ئەلرازى توپلاملىرىدىن تاللانما شېئىرلار« 1 »« دىلاۋۇر شۆھرەت »

alrzibag

	دىلاۋۇر شۆھرەت ئەلرازى ئىجادىيەت توپلاملىرىدىن تاللانما شېئىرلار                  پىنھان سۆيگۈ                     كۆيگۈنۈم راست يوشۇرۇن ساڭا ،   ئىزلەپ ئامال تاپالماي چارە . ساڭا كۆيگەچ بۇ يۈرەك پىنھان ، ئوتلۇرۇڭدا بولدۇممەن پارە . سەن خەۋەرسىز لىكىن سۆيگۈمدىن ، شۇڭا خۇشال يۈردۈڭ ھەر يەردە .   قىيناپ كەلگەچ مېنى ھىجرانىڭ ،    يۈردۈم يالغۇز ئەلەمدە غەمدە . .    قىلالمىغاچ سۆيگۈمنى ئىزھار ، پىنھانلاردا يىغلىدىم يالغۇز . گۇناھمىدۇ ساڭا كۆيگۈنۈم ، تۈنلەر ئارا قالدىمغۇ يالغۇز . ئۆلۈپ كەتسەم ئۇشبۇ دۇنيادىن ، پىنھان سۆيگۈم كىتەرمۇ بىللە .   ھەمرا بولۇپ قەۋرەم ئاستىدا ، گۈل كەبى بوپ ئۆنەرمۇ بىللە . چۈشلىرىمگە ئارام بەرگىنە ئويلىدىڭمۇ بۈگۈن كەچ مېنى ، چۈنكى كىرىپ قاپسەن چۈشۈمگە . يەنە ساختا ۋەدىلەر بىلەن ، سۆيدۈم دەپسەن قاراپ كۆزۈمگە . رىئاللىقتا ئالدىغانلىرىڭ ، يەتمىدىمۇ ئىتقىنا قېنى . يەنە شىرىن ئۇيقۇمنى بۇزۇپ ، چۈشۈمدىمۇ ئالداپسەن مېنى . ئارام يوقمۇ چۈشلىرىمگىمۇ ، ئەي بىۋاپا دىگىنە ماڭا . نەپىرەتلەندىم بىر ئۈمۈر بىلسەڭ ، بۇ دۇنيادا پەقەت بىر ساڭا . چۈشلىرىمدە كۆرگۈم يوق سېنى ، ھارام ماڭا سەن بار چۈشلىرىم . چۈشلۈرۈمگە ئارام بەرگىنە ، خوشال ئۆتسۇن سەنسىز تۈنلىرىم. ئەنسىرەيمەن بىلەمسەن؟ سىنىڭدىن قانچىلىك ئەنسىرەيدىغىنىمنى ؟بۇ ھەرگىزمۇ ساڭا ئىشەنمىگەنلىكىم ئەمەس بەلكى سىنى بارلىقىم بىلەن ياخشى كۆرگەنلىكىم ئۈچۈندۇر .... ئەنسىرەيمەن نىگارىم بىلسەڭ ، ماڭا مەنسۇپ ئەمەسلىكىڭدىن . بىر كۈنى مېنى ھىجرانغا تاشلاپ ، كېتىۋىلىپ كەلمەسلىكىڭدىن . ئەنسىرەيمەن نىگارىم بىلسەڭ ، ماڭا بىر كۈن كۆيمەسلىكىڭدىن . سۆيەي دىسەم ئىتتىرىپ مېنى ، ھازىرقىدەك سۆيمەسلىكىڭدىن . ئەنسىرەيمەن نىگارىم بىلسەڭ ، سەنسىز يالغۇز قىلىشلىرىمدىن . سېنىڭ بىلەن يۈرگەن باغلارغا ، ئەمدى تەنھا بىرىشلىرىمدىن . ئەنسىرەيمەن نىگارىم بىلسەڭ ، ماڭا پەرۋا قىلماسلىقىڭدىن . ئۇسساپ كەتسەم سەنسىز قاغچىراپ، بىرەر تاۋۇز تىلماسلىقىڭدىن . ئەنسىرەيمەن نىگارىم بىلسەڭ ، خەققە يار بوپ كېتىشلىرىڭدىن . ئىھ: خۇدايىم ساقلىغاي سىنى ، كۈزلۈرۇمدىن يۈتۈشلۇرۇڭدىن . سىغىنىمەن ئايرىلساممۇ يار سېنى ئازاپلىق كۈنلەرنى باشلاي مەن ئەمدى ، بۇرۇنقى ئەسلىمگە قايتاي مەن يەنە . گۈل قىلغان باغلىرىم توزىدى ئەمدى ، مۇڭسىراپ قالدىغۇ كاككۇكمۇ ئەنە . ئايرىلىش سۆزىنى قىلغان مەن ئۆزۈم ، ئەمدى مەن قايتىدىن سۆيەلمەيمەن ھەم . كۆيسەممۇ سەن ئۈچۈن  يالقۇنلۇق ئوت بوپ ، قايتىدىن شام بولۇپ كۆيەلمەيمەن ھەم .   كۆزۈڭگە ياش ئېلىپ يىغلىما بولدى ، تەقدىرنى مۇشۇنداق ئوخشايدۇ دەپ بىل . مۇراتقا يەتمەسكەن ئاشىق مەشۇقلار ، بىزمۇ ھەم شۇلاردەك يەتمىدۇق دەپ بىل . يۈرەكنى ئازاپتا سوقمىسۇن دىسەڭ ، قايتىدىن تىرىلدۇر ئۇزۈڭنى ئەمدى . قەدەمنى ئاۋايلاپ باسقىن بۇندىن كىيىن ، قايتىدىن نۇرلاندۇر كۆزۈڭنى ئەمدى . ئەسلەيمەن شۇ گۈزەل شىرىن كۈنلەرنى ، ساقلايمەن دىلىمغا سىڭىپ كەتكۈچە . يەنىلا سىغىنىپ ئۆتىمەن سېنى ، بىر ئۈمۈر ئەجەل كىلىپ ئېلىپ كەتكۈچە . ۋاپاسىز يار مۇزىكىسى : دىلاۋۇر شۆھرەت ئەلرازى كۆيگەنىدىڭ بىر چاغلاردا سەن ماڭا شۇنچە ،    تىزغان ئىدىڭ مىنىڭ ئۈچۈن قىزىل گۈل غۇنچە . لىكىن بۈگۈن تاشلاپ كەتتىڭ ئەي ۋاپاسىز يار ،    ھېچ بىلمىدىم يۈرەكلىرىڭ تاشمىدۇ شۇنچە .   ئايرىلمايمىز دىگەن ۋەدەڭ سۆزلىرىڭ قېنى ،    مۇھەببەتلىك قىيا باققان كۆزلىرىڭ قېنى . بىلەلمىدىم ئېيتقىنا يار گۇناھىم نېمە ،    ئازاپلارغا يالغۇز تاشلاپ كەتكىدەك مېنى .    مەيلى كەتسەڭ كېتىۋەرگىن كەلمىگىن ئەمدى ،    تىكەن ئىلىپ گۈل ئۈزدۈم دەپ بەرمىگىن ئەمدى .    كىرەك ئەمەس ساختا سۆيگۈڭ ساختا ئەقىدەڭ ، كەل جېنىم دەپ باغرىڭنى كەڭ كەرمىگىن ئەمدى .    ئەسلى ناخشا ئۆزى بىلەن بىللە يوللىغان بولسام ياخشى بولاتتى ئەپسۇس ........................   ئاپتۇرى : دىلاۋۇر شۆھرەت ئەلرازى . 2012 _ يىلى 4 _ ئاينىڭ 30 _ كۈنى .... دۈشەنبە ..... غۇلجا .........

mahatjan

	ئىنسان پىسخىكىسىنى يوشۇرىدىغان مۇرەككەپ مەخلۇق،   شۇڭا ئۇنىڭ سۈزىدىن كۆزىنى، كۆزىدىن ئۆزىنى چۈشەنمەك تەس.

kalamiy

	شېرلىرىڭىز تولىمۇ يەگگىل ،چۈشنىشلىك ،تەسىرلىك چىقىپتۇ .بىر ئاشىقنىڭ قەلبىدىكنى تامامەن تۆككەندەك قىلىسىز ..تىخىمۇ تىرىشىڭ

SAZGUV

	بەك ئوبدان يىزىپسىز بولسا ناخشا قىلىپ چىقارسىڭىز تىخىمۇ ياخشى بولاتتى

idikut510

	ئىنكاس بىلەن ساقلاپ قوياي ، ياخشىكەن

atlancaravan

	بەك ياخشى شېئرلاركەن، بىرەر ناخشىچى بۇ شېئرلارنى ناخشا قىلىپ ئىيتقان بولسا نېمە دېگەن ياخشى بولار ئىدى-ھە! ئەجرىڭىزگە كۆپ رەھمەت!

alrzibag

	ئەسسالامۇ ئەلەيكۇم !!!! رەھمەت سىلەرنىڭ ياقتۇرۇپ ئوقۇغىنىڭلارغا !!!!