سەن مەن ئۈچۈن مۇشۇنداق

818sabda

	سەن مەن ئۈچۈن سەن مىنىڭ ،پەقەت ۋە پەقەتلا مىنىڭ ،دېرىزەمنى چەككەن سەن بول ياكى سەن بولما مەن ئۈچۈنمۇ ئۇ كىشى سەن،سەن مەن يۇتتۇرۇپ قويغان ئەمما تېپىۋېلىشنى ئەڭ خالايدىغان مەن ئۇچۇن ئەڭ قىممەتلىك بولغان ماددى بۇيۇم،سەن قەيەردە بول ،قايسى چاغدا بولسۇن خىياللىرىمنى ئوغۇرلاپ تۇرىدىغان ئوغرى.لىكىن ھەيرانمەن نە ئۈچۈن ھازىرغىچە مىنى ئوغۇرلاپ كىتىشكە جۈرئىتىڭ يوق. كىچە بەكمۇ ئۇزۇن ،لىكىن ئۇيقۇسىز كۈنلەردە سىنى پەقەت ۋە پەقەت سىنىلا ياد ئىتىپ سىنى خىيال قىلىپ ھۇزۇرلىنىش مىنىڭ ئەڭ مۇكەممەل مەخپىيەتلىكىم بولسا كېرەك،سەن بولمىغان چۈشلەر مەنىسىزدۇر ،چۈنكى چۈشۈمدىمۇ سىنى ئىزدەيمەن ئەمەسمۇ،ياردەمسىز ناتۇنۇش بولغان جايدا سىنى تاپالماسلىق دوزاقتا تۇرغانلىق ئەمەسمۇ ،مانا بۇ سەن بولمىغان چۈشۇمنىڭ مەنىسى بۇلىشىدۇر. دائىم ساڭىلا قارىغۇم كېلىدۇ دىسە ،بەزىدە ساڭا قارىغانسىرى شۇنچە مەيۈسلىنىپ كېتىمەن ،لىكىن كۈلۈشنى بىلىدىغان كۆزلىرىڭ ماڭا تىكىلگەندە بولسا ھەممىنى ھەممىنى قەلبىمدىكى بارلىق تىڭىرقاشلارنى ئۇنتۇيمەن،بەخىت ماڭا قاراپ قۇچا ئېچىۋاتقاندەك ،شۇ قارىشىڭدا سىماپ كەبى ئىرىيدىغاندەك سىنى چىڭ تۇتىۋالمىسام سىنى يوقتىپ قويىدىغاندەكلا ھېسياتقا كەپ قالىمەن دىسە. بەزىدە سەن مەن ئۇچۈن ئىنتايىن سىرلىق ،سىنى شۇ سىرلىرىڭدىنمۇ قىزغىنىمەن .قۇلۇمغا يېڭىسارنىڭ قوش بىسلىق پىچىقىنى چىقىرىپ مەيدەڭنى يېرىپ ئىچىنى قۇلۇمنى تىقىپ مالتىلاپ ئاختۇرغۇم كېلىدۇكى مەندىكى رەشىكنىڭ سالمىقى يىنىك ئەمەس ئەلۋەتتە. سىنى تېلىۋىزۇردىن ،كومپىيۇتىردىن ،ماشىنىدىن ،يولدىن دەرەختىن،ھەتتا قاماللاپ تۇتۇپ ئولتۇرغان ئىۋۇ قەچۋە قاچاڭدىنمۇ كۈنلەيمەن تېخى،ھى ھى ھى................... دېمەك سەن مىنىڭ ھاياتىمدىكى پارازىت قۇرت،چۈنكى سەن مىنى ئاستا ئاستا مۇھاببەت ئىسىملىك زەھەر بىلەن زەھەرلەپ نىشانسىز، مەقسەتسىز، غايىسىز، سەزگۈسىز بىر مەجرۇھقا ئايلاندۇردۇڭ، سەن ھاياتىمدىكى ئەڭ رەھىمسىز ئادەم ،چۈنكى سەن مەجرۇھلىقىمدىن ھۇزۇرلىنىسەن، سەن ھاياتىمدىكى ئەڭ چوڭ دۈشمىنىم سەن ،چۈنكى ئۆز ئۈزۇمنى داۋالىماقچى بولسام ئەڭ جاپالىق ئەڭ قىيىن بىر مەيدان ئۇزۇن يىللىق كۆرەشكە ئاتلانمىسام بولمايدۇ.بەلكىم بۇ كۆرەشتە ئۆمۇرلۈك مەغلۇبىيەتكە يۈزلىنىشىم مۇمكىن. سەن ھاياتىمدا مەن يۇلۇققان بىر جاھىل سېھرىگەر ،سن مىنىڭ بىر تال ئەتتىرگۇلگە ئايلىنىش ئارزۇيۇمنىڭ بارلىقىنى بىلىپ تۇرۇپ قەستەن سۈپۈرگە قوناققا ئايلاندۇرۇپ قاتمۇ قات باغلىنىشقا مەجبۇر قىلدىڭ. سەن ئەنە شۇنداق رەھىمسىز ،ئەنە شۇنداق سوغۇق ئادەمسەن،لىكىن سايەڭدىمۇ ئىرىپ رەھىمسىزلىكىڭدىنمۇ كۈلەلەيدىغان بۇپقالغىنىمغا ھەيرانمەن، كەل مىنى داۋاملىق سىھىرلە،مەن سىھىرلىنىپ كۆز قارچۇقۇڭغا سىزىلغان سۆرەت بۇپ كېتەي. مەنبە----------------------سەبدە

qartekin

	پاھ نېمە دېگەن ئىسىل لىرىكا بۇ !~ تەنھا خىيال ئىستەكلىرىدە ، تەنھا سۆيگۈ چاقىرار مېنى. يۈرۈگۈمدە تەنھا مۇھەببەت، ئازاپ بىلەن مۇڭلۇق سوققىنى.

mihregiya

	ئۇ كىشىنىڭ رەسىمىگە قاراپ ئولتۇرۇپ يازغان ئوخشىمامسىز؟!!! بۇ ئەسەرنى ئوقۇۋىتىپ بۇ ناخشا يادىمغا كېلىپ قالدى... سەن مېنىڭكى سەن مېنىڭ بولغاچ، قىزغىنىمەن ئايدىن قوياشتىن. يىنىمدا يار تۇرساڭمۇ يىنىپ، قىزغىنىمەن تۈندە چىراقتىن.

818sabda

	qartekin يوللىغان ۋاقتى  2012-4-30 05:08 PM پاھ نېمە دېگەن ئىسىل لىرىكا بۇ !~ تەنھا خىيال ئىستەكلىر ... تەنھالىقنى خالىماس قەلبىم ، تەنھالىقتا ياشايمەن لىكىن. تەنھا سۆيگۈ چاقىرسا مىنى، دەرمەن كۈتكىن يەنە كۈتكىن

musilina

	چىن ھېسيات بىلەن يۇغۇرۇلغان لېرىك ھېسلار  بىلەن ماسلاشقان مۇڭلۇق مۇزىكا بولغان بولسا تېخىمۇ پەيزى بولاتتىكەن... بىراقزە ھەممە نەرسىدىن قىزغىنىپ قارايدىغان يۈرەكنىڭ ئەڭ چوڭقۇر قاتلىمىدا ساقلايدىغان ‹‹سەن››نى پاراژىت قۇرۇتقا،دۈشمەنگە ئوخشاتقىنىڭىزنى كاللامغا سىغدۇرالمىدىم دېسە....

kakkuk11

	مۇھەببەتتىن سۈيۈنۈپ دىللار ، ناخشا ئېيتار سۈيۈملۈك تىللار . بۇ تۆت كۈنلۈك گۈزەل ئالەمدە، مۇھەببەت بىلەن ئۆتسۇن يىللار.

sargarda

	ئەسرىڭىز   بەكمۇ   مەنىلىك   چىقىپتۇ  .   خاپا   بولمىسىڭىز  ،  باش  سۆرىتىڭىزنى ئالمۇشتۇرىۋەتكەن  بولسىڭىز  .  بىر  قاراشقا  ‹‹  ھېلقى ››  ئاياللارغا  ئوخشاش   تۇيغۇ  بېرىدىكەن .

818sabda

	musilina يوللىغان ۋاقتى  2012-4-30 09:44 PM چىن ھېسيات بىلەن يۇغۇرۇلغان لېرىك ھېسلار  بىلەن ماسلاش ... ھىچ گەپ يوق مۇسلىنە،ئاستا ئاستا چۈشىنىپ قالىسىز ،ياخشى كۆرگەن ئادىمىڭىزنى يېڭى يېڭى نەرسىلەرگە ئوخشتىپ تۇرسىڭىز ئۇنى تېخىمۇ ياخشى كۆرۈپ كىتىۋاتقىنىڭىزنى ھېس قىلالايسىز

ئىپارە

	ھەقىقى بىر سېغىنىشنى تەسۋىرلەپ چىقىپسىز!

nazila998

	تولىمۇ لېرىكىلىق ، ھىسسىياتقا  تولغان يۈرەكنىڭ  سىغىنىشىنى  ئىپادىلەپسىز