كىم ئۇيغۇرنىڭ بېل گايتىسى بۇلالايدۇ؟

Dakyanos

	كىم ئۇيغۇرنىڭ بېل گايتىسى بۇلالايدۇ؟       بېل گايتىسنىڭ كىم ئىكەنكىنى نۇرغۇنلىرىمىز بىلىمىز، چۈنكى ئۇ دۇنيادىكى ئەڭ چوڭ باي شۇنداقلا ساخاۋەتچى. ئۇنىڭ ئالىي مەكتەپنى تۇلۇق پۈتتۈرمەيلا چىقىپ ئۆزئالدىغا ئېگىلىك تىكلەش مۇساپىسىگە ئاتلىنىپ كەتكەنىلىك ھېكايىسىمۇ داڭلىق. بۇنىڭدىن باشقا مۇشۇ كومپىيوتىرنىڭ ئالدىغا كەلگەن ھەربىرىمىز ئۇنىڭ مەھسۇلاتىنى ئىشىلىتىۋاتىمىز. ئۇنىڭ ئۈچۈن پۇل تىپىپ بېرىۋاتىمىز.ئەلۋەتتە ئالما كۇمپىيوتىرىنى ئىشلىتىدىغانلار بۇنىڭ سىرتىدا دەپ ئېيتىشقا بۇلىدۇ. ئەمما ئۇلارنىڭ سانى چەكلىكلا دىيىشكە بۇلىدۇ.       يېقىندا بىر خەۋەردە كەلگۈسىدە بېل گايتىسنىڭ ئىزىنى بېسىپ قېلىشى مۇمكىن دەپ قارالغان مۇشۇ ساھەدىكى ياش كارخانىچىلارنىڭ تىزىملىكىنى كۆرۇپ قالدىم، بۇنىڭ ئىچىدە بىر قانچە جۇڭگولۇقمۇ بار ئىكەن. بۇ جۇڭگۇلۇقلارنىڭ ئەڭ ئالدىدا تۇرغىنى دەل مۇشۇ تېڭشۈن شىركىتىنىڭ باش لېدىرى ماخۇاتىڭ. دوسىتلارنىڭ بەزىلىرى ئۇنىڭ ئىسمىنى بىلمىسىمۇ ، QQ نى بىلمەيدىغانلار يوق بولسا كېرەك. ئۇنىڭ بايلىقى بۇ قاتاردىكلەرنىڭ ئىچىدە ھەممىدىن زور، يەنە كىلىپ خېرىدارلىرىمۇ  ئەڭ كۆپ كۆپ. ئۇنى توردا بىر ئېمپىرىيە قۇردى دىيىشكە بۇلىدۇ.      ماخۇاتىڭ 1971-يىلى گۇاڭدۇڭدا تۇغۇلغان. 1984-يىلى شىنجېنغا كۆچۈپ كەلگەن بۇ جاي جۇڭگودا ئەڭ دەسلەپ تورخانا ئىچىلغان جاي، ئۇ 1993-يىلى شىنجېن ئۇنۋېرىستىتى كومپىيۇتىر كەسپىنى پۇتتۇرگەن. 1998-يىلىغا كەلگەندە تىڭشۇن( 腾讯) نى قۇرغان. نۇرغۇن كارخانىچىلارغا ئوخشاش ئۇنىڭ ئىشلىرىمۇ دەسلەپ تازا ئاقمىغان. ماخۇاتىڭ ھەتتا شىركەتنى ساتماقچى بولغاندا باھاسىغا ئالىدىغان ئادەم چىقمىغان. لىكىن 2004-يىلىدىن باشلاپ شىركەت ئابۇنىتلىرى تۈز سىزىق بۇيىچە ئۆرلىگەن. بۈگۈنكى كۇندە ئۇ جۇڭگو تور ساھەسىدە گىگانىت شەخىسكە ئايلاندى ئۇنىڭغا ھەۋەس قىلىدىغانلارمۇ، ئۇنىڭغا ھەسەت قىلدىغانلارمۇ ئىنتايىن كۆپ.            دۇنياۋىي نۇقتىدىن قارىغاندا ماخۇاتىڭنى بىل گەيتىسقا سىلشتۇرۇش سەل بالدۇرلۇق قىلىدۇ. ئەمما جۇڭگودا ئۇنىڭ ئورنى خىلى مۇستەھكەم دەپ ئېيتىشقا بۇلىدۇ. بىل گەيىتىسنىڭ غەلبىسىنىڭ كەينىدە ئېنگىلىز تىلىنىڭ دۇنياۋىي ھۆكۇمرانلىقى بولسا، بەلكىم ماخۇاتىڭنىڭ غەلبىسىدەغايەت زور نۇپۇس مۇھىم رول ئوينىشى مۇمكىن. ئىلگىرى نۇپۇسنىڭ تەرەققىياتقا نىسپەتەن سەلبىي رول ئوينايدىغانلىقى كۆپرەك تەكىتلەنگەن ئىدى. زور نوپۇسنىڭ يەنە چوڭ بازار ئىكەنلكى ئىسپاتلانماقتا. ياپۇنىيەنىڭ ئامىرىكا ، ياۋرۇپا بىلەن تەڭ پۇت تىرەپ تۇرۇشى، جۇڭگو ۋە ھىندىستاننىڭ بارغانسىرى تىز بۇلۇۋاتقان تەرەققىياتى كىشلەرگە نوپۇسنىڭ يەنە بىر تەرىپىنى كۆرسىتىپ بەرمەكتە. ماخۇاتىڭنىڭ غەلبىسىدىن كىيىن ئۇنىڭغا ئاتاپ نۇرغۇن كىتاپلار يىزىلدى. ئۇنىڭغا مەدھىيلەر ئۇقۇلماقتا،  ئەمدى بولسا ئۇنى جۇڭگونىڭ بىل گەيتىسى بۇلۇپ قالىدۇ دىيىلمەكتە.      ئەمدى مەسلىنىڭ ئۆزىگە كەلسەك زادى كىم ئۇيغۇرنىڭ بېل گايتىسى بۇلالايدۇ؟ ھەممىمىزگە مەلۇمكى ئۇيغۇر تىلنىڭ دۇنيادىكى ئورنىنى ئىنگىلىز تىلى بىلەن سېلشتۇرۇپ بولغىلى بولمايدۇ. بېل گايتىس دەۋرىدىكدەك تېخنىكا ۋە پۇرسەت ئەۋزەللىكىدىن ئەسلا سۆز ئېچىش مۇمكىن ئەمەس، ماخۇاتىڭنىڭكىدەك غايەت زور نۇپۇس ئەۋزەللىكى بۇلۇش دىگەننى بولسا ئويلاپ قويمايمىز ئەلۋەتتە. ئەمما كومىيوتىر تېخنىكىسى دۆلىتىمىزگە باشلىغان دەسلەپكى ۋاقىتلاردىن باشلاپلا بىر قىسىم ئىجتىھاتلىق كىشلىرىمىز بۇ ساھەدە ئىزدەندى ۋە بىر قىسىم نەتىجىلەرنى قولغا كەلتۇردى. شۇنداقلا 10مىليوندەك كىلىدىغان خەلقىمىزنىڭ ئۆز يېزىقىدا نورمال تور پائالىيەتلىرى بىلەن شۇغۇللىنىشىغا شارائىت ياراتتى. يەنە كىلىپ نۇرغۇن يىڭى -يىڭى نەتىجىلەرنى قولغا كەلتۇرمەكتە.       ئۇيغۇرلارنىڭ بۇ ساھەدە بەلگىلىك نەتىجە قازانغان كىشلىرى ئاز ئەمەس، مېنىڭچە بۇنىڭ ئىچىدە ئىش-ئىزلىرى ئەڭ گەۋدىلىك بولغانلىرى ئۇيغۇر سوفىتنى قۇرغۇچى ئالىم ئەھەت، ئاكادىمىك ھۇشۇر ئىسلام، ۋە يا كومىيۇتىر مۇتەخەسسى دىلشات ھىۋزۇللا. پەخىردىن قارلۇق يىتەكچىلىكىدىكى قارلۇق شىركتىنىڭ پۇختا قەدەم بىلەن ئىلگىرلىشىمۇ ئۇنىڭدا ئۈمىدنىڭ زورلىقىدىن دېرەك بېرىدۇ.      ئالىم ئەھەت ئۇيغۇر سوفىت شىركىتىنى 1998-يىلى قۇرغان بۇلۇپ تېڭشۈن بىلەن بىر يىلدا قۇرۇلغان دىيىشكە بۇلىدۇ. ئەمما بۈگۈنكى كۈندە بۇ ئىككى شىركەتنىڭ كۆلىمى ۋە تەسىرىنى سېلشتۇرۇپ بولغىلى بولمايدۇ. ئەمما ئالىم ئەھەت ۋە ئۇيغۇر سوفىتنىڭ ئۇيغۇرلارنىڭ مەزكور ساھەسىدىكى تەسىرىنى سەل چاغلاشقا بولمايدۇ. شىنجاڭ ئۇنۋېرستىتىنىڭ ئۇقۇتقۇچىسى بولغان، كومپيوتىر مۇتەخەسسى دەپ نام ئالغان ئاكادىمىك، ھۇشۇر ئىسلام ئۇيغۇر قاتارلىق بىر قانچە مىللەتنىڭ يىزىقىنى كومپىيوتىرغا تۇنۇتۇش جەھەتتە ئىنتايىن ئەھمىيەتلىك ئەمگەك بىلەن شۇغۇللىنىپ،زور تۆھپە قۇشتى. ئەمما ئۇنىڭ بازارغا يۈزلەنگەنلىكى ھەققىدە ھىچبىر ئۇچۇر يوق. ئۇنىڭ تەتقىقان تىپىدىكى پائالىيەتلىرىنىڭ تەسىرى ھەقىقەتەن زور.ھازىر ئەنگىلىيەدە خىزمەت قىلىۋاتقان دىلشات ھېۋزۇللا ياش كومپىيۇتىر مۇتەخەسسى دەپ تەرىپلىنىپ كەلمەكتە. قارلۇق شىركىتىنى زىيارەت قىلىپ باققانلار ۋە ئۇنى ئاز-تۇلا چۈشىندىغانلارغا ئايانكى قارلۇقنىڭ پۇختا قەدىمى ئۇنى خېلى يۇقىرى پەللىگە باشلىشى مۇمكىن.     يۇقىرىقىلەرنى تىلغا ئىلىپ ئۈتۈشۈم ھەرگىز مانا بۇلار ئۇيغۇرنىڭ بېل گايتىسى بۇلالايدۇ دىگىنىم ئەمەس. ئەلۋەتتە بۈگۈنكى كۈندە بۇ ساھەدە جاھاندارچىلىق قىلىپ يۈرگەن ھەربىر ياشنىڭ تۇغرا بولغان تەرەققىيات نىشانى ۋە پىلانى ۋە تۈرى بولسا بەلكىم كۈنلەرنىڭ بىرىدە ئېلىكتىرون ساھەسىگە تايىنىپ ئۇيغۇردىكى ھەتتا شىنجاڭدىكى ئەڭ چوڭ بايدىن بۇلۇپ قىلىشىدا ئۈمىد بار. مەنبە: ئۆزۈم

abdulla9543

	ھوشۇر ئىسلام ئاكىمىزنىڭ تىنىنىڭ سالامەت ،بۇنىڭدىن كىيىنكى ئىشلىرىنىڭ تىخىمۇ ئۇتۇقلۇق بولۇشىنى تىلەيمەن،

مارشال

	مەن ئالىم ئەھەتنى ئەينى ۋاقىتتىكى چىنگىزخان ئېمپىرىيىسىدە دۆلەت ئۇستازى بولغان تاتاتوڭاغا ئوخشىتىمەن.ئۇ 21-ئەسىردىكى ئۇيغۇر تاتاتوڭاسى بولۇشقا مۇناسىپتۇر.گەرچە،ئۇ دۆلەت رەھبەرلىرىگە ئۇستاز بولمىسىمۇ،قېرىنداشلار مىللەتلەرنىڭ ئۆز يېزىقىدا كومپىيۇتۇر مەشغۇلاتى قىلىشقا زور تۆھپىلەرنى قوشتى. يېقىندا،پويىزدا بىر قازاق بىلەن تۇنۇشۇپ قالدىم،ئۇنىڭ قولىدا قازاقلارنىڭ مەشھۇر شائىرى ئاباي قۇنانباينىڭ ئەسىرى بار ئىدى،ئۇ 100يىل ئىچىدە قازاقلار ئارىسىدىن ئاباي قۇنانبايدەك ئادەملەر چىقمىقى تەس جۇمۇ دەيدۇ،مۇختار شاخانوف بارغۇ دەپ سوئال قويسام،ئۇ قازاقىستاندا،ئۇيغۇر ئاپتۇنۇم رايۇنىمىزدا دېمەكچى دەيدۇ. ئۇنىڭدىن ھازىرقى زامان ئۇيغۇر زىيالىيلاردىن تۇنۇيدىغان ئادەملىرىڭ بارمۇ دەپ سورىدىم مەن،ئۇ ماڭا جاۋاب بەردى: -ئەسەت سۇلايماننى تۇنۇيمەن،ئۇنىڭ ئەسەرلىرىدە قېرىنداش مىللەتلەرنى كەمسىتىش ئىللەتلىرى يوق،ئەسەرلىرى بەك ياخشى،مىللىتىڭلار ئىچىدە ئابدۇقادىر جالالىدىن دەپ بىر پەيلاسوپۇڭلار بار،ئۇ كىشىنىڭ ئەسەرلىرىنى ياقتۇرۇپ ئۇقۇيمەن،قىرغىزلار چىڭغىز ئايتماتۇفنى چوڭ بىلگەندەك،سىلەرمۇ ئۇ كىشىنى بەك ھۆرمەتلەيدىكەنسىلەر،ئۇ كىشىنىڭ پايپىقىنى ،پۇتىنى يۇيۇپ قىلساڭلىمۇ ئەرزىيدىغان ئادىمىڭلار ئىكەن.يەنە بىر كىشى ئالىم ئەھەت،بىز قازاق مىللىتىنىڭ تور دۇنياسىدىن ئۆز يېزىقىمىزدا چىقىشقا پايدىلىق پۇرسەت بىلەن تەمىن ئەتكەن.مەن ئۇيغۇرلاردىن ھازىرقى ھايات تۇرۇۋاتقان زىيالىيلاردىن ئاشۇلارنى تۇنۇيمەن -دېدى. مەن ئۇنىڭ بەرگەن جاۋابىغا قاراپ يەنە سوئال قويدۇم: -ئالىم ئەھەتنى 21-ئەسىردىكى تاتاتوڭا دېسەك بولامدۇ؟ -دەپ سورىدىم. ئۇ سوئالىمغا جاۋاب بەردى: -ئەلۋەتتە بولىدۇ،ئەينى چاغدا،مۇڭغۇل ھاكىمىيىتى گۈللەنگەن چاغدا،تاتاتوڭا مۇڭغۇللارغا يېزىق ئىجاد قىپ بەرگەن،بۈگۈنكى كۈندە ئالىم ئەھەت بىز قېرىنداش مىللەتلەرگە كومپىيۇتۇرغا يېزىقىمىزنى تۇنۇتۇپ بەردى،دۇنيادا بۇنىڭدىن ئارتۇق نەتىجە بولمىسا كېرەك.مەن ئۇيغۇرلارنىڭ كومپىيۇتۇر ئالىمى ئالىم ئەھەتنى بەك ھۆرمەتلەيمەن -دېدى. سۆھبىتىمىز بىر كېچە بولدى،قېرىنداش مىللەتلەرنىڭ تارىخى،مەدەنىيىتى،ئۆرپ-ئادىتى توغۇرلۇق نۇرغۇن مۇلاھىزىلەر بولدى،ئۇ قازاق قېرىندىشىم بىلەن 7-8سائەت پاراڭلىشىپتىمەن.ئۇ غەربىي شىمال مەركىزىي مىللەتلەر ئۇنۋىرسىىنتىنى پۈتتۈرۈپ،يېقىندا ئىچكىرگە ئەۋەتىلىپتىكەن.ئوقۇشى تۈگەپ،يۇرتى بۆرتالاغا يېنىپ ماڭغان چاغلىرى ئىكەنتۇق...

urkesh

	بىزنىڭ بايراقدارلىرىمىزنىڭ چېچى، ئەرەب ئېلىپبەسىنى كومپىيوتىرغا قايتا تونۇتۇش بىلەنلا ئاقىرىپ كەتتى..

ئەلشاھ

	مىنىڭچە ئۇيغۇرلارنىڭ بېل گايتىسى ئالىم ئەھەت بۇلالايدۇ.  ئۇيغۇر سوفت شىركىتى قۇرۇلغان 14 يىلدىن بېرى قىلىۋاتقان خىزمەتلىرى خېلىلا كۆزگە كۆرىنەرلىك. ھەممىمىز ئېتراپ قىلىشقا تىگىشلىك مەسىلە شۇكى 14 يىل بۇرۇن كومپىيۇتېر دىگەن ئۇقۇم بىزگە نىسبەتەن ناھايتى چۈشنىكسىز، مۇرەككەپ،  بىزدىن ناھايتى يىراقتا بىلىدىغان ئۇقۇم ئىدى، ئەگەر سېلىشتۇرۇشقا توغرا كەلسە بىزنىڭ ھازىرقى كومپىيۇتېر ئابونىتلىرىمىزنى خەن ياكى ئېنگلىزلارنىڭ 14 يىل بۇرۇنقى ھالىتىگە سېلىشتۇرساق توغرا بۇلىشى مۇمكىن . مانا مۇشۇنداق شارائىتتا ئۇيغۇر سوفت شىركىتى بۇ يولدا دادىل قەدەم ئېلىپ كەلگۈسىگە يۈزلەندى، دەسلەپتە باشقىلارنىڭكىنى سېتىشتىن تەرەققى قىلىپ ئۆز مەھسۇلاتلىرىنى سېتىشقا باشلىدى، ئۇيغۇر ئاپتۇنۇم رايۇنىمىزنىڭ ئۇچۇر ساھەسىدىكى نەتىجە ـ تۆھپىلىرىمۇ ئاز ئەمەس.  بۈگۈنكى كۈندە ئانا تىل ـ يېزىقلىرىمىز زور خىرىسقا ئۇچراۋاتقان،  يەنىلا 14 يىل ئىلگىركىدەك كەلگۈسىگە ‹‹ئىشەنچ›› قىلغىلى بولمىغۇدەك دەۋرگە دۇچ كەلگەن بولسىمۇ ئۇيغۇر سوفت شىركىتى يەنىلا كەلگۈسىگە ئۈمىدۋارلىق بىلەن قاراپ، زور كۈچ چىقىرىپ، بارلىقىنى ئانا تىل يېزىقىمىزدىكى پروگگىرامما - يۇمشاق دىتال ئىھتىياجىمىز ئۈچۈن قان تەرىنى سەپ قىلماقتا. قۇربان ھېيىت كۈنى بازارغا سېلىنماقچى بولغان  مىكروسوفت شىركىتىنىڭ يېڭى مەھسۇلاتى windows8 ساپ ئانا تىلىمىزدا تارقىتىلىدۇ، بۇمۇ ئۇيغۇر سوفتنىڭ نەتىجە -تۆھپىلىرىنىڭ بىر قىسمى ئەلۋەتتە. ئالىم ئەھەت ئەپەندى بىز ئۇيغۇرلارنىڭ بىل گايتىسى بۇلالايدۇ. بىز بۇنىڭ ئۈچۈن بۇ شىركەتنى قوللىشىمىز كىرەك ئەلۋەتتە ...

ئېمپىراتور

	urkesh يوللىغان ۋاقتى  2012-7-25 01:11 AM بىزنىڭ بايراقدارلىرىمىزنىڭ چېچى، ئەرەب ئېلىپبەسىنى ك ... بۇمۇ  ئاسانغا چۈشمىدى دەڭە، تىڭشۈن بىلەن ئۇيغۇر سوفىتنىڭ قورۇلغان ۋاقتى ھەم ھازىرىقى تەرەققىياتى         ئاسمان -زىمىن پەىقلىنىدۇ مانابۇ مۇئەييەن سىلۇشتۇرما بولالايدۇ!

مارشال

	21-ئەسىردە خەنسۇ خەلقىنىڭ نەزىرىدە لۈشۈن دەپ قارىلۋاتقان خەن خەن دېگەن يازغۇچى بىر يازمىسىدا تېڭشۈن گورۇھىنىڭ باش خوجايىنى ماخۇاتىڭ ھەققىدە تۆۋەندىكى بايانلارنى قىپتىكەن: ئەتراپىڭىزدىكى دوستلىرىڭىزنى ئادىل، مۇستەقىل دەپ ئويلىسىڭىز، شۇلارنى يىغىپ كەلسىڭىزمۇ ئاران ئون نەچچە مىڭ بېلەت بولىدۇ. ئۆزىڭىز ياقتۇرغان بىلىملىك زاتلاردىن ئون نەچچە مىڭ بېلەت يىغىشمۇ قالتىس ئىش. كومپارتىيە بىلەن تەڭلىشەلەيدىغان بىردىنبىر ئادەم (تېڭشۈن گورۇھىنىڭ لىدېرى) ما خۇاتېڭ، چۈنكى ئۇ QQغا كىرگەن ھامان سەكرەپ چىقىدىغان كۆزنەككە “كىمكى مەن ماخۇاتېڭنى سايلىسا QQ500 پۇلىغا ئېرىشىدۇ” دەپ جاكارلىسا 200 مىليون بېلەتكە ئېرىشەلىشى مۇمكىن. ئەمما مەسىلە شۇكى، ۋاقتى كەلگەندە ما خۇاتېڭ چوقۇم پارتىيىگە كىرىدۇ. دېموكراتىيە مۇرەككەپ، ئەگرى-توقاي ھەم مۇقەررەر ئىجتىمائىي جەريان بولۇپ، قانداقتۇر ئىنقىلاپ، ئومۇمىي سايلام، كۆپ پارتىيە، بىر نەرسىنى ئاغدۇرۇش ئارقىلىق ئېرىشىدىغان نەرسە ئەمەس، بۇنداق گەپلەرنى دېمەك ئاسان.

Dark-King

	ھازىرقى يېشىم، ھازىرقى كومپىيوتېر سەۋىيەم بىلەن شۇنى دىيەلەيمەنكى ئىڭگىلىز تىلىنىلا تولۇق ئىگەللەپ پۈتتۈرسەم ، ئالىم ئەھەت ئاكامغا شاگىرت كىرسەممۇ ئۇلار چوقۇم مېنى قوبۇل قىلىدۇ دەپ ئويلايمەن. مەن ئۆزۈمگە ، ئۆزۈمنىڭ تالانتىغا ئىشىنىمەن ، ھەم ئۆزۈمنىڭمۇ قولۇمدىن كىلىدۇ. لىكىن ھامان يالغۇز ئاتنىڭ چېڭى چىقماس، چېڭى چىقسىمۇ دېڭى چىقماس دىگەندەك ، مەن ئۆز ئۆزۈمدىن مەمنۇن بولۇپ تۇرىۋەرسەم جەمىيئەت تەرىپىدىن شاللىنىمەن، شۇڭا ئۆزلۈكسىز كومپىيوتېر تېخنىكامنى ئۆستۈرۋاتىمەن.