كورىيە رەسىم كۆرگەزمىسى ئەمەلدىن قالدۇرۇلدى

Uyghur-Korea

	ئەسسالامۇ ئەلەيكۇم بارلىق تورداشلار ۋە رەسساملار.   تولىمۇ خىجىللىق بىلەن سىلەرگە بۇ خەۋەرنى يەتكۈزمەكچىمەن. بۇ قېتىملىق رەسىم كۆرگەزمىسى (بۇ يەرنى بېسىپ مۇناسىۋەتلىك تېمىنى كۆرۈڭ )ئەمەلدىن قالدۇرۇلۇش ئالدىدا تۇرىۋاتىدۇ. سەۋەب: دەسلەپتە كۆرگەزمىنىڭ باش پېرسۇناژى بولغان   پىشقەدەم رەسسامنىڭ سالامەتلىكى تۈپەيلى بۇ كۆرگەزمىگە قاتنىشالمايدىغان بولدى. كىيىن تولۇقلاپ ئالاقىلاشقان بىرنەچچە رەسسامغا پاسپتورت بىجىرىش ئۈچۈن تەكلىپنامە ئەۋەتىپ بەرگەن بولساقمۇ ، ۋاقىت قىس بولغاچقا ئۈلگۈرمىدى .ھازىرغىچە پاسپورتتىن خەۋەر يوق. يەنە پاسپورتى بار ئىككى نەپەر رەسسامنىڭ خىزمەت قىلىۋاتقان ئىدارسىدىن ئۇلارنىڭ چىگىردىن چىقىشىغا روخسەت قىلماپتۇ.يەنە بىر قىسىم پاسپورتى بار رەسساملارنىڭ ئەسەرلىرى ئۇيغۇرلارنىڭ مىللى ئۆرپە-ئادەت تۇرمۇشىنى ئەكىس ئەتتۈرگەن ئەسەر بولمىغانلىقى ئۈچۈن تەستىقلانمىدى...  مانا مۇشۇنداق سەۋەبلەر بىلەن بۇ كۆرگەزمە ئەمەلدىن قالدۇرۇلدى.     مەيلى قانداق سەۋەپتىن بولسۇن، كۆرگەزمىنىڭ ئەمەلدىن قالدۇرۇلىدىغانلىقىدىن تولىمۇ ئەپسۇسلاندۇق.ئاخىرىدا ئەسەرلىرىنى قاتناشتۇرۇش ئۈچۈن تىرىشچانلىق كۆرسەتكەن بارلىق  رەسساملارنى ئاۋارە قىلغانلىقىمىزدىن  سەمىمى كەچۈرۈم سورايمىز. ھەم بۇ خىزمەتلەرگە ياردەمدە بولغان بارلىق قېرىنداشلارغا چوڭقۇر رەھمىتىمىزنى بىلدۈرىمىز.