2013-يىلىدىن 1-ئاينىڭ 1-كۈنىدىن باشلاپ ئەڭ تۆۋەن مائاش ئۆلچىمى

بانكىر

	2013-يىلىدىن 1-ئاينىڭ 1-كۈنىدىن باشلاپ ئەڭ تۆۋەن مائاش ئۆلچىمى ئۆستۈرۈلىدۇ. جۇڭگو ئاخبارات تورى 12-ئاينىڭ 28-كۈنى تېلېگراممىسى. يېقىندا ئادەم كۈچى بايلىقى ۋە ئىجتىمائىي كاپالەت مىنىستىرلىقى 2012-يىلى پۈتۈن مەملىكەتتىكى 23 ئۆلكە، ئاپتونوم رايون، مەركەزگە بىۋاسىتە قاراشلىق شەھەرلەرنىڭ ئەڭ تۆۋەن مائاش ئۆلچىمىنى ئۆستۈرگەنلىكىنى ئېلان قىلدى. جۇڭگو ئاخبارات تورى ئىقتىساد قانىلىنىڭ ستاتىستىكىسىغا ئاساسلانغاندا، 2012-يىلى ئەڭ تۆۋەن مائاش ئۆلچىمىنى ئۆستۈرگەن بېيجىڭ، شەنشى قاتارلىق جايلار 2013-يىلى ئەڭ تۆۋەن مائاش ئۆلچىمىنى يەنە بىر قېتىم ئۆستۈرىدىكەن. بۇنىڭدىن باشقا يەنە جېجىياڭ ئۆلكىسىمۇ 2013-يىلى 1-ئاينىڭ 1-كۈنىدىن باشلاپ ئەڭ تۆۋەن مائاش ئۆلچىمىنى داۋاملىق ئۆستۈرىدىكەن. بۇ 24 ئۆلكە، ئاپتونوم رايون، مەركەزگە بىۋاسىتە قاراشلىق شەھەرنىڭ ئىچىدە شىنجىن شەھىرىنىڭ ئەڭ تۆۋەن مائاش ئۆلچىمى 1500 يۈەن، بېيجىڭ شەھىرىنىڭ سائەتلىك ئەڭ تۆۋەن ئىش ھەققى 15.2 يۈەن ئىكەن. ئادەم كۈچى بايلىقى ۋە ئىجتىمائىي كاپالەت مىنىستىرلىقىنىڭ مۇئاۋىن مىنىستىرى يى ۋىي مىننىڭ 12-ئاينىڭ 18-كۈنىدىكى مەملىكەتلىك ئادەم كۈچى بايلىقى ۋە ئىجتىمائىي كاپالەت يىغىنىدا بىلدۈرۈشىچە، 2012-يىلى 23 ئۆلكە، ئاپتونوم رايون، مەركەزگە بىۋاسىتە قاراشلىق شەھەرنىڭ ئەڭ تۆۋەن مائاش ئۆلچىمى تەڭشەلگەن. جۇڭگو ئاخبارات تورى ئىقتىساد قانىلىنىڭ ستاتىستىكىسىغا ئاساسلانغاندا 2012-يىلى بېيجىڭ، سىچۈەن، جياڭشى، شىنجىن، شەندۇڭ، شاڭخەي، تيەنجىن، نىڭشيا، شەنشى، يۈننەن، چۇڭچىڭ، جياڭسۇ، شىنجاڭ ئۇيغۇر ئاپتونوم رايونى، فۇجيەن، چىڭخەي، خۇنەن، خېبېي، ئىچكى موڭغۇل، خېيلوڭجاڭ قاتارلىق جايلار ئىلگىرى-كېيىن بولۇپ ئەڭ تۆۋەن مائاش ئۆلچىمىنى تەڭشىگەن. بۇنىڭ ئىچىدە بېيجىڭ شەھىرى بىلەن شەنشى ئۆلكىسى 2012-يىلى 1-ئاينىڭ 1-كۈنىدىن باشلاپ ئەڭ تۆۋەن مائاش ئۆلچىمىنى ئۆستۈرگەندىن كېيىن 2013-يىلى 1-ئاينىڭ 1-كۈنىدىن باشلاپ يەنە بىر قېتىم ئەڭ تۆۋەن مائاش ئۆلچىمىنى ئۆستۈرۈپ بېيجىڭ شەھىرىنىڭ ئەسلىدىكى ئەڭ تۆۋەن مائاش ئۆلچىمىنى 1260 يۈەندىن 1400 يۈەنگە ئۆستۈرۈش، شەنشى ئۆلكىسىنىڭ ئەسلىدىكى ئەڭ تۆۋەن مائاش ئۆلچىمىنى ئەسلىدىكى 1000 يۈەندىن 1150 يۈەنگە ئۆستۈرۈشنى پىلانلىغان. جېجىياڭ ئۆلكىسى 2011-يىلى 4-ئاينىڭ 1-كۈنىدىن بۇرۇنقى ئەڭ تۆۋەن مائاش ئۆلچىمى 1310 يۈەننى 2013-يىلى 1-ئاينىڭ 1-كۈنىدىن باشلاپ 1470 يۈەنگە ئۆستۈرمەكچى بولغان. ئادەم كۈچى بايلىقى ۋە ئىجتىمائىي كاپالەت مىنىستىرلىقى 10-ئاينىڭ 25-كۈنى ئېلان قىلغان سانلىق مىقداردا كۆرسىتىلىشىچە، مەملىكەت بويىچە ئايلىق ئەڭ تۆۋەن مائاش ئۆلچىمى شىنجىن شەھىرىدە ئەڭ يۇقىرى يەنى 1500 يۈەن. سائەتلىك ئەڭ تۆۋەن ئىش ھەققى ئەڭ يۇقىرى بولغىنى بېيجىڭ شەھىرى يەنى 14 يۈەن ئىكەن. ئەمما يېقىندىكى ئەڭ يېڭى سانلىق مىقدارغا ئاساسلانغاندا ئەڭ تۆۋەن مائاش ئۆلچىمى تەڭشەلگەندىن كېيىن شىنجىن شەھىرىنىڭ ئەڭ تۆۋەن مائاشى (1500 يۈەن) بىرىنچى ئورۇندا، جېجىياڭ ئۆلكىسىنىڭ (1470 يۈەن) ئىككىنچى ئورۇندا، شاڭخەي شەھىرىنىڭ(1450 يۈەن) ئۈچىنچى ئورۇندا تۇرىدىكەن. سائەتلىك ئەڭ تۆۋەن ئىش ھەققى  بېيجىڭ شەھىرىدە 15.2 يۈەن بولۇپ بىرىنچى ئورۇندا، شىنجاڭ ئۇيغۇر ئاپتونوم رايونىنىڭ 14.3 يۈەن بولۇپ ئىككىنچى ئورۇندا، شىنجىن شەھىرىنىڭ 13.3 يۈەن بولۇپ ئۈچىنچى ئورۇندا تۇرىدىكەن. جۇڭگو ئاخبارات تورى ئىقتىساد قانىلى رەتلىگەن سانلىق مىقدارغا قارىغاندا، 2011-يىلى پۈتۈن مەملىكەتتىكى 23 ئۆلكە، ئاپتونوم رايون، مەركەزگە بىۋاسىتە قاراشلىق شەھەردە ئەڭ تۆۋەن مائاش ئۆلچىمى تەڭشەلگەن. 2012-يىلى 24 ئۆلكە، ئاپتونوم رايون، مەركەزگە بىۋاسىتە قاراشلىق شەھەردە ، 2013-يىلغا كەلگەندە يەنىلا 23 ئۆلكە، ئاپتونوم رايون، مەركەزگە بىۋاسىتە قاراشلىق شەھەردە ئەڭ تۆۋەن مائاش ئۆلچىمى تەڭشەلگەن. بۇنىڭ ئىچىدە بېيجىڭ شەھىرى بۇ يىل ئەسلىدىكى ئەڭ تۆۋەن مائاش ئۆلچىمى 1260 يۈەننى 2013-يىلىدىكى 1400 يۈەنگە ئۆستۈرگەن، ئۆسۈش نىسبىتى % 11.1 بولغان. جېجىياڭ ئۆلكىسى ئەسلىدىكى 1310 يۈەندىن 2013-يىلىدىكى 1470 يۈەنگە ئۆستۈرگەن. ئۆسۈش نىسبىتى % 12.2 بولغان. ئەڭ تۆۋەن ئىش ھەققىنى ئۆستۈرۈش ئەمگەكچىلەرنىڭ بولۇپمۇ تۆۋەن مائاشلىق ئەمگەكچىلەرنىڭ ئىش ھەققىنى ئاشۇرۇشتىكى ئۈنۈملۈك ۋاسىتە. ئىگىلىنىشىچە، دۆلىتىمىزنىڭ ‹‹ئەڭ تۆۋەن مائاش بەلگىلىمىسى›› دە ھەرقايسى جايلاردا ئەڭ تۆۋەن مائاش ئۆلچىمىنى ئەڭ قىسقا بولغاندا ئىككى يىلدا بىر قېتىم تەڭشەش بەلگىلەنگەن ئىكەن. دۆلەت ئىشلىرى مەھكىمىسى 2012-يىلى 6-ئاينىڭ 11-كۈنى ئېلان قىلغان ‹‹ دۆلەت كىشىلىك ھوقۇق ھەرىكەت پىلانى (2012-يىلدىن 2015-يىلىغىچە)›› دا ‹ مائاشنى نورمال ئۆستۈرۈش مېخانىزمنى قۇرۇپ، ئەڭ تۆۋەن مائاش ئۆلچىمىنى پۇختا قەدەمدە ئۆستۈرۈش، ئەڭ تۆۋەن مائاش ئۆلچىمىنى يىلىغا % 13 بويىچە ئۆستۈرۈش› دەپ ئېنىق بەلگىلەنگەن ئىكەن. ئادەم كۈچى بايلىقى ۋە ئىجتىمائىي كاپالەت مىنىستىرلىقىنىڭ مۇئاۋىن مىنىستىرى يى ۋىي مىن 12-ئاينىڭ 18-كۈنىدىكى مەملىكەتلىك ئادەم كۈچى بايلىقى ۋە ئىجتىمائىي كاپالەت يىغىنىدا مۇنۇلارنى بىلدۈرگەن: 2012-يىلى ئېلىمىزنىڭ مائاش كىرىمىنى تەقسىم قىلىش تۈزۈمى پۇختا قەدەمدە ئىلگىرىلەپ، دۆلەت مەمۇرلىرى تولۇقلىمىسى، كەسپىي ئورۇنلارنىڭ ئۈنۈم مائاشىنى تارقىتىش قاتارلىق خىزمەتلەر تەرتىپلىك ئىلىپ بېرىلىپ 23 ئۆلكە، ئاپتونوم رايون، مەركەزگە بىۋاسىتە قاراشلىق شەھەرلەردە ئەڭ تۆۋەن مائاش ئۆلچىمىنى ئۆستۈرۈش ئەمەلگە ئاشۇرۇلدى. 2008-يىلىدىن 2012-يىلىغىچە بولغان بەش يىل ئىچىدە پۈتۈن مەملىكەتتىكى ئەڭ تۆۋەن مائاش ئۆلچىمىنىڭ ئۆسۈش نىسبىتى % 12.6 بولۇپ ئەسلىدىكى پىلان بويىچە ماس قەدەمدە ئۆستى. تەرجىمە مەنبەسى: http://www.nur.cn/news/2012/12/101392.shtml ئەسلى مەنبەسى: مەنبە : news.163.com

bugaltir

	ئەڭ تۆۋەن مائاش ئۆلچىمىنى  ئۆستۈرۈگەن بىلەن  مال باھاسىنى تېزگىنلىمىسە ئۈنۈمى بولمايدۇ  . تۆۋەن كىرىملىك ئائىلىلىەر ، باققۇچىسى يوق ، ئىختىسادى كىرىم يولى يوقلار ، ئىش تېپىپ قىلاي دىسىمۇ ۋاقىت ، ئورۇن ، شارائىت ، قاتناش چەكلىمىسى تۈپەيلى ئىش تېپىپ ئۆز تۇرمۇشى ئۈچۈن پۇل تېپىش قىيىن بولىۋاتقانلار نۇرغۇن  . ھۆكۈمەت مال باھاسىنى تېزگنىلىشى ، ئىشقا ئورۇنلاشتۇرۇش يوللىرىنى كېڭەيتىشى ، ئىناق جەمىيەت بارپا قىلىش ئۈچۈن قانۇن - تۈزۈمنى مۇكەممەلەشتۈرىشى لازىم . ھۆكۈمەتنىڭ سىياسى جەھەتتىن يېتەكلەش ، ئىختىسادىي جەھەتتىن قوللىشى ئۈنۈملۈك بولمايدىكەن ئىناق جەمىيەت بارپا قىلىش قىيىن بولۇدۇ  .

دىيارىم

	ئاپتونۇم رايونىمىزنىڭ سائەتلىك ئىش ھەققى قايسى ساھەنى كۆزدە تۇتۇپ چىقىرىلدىكىنا ، ئەجەپ يۇقىرى . بۇ ئەڭ تۆۋەن مائاش ئۆلچىمى قانداق ئورۇنلارغا ، قانداق كەسىپلەرگە تەتبىقلىنىدىغاندۇ ؟؟؟

dilkax9624

	ۋاھ ياخشى بوپتىغۇ !!!   لېكىن مائاش ئۆسكەن بىلەن مال باھاسىمۇ ئۆسە ئەخىچان ! ؟

mahatjan

	مال باھاسىنىڭ ئۆسۈش نىسبىتى بەك يۇقۇرى ھەم تىز بولىۋاتىدۇ.مۇئاشنىڭ ئۆسۈش نىسبىتى ئۇنۇڭغا تاقابىل تۇرالارمۇ.مال باھاسىنىڭ ئۆسۈشىنى كونتىرول قىلغىلى بولماسمۇ؟

بانكىر

	دىيارىم يوللىغان ۋاقتى  2012-12-29 06:20 PM ئاپتونۇم رايونىمىزنىڭ سائەتلىك ئىش ھەققى قايسى ساھەنى ... ئاپتۇنۇم رايونىمىزنىڭ ئەڭ تۆۋەن ئىش ھەققى ئۆلچىمىنى 1470يۈەن قىلىپ بىكىتىشىنى، بەك يۇقىرى دىيىش مۇئاپىق ئەمەس دەپ قارايمەن. چۈنكى: مال باھاسى بارغانسىرى ئۆسۆۋاتقان شارائىت ئاستىدا ۋە ھازىرقى ياللىنىپ ئىشلەۋاتقانلارنىڭ خىزمەت ۋاقتى (ياللىنىپ ئىشلىگۈچىلەرگە ) ئىنىق بىكىتىلمىگەن بولغاچقا، بەزى ھۆكۆمەت ئورونلىرىدا ياللىنىپ ئىشلەيدىغانلارنىڭ ئۇدا خىزمەت قىلىش ۋاقتى24 سائەتتىن 48 سائەتكىچە بولىدىغان ئەھۋاللار ھەممە ئورگانلاردا ئۇچرايدۇ. دەم ئىلىش ۋاقتى قىسقا ۋە يوقنىڭ ئورنىدا. ئىشەنمىسىڭىز: ھۆكۆمەت ئورونلىرىدا ياللىنىپ خىزمەت قىلىۋاتقانلارنىڭ ئىش ئورنىنى، خىزمەت ۋاقتىنى كۈزىتىپ بىقىڭ! بۇ توردا ئىلان قىلغان ئەڭ تۆۋەن ئىش ھەققى ئۆلچىمى: ھۆكۆمەت ئورونلىرىدىكى ياللانما ئىشچى- خىزمەتچىلەرنىڭ ئەڭ تۆۋەن ئىش ھەققى بولىشى مۇمكىن. سوراپ باقسام، ھازىر تازىلىق ئىشچىلىرىنىڭ ئىش ھەققىنى (دوختورخانا ئىچىدىكى ) 1100 يۈەن بىرىۋىتىپتۇ. 1470 يۈەنگە ئۆسسە، ھەر ھالدا يامان ئەمەس. ئەر - ئايال ھەر ئىككىلىسى ياللانما خىزمەت قىلسا، ھەر ئىيىغا 2940 يۈەن كىرىم قىلىدۇ. يىلىغا 35288 يۈەن كىرىم قىلىدۇ. بۇ كىرىمنى ئۇنچە ئاز دىيىشكە بولمايدۇ. بەزى كىشىلەر بۇ پۇلنىڭ يىرىنىمۇ تاپالمايدىغانلىرى ساماندەك. بىر نەچچە يىلنىڭ ئالدىدا 360 يۈەن بولغان، بۇلتۇر 760 يۈەن دەۋاتاتتى. ھازىر مال باھاسى ئۆسۆپ كىتىۋاتىدۇ. نىمە دىگەن بىلەن يامان ئەمەس تەڭشەپ بىرىپتۇ. ئەگەر بۇ تۆۋەن ئىش ھەققى ئۆلچىمىنى ھۆكۆمەت بىر تۇتاش پىلانلاپ يولغا قويمىسا، بەزى مەككار رەھبەرلەر، ئورونغا ياللانما خادىم ياللاپ ئىشلەتكەندە (ئامانلىق قوغدىغۇچى، دىجۇرنى ، تازىلىق ئىشچىسى، ۋە باشقا ۋاقىتلىق خىزمەت قىلغۇچىلار ) ئۇلارنىڭ ئىش ھەققىنى بەك تۆۋەن قىلىۋىلىش. (مەسىلەن: 300 يۈەن. 400يۈەن دەپ ) ھادىسلىرى كىلىپ چىقىدۇ- دە، ياللىنىپ ئىشلىگۈچىلەرنىڭ پىكىر قىلىش ئەركىنلىكى تەبىئىي ھالدا توسقۇنلۇققا ئۇچرىغاچقا، تۇرمۇش مەسىلىسى ئىغىر قىيىنچىلىققا ئۇچرايدۇ. شۇڭا بۇ ھۆكۆمەتنىڭ ئاشكارا ھالدا ، بىر تۇتاش ئىلان قىلىشى ياخشى بوپتۇ، تولۇق ئەمەلىيلەشسىلا بولدى.

zumrettash

	bugaltir يوللىغان ۋاقتى  2012-12-29 06:20 PM ئەڭ تۆۋەن مائاش ئۆلچىمىنى  ئۆستۈرۈگەن بىلەن  مال باھاس ... دىگەنلىرىڭىزنىڭ ئەمەلگە ئېشىشى خېلى تەس ئىشلار،ئىستىل ،ئەخلاق مەسىلىسى ئېغىر...قانۇنمۇ مۇكەممەل ئەمەس...

ئەلشىپا

	nawkeran يوللىغان ۋاقتى  2012-12-29 06:36 PM بەك ئەپسۇس ، مىسرانىمغا  تۇنجى قېتىم ئەپسۇسلىقىمنى بىل ... بۇ دىگەن «جوڭگوچىلىق» دەپلا چۈشىنىڭ. مۇشۈك دەپتۇ چاشقانغا: سىنى يەيمۇ يىمەيمۇ؟ چاشقان دەپتۇ مۈشۈككە: سىنى مۈشۈك دەيمۇ دىمەيمۇ؟

بانكىر

	ئەلشىپا يوللىغان ۋاقتى  2012-12-29 06:56 PM بۇ دىگەن «جوڭگوچىلىق» دەپلا چۈشىنىڭ. مۇشۈك دەپتۇ چاشق ...

BAHADER1

	بۇدىگەن نورمال ئەھۋال  ماش ئەمەس مىنىڭ دۇككىنىم نىڭ ئېجارىسمۇ 10000يۈەن ئۆسكەن يەردە مەنمۇ مالباھاسىنى ئۆستۈرمەن .مائاش ئاسسى پايدىسى يوق