغۇن ئارزۇ-ئىستەكلىرىڭىزنىڭ بارلىقىنى ھېس قىلىپ يەتكەن ئىدىم.قەلەم تۇلپارىڭىز توختاپ قالمىغاي. بىزدە شېئىر يازىدىغانلار كۆپ،لېكىن،خۇرۇچ ئارىلاشقان شېئىر يازىدىغانلار ئاز دەپ قارايمەن.مەزكۇر توپلىمڭىزنى ئوقۇپ چىقتىم.رېئاللىقنى سۆزلەپسىز.ئىجادىيىتىڭىزگە ئۇتۇق تىلەيمەن.قەلىمىڭىز بەركەت تاپسۇن.

esyankar75

	ئەسسالامئەلەيكوم تاڭنۇركا ، مەن پۇتبول مۇنبىرىدىكى كاكا08  تونىدىڭىزما؟ ئاۋۇ ياغلىقىم دىگەن شىئىرىڭىزنى بەك ياقتۇردۇم ، بۇندىن كىيىنكى ئىجادىيەتلىرىڭىزگە ئۇتۇق تىلەيمەن!

naildin

	kaltis xeerlingizni korup kawatla yakturdum!   hakikatan tapakkuri kuqluk , esilkan! jawhar kilgudak tegixlik xeerlarkan! bundin keyinki ijadiyatliringizga zor utuklar tilayman! kalimingiz tohtap kalmigay!