ئەردوغان: خەلقىنى قان قۇستۇرىدىغان ھاكىمىيەت گۇمران بولىدۇ.

altun

	ئەردوغان: خەلقىنى قان قۇستۇرىدىغان ھاكىمىيەت ھامان بىر كۈنى گۇمران بولىدۇ تۈركىيە ئاۋازى رادىيوسى خەۋىرى: دۆلىتىمىز باش مىنىستىرى رەجەپ تاييىپ ئەردوغان، سۈرىيەدە ھازىرغىچە 20 مىڭدىن ئارتۇق كىشىنىڭ سۈرىيە ئارمىيەسى تەرىپىدىن قەتلە قىلىنغانلىقىنى ئەسكەرتىپ، «سۈرىيەدە خەلقىنى قان قۇستۇرىدىغان بۇ ھاكىمىيەت ھامان بىر كۈنى چوقۇم گۇمران بولىدۇ» دېدى. باش مىنىستىر ئەردوغان، ئادالەت ۋە تەرەققىيات پارتىيەسى تەرىپىدىن بېرىلگەن ئىپتار زىياپىتىدە چەت ئەل باش ئەلچىلىرىگە خىتاب قىلدى. باش مىنىستىر ئەردوغان، بىرلەشكەن دۆلەتلەر تەشكىلاتى خەۋپسىزلىك كېڭىشىنىڭ سۈرىيە مەسىلىسىدە دەرھال ھەرىكەتكە ئۆتۈشى لازىملىقىنى تەكىتلىدى. 6 - ئىيۇل كۈنى پارىژدا ئۆتكۈزۈلگەن «سۈرىيە خەلقىنىڭ دوستلىرى» يىغىنىدا خەلقئارا جەمئىيەتنىڭ بىرلەشكەن دۆلەتلەر تەشكىلاتى خەۋپسىزلىك كېڭىشىگە بولغان تەلىپىنى ناھايىتى روشەن ھالدا ئوتتۇرىغا قويغانلىقىنى ئەسكەرتكەن ئەردوغان، سۈرىيەگە قارىتا ئېمبارگو يۈرگۈزۈش نىشان قىلىنغان بىر قانۇن تەكلىپىنىڭ 19 - ئىيۇل كۈنى بىرلەشكەن دۆلەتلەر تەشكىلاتى خەۋپسىزلىك كېڭىشىدە ئۈچىنچى قېتىم ۋېتو قىلىنىشىنى چۈشىنىشنىڭ تولىمۇ قىيىن ئىكەنلىكىنى ئېيتتى. سۈرىيەدە قولىدىن قان تېمىپ تۇرىدىغان ھاكىمىيەتنىڭ ھامان بىر كۈنى يىمىرىلىدىغانلىقىنى تەكىتلىگەن ئەردوغان، يېقىندىن بۇيان يۈز بېرىۋاتقان ۋەھشىيانە قەتلىئاملارنىڭ سۈرىيە ھاكىمىيىتىنىڭ گۇمران بولۇش ئالدىدا تۇرۇۋاتقانلىقىنىڭ ئىشارىتى ئىكەنلىكىنى قەيت قىلدى. باش مىنىستىر ئەردوغان، سۈرىيە خەلقىنىڭ يېقىندا زەپەر قۇچىدىغانلىقىغا ئىشىنىدىغانلىقلىرىنى، بىراق سۈرىيە خەلقى زەپىرىنى پۈتكۈل جاھانغا جاكارلىغاندا، ھازىرغىچە سۈرىيە خەلقىنىڭ قېنىنىڭ بىھۇدە تۆكۈلۈشىگە ياردەم بەرگەنلەرنىڭ پېشانىسىگە قارا تامغا بېسىلىدىغانلىقىنى، بۇ تامغىنىڭ مەڭگۈ ئۆچمەيدىغانلىقىنى ئەسكەرتتى. ئەردوغان سۆزىنىڭ ئاخىرىدا، «مەزلۇملارنىڭ سېپىدىن ئەمەس زالىملارنىڭ، ئاجىزلارنىڭ سېپىدىن ئەمەس كۈچلۈكلەرنىڭ سېپىدىن ئورۇن ئالغانلار، تارىخ ئالدىدا سوتلىنىدۇ، شۇنداقلا ۋىجدانىنى يوقاتقان بولىدۇ» دېدى. مەنبە؛-تۈركىيە ئاۋازى رادىيوسى تورى

subhinur

	ماڭا شۇنچە سۈيۈملۈك كۆرۈنىدۇ مۇشۇ زات. مۇسۇلمانلار ئۈچۈن باسقان قەدىمىڭىز گۈللەرگە تولسۇن،ئاللاھ سىزنى ئۆز پاناھىدا ساقلىسۇن.

azizgul

	اللە ئەردوغاننىڭ قەدەملىرىنى ھەقتە سابىت قىلسۇن !

azizgul

	سۈرىيەدە بۇلتۇر قەدىر كىچىسى ھۈكۈمەت ئارمىيىسى  مەسجىتتىكى مۇسۇلمانلارنى قەتلىئام قىلغانلىقى ھەققىدە خەۋەرلەر تارقالغان  ، بۇ قانخورلارغا اللەنىڭ جازاسى  بەرھەق !

aptap104

	قەيسەر مەيدانى ، مەغرۇر قىياپتى ھىچقانداق باشلىققا ئوخشىمايدۇ بۇ ئادەمنىڭ ...  ياخشى ئادەمنىڭ نامى ياخشى بولىدۇ .

kaLGundi

	ئۇلۇغ كېرەملىك ئاللاھ بۇ زاتنىڭ ئىشلىرىنى ئوڭۇشلۇق يۇللىرىنى ئۇچۇق قىلسۇن

sazguri

	ئۈچىنچى قېتىم ۋېتو قىلىنىشىنى    ماۋۇگەپنىڭ مەنىسى نىمە مەن چۈشىنەلمىدىم  ياردەم قىلىڭلار

altun

	sazguri يوللىغان ۋاقتى  2012-7-25 06:32 PM ئۈچىنچى قېتىم ۋېتو قىلىنىشىنى    ماۋۇگەپنىڭ مەنىسى نىم ... جۇڭگو ئاخبارات تورى 19-ئىيۇل تېلېگراممىسى: ب د ت خەۋپسىزلىك كېڭىشىدە 19-ئىيۇل غەرب دۆلەتلىرى ئوتتۇرىغا قويغان سۈرىيە مەسىلىسىگە ئائىت قارار لايىھەسى ئاۋازغا قويۇلغاندا جۇڭگو بىلەن روسىيە قارشى ئاۋاز بەرگەنلىكتىن، قارار ماقۇللانمىغان. بۇ خەۋپسىزلىك كېڭىشىدە سۈرىيە مەسىلىسىگە ئائىت قارار لايىھەسىنىڭ 3-قېتىم ماقۇللانمىغانلىقى بولۇپ ھېسابلىنىدۇ. ئاۋاز بەرگەندە، خەۋپسىزلىك كېڭىشىدىكى 15 دۆلەت ئىچىدە، ئەنگىلىيە، ئامېرىكا، فرانسىيە قاتارلىق 11 دۆلەت قوللاپ ئاۋاز بەرگەن، جۇڭگو، روسىيە قارشى ئاۋاز بەرگەن. پاكىستان، جەنۇبىي ئافرىقا ھوقۇقىدىن ۋاز كەچكەن. روسىيەنىڭ ب د ت دا تۇرۇشلۇق ۋەكىلىنىڭ ئېيتىشىچە، بۇ قارار لايىھەسى بىر تەرەپلىمە بولۇپ قالغان، ب د ت خارتىيىسىنىڭ 7-بابىدا بەلگىلەنگەن بويىچە سۈرىيەگە ھەربىي ھەرىكەت قوللىنىشقا يول ئاچىدىغان بۇنداق لايىھەگە روسىيە قوشۇلمايدىكەن. بۇ قارار لايىھەسىنى ئەنگىلىيە ئوتتۇرىغا قويغان بولۇپ، قارار ماقۇللانغان كۈندىن باشلاپ 10 كۈن ئىچىدە سۈرىيە ئېغىر تىپلىق قۇراللارنى ئىشلىتىشنى توختىتىشى، شەھەرلەردىن ئەسكەر چېكىندۈرىشى شەرت ئىكەن، خىلاپلىق قىلسا جازاغا ئۇچرايدىكەن. ۋېتو دىگەن مۇشۇنداق ئىنكار قىلىشنى كۆرسىتىدۇ.

ئەجەل

	يەنە ئىككى ئېغىز ۋار-ۋار قىلساڭلار بىر ئوبدان ياخشى تېمىلار سىلەردەك ۋارى تاڭتاڭلارنىڭ كاساپىتىدىن تاقىلىپ قالىدۇ!

bugaltir

	ئەردوغان  دۇنيا  سىياسى  سەھنىدىكى  مەشھۇر شەخىسلەرنىڭ بىرى   .