ئايكارىم خىنىم ئارقىلىق ئەبۇل فاتىھ كە

qurighar

	مۆئمىنلەرنىڭ ئىگىسى بولغان رەببىمنىڭ نامى بىلەن باشلايمەن. قۇرئاننى ۋە ھىكمەتنى ئۆزى قوغدىغۇچى رەببىم ئاللاھتىن تىلىيمەنكى، مۇھەممەد ئەلەيھىسسالامنىڭ سۈننىتىنى ئەھيا قىلىش يولىدا بەدەلسىز ئۆمرىنى ئۆتكۈزگەن مۇھەددىسلەرگە ئالىي ئىتىراملىرىم يەتكەي!... تۆۋەندە ئەبۇل فاتىھ ئىسىملىك كىشىنىڭ مۇناسىۋەتلىك خۇسۇسى قاراشلىرىغا رەددىيە بىرىمەن.   ئەبۇل فاتىھ مۇنداق نەقىل ئالىدۇ:　 بىرىنچى ھەدىستىن: مەريەمنىڭ ئوغلى ئادىل بىر ھۆكۈم قىلغۇچى بولۇپ پات-يېقىندا ئاراڭلارغا چۈشىدۇ. ئىككىنچى ھەدىستىن: ئۇ چوقۇم چۈشىدۇ. ئۈچىنچى ھەدىستىن : مەريەمنىڭ ئوغلى ئىيسا ئۈممىتىمنىڭ ئىچىدە ناھايىتى ئادىل ھاكىم ۋە ئادالەتلىك بىر يېتەكچى بولىدۇ. ....................... ئەبۇل فاتىھ ئىسىملىك كىشىگە بۇ ھەقتە جاۋاپ : يۇقارقى ھەدىستە ئىنىقلا ئىسا ئەلەيھىسسالامنىڭ بىر پەيغەمبەر ئەمەس، بەلكى بىر ھۆكۈمران بولۇپ كىلىدىغانلىقى خەۋە قىلىنغان، سىز يۇقارقى ھەدىسنى ئەينى چۈشەنگەيسىز. سىزنىڭ شۇنچە كۈچەپ ھاكىم دىگەن ئىبارىنى پەيغەمبەر دەپ چوقان سالغىنىڭىزدىكى غەرىزىڭىزنىڭ نىمە ئىكەنلىگىنى ئوبدان ئويلاپ كۆردىڭىزمۇ؟...بىز بۇ ھالەتتە سىزنى ھىچ بولمىغاندىمۇ نورمال ئادەم دىيەلمەيمىز!... ئەبۇل فاتىھ مۇنداق نەقىل ئالىدۇ:　 1- مۇھەممەد پەقەتلا بىر ئەلچىدۇر، ئۇنىڭدىن بۇرۇن كۆپ ئەلچىلەر ئۆتتى... (ئال ئىمران 3/144). بۇ ئايەتتە ئىيسا ئەلەيھىسسالامنىڭ، مۇھەممەد ئەلەيھىسسالامدىن بۇرۇن ئۆتۈپ كەتكەنلىكى ئېنىق بىر شەكىلدە ئوتتۇرىغا قويۇلغان. ..................................... ئەبۇل فاتىھ ئىسىملىك كىشىگە بۇ ھەقتە جاۋاپ : يۇقارقى ئايەتتە ئىيسا ئەلەيھىسسالامنىڭ، مۇھەممەد ئەلەيھىسسالامدىن كىيىن قايتا كەلمەيدىغانلىقى ئەمەس بەلكى سىز ئەيتقاندەك" ئىيسا ئەلەيھىسسالامنىڭ، مۇھەممەد ئەلەيھىسسالامدىن بۇرۇن ئۆتۈپ كەتكەنلىكى ئېنىق بىر شەكىلدە ئوتتۇرىغا قويۇلغان" ئەبۇل فاتىھ مۇنداق نەقىل ئالىدۇ:　 -2 «ئى مۇھەممەد! سەندىن ئىلگىرى ھېچ كىشىنى مەڭگۈ ياشاتقىنىمىز يوق...» (ئەنبىيا 21/34). بۇ ئايەتتىنمۇ ئىيسا ئەلەيھىسسالام دېيىلىدىغان كىشىنىڭ ھايات ئەمەسلىكى چىقىپ تۇرىدۇ. ................................. ئەبۇل فاتىھ ئىسىملىك كىشىگە بۇ ھەقتە جاۋاپ : سىز نەقىل قىلغان بۇ ئايەتتىن ھەممە ئىنساننىڭ ۋاپات بولىدىغانلىقى چىقىدۇ، ئەمما  ھاياتىنىڭ قايسى بىر شەكەىلدە قانچە ئۇزۇن داۋام قىلىشىغا چەكلىمە يوق، سىز چۈشەنگەندەك چۈشەنگىنىمىزدە ، توۋەندىكى ئايەتلەر بىلەن  سىز نەقىل ئالغان ئايەتلەر زىتلىشىپ قالمامدۇ؟ (سىلەرگە مۇسا ئارقىلىق) دېدۇقكى، كالىنىڭ بىر پارچىسى بىلەن ئۆلۈكنى ئۇرۇڭلار (ئۇ تىرىلىپ قاتىلنى ئېيتىپ بېرىدۇ)، اﷲ ئۆلۈكلەرنى شۇنداق (يەنى كۆز ئالدىڭلاردا بۇ ئۆلۈكنى تىرىلدۈرگەندەك) تىرىلدۈرىدۇ، سىلەرنى چۈشەنسۇن دەپ قۇدرىتىنىڭ ئالامەتلىرىنى سىلەرگە كۆرسىتىدۇ [73].-2سۈرە بەقەرە . ياكى سەن تام، ئۆگزىلىرى يىقىلىپ ۋەيران بولغان (خارابە) شەھەر (يەنى بەيتۇلمۇقەددەس) دىن ئۆتكەن كىشىنى (يەنى ئۇزەيرنى) كۆرمىدىڭمۇ؟ ئۇ (ئەجەبلىنىپ): «اﷲ بۇ شەھەرنىڭ ئۆلگەن ئاھالىسىنى قانداق تىرىلدۈرەر؟» دېدى. اﷲ ئۇنى يۈز يىل ئۆلۈك ھالىتىدە تۇرغۇزۇپ ئاندىن (كامالى قۇدرىتىنى كۆرسىتىش ئۈچۈن) تىرىلدۈردى. اﷲ (پەرىشتە ئارقىلىق) ئۇنىڭدىن: «(بۇ ھالەتتە) قانچىلىك تۇردۇڭ؟» دەپ سورىدى. ئۇ: «بىر كۈن ياكى بىر كۈنگە يەتمەيدىغان ۋاقىت تۇردۇم» دېدى. اﷲ ئېيتتى: «ئۇنداق ئەمەس، (تولۇق) 100 يىل تۇردۇڭ! يېمەك ئىچمىكىڭگە قارىغىنكى، بۇزۇلمىغان؛ ئېشىكىڭگە قارىغىنكى (ئۇنىڭ سۆڭەكلىرى چىرىپ كەتكەن). (ساڭا يۇقىرىقىدەك ئادەتتىن تاشقىرى ئىشلارنى قىلغانلىقىمىز) سېنى بىز كىشىلەرگە (قۇدرىتىمىزنىڭ) دەلىلى قىلىش ئۈچۈندۇر. بۇ سۆڭەكلەرگە قارىغىنكى، ئۇنى قانداق قۇراشتۇرىمىز، ئاندىن ئۇنىڭغا گۆش قوندۇرىمىز. (يۇقىرىقى ئىشلار) ئۇنىڭغا ئېنىق بولغان چاغدا (يەنى ئۇ روشەن مۆجىزىلەرنى كۆرگەن چاغدا)، ئۇ: «مەن اﷲ نىڭ ھەممە نەرسىگە قادىر ئىكەنلىكىنى بىلدىم» دېدى [259]. -2سۈرە بەقەرە . قايتا تىرىلدۈرۈشكە ئالاقىدار بايانلاردىن يەنە ئەسھابۇل كەھفنى، ۋە ئىسا ئەلەيھىسسالامغا بىرىلگەن مۆجىزىلەر جۈملىسىدىن بولغان ئۆلۈكنى تىرىلدۈرۈشنى ساناش مۈمكىن. سىزچە بۇ دەلىللەرنى ئىسا ئەلەيھىسسالامنىڭ قايتا تىرىلىشىگە ياكى بىزچە قايتا زېمىنغا چۈشۈشىگە تەدبىقلاپ خاتالاشتۇقمۇ؟...سىزچە سىزگە ھەدىسلەر كىرەك ئەمەس ئىكەن، ئۇنداقتا سىز نامازنى قۇرئانى كەرىمدىكى قايسى دەلىلگە ئاساسلىنىپ 5 ۋاقت ئوقۇيسىز ۋە پەرز-سۈننەتلىرىنى قۇرئانى كەرىمدىكى قايسى دەلىلگە ئاساسەن بىكىتىپ ئوقۇيسىز؟ ئەبۇل فاتىھ مۇنداق نەقىل ئالىدۇ:　 -3ئۆز ۋاقتىدا مەريەمنىڭ ئوغلى ئىيسا مۇنداق دېدى: ئى ئىسرائىل ئەۋلادى، مەن ، چوقۇم اللەنىڭ سىلەرگە ئەۋەتكەن ئەلچىسى. مەن، مەندىن بۇرۇن كەلگەن تەۋراتنى تەستىلايدىغان، مەندىن كېيىن كېلىدىغان ئەھمەد ئىسملىك بىر پەيغەمبەر بىلەن خۇش خەۋەر بېرىدىغان بىر پەيغەمبەرمەن...» (سەف 61/6). بۇ ئايەت ئىيسا ئەلەيھىسسالامنىڭ، تەۋراتنىڭ نازىل قىلىنىشىدىن كېيىن مۇھەممەد ئەلەيھىسسالام پەيغەمبەر بولۇپ كېلىشتىن بۇرۇن دۇنياغا كەلگەنلىكىنى بايان قىلىدۇ. دىققەت قىلىدىغان بولساق، ئىيسا ئەلەيھىسسالامنىڭ يەنە بىر قېتىم دۇنياغا كېلىشى بۇ ئايەتكە ئوچۇقتىن- ئوچۇق زىت كېلىدۇ. ............................ ئەبۇل فاتىھ ئىسىملىك كىشىگە بۇ ھەقتە جاۋاپ : يۇقارقى ئايەتتە،سىز ئەيتقاندەك  ئىيسا ئەلەيھىسسالامنىڭ مۇھەممەد ئەلەيھىسسالامدىن بۇرۇن پەيغەمبەر بولغانلىقى ئىنىق بىلىنىدۇ، ئەمما ئىيسا ئەلەيھىسسالامنىڭ ، مۇھەممەد ئەلەيھىسسالامدىن  كىيىن ئادىل ھۆكۈمران بولۇپ زىمىنغا چۈشىشىگە قارشى ھىچقانداق دەلىل يوق!.. ئەبۇل فاتىھ مۇنداق نەقىل ئالىدۇ:　 -4مۇھەممەد، پەيغەمبەرلەرنىڭ ئاخىرقىسىدۇر ئەھزاب( 33/40.). بۇ ئايەتكە ئاساسەن پەيغەمبەرلەرنىڭ ئاخىرقىسى ئىيسا ئەلەيھىسسالام بولماستىن بەلكى مۇھەممەد ئەلەيھىسسالامدۇر! .................................. ئەبۇل فاتىھ ئىسىملىك كىشىگە بۇ ھەقتە جاۋاپ : يۇقارقى ئايەتنىڭ ھۆكمىنى توغرا چۈشەنگىنىڭىزگە مۇبارەك بولسۇن!... شۇغىنىسى سىزگە قايتا تەكىتلەيدىغىنىمىز: بىز ئىيسا ئەلەيھىسسالامنى  پەيغەمبەرلەرنىڭ ئاخىرقىسى ئەمەس بەلكى ئادىل ھۆكۈمرانلارنىڭ ئاخىرقىسىدۇر دەۋاتىمىز. .......................................... ئەبۇل فاتىھ مۇنداق نەقىل ئالىدۇ:　 ئۇنىڭ ئۈستىگە ئىيسا ئەلەيھىسسالام چۈشىدۇ ياكى قايتا كېلىدۇ دېگەنلىك، يا ئىيسا ئەلەيھىسسالام تېخى ھايات ۋە يا اللە تەئالا ئۇنى قايتا تىرىلدۈرۈپ ئاندىن ئەۋەتىدۇ دېگەنلىك بولىدۇ. ئىيسا ئەلەيھىسسالامنىڭ تېخى ھايات ئىكەنلىكى، يۇقارقى ئايەتلەرگە ئوچۇقتىن- ئوچۇق زىت كېلىش بىلەن بىرگە تۆۋەندىكى ئايەتلەرگىمۇ زىت كېلىدۇ: 1- «ئى ئىيسا! مەن سېنى ئۆلتۈرۈپ ئۆز تەرىپىمگە كۆتۈرىمەن...» (ئال ئىمران 3/55). بۇ ئايەتتە اللە تەئالا ئىيسا ئەلەيھىسسالامنى ۋاپات قىلدۇرۇپ (قەبزى روھ قىلىپ/ ئۆلتۈرۈپ) ئۆز تەرىپىگە كۆتۈرىدىغانلىقىنى ۋەئدە قىلىدۇ. نىسا سۈرىسىنىڭ 158- ئايىتىدە «بەلكى اللە ئۇنى ئۆز تەرىپىگە كۆتۈردى...» دەپ ئۇنى ئۆز تەرىپىگە كۆتۈرگەنلىكىنى، يەنى كۆتۈرۈپ بولغانلىقىنى بايان قىلىدۇ. ........................................................ ئەبۇل فاتىھ ئىسىملىك كىشىگە بۇ ھەقتە جاۋاپ : يۇقارقى ئايەتتە سىز دىگەندەك  اللە تەئالا ئىيسا ئەلەيھىسسالامنى ۋاپات قىلدۇرۇپ (قەبزى روھ قىلىپ/ ئۆلتۈرۈپ) ئۆز تەرىپىگە كۆتۈردى ،ئەمما شۇنىمۇ بىلىۋىلىڭكى جانابى ئاللاھ ۋەدىسىگە زىنھار خىلاپلىق قىلمايدۇ!... اﷲ ئېيتتى: سىلەر بىر - بېرىڭلارغا (يەنى شەيتان ئىنسانغا، ئىنسان شەيتانغا) دۈشمەن بولغان ھالدا چۈشۈڭلار، ئەجىلىڭلار پۈتكەنگە قەدەر يەر يۈزىدە تۇرىسىلەر ۋە ئۇنىڭدىن پايدىلىنىسىلەر [24]. اﷲ ئېيتتى: يەر يۈزىدە ياشايسىلەر، يەر يۈزىدە ئۆلىسىلەر، (قىيامەت كۈنى) يەنە يەر ئاستىدىن چىقىرىلىسىلەر-7[25].سۈرە ئەئراف يۇقارقى ئايەتتە ئىنىقلا يەر يۈزىدە ياشايسىلەر، يەر يۈزىدە ئۆلىسىلەر، (قىيامەت كۈنى) يەنە يەر ئاستىدىن چىقىرىلىسىلەر دەپ ئىنىق ۋە كەسكىن ئىلاھىي بايان تۇرسا سىز يەنە ھەقىقەتتىن جاھىللارچە باش ئارتماقچىمۇ؟...سىزچە ئىسا ئەلەيھىسسالام قىيامەت كۈنى يەر يۈزىدىن ئەمەس ، بەلكى ئاسماندىن تىرىلىپ قوپىدىغان ئوخشىمامدۇ؟...نەئۇزۇبىللاھ!... سىزنىڭ ھەدىسى رەسۇلۇللاھ بىلەن قۇرئانى مۇقەددەسنى ئايرىۋەتمەكچى بولغىنىڭىزغا ھەيرانمەن، قۇرئانى كەرىمدە جانابى ئاللاھ " ساڭا ھىكمەت ئاتا قىلدىم" دەپ تەكرار بايان قىلغان تۇرسا، يەنە سۈننەتكە ئىتىبارسىز قاراشقا نىمە ھەددىمىز بولسۇن؟...مەن بىلگەن ئۇچۇرغا قارىغاندا ، تىخىچە دۇنيا مىقياسىدا "ھەدىسشۇناسلىق " ئىلمىدەك  ئىنچىكە ئىلمىي،ۋە ئىھتىياتچانلىق بىلەن تەتقىقات ئىلىپ بارغان ھىچ بىر ئىلىم ساھەسى بولمىغان!...سىز سەل قارىغان ھەدىسلەرنىڭ توپلىنىش،تەھقىقلىنىش، ئىستىمال قىلىنىش جەريانلىرى ناھايىتى مۇرەككەپ ۋە ئۇزۇنغا سوزۇلغان ئەقلىي ۋە نەقلىي ئەمگەكلەر بەدىلىگە، جانابى ئاللاھتىن قورقۇش ۋە ساۋاپ ئۈمۈت قىلىش ھالەتلىرىدە ، ئىنچىكىلەپ سىلىتۇرۇلۇپ، راۋىيلىرىنىڭ ئەھۋاللىرى"ئىسنادشۇناسلىق قانۇنلىرى" بىلەن نۇرغۇن ئىھتىياتچان مەسئۇلىيەتچان ئەمگەكلەر بەدىلىگە تەكشۈرۈلۈپ، ئاندىن ھەدىس دەپ ئىتىراپ قىلىنغان، بىز قوڭ سويمىلىرىنىڭ ھەدىسنى ئۆز رەيىمىز بويىچە ئۇ-بۇ دەيدىغانغا  سالاھىيىتىمىز تىخى خىلىلا بالدۇرلۇق قىلىدۇ. سىزگە سۇئال؛ -1 سىز ئىسا ئەلەيھىسسالامنى ئۆلۈك دەپ ئىتىقات قىلسىڭىز، ئۇنداقتا جانابى ئاللاھنىڭ قايتا تىرىلدۈرەلەيدىغانلىقىغا ئىشەنمەمسىز؟ -2 سىز ئىسا ئەلەيھىسسالامنى ئاسماندا ئۆلۈك دەپ قارىسىڭىز، ئۇنداقتا ئىسا ئەلەيھىسسالام قىيامەتتىن بۇرۇن چوقۇم زېمىنغا تىرىك چۈشۈپ يەر يۈزىدە ۋاپات بولمىسا -7سۈرە ئەئرافنىڭ -24ئايىتىگە  قارشى بولىدىغانلىقىنى بىلەلمىدىڭىزمۇ؟ -3 سۇئال جانابى ئاللاھ مۇنداق دەيدۇ: اﷲ نىڭ يولىدا ئۆلتۈرۈلگەنلەرنى (يەنى شېھىتلەرنى) ئۆلۈك دېمەڭلار، بەلكى ئۇلار تىرىكتۇر، لېكىن سىلەر بۇنى سەزمەيسىلەر [154].  -2سۈرە بەقەرە . سىزچە ئىسا ئەلەيھىسسالام ئاللاھ يولىدا شەھىد كەتمەپتىمۇ؟...ئۇنداقتا قۇرئانى كەرىمدىكى يۇقارقى دەلىلگە ئاساسەن ، ئىسا ئەلەيھىسسالامنىڭ شەھىدلىك سۈپىتىدە تىرىك ئىكەنلىگىنى قايسى دەلىلىڭىز بىلەن ئىنكار قىلالايسىز؟!!!!.. -4سۇئال: مۇبادا سىزنىڭ قۇرئانى مۇقەددەستىن "تىپىۋالغان "ئىسا ئەلەيھىسسالامنى ئاسماندىن چۈشمەيدۇ دەيدىغان دەلىلىڭىز بولسا،  ئۇ دەلىلىڭىز قىنى؟!... -5سۇئال : مۇبادا ئىسا ئەلەيھىسالام ھازىر ئاسماندا ئەمەس دىيەلىسىڭىز ئۇ دەلىلىڭىز قىنى؟... شۇنىسى ئىنىقكى، مۇبادا ئىسا ئەلەيھىسسالام يەردە بولغان بولسا ،ياكى مىيىتى يەردە بولغان بولسا ، ناسارا ۋە يەھۇدىيلەر ئىسا ئەلەيھىسسالامنىڭ مەقبەرىسىنى ئاللىقاچاندا ئىبادەتخانا  قىلىۋالغان بولاتتى!...شۇنداقلا ناسارالىققا قارشى كىشىلەر، ناسارالارنىڭ ئىسا ئەلەيھىسسالامنى ئاللاھقا شىرىك كەلتۈرىشىگە قارشى ، ئىسا ئەلەيھىسسالامنىڭ قەۋرىسىنى يەنە بىر دەلىل قىلىپ تۇرۇپ،ئىسا ئەلەيھىسسالامنىڭ"ساختا ئىلاھ'لىقىغا رەددىيە بەرگەن بولاتتى!.. بۇنىڭسىزمۇ ئىسا ئەلەيسىسسالام بىر بەندە ۋە پەيغەمبەردۇر . -6سۇئال: سىزنىڭ يۇقارقىدەك قىلنى پىل، پىلنى قىل قىلىپ كۆرسىتىپ ئىسپاتلىماقچى بولغىنىڭىز ئىمە ؟...شۇنى بىلىۋىلىڭكى، ھەقنى ھەقنىڭ ئىگىسى ھەر زامان قوغدايدۇ ۋە ئىنسانىيەت تىخى ھەقىقەتتىن بىھاجەت ئەمەستۇر!... -7سۇئال: سىز ئەيتقاندەك ئىسا ئەلەيھىسسالامنى جانابى ئاللاھ قەبزى روھ قىلىپ كاپىرلارنىڭ زىيانكەشلىگىدىن قۇتۇلدۇرۇش ئۈچۈن ئاسمانغا ئىلىپ چىقىپ كەتكەن دىيىلسە، ئۇنداقتا بىر جەسەتنى قوغداش ئۈچۈن شۇنچە مۆجىزە بىلەن ئۇنى ئاسمانغا كۆتۈرۈشكە نە ھاجەت؟!...ھەتتا سىز بىزدەك ھاماقەتلەرمۇ ئۆلۈكنى قۇتۇلدۇرۇش ئۈچۈن ئۇنچە ھەركەت قىلىپ كەتمەيمىز،شۇنىسى ھەقىقەتكى، ئىسا ئەلەيھىسسالام بىر بەندە ئىدى،ئۇ -2ئاسمانغا ئۆرلەش ئۈچۈن جىسمانىي جەھەتتە يەر شارىغا ئۆخشىمىغان يۇقىرى ئاسماننىڭ تۈرلۈك قانۇنىيەتلىرىنىڭ چەكلىمىسىگە ئۇچرايتتى،شۇڭا جانابى ئاللاھ ئۇنى يەردىكى ھالىتىدە ئەمەس، بەلكى ئاسمان قانۇنىيەتلىرىگە لايىق بىر ھالدا قەبزى روھ قىلىپ ئاسمانغا كۆتۈردى، بۈگۈنكى ئاستىرونومىيە ئىلمى ئاللىقاچان ئىسپاتلىغان بىر ھەقىقەتنى، جانابى ئاللاھ ئىسا ئەلەيھىسسالامنى ئاسمانغا كۆتۈرۈش ھادىسىسى ئارقىلىق ، بۇندىن1400 نەچچە يىللار بۇرۇن قۇرئانى كەرىمدە بۇ ۋەقەنى بايان قىلدى، مۇبادا  بۇ ھەقتە لايىق بىلىم ئالاي دىسىڭىز ناسادا )ئامىرىكا ئالەم قاتنىشى ئىدارىسىدە( خىزمەت قىلىۋاتقان ھۆرمەتلىك ۋە سۆيۈملۈك ئالىمىمىز ئەركىن سىدىق ئەپەندىمگە ئىلتىجا قىلغايسىز، ئۇ قىرىندىشىمىز تولىمۇ كەمتەرلىك بىلەن سىزگە گالاكسىيۇنلاردىكى تۈرلۈك قانۇنىيەتلەردىن ھەقسىز دەرس ئۆتۈپ بىرىدۇ. -8سۇئال سىز  ئىسا ئەلەيھىسسالامنى يەر يۈزىدە ۋاپات بولغان دىمەكچىمۇيە؟...ئۇنداقتا ئۇنىڭ ئاسمانغا كۆتۈرۈلىشىنى قانداق ئىنكار قىلىسىز؟...ياكى سىز ئىسا ئەلەيھىسسالامنى ئاسمانغا ئۆلۈك ھالدا چىقىپ كەتكەن دىمەكچىمۇ؟..ئۇنداقتا سىز 7-سۈرە ئەئرافنىڭ -24 ئايىتىگە نىمە دەپ چۈشەنچە بىرىسىز؟... ياكى سىز ئىسا ئەلەيھىسسالامنى يەرگە چۈشمەيدۇ دىيىش ئۈچۈن ئۇنى ئىنسان ئەمەس بەلكى بىر ئىلاھ ئىدى دىمەكچىمۇ؟... اﷲ ئېيتتى: ‹‹سىلەر بىر - بېرىڭلارغا (يەنى شەيتان ئىنسانغا، ئىنسان شەيتانغا) دۈشمەن بولغان ھالدا چۈشۈڭلار، ئەجىلىڭلار پۈتكەنگە قەدەر يەر يۈزىدە تۇرىسىلەر ۋە ئۇنىڭدىن پايدىلىنىسىلەر›› [24]. اﷲ ئېيتتى: ‹‹يەر يۈزىدە ياشايسىلەر، يەر يۈزىدە ئۆلىسىلەر، (قىيامەت كۈنى) يەنە يەر ئاستىدىن چىقىرىلىسىلەر-7[25].سۈرە ئەئراف . يۇقارقى ئايەتكە ئاساسەن شۇنداق دەيمىزكى، ھەرقانداق ئۇسۇلدا، ھەرقانداق ھالەتتە، ھەرقانداق زاماندا ، ھەرقانداق ماكاندا ياشىغۇچى ئىنسان، چوقۇمكى قىيامەتىن بۇرۇن يەر يۈزىگە چۈشۈپ قەبزى روھ بولىدۇ، ھەمدە قىيامەتتىن كىيىن -2سۈر چىلىنغاندا چوقۇم يەر يۈزىدىن تىرىلىپ قوپىدۇ!...بۇ ھەقىقەتنى ئىنكار قىلالايدىغانلار قۇرئانى مۇقەددەسنىڭ -7سۈرە -24-25ئايەتلىرىنى ئالدى بىلەن ئىنكار قىلالىشى كىرەك!...ئۇ ھالدا ، ئۇ ئىنسان بىزنىڭ نەزىرىمىزدە مۇسۇلمانلاردىن سانالمايدۇ.ئۇ ھالدا ئۇنداق ئىنساننىڭ بىز بىلەن قۇرئانى كەرىم ھەقىقەتلىرى ۋە ئىسلام دىنى ئەقىدىلىرى ھەققىدە مۇنازىرە قىلىدىغانغا نىمە سالاھىيىتى بولسۇن؟...ئاللاھۇ ئەكبەر!... يۇقارقى مۇنازىرىنىڭ ئاساسلىق تۈگۈنى ئىسا ئەلەيھىسسالامنىڭ يەرگە چۈشۈشى ياكى چۈشمەسلىگى ئوتتۇرىسىدىكى  مەسىلە بولغىنى ئۈچۈن، يۇقارقى دەلىللەر بۇ تالاش-تارتىشقا كەسكىن توختاش چىكىتى ئۇرۇشقا يىتەرلىك دەپ قارىدىم، شۇڭا گەپنى يەنە ئۇزارتمىدىم، توغرا چۈشىنىلسە. ئاخىرىدا ئاي كارىم خانقىزنىڭ بۇ جاۋابىمنى ئادالەت ۋە ھەققانىيەت يۈزىسىدىن  مۇناسىۋەتلىك يازمانى كۆچۈرۈپ كەلگەن جايغامۇ يوللاپ قويۇشىنى ئۈمىت قىلىمەن. رەھمەت! بەندەڭمەن، گەر بىلمەي خاتانى يازدىم، كەچۈرگىن يا غەفۇر بەكمۇ كۆپ ئازدىم . شەھرى قاغىلىق، ت.ت. قۇرىغار .

ozuyghur

	ئەسسالامۇ ئەلەيكۇم. ئەۋۋەلا  قىممەتلىك تېمىڭىز ئۈچۈن رەھمەت. تېمىڭىز سەل تومتاقمۇ نېمە؟  سىز كىمنىڭ، قايسى يازمىسىغا رەددىيە يازماقچى؟  ئۇ تېمىسىدا نەدە، نېمە دىگەن؟ ئاۋال بۇلار ھەققىدە چۈشەنچە بەرگەن بولسىڭىز. ئاللاھ خاتالىقتىن يىراق قىلسۇن.

qurighar

	ۋەئەليكۇم ئەسسالام! سىز مۇشۇ مۇنبەردىكى قۇرىغار يازمىسىدىكى ئىسا ئەلەيھىسسالام ۋە بەرزەخ دىگەن تىمىدىكى يازمامغا ۋا قوشۇمچە چاپلانغان ئالاقىدار يازمىغا دىققەت قىلغايسىز. /thread-76875-1-1.html

ئۇيغۇر1

	ئەسسالامۇ-ئەلەيكۇم قېرىندىشىم ئەبۇل فاتىھ  نىڭ ئىسا ئەلەيھسالام چۈشمەيدۇ دىگەن سۆزلىرگە ياخشى رەديە بىرىپسىز بولسا يەنە بەزى پەتۋالىرى بار شۇنۇڭغمۇ رەديە بىرۋەتسڭىز ئاللاھ رەھمەت قىلسۇن

ozuyghur

	ئىمان كەلتۈرۈشتە ئىسا ئەلەيھىسسالامنىڭ ئاسماندىن چۈشىدىغان ياكى چۈشمەيدىغانلىقىغا ئىشىنىش  شەرتمىدۇ؟