سىزمۇ نېگىرلارنى كەمسىتەمسىز ؟

blueleaf

	ئۆتكەن شەنبە كۈنى چۈشتىن بۇرۇن  ياتاقتا تور كۆرۈپ ئولتۇرسام ،بىر دوستۇمدىن  ئۇچۇر كەلدى ،ئۇچۇردا،مەن يەنە بىرەر سائەتتىن كېيىن مەكتىپىڭىزگە يېتىپ  بارىمەن ،دەپ يېزىلغانىدى .   ئۇچۇرنى كۆرۈپ ئانچە خۇش بوپ كەتمىدىم . ۋە يەنە بىر دوستۇمغا ئۇنى كۈتۈۋالغىلى بىللە چىقىشىپ بېرىشىنى ئېيتىپ تېلفۇن قىلىپ ئالالمىدىم .ئۇنى قارشى ئالغۇم يوق ئەمەس ،لېكىن  ئەتراپىمىدا غەلىتە بالىلار باركى ئۆزىنىڭ ئىشىنى ياخشى قىلماي ئەتىدىن كەچكىچە خەقنىڭ ئارقىسىدىن گەپ تېپىپ يۈرىيدىغان ، ئۇنىڭ ئۈستىگە كەلمەكچى  بولغىنى ئافرىقىلىق نېگىر بالا ئىدى . مېنىڭ ئۇنىڭ بىلەن تونۇشۇپ قېلىش جەريانىم مۇنداق ئىدى .   ئالاھازەل ئىككى ئايلار بۇرۇن مەن بىزنىڭ مەكتەپنىڭ باش مەكتەپ رايونىغا بىر ئىشنى  بېجىرمەكچى بولۇپ باردىم ،ئىشىمنى  بېجىرىپ بولۇپ يەنە بىر دوستۇمنى ساقلاپ ئۇنىڭ بىلەن بىللە قايتىپ كەتمەكچى بولۇپ كۇتۇپخانىدا ئۇنى ساقلاش ئۈچۈن ماڭدىم .دوستۇمنىڭ دەرسى بار ئىدى . كۇتۇپخانىغا ئاز قالغاندا تۇيۇقسىز بىرسى سالام قىلدى . -ئەسسالامۇ ئەلەيكۇم قارىسام بىر نېگىر ئوغۇل بالا بىلەن  تۈركلەرگە ئوخشاپ كېتىدىغان يەنە بىر بالا ماڭا قاراپ تۇراتتى ،سۆزلەۋاتقىنى نېگىر بالا ئىدى . -ۋئەلەيكۇم ئەسسالام -ياخشى تۇردىڭىزمۇ ؟(كيف حالك ) -ئاللاھقا شۇكرى ، ياخشىمەن ،ئۆزىڭىزچۇ ؟ -الحمدلله ،مەنمۇ ياخشى ، سىز قايسى دۆلەتتىن كەلدىڭىز ؟ -ھە......... مەن جوڭگۇلۇق . -ۋاھ . مەن جوڭگۇغا كېلىپ ئەرەبچە سۆزلىيەلەيدىغان جوڭگۇلۇقنى تۇنجى قېتىم ئۇچرىتىشىم .... ئۇنىڭ ئىسمى ئابدۇللاھ بولۇپ ئۇ ئۆزىنىڭ  ئافرىقىدىكى بىر دۆلەتتىن كەلگەنلىكى ، ئۇلارنىڭ دۆلىتىدە ئەرەب تىلى بىلەن فرانسۇز تىلىنى قوللىنىدىغانلىقى ، ئۆزىنىڭ ئىنگىلىزچىسىنىڭ ياخشى ئەمەسلىكى ، ئوقۇتقۇچىلىرىنڭ بولسا خەنزۇچىنى  ئنگلىزچە بىلەن  بىرلەشتۈرۈپ ئۆگىتىدىغانلىقىنى ،شۇڭا خەنزۇچە ئۆگىنىشتە بىرئاز قىينىلىۋاتقانلىقىنى سۆزلىدى ۋە يېنىدىكى بالىنى تۈركمەنىستاندىن كەلگەن دوستى بولۇپ ،ئىككىسىنىڭ بىر سىنىپ ئىكەنلىكىنى تونۇشتۇردى .   شۇنداق قىلىپ مەن ئۇنىڭ بىلەن تونۇشۇپ قالدىم .ئاڭغىچە دوستۇم دەرستىن چۈشۈپ كەلدى ،بىز قايتىپ كەتتتۇق ، كېلەركى قېتىم مەن مەكتەپكە كەلگەندە يەنە ئۇنىڭ بىلەن ئۇچرىشىپ قالدىم ۋە سكايپ نومۇرلىرىمىزنى قالدۇرۇشۇپ قويدۇق .مېنىڭ مەقسىتىم ئۇنىڭ خەنزۇچە ئۆگىنىشىگە ياردەم قىلسام ئۇمۇ مېنىڭ ئەرەبچە ئۆگىنىشىمگە ياردەم قىلاتتى ،ئۇ ئەرەبچە مەكتەپتە ئوقۇغان بولۇپ ئۆلچەملىك ئەرەب تىلىدا سۆزلەيتتى.   قەبرە سۈپۈرۈش بايرىمىدا قويۇپ بەرگەندە مەن ،دوستۇم ،ئۇنىڭ پاكىستانلىق يەنە بىر دوستى ئۈچىمىز بىر ساياھەت نۇقتىسىغا بېرىپ كۆرۈپ كەلمەكچى بولدۇق ، مەن ئابدۇللاھنىڭ بۇ شەھەرگە كەلگەندىن بۇيان تۈزۈك بىر يەرنى كۆرۈپ باقمىدىمب دېگەن گېپىنى ئەسكە ئېلىپ ئۇنى چاقىرىۋالماقچى بولدۇم . تۆتىمىز بېرىپ كۆرۈپ  ،ئارىلىقتا ھەرخىل تىلدا سۆزلىشەتتۇق ،خەنزۇچە ،ئىنگلىزچە ،ئەرەبچە ،بەزىدە ئۇيغۇرچە بىلەن ئوردۇچىنى سېلىشتۇرۇپ دېگەندەك،چۈش بولغاندا بىز ئازراق بىر نەرسە يەۋالماقچى بولۇپ سومكىلىرىمىزدىن يەيدىغان نەرسىلەرنى چىقاردۇق ،ئابدۇللاھ  ئۆزىنىڭ بۈگۈن روزا تۇتقانلىقىنى ئېيتىپ يېمىدى ،بىز بىر نەرسە يەۋاتقاندا مەن بەك خىجىل بولدۇم .پاكىستانلىق ئەلى مەندىن سورىدى ،ئۇ نېمىشقا بۈگۈن روزا تۇتىدۇ ؟ مەن ئۇنىڭ ھەر دۈشەنبە ۋە پەيشەنبە كۈنى روزا تۇتىدىغانلىقىنى ئېيتتىم .. بىردەمدىن كېيىن ئابدۇللاھ باغچىنىڭ خاليراق بىر يېرىدە پېشىن نامىزى ئوقۇدى . ئەلى توختىماي ئۇنى ماختايتتى ،ھەقىقەتەن ياخشى مۇسۇلمانكەن ،مەن تۇنجى قېتىم ئۇچرىتىشىم،،، ،قايتىدىغاندا  مەن تېلفۇنىمدىكى بىزنىڭ مەكتەپنىڭ  مەنزىرىلىرىنى ئابدۇللاھقا كۆرسەتتتىم ،ئۇ بەك چىرايلىقكەن دەپ ماختاپ كەتتى ،شۇڭا بۈگۈن مەكتەپنى كۆرگىلى كەلگەنىدى .بىزنىڭ مەكتەپ چەتتىرەك بولغىنى بىلەن بەك چىرايلىق ئىدى .   مەن ئۇنىڭغا مەكتەپنى ئايلاندۇرۇپ  چۈشلۈك تاماق ۋاقتى بىلەن ئاشخانىغا كىرمەكچى بولدۇق ،دوستۇمغا تېلفۇن قىلسام يەنە ئالمىدى ، شۇنىڭ بىلەن كىرىۋەردىم ، مېنىڭ بىر نېگىر بالا بىلەن كىرىۋاتقانلىقىمنى كۆرۈپ ئاشخانىدىكىلەرنىڭ ھەممىسى قاراشتى . -دوستىڭىزما ؟ بىر قىز غەلىتە كۈلۈپ سورىدى -ھەئە . -ئاداش ، گېپىنى قانداق چۈشىنىۋاتىسەن ؟ ياندىكى جوزىدا ئولتۇرغان  قىز مەسىخىرە ئارىلاش ،سورىدى -ئەرەبچە سۆزلەۋاتمامدۇ ، ئاڭلاپ بىلەلمەپسەندە ؟! دېدىم جاۋابەن . -شۇ ئارىدا ئارقامدىكى جوزىدا ئولتۇرغان ئوغۇللارنىڭ پارىڭى قۇلىقىمغا كىرىپ قالدى . -نېمە نېگىرلار بىلەن پاراڭلىشىپ يۈرىدۇ دەيمەن -شۇنى دېگىنە ، نومۇسىنى كەلتۈرۈپ ئادەمنىڭ - تىل ئۆگىنىمەن دېسە باشقا ئادەم چىقمىغاندەك -راستلا جىڭ نېگىركەن، قاپقارا .....ھا ھا ھا ..... بۇ گەپلەرنى ئاڭلاپ بىر قىسما بوپ قالدىم .   بىر نەچچە كۈندىن كېيىن يۇقىرى يىللىقتا ئوقۇيدىغان بىر قىز بىلەن پاراڭلىشىپ قالدىم ، -ئەرەبچىنى قانداقراق ئۆگىنىۋاتىسىز ؟ -خېلى ياخشى ، ھە ، ئاڭلىسام نېگىر دوستىلىرىڭىز باركەن . ئۇ نېگىر دېگەن سۆزنى ئالاھىدە ئۇرغۇ بىلەن ئېيتتى . يەنە بىر سى دوستۇمغا ، ئالىيە تولا گەپ قىلماي يۈرگىنى بىلەن نېگىرلار بىلەن يېقىنكەن ھە ،دەپتۇ مەسخىرە ئارىلاش .   بىزدىمۇ ئىرقىي كەمسىتىش باركەن دېسە ،بۇ چوڭ شەھەردە ياشاۋېتىپمۇ يەنە مۇشۇنداق قاراش بارلىقىغا ھەيران قالدىم ،نېگىر بولسىمۇ ئاللاھنىڭ بەندىسىغۇ ، ئۇنىڭ ئۈستىگە مۇسۇلمان .ئۇنى كەمسىتكەن  ئاشۇ بالىلار نى مەن ياخشى بىلىمەن ،ئوغۇل بولسا جيۇبادىن ،قىز بولسا دىبادىن كېلەلمەيدىغانلار .نېگىر دوستۇم بولسا ھەر جۈمە كۈنى مەسجىدكە بېرىش سەۋەبى بىلەن ئوقۇتقۇچىسىدىن دائىم گەپ ئاڭلايدۇ . مەن بۇنداق دېيىش ئارقىلىق بىر چەتئەللىكنى ماختاپ ،ئۆز مىللتىمنى چۈشۈرمەكچى ئەمەس ،لېكىن مۇشۇنداق ئىشلارغا جىق ئۇچراپ كەتتىم ،نېگىر بولسا نېمە بوپتۇ ، ئۇلار بىلەن پاراڭلاشقانغا نېمە بوپتۇ ، بۇ پەقەت مەدەنىيەت ئالماشتۇرۇش ،تىل ئۆگىنىش ئۈچۈنغۇ ؟ خەقنى كۆزگە ئىلماي يۈرگىنىمىز بىلەن ئاشۇلار قىلغاننى بىزلەر قانچىلىك قىلالىدۇق ؟

foormat

	بىزنىڭ تېخى باشقىلارنى كەمسىتكۈچىلىك ئەھۋالىمىز يوق .

kaLGundi

	مەن ئادەملەرنىڭ ھەممىسىگە باراۋەر مۇئامىلە قىلىمەن. نىگىرلارمۇ ئادەم. ئۇلارنىمۇ خۇدايىم ياراتقان ئۇلارنى پەس كۆرسەك بولمايدۇ. ئادەمنىڭ سىرتقى قىياپىتىگە قاراپ باھا بېرىدىغان زامان ئاللا بۇرۇن كەلمەسكە كەتتى. ھازىرقى كىشلەر سىرتقى قىياپەتكە ئەمەس قوساقتىكى ئۇماچقا بىلىمىگە ئەخلاقىغا قارايدۇ

Gvlqi

	ياخشى يېزىپسىز ، تېشى ئۇن خالتاسىغا چۈشۈپ كەتكەندەك ئاق بولغان بىلەن ئىچى قارىداپ كەتكەنلەردىن 1000نى ئاشۇ سىز دىگەن نىگىرغا تەڭ قىلمايمەن

xamal22

	مەيلى ، بوي يەتمىگەن شاپتۇل ئاچچىق ، دەپ ئولتۇرۇۋىرىڭ . ئۆزلىرى شۇلار بىلەن يات بىر  تىلدا بىر ئىككى ئىغىز جايلاپ سۆزلىشەلگەن بولسا بەلكىم «مىنىڭ چەت ئەللىك دوستۇم بار » دەپ تازا كۆرەڭلىگەن  بولار ئىدى سىز ئۇلارغا ياردىمىڭىزنى قىلىۋىرىڭ ، ياخشىلىق يەردە قالماس دىگەن گەپ بارغۇ .

karligaq410

	بەزى كىشىلەر باركى ئۆزەم قانداقراق دىمەي خەقنى كەمسىتىپ يۈرگەن . ئىرقىي ئايرىمچىلىقنى مەنمۇ بەك ياقتۇرۇپ كەتمەيمەن . بوپتۇ قىرىندىشىم ، كۆڭلىڭىزگە ئالماڭ . ئاللاھ ھەممىنى كۆرۈپ تۇرىدۇ .

غېرىبى

	ئۇچىغا چىققان ئەخمىقانىلىق... بىز شۇلارنى كەمسىتكەن شۇ دەقىقىدە بىزلەرنى كىملەر كەمسىتىپ كەينىمىزدىن گەپ قىلىۋاتقاندۇ دەيمەن. شۇ كەمسىتكۈچىلەر بەلكىم كەمسىتىلگۈچى ياراتقان قىممەتنىڭ  يېرىمىچىلىك قىممەت يارتالىغان بولسىدى كاشكى...

مارشال

	زۇلپىقار بارات ئۆزباشمۇ ‹‹ئۆزلۈك گىرۋەكلىرى››دېگەن كىتابتا چەتئەلدىكى ھېس-تۇيغۇلىرىنى بايان قىلىپ،بىر چەتئەللىك ناخشا ئېيتسا،ئۇ ناخشا بەك سەت ئاڭلاندىمۇ ئۇ كىشىگە،شۇ مىللەتنى ھاقارەت قىلىپ يازغان يازمىسىنى شۇ كىتابتىن كۆرگەن ئىدىم. لېكىن،ئەسەت سۇلايمان‹‹ئۆزلۈك ۋە كىملىك››دېگەن كىتابتا 2مىللەتنى ناھايىتى ياخشى سېلىشتۇرۇپتىكەن،كەمسىتىش دېگەن يوق دېيەرلىك. زۇلپىقارنىڭ كىتابىنى نەشىر قىلغان نەشرىيات خادىملىرىنىڭمۇ كاللىسى ئىشلىمەي قالدىكەن بەزى يەرلەردە،مۇشۇنداق كەمسىتىش زىيالىيلارنىڭ كىتابىدا چىقىۋاتسا،ئۆزى شۇنداق باشقا مىللەتنىڭ توۋلاپ قويغان ناخشىسىنى زاڭلىق قىلىپ،كەمسىتكەندەك يېزىۋاتسا،ئۇ ئۇقۇغۇچىلارنىڭ نىگىرلارنى كەمسىتىشى ئەجەپلىنەرلىك ئەمەس مەنچە.......

kurax114

	ئاللاھ  ئەجىر  بەرسۇن  سىز  شىئەندە  ئۇقۇمايدىغانسىز  ھە ..   ئاللاھنىڭ  ئالدىدا   ئىككىلا قەۋىم  بۇلىدۇ  بىرى مۇسۇلمان  يەنە بىرى كاپىر  .مۇشۇلار  يىتەرلىك  .ئاللاھنىڭ  سىناقلىرىغا ئەڭ  چىدىغان  مىللەت بۇ  ،،بۇلار نىڭ چىدامچانلىق  روھى  كىشىنى  قايىل قىلىدۇ ،،پەيغەمبەر  ئەلەيھىسسالامنىڭ  يىنىدىكى  تۇنجى  ئەرزان ئىتقان بىلال  مۇ( ئاللاھ ئۇنىڭدىن  رازى  بولسۇن ) قارا  ئىدى  پەيغەمبەر ئەلەيھىسسالاممۇ كەمسىتمىگەن  ،،،،

131svkvt

	باشقلارنى كەمستشتن بۇرۇن مەن كىم دىگەن سۇئالنى ئۇزىمزىدن سۇراپ باقايىلى