مەن باققان ھايۋانلار...(ئىپارە)

ئىپارە

	مەن نىمىشقىكىن مۇشۇ ھايۋانلارغا ،قۇشلارغا قارىسام شۇنچىلىك قاراپ كېتىمەن، ئۇلارنىڭ قىلىقلىرى ماڭا بەكلا ئوماق كۆرىنىدۇ، ھەتتا يولدا بىرەر كۇچۇك ياكى بىرەر ئوماق ھايۋانلارنى كۆرۈپ قالسام ئۇزاقتىن ئۇزاق قاراپ تۇرۇپ كىتىمەن . ئۇلار كۆزۈمگە نىمىشقا شۇنداق ئوماق كۆرىنىدىغاندۇ، قىلىقلىرىچۇ، ئىشنى قىلىپ ئاجايىپ بىر خىل مېھرىم بار دىسە؟ شۇڭلاشقىمۇ مەن بىر قوزا، ئىككى توشقان، ئىككى كۇچۇك  باققان ئىدىم بۇ ئەلۋەتتە مەن توي قىلمىغان ۋاقىتتىكى ئىشلار ئىدى، ئاتا ئاناممۇ ھېھرىبان كىشىلەر بولغاشقىمۇ ئۇلار بىقىشىمغا يول قوياتتى. لېكىن توي قىلغاندىكىن بۇ ئۆيدىكىلەر قوشۇلمايدىكەن. مەن دەسلەپ ئوقۇشقا مىڭىشتىن بىر ئاي بۇرۇن بىزنىڭ بىر قوي تۇغدى .بالىسى ئالا بولۇپ بەكلا ئوماق ئىدى، بىراق نىمىشقىكىن بالىسىنى قەتئى تۇنۇمىدى ، بىچچارە قوزا ئاپىسىنىڭ قىشىغا بارسا ئۇنى ئۈسۈپ يىقىن كەلتۈرمىدى. شۇنۇڭ بىلەن مەن دادامغا <<ئۈسۈپ ئۆلتۈرۈپ قويمىسۇن ئەمدى، قانداق قىلارمىز؟>> دەپ سورۇدۇم دادام:<<سوسكا بىلەن باقايلى، راست بۇ بالىسىنى تۇنۇمىسا !>> دىدى، شۇنۇڭ بىلەن مەن ئۇ قوزىنى باقتىم كۈندە ئۈچ ۋاخ كالىنىڭ سۈتىنى ئەكىلىپ بېرەتتىم، توۋا دەيمەن كىيىنچە ئۇ ئەتتىگەندە باشقا قويلار بىلەن سىرتقا چىقىپ كەتكەن بولسىمۇ قوسقى ئېچىپ كەتسە دەرۋازىدىن مەرىگەن پېتى كىرەتتى، ئاندىن مىنىڭ قىشىمغا كىلىپ ماڭا قاراپ تۇراتتى، مەن ئۇنۇڭ ئوماق قىلىقلىرىغا قاراپ ئۇنى كۆتۈرۋالاتتىم ھەم يۈز كۆزلىرىگە سۆيۈپ كىتەتتىم . دادام :<<ھايۋاننى سۆيمە بولمايدۇ !>> دەيتتى. مەن نىمىشقا بولمىغىدەك بۇ ھەم پاكىز، ھەم  بۇمۇ مېھىرگە مۇھتاج دەپ سۆيۈپ كەتسەم قوزامنىڭ ئوماقلىقىدا كۆزىنى يۇمۇپ تۇرۇپ كېتەتتى.  ئاندىن سۈتىنى بېرىپ نان چايناپ بەرسەم يەنە چىقىپ كىتەتتى. شۇنداق قىلىپ مەن ئوقۇشقا كېتىپ ئالتە ئايدىن كىيىن كەلسەم توۋا دەيمەن ماشىنىنىڭ ئالدىغا مەرەپ چىققان ھەم ماڭا ئىككى پۇتىنى ئارتقانتى شۇنداق قوقۇپ كەتكەنتىم ،چوڭلا بىر قويغا ئايلىنىپ كىتىپتىكەن،قاپاقلىرى تۈرۈك ئۇ قوزامنىڭ .ئەتىسى تالاغا چىقسام مېنى ئۆسۈپ تۇرۋىلىپ تالاغىمۇ چىقارمىغان ئىدى. دادام ئۇ سېنى سېغىنىپتۇ قارا سېنىڭ باققىنىڭنى بىلىپتۇ، ساڭا دەيدىغان نۇرغۇن گەپلىرى بار ئۇنۇڭ، سېنى نەچچە ئايدىن نەگە كەتتى ، نىمىشقا مېنى تاشلاپ كەتتى؟ دەپ ئويلىدى ئۇ دەپ كۈلدۈرگەن ئىدى. كىيىن بىر ئاق توشقان، بىر قار توشقان باققان ئىدىم ئاق توشقۇنۇم كېچىسى يېنىمدا يەنى مەيدەمگە بېشىنى قويۇپ ياتاتتى. كېيىن مەن توي قىلىدىغانغا بىر ئاي قالغاندا بىر كۇچۇك باقتىم. يەنى  ئادەتتىكى ئىشىت بىلەن ئەرمەك كۇچۇك ئىككىسىنىڭ ئوتتۇرسىدىكى بىر كۇچۇك ئىدى ئىسمىنى<< تومى!>> قويغان ئىدىم . مىنىڭ كەينىمدىلا يۇرەتتى، تور يوپكىللىرىمنى ئۇزۇن ھوشۇقۇمدا بولغاشقا چىشلەپ تۆشۈك قىلىپ قوياتتى، ئاپام :<< ئانچە مۇنچە ئۇرۇپ قوي، قارا يوپكاڭنى گاڭ چىشىنىڭ ئىزىنى چىقىرىپ قويۇپتۇ!>> دىسە مەن ۋاي! بوپتىلا ،ئۆيدە كىيىدىغان يوپكا بولغاندىكىن دەيتىم . بىر كۈنى ئۇنى يۇدۇم يۇيۇپ بولۇپ ئەدىيالغا يۆگىدىم ياز ۋاختى ئىدى. ئۇنى يۇسام ئۇ شۇنداق تىترەپ كەتتى، مەن بەك توڭلاپ كەتكەن ئوخشايدۇ دەپ ئۇنى ئەدىيالغا يۆگەپتىمەن، دادام: ئۇنى قويىۋەت ، ئۇ ئۆزىنى سىلكىپ قۇرۇتىدۇ دىدى، مەن ھە دەپ قويىۋەتكەن ئىدىم شۇ زامان ئۆزىنى سىلكىپ يۈگرەپ قۇرۇتتى. توۋا ئۇلارنىڭ قىلىقلىرى ئاجايىپ ئوماق ،ئادەمنى ئۆزىگە بەكلا ئامراق قىلىدۇ. كەچلەردە تالاغا چېقىپ قالساق ئۆزىچە ھويلىنى پىر پېقىرۋىتەتتى، بۇلۇڭ پۇشقاقلارغىچە بېرىپ ھاۋشىپ ئۆزىچە مەن قاراۋۇللۇق قىلىۋاتىمەن دەپ ئۆزىنى كۆرسىتىپ قوياتتى، توۋا ئاشۇنى ئويلىغىدەك كاللا باركەن ئۇلاردا. كىيىن مەن توي قىلىپ بولغاندىن كىيىن بىر كۈنى ھويلىمىزغا بىر مۈشۈك كىرۋاپتۇ، قېينى ئاپام ئۇنى قوغلاپ تاش ئېتىپ ئۇرۇپمۇ باقتى قەتئى كەتمىدى، ھەم مېنىڭ يىنىمغا كېلىپ بېشىنى پۇتۇمغا قويۇپ يۈزىنى ئايىغىمغا سۈرۈپ تۇرۋالدى، شۇ زامان ئىچىمدىن بىر خىل مېھىر تۆكۈلدى، ئۇنۇڭغا ئىچىم ئاغىردى ، شۇنۇڭ بىلەن كىمۇ بىرسى ئۇنۇڭ قوسىغىدا باركەن! دىدى مەن شۇ ھامان بۇ مۈشۈكنى بىقىش قارارىغا كەلدىم، كەچتە ھېچكىم يوق چاغدا بىر چىنىگە سۈت، گۆش بىرنەرسىلەرنى قويۇپ قوياتتىم ،ئۇ مۈشۈكمۇ بەك ئەقىللىقمۇ ياكى بىلەمدۇ، ئۆيىمىزگە كىرىۋالمىدى، نەدە ياتىدىغالىغىنى بىلمەيمەن، لېكىن قويۇپ قويغان نەرسىللىرىمنى يەپ بولاتتى. ئاللاھنىڭ ئورۇنلاشتۇرىشى شۇمۇ؟ بىر كۈنى قېينى ئاپام يۇرتىغا ماڭدى، شۇنداق كۈنلەرنىڭ بىرىدە بىر كۈنى مەن قېينى ئاپامنىڭ ئىچكەركى ئۆيىگە كىرسەم  كارۋىتىنىڭ ئاستى يەنى ئىچى تەرەپكە ھېلىقى مۈشۈك ئۈچ ئاسلان تۇغۇپ قويۇپتۇ، ۋاي خۇدا قانداق قىلىش كېرەك؟ مۈشۈكنى تاشلىۋەتسە يامان بولىدۇ، قانداق قىلاي قېينى ئاپام بولمىغاندىكىن بېقىپ كەلگىچە باشقىلارغا بېرىۋىتەي، ئاللاھ مېنى باقسۇن دىگەن ئوخشايدۇ دەپ ئۇنۇمۇ باقتىم  بىر كۈنى بىر ئايلىقتىن ئاشقان ۋاقىتمىكىن، ھېلىقى ئانا مۈشۈك ئۆزىنىڭ ئەڭ ئامراق ھەم چىرايلىق سېمىزرەك كەلگەن ئاسلىنىنى چىشلەپ دېرىزىدىن تالاغا تاشلىدى،  تىقىلىپ قاراپ تۇردۇم نىمىش قىلىدىغاندۇ؟ دەپ ئويلۇدۇم . قاراپ تۇرسام بالىسىنى  ئاپتاپ بار يەرگە چىشلەپ ئەكەلدى، ئۇ ئاسلانمۇ بەك شوخ ئىدى. شۇڭا  ئاپىسى بىلەن ئېلىشىپ تۇرۋالدى ، ئانا مۈشۈكنىڭ ئاچچىغى كەلدى بولغاي شۇ زامان بالىسى پالاق -پۇلۇق ئۇرۋەتتى، بالا مۈشۈك خاپا بولۇپ قالدىمۇ جىم بولۇپ قالغان ئىدى، ئانا مۈشۈك يەنە چىدىماي قالدىمۇ بالىسىنى ئەكىلىتىپ باغرىغا چىڭ بېسىۋالدى،خۇددى بىزدەكلا. شۇنۇڭدىن كېيىن بالا ئارسىلان  تېخىمۇ شوخلۇق قىلغىلى تۇردى، كېيىن ئۇ ئارسىلان مەن نىمىش قىلسام مېنىڭ كەينىمدىلا يۈرەتتى ، تاماق ئەتكەنلەردە  كەينىمگە كىرۋىلىپ ئالدىراشچىلىقتا ئۇنى بىر نەچچە قېتىم دەسىۋالدىم . يەنە شۇنداقتىمۇ كەينىمدىلا يۈرەتتى، مېنى جىلە قىلىپ قويسا ئۇنۇڭ تەستىكىگە ئۇرۇپ قوياتتىم . كېيىن ئۇلارنى قېينى ئاپام كەلگىچە باشقىلارغا بېرىۋەتتىم ،گەرچە ئۇلارغا چىدىمىساممۇ! بىر كۈنى كەچتە تاماق ئىتىۋاتسام بىر ئارسىلان كەينىمدىلا يۇردى، شۇنۇڭ بىلەن ئۇنۇڭغا گۆش بەردىم . تۇيۇقسىز مەن تاماق يەۋاتاتتىم ھېلىقى ئارسىلان قۇچۇقۇمغا چېقىپ تۇرۇپ كىتىپتۇ، يولدۇشۇم ھە ئىگىسىنى تاپتى بۇ مۈشۈك ! دەپ مىنى جىلە قىلغىلى تۇردى  . ۋاي خۇدايىم بۇنۇمۇ باقارمەنمۇ؟ دەپ ئويلۇدۇم.  ۋە بىر قاچىغا سۈت قۇيۇپ بەردىم ، ئۇنى پاك پاكىز ئىچىۋەتتى، بىچچارە مۈشۈك بەكلا ئورۇقلاپ كىتىپتىكەن، شۇنۇڭ بىلەن ئۇنى بىقىپ سەمىرىتتىم، لېكىن بىر كۈنى تويۇقسىز ئاغرىپ قالدى، شۇ زامان مال دوختۇرغا ئاپاردىم دورا بەردى ئىچكىزدىم لېكىن نىمىشقىكىن ساقايمىدى، ئاللاھ ياتقان يېرىنى جەننەتتىن قىلسۇن! كۆڭلۈم بەك يېرىم بولدى، مىنىڭ قولۇمدا جان ئۈزگەن ئىدى، ھازىر ئويلىساممۇ كۆزۈمگە ياش كىلىدۇ. سۈيۈملۈك مۇنبەرداشلار بۈگۈن ئازراق ۋاختىم چىقىپ قاپتىكەن سىلەر بىلەن ئەسرالاشتىم، قېنى سىلەرمۇ ھايۋانلارنى، قۇشلارنى بېقىشنى ياخشى كۆرەمسىلەر؟ ئەگەر شۇنداق بولسا قېنى مەرھەمەت! سىلەرمۇ سۆزلەڭلار مەن ئاڭلاي! مەنبە: مىنىڭ ئامراقلىرىم.

灰狼829

	مەن كەپتەر بېقىشنى بەك ياخشى كۆرمەن، لېكىن شارائىت يار بەرمەيدۇ

شاتئاي

	مەن قورقىمەن،لىكىن ئۆيۈمدە بىر كۈچۈك،كەپتەر ،توخۇ بار،قورسىقى ئېچىپ كەتسىمۇ مەن يىقىن بارمايمەن ، ،ئوغۇل ئۇكام كەچكىچە ئۆگزىگە چېقۋىلىپ كەپتەر ئۇچۇردۇ،ئەرمەك ھايۋانلارنى بىقىشمۇ بىر قىزقىش ئوخشايدۇ

ئەجەل

	بۆرە باققۇم بار............................

YAZR

	يىلپىزغا  يامان  ئامراق مەن ،  شۇنىڭدىن بىرەنى  بېقىپ  باقسام بولاتتى ......................

ئايچىن

	قارىغاندا ئىپارە خانقىز ئۆي ھايۋانلىرىنى بېقىشقا شۇنچە ئامراق ئىكەن ، بىلىۋىلىشقا بولىدىكىن ئىپارە سىزنىڭ ئەڭ تۇپ خارەكتىرىڭىز باغرىڭىز يۇمشاق ئىكەن  يەنە ئاسان يىغلايدىكەنسىز جۇمۇ

ap~qilam

	ئات بېقىشقا ئامراق مەن ، لېكىن شەھەر كوچىسىدا  ئات باققىلى قويمايدۇ ، لىكىنزە ئات مىنسە نىمانداق پەيزى ھە !

hokumran

	مەن ئەرمەك ھايۋان بېقىشقا بەكلا ئۆچ. پەقەت يىتىم بالىدىن ئىككىنى بېقىۋالسام،  شۇلارغا ھەقىقىي ئاتا مېھرىنى بېرىپ قاتارغا قوشالىسام دېگەنلا ئۈمۈدىم بار. ئاشۇ يىتىم بالىلارمۇ ئۆز پۇشتۇمدىن تامغان بالىلىرىمدەك مېھىر- مۇھەببەتتىن ئوخشاش بەھرىمەن بولالىسىلا باشقا ھېچقانداق ئىشتىن غەم تارتمىغان بولاتتىم.

natik

	دادامنىڭ شۇنداق بىر گىپى بولدىغان ھايۋانغا ئىچى ئاغرىمايدىغان ئادەمنىڭ قۇلدىن ھەر بالا كىلدۇ دەپ بۇگەپ منىڭچە ئىنتايىن توغرا گەپ.

natik

	hokumran يوللىغان ۋاقتى  2012-9-13 01:50 AM مەن ئەرمەك ھايۋان بېقىشقا بەكلا ئۆچ. پەقەت يىتىم بالىد ... قۇرۇق خام خىيال قىلماي بىقىۋلىڭ ئەمسە، يتىم بالا دىگەن منىڭچە كۆپ.