ئاشىق ھېكايىسى5 تۈگدى

kakkuk11

	ئاشىق ھېكايىسى ئاشىق ھېكايىسى 1...............يۈشۇرۇن سۆيگۈ ئاشىق ھېكايىسى 2............... سۆيگۈ ئىزھارى ئاشىق ھېكايىسى 3...............رومانتىك چاغلار ئاشىق ھېكايىسى 4...............ئوتلۇق سېغىنىش ئاشىق ھېكايىسى 5............... ئازابلىق قىسمەت 1 كۈندە شېئىر يازسام قاراڭ ، دېمەڭ ھەرگىز مېنى ساراڭ. دوستلار ئارا بولسا پاراڭ ، قىزىپ كېتەر ئاستى باراڭ، بۈگۈن مانا تەنھا قالسام، يوق يانىمدا يالغۇز ماڭسام. خىيال سۈرسەم ئايغا قاراپ، كەلمىدىڭ سەن مېنى ماراپ. بۇنداق قىلساڭ ھالىم خاراپ، بولۇپ كېتەر يۈركۈم كاۋاپ. نېمە گۇناھ قىلغان ئىدىم، تاماق يېمەي ھەسرەت يىدىم. بۇ كۈنلەرمۇ ئۆتۈپ كېتەر، ياخشى كۈنمۇ يېتىپ كېلەر. سەن كەلمىسەڭ قانداق قىلاي، گۈل ھىدىڭنى قانداق پۇراي. سەن كەلمىسەڭ مەيلى كەلمە، ئىزلەپ بارسام قېچىپ كەتمە. ھايات شۇنچە گۈزەل تۇرسا، گۈل ھىدىڭنى بۇلبۇل پۇرسا. گۈل ئاشىقى بۇلبۇلمىدۇ ، ئاشىق كۆڭلۈم بارغانمىدۇ. ئەگەر بولساڭ ئاق ئەتتىرگۈل، مەن قارلىغاچ بېرەي كۆڭۈل. گەر شېخىڭغا قونسا قۇشقاچ، دېگىن شاختا بار قارلىغاچ. تەنھا قالساڭ سۈرمە خىيال، قەلبىڭدە مەن بولغىن خوشال. بىل قەلبىمنى گۈزەل جانان، قەلبىم ئاشىق ساڭا ھامان . ئاغرىپ قالسام بار ئۆيۈمگە، ئۇخلاپ قالسام كىر چۈشۈمگە. بۇ كۆڭلۈمنى قوبۇل قىلغىن ، جاۋاب بەرگىن تېلفۇن قىلغىن. بەرمە ماڭا ساختا سۆيگۈ، بولغىن ماڭا سادىق مەڭگۈ . ئېقى قەغەز قارسى سىياھ ، سەن قەلبىمدە ئۆسكەن گىياھ. سەن بولغاچقا پۇراقلىق گۈل ، ئىزھار قىلسام دەيمەن كۆڭۈل. لېكىن جۈرئەت قىلالمىدىم، ياكى سەندىن كېچەلمىدىم. ساڭا بولغان چىن ئەقىدە، قالار پەقەت بۇ دەپتەردە . خۇش ھىدىڭنى پۇراپ باقماق، قوللۇرۇڭنى يۈزگە ياقماق . ئەقىدەمدىن كېچەلمەيمەن ، سېنى ھەرگىز ئۇنتالمايمەن . كۈنۈم ئۆتەر كۈنلەر سانا پ، تاماق يېسەم يانغا قاراپ . سېنى كۆرسەم خوشال بولۇپ، پەرۋاز قىلىپ كۆكتە ئۇچۇپ . جامالىڭدىن ئايمۇ خىجىل ، كۆز ئالدىمدىن كەتمەس ئىزچىل. ھايات يولى ئەگرى توقاي ، بۇ يوللاردا قانداق ماڭاي . ئاشىق ئوقۇم تەككەنمىدۇ ، سېنىڭ قەلبىڭ سەزگەنمىدۇ . ئەڭ ياخشىسى سەزمەي قالسۇن، ئاستا- ئاستا ئورۇن ئالسۇن . ساڭا تىكلىپ قارالمايمەن . قارماي يەنە چىدالمايمەن . ئەجەپ ئىش بۇ دەيمەن توۋا، بۇ دەردىمگە يوقمۇ داۋا . داۋا قىلىپ باراي سوتقا ، ئامال ئىزلەپ ئىشىق ئوتقا . يامغۇر ياغسا كۈنلۈك تۇتقىن، بۇ كۆڭلۈمنى تېزراق ئۇتقىن، باشقا مېنى گۆللەپ كەتسە، ئاغرىنمامسەن بۇلبۇل ئەتسە. گۈل ئاشىقى بۇلبۇل دەيدۇ ، بۇلبۇل نىچۈن ھەسرەت يەيدۇ . ئەي گۈزەل قىز ئوتۇڭ يامان ، دەردىڭدە تەن قالماس ئامان. ئاشىق بولغان گۇناھ ئەمەس، مەينى ئىچمەي بولغان بىر مەس. ساڭا سوققان ئوتلۇق يۈرەك ، بار ئۇنىڭدا ئارزۇ- تېلەك . ساڭا ياساپ ئالتۇن قەپەس، ئېلىپ كەتمەك راستلا بەك تەس . سەندىن ماڭا سۆيگۈ كېرەك ، ئىككىمىزدىن ئەلگە خەمەك . سەن دىلىمدا يانغان چىراق ، شۇڭا ماڭا كەلدى پىراق . مەپتۇن قىلسا مېڭىشلارىڭ ، مەسلا قىلار  قاراشلارىڭ . سېنىڭ كۆزۈڭ شۇنچە نۇرلۇق، بۇ كۆڭلۈمگە بېرەر ئوزۇق. سەندىن مەڭگۈ سۆيگۈ تىلەي، ئۆتمەس كۈنۈم ھەسرەت پەكمەي، تاماكىنى چېكىپ  باقماي ، ھەسرەت چېكىپ قۇتۇلالماي، ئۆتەر كۈنۈم يەنە شۇنداق . بار ئۇنىڭغا ئامال قانداق . بىرگە يۈرگەن يامغۇر پەسلى ، بولغان ئاشىق ساڭا ئەسلى. نەچچە رەتلەپ ئىزھار قىلماق، بولغان ئەسلى جانىم ئوماق . ئارىمىزنى توسۇپ تاغلىق ، شۇڭا بولدى يۈرەك داغلىق . سەن يۈرەككە قۇلۇپ سالدىڭ ، ئاچقۇچىنى قايغا ئاتتىڭ . ھەر كۈن كېچە ئويلاپ ياتسام، شىرىن ئويغا چوڭقۇر پاتسام . تېتىپ باقماي سۆيگۈدىن تەم، جىددىيلىكتە قالمىدى پەم . بىرگە كۆيمەك شۇنچە تەسمۇ ، ياكى كۆڭلۈم ساراڭ مەسمۇ . بۇ كۆڭلۈمنى باشقۇرالماي ، ياكى ساڭا ئىزھار قىلماي . ئۆتەر كۈنۈم ھەسرەت يۈتۈپ، سەندىن يەنە شەپە كۈتۈپ . جۈرئەتلىك بوپ ئېيتاي دەيمەن، قاراپ ساڭا كېكېچلەيمەن . كۆڭۈل ئىزھار قىلماق قىزغا، ئېرىشمەكتىن تەسكەن ئايغا . ئويلاپ قالدىم بەزى يەنە، تۇت قولىنى تۇرار ئەنە . لېكىن يوقتۇر مەندە جۈرئەت ، ياكى باردۇر ئاڭا ھۆرمەت . لەۋلىرىڭدىن تۆككەن سۆزلەر، قۇلقىم تۆۋدە جاھان كېزەر . ئۇنداق قىلما گۈزەل جانان ، بۇ يۈرەگىم قالسۇن ئامان . سېنىڭ يۈركىڭ بولسا سامان، مېنىڭ يۈركىم بولۇر خامان . بۇ ھاياتتا مۇھەببەتكە ، ئىمزا قويغىن تائابەكە . بىر كۈن كۆڭۈل ئىزھار قىلاي ، گۈل ھىدىڭنى ئاندىن پۇراي . ئۇ ۋاققىچە چېكەي ھەسرەت ، بولمىغاچقا مەندە جۈئەت . شۇ كۈن كەلسە بولاتتىغۇ ، ئاندىن يۈرەك كۈلەتتىغۇ . ئۇلۇغ ئاللاھ خالاپ قالسا ، سېنىڭ يۈركىڭ مېنىڭ بولسا. ئاندىن كۈلەي يۈرەگىمدىن . خوشال بولۇپ تېلەگىمدىن . خەيرى جانىم ئامان بولغىن ، مېنى دائىم ئەسلەپ تۇرغىن . ئىككى يۈرەك بىرگە سوقسا ، ئاندىن يازاي ئىلھام بولسا. ................................... ................................... مەنبە----- باغراش كاككۇكى!!!!! 2 ئۆتتى كۈنلەر ئۆتتى ئايلار ، چىرماپ مېنى مىڭ خىياللار . ئاشىقلىق ھەم بەك يامانكەن، يۈرەكلەرگە ئوت سالاركەن . ماكانىمدا تاھىر-زۆھرە ، ئارلاپ يۈرگەن باغلار ئىچرە، تەقدىر دېگەن رەھىمسىزكەن، ئاشىقلارنى سىنايدىكەن . مەيلى مېنى سىناپ تۇرسۇن، بىر كۈن ماڭا سېنى بەرسۇن. ئاشىق بولماق ئەجەپ تەسكەن، ئاشىق دېگەن ئويغاق مەسكەن . تەلپۈنۈشتە ئۆتتى كۈنلەر ، ئۇيقۇ سىز مەن نەچچە تۈنلەر. سۆيگۈنۈمنى بىلمەي تۇرۇپ ، خوشال ئۆتتىڭ دوستۇم بولۇپ . بىر چاغلاردا سوئال قويدىڭ ، دېدىڭ يەنە كىمنى سۆيدىڭ . سېنى دېدىم خىجىللىقتا ، قولۇڭنى ھەم تۇتۇپ ئاستا. كۈلۈپ قويدۇڭ جاۋاب بەرمەي، سوئالىڭنى داۋام ئەتمەي . قاراپ قويۇپ بىرنى سىرلىق ، كۈلۈپ قويدىڭ ۋىلىق- ۋىلىق. شۇ ئەسنادا ئەنسىرەيتىم ، تېزراق جاۋاب بەرسۇن دەيتىم. سېنى قىيناش ماڭا ئازاب ، گەر بولسىمۇ يۈرەك كاۋاپ . يوقاتتىممۇ دوستلۇقۇمنى، ئەيىپلىدىم ئۆز-ئۆزۈمنى. شەپە يوقتۇر باشلىنىشتا ، يۈرەك سوقار قورقۇنۇشتا. بىر كۈن سەندىن تېلفۇن كەلدى، ئاۋازىڭ ھەم شادلىق بەردى. بۇرۇنقىدەك چاقچاق قىلدىڭ، چاقچاق قىلسام خوشال كۈلدىڭ. مەنبۇ ئارتۇق ئويلىمىدىم ، جاۋابىنى سورىمىدىم . ئۆز-ئۆزۈمگە سوئال قويدۇم، ھەسرەتلەرگە بەكمۇ تويدۇم . ئۆز-ئۆزۈمگە ئەسكەرتىمەن . سۆيگۈنۈڭدىن كەچكىن دەيمەن. بىراق سەندىن كېچەلمەيمەن، باشقا بىرنى سۆيەلمەيمەن . ئۆزۈمنى ھەم تارتىپ باقتىم ، شادلىق ئەمەس ھەسرات تاپتىم. باغرىمغا بىر باسماي تۇرۇپ ، لەۋلىرىڭگە سۆيمەي تۇرۇپ . ماڭا كەلدى ئەجەپ ئازاب، ئاشىق ھالىم بولدى خاراپ . مەنمۇ سېنى سۆيسۇن دەيتىم، يۈرەگىدىن كۆيسۇن دەيتىم. سەندىن ماڭا سۆيگۈ كېرەك ، بولساڭ مەڭگۈ ماڭا يۆلەك. بولسا بىزدە بىر جۈپ يۈرەك ، شادلىق تاپار ئارزۇ-تېلەك . دېگەن سۆزنى دېگۈم بارتى، لېكىن مەندە جۈرئەت يوقتى. ئەنسىز سوقار مېنىڭ يۈركىم، ۋىسال تاپماي ئارزۇ -تىلكىم. سېنى كۈندە كۆرۈپ تۇرسام ، ئاۋازىڭنى ئاڭلاپ تۇرسام. تاماققا ھەم بىرگە چىقسام، سەپىرىڭگە يانداش بولسام. خەۋىرىڭنى ئاڭلاپ تۇرسام، سىرلىرىڭنى ئېچىپ تۇرسام. شۇنداق ئۆتسەم رازى ئىدىم، خىيال سۈرۈپ خۇشال كۈلدىم. كۆزلىرىڭگە تويماي قاراش ، سۆرىتىڭدىن سوئال سوراش. مەن ئاشىقنىڭ كەسپى ئىدى، باشقا مېنى كاككۇك دېدى . شۇنداق بولۇپ كاككۇك بولدۇم، ساڭا زەينەپ ئېتى قويدۇم . قەلبىم ساڭا بەك ئىنتىزار، بىرگە بولساق ياغاتتى قار . شۇ چاغلارنى ئەسلەمسەن يار، بولدىڭمۇ يا مەندىن بىزار . ئاشىق ئاشىق بولسام ساڭا ، بولالمىدىڭ مەشۇق ماڭا . سەن ھەم مېنى سۆيەلمىدىڭ، يۈرەگىڭدىن كۆيەلمىدىڭ . يانا شۇنداق كۈنلەر ئۆتسە ، ئۇيقۇسىزلا تۈنلەر كەتسە . ئېيتىپ باققىن گۈزەل جانىم ، قالارمۇ ھەم مېنىڭ ھالىم . مەن بىلەنلە بىرگە يۈرسەن، يوقاپ كەتسەم ئىزلەپ تۇرسەن. ئوماق ئوماق چاقچاق قىلسەن، كۆڭۈل بەرمەي كۈلۈپ قويسەن. بۇ قەلبىمنى قاچان بىلسەن، لەۋلىرىمگە قاچان سۆيسەن . سەندىن ياخشى بىرى يوق دەپ، كەلدىڭمۇ يا مېنى گۆللەپ . خىياللارمۇ سۈرۈپ باقتىم ، ۋازكەچمەكمۇ بولۇپ باقتىم. ئەمما سەندىن كېچەلمىدىم، يا ۋەسلىڭگە يېتەلمىدىم. ئەمدى قانداق ئۆتەر كۈنۈم ، خىياللارغا ھەمراھ تۈنۈم . ئاشىق بولۇپ يۈرەرمەنمۇ ، خىيال سۈرۈپ كۈلەرمەنمۇ . مانا شۇنداق ئۆتسە ھايات، مۇھەببىتىم بولۇر مامات . ياشالايسەن بەلكىم مەنسىز، شادلىق يوقتۇر ماڭا سەنسىز. ساڭا بولغان چىن ئەقىدە، قالار مۇ ھەم بۇ دەپتەردە . ئاشىق بولۇش نىچۈن ئازاب، بۇ ئازابقا يوق ھەم شاراپ . يار ۋەسلىڭگە قانداق يېتەي، ئەمدى تەنھا ئۆتۈپ كېتەي. دېگەن سۆزنى نەچچە دېدىم، لېكىن سەندىن كېچەلمىدىم. ئوماق ئوماق ئەزىز يايرىم، ئىشقىڭدا ھەم قالماس ھالىم. ساڭا تەقدىم بولسا بارىم، بولالمىدىڭ مېنىڭ يارىم. ئاشىقلىقنىڭ ئوتى يامان، رەڭگى -روھىم بولدى سامان. بۇ ئوتلاردا كۆيسەم مەيلى، مەن مەجنۇنغا بولساڭ لەيلى. كۆل بويىدا قىلىپ سەيلى، ئاندىن بىزنى بىر جۈپ دەيلى. زادى قاچان بىرگە بولمىز ، ۋىسال پەيزى بىرگە سۈرمىز، شۇ كۈنلەرنى كۈتەر كۆزۈم . كەلسىمۇ گەر بىر كۈن ئۆلۈم . ئايلاندىڭمۇ باغرى تاشقا، سۆيگەنىم يوق سەندىن تاشقا. مۇرەككەپكەن سۆيگۈ يولى ، ئاشىقلىقنىڭ بولدۇم قۇلى . بىلسەڭ جېنىم سېنى سۆيدۈم، بىر ئاللاھدىن تىلەپ يۈردۈم. يۈرەكتىن قان ئاقتى تارام . پاك سۆيگۈگە ئۇنتۇش ھارام. بىرگە بولساق سەن بىلەن مەن، ئامان قالار  ئوتلاردا تەن . ئەگەر ئامان قالسا تەنلەر، داۋام بولۇر ھېكايىلەر ، بۇ ئاشىقنىڭ ھېكايىسى ، مەن كاككۇكنىڭ ئەپسانىسى. سېنى يانا شۇنداق سۆيۈش، ئوتلىرىڭدا مەڭگۈ كۆيۈش. سېنى مەڭگۈ زەينەپ بىلەي، ھېكايەمنى داۋام ئېتەي . ماڭا شۇنداق ئىلھام كېلۇر ، ھېكايەم ھەم داۋام بولۇر. شۇ ۋاققىچە ئەسلەپ تۇرغىن، كۆرۈشكىچە ئامان بولغىن. .............................. .............................. باغراش كاككۇكى..... 3 كۈنلۈر ئۆتتى ئايلار ئۆتتى ، كىملەر كەلدى  كىملەر كەتتى. كۈنلەر شۇنداق ئۆتىدىكەن، ئاشىق دېگەن كۈتىدىكەن. ئازابىڭنى تەرگۈم بارتى ، دەرتلىرىمنى تۆككۈم بارتى. يۈرەك سۆيگەن گۈزەل جانىم، بۇ قەلبىمدە بولدۇڭ بارىم. ئېسىڭدىمۇ ماي ئايلىرى ، بىرگە ماڭغان تاغ بويلىرى. ئەشۇ كۈنلەرگۈزەل ئىدى، ھەمراھ بولغان باھار ھىدى. شۇ چاغلارنى ئۇنتالمايمەن. ئەسلىمىسەم تۇرالمايمەن . سەن قوشۇلغاندا ساياھەتكە، مەنمۇ تولدۇم ساياھەتكە . شۇنداق قىلىپ يۈرۈپ كەتتۇق، چاقچاق بىلەن شوخ ئۆتەتتۇق. ئۈرۈمچىدىن بىز ماڭغاندا، مېنىڭ كۆلبەم شۇ باغراشقا . قانچە خوشال بولغانىمنى ، بەخىتكە ھەم تولغانىمنى . بەلكىم سەنمۇ سېزىپ قالدىڭ، مەن بىلەن ھەم بىرگە ماڭدىڭ. پويىز بىلەن يۈرۈپ كەتتۇق، چاقچاقلىشىپ كۈلۈپ كەتتۇق. شۇ كۈنلەرنى ئۇنتالمايمەن، ئەسلىمىسەم تۇرالمايمەن. ئەجەپ شىرىن چاغلار ئىكەن، ئاشىق دائىم ئەسلەيدىكەن . پۈتۈن كېچە كۆزنى يۇمماي ، كۈلكە بىلەن ماڭغان ھارماي. مۈرەمگە ھەم باشنى قويدىڭ، مەڭگۈلۈككە ئىزنا سالدىڭ . سۆيۈنۈپ ھەم سەندىن قەلبىم، كۈيلەپ يۈرەر مېنىڭ قەلبىم . شۇ ئەسنادا چىرماپ خىيال ، چىقسا دېدىم مەيىن شامال. شۇ چاغلاردا مەن ئەرىشتە ، باغلاندى ھەم دېدىم رىشتە. ئۆز-ئۆزۈمگە خىيال ئەيلەپ، مەڭگۈگە تاڭ ئاتمىسۇن دەپ. شۇنداق قىلىپ شىرىن كېچە، ئۆتۈپ كەتتى تېزلا شۇنچە. دوستلۇرۇڭمۇ ئىككىمىزدىن ، گۇمانلاندى ئىشىمىزدىن. ئۇلار نېمە دېسە مەيلى ، سەن بولساڭلا ماڭا لەيلى. شۇنداق قىلىپ تاڭمۇ ئاتتى، ھەممىمىزگە ھاردۇق يەتتى. قاراشەرگە دېدۇق سالام ، چۈشكىچە بىز ئالغان ئارام. سېنى كۆردۈم ئۆز يۇرتۇمدا، يەنە تېخى كۆزئالدىمدا. ئۆز-ئۆزۈمگە ئىشەنمەيتىم، بۇ راست سەنمۇ دېيەلمەيتىم. شۇ چاغلاردا مەن بەك خوشال، ھەمراھ بىرگە مەيىن شامال. ھاردۇقمۇ ھەم چىقىپ قالدى، سېنى كاككۇك ئېلىپ ماڭدى. ئالدىمىزدا گۈزەل ماكان، قارشى ئالدى سېنى جانان. كۆل بويىغا يۈرۈپ كەتتۇق، خوشاللىققا بىرگە يەتتۇق. مانا دېدىم باغراش كۆلى ، كاككۇك قانات قاققان ئۆيى. چېھرىڭدىكى خوشاللىقتىن، مەمنۇن بولدۇم ئاشىقلىقتىن. ئەي زەينىپىم كۆزى بۇلاق، كۈلەر ئىدىڭ شۇنچە ئوماق. شۇ ئەسنادا خىيال باستى، ھەسرەتلەرنى دارغا ئاستى. خىيال سۈرۈپ كۆلگە چۆكتۈم، قەلبىمگە ھەم سېنى پۈكتۈم. مەڭگۈ بىرگە ياشاي دېدىم، سېنى ھەمدە ئالاي دېدىم. ئۇرۇلغاندا شادلىق ھىدى ، خىياللىرىم شىرىن ئىدى . سېنىڭ بىلەن تويۇم بولسا، بەش ئالتىدىن بالام بولسا. ئەگەشتۈرۈپ يۈرۈپ كەتسەك، كۆل بويىدا كېچىپ يۈرسەك. ئاقماس ئىدى يۈرەك يېشىم، تېپىلاتتى سەندىن بەختىم . خىيالىمدا تويمۇ قىلدىم ، مۇھەببەتنى سەندىن بىلدىم. ھەپتىدە بىر كۆل بويىدا ، تاماق يېسەك دەيمەن دالا . شۇ كۈنلەرنىڭ كېلىشىنى ، كۈتكەنمىدىڭ ئۆتۈشىنى . خىيال بىلەن رېئال پەرقى ، بۇ بەختىمنى قىلار غەرقى . قايتىپ كەلدىم خىيالىمدىن، شادلىق تاپاي رېئالىمدىن. كۆل بويىدا بىرگە يۈردۇق ، خوشاللىقتا سۇغا كەچتۇق. شۇنچە خۇشال بولغانىڭنى، شادلىققا ھەم تولغانىڭنى. كۆردۈم جانىم تۇنجى قېتىم، باشلاندى ھەم سۆيگۈ بېتىم. شۇنداق قىلىپ كەچمۇ بولدى، مىسكىن دىلغا شادلىق تولدى. ئۆتۈپ كەتتى گۈزەل بىر كۈن، ئۇيقۇ بىلەن كەتتى بىر تۈن . خۇشال ئۆتتى بىزنىڭ سەپەر، كۈتۈۋالدۇق يېڭى سەھەر. سەھەردىلا يۈرۈپ كەتتۇق ، بىزنىڭ ئۆيگە كىرىپ كەلدۇق. شۇ چاغلارنى ئەسلەرسەنمۇ ، يەنە ئۆيگە كېلەرسەنمۇ . ئەجەپ قىززىق ئىشلار بولغان، شادلىققا ھەم قەلبىم تولغان. ئېسىڭدىمۇ گۈزەل جانان ، ئاتقا مىنگەن گۈزەل ماكان. ئۆيدىكىلەر بىلەن بىرگە، چۈشۈپسەنكە مۇڭلۇق كۈيگە. دوستلار بىلەن مىنسەك ئاتقا، ئاخىرىدا كەلدىڭ ئاستا . مېنەلەمسەن دېسەم ساڭا، چاتاق يوققۇ دېدىڭ ماڭا. تۇتۇپ بەرسەم ئاستا مىندىڭ، پونى ئېتىپ ئالغا ماڭدىڭ . ئون بەش مېتىر ماڭا -ماڭاي، توۋلاپ كەتكەن ئىدىڭ ۋاي-ۋاي. ئېلىپ قاچسا سېنى ئېتىم ، تېزلەپ كەتتى يۈرەك رېتىم . كەينىڭدىن ھەم قوغلاپ ماڭدىم، موتو بىلەن ئاران يەتتىم . چۈشۈرۋالدىم ئاتتىن سېنى ، ئەنسىرەتتىڭ جانىم مېنى . مىنەلمىگەچ سەنمۇ ئاتنى، ئېتىپسەنكە ماڭا پونى . پو ئاتمىساڭ ئەگەردە سەن، ئىلىخولۇق بولماي قالسەن. ئەشۇ كۈنلەر گۈزەل ئىدى، ھوزۇر بەرگەن باھار ھىدى. ئۈچ كۈنمۇ ھەم ئۆتۈپ كەتتى، ھەممىمىزگە ھاردۇق يەتتى. ئۈرۈمچىگە ماڭدۇق سەھەر، ئاخىرلاشتى بىزنىڭ سەپەر. بىز بارمىغان باغراش بويى ، قالمىدى ھەم دەريا كۆنچى. قول تۇتۇشۇپ بىرگە ماڭدۇق، كوچىلارنى بىرگە كەزدۇق . سۆيگۈمىزگە ياقار چىراق ، تارىم بويدا بىر جۈپ توغراق. ئىككىمىزگە سالام بەرگەن ، تارىم دەريا گۈزەل ئىكەن. شۇ يەرنىمۇ كېزىپ كەلدۇق، قايدۇ بويدا خوشال كۈلدۇق. شۇنداق قىلىپ ئۇزۇن سەپەر، مۇھەببەتكە بەردى كەۋسەر. ئەشۇ گۈزەل كۈننى جېنىم، ئەسلەيدىكەن مېنىڭ قەلبىم. .............................. .............................. مەنبە..... باغراش كاككۇكى..... 4 ئاتقان ئوقتەك ئۆتتى كۈنۈم، شۇنچە شىرىن ھەر بىر تۈنۈم. مېنىڭ بىلەن دائىم بىرگە ، يۈرەر ئىدىڭ قىلىپ كۈلكە. ساڭا بولغان چىن ئەقىدەم، ۋىسال تاپقان ھەر دەقىقەم. ئەشۇ كۈنلەر گۈزەل ئىدى ، كاككۇك سېنى سۆيدۈم دېدى. شۇ كۈنلەرنى ئەسلەيمەن يار، ساڭا قەلبىم بەك ئىنتىزار. يوللاردا ھەم بىرگە ماڭغان، ھەركۈن كېچە سەيلە قىلغان. بېقىشاتتى بىر جۈپ كۆزلەر، تۈگمەس ئىدى شىرىن سۆزلەر. قارار ئىدىڭ ئوماق ماڭا ، تويماس ئىدىم قاراپ ساڭا. سېھرى كۈچىڭ قالتىس ئىكەن، ھەركۈن بىرگە يۈرگەن بىلەن. زېرىكمەيتىم سەندىن جانىم، بولغان ئىدىڭ مېنىڭ بارىم. قورقار ئىدىم ئايرىلىشتىن، قاناتىمدىن قايرىلىشتىن. سېنى قانچە سۆيگەنىمنى، ئوتۇڭدا ھەم كۆيگەنىمنى. تىلىم بىلەن دېيەلمەيمەن، ئىپادىلەپ بېرەلمەيمەن. كۈيلىرىڭگە سازچىدۇرمەن، ھاياتىمنىڭ بىر قىسمى سەن. مانا شۇنداق ئۆتسە كۈنلەر، ھوزۇر تاپار ئىدى تۈنلەر. سېنىڭ بىلەن ئۆتكەن مىنوت، يۈرەگىمگە سالدىغۇ ئوت. قەدىرلىكىم ئوماق زەينەپ، ساڭا ئاشىق بولۇش شەرەپ. ھاياتىمدا مۇشۇ كۈنلەر ، بەرگەن ماڭا شىرىن كۈيلەر. سېنىڭ بىلەن بىرگە يۈرسەم، خۇشاللىقتا بىرگە كۈلسەم. بۇندىن ئارتۇق بەخىت يوقتۇر، چىن سۆيگۈگە يۈرەك توقتۇر. مۇشۇ كۈنلەر داۋام ئەتسە ، يۈكىڭ ماڭا سۆيگۈ بەرسە. ياشار ئىدىم تېپىپ بەخىت، مۇھەببەتكە قۇرۇپ تەخىت. ئېيتقىن جېنىم بەخىت شۇمۇ، ۋىسال تاپقان بولدۇق بىزمۇ. نەگە ماڭسام قېشىمدا سەن، تاماق يېسەم يېنىمدا سەن . ئايلىناتتىڭ مېنىڭ بىلەن ، چاقچاق قىلىپ كۈلكە بىلەن. ماڭا بەردىڭ گۈزەل سۆيگۈ، داۋام قىلسۇن دەيتىم مەڭگۈ. ئۆتكەن كۈنلەر ئەجەپ شىرىن، بولۇر قانداق كۈنلەر كېيىن. سېنىڭ بىلەن تائابەتكە ، ئىمزا قويسام مۇھەبەتكە. تېپىلاتتى مەندىن بەخىت، قۇرۇلاتتى سۆيگۈمگە تەخىت. ئېسىڭدىمۇ گۈزەل جانان، ئەسلەرسەنمۇ مەندەك ھامان. بىرگە ماڭغان يوللار بويى ، ئاشىقلىقنىڭ بولغان ئۇلى . سېنىڭ بىلەن كېلەچەككە، ئۈمۈد تىكتىم مەڭگۈلۈككە. قوللۇرۇمنى تۇتقىنىڭدا، چۈمەر ئىدىم ھاياجانغا. بۇ دۇنيادا مەن ۋە سەندەك، يوقتۇر دەيتىم بىر جۈپ يۈرەك. ھايات يولى ئەگرى توقاي ، بۇ يوللاردا قانداق ماڭاي . بولساڭ جانىم يېنىمدا سەن، بۇ يوللاردا تەمتىرمەيمەن. سېنى سۆيۈپ قالغانىمغا، ساڭا كۆيۈپ قالغانىمغا. شۈكۈر دېدىم ئاللاھىمغا، باڭا بەرگەن باھارىڭغا. ئېسىڭدىمۇ گۈزەل كۈنلەر، سەيلە قىلغان شىرىن تۈنلەر. شۇنچە مۇڭلۇق كۈيگە سالغان، ياشلىقىمغا سەن شام بولغان . شاملار يانغاچ مۇھەببەتكە، شادلىق كەلگەن قوش يۈرەككە. سېنىڭ بىلەن گۈزەل جانان، قەلبىم بىرگە بولغان ھامان. ئايرىلىشقا ئازمۇ قالدى ، كۈنلەر ئاتقان ئوقتەك ماڭدى. كېتەر ئىدىڭ يىراققا سەن ، ئايرىلىشتىن قورقاتتىم مەن . ھەر كېچىدە گۈزەل جانىم، تېلفۇن قىلار ئىدىڭ دائىم. ئەشۇ كۈلەر ئەجەپ گۈزەل، ھەممەلەردىن ئىدى ئەۋزەل. كېلىپ قالدى تەتىل پەسلى ، ئايرىلغۇم يوق جېنىم لەيلى . ماڭار بولدۇم سەندىن ئاۋال ، ئۆتمەس ئىدى كۈنلەر خۇشال. ئۇزتۇپ چىقتىڭ بېكەتكە ھەم، قولۇڭ يۈزدە كۆزلىرىڭ  نەم . ئايرىلالماي تۇرۇپ سەندىن ، شەپە كەلدى ئەسلەش غەمدىن. ئەشۇ مىنوت ئىدى گۈزەل ، قىلغان سۆزۈڭ بالدۇر ھەسەل . سېنى ئېلىپ كەتكۈم بارتى ، قەلبىم ساڭا ئەجەپ زارتى . ئېلىپ كەتسەم ۋاقتى ئەمەس، شۇ كۈنلەرگە قىلاي ھەۋەس . سىلاپ تۇردۇڭ يۈزلىرىمنى ، قويغۇم يوقتى قوللۇرۇڭنى . شۇنداق قىلىپ كېتىپ قالدىم ، سېغىنىشنى ئەسكە ئالدىم . سېنىڭ بىلەن يۈرسەم بىرگە ، ئايرىلمايتى مەندىن كۈلكە . بېرىۋالدىم مەنمۇ ئۆيگە ، بېرىۋالدىڭ سەنمۇ ئۆيگە . كۈندە سېنى كۆرەلمەيمەن، يوللاردا ھەم يۈرەلمەيمەن. چاقچاق قىلىپ يۈرەلمەيمەن، سىرلىرىڭنى بىلەلمەيمەن. كۆرۈشمىدۇق بىزمۇ ئۇزاق ، بولساڭمۇ گەر مەندىن يىراق. تېلفۇن بىلەن سالام بەردىڭ، ئۇچۇر يازسام جاۋاپ يازدىڭ . ئەھۋالىڭدىن خەۋەر بەردىڭ، يۈرەگىمنى خۇشال  ئەتتىڭ . سەن ئۇياقتا مەن بۇياقتا، كۈنلەر ئۆتەر سېغىنىشتا. قاچانغىچە مۇشۇ كۈنلەر ، سېغىنىشتا ئۆتەر تۈنلەر . قول تۇتۇشۇپ يۈرەلمىدۇق، سەيلە قىلىپ كۈلەلمىدۇق. چىدىمايتى ساڭا يۈرەك ، بىر دىداردۇر ئارزۇ-تىلەك. ئاللاھىمدىن تىلەر يۈردۈم، ئامان بول دەپ دۇئا قىلدىم. ئىشىق ئوتتا كۆيەر ئىدىم ، سېغىنساممۇ چىداي دېدىم . سېغىنىشتا ئۆتەر كۈنۈم ، سۆرىتىڭگە قاراپ كۆزۈم. يىراقلاردا بىرى بار دەپ ، ئەسلىدىڭمۇ ئوماق زەينەپ. كۈنۈم ئۆتەر تەلپۈنۈشتە، ھەسرەت شاملى يەلپۈنۈشتە. ئىرادەم بار ساقلايدىغان ، ئەقىدەمدىن كەچمەيدىغان . شۇ كۈنلەرنى كۈتۈپ تۇرغىن ، جانىم مەڭگۈ ئامان بولغىن. ................................ ................................ باغراش كاككۇكى!!!!! 5 كۈنلەر شۇنداق ئۆتۈپ كەتتى، ئاشىقلىقم داۋام ئەتتى. شادلىق مەندىن يىراق كەتتى، بۇ قەلبىمگە ھاردۇق يەتتى. سېغىنىشنىڭ ئوتى قىيناپ ، ئېلىپ كەلدى ماڭا ئازاب. مەھەللەڭگە ئىزلەپ باردىم، مىڭ تەسلىكتە سېنى كۆردۈم، سېنى كۆرۈپ خۇشال بولغان، كۆكتە قانات قاقماق بولغان. بىراق سېنىڭ كۆزلىرىڭدىن، شادلانمىدىم سۆزلىرىڭدىن. بېرەلمىدىڭ سۆيگۈدىن تەم، مۆكۈۋالدىڭ ئۆيۈڭدىن ھەم. سېنىڭ شۇنچە باھەنەڭ جىق، بىلەلمىدىم قانداق قىلىق. جېنىم دەيتىڭ بىر چاغلاردا، سېلىپ مېنى ھاياجانغا. ئەشۇ كۈننى ئۇنۇتتۇڭمۇ، پاك سۆيگۈنى قۇرۇتتۇڭمۇ. كۆزلىرىڭدە بىرخىل سىر بار، سىرلىرىڭغا مەن ئىنتىزار. قېنى جانىم ماڭا دېگىن ، ئۆزۈڭ تەنھا دەرت يېمىگىن. بىلەلمىدىم ئوماق جانان ، تاللامدۇ يا سۆيگۈڭ ماكان . مەيلى كورلا مەيلى باغراش، ئۈرۈمچىدا بىز قەلىبداش. ئاشىق بولۇپ ئۆتكەنلەرنى، ئۇنۇتتۇڭمۇ شۇ كۈنلەرنى . بەرگىن جاۋاپ سوئاللارغا، قويما مېنى ئارمانلارغا . سەندىن سۆيگۈ تىلەپ كەلسەم، بارلىقىمنى ساڭا  بەرسەم . ئۇنۇت دېدىڭ قالدىم ھەيران، پاك سۆيگۈمنى قىلدىڭ ۋەيران. كەچكىن دېدىڭ ئەشۇ بىر كۈن، بەربات قىلدىڭ مېنى پۈتۈن . سەندىن كېچىش مۇمكىن بولماس، يۈرەكمۇ ھەم بەخىت  تاپماس . كەچكىن دېدىڭ مېنى سۆيسەڭ، چىن يۈرەكتىن ماڭا كۆيسەڭ . بىر چاغلاردا سېنى سۆيدۈم ، ھاياتىمدا تۇنجى كۆيدۈم . دېگەن قىزدىن بۇنى ئاڭلاپ، تاپتى يۈرەك نۇرغۇن ئازاب . بىلەلمىدىم قانداق قىلاي ، ئاشىق يولدا قانداق ماڭاي. قىينىغىم يوق سېنى جانان ، كۈلەلمەيمىز بىرگە ھامان . شۇڭا سەندىن كەچمەك بولدۇم، كۆزلۈرۈڭدىن يۈتمەك بولدۇم. كېچىپ باقتىم ئالمىزاردىن ، ئالما كەبى سەندەك ياردىن . كەچتىم دېگەن سۆزنى قىلدىم، ئازابىمنى ئۆزۈم  بىدىم . مەن كەچتىمغۇ بولغاچ گۈدەك، كېچەلمىدى سەندىن يۈرەك . خۇشال ئۆتسەڭ بەخىت تېپىپ، كېتەلەيمەن سەندىن كېچىپ . يىراقلاردا تەنھا يۈردۈم ، چۈشلىرىمدە سېنى كۆردۈم . خىيالىمدا بىر سەن ئىدىڭ ، سېغىندۇردى خۇشىۇي ھىدىڭ . ئەسلەش بىلەن ئۆتەر كۆنلەر، كەلمەس بولدى شىرىن تۈنلەر. ئوماق ساڭا بەخىت تىلەپ ، قەلىمىمدە  دائىم كۈيلەپ . بۇمۇ بىر خىل بەخىت دېدىم ، ساڭا ئاتاپ دۇئا قىلدىم ، سېنىڭ بەختىڭ مېنىڭ دېدىم ، شادلىقلىرىڭ مېنىڭ تەختىم . كۈنلەر شۇنچە ئۆتتى تېزلا ، خىيالىمدا پەقەت سەنلا . سېنى ئۇنتۇش مۇمكىن ئەمەس ، خىياللىرىم ئارام بەرمەس. سېنىڭ بىلەن ئۆتەلمىسەم ، بىرگە كۈلۈپ يۈرەلمىسەم. مۇھەببىتىم تاپماس شادلىق، زەپەر قۇچۇپ چاپماس ئاتلىق. ۋاز كەچكىم يوق ۋاز كەچتىم مەن، رېئاللىققا  تەن بەردىم مەن . بۇ تەقدىرگە ئامال قانچە ، سۆيەر ئىدىم سېنى شۇنچە . يىراقلاردا تەنھا ئۆزۈم ، سۆرىتىڭدە ھەردەم كۆزۈم . ھايات دېگەن ئەجەپ ئىكەن، ئاشىق بولۇش ئازاب ئىكەن . كەچتىم دېدىم سۆزلىرىمدە ، كېچەلمىدىم يۈرەگىمدە . ئۇتۇت دېدىڭ جانىم مېنى ، ئۇنتالمىدىم پەقەت سېنى . سۆيگۈن دېدىڭ باشقا بىرنى، سۆيەلمەيمەن باشقا يارنى . سېنى سۆيۈپ بى ياشلىقتا ، ياشالمىدىم رېئاللىقتا . خىيال بىلەن ئۆتەر كۈنلەر ، قەلبىم پەقەت سېنى كۈيلەر . سېنى ئەسلەپ ئۆتەي ئەمدى، ئەسلەشكە ھەم يۈرەك كۆندى. سۆيەلمىسەڭ مەيلى مېنى ، سۆيگۈن دېمە باشقا بىرنى . لېۋىمدە لەۋ ئىزىڭ قالغان ، يۈرەككە ئوت ئوتنى سالغان . ئەشۇ كۈننى ئەسلەپ يۈرەي، ساڭا مەڭگۈ بەخىت تىلەي . بەخىتلىك بول ئوماق جانىم، بىلسەڭ ئۆزۈڭ مېنىڭ بارىم. يىراقلاردا ساقلاي سېنى . ئۇنۇتساڭمۇ مەيلى مېنى . مەڭگۈلۈككە سۆيگۈنۈم سەن، بۇ ھاياتتا كۆيگۈنۈم سەن ، بۇ ھاياتتا مۇھەببەتكە ، ئىمزا قويغىن تائابەتكە . دېگەن سۆزنى ئەسلەپ قويغىن، قېشىمغا يار قايتىپ كەلگىن. بېلىق تەشنا ئىكەن سۇغا ، قەلبىم تەشنا مەڭگۈ ساڭا . بولالمىدىڭ ماڭا لەيلى ، باشقا بىلەن ئۆتسەڭ مەيلى. خۇشال ئۆتكۈن مېنىڭ شەرتىم ، بىلسەڭ سېنى ساقلار قەلبىم . ئامان بولغىن ئوماق جانىم ، بەخىت تىلەر ساڭا بارىم. ئاللاھىمغا ئامانەت سەن ، يىراقلاردا ئەسلەرمەن مەن. سېنى سۆيگەن كاككۇك باغراش، بولغۇسى بار مەڭگۈ دىلداش. خەيىر جانىم خەيىر ساڭا ، بەختىڭ ئۈچۈن ماڭغىن ئاڭا. خەيىر جانىم خەيىر سۆيگۈ ، ئۇنتۇلمىغىن مەندىن مەڭگۈ . تۈگىدى..... باغراش كاككۇكى!!!!!

pinhan1122

	ئاۋال  ئورۇن  ئىقلىۋالاي........تەپسىلى  بىر  ئوقۇپ چىقاي ھە......

hakkikat

	ھەقىقەتتەن ياخشى  يېزىپسز، ئاران تەستە ئۇقۇپ چىقتىم بۇنى.....

13629982958

	ياخشى  يېزىپسز،

kakkuk11

	hakkikat يوللىغان ۋاقتى  2012-4-16 02:07 PM ھەقىقەتتەن ياخشى  يېزىپسز، ئاران تەستە ئۇقۇپ چىقتىم بۇ ... ئوقۇپ چىققىنىڭىزدىن خۇشالمەن ...... چارچىتىپ قويدۇم -ھە! چاقچاق

xahmardan

	تۈرۇكيەنڭ كىنوسىدەك كۆپ قىسىملىق  ئاشىقلقكەن بۇ......

خۇش

	ئاران بەش قىسىملا ئىكەنغۇ ...............؟

Abdul

	نىمانداق جىق شىئېر بۇ ؟ سىزمۇ رەسمى يازغۇچىلاردەك كېچىنى تۈنگە ئۇلاپ يېزىپ چىقمىغانسىز

biparwa0997

	بەك ئۆتكۈر چىقىپتۇ. قاپىيە جەھەتتىنمۇ شۇنداق چۈشنىشلىك. مۇشۇ خەتلەرنى يېزىپ بولغىچە قوللىرىڭىزنىڭ قانچىلىك جاپادا قالغىنىنى سەزگەندەك بولدۇم!!!

سۈمەييە

	ئەسلى شائىر مايەردىكەندە ، 5قىسىملىق شىئىرلىرىڭىزنىڭ تىمىلىرىمۇ بىر -بىرىدىن ياخشى چىقىپتۇ ، شىئىرلىرىمۇ ھەم شۇنداق ، تەپەككۇر قىلىش ئىقتىدارىڭىز ياخشىكەن ، تىخىمۇ ياخشى ئەسەرلەرنى يازالايدىغانلىقىڭىزغا ئىشىنىمەن مەن شىئىر يازاي دەپ يازسام ئاران 3 ياكى 4 كۇبلىت شىئىرنى تەستە يازىمەن ، ئاز يازغاندىكىن باشقۇرغۇچىلار تەستىقلىمايۋاتىدۇ ، سىزگە كۆز تەگمىسۇن جۇمۇ قىرىندىشىم