ئاجىرىشىش نىمانچە قورقۇنۇشلۇق

rahatmakan

	مىنىڭ بىر ئاغىنەم بار ئىدى ئۆزى خىلى كىلىشكەن  قولىدىن ئىش كىلىدىغان داۋاملىق ھۈنەر ۋە ھەرخىل سودا بىلەن شۇغۇللىندىغان يىقىندىن بىرى بۇ ئاغىنەم ئۆزىچىلا  شۈك بوپ قالدى جىمغۇرلا يۈرىيدۇ  شۇنىڭ بىلەن مەن  بۇ ئاغىنەم بىلەن ئەھۋاللىشىپ قالدىم .بۇ ئاغىنەم ئەسلى تۆت يىل بۇرۇن بىر قىزغا ئۆيلەنگەن بولۇپ توي قىلغان دەسلەپكى يىللاردا بۇقىز  ساختا قىياپەتكە  كىرىۋالغانمۇ قانداق بۇ ئاغىنەمگە ياخشى مۇئامىلدە بولۇپ  ئۆي ئىشلىرنى بەك جايىدا قىلىپ كىتەلمىسىمۇ ئۆزىگە يارىشا خىلى تىرىشچانلىق كۆرسىتىپتىكەن  بۇ ئاغىنەممۇ  ئۆي تۇتسام بولدىكەنغۇ دەپ قاراپ بۇ تۆت يىل جەريانىدا ئىككى بالىلىق بوپتۇ .بىراق يىقىندىن بۇيان ئاغىنەمنىڭ ئايالىنىڭ دوسلىرى كۆپىيىپ قاپتۇ شۇنداقلا  مودا قوغلىشىپ  بازارغا نىمە يىڭى  چىقسا شۇنى ئىپ بىرىسەن دەپ بىشەملىك قىلىدىغان ئاغىنەمنىڭ ئانىسى نەسىھەت قىلسا  ھەتتا ئانىسىغىمۇ قول ياندۇردىغان  بولىۋاپتۇ  شۇنىڭ  بىلەن ئاغىنەم ئاجىرشىپ كىتىشنى ئويلاپ بۇ گەپنى ئايالىغا دەپتۇ .بىراق ئاغىنەمنىڭ ئايالى، ئاجرىشىشقا قوشۇلدىغانلىقىنى لىكىن ئۆزىنىڭ بالىلارنى ئىپ قالالمايدىغانلىقىنى شۇنداقلا  يەنە نىكاھى داۋاملىشىۋاتقان  مەزگىلدە  ئاغىنەم سىتىۋالغان 1دانە 110 كۇۋادىرات بىنا ئۆي 2 دانە 40 كۇۋادىرات مىتىرلىق زىمىنلىق  دۇكاننىڭ ھەممىسىنىڭ يىرىمىدىن بۆلىشىدىغانلىقىنى ئىيتىپتۇ .شۇنىڭ بىلەن ئاغىنەمنىڭ مىڭىسى قىيىپ سوتقا  نىكادىن ئاجرىشىش توغرۇلۇق ئەرىز قىپتۇ .چۈنكى ئۆزى قان تەر بەدىلگە سىتىۋالغان ئايالى بىر موچەن قوشمىغان  مۈلۈكلەرنىڭ   يىرىمىنى ئايالىغا بۆلۈپ بىرىش كاللىسىدىن ئۆتمەپتۇ .سوت ئىچىلىپ بالىنىڭ بىرسى ئانىغا بىرسى دادىغا  مال مۈلۈكلەر بولسا  تەڭ  يىرىمدىن  بۇيرۇلۇپ  سوت ھۆكۈمى چىقىپتۇ .بۇ ئاغىنەمنىڭ  جىمغۇرلىشىپ شۈك  بولۇپ غەمكىن يۈرشىنىڭ سەۋەبى مۇشۇ ئىكەن .تورداشلار ئىيتىپ بىقىڭلارچۇ  سوت  توغرا ھۆكۈم چىقىرىپتىمۇ ؟  ئاجرىشىش  نىمانچە قورقۇنۇشلۇق

国民党

	ھازىرقى نىكاھ قانۇنى ئاشۇنداق. بۇنىڭغا ئامال يوق. ئاغىنىڭىز ئاجرىشىشتىن بۇرۇن، بانكىدىكى نەق پۇل بىلەن دۇكاننى يۇغۇشتۇرىۋىتىپ تۇرۇپ، سوت مەھكىمىسىگە ئەرىز قىلغان بولسا، بىشەم خوتون ئىسپات چىقىرالمايىتتى. بەكلا قورقۇنۇشلۇق بوپتۇ، ئەرنى ئوڭدا قويۇپتۇ.

uygur~Boy

	بىر ئۆمۈرلۈك ھەمراھنى ئوبدان تاللاش كىرەك،

سۈمەييە

	سوت توغرا ەأكۈم چىقىرىپتۇ , باشقىلاردىن ظاڭلىشىمچە قايسى يىللىقى يادىمدا يوق , ظەر-ظايال ظاجرىشىپ كەتسە ظأينى تەڭ بۆلىشىدىغان قانۇننى يولغا قويۇپتۇ دەۋاتاتتى . راسمۇ يالغان مەن بىلمەيدىكەنمەن , لىكىن شۇنداقراق ظاڭلاپتىم . جەمىيەت نىم بوپ كىتىپ بارىدىغاندۇ , بىچارە بالىلارنى يىتىم قىلغۇچە چىرايلىقچە ظۆيىنى تۇتسا نىم بولىدىغاندۇ ,  كىرەملىك ظاللادىن ظازغۇچى بەندىلەرنىڭ كۆڭلىگە ظىنساپ ھىدايەت تىلەيمەن ,

سۇمەييا

	ئاللا بارلىق ئاتا-ئانىلارنى بىر -بىرىگە مىھىر مۇھابەتلىك كۆيۇمچان ئىناق قىلسۇن.

.tuz.

	ئۆلۈپ كىتىپ يىتىم بولسا يۈرەك تىتىرىگەن بىلەن ، تىرىك يىتىمگە زىمىن تىترەيدۇ !!! ئاشۇ مەسئۇلىيەتسىز ئاتا- ئانا بولغۇچىغا لەنەتلەر بولسۇن !!! چۈنكى ئاشۇ تىرىك يىتىم بالا ، ئاتا بولغۇچىنىڭ كيىنكى جۈپتى ،ئانا بولغۇنچىنىڭ كىيىنكى جۇپتى سەۋەبلىك ھەر خىل قىسمەتلەرگە دۇچار بولۇپ قان - قان يىغلايدۇ !!!

sabaat

	ھىچ بولمىسا 4 يىل جەريانىدا ئاش تامىقىڭىزنى ئەتكەندۇ، كىر قاتلىرىڭىزنى يۇيغاندۇ، 4 يىل ئىچىدە ئالاھىدە ئىقتىسادى قىممەت يارتالمىغان بولسىمۇ لىكىن 2 پەرزەنتىڭىزنى تۇغۇپ باققاندۇ، بۇپتۇ قوسىقىڭىزنى كەڭرى تۇتۇڭ، خۇدايىم بىرەر. كونىلار ئېيتىپتىكەن چاۋاك بىر قولدىن چىقمايدۇ دەپ.

sargarda

	خۇتۇن   كىشىنىڭ   ھەر  قانداق  خاتالىقىنى    كەچۈرسە  بولىدۇ  .  مۇھەببەت  ، سىيلىق سۆز بىلەن ئۆزگەرىتكىلى  بولار  ! ئەمما  ، ئىككى   ئىشىنى  قەتئىي  كەچۈرۈشكە  بولمايدۇ  .  بىرى  ئەرگە  خىيانەت قىلىش يەنە  بىرى   ئانىغا  قول  تەككۈزۈش  ...    ئەجەب  تەڭشەلمىگەن  جاھان  ئىكەن . كونىلارنىڭ  :  <<  ئۇتى  بار  يەرنىڭ  سۈيى  يوق  ،  سۈيى  بار  يەرنىڭ  ئوتى يوق  >> دېگىنى   شۇ  بولسا  كېرەك  .   نى  ئىسىل  قىزلىرىمىز  نامەرد  گۇيلارنىڭ قولىدا  خارلىنىۋاتقان ،تاياق  يەۋاتقان ،ئائىلىدىكى  مۇھەببەت  ،  مىھىر  ـ  ۋاپا   ھۆرمەتنىڭ  نىمىلىكىنى  بىلمەي  <<سىنى  ياخشى كۆرىمەن  خۇتۇن >> دېگەن  بىر  ئېغىز  گەپنى  ئاڭلاپ  باقماي   ، ئەرلىرى  سىرىتتا  ئاشنا  ئويناپ ھاراق  بولۇشىغا  ئىچىپ   يوتقانغا  كىرسە ئېرىم ئوخشايدۇ دەپ   ئېچىلىپ   يۈرەلمەي  كۈنلىرى  ئۆتمەكتە  ... بەزى  غۇرۇرلۇق  ،  مەسئۇلىيەتچان  ،  كەڭ  قۇرساق  ،  ئىلمىي  يىگىتلىرىمىز  ، نەدىكى   بىشەم  ،  ھۇرۇن  ،كۈنلەمچى ، مەينەت ، قاشاڭ  خۇتۇنلار غا  ئۇچراپ كۈنلىرى  ئارامسىزلىق   ئىچىدە ،  ھېچ  بىر  نەتىجە  قازىنالماي   چۈشكۈنلىشىپ ئاچچىقىقىنى  ئاچچىق  ھاراقتىن چىقىرىپ  تۈگەشمەكتە  ... ئائىلە  قۇرۇشتىكى  مەقسەت  ـ  ھاياتىنى  تېخىمۇ مەنىلىك  ،  ئەھمىيەتكە   تولدۇرۇپ  خۇشال ياشاش  ئىدى .  ئەپسۇس  ...   تېمىغا  كەلسەم  :  ئەر  ـ  ئايالنىڭ  مۈلىكىدە  ئەلۋەتتە  ئايالنىڭمۇ  مەلۈم دەرىجىدە  ھەققىي  بولىدۇ  .  ئاجرىشىش  توغرا  كىلىپ  قالسا  ئايالغا ھېچقانداق ھەق بەرمەسلىك  ،  دىن  ۋە  ئادىمىيلىك  نۇقتىسىدىن  چاكنىلىقتۇر .  بەزى  ئەرلەر ھەتتا  ئايالىنىڭ  ئالتۇن  زىبۇ - زىننەتلىرىنىمۇ  تارتىۋالدىكەن . ئەمما  تەڭ  بۆلۈشىمىز  دېگەن ئادىللىق ئەمەس. چۈنكى  ئۇ  بايلىققا  ئەرنىڭ  ئەجرى كۆپ  سىڭگەن  بولىدۇ  .  قانۇندا  نىمىنى  دېمەيدۇ  ؟ ئامال بار  ئاجراشمىغان ياخشى ،  ئەمما  كىمنىڭ  ياخشى  خۇتۇن ، ياخشى ئەردىن ئاجراشقۇسى بار ؟    << قۇلى  سۇنۇقنىڭ دەردىنى ، قۇلى ساق كىشى بىلمەيدۇ >>   مەسىلەن :مەن  ئۆزۈمنىڭ  باي  بولالايدىغانلىقىنى  بىلگەچكە  كەلگۈسىدە بۇنداق ئىش  كاللامغا  كەلسە  قانداق  ھەل  قىلىشنىمۇ  ئويلاپ  قويدۇم . قانداق  قىلىمەن  ؟   مەن   يېقىن  دوسىتلىرىم  ۋە  ئۇرۇق  ـ تۇققانلىرىمدىن يالغان  قەرىز  ھۆججىتى  ئېلىۋالىمەن  ،   500  مىڭ  ، بىر  مىليۇن  ،  كۆپ بولسىمۇ  بولىدۇ  .  ئاجرىشىش  توغرا  كەلسە  :  بار  پۇلنى  خۇتۇنغا بەرسەم قەرىزنى   سەن  تۆلەمسەن؟  دەپ   سوتچى  بىلەن  دىيىشىمەن . يامىنى  كەلسە  ،  سوتچىمۇ  گېلى  تۈشۈك ئادەم  ،  ئازراق  پۇل بىلەن ئىشنى ئوڭشىغىلى  بولىدۇ .  ۋاپا   قىلمىغان  خۇتۇنغا  بەرگەن  پۇلغا  يەنە  بىر  خۇتۇن ئالساملا  بولىدۇ .

kaLGundi

	بوپتۇ ئاغىنىڭىز ئەركىشى بولغاندىكىن قوساقنى كەڭ تۇتسۇن. ئۇ دىگەن ئاشۇ مەزلۇمنىڭ ھەققى.

marziyya

	راست ئاجرىشىش راستىنلا قورقۇنۇچلۇق . مانا مەنمۇ ھازىر ئاجرىشىش قارارىنى چىقىرىپ ئولتۇرۇپتىمەن . ئىككى بالامنى ئويلىسام يۈرۈكۈم قان يىغلايدۇ . لىكىن ئامال قانچە . خورلۇقلارغا چىداش ئاسان ئەمەسكەن