سۇرىيە ئارمىيىسى ئۇرۇش ئوتىدىن قاچقان 3 ياشلىق بالىنى ئېتىپ تاشلىدى
سۇمرۇغ تېلېۋىزىيىسىنىڭ 28-ئىيۇل خەۋىرى: سۇرىيەنىڭ ۋەزىيىتى داۋاملىق يامانلىشىۋاتقان بولۇپ، قورشىۋېلىنغىلى خېلى كۈنلەر بولغان ھەلىب شەھىرىنى ھۆكۈمەت ئارمىيىسى جۈمە كۈنى يەنە بومباردىمان قىلغان، ب د ت نىڭ دېيىشىچە، ھەلب شەھىرىدىكى ھەل قىلغۇچ ئۇرۇش قىل ئۈستىدە قالغان. خەلقئارا قىزىل كىرسىت كومىتېتى بىخەتەرلىكنى ئويلىشىپ، سۇرىيەدىكى بىر قىسىم خىزمەتچى خادىملارنى ۋاقتىنچە لىۋانغا چېكىندۈرۈشنى قارار قىلغان، ئەمما يادرولۇق 50 خادىمى داۋاملىق تۇرۇپ قالىدىكەن.
ئۇرۇش ئەڭ كەسكىن بولۇۋاتقان ھەلىب شەھىرىدە، 27-ئىيۇل جۈمە كۈنى ھۆكۈمەتكە قارشى نۇرغۇن نامايىشچىلار كوچىلاردا ئېتراز بىلدۈرگەن، گەرچە سۇرىيە ھۆكۈمەت ئارمىيىسى ھەلىب شەھىرىگە ئومۇميۈزلۈك ھۇجۇم قىلىشقا تەييارلانماقتا دېيىلگەن بولسىمۇ، ئەمما ھەلىبنىڭ كۆپلىگەن جايلىرىدا ئامما نامايىش قىلغان.
ھەلىب شەھىرىگە يېقىن مارات بازىرىدە قاتتىق پارتلاش ئاۋازى كەلگەن، كۆتۈرۈلگەن چاڭ-توزان پۈتكۈل كوچىلارنى قاپلىغان.
ب د ت ئىنسانىي ھوقۇق ئىشخانىسى ھۆكۈمەت ئارمىيىسى بىلەن ھۆكۈمەتكە قارشى قوزغىلاڭچىلارنىڭ ھەلىب شەھىرىدە پات ئارىدا ھەل قىلغۇچ ئۇرۇش قىلىدىغانلىقىغا ئىشىنىدىغانلىقىنى بىلدۈرگەن.
ئۆكتىچىلەرنىڭ دېيىشىچە، ھۆكۈمەت ئارمىيىسى شەھەر ئەتراپىدا بولۇپ، چوڭ كالبېرلىق مىنامىيوت بىلەن ھەلىبنىڭ غەربىي قىسىمىغا ھۇجۇم قىلغان. شەرقىي قىسىمىدا، روسىيەدە ياسالغان Mi-25 قوراللىق تىك ئۇچار ئايروپىلانىنىڭ شىددەتلىك ھۇجۇم قىلىپ، خەلقئارانىڭ يەرلىككە ماددىي ئەشيا ياردىمى بېرىشنى توسماقچى بولغان.
ئۈچ ياشلىق بالا بىلەن ئانىسى ئىئوردانىيەگە بېرىپ پاناھلانماقچى بولغاندا، سۇرىيە ھۆكۈمەت ئارمىيىسىنىڭ ئەسكەرلىرى ئېتىپ تاشلىغان، ئۈچ ياشلىق بالىنىڭ بوينىغا ئوق تېگىپ نەق مەيداندا ھاياتىدىن ئايرىلغان، 27-ئىيۇل جۈمە كۈنى نامىزى چۈشۈرۈلگەن، بالىنىڭ ئانىسى دېيىشىچە، ئەينى چاغدا ھۆكۈمەت ئارمىيىسىنىڭ ئەسكەرلىرى بىۋاستە ئۇلارغا قارىتىپ ئوق چىقارغان، گەرچە ئىئوردانىيە ئەسكەرلىرى ياردەم قولىنى سۇنۇپ، ئۇلارنى چېگىرىدىن كىرگۈزۈپ داۋالىماقچى بولغان بولسۇمۇ، ئەمما ئوغلى قېچىپ قۇتۇلالمىغان.
ئۇرۇش بارغانسېرى كەسكىنلەشكەن بولغاچقا، ھەلىب شەھىرىدە ئاشلىق قىسلىقى كۆرۈلگەن، ئىشچىلارنىڭ بىلدۈرۈشىچە، ئۇرۇشنىڭ تەسىرى بىلەن ئۇن ۋە يېقىلغۇ ماي قىس بولۇش يېقىندا دائىم كۆرۈلۈپ تۇرغان.
فرانسىيە پارىژدا، بىر تۈركۈم بەشار ئاسادقا قارشى نامايىشچىلار ئېفىل تۆمۈر مۇنارىدا قانغا بويالغان سۇرىيە بايرىقىنى چىقىرىپ، خەلقئارا جەمئىيەتنىڭ ھەرىكەت قوللىنىپ، سۇرىيە خەلقىگە ياردەم بېرىشىنى دەۋەت قىلغان. ئۇلار يەنە پلاكاتلارنى يۇقىرى كۆتۈرۈپ، بەشار ئاسادنىڭ ئىسلاھاتقا ۋەدە بەرگەن بولسىمۇ، 21 ئادەمنى ئۆلتۈرۈپ تاشلىغانلىقىنى، 56 مىڭ ئادەم يوقاپ كەتكەنلىكنى، 2 مىليون ئادەمنى ئۆي-ماكانسىز قويغانلىقىنى ئەيىبلىگەن.
(نەپرەت)
http://news.okyan.com/View.aspx?ID=5578
يوللىغان ۋاقتى 2012-7-27 03:26:27 PM
.gif)
.gif)
.gif)
