قىيامەت ھەققىدىكى تېمامنىڭ يېشىمى

سۈرخان

	ئاۋىستىرالىيە زۇڭلىسى بايانات ئېلان قىلىپ، 2012قىيامەت ئەپسانىسىنىڭ راستلىقىنى دەلىللىدى دېگەن تېمام يوللىنىپ 5كۈن ئىچىدە 15مىڭ قېتىم كۆرۈلگەن، 500ئىنكاس چۈشكەن. نامازنى تەرك ئېتىشنىڭ ھۆكۈمى ناملىق تىما بىلەن سېلىشتۇرغاندا بۇنى بىر مۆجىزە دېيىشكە بولىدۇ. بۇنىڭ كەينىدىكى ئەقلىي يەكۈننى ئۆزۈڭلار چىقىرۋىلىڭلار. ئەمدى ئاشۇ تېمامدىكى سىنغا كەلسەك، ئۇ بىر پىروگراممىدا ئاۋىستىرالىيە زۇڭلىسى تاماشىبىنلارغا قارىتا قىلغان قىسقىغىنا چاقچاق سۆزى، پىروگرامما تولۇق مەزمۇنى تورغا تولۇق چىقىرىلماستىن، ئاشۇ قىسقىغىنا چاقچاق يوللىنىپ خېلى كۆپ مالىمانچىلىقلارنى كەلتۈرۈپ چىقارغان. 21-چىسلادىن قورقۇپ يۈرگەنلەر ھەقىقەتەن كۆپ، ئالدىنقى ھەپتە تېخى تۈرك تىلى كۇرسىدىكى بىر قىز ساۋاقدىشىم مۇئەللىم ۋە بالىلارنىڭ ئالدىدىلا 21-چىسلا راست قىيامەت بولىدىكەن، ئۇ كۈنى جۈمە كۈنىكەن دەپ سۆزلەپ يۈرىدۇ، بۇنىغۇ نادانلىق دەپ رەددىيە بەرسەك، كەينىدىنلا ‹مۇئەللىم، ئەڭ ئاخىرقى پەيغەمبەر ئەيسا ئەلەيھىسسالامغۇ؟› دەپ سوراپ يۈرىدۇ. بۇنى نېمە دەيمىز؟ بەزى تورداشلارنىڭ دېيىشىچە بەزى چوڭ كىشىلەر 21-چىسلا كۆپرەك شام تەييارلاڭلا، كۈن 3كۈن چىقمايدىكەن دېگەن گەپلەرنىمۇ قىپتۇ، ھەتتا پەيغەمبىرىمىز مۇھەممەد مۇستاپا سالللاھ ئەلەيھى ۋەسسسەللەم قىيامەتنىڭ قاچان بولىدىغانلىقىنى بىلمىگەن يەردە، بۇ كىشىلەر، مايالىقلار قانداق بىلسۇن؟ بەزى تورداشلارنىڭ دېگىنىدەك قىيامەتنىڭ كىچىك ئالامەتلىرى كۆرۈلۈپ بولدى، چوڭ ئالامەتلىرىدىن دەججالنىڭ چىقىشى، ئەيسا ئەلەيھىسسالامنىڭ چۈشۈپ دەججالنى ئۆلتۈرىشى، يەر يۈزىگە 50يىل خەلىپە بولىشى، يەجۈجى مەجۈجىلەرنىڭ چىقىشى دېگەنلەر تېخى كۆرۈلمىدى. بىراق قىيامەتنىڭ بولىشى ئېنىق، بۇنى ئاللا سۈبھاناتالادىن باشقا ھېچكىشى بىلمەيدۇ. يەنە بەزى تورداشلار دەججال مەن چىقتىم دەپ ئوچۇق چىقمايدۇ دېگەندەك گەپنىمۇ قىلدى، يەنە بىر قىسىم قاراشلاردا دەججالنى بىر ئىدىيە، دارۋىن ئىدىيىسىنىڭ ئۆزى شۇ دەججال دېگەن قاراشلارمۇ بار، بىراق مۇھەممەد ساللالاھ ئەلەيھى ۋەسسەللەم بىزگە دەججالنى بىر كۆزى پولتىيىپ چىققان، يەنە بىر كۆزىنىڭ ئورنى يوق، ئىككى قېشىنىڭ ئوتتۇرىسىغا كافىر دەپ يېزىلغان بۈدۈر چاچلىق يېگىت دەپ تەسۋىرلىگەن، دەججال پىتنىسىدىن ئاگاھ بولۇشقا چاقىرغان. مانا ھازىر تارقىلىۋاتقاننىڭ ئۆزى دەل دەججالنىڭ پىتنىسى بولماي نېمە؟ بىز قىيامەتتىن قورقماسلىقىمىز لازىم، قورقۇشقا تىگىشلىكى دوزاخ ئازابى بولىشى كېرەك. شۇنى ئويلاڭلاركى ئاللا سۈبھاناتالا بىزگە تاپشۇرغان ئىشلارنى قىلدۇقمۇ؟ قىلما دېگەن ئىشلىرىدىن ئۆزىمىزنى تارتتۇقمۇ؟ پەيغەمبىرىمزىنىڭ سۈننەتلىرىگە ئەگەشتۇقمۇ؟ ئەتە ئۆلۈپ كېتىدىغاندەك ياخشى ئەمەلدە بول دېگەن گېپى بويىچە ئىش كۆردۈقمۇ؟ بۇ دۇنيانىڭ مەئىشەتلىرىگە بېرىلمەي ئۇ دۇنيادىكى سوئال سوراقلارغا ھازىر بولالىدۇقمۇ دېگەنلەرنى. ئاللاھ بەندىلىرىدىن قىيامەت كۈنىگىچە مەغپىرىتىنى ئايىمايدۇ، ھەرۋاقىت تۆۋە قىلساق قوبۇل قىلىدۇ، سۆيۈملۈك پەيغەمبىرىمىزنىڭ ئىككى قولى ھېلىھەم بىز گۇناھكار بەندىلىرى ئۈچۈن دۇئادا. ئىشىنىڭلاركى قىيامەت مۆمىنلەر ئۈچۈن قورقۇنۇچلۇق ئەمەس، دوزاخ ئازابى ئەڭ قورقۇنۇچلۇق. ئاللاھ ھەممىمىزگە ھىدايەت ئاتا قىلسۇن، دەججال پىتنىسى ۋە دوزاخ ئازابىدىن ساقلىسۇن.

aa0998

	ئەسسالامۇ ئەلەيكۇم ئەزىر قېرنداش!!! ئۆتكەندە قىيامەت توغۇرلۇق پاراڭ بەك قېزىپ كەتتى بۇنىڭغا كەسكىن ئېتراز بۇلدۇرىگەن تورداشلار كۆپ ئەمما بىر قىسىم نادان تورداشلار!!! راس بولامۇ دىگەندەك گەپلەرنى قىلىپ ئۆزنىڭ ئېمانغا ئۆزى دەز تەككۈزۇپ يۇرىگەن بالىلارمۇ بار قىيامەتنىڭ بولدىغىنى ئېنىق لېكىن قايسى كۈنى بولدىغىنى بىزلەرگە نامەلۇم؟ قىيامەتنىڭ قاچان بولدىغىنى پەيغەنبەر ئەلھيكسالامۇ بۇلمىگەن يەردە يەھۇد ناسارالار بۇلمۇ ھەرگىز بۇلمەيدۇ بۇنداق پىتنە ئېغۋالارغا ئېشەنمەيلى!!! ئاللاھ ئېگەم ئېمانمىزنى سالامەت قىلسۇن، ئاللاھ ئېگەم بارلىق قېرنداشلارنىڭ كۆڭلنى ئېمان ئىسلام قوينىغا مۇيەسسەر قىلسۇن ئامىن

danixman1

	راستىنلا قىيامەت قايىم بولارمۇ؟ - يېقىنقى كۈنلەردىن بۇيان ‹‹2012›› 3D فىلىمىنىڭ قويۇلىشى ئەۋجىگە چىقتى، كىنونىڭ ھەيۋەتلىك كۆرۈنۈشلىرى ئادەمنى ھاياجانغا سېلىپلا قالماي يەنە ۋەھىمە ئىچىگىمۇ سۆرەپ كىرەتتى.يەر شارى راستىنلا يوقاپ كېتەمدۇ؟ بۇ قىيامەت كۈنى راستىنلا 2012- يىلى 12- ئاينىڭ 21- كۈنى بولامدۇ؟ [attachment=10048] 2012 -يىلى قىيامەت كۈنى بېشارىتىنىڭ كېلىش مەنبەسى نېمە؟ بۇ پەرەز نىبىرۇ(Nibiru) دەپ ئاتىلدىىغان بىر پلانېت يەر شارىغا سوقۇلۇپ، ئاپەت كەلتۈرۈپ چىقىرىدۇ دېگەن قاراشتىن كېلىپ چىققان بولۇپ، دەسلىپىدە بۇ ئالدىن ئېيتىلغان پەرىزىدە قىيامەت 2003- يىلى 5- ئايدا يۈز بېرىدۇ دېيىلگەن، ئەمما شۇ كۈنى ھېچقانداق ئىش يۈز بەرمىگەن. شۇنىڭ بىلەن قىيامەت كەينىگە سۈرۈلۈپ 2012 -يىلى 12- ئايغا ئۆزگەرتىلگەن. بۇنىڭغا ئۇلاپلا مايا كالېندارنىڭ ئاخىرلىشىش كۈنى 2012- يىلدىكى قىشلىق كۈن-تۈن توختاش كۈنىگە توغرىلىنىپ قالغان، شۇ ۋەجىدىن قىيامەت كۈنى 2012- يىلى 12- ئاينىڭ 21- كۈنى قىلىپ بېكىتىلگەن. [attachment=10049] مايا كالىندارى راستىنلا 2012- يىلى 12- ئاينىڭ 21- كۈنى ئاخىرلىشامدۇ؟ 2012- يىلى 12- ئاينىڭ 21- كۈنى مايا ئايلانما كالېندارىنىڭ ئاخىرلىشىدىغان كۈنى، خۇددى سىز ،بىزلەر ئىشلىتىپ كېلىۋاتقان كالېندار 1- ئاينىڭ 1- كۈنى باشلىنىپ دەۋرى ھالدا ئايلىنىپ تۇرغىنىدەك، ياما كالىندارىمۇ يەنە بىر ئايلانما ۋاقىتقا ئۆتىدۇ. ياما مەدەنىيىتىدە 13 دېگەن سانغا ناھايىتى چوقۇنىدىغان بولۇپ، 13.0.0.0.0 كۈن يامالىقلارنىڭ نەزىرىدە بىر چوڭ ئايلانما دەۋر ھېسابلىنىدۇ. ئايلانما كالېندارنىڭ باشلىنىشى 0.0.0.0 بولۇپ، مىلادىيىدىن بۇرۇنقى 3114- يىلى 8- ئاينىڭ 11- كۈنى باشلىنىپ، 2012 -يىلى 12- ئاينىڭ 21- كۈنى دەل بۇ بىر دەۋەر ئاخىرلىشىدۇ. [attachment=10050] يەر شارى ماگنىت مەيدانى يەر مەركىزىدىكى سۇيۇق ھالەتتىكى تۆمۈرنىڭ ئەركىن ئېقىشىدىن كېلىپ چىقىدۇ پۈتكۈل يەر پوستى نەچچە سائەت ياكى نەچچە كۈن ئىچىدىلا 180 گرادۇس تەتۈر ئايلىنامدۇ؟ بۇ قىيامەتكە ئائىت يەنە بىر ئالدىن ئېيتىلغان غەيىب - يەنى يەر شارى يوقالمايدۇ، ئەكسىچە يەر ماگىنىت مەيدانىدا تەتۈر ئايلىنىش كۆرۈلىدۇ. يەر شارىنىڭ تەتۈر ئايلىنىشى مۇمكىن ئەمەس. قۇرۇقلۇق ئاستا-ئاستا يۆتكىلىدۇ،( نەچچە يۈز مىليون يىل ئىلگىرى جەنۇبى قۇتۇپ چوڭ قۇرۇقلۇقى ئېكۋاتۇر ئەتراپىدا بولغىنىدەك) ئەمما بۇ يەر قۇتۇپىنىڭ تەتۈر ئايلىنىش كۆز- قارىشى بىلەن قىلچە مۇناسىۋىتى يوق. كۆپلىگەن تور بېكەتلىرىدە بۇرمىلانغان شۇم خەۋەرلەر بىلەن ئاممىنى ئالدايدىغان گەپلەر تارقالدى، ئۇلار يەر شارىنىڭ ئۆز ئوقىدا ئايلىنىشى يەر ماگىنىت قۇتۇپى بىلەن مۇناسىۋەتلىك، يەر ماگنىتى قۇتۇپى توختىماستىن ئۆزگىرىپ تۇرىدۇ، ئوتتۇرا ھېساب بىلەن ھەر 400 مىڭ يىلدا بىر قېتىم بىر قېتىم تەتۈر ئايلىنىدۇ. ئەمما نۆۋەتتە ئىگىلىگەن بىلىملەرگە ئاساسلانغاندا، بۇ خىل يەر ماگنىت قۇتۇپىنىڭ تەتۈر ئايلىنىشى يەر شارىدىكى ھاياتلىققا زىيان يەتكۈزەلمەيدۇ، ئۇنىڭ ئۈستىگە، كېلەچەكتىكى نەچچە مىڭ يىلغىچە يەر يەر شارى ماگنىت قۇتۇپىنىڭ تەتۈر ئايلىنىش ئەھۋالىنىڭ يۈز بېرىشى ناتايىن. [attachment=10051] دىنوزاۋر بەلكىم مانا مۇشۇنداق غايىپ بولغان بولىشى مۇمكىن يەر شارىنىڭ 2012- يىلدا مېتېئورىت سوقۇلۇش زەربىسىگە ئۇچراش خەۋپى بارمۇ؟ يەر شارى ئىزچىل ھەر خىل سەييارە ۋە قۇيرۇقلۇق يۇلتۇزلارنىڭ سوقۇلىشىغا ئۇچراپ كەلدى. ئالدىن بىر قېتىملىق سوقۇلۇش بۇندىن تەخمىنەن 65 مىليون يىل ئىلگىرى يۈز بەرگەن بولۇپ، دىنوزاۋرنىڭ يوقىلىشىنى كەلتۈرۈپ چىقارغان. نۆۋەتتە NASA ئاسترونوملىرى بوشلۇق مۇھاپىزەتچىسى ناملىق كۆزىتىش پىلانىنى يۈرگۈزۈۋاتقان بولۇپ، يەر شارىغا سوقۇلۇش ئېھتىماللىقى بولغان ھەر قانداق سەييارىلەرنى كۆزىتىدىكەن. ئۇلار دىنوزاۋرنىڭ يوقىلىشىغا سەۋەبچى بولغان سەييارىلەرنىڭ چىقىشى مۇمكىن ئەمەسلىكىنى جەزملەشتۈردى. بۇ خىزمەتلەر ئاشكارا بولۇپ، ھەر كۈندىكى بايقاشلار NASA NEO Program نىڭ تور بېكىتىدە ئېلان قىلىنىپ تۇرىدۇ، شۇڭا سىز بۇ تور بەت ئارقىلىق 2012- يىلى يەر شارىغا سوقۇلىدىغان ئاسمان جىسىملىرىنىڭ بار يوقلۇقنى بىلەلەيسىز. [attachment=10052] تالاشتا قالغان شام 12- ئاينىڭ 21- كۈنى يەر شارىدا ئۇدا ئۈچ كۈن قاراڭغۇلۇق بولامدۇ؟ يېقىندا يەنە : ئالىملار 2012- يىلى 12- ئاينىڭ 21- كۈنىدىن باشلاپ ئۇدا ئۈچ كۈن قاراڭغۇلۇق بولىدىغانلىقى جەزىملەشتۈردى، بۇ يەر شارىنىڭ ئەسىر ئالمىشىدىغان كۈنى دېگەن گەپلەر تارقىلىپ، ئىشىنىپ كەتكەن ئامما شام، ئوتۇنلارنى بەس-بەس بىلەن سېتىۋېلىپ، ئامما ئارىسىدا قالايمىقانچىلىق كۆرۈلدى. ئەمەلىيەتتە بۇ خىل ئەپقاچتى گەپلەر پۇت تىرەپ تۇرالمايدۇ. ئاسترونومىيە ئىلمىگە ئاساسلانغاندا، يەر شارىنىڭ كېچە-كۈندۈزلۈك ئۆزگىرىشى ۋە ۋاقىت ئۇزۇن-قىسقىلىقى يەر شارىنىڭ ئۆز ئوقىدا ئايلىنىشى ۋە يەر شارى ئەتراپىدا ئايلىنىش ھەرىكىتىنىڭ ئورتاق تەسىرىدە شەكىللەنگەن. دۆلىتىمىز تۇرۇۋاتقان كەڭلىكتە ھەر كۈنى كۈندۈز بىلەن كېچىنىڭ ئالمىشىپ تۇرۇش ئەھۋالى كۆرۈلۈپ تۇرىدۇ، ھەرگىزمۇ ئۇدا ئۈچ كۈن قاراڭغۇلۇق كۆرۈنمەيدۇ، ئۇنىڭ ئۈستىگە تارىختىمۇ بۇنداق ئەھۋال كۆرۈلگەنلىكى توغرىسىدا ھېچقانداق خاتىرىلەر يوق. قىشلىق كۈن-تۈن توختاش كۈنىنىڭ ئالدى كەينىدە ھەقىقەتەنمۇ ئۈچ كۈن ئۇدا قاراڭغۇ بولىدىغان جاي بار، ئەمما پەقەت شىمالى قۇتۇپتىلا كۆرۈلىدۇ. 2012- يىلى قىيامەت توغرىسىدىكى ھەر قانداق سۆز-چۆچەكلەرنىڭ ھازىرغا قەدەر ھېچقانداق بىر ئىلمى ئاساسى يوق، شۇڭا كۆپچىلىك خاتىرجەم ئۇخلاڭلار، ئۇ كۈنى بىزنىڭ كۈتۈۋالدىغىنىمىز ئادەتتىكى بىر كۈن-تۈن توختاش كۈنى خالاس. مەنبە ؛ تۈرك كىنو تور بىتى http://www.trkino.com/article/rasimlikhawar/2012-12-12/1772.html

salih133

	aa0998 يوللىغان ۋاقتى  2012-12-18 04:51 PM ئەسسالامۇ ئەلەيكۇم ئەزىر قېرنداش!!!ئۆتكەندە قىيامەت تو ... سىزدە ئازراق مەسىلە بارمۇ قانداق بەزى ئاتالغۇلارنى خاتا يىزىپسىز ئىملايىڭىزغا دىققەت قىلىڭ

danixman1

	يەنە دىسەك يەنە   شۇ .  قيامەت  قاچان  ؟   بۇنى   بىلگۈچى   ئاللاھتۇر.  ئارتۇق  گۇمان . قىياس ، ئەنسىرەشلەر ئېماننى يەيدۇ .   شۇنىڭ  ئورنىغا  بارلىق  گۇناھلىرىمىزغا  توۋۋا قىلغىنىمىز   دۇرۇس .

aa0998

	salih133 يوللىغان ۋاقتى  2012-12-18 05:03 PM سىزدە ئازراق مەسىلە بارمۇ قانداق بەزى ئاتالغۇلارنى خ ... ۋاي ئاداش مۇشۇ ئىملا خاتالىقىم قاچان ئوڭشىلار دەيمەن ھېلىمۇ مەكتەپتە بىرنجى سېنىپنى ئىككى قاتا ئوقۇغۇنىم قايلاڭ بۇدا قىققەت قىلاي كەچۇرگەيسىز

qiqakkiz

	مۇشۇ قىيامەت توغرىسىدىكى  يالغان  خەۋەرگە  بىر قىسىم  نادان كىشىلىرىمىز ئىشىنىپ كىتىپتۇ ، ئۇلار قايتا ئىمان  ئيتمىسا بولمايدۇ .   ئاللاھقا ئىمان كەلتۈرگەن  ئادەم  دىنسىزلارنىڭ  ئازدۇرىشىغا  ئىشەنمەيدۇ .

abdiweli520

	قىيامەت بۇلارمىش دىگەن  فىلىمنى  كورۇپ دەششەت ئاچچىقىم كەلدى. بۇ  ئوبدان ئويلاپ كورىدىغان بولساق، ئاخىرى ئاللاھقا  شىرىك كەلتۇرۇشكە بارىدۇ. شۇڭا ھەممىز ئىمانىمز مۇستەھكەم .ھالدا ئاللاھتىن تىچ ئامانلىقنى تىلەيلى

guzal417

	بىز قىيامەتتىن قورقماسلىقىمىز لازىم.قورقۇشقا تىگىشلىكى  دوزاخ ئازابى.بۇ گەپ توپتوغرا.

mozat

	ئاللاھ ئېگەم ئېمانمىزنى سالامەت قىلسۇن، ئاللاھ ئېگەم بارلىق قېرنداشلارنىڭ كۆڭلنى ئېمان ئىسلام قوينىغا مۇيەسسەر قىلسۇن ئامىن