روزى ھاجى مۇھەممەد بىلەن ئەلداۋادا سۆھبەت

yuksel.me

	ئەسسالامۇ ئەلەيكۇم، تورداشلار! ئالدى بىلەن بارلىق تورداشلارنىڭ يېتىپ كېلىش ئالدىدىكى خەلقئارا ئەمگەكچىلەر بايرىمىنى قىزغىن قۇتلۇقلايمىز! «ئەلداۋا ساغلاملىق ئېكرانى» پروگراممىسىنىڭ 2-سانىدا ئۇيغۇر بۈگۈنكى زامان تېببىي خادىملىرىنىڭ پېشۋاسى ، مۆھتەرەم ئۇستاز دوختۇر روزى ھاجى مۇھەممىدى ئاكىمىز بىلەن يۈرەك كېسەللىكلىرى، شۇنداقلا تېببىي خادىملارنىڭ  ئەخلاق-ساپاسى، خەلق ئالدىدىكى بۇرىچلىرى، ئۇستازنىڭ تېببىي پەن ئۆگىنىۋاتقان ۋە بۇ ساھەگە ئەمدىلا كىرىشكەن بوغۇنلاردىن كۈتىدىغان ئۈمىدلىرى ھەققىدە مۇڭداشماقچى بولغانلىقىمىز ھەققىدە ئۇچۇر بەرگەنىدۇق. مانا شۇ تاپتا، «ئەلداۋا ساغلاملىق ئېكرانى» پروگراممىسىنىڭ 2-سانىنى تورداشلارنىڭ ھوزۇرىغا سۇندۇق. (يۈرەك قان تومۇر كېسەللىكلىرى مۇتەخەسسىسى روزى ھاجى مۇھەممىدى) شارائىتنىڭ چەكلىك، تەجرىبىمىزنىڭ كەمچىل بولۇشى تۈپەيلى تورداشلار بىزدىن كۈتكەن ئۈنۈم ۋە سۈپەتكە يېتەلمىگەن بولۇشىمىز ئېنىق. ئەمما، بىز بۇندىن كېيىن تەجرىبىلەرنى ئەستايىدىل يەكۈنلەپ، شارائىتىمىزنى پەيدىنپەي ياخشىلاپ، «ئەلداۋا ساغلاملىق ئېكرانى» نى تورداشلارنىڭ ھەقىقى سىرداش دوستى بولۇشقا يارايدىغان، مۇنەۋۋەر تور ئىكرانى پروگراممىسى قىلىپ ئىشلەپ چىقىشقا تىرىشىمىز! سىزنىڭ قوللىشىڭىز، رېغبىتىڭىز، تەكلىپ-تەنقىدلىرىڭىز بىز ئۈچۈن تولىمۇ قىممەتلىك، ئەلۋەتتە. ئاخىرىدا، تورداشلارنىڭ مەزكۇر فىلىمنى ھەرقايسى مۇنبەر، مىكروبلوگلاردا كۈچىنىڭ يېتىشىچە تەشۋىق قىلىپ قويۇشىنى، ئۇرۇق-تۇغقان، دوست-قاياشلىرىغا تەۋسىيە قىلىشىنى تۆۋەنچىلىك بىلەن ئىلتىماس قىلىمىز. ئەلداۋا ساغلاملىق تورى 2012.05.1

mihir

	روزى ھاجى مۇھەممەت  بىلەن بولغان سوھبەتنى ياخشى ئۇيۇشتۇرۇپتۇ ،  كۆرۈپ باقلى قىنى .............

atux-0908

	تەپسىلى كۆرۈپ چىقتىم .ياخشى دوختۇركەن.

kalamiy

	مانا مۇشۇنداق مەنىلىك سۆھبەتلەرنىڭ ئايىغى ئۈزۈلمىگەي

qoqas

	دۇختۇر قېرىنداشلىرمىزنىڭ كۇنسىرى تەرەققى قىلىپ  دۇختۇرلۇق ساھەسىدە بەلىگىلىك نەتىجىلەرنى قولغا كەلتۇرشىگە تىلەكداشمەن

yuksel.me

	روزى ھاجىكام زامانىمىزدىكى تەۋەررۈك زاتلارنىڭ بىرى بولۇپ، تېببى ساھەدە پېشىۋا ھېسابلىنىدۇ. ھاجىمكام ئۆزىنىڭ 60 يىللىق كەسپىي ھاياتىغا سانسىزلىغان كىشىلەرگە ھاياتلىق ئۈمىد بېغىشلاپلا قالماستىن، تېببىي ئالىي مائارىپ ساھەسىدە ئاجايىپ زور مېھنەت سىڭدۈرگەن بولۇپ، ھاجىمكامنىڭ شاگىرتلىرى نۆۋەتتە دىيارىمىزنىڭ ھەرقايسى جايلىرىدىكى غوللۇق دوختۇر-سېسترا، تېببىي كەسپ ئەھلىلىرىگە ئايلىنىپ، خەلقىمىزنىڭ ساقلىقى ئۈچۈن خىزمەت قىلماقتا. بىزدە نۇرغۇنلىغان كىشىلەرگە تۈرلۈك شەرەپلەر بىلەن تون كېيدۈرۈلدى، شەرىپىگە ئىلمىي مۇھاكىمە يىغىنلىرى ئۇيۇشتۇرۇلدى. ھالبۇكى، رۇزى ھاجىمكام كەبىي كەسپىي ساھەلەردە ئۈن-تىنسىز، داۋراڭسىز قان-تەر ئاقتۇرىۋاتقان مېھنەتكەشلەرگە تېخى دوپپا چاغلىق نەرسە كەيدۈرۈلگىنى يوق ... ھاجىمكام يېشى ئاللىقچان 78 گە يەتكەن بولسىمۇ ھېلىھەم ئامبولاتورىيگە چىقىپ كېسەل كۆرۈپ كەلمەكتە. تېببىي ساھەدىكى ئىلمىي ئىزدىنىشلىرىنى توختىتىپ قويغىنى، سول قولىدىكى تېببىي تىڭشىغۇچ بىلەن، ئوڭ قولىدىكى قەلەمنى تېخى تاشلىغىنى يوق. ئۇشبۇ مۇناسىۋەت بىلەن، ھاجىمكامنىڭ شاگىرتى بولۇش سۈپىتىم بىلەن، بۇ زاتنىڭ تېنىگە ساقلىق، دىلىغا شادلىق، ھاياتىغا يەنىمۇ ئۇزۇن ئۆمۈرلەرنى تىلەيمەن!

ritsip

	بۇ فىلىمنى چۇقۇم كۆرىمەن ،چۈنكى مەن تا  ھازىرغا كەلگۈچە مۇشۇ تىمىدا توختالغان  تەربىيۋى ئەھمىيەتكە ،يېڭىلىق يارىتىش روھىغا ئىگەبىرەرياخشى فىلىمنى (تىمىنى)ئۇچرىتىپ باقمىدىم، « بىزدە نۇرغۇنلىغان كىشىلەرگە تۈرلۈك شەرەپلەر بىلەن تون كېيدۈرۈلدى، شەرىپىگە ئىلمىي مۇھاكىمە يىغىنلىرى ئۇيۇشتۇرۇلدى. ھالبۇكى، رۇزى ھاجىمكام كەبىي كەسپىي ساھەلەردە ئۈن-تىنسىز، داۋراڭسىز قان-تەر ئاقتۇرىۋاتقان مېھنەتكەشلەرگە تېخى دوپپا چاغلىق نەرسە كەيدۈرۈلگىنى يوق ...»    راست  دىدىڭىز ،بىزنىڭ جەمىيتىمىز،مىللىتىمىز دەل مۇشۇنداق ئەلگە ھەقىقى نەپ بىرىدىغان ،ئىلىم پەن يولىدا توختىماي كۈرەش قىلىدىغان كىشلەرگە ئىھتىياجلىق ئىدى،ئەپسۇس بىز بۇلارغا سەل قاراپ كەلدۇق،كىم يېڭى-يېڭى ئۇيۇن تاماشىلارنى ئىجات قىلىپ،خەلىقنى ئۇيۇن تاماشىغا باشلىيالىسا،كىم خەلىقنى بىكار يېتىپ بۇ جاھاننىڭ پەيزىنى سۈرۈشكە ئىرىشتۈرەلىسە بىز شۇنى بېشىمىزدە كۆتۈردۇق،تېلىۋېزور،رادىئو،تور مەتبۇئاتلاردا شۇلارنى كۈچەپ تەشۋىق قىلدۇق، ھەتتاكى ئۇلارنى يول باشچىمىز ،چۇقۇنغۇچىمىز ،مىللەت ۋەكىلىمىز دەپ قاراپ ئۆزىمىزنىڭ  بۇرۇنقى سەنىمىگە ئۇسۇل ئويناپ  كېتىۋەردۇق،لىكىن شۇ ئەلنىڭ ئوتىدا كۆيۈپ ،خەلقىمىز ئۈچۈن جان كۆيدۈرۈپ خىزمەت قىلىپ تىنىمسىز تۆھپە قۇشۇۋاتقانلارنى يادمىزغىمۇ ئېلىپ سالمىدۇق .رۇزى ھاجى مۇھەممەد،خالمۇرات غۇپۇر،ئۇيغۇر مىللى تىبابەت ۋارىسى روزى ھاجى(خوتەن)،ھۇشۇر ئىسلام،ئالىم ئەخەت،ئەركىن سىدىق ،شۆھرەت مۇتەللىپ،كەشپىياتچى ئالىمجان(قەشقەر يۇپۇرغا).........................مانا بۇلارنى قانچىلىك ئۇيغۇر تونۇيدۇ،قانچىلىك ئۇيغۇر ئۇلاردىن ئىلھام ئېلىپ ئىلىم پەن يولىدا ئىزدىنىپ مىللەتكە شان -شەرەپ كەلتۈرۈش ئۈچۈن تىرىشىدۇ؟ شۇڭا قېرىنداشلار ،ئاشۇ ئۈن-تۈنسىز تۆھپە قوشقۇچى جاپاكەش بىتەلەي كىشلىرىمىزنىمۇ ئانچە-مۇنچەتەشۋىق قىلىپ قۇيايلى،ئۇلارغىمۇ ئانچە مۇنچە رەھمىتىمىزنى بىلدۈرۈپ ئىلھام بىرىپ تۇرايلى،بىز ھازىر كۆڭۈل ئېچىش ،ئويۇن تاماشىغا ئەمەس ،بەلكى بىزنى دەۋىر تەرەققىياتى بىلەن تەڭ ئېلىپ ماڭغۇچى يېڭى -يېڭى پەن-تەتقىقات نەتىجىللىرىگە،جۈملىدىن ھەقىقى ئختىساس ئىگىللىرىگە مۇھتاج!