ئابدۇقادىر جالالىدىن _ مەۋجۇتلۇق تەشنالىقى

tamkiny

	كورلىدىمۇ يانچۇقـتا پۇل يوق كىتاپخانىغا كىرىپ قېلىپ  ئەتىسى كىرسەم سېتىلىپ بوپتۇ . ئەمدى ئاللاھ خالىسا يېقىندا ئۈرۇمچىگە بارغاندا سېتىۋالاي دەيمەن .   ئۈرۇمچىدە سېتىلىپ بولمىسىلا ...

abaytarim

	« مەۋجۇتلۇق تەشنالىقى » نىڭ داۋامى :   #  نۇقۇل قاتتىق كۈچ ( ئىقتىسادىي كۈچ ۋە ھەربىي كۈچ ) كە ئىگە بولۇپ، يۇمشاق كۈچكە ئىگە بولمىغان مىللەتنىڭ ھاكىمىيىتى پەقەت زېمىندىلا بولىدۇ . لېكىن يۇمشاق كۈچكە ئىگە مىللەتنىڭ ھاكىمىيىتى كىشىلەر قەلبىدىن ئورۇن ئېلىش بىلەن بىرگە، قاتتىق كۈچنى ئۇزاق مۇددەتلىك ھاياتىي كۈچكە ئېرىشتۈرىدۇ . مانا بۇنى « كىتاب بىلەن شەھەر ئېلىش » دېسەك بولىدۇ .    # - سەن ماڭا گۈزەل، يۈكسەك پىكىرنى بەرگىن، ئۇ قەلبىم ۋە ئەقلىمگە سىڭىپ، قېنىم بىلەن قوشۇلۇپ ئەسىرلەرگە مىراس بولۇپ ئۆتىدۇ .  - ئەمىن رەيھانى .     ياخشىلىقنىڭ قەدرىنى بىل، ئەمما ياخشىلىق بىلەن سېنى سۇندۇرىدىغانلاردىن ھۇشيار بول .  - بىر ئاقساقالنىڭ ئاغزىدىن .     # باشقا بىر تىلدىكى بىر ئادەم قىينىلىپ سۆزلەۋاتقاندا تەكەببۇرلۇق ۋە ئىززەتسىزلىك بىلەن قۇلاق سالىدىغان بىر تۈركۈم تائىپە ئالدىمدىن تىزىلىپ ئۆتتى . مەدەنىيەت قۇبۇل قىلىشنى ياكى مەدەنىيەت ئۆگىتىشنى ھەقىقىي بىلىدىغان، ئۆزىمۇ تىل ئۆگېنىشنىڭ مۈشكۈلاتلىرىنى تېتىغان ئادەملەر يات بىر تىلدا سۆزلىگۈچىلەرنىڭ ئەپسىز ھالىتىگە ھېسداشلىق پوزىتسىيىسىنى بىلدۈرەلەيدۇ، كۆڭۈلدىن كۆڭۈلگە يول بېرەلەيدۇ . باشقىلارنى ئۆزگە مەدەنىيەتنىڭ ئىزتىراپلىرىدا كۆرۈپ ، ئۈستۈنلۈك تۇيغۇسىدا بولۇشىمۇ ياۋايىلىقتىن باشقا نەرسە ئەمەس .   # خاتىرەمدە مۇسابايىفلارنىڭ غۇلجىدىكى كۆن-خۇرۇم زاۋۇتىنىڭ چېقىلىشى جانلىنىپ تۇرۇۋالدى . يۈز يىل مابەينىدە ئۈزۈكسىز ئىشلەپ ، تاكى مۇشۇ ئەسىرگىچە تۆھپە قوشقان تۇنجى ئەۋلاد كارخانىنىڭ ئىزناسىنى ئەمدى تاپقىلى بولمايدۇ ، ئۇلارنى ئۆي-مۈلۈك سودىگەرلىرى يالمىۋەتتى ، ھەتتا زاۋۇتنىڭ مۇنارىنى بولسىمۇ خاتىرە قىلىپ قالدۇرۇپ قويۇشمىدى .     # تارىخ ئەسلىدىلا كىتابلار دۆۋىسى ئەمەس، بەلكى كونكرېت شەيئىلەرنىڭ نەق ئۆزىدۇر .  لوندونغا يەنە بىر - ئىككى يۈز يىلدىن كېيىن كەلسىڭىزمۇ مۇشۇ كوچىلارنى ئازماي تاپالايسىز، بىلەمسىز، بۇ كوچىلار بىر- ئىككى يۈز يىل ئىلگىرى ئاساسەن مۇشۇنداق ئىكەن .   - قارىغاندا، ئۈرۈمچى خاتىرىسىنى يوقىتىپ قويغان ئادەمگە ئوخشايدىكەن . ھەممە يەردە ئەينەكلىك ئېگىز بىنالار ، ھىممە يەردە ماگىزىن، ھەممە يەردە مېھمانخانا، بىراق ئاممىۋېي تەنتەربىيە سارايلىرى، باغچە، كۇتۇپخانىلار يوق ھېسابتا . تۆت تۈپ دەرەخ بار يەردە قاۋاقخانا پەيدا بولىدۇ ، خۇددى جىگەرگە چۈشكەن قۇرتتەك .   #  كۆزۈمگە ھىندىستانلىق ئىقتىسادشۇناس ئامارتيا سېن نىڭ « كىملىك ۋە زوراۋانلىق » ناملىق كىتابى چۈشۈپ قالدى . ئۇنىڭ نامراتلىق ھەققىدىكى ئەسەرلىرى مېنى ئۆزىگە بەك تارتقانىدى . ئىقتىسادنى ئەركىن جەمئىيەت ۋە ئاجىزلار بىلەن باغلاپ تەتقىق قىلغان بۇ ئادەمگە قايىل ئىدىم . ئۇنىڭ « كىملىك ۋە زوراۋانلىق » دېگەن كىتابىنى ئېچىشىمغىلا « تەشۋىقات ئارقىلىق كىشىلەرنىڭ ئۆز كىملىكى ھەققىدىكى قارىشىنى ئۆزگەرتىش دۇنيادىكى نۇرغۇن زوراۋانلىقنىڭ مەنبەسى . ئۇ ، دوستنى دۈشمەنگە ئايلاندۇرىدۇ » دېگەن قۇرلارنى كۆردۈم ۋە كىتابنى ئىككىلەنمەيلا سېتىۋالدىم .    # « مۇساپىر توڭغاق كېلىدۇ » دېگەن گەپ بېكار ئېيتىلمىغان بولسا كېرەك . مۇساپىر تېنىدىكى سوغۇق ئاۋۋال ئىچىدىن تارايدۇ ، ئاندىن تېشىدىن ئۆتىدۇ . يات مۇھىتتىكى ئالامەتلەر ناتونۇش يېزىققا ، مۇساپىر گويا بۇ يېزىقنى قانداق ئوقۇشنى بىلمىگەن ساۋاتسىزغا ئوخشايدۇ ، تەمتىرەش زۇلمەتلىرى مۇساپىرنى تەنھالىقنىڭ مۇزدەك گىرداپلىرىغا ئىتتىرىدۇ .     # بىر ئىمپىرىيە ئۆزىنىڭ بايلىققا بولغان ھىرىسمەنلىكىنى ئۆزىگە قارام ئەللەرنىڭ ماددىي بايلىقىنى ئىگىلەش بىلەنلا قاندۇرۇپ كېتەلمەي ، يەنە ئۇ باشقىلارنىڭ مەدەنىيەت بايلىقىغا خۇمار بولىدىكەن . موزىيلىرىنى باشقىلارنىڭ يۇرتلىرىدىن توشۇپ كەلگەن قېزىلمىلار بىلەن تولدۇرىدىكەن . بۇ ھەقتىكى چۈشەندۈرۈشلەر ئىمپىرىيىنىڭ باشقىلارغا ھۆكۈمرانلىق قىلىشنى مۇقەررەر ۋە ھەقلىق قىلىپ ئىسپاتلاش ئۈچۈن خىزمەت قىلىدىكەن . موزىيلاردىكى نەرسىلەرنى تەرتىپلەش ۋە ئىزاھلاشلارنىڭ ھەر بىر ھالقىسىدا ھۆكۈمرانلارنىڭ ئارزۇسى چىقىش قىلىنىدىكەن . ھازىرقى ھۆكۈمرانلاردا يوقىرقىلاردىن باشقا يەنە بىر ئىھتىياج بار . ئۇ بولسىمۇ مېڭىگە ھۆكۈمرانلىق قىلىش . ئۇلار مائارىپ ۋە تەشۋىقات ئارقىلىق باشقىلارنىڭ مېڭىسىدىكى ئەسلىي مەدەنىيەت خاتىرىلىرىنى يۇيۇپ تازىلاپ ، ئۆزىنىڭ مەدەنىيىتى ۋە قىممەت قارىشىنى كۆچۈرۈپ قويىدۇ . شۇنىڭ بىلەن ھۆكۈمرانلىق ماشىنىسىغا ماسلىشىدىغان كىلون ئادەملەر بارلىققا كېلىپ ، ئۆز توپىغا كۈشەندىلىك قىلىدۇ . ھۆكۈمرانلىقنىڭ ئەبەدىي بولۇشى ئۈچۈن ھەربىي ۋە ئىقتىسادىي كۈچكە تايىنىش كۇپايە قىلمايدۇ . شۇڭا ، ھۆكۈمرانلار باشقىلارنى ئىتائەتمەن قىلىش ئۈچۈن يۇمشاق كۈچكە مۇھتاج بولىدۇ ۋە يېڭى ئەپسانە تارىخنى توقۇپ چىقىرىشىدۇ . موزىي كۆپ ھالدا ئەنە شۇنداق ئەپسانىلەرنىڭ توقۇش ماشىنىسى بولۇپ قالىدۇ .  مېنىڭ ۋەتىنىم ئۆتكەنكى بىر ئەسىردىن باشلاپ ئۆزى قانسىراش بەدىلىگە باشقىلارغا مەدەنىيەت بايلىقى تەقدىم قىلىپ كەلدى . ئەجدادلىرىمدىن قالغان مىراسلانى ئەمدىلىكتە باشقىلاردىن تىلەپ كۆرۈشۈمگە توغرا كېلىدۇ .     ئەبەي تارىم .

sabira11

	ئابدۇقادىر جالالىدىن ئۇستاز بۇكىتاپقا نىسبەتەن كۆپ ئەجىر سىڭدۈردى، ئۇنى قەدىرلىشىمىز كىرەك.

abaytarim

	« مەۋجۇتلۇق تەشنالىقى » نىڭ داۋامى :  توغرا ئەنگىلىيە جەننەت ئەمەس ، سىز ۋەتىنىڭىزدىكىلەرگە ياۋرۇپانىڭ جەننەت ئەمەسلىكىنى ئۇقتۇرۇپ قويۇشىڭىز كېرەك .  -  جەننەتنى ئۆز ۋەتىنىدە قۇرۇپ چىقالمىغانلار باشقىلارنىڭ يۇرتىدىن تېخىمۇ تاپالمايدۇ ، - دېدىم مەن ئېدمۇندقا جاۋابەن . ئۇنىڭ ئۈستىگە بىرىنىڭ جەننىتى يەنە بىرى ئۈچۈنمۇ جەننەت بولۇشى ناتايىن . بىرى يەنە بىرى ئۈچۈن جەننەت قۇرۇپ بېرەلمەيدۇ .   - توغرا، ھەركىمنىڭ جەننىتى ئۆز ۋەتىنىدە ، - دېدى ئېدمۇند چاينى بىر ئوتلىۋېتىپ ، - لېكىن ، زادى قانداق يەر بىر ئادەمنىڭ ۋەتىنى بولالايدۇ ، دېگەن مەسىلىگە جاۋاب بېرىش ناھايىتى قىيىن .   - ۋەتەننى جەننەتكە ئوخشىتىش بىر تەقۋا كىشىنىڭ ئەقىدىسىگە مۇخالىپ . جەننەت تەقۋالىقنىڭ ئاخىرەتتىكى مۇكاپاتى . « ئادەم ۋەتىنىدىن ئايرىلغاندا پەيدا بولغان ئوي- پىكىرلەرنىڭ ئۆزى ھەقىقى ۋەتەن بولسا كېرەك » دەپ ئويلىدىم ئىچىمدە . « پىشقان بىر ئەقىدە ئاددىي بىر ئوي - پىكىردىن باشلىنىدۇ ، ھەممىدىن يامىنى ئويلانماسلىق . ئۆمۈر بويى مەھەللىسىدىن چىقمىغان بىر دېھقاننىڭ ئېڭىدىكى ۋەتەننىڭ مەنىسى قانچىلىكتۇ ؟» تۈرلۈك تارىخىي ھادىسە ئالدىمدىن بىر-بىرلەپ تىزىلىپ ئۆتتى . « ۋەتەن بىر بايراق»ېدىم شۇ ھامان . لېكىن ، شېھىتلەرنىڭ قېنى بولمىسا ، بايراق بىر پارچە لاتا . ۋەتەن شۇ بايراقنىڭ ئاستىدا ، ھېيت- بايراملارمۇ شۇ بايراقنىڭ ئاستىدا .   #  - ئەجدادلاردىن مىراس قالغان ئانا يەردىن ئايرىلسا بىر خەلقنىڭ تېگىشلىك ھۆرمەت تېپىشى قىيىن گەپ ، - دېدى ئېدمۇند . شۇڭا ئۇيغۇر ياشلىرى چەتئەللەردىكى داڭلىق بىلىم يۇرتلىرىدا ئوقۇپ ، ئالىدىغان بىلىملەرنى ئېلىپ بولغاندىن كېيىن قېرىنداشلىرىنىڭ ئەھۋالىنى ياخشىلاشنىڭ كويىدا بولۇشى ، ھە دېسىلا ئەۋزەل شەھەرلەردە سوقۇنۇپ يۈرۈپ كۈن ئۆتكۈزۈشنىڭ كويىغا چۈشمەسلىگى كېرەك .  ۋەتەن ئالدىدىكى قەرزىنى ئۇنتۇمىغانلار دۇنيانىڭ قەيەرىگە بارمىسۇن ۋەتەن بالىسى ھېسابلىنىدۇ .        ئەبەي تارىم .

لوپنۇرى

	ئابدۇقادىر مۇئەللىمنىڭ كىتاپلىرىنى ياقتۇرۇپ ئوقۇيمەن. ئۇنىڭ ئەسەرلىرى كىشىنى ھەقىقەتەن چوڭقۇر ئويغا سالالايدۇ.ئۇستازنىڭ تېنى سالامەت، ئىشلىرى ئوڭۇشلۇق بولسۇن!

لوپنۇرى

	ئابدۇقادىر مۇئەللىمنىڭ كىتاپلىرىنى ياقتۇرۇپ ئوقۇيمەن. ئۇنىڭ ئەسەرلىرى كىشىنى ھەقىقەتەن چوڭقۇر ئويغا سالالايدۇ.ئۇستازنىڭ تېنى سالامەت، ئىشلىرى ئوڭۇشلۇق بولسۇن!

hatem

	abaytarim يوللىغان ۋاقتى  2012-8-25 10:13 AM « مەۋجۇتلۇق تەشنالىقى » نىڭ داۋامى :   #  نۇقۇل قاتتىق كۈ ... فىرئەۋىن يەھۇدىلارنى قامچا ئاستىدا ئەمگەككە سېلىپلا قالماي،يەنە ئۆزىنى ‹خۇدا› دەپ ئاتىغان. فىرئەۋىننىڭ قول ئاستىدا سېھىرگەرلىرى بولۇپ مەخسۇس سېھرى-كارامەت كۆرسىتىش ئارقىلىق فىرئەۋىننىڭ ھەقىقەتەنمۇ تەڭداشسىز ئىلاھ ئىكەنلىكىنى ئىسپاتلايتتى. پۈتۈن يەھۇدىلارنىڭ چوقۇم ئىتائەت قىلىشى تەلەپ قىلىناتتى. جىسمانىي قۇللۇقتىن مەنىۋى قۇللۇق يامان.

kaynam999

	ۋاي بۇ بەكلا ياىشى خەۋەركەن  مەنمۇ ئەمدى بىلۋاتىمەن دىسە رەىمەت

genius220

	قەشقەردە بىر كۈن ئىزدەپمۇ تاپالمىدىم دىسە،بارمىغان كىتاپخانا قالمىدى،نەگە باسام تۈگەپ كەتتى دەيدۇ ،ئاخىرى بولماي قايلىسام يالقۇن روزىنىڭ ‹لاي قەلئەنىڭ سىرى›ناملىق يىڭى كىتابى تۇرۇپتۇ بۇ كىتابمۇ بولىدىغان ياخشى كىتاپ ئىكەن،سىتىۋىلىپ ئوقۇپ بىقىشىڭلارنى تەۋسىيە قىلىمەن!

ap~qilam

	ئاڭلىمىغان،  ئۇقۇمىغان  كىتاپلاركەن بۇ