تاكسى شوپۇرىنىڭ ئازابى

yargol

	تاكسى شوپۇرىنىڭ ئازابى     [جىمجىت ھۇجرامدا ئولتۇرۇپ قاتتىق ئازابلىنىۋاتىمەن]مەيلى بۇ دىلبايانىم قانداق داۋاملاشسۇن     مەن سۆزۈمنىڭ ئەۋۋىلىنى يۇقارىقى سۆزدىن باشلاشنى ئارزۇ قىلىمەن.ئازاب دېگەن بۇ گۈزەل تۇيغۇنىڭ     خالىغان كىشىگە نېسىپ بولىۋەرمەيدىغانلىقىنى ھەر بىر ئويلغىنىمدا ئازابلىرىم يەڭگىللەپ قالىدۇ.     ئازابلىرىمنىڭ يەڭگىللەپ قالغانلىقىنى ھېس قىلغان ھامانلا يەنە ئازابلىنىمەن.     ئۆزەمنى ئوراپ تۇرغان ئازابنىڭ ياكى مەن ئوراپ تۇرغان ئازابنىڭ يىلتىزىنى تاپاي دەپ تالاي     ئازابلارنى چەكتىىم .ئەمما ،بىلدىم دېسەم مېنى مەسخىرە قىلسىڭىز ئېسىل قىلغان بولىسىز..بىراق     مېنىڭ بىلىدىغان ئىشلىرىممۇ بار، دەل شۇ ئەسلى بىلمىسەممۇ بولىۋېرىدىغان ئەمما بىلىپ سالغان     ئىشلىرىمنىڭ كۆپلىكىدىن ئازابلىنىمەن. دېمەك بىلىش بىر ئازاب. بىلمەسلىكمۇ شۇ.    كۈلىۋاتقان چاغلىرىمغا ئازابلىنىمەن،ئازابلانغان چاغلىرىمدا كۈلىمەن.شۇ سەۋەپ كۈندۇزلىرى كۈلۈپ    كېچىلىرى قاتتىق ئازابلىنىمەن.ئۇخلىيالمىغانلىقىمدىن ئازابلىنىمەن ھەم ئازاب بىلەن ئۇخلاپ قالىمەن.    مۇڭ ۋە لىرىك مۇزىكا مېنى ئازابلىغاندەك مۇزىكىسىزلىقمۇ ئوخشاشلا مېنى ئازابلاشقا يېتىپ ئاشىدۇ.    ئۇ قىزنى ئەسلىگىنىمدە ئازابلىنىمەن،ئەسلىگۈدەك ئادىمىم بولمىغان بولسىمۇ يەنىلا ئازابلانغان بولاتتىم.    شۇنداق،ئازابنىڭ سەۋەپلىرى ئىنتايىن كۆپ.سەۋەبلىرى كۆپ بولغانلىقى ئۈچۈنمۇ ئازابلىنالايمەن.    قىسقىسى، ئازاب بىر كونا تېما،ئۇ توغۇرسىدا شائىرلار،مۇتەپپەككۇرلار،سەنئەتكارلار،پىسخىلوگلار...   ئاللىقاچان ھەرخىل تەبىر كۆز قاراشلارنى بېرىپ بولدى.ئەمەلىيەتتە بۇ دۇنيادا مەن قىلغۇدەك يەنە   بىر باشقا ئىش يوقتەكلا ھېس قىلىمەن چۈنكى مەن قاچانكى بىر[يېڭى]ئىشنى ھاياجان ئىلكىدە ئويلاپ   تاپسام ئۇ ئىشنىڭ باشقىلار تەرىپىدىن قىلىنىپ بولغىلى خېلى ئۇزۇن بولغانلىقى ئاشكارلىنىدۇ.   خۇددى كۆزۈم چۈشكەن قىزنىڭ ئەسلىدە چوكان بولۇپ چىققىنىدەك...ئازابلىنىمەن.   مەيلى قانداق بولىشىدىن قەتئىينەزەر مەن[مەن ئازاب ئىچىدىمۇ ياكى ئازاب مېنىڭ ئىچىمدىمۇ؟]   دېگەن تېتىقسىز سوئالىمغا جاۋاپ تېپىۋالسام بولاتتى،،گەرچە جاۋاپ ئىزدەش جەريانى بىلەن يەكۈنى   ماڭا ئويلىمىغان ئازابلارنى سوۋغا قىلسىمۇ.سۆيۈملۈك ئوقۇرمەن سىزنىڭمۇ مۇشۇنداق ئەرزىمەس ئازابىڭىز   بارمۇ؟ ئەگەر يوق بولسا مەن سىز ئۈچۈنمۇ ئازابلىنىشىم مۇمكىن..ھا ھا ھا ھا ....ئازابلىنىۋاتىمەن.   كۈنلەرنىڭ بىرىدە ئازابلىنالماس بولۇپ قالسام قانداقمۇ قىلارمەن؟ھېلىمۇ ياخشى ئاخشام تاكسىرىمغا   چىققان ھىجاپلىق قىزچاقتىن تارقىلىپ مېنى مەستىخۇش قىلىپ قويغان ھاراق پۇرىقى ماڭا يېڭى يېڭى   ئازاب تۇيغۇلىرىنى ئاتا قىلىپ تۇرىدۇ،ھېلىقى ئىسلام ئىنىستىتۇتىدا ئوقۇيمەن دېگەن تالىپ بالا ماڭا   بىر مۇنچە نەسىھەت قىلىپ بولۇپ ماشىنىدىن چۈشۈش ئالدىدا يانچۈقىدىن چۈشۈپ قالغان ئامرىكنىڭ   [ئا]دەرىجىلىك سېرىق پىلاستىنكىسىغا كۆزۈم چۈشۈپ قالغاندا مەن يەنىلا بىر خىل لەززەت بىلەن قاتتىق   ئازابلانغان ئىدىم.ساقچى قوشنامنىڭ ئوغلى ئوغرى،دوختۇرنىڭ قىزى كېسەل،،مۇئەللىمنىڭ بالىسى مەندەك   بىر ساۋاتسىزنىڭ بالىسىدىنمۇ دۆت، ئومۇمەن.ئاشپەز ئاز،سەيپۇڭ يالىڭاچ ئىدى.گاھىدا ئىنسانىيەت ئۈچۈنمۇ   ئازابلىنىپ قويىمەن.ئازاب مېنىڭ بۇ دۇنيادا بىردىنبىر ئېرىشكەن ساپ ۋە سەمىمىي تۇيغۇم. داۋامى بار، مۇمكىن بولسا باشقۇرغۇچىلارنىڭ تېمامنى ئوتتۇرغا ئەپكىلىپ تەھرىرلەپ قويىشىنى ئۈمۈد قىلىمەن. -يارغول

dilgiya

	ھىچنىمىنى بىلمەي كۆرمەي ياشاشمۇ ئادەمگە يىنىك ھوزۇر بېغىشلايدۇ ،قاچانكى باشقىلارنىڭ سىرىنى بىلىپ قالدىڭىز تەشۋىش ئىچىدە ياشايدىكەنسىز ،سىرلىق ئىشلارغا قىزىقمايدىغان بوپ قىلىۋاتىمەن بارغانسىرى ...

jassurman

	ئالامەت ئازاپكەن ماۋۇ، دەسلەپتە بۇ يازمىنى نۇرمال ئوقۇيالماي بەك ئازاپلانغان ئىدىم . ئالدىرماي ئوقۇپ چىقتىم! يەنە شۇ جەمئىيەتتىكى ھەممىمىز قاقشاۋاتقان ھادىسلەر...

biparwa0997

	jassurman يوللىغان ۋاقتى  2012-5-2 04:43 PM ئالامەت ئازاپكەن ماۋۇ، دەسلەپتە بۇ يازمىنى نۇرمال ئوق ... ھەي ئاداش، ئىنكاسىڭىزغا دەھشەت كۈلۈپتىمەن دىسە!!!

biparwa0997

	مەن تېخى سىزنى نىمىگە ئازاپلانغاندۇ دەپ ئويلىسام ئەسلىدە ماشىنىڭىزغا چىققان كىشىلەرنىڭ يۈرۈش- تۇرۇش، ئەخلاقىنىڭ ئۆز ئارا زىت ئىكەنلىكىگە ئازاپلىنىپ يۈرۈپتىكەنسىزدە. بۇ جاھان ئاشۇنداق جاھان. ھامان سورىقى بار. شۇڭا دەيمەنغۇ؛ بىر ئادەمنىڭ مەسچىتتىن چىقىۋاتقىنى  شۇ ئادەمنىڭ داموللام ئىكەنلىكىنى بىلدۈرمەيدۇ، بەلكىم ئۇ ئوغرى- يانچۇخچى، ھەتتا ئاقچى، مىللەت ساتىدىغان نۇمۇسسىز بولىشى مۇمكىن؛ يەنە قاۋاقنىڭ ئالدىدا تۇرغان ئادەم سىز ئويلىغاندەك ئۇنچىۋالا ناچار بولماسلىقى مۇمكىن. ھەر كىم قىلسا ئۆزىگە. \\\\ تاكسى شوپۇرىنىڭ دەردى بەك جېخ مىنىڭچە...

ARZUY

	شۇ قارىماققا  بۇ خەتلەرنى  ئۇقۇشمۇ  بىر خىل ئازاپكەن  ئادەمگە  مەنمۇ ئۇقۇپ بارا-بار چۈشەندىم ، بولدى تۇلا ئىشنى ئويلىماڭ بۇ كۈنلەرمۇ ئۈتۈپ  كىتىدۇ،

ardamay

	ھە ئەسلىدە سىز جەمئىيەتتىكى ئادەملەرنىڭ ئىچى بىلەن تېشى ،تىلى بىلەن دىلىنىڭ بىر ئەمەسلىكىگە ئازاپلىنىۋېتىپسىزدە! ھازىرقى جەمئىيىتىمىزدە ئادەمنى ئويلاندۇردىغان بىئارام قىلىدىغان،ئەپسۇسلاندۇرىدىغان ئىشلار تولىمۇ كۆپ~~~~تېشىپ كېتۋاتقان غەزەپ ۋە نەپرىتىمىزنى ئىچىمىزگە يۇتۇپ بىلمەسكە كۆرمەسكە سالىمىز بەزىدە ~~~~~~ھەي~~~~~~~~بۇ جاھان~~~

dildost

	بىرخىل شىرىن ئازاپ بار ئۇ بولسىمۇ سېغىنىش ... ،مانا بۇلار شەخسى ئازاپ ،لىكىن سىزنىڭ ئازابىڭىز ئورتاق ئازاپكەن .ھەممەيلەن مۇشۇ ئورتاق ئازاپتىن قۇتۇلۇش ئۈچۈن تىرىشايلى ،ئۆزىمىزدىن باشلايلى!         (داۋامىغا تەشنامەن)

tirnak

	بۇ جاھاننىڭ ئىشلىرىغا بىرنىمە دىمەك بەك تەس جۇمۇ ....ھەي

baten47

	ھەر كىم قىلسا ئۆزىگە،ھەر كىم قىلسا ئۆزىگە،ھەر كىم قىلسا ئۆزىگە،ھەر كىم قىلسا ئۆزىگە....