ئاپتوماتىك پۇل ئېلىش ماشىنىسىدىن نەق پۇل ئېلىشتا

bugaltir

	ئاپتوماتىك پۇل ئېلىش ماشىنىسىدىن نەق پۇل ئېلىشتا بىخەتەرلىك جەھەتتە دىققەت قىلىش تېگىشلىك بىرنەچچە نۇقتا ھەققىدە ئاپتوماتىك پۇل  ئېلىش  ماشىنىسىدىن  پۇل  ئېلىشقا ئىشلىتىدىغان  بانكا  كارتىسىنى بىخەتەر جايغا قويۇڭ، ئۇنىڭ قاتلىنىپ، بۇزۇلۇپ كېتىشىدىن ئېھتىيات قىلىڭ. شەخسىي مەخپىي نومۇرىڭىزنى ئېسىڭىزدە مەھكەم ساقلاڭ. ئەگەر مەخپىي نومۇرنى يېزىپ ساقلاپ قويۇشقا توغرا كەلسە، يازغان مەخپىي نومۇرىڭىزنى ھەرگىز پورتمالىڭىزغا سېلىۋالماڭ ياكى  بانكا  كارتىسى  بىلەن بىرگە قويماڭ. بانكا كارتىسىغا مەخپىي نومۇر ئورنىتىشتا  ئۆزىڭىزنىڭ  ئىسمى، تۇغۇلغان كۈنىڭىز ياكى تېلېفۇن نومۇرىڭىزغا ئوخشاش باشقىلار ئاسان بىلىۋالىدىغان رەقەم ۋە ھەرىپلەرنى ئىشلەتمەڭ. كارتا تارقاتقان بانكىنىڭ جىددىي مۇلازىمەت تېلېفۇن نومۇرىنى ھەر ۋاقىت ئېسىڭىزدە چىڭ ساقلاڭ، بۇنداق بولغاندا مۇبادا كارتىنى يۈتتۈرۈپ قويسىڭىز، كارتىنىڭ يۈتكەنلىكىنى تېزلىكتە مەلۇم قىلىپ، تولۇقلاپ كارتا بېجىرىشنى ئىلتىماس قىلىشقا قولايلىق بولىدۇ. سىرتقا ساياھەتكە چىققاندا، پەقەت بىرلا بانكا كارتىسىنى ئىشلىتىڭ، ھەمدە ئۇنىڭ مەخپىي نومۇرىنى ئېسىڭىزدە مەھكەم ساقلاڭ. مۇبادا كارتىڭىز يۈتۈپ كەتسە، دەرھال كارتا تارقاتقان بانكىغا ئۇقتۇرۇش قىلىۋېتىڭ. ھەر قېتىم ئاپتوماتىك پۇل ئېلىش ماشىنىسىدىن نەق پۇل ئېلىپ بولغاندىن كېيىن، كارتىڭىزنى چىقىرىۋېلىشنى ئۇنتۇپ قالماڭ. ئاپتوماتىك پۇل ئېلىش ماشىنىسىدىن نەق پۇل ئالغاندا تالۇننى ئېلىۋېلىپ، ساقلاپ قويۇڭ. بۇ ھەر قېتىملىق پۇل ئېلىشتىن خاتىرە قالدۇرۇشقا، ھېساباتنى سېلىشتۇرۇشقا، بانكا كارتىسىنى باشقىلارنىڭ ئوغۇرلۇقچە ئىشلىتىۋېلىشىنىڭ ئالدىنى ئېلىشقا پايدىلىق. تاسسادىپىي ئەھۋاللاردا، ئاپتوماتىك پۇل ئېلىش ماشىنىسى بانكا   كارتىسىنى يۇتىۋېلىپ، قايتۇرۇپ چىقىرىۋېلىش مۇمكىن بولمىسا، باشقىلارنىڭ تەشەببۇسكارلىق بىلەن ياردەملىشىش تەكلىۋىنى رەت قىلىڭ، چۈنكى  بەزى قارا نېيەت كىشىلەر مۇشۇ پۇرسەتتىن پايدىلىنىپ سىزنىڭ مەخپىي نومۇرىڭىزنى بېلىۋېلىشى مۇمكىن. بۇنداق چاغدا سىز كارتا تارقاتقان بانكىنىڭ مۇئامىلىدارلار قىزىق  لىنىيىلىك تېلېفۇنىغا تېلېفۇن بېرىڭ ياكى ئاپتوماتىك  پۇل ئېلىش ماشىنىسى جايلاشقان ئورۇندىكى تارماق  بانكىغا كىرىپ ئەھۋالنى مەلۇم  قىلىڭ.     مەنبەسى  :  شىنجاڭ  خەلق  رادىيو  ئىستانسىسى . http://uygur.xjbs.com.cn/7466/2012/10/17/1350@450035.htm

TEM^TAS

	رەخمەت سىزگە دوستۇم . ياشلىرىمىز بۇنداق ئەھۋاللارغا ئۇچۇرشىپ قىلىشىمىز ،بەك ئاز ساندا .لىكىن ياشىنىپ قالغان مويسىپىتلىرىمىز بۇنداق ئەھۋالغا ئۇچراش نىسبىتى يۇقىرى . شۇ پۇرسەتتىن پايدىلنىپ بەزەن بىر قىسىم نا ئەھلىلەرنىڭ دەستىدىن ئالدىنىپ كىتىپ بارغان ،ياشىنىپ قالغان مويسىپىتلىرىمىزمۇ ئاز ئەمەس . بولسا ئىلاجى بار بۇ تىمىدىكى مەزمۇنلارنى ئىسىمىز دە چىڭ ساقلاپ ،ئۆيدىكى چوڭلىرىمىزغا دەپ قويايلى ،ياكى بولمىسا شۇلارنىڭ ھاجىتىدىن بىز ياشلار چىقىپ ،پۇل ئىلىش ئىشلىرىنى بىز قىلىپ بىرەيلى . ھازىرغۇ ،پۇل ئالىدىغان ،پۇل سالىدىغان ئىشلارنىڭ ھەمىسى شۇ ،‹‹ئاپتۇماتىك پۇل ئىلىش ››ئۈسكىنىسىدن بولىۋاتىدۇ، بىز ياشلار قىلالايدىكەنمىز ،ياشانغانلارچۇ ؟

kukhelal

	رەھمەت..................

bugaltir

	ئاپتوماتىك پۇل ئېلىش - قويۇش ماشىنىسىدا كەسىپ بىجىرگەندە  ، ئالدىراقسانلىق  قىلىپ    ، پۇشايمانغا قالىدىغان  ئىش قىلمايلى  . كارتىدىن  - كارتىغا پۇل يوللاشتا  ، ئاۋۋال تېلىپۇن قىلىپ  ، يوللىماقچى بولغان كارتا ۋە ئىسىمنى توغرىلاپ بولۇپ ئاندىن پۇل يوللايلى  . پۇل سېلىپ بىرىڭ دەيدىغان ئۇچۇرلاردىن ھەزەر ئەيلەڭ   !

bugaltir

	بانكا قىسقا ئۇچۇر كەسپىنى ئېچىپ قويۇڭ  ، كارتىڭىزدىكى كىرىم - چىقىم  ئەھۋالىنى ۋاختىدا بىلىپ تۇرالايسىز  . ئاپتۇماتىك بانكا مۇلازىمىتىدە  ، ئادەم مۇلازىمىتىدە  ئېلىپ بېرىلغان مۇئامىلىرىڭىزدە  ، سىزگە ئۇچۇر كېلىپ تۇرۇدۇ  .  كارتىڭىزدىكى ئۆزگىرىشلەرنى ۋە  قالدۇق پۇلنى ئۆز ۋاختىدا بىلىپ تۇرىسىز  . بانكا قىسقا ئۇچۇر كەسپىنىڭ ئايلىق ھەققى  3.00 ( ئۈچ يۈەن  )

kuktulpar

	مەنمۇ بىر ئىشنى ئەسكەرتەي. ئاپتوماتىك ماشىنىدا مەشغۇلات قىلغاندا ئۇيغۇر تىلىمىزنى بېسىپ ئىشلىتىڭلار. چۈنكى، ھازىر ئاڭلىسام ماشىنىدا ئۇيغۇر تىلىنى تاللاش نىسبىتى تولىمۇ ئازلاپ كېتىپتۇ.

سۈرخان

	ئۇندىن باشقا سودا سانائەت بانكىسىنىڭ پۇل بەرگۈسىنى ئىشلەتكەندە مەخپىي نۇمۇرنى بېسىشتىن بۇرۇن تىلنى ئۇيغۇرچە قىلىپ تاللاشنى ئۇنۇتماڭ......ئاقىۋىتىگە ئۆزىڭىز ئىگە، مەن دەپ قويدۇم

bugaltir

	ماۋۇ تېمىدىن ئىبرەت ئېلىڭ  .      پۇل خاتا ئۇرۇلدى،قانداق قىلىشىمىز كېرەك؟     https://uyghur-archive.com/misranim/thread-90452-1-1.html

bugaltir

	ئاپتۇماتىك پۇل ئېلىش - قويۇش ماسىنىسىدا سىزنىڭ بارلىق مىشغۇلاتىڭىز خاتىرلىنىپ   ماڭىدۇ  . بانكا بۇ ھىساۋات خاتىرىسىنى  5 يىل ساقلايدۇ  . بانكا تۈزۈمىدە ،  ئاپتۇماتىك پۇل ئېلىش - قويۇش ماسىنىسىڭ ھىساۋات خاتىرىسىنى ساقلاش مۇددىتى 5 يىل  ، 5 يىلدىن كېيىن كۆيدۈرلىدۇ  .

bugaltir

	ئاپتۇماتىك پۇل ئېلىش - قويۇش ماشىنىسىدا 4 يەردە كۈزىتىش ئاپىراتى بار  ، بۇنىڭ ئىچىدە بىرسى چوقىمىزغا قاراپ تۇرۇدۇ  ، قالغان ئۈچى ئاپتۇماتىك پۇل ئېلىش - قويۇش ماشىنىسىنىڭ ئىچكى تەرىپىگە بەللەنگەن بولۇپ ، ئاپتۇماتىك پۇل ئېلىش - قويۇش ماشىنىسىدىن سىزگە قاراپ تۇرۇدۇ  ، بۇ كۆزلەرنىڭ ھەممىسىنىڭ ماتىريالى ساقلىنىدۇ  . سىزگە قاراپ تۇرغان 3 كۆزدىن بىرى  سىزنىڭ ئىككى پۇتىڭىزغا قاراپ تۇرۇدۇ، يەنە  بىرى چىرايىڭىزغا قاراپ تۇرۇدۇ  ، يەنە بىرى قولىڭىزغا قاراپ تۇرۇدۇ  . قولىڭىزغا قاراپ تۇرغىنى  سىزنىڭ مەخپىي نۇمۇرىڭىزدىن باشقىسىنىڭ ھەممىسىنى سىنئالغۇغا ئېلىپ تۇرۇدۇ  . سىنئالغۇ ماتىريالى  بانكىنىڭ مەخسۇس ساقلاش كومپىيوتىرى ھەم دىسكىلاردا زاپاس ساقلىنىدۇ  .