مۇھەببەتلىشىپ توي قىلغان ياخشىمۇ ياكى....

tiwep

	مۇھەببەتلىشىپ توي قىلغان ياخشىمۇ ياكى....     جەمىئىتىمىزنىڭ ئومۇمىي خارەكتىرىدىن ئىلىپ ئىيتساق ، كەڭ ئۇيغۇر دىيارىدا مۇنداق ئىككى خىل تۇرمۇش شەكلى ھۆكۈم سۇرمەكتە .بىرى ئۆز ئالدىغا مۇھەببەتلىشىپ تۇرمۇش قۇرۇش ، يەنە بىرى ئاتا-ئانىسىنىڭ ۋە چوڭلارنىڭ "تاپقان"نى قوبۇل قىلىپ تۇرمۇش قۇرۇش .   دەۋرىمىزدىكى قىران ياش يىگىت -قىزلىرىمىز ئۆزىنىڭ ئۆمرىدىكى ئەڭ مۇھىم بولغان "نىكاھ"ئىشىنى ئىنتايىن ئىنچىكىلىك بىلەن ئويلاش تەپەككۇر قىلىش ۋە بۇرۇنقىلارنىڭ تەجىربە ساۋاقلىرىنى يەكۇنلەش بىلەن بىرگە ، مۇقەددەس ئىسلام دىنىمىزنىڭ شەرئى ھۆكمى بويىچە قەدەممۇ قەدەم ئىلىپ بىرىشى كىرەك .    دىيارىمىزدىكى شەھەرلىشىش تەرەققىياتىنىڭ تىزلىشىپ كىتىشىگە ئەگىشىپ، قىز-يىگىتلەرنىڭ ئۇچرىشىش سورىنىمۇ بارغانسىرى كىڭىيىشكە باشلىدى .ئەڭ ئاددى بولغان "ئابتۇبۇس ساقلاش" ئاممىۋى تەرتىپىمۇ ، مۇنداقچە قىلىپ ئىيتقاندا ، "يىگىتلەرگە نىسبەتەن "ئولجا" ئىزدەش سورىنى بولماقتا .   ئۇنداقتا قىز-يىگىتلەرنىڭ مۇھەببەتلىشىپ توي قىلغىنى ياخشىمۇ ياكى ئاتا-ئانىسىنىڭ تونۇشتۇرىشى بىلەن توي قىلغان ياخشىمۇ ؟     قىنى مۇنبەرداشلار مۇشۇ ھەقتە قىسقىغىنە ئەمما ئەھمىيەتلىك بولغان مۇنازىرە  قىلىشىپ باقساق ، دوسىتلىرىمىز ئارا چۇشىنىش ۋە بىلىم دائىرىمىز تىخمۇ كىڭەيسە ...          مەنبەسى :قەلەم

نۇربىيە

	ئىشقىلىپ مەن ئاتا ئانام تاپقانغا تىگمەن .

guzelim

	مۇھەبەتلەشمەي توي قىلىپ، بەخىتلىك بولغانلار كۆپ سالماقنى ئىگەللەيدۇ!

SORINTO

	جۈملىدىن مانا مەنمۇ ئاتا - ئانام تاپقان قىز بىلەن توي قىلغان ، 10 يىل بوپ قاپتۇ شۇنداق ئىجىل ئىناق ئۆتىۋاتىمىز .  ئايالىم ئىككىمىز توي قىلغانغا قەدەر تۈزۈكمۇ تونۇشمايتتۇق ، ھەتتا تويدىن بۇرۇن بىر بىرىمىزنى چۈشىمىزدىمۇ كۆرۈپ باقمىغان .

halattergul

	بۇنىڭغا جاۋاپ بەرگىلى بولمايدۇ......بۇ دۇنيادىكى ئىشلار مۇتلەق ئەمەس ئەمەس نىسبىي بۇ سوئالغا مۇھەببەتلىشىپ توي قىلىپ بەختلىك بولغانلار  بولالمىغانلار تۇنۇشتۇرۇپ توي قىلىپ بەخىتلىك بولغانلار ۋە بولالمىغانلارنىڭ كۆز قارشى ئوخشاش بولمايدۇ .........شۇڭا مىنىڭچە ھەممە ئادەم ئۆزى تاللىغان يولدا ماڭغىنى تۇزۇكمىكىن ......قانداق دىدىم ...... شۇڭا پەلسەپە نوقتىسىدىن بۇ سوئالنىڭ جاۋابى مۇتلەق چىقمايدۇ.......

nazila998

	مىنىڭچە قانداق توي قىلىش ئانچە مۇھىم ئەمەس ، گەپ تويدىن كىيىن ئەر-ئايالنىڭ ئائىلىدە قانداق ئۆتۈشىدە .

xeren0908

	مەن خال ئەتېر گۇلنېڭ   پرېكرېگە قوشۇلمەن

akwolf

	بىر نىمە دىمەك تەس...

abdurehim123

	بۇنىڭغا ئېنىق بىر نىمە دىيىش تەس . مىنىڭ ئەملىيەتتە كۆرگىنىم: مۇھەببەتلىشىپ مۇھەببىتى  توي قىلغانلاردىن، مۇھەببەتلىشىپ ئاندىن  باشقىلار بىلەن توي قىلغانلار جېقراق .مەكتەپتە ئەر-خوتۇن بۇلۇپ ئوقۇش پۇتتۇرگەندە يۇرتلىرىغا  قايتىدىكەن ،شۇنىڭ بىلەن باشقىلار بىلەن توي قىلىدىكەن . ئۆزەمنى ئېلىپ ئىيتسام ،مەنمۇ باشقا قىزلارنى  ياخشى كۆرۈپ باققان ،ئەمما بىرەر قىز بىلەنمۇ مۇھەببەتلىشىپ باقمىغان .2007-يىلى توي قىلىشنى ئويلىغاندىن باشلاپ چوڭلار،ئورۇق-تۇققانلار ،تۇنۇش-بىلىشلەر تۇنۇشتۇرۇپ دىگەندەك نەچچىلگەن قىزلار بىلەن ئۇچراشتىم  ،ماڭا تۇنۇشتۇرلغان قىزلارنىڭ ھىچ بولمىسا يىگىرمىسىنىڭ ئىسمىنى ساناپ بىرەلەيمەن .جېقلىرى بىلەن بىر قېتىم كۆرۈشۈپلا ئىكىكىنچى ئىزدەشمىدۇق ،بىر نەچچىسى بىلەن بىر ئىككى قېتىم بىللە تاماق يىگەن بولدۇق،ئەمما يەنىلا نەتىنجىسى چىقمىدى ...شۇنداق قىلىپ  قىزلار بىلەن ئۇچرىشىشتىن قاچىدىغان بولۇپ قالدىم .ئۇرۇق -تۇۇقانلارنىڭ تاپا-تەنىسى ئوغامنى قاينىتاتتى ...2009-يىلى 8-ئاينىڭ ئاخىرىغا  كەلگەندە ئۆيدىكىلەرنىڭ بېسىمى ئاستىدا ئۆزەمدىن 10ياش كىچىك بىر قىزغا تېلفۇن قىلىپ تۇنۇشۇشقا  مەجبۇر  بولدۇم .9-ئاينىڭ 1-كۈنى تېلفۇن قىلدىم .بىر ئاي تېلفۇندا پىكىر ئالماشتۇردۇق ،10-ئاينىڭ 1-كۈنى بايرامدا ئۆيگە قايتىپ تۇنجى قېتىم يۈز كۆرۈشتۇم .10-ئاينىڭ 5-كۈنى مۇھەببەت ئىزھار قىلدىم ،10-ئاينىڭ 7-كۈنى خىزمەت ئورنۇمغا قايتىپ كەتتىم ،10-ئاينىڭ 30-كۈنى نىكاھىمغا ئالدىم .شۇنىڭدىن بىرى ئىناق ئۆتىۋاتىمىز .سەن-پەن دىيىشىپ قالمىدۇق . قايسى ياخشى دىگەندە ،يەنىلا ئۆزىڭىزگە باغلىق .