ئاچچىق ئۈچۈن تۆلەنگەن بەدەل

lalam520

	رىفات (17ياش) پەيزاۋات ناھىيىسىنىڭ مەلۇم يېزىسىدىن بولۇپ، باشلانغۇچ مەكتەپنى پۈتكۈزگەندىن كېيىن ئائىلىسىنىڭ دېھقانچىلىق ئىشلىرىغا ياردەملىشىپ كېلىۋاتاتتى. ئۇ بۇلتۇر دىكابىرنىڭ ئاخىرلىرى بازارغا بارغاندا، مەكتەپتىن قايتقان قوشنا يېزىلىق دوستى سەردار بىلەن ئۇچرىشىپ قالدى.     -قوشنا يېزىدا بىر تورخانا ئېچىلدى، بۇ يەردە سوغۇقتا تۇرغۇچە شۇ يەردە بىردەم ئويناپ كېلەيلى، -دېدى سەردار سالام-ساھەتتىن كېيىن.     بۇ گەپ سوغۇقتا توڭلىغان رىفاتقا ياقتى. ئۇلار مەنزىلىگە يېتەي دېگەندە، سەردار:     -ئاداش، خەدىچىنى ئۇنتۇپ كەتكىن، ئۇنىڭغا كۆڭلۈم چۈشۈپ قالدى، ھەرقانداق بەدەل تۆلىسەممۇ ئۇنى چوقۇم ئەمرىمگە ئالىمەن....، -دېدى.     -نرمە دەپ يۈرىسەن، -دېدى رىفات بۇ گەپنى ئاڭلاپ، -ئىككىيلەن بىر بىرىمىزنى ياخشى كۆرىمىز. سەن تېخى كىچىك، ئەڭ ياخشىسى قالايمىقان خىياللاردا بولماي، ئوقۇشۇڭنى ئوقۇ. ئۇنىڭ ئۈستىگە چوڭلار ئاللىقاچان رازىلىق بېرىپ بولغان. ئىككىمىز كېلەر يىلى توي قىلىمىز.     بۇ گەپلەر سەردارغا تەسەر قىلمىدى. ئۇ:     -خەدىچىنى ئۇنتۇپ كەت، سىلەر توي قىلغان تەقدىردىمۇ ئۇنىڭدىن ۋاز كەچمەيمەن. ئەڭ ياخشىسى مەن دېگەندەك قىلىپ، ئۇنىڭدىن ئايرىلىپ كەت، -دېدى تەھدىت سېلىپ.     ئاچچىقتىن يېرىلىپ كەتكۈدەك بولغان رىفات ۋېلسىپىتنىڭ كەينىدە ئولتۇرغان سەردارنىڭ مۈرىسىگە بىرنى جەينەكلىۋەتتى. سەردار يىقىلىپ چۈشۈپ رىفاتنى تىللىدى، رىفات ئاچچىقلىنىپ سەردارنى مۈرىسىدىن ئىتتىرىۋەتتى، شۇنداق قىلىپ ئۇلار سوقۇشۇپ قالدى ۋە رىفات سەردارنىڭ بېشىغا كالتەك بىلەن ئۇرۇپ ئۆلتۈرۈپ قويدى. ..     گۇماندار رىفات بۇلتۇر 30-دىكابىر جىنايى ئىشلار بويىچە توختىتىلىپ، بۇ يىل 7-يانۋار قانۇن بويىچە قولغا ئېلىندى. قەشقەر ۋىلايەتلىك ئوتتۇرا خەلق سوت مەھكىمىسى يېقىندا بۇ دېلوغا سوت ئېچىپ، رىفاتقا قەستەن قاتىللىق قىلىش جىنايىتى ئۈچۈن مۇددەتسىز قاماق جازاسى بېرىپ، قوشۇمچە ھەق تەلەپ دەۋاگىرىگە12مىڭ 348يۈەن تۆلەشكە ھۆكۈم قىلىندى. (كىشى ئىسىملىرى ئۆزگەرتىلدى)        مەنبە: شىنجاڭ قانۇنچىلىق گېزىتىدىن ئېلىندى

ئۆل

	توۋا  ...ئالىمەن دىسلا  ئالالايدىغان  مال  بولمسا يا  ئۇ  قىز .......شۇنڭغىمۇ  ئاچلىقلاپ ئۆلتۈرۈپ  قويامدۇ  دەيمەن

蓝狼-0947

	شۇنىڭ بىلەن بىر جان ئۇدۇنياغا سەپەر قىلدى دىگەن گەپ. ھەي ...............

13629982958

	ئاغىنە تۇرۇپ...........................ھەي

nap--rat

	17 ياشلىق بالىغا مۇددەتسىز قاماق بىرىشى سەل ئىغىر كەتتىمۇ قانداق

abdulahad

	جىنايەت كۆپنچىسى ھاراق ، خوتۇن كىشى سەۋەپلىك كۆپىيدۇ.

subhinur

	قاچان بولغان ئىش بۇ  ؟ بىزنىڭ يۇرتتا بولغان ۋەقەكەنغۇ بۇ

TOTIM

	ھەجەپ ياخشى دوستلاركەنغۇ؟   توۋا

hiyal2126

	يامان بوپتۇ،

huxnaz114

	يولۋاسنى  يەڭگەن باتۇر  ئەمەس ئاچچىقنى  يەڭگەن  باتۇر  ،دەپ  تولىمۇ  توغرا  ئېيتىلىپتىكەن ... ھەي....ياش  تۇرۇپلا......