يۈرىكىم قۇملۇقتەك كەتكەن تەشناقاپ

شورلۇق

	يۈرىكىم قۇملۇقتەك كەتكەن تەشناقاپ تۇرغۇن پەيزۇللا يۇلغۇن يۈرىكىم بىنەمدەك كەتكەن تەشناقاپ، ئۇسسۇزلۇق باغرىدا توۋلايدۇ لاي-لاي...! شەپەقنىڭ جىلۋىسى قونغان لىۋىڭدە، كۆڭلۈمنىڭ يارىسى ئېچىشار ۋاي-ۋاي!... سەھەرنى بويلىدىم تۈننى قاقشىتىپ، چوغلارنى چاينىدى تاڭلارمۇ مەندەك. كەچكۈزگە ياماشقان كۈنلىرىم يىغلار، ئۈمىدنىڭ كۆكسىدە ھازىدار چېچەك. قەلبىمدە كىشنىگە چوغدەك ھارارەت، ۋىسالنىڭ جەبرىسى ئاشىققا نېمە؟ ئۈمىدكە ياندىشىپ جەندەنى كېيىپ، جۇنۇلۇق دەشتىنى كەزدىم يىگانە. ھىجراننىڭ ياشلىرى تامغان يوللاردا، يىغلايدۇ سەۋداغا باغلانغان گۈللەر. مۇھەببەت دەشتىگە ئاققان ياشلاردا، ۋاراقلاپ قاينايدۇ قانىغان ئۈنلەر. ئىچىمدە چايقىلار ئاچچىق بىر سەۋدا، تىتىلغان ۋۇجۇدۇم ئىشقىڭ سېھرىدىن. كۆيۈكنىڭ دەردى كۆپ دەردلىك كۆڭلۈمدە، جۇنۇنلۇق دەشتىدە ياشايمەن قىزغىن. يۈرىكىم خۇمدانغا ئايلاندى مانا، لىپمۇ-لىق كۈللەرگە تولغان باغرىم ھەم. ئوقى چالا تەككەن ئوۋچى ئارماندا، ئازاپلار ئاراملىق بەرمەيدۇ بىردەم. ئاسمىنىم قۇايشى بوزلايدۇ دەردلىك، يۇلتۇزى ساقىيدۇ ھىجرانلار ئارا. كۈلكىلەر كۆكسىگە سانجىلغان خەنجەر، ھەسراتتەك قانىغان قەلبىمدە يارا. يۈرىكىم قۇملۇقتەك كەتكەن تەشناقاپ، قۇياشنىڭ جىلۋىسى كۈيەر لىۋىڭدە. كۆڭلۈمنىڭ ئارامى بۇزۇلغان بۇ دەم ، ھىجرانلىق باغرىمدا ئازاپلىق زېدە.

kakkuk11

	ھەي قولۇمدىن كەلسە قۇملۇقتەك بۇ يۈرەككە باغراش كۆلۈمدىن سۇ بېرەركەنمەن شېئىر ياخشى چىىپتۇ.....

nuxirwan0998

	ياخشى يىزىپسىز!

qoxsu

	ھىجرانلىق باغرىمدا ئازابلىق زىدە، بىچارە دەرت باسقان غەمكىن يۈەكتە . نىدايىم ئاڭلانماس بىغەم يايرىمغا، كەتكەنمۇ چۆللەرگە، يىراق ئەللەرگە.

xatkiz

	ياخشى يېزىپسىز.....داۋاملىق مۇشۇنداق ئوبدان تىمىلارنى يوللاپ تۇرۇڭ دوستۇم

nazigul8

	ھىجرانلىق باغرىمدا ئازاپلىق زېدە، تامچىيدۇ يۈرەكتىن قىپ-قىزىل خەتلەر. كۈلكىلەر كېتىپتۇ ئۇچۇپ يىراققا، ئاسماندا نىشانسىز لەيلەيدۇ دەرتلەر.

kigiz

	ياخشى يېزپسىز

nazila998

	يۈرىكىم قۇملۇقتەك كەتكەن تەشناقاپ، قۇياشنىڭ جىلۋىسى كۈيەر لىۋىڭدە. كۆڭلۈمنىڭ ئارامى بۇزۇلغان بۇ دەم ، ھىجرانلىق باغرىمدا ئازاپلىق زېدە. كۆڭلىڭىزنى يىرىم قىلمىڭە ، ھىجرانلىق كۈنلەمۇ ئۆتۈپ كىتەر ، ئاللاھ مۇرادىڭىزغا يەتكۈزسۈن ،