ئامېركىلىق قىز بىلەن سۆھبەت

yalkun10

	مەن ئىچكىردىكى مەلۇم بىر ئالىي مەكتەپتە ئوقۇيمەن، ھەريىلى مەكتىۋىمىزگە نۇرغۇن چەتئەللىك ئوقوغۇچىلار كېلىدۇ. بىز مەكتەپكە تۇنجى كەلگەن يىلىمۇ بىز بىلەن تەڭ بىر تۈركۈم ئوقوغۇچىلار كەلدى. يولدا كېتىۋاتاتتىم، ئىككى چەتئەللىك قىز كۈلۈمسىرىگىنىچە ماڭا قاراپ قول پۇلاڭلاتتى،ئەتراپىمغا بىرنى قارىۋەتتىم. راستىنلا ماڭا سالام قىلىۋىتىپتۇ. ئۇلار بەلكىم مېنىڭ باشقىلارغا ئوخشىمايدىغان كىيىنىشىمگە قاراپ ،مېنىمۇ چەتئەللىك ئوخشايدۇ دەپ ئويلىغان بولسا كېرەك دەپ ئويلايتتىم ئىچىمدە............ _ياخشىمۇ سىز، ئىسمىم ئاپرىل، بۇ دوستۇم............مەن ئامىركىدىن..........سىزمۇ جوڭگۇغا ئوقۇغىلى كەلدىڭىزمۇ؟ ئۇقىزنىڭ بۇ سۆزلىرى مېنىڭ خىيالىمنىڭ توغىرلىقىنى ئىسپاتلىدى. __ياق،مەن جوڭگولۇق، شىنجاڭدىن، ئۇلارنىڭ چىرايىدىكى ئۆزگىرىشلەرگە قاراپ شىنجاڭنىڭ قايسى جايلىقىنى بىلمەيدىغانلىقىنى پەملىدىم، __مەن ئۇيغۇر! __ئۇيغۇر؟!! ئۇلارنى ئۇيغۇرلارنىمۇ بولسا تونۇيدىغاندۇ دەپ ئويلىغان ئىدىم، ئەمما ئۇلارنىڭ بىزنىڭ ئىسمىمىزنىمۇ توغرا دىيەلمەيۋاتقانلىقىدىن پەرزىمنىڭ خاتالىقىنى بىلدىم، __ھەئە،سىلەر بىلەن كۆرۈشكىنىمدىن خۇشالمەن،....... شۇنىڭدىن كىيىن ئۇ قىز بىلەن پات پات كۆرۈشۈپ ،مۇسۇلمانچە ئاشخانىلاردا بىللە تاماق يىدۇق،ئۇ ھەمىشە مەندىن ئېتقادىم توغىرسىدا سۇئال سورايىتتى، ............................................................................................................................................. __سىز مۇسۇلمانمۇ؟ ==ھەئە،سىزچۇ؟ __خىرىستىئان،جوڭگۇدا مۇسۇلمانلار خىلى كۆپمۇ؟ ==بىزنىڭ يۇرىتلاردا خىلى كۆپ، __ئۇلار ھەقىقى ئېتقات قىلامدۇ؟ ==........................................... ==نىمىشقا بۇنداق سوراپ قالدىڭىز؟ __ مەن جوڭگولۇقلارنىڭ بۇددا دىنىغا ئىشىنىدىغان ۋە دىنغا ئىشەنمەيدىغانلىرى كۆپ دەپ ئاڭلىغان، روژدىستىۋو بايرىمىدا قارىسام ھەممە دۇكانلار، تاللا بازارلىرى ،ئوقوغۇچىلار قىزغىن تەبىرىكلەۋىتىپتۇ،شۇنىڭغا قاراپ خرىستئانلار كۆپكەن دەپ خۇشال بولغان ئىدىم، ئەمما ئەتراپتىن بىرمۇ چىركاۋ تاپالمىدىم....... ==ئۇلار پەقەت ئويۇن تاماششا ئۈچۈنلا بۇ بايرامنى تەبىرىكلىشىدۇ، ئەمەلىيەتتە ئۇلار خىرىستىئان ئەمەس. __مېنىڭ ئاتا ئانامنىمۇ ھەقىقى ئىشەنمەمدىكىن دەيمەن، ئۇلار ھەر ھەپتە چىركاۋغا بارىدۇ، ئەمما قىلغان ئىشلىرى توغرا ئەمەس..................... (ئاتا ئانىڭىز ھەر ھالدا چىركاۋغا بارىدىكەن، بىزنىڭ ئارىمىزدا نامازنى،روزىنى تەرىك ئەتكەنلەرمۇ ساماندەك.............) ==ئۇلارنى پەقەت شەكىلدىلا خىرىستئان دىمەكچىمۇ سىز؟ __شۇنداقراق، مېنىڭ كەسپىم ئەدەبىيات، ھازىر شۇ توغىرسىدا تەتقىقات ئىلىپ بىرىۋاتىمەن، بىر ئادەم ئېتقادى بولىشى ،ئېتقادى بولغاندىمۇ ئۇنى چۈشىنىشى ،قەدىرلىشى كېرەك، شۇندىلا دۇنيا تىنىچلىنىدۇ.مەكتىۋىمىزدىكى ئوقوغۇچىلارغا قاراڭ، ئۇلارنىڭ تۇغۇلغان كۈن ئادەتلىرىمۇ خىرىستانلاردىن پەرقى يوقكەن،ئەمما ئۆزى خىرىستىئان ئەمەس.... ......... (نىمە دەي؟....بىزنىڭ مۇسۇلمانلىرمىزمۇ سىلەرنىڭ ئاشىق مەشۇقلار بايرىمى،تۇغۇلغان كۈن قاتارلىق نۇرغۇن بايرىمىڭلارنى ئۆتكۈزىدۇ ،دەيمۇ؟ئىچىم ئاچچىق بولۇپ ياتاققا قايتىپ كەلدىم، ...راستىنى ئىيىتسام شۇ چاققىچە بۇ توغىرسىدا ئانچە ئويلىنىپمۇ كەتمىگەن ئىدىم...) .............................................................................. مەن زادى كىم؟ مەن جوڭگولۇق، ئۇيغۇر ، مۇسۇلمان........ ئۇنىڭ بىلەن ھەمىشە دە تالاش قىلىپ ،پىكىر ئالماشتۇرۇپ يۈرۈپ مەنمۇ خىلى ئىزدىنىدىغان بولۇپ قالدىم، ئۇنىڭ سۆزلىرىدىن شۇنى بايقىدىمكى،بۇ ئامىرىكىلىق قىزنىڭ مۇنداق ئالاھىدىلىكلىرى بار ئىدى.: 1. ئۇ باشقىلانى خىرىستئان دىنىغا قىززىقتۇرىدىغان بىرمۇ پۇرسەتنى ئۆتكۈزىۋەتمەيىتتى. 2. ھەمىشە باشقىلارغا سىز نىمە ئۈچۈن ئىشىنىسىز ؟نىمە ئۈچۈن ئىشەنمەيسىز ؟دەپ سوراپ، ئەستايىدىل ئاڭلاپ بولۇپ ئاندىن سۆز باشلايىتتى. 3.مەن ھەمىشە قۇرئان كەرىمدە مۇنداق دىيىلگەنكەن.....دەپ گەپ باشلىسام ،ئۇ ئىنجىلدا تەڭرىم مۇنداق قىلىڭلار دىدى.....دەپ سۆزلەيدۇ، شۇنداق، مەن ئۆزۈمنىڭ ئۆز ئېتقادىم ئۈستىدە ئىزدەنمىگىلىكم، ئاز تولا بىلىم ئىگىلىمىگەنلىكم ئۈچۈن خىجىل بولۇشقا باشلىغان ئىدىم،ئەمما ئاللاغا شۈكىرى، ئاللاھ ھىدايەت قىلدى ،ئازمىدىم،توغرا يولدا بولغانلىقم ئۈچۈن ئۆزۈمنى ئەركىن تۇتۇپ ئۇنىڭ سۇئاللىرىغا بىلگىنىمچە جاۋاپ بەردىم، بىر كۈنى ئۇ ئامىرىكىغا قايتىدىغانلىقىنى ئىيتىپ ، ماڭا بىر تال كارتا قالدۇردى، مەنمۇ ئۇنىڭغا بىر تال كارتا بەردىم، مەن ئۇنىڭغا ئۇيغۇرلار توغىرسىدا سۆزلەپ بەرگەندىن باشقا ئۇنىڭغا بەخىت تىلىگەن ئىدىم.ئۇنىڭ جوڭگوغا يەنە كېلىشىنى قارشى ئالىدىغانلىقىىمنى ئېيىتتم، ئەمما ئۇچۇ؟ .................................................................................................................................. ئاپرىلنىڭ خېتى   قەدىرلىك روۋىس(مېنىڭ ئىنگىلىزچە ئىسمىم) سېنىڭ جۇڭگودا تۇرغان كۈنلىرىمدە مېنى يالغۇز قويمىغىنىڭدىن ، ماڭا نۇرغۇن خۇشاللىقلارنى ئاتا قىلغىنىڭدىن كۆپ خۇرسەنمەن. سەن باشقا قىزلارغا ئوخشىمايسەن ،كاللا ئىشلىتىشكە ئامراق، ئەسلىدە سېنى مەن بۇ يەردە ۋاقتىمدىلا توغرا يولغا يىتەكلىگۈم بار ئىدى. ئەمما تىلدا بەزى قىيىنچىلىقلارغا ئۇچرىشىمدىن ئەنسىرىدىم، چۈنكى ئېتقاد ئۈچۈن ئىشلىتىدغان ئىنگىلىز تىلى خېلىلا مۇرەككەپ. مۇسۇلمانلارئاللاھقا يېقىنلىشىش ئۈچۈن چوقۇم قۇربانلىق بىرىش كېرەك دەپ قارايدۇ. ئەمىلىيەتتە  خۇددى ئىبراھىم ئەلەيھىسالامغا ئوخشاش باشقا پەيغەمبەرلەر ۋە ئەيسا بىز ئۈچۈن بۇ ۋەزىپىلەرنى ئادا قىلىپ بولدى. بىز پەقەت ئەيساغا يېقىنلىشىش بىلەنلا تەڭرىگە يېقىنلىشالايمىز. ساڭا بىر نەچچە توربەت ئادىرسى قالدۇردۇم، ئەستايىدىل كۆرۈپ ئويلاپ بېقىشىڭنى سورايمەن.      ئالاقىلىشىپ تۇرايلى                                                                                                        ئاپرىل .................................................................................................................................................... نىمىسىنى دەي؟ كاللامدىن تۈتۈن چىقىپ كەتتى. رەسۇلىللاھنىڭ نىمە ئۈچۈن يات دىندىكلەر ۋە دىنسىزلار بىلەن زىيادە يېقىنلىشىپ كېتىشىمىزدىن چەكلىگىنىنى ئەمدى چۈشەنگەندەك بولدۇم. دەرھاللا كومپىيوتىرنى ئېچىپ ئۇنىڭ خېتىگە جاۋاپ قايتۇردۇم .......................................................................................................................................................... قەدىرلىك ئاپرىل،   خېتىڭنى ئەستايىدىل ئوقۇپ چىقتىم. راستىنى ئىيتسام مەنمۇ توغرا يولدا مېڭىشىنى ھەم دوسىتلىرىم ئاتا ئانامنىمۇ توغرا يولغا باشلاشنى ئىستەيدىغانلاردىنمەن. ئاللاھقا يۈزمىڭ شۈكىرلەر بولسۇنكى ،مەن بۇ يولنى تاپتىم.  بىلىمەن، سەنمۇ مېنى توغرا يولدا ماڭسۇن دەپ ئويلىغىنىڭ ئۈچۈن مېنى دەۋەت قىلىۋاتىسەن. توغرا، مايمۇننىڭ ئادەمگە ئايلىنىشىنىڭ مومكىن بولمايدىغانلىقى،نۇرغۇنلىغان گىگانىت ئادەملەرنىڭ سۆڭىكىنىڭ بايقىلىىشى ، مۇرەككەپ ئادەملەر بەدىنى قاتارلىق مۆجىزىلەر ئىسپاتلاپ تۇرۇپتىكى ،بىزنى بىر ئىلاھ ياراتقان، ئۇ ئالەملەرنىڭ ياراتقۇچىسىى تەڭداشسىز قۇدىرەتكە ئىگە زاتتۇر. ئەمدىكى مەسىلە كىمگە ئەگىشىمىز؟ سەن بەلكىم ئىسلامنى چۈشەنمىسەڭ كېرەك، مەن خىرىستئان دىنىغا ئائىت خىلى ماتىريال كۆرۈپ چىقتىم. ئىلگىرى ئىسلامنى ئاتا ئانامغا ئەگىشىپ تونۇغان بولسام ئەمدى ھەقىقىتى بىلەن چۈشىنىپ ئىتقات قىلىۋاتىمەن.سەندىن مۇنداق بىر قانچە سۇئال سوراي، ئەگەر سۇئاللىرىمغا قانائەتلىنەرلەك جاۋاپ بىرەلىسەڭ سىلەرنىڭ توغرا، ئۇنداق بولمىسا چوقۇم ئىسلام توغرا، 1. قۇرئان كەرىم 1443يىلدىن بىرى بىر ھەرىپمۇ ئۆزگەرگىنى يوق، ھەتتا ئامىركىلىقلار كۆيدۈردى، ئۆزگەرتىپ يازدى،ئەمما قۇرئان كەرىم ئۆز پېتى ساقلاندى. ئەمما ئىنجىل ھىچكىم قارشىلىق قىلماي تۇرۇپ نەچچە خىل نۇسىىخىسى يىزىلىپ چىقتى،ئاللاھنىڭ كىتابى كىشىلەر تەرىپىدىن ئۆزگەرتىلتىۋىتىلدى. ئۇنداقتا سوراپ باقاي، سەن ھەقىقى ئىلاھ ساڭا بەرگەن نەرسىگە ئىتقات قىلامسەن ياكى ساڭا ئوخشاش كىشىلەرنىڭ ئىددىيسىگىمۇ؟ 2. بىز مۇسۇلمانلار سىلەرگە ئوخشاشلا ئەيسا ئەلەيھىسسالامنى ئىتراپ قىلىمىز، ئۇنى بىر ئىلاھ ياكى ئاللاھنىڭ ئوغلى سۈپىتىدە ئەمەس ئاللاھ ياراتقان مۆجىزە سۈپىتىدە ،بىر پەيغەمبەر سۈپىتىدە ئىتراپ قىلىمىز. ئەگەر ئۇ ئاللاھنىڭ ئوغلى دىيىلسە ، ئاللاھنىڭ ئادەمگە خاس خۇسۇسىيتى، يەنى بالىسى ، ئايالى ، ئائىلىسى بولۇش خۇسۇسىيتى بولغان بولىدۇ، قانداقسىگە ياراتقۇچى بىلەن يارالغۇچى ئوخشاش بولسۇن؟ پۈتۈن ئالەمنى ئىدارە قىلغۇچى كاتتا زاتقا ئەيسا ئەلەيھىسسالامدەك ئادەملەر ئارىسىدا ياشاپ ئۆتكەن ، ساڭا ئوخشاش ئاللاھنىڭ قۇلى بولغان بىر ھەقىقى ئىنساننى تەڭلەشتۈرسەڭ قانداق بولىدۇ؟ 3. ئادەم ئەلەيھىسسالامنى ئاللاھنىڭ ئاتا ئانىسىز ،تۇپراقتىن يارىتىشىغا ئىشىنىدىكەنسەنيۇ› ئەيسا ئەلەيھىسسسالامنى ئاتىسىز ياراتقىنىغا نىمىشقا ئىشەنمەيسەن؟ .......................................(بەزى سۇئاللار ئۇنتۇلۇپ قاپتۇ، ئېلخەتنى ئاچالمىدىم،كەچۈرۈڭلار.) خېتىمنى مۇشۇ يەرگىچە يازاي، ئىنگىلىزتىلى سەۋىيەم چەكلىك بولغانلىق سەۋەبىدىن ياخشى يازالمىغان بولسام تۈزىتىپ ئوقۇغايسەن، ساڭا خوشاللىق تىلەيمەن، مېنىڭ كۆز قارىشىم شۇ، توغرا يول، ئىسلام!!!                                                                                                              روۋس ..................................................................................................................................................... ،بېشىدا بىر قانچە ھەپتە  ،ئۇنى قايتۇرۇپ قالامدىكىن دەپ شۇنچە كۈتتۈم، جاۋاپ يوق، ئاخىرى ئۇنىڭ جاۋابدىن ئۈمۈدىمنى ئۈزۈپ ئېلخەتنىمۇ ئانچە ئاچمايدىغان بولدۇم ھەم ئۆزۈمدىكى كەمچىلىكلەرنى تولۇقلاشقا كىرىشتىم. ئارىدىن ئالتە يەتتە ئاي ئۆتتى ،بىر كۈنى مەلۇم ئىشلار تۈپەيلى ئېلىخەتنى ئاچتىم ، كۆزلىرىمگە ئىشەنمەيلا قالدىم، ئۇنىڭ خېتى كەپتۇ............ ........................................................................................................................................................ روۋس، بارمۇسەن؟مەن يادىڭدا بارمۇ؟ مەن ئاپرىل. خېتىڭنى ئەستايىدىل ئوقۇپ قايتا قايتا ئويلاندىم ، ئەمما شۇنچە ۋاقىتقىچە ساڭا خەت يازمىغىنىمنى كەچۈر. دىمىسىمۇ راسىت، مەن ئىسلام توغىرسىدا ھىچنەرسە بىلمەيدىكەنمەن،ئەمما ھازىر ياخشى بولدى، يىنىمدا بىرقانچە مۇسۇلمان دوسىتلىرىم بار، ئۇلاردىن ئۆگىنىۋاتىمەن، ئالاقىلىشىپ تۇرايلى بولامدۇ؟                                                                                                    ئاپرىل ............................................................................................................................................... ئۇنىڭ مۇسۇلمان بولغان بولمىغىنى ماڭا نامەلۇم، ئەمما مەن يەنىلا شۇنچىلىك خوشال بولدۇم، چۈنكى مەن ئۇنى قايىل قىلدىم، ياق ، توغىرراقىنى ئېيىتقاندا ئىسلام بىر ئادەمنىڭ ئالدىدىمۇ بولسا ئۆزىگە خاس نۇر بىلەن جۇلالىنىشقا باشلىغان ئىدى...........يا ئۇلۇغ پەرۋەردىگارىم، شۇ ئېزىقىپ يۈرگەن بارلىق ئاق كۆڭۈل كىشىلەرنى ھىدايەت يولىغا باشلىغايسەن، بىزلەرنى توغرا يولغا باشلىغىنىڭدىن كىيىن ئازغۇچلاردىن قىلمىغايسەن، ئىمانىمىزنى مۇستەھكەم، ئىلمىمىزنى زىيادە قىلغايسەن، گۇناھلىرىمىزنى مەغپىرەت قىلغىن، بىزلەرگە رەھمەت قىلغىن، سېنىڭ رەھمىتىڭسىز بىز زىيان تارىتقۇچىلاردىنمىز، بزىنى يولۇڭدا ئىناق ۋە مۇستەھكەم قىلغىن،ئامىن! مەنبە: ئاشىق تورى

kakkuk11

	مەنمۇ ئۆز مەكتىپىمدە بىر كوريەلىك بىلەن تۇنشۇپ قالغان بىز بىر قانچە قېىم كۆرۈشكەن..... پاراڭلىرمىز..... مۇشۇنىڭغا بەك ئوخشاپ قالاتتى..... ئۇ خىيالىدا مېنى خىرىسئان دىنغا قىززىقتۇرماقچى ئىدى..... تېخى يۈزۈمگە سىلەر ئۇيغۇرلاردىن مۇ خىرىسدىئان لار بار..... مەن تۇنۇيمەن دېگەن.....  شۇنىڭ بىلەن ئۇ مېنى قىززىقتۇرالماي..... ۋاز كەچتى بولغاي..... ئۇزۇن بولدى يوقاپ كەتتى مەنمۇ ئۇنى ئىسلام ھەققىدىكى سۆزلەرنى قىلسام ئۇ ئەيسا بىلەن مۇسا بىزدىمۇ سىلەردىمۇ بار قايسسىغا ئېتقاد قىلساق ئوخشاش دېگەن ئەمسە مۇسۇلمان بول دېسەم ئۇنداق قىلالمايمەن ..... دېگەن ئىدى..... شۇنىڭ بىلەن يول ئىككى بولۇپ كەتتى،،،،،

158941672

	ئىسلام دىنىمىزنى باشقىلارغىمۇ  تەشۋىق قىلىشىمىز كىرەك ... ھەم بىر ئادەمنىمۇ بولسىمۇ  ئسلام  دىنىغا كىرگۈزىشىمىز كىرەك  .ھەم بۇنىڭدىن كىيىن تىخىمۇ  تىرىشىمىز كىرەك .

kalamiy

	يۇقارقىلار توغرا ئىيتىدۇ ..شۇنداق ،،بىز تىرىششىمىز كېرەك ..

blueleaf

	مەن تونۇيدىغان بىر خىرىستىئان قىز  ماڭا ھەقىقىي خىرىستىئانلار مۇ ئەسلىدە ھاراق ئىچسە بولمايدۇ ، ئاياللارمۇ ئورىنىپ يۈرىشى كېرەك دېگەنتى ،مەن ئۇنىڭغا مەن كىنولاردە چېركاۋدىكى ئاياللارنىڭ ئاشۇنداق يۈرىدىغانلىقىنى كۆرگەن دېسەم ئەسلىدە ھەممىمىز شۇنداق يۈرىشىمىز كېرەكتى  دەيدۇ ، بۇ بۇرۇن ئاڭلاپ باقمىغان گەپكەن .ئۇ يەنە ھازىرغۇ ئۇنداق يۈرمەيمىز لېكىن ھچ بولمىغاندا نۇرغۇن قىزلار چېركاۋغا كىرگەندە بولسىمۇ كىيىنىشىگەەدىققەت قىلسا دەيمەن ،كەچلىك كۇلۇبتا كىيىدىغان كىيىملىرى بىلەنلا 15 سانتىمىترلىق ئېگىز پاشنىلىق ئايىغىنى تاراقشىتىپ كىرىدىغانلارنى ياقتۇرمايمىز دەپ بەرگەنىدى.

jassurman

	دىنغا قىززىقتۇردىغانلار ساددا بالىلارنىڭ، چەتئەللىكلەرنى چوڭ بىلىدىغان كەمچىلىكىدىن ئۇستىلىق بىلەن پايدىلىنىپ، قايىل قىلىشقا ئۇرۇنىدۇ

kakkuk11

	ما گەپنى قوللايمەن.....

mihregiya

	يۇقىردىكى 3،4قەۋەتتىكى قېرىنداشلىرىم سىلەرنىڭ دىگىنىڭلارمۇ توغرا ،تەشۋىق قىلىش كېرەك،ئەمما دىنىمىز باشقىلارنى زورلاپ كىرگۈزىدىغان دىن ئەمەس.ئەڭ ياخشى ئەڭ ئۈنۈملۈك تەشۋىقات بىزنىڭ گەپ-سۆزلىرىمىز،يۈرۈش-تۇرىشىمىز،قىلىۋاتقان ئىشلىرىمىزدۇر.اللاھ ھىدايەت قىلغان كىشىنى ھېچكىم ئازدۇرالماس،اللاھ ئازدۇرغان كىشىنى ھېچكىم ھىدايەت قىلالماس... ئىھ اللاھ ئىمانىمىزنى پۈتۈن ،ئىلىمىمىزنى زىيادە قىلغايلا، بىزنى ھىدايەتكە باشلىغايلا...ئامىن!

zokra

	تەپسىلىي ئۇقۇپ  چىقتىم . تەسىراتىم چوڭقۇر   بولدى ..............

baytura

	جۇڭگو كەلگەن چەتئەللىكلەرنىڭ كۆپ قىسىمى دىن تارقىتىش بىلەن مەشغۇل بولىدۇ.مەكتەپلەردە نەچچە قېتىم خىرىستىئان دىنىنىڭ تەشۋىقات ۋاراقچىسى تارقىتىۋاتقانلارنى كۆرگەن