زەيپانە ئەرلەر ۋە مەردانە ئاياللار ...

XERHAN

	ئـــــىـــلاۋە ئىشقىڭ بىلەن ، سەگەك تۇرۇپ ئۆرىگىن تارىخ بېتىنى ، ئۇچرىتىسەن نى مەرت ئوغلان ، جۇۋانلارنىڭ ئېتىنى ... زەيــپــانـــە ئـــــەر كىتىپ باراتتىم ،كۈندۈز كوچىدا ، يېتىپتۇ بىر ئەركەك يول ياقىسىدا . گۆپۈلدەپ پۇرايدۇ ئۇنىڭ تىنىقى ، بىر ئىت چۆرگىلەپتۇ ئارقىسىدا ... بىر قاراپ يالتايدىم ئۇنىڭ تۇرقىغا ، خېلىلا چوڭايغان ھەم ئۇنىڭ يېشى . < ئاھ ، ئىسىت > دەپ قالدىم ئاشۇ مىنۇتتا ، قاپقارا بۇرۇتلۇق ، ئەگىمدۇر قېشى ... سىزىم يوق ھىچقانداق غەملىرىمۇ ھەم ، پۇشۇلداپ تىنىپتۇ چوڭ - چوڭ نەپەستە . كەيىپتىن سولانغان ئۇنىڭ ۋىجدانى ، چىقالماي زارلىنار بەلكىم قەپەستە . چىرايلىق يۈزلىرى بولۇپتۇ توپا ، كىيمىمۇ ھەم شۇنداق بويىدىن باشقا . شەيتاندىن كۆرەمدۇق ئەجىبا بۇنى ؟ مۇيەسسەر بولدىمۇ ئۇ چاغ ئالداشقا ... قارىدىم دەرھاللا ئۇدۇل دۇكانغا ، ئولتۇرار بىر كىشى تاماكا شوراپ . < نىمىشقا > بوپ قالدى خىيال تىمىسى ، بىر توقام خىياللار كاللامنى ئوراپ . ئەتراپتا بار ئىكەن باشقا ئادەملەر ، بىلندى ماڭا ھەم مازاق  قىلغاندەك . ئۇ چاغ ، ئۇ ئەمەس يولدا ياتقىنى ، خۇددى مەن ، ئۆرتەندىم يۈرەك تىلغاندەك ... شۇنداق بىر سۇئالنى سورىغىم كەلدى ، ئانىسى نەدىدۇر ئاشۇ ئىنساننىڭ . < ئوغلىڭىز يېتىپتۇ سەتلىشىپ يولدا ، پايدىسى بولدىمۇ ئەجىر قىلغاننىڭ ؟ ئاپئاق سۈتىڭىز كۈچ بولغانتىغۇ ، ئەڭ چوڭ تەربىيچى بولغان ئىدىڭىز ؟ كاپىتان خۇددى سىز ، ئوغلىڭىز كىمە ، بۇ دۇنيا ، تۇرمۇش ھەم خۇددى بىر دېڭىز > ... بوپ قالار دىگىنىم بەلكىم ئانىغا ، خۇددى بىر چوڭچىلىق ، ئاتتىكاچىلىق . مىسالى بۇ مىنىڭ شۇ ئەركەك ئۈچۈن ، ئۆز غورۇر ، ۋىجداننى تەلەپ قىلغانلىق . مــــەردانـــە ئــايـــال غىچىرلاپ چىقىدۇ يىقىمسىز ئاۋاز ، ماڭىدۇ بىر ھارۋا يېلى يوق مىجىق . جاھان ئاپتىپى چۈشۈپ زىمىنغا ، ئادەملەر كوچىدا بولغاندەك تىجىق . ھارۋىنىڭ ئۈستىدە ئاق ، قارا گازىر ، تىترەيدۇ يىنىكلا سىلكىنىپ شۈنچە . باشقىچە تەسىرات بەردىغۇ ماڭا ، ئىتتىرگەن ئايالغا بىر قارىغۇچە  . نۇمۇسمۇ سىزگە ھەم ماڭا ئۇ ھارۋا ، < ئىتتىرىپ ماڭ  > دىسە كۈندۈز كوچىدا . تۇيغۇمىز نىمە دەر بىزگە پىچىرلاپ ، تەسىرى ،  پەقەتلا ئويلىغۇچىدا ... ئاياللار كوچىدا قىلسا تىجارەت . ئويلىدىم بىر قانچە نوقتىدا تۇرۇپ ، < توختا > دىدىم مەن ئۆزۈمگە شۇئان ، ئىجابىي تەرەپكە كەلدىم قايتۇرۇپ . بەلكىم ئۇ ئەرسىزدۇر ياكى بىر يىتىم ، ئانىسى كىسەلدۇر ۋە ياكى ئىرى . تاشلىساق بۇنى بىز ئەتراپقا بېقىپ ، يىشىلەر تۇرمۇشنىڭ بۈنچىكى سىرى . كوچىدا مېڭىشى گۇناھ بولارمۇ ؟ بۇ سۇئال قويۇلار بەلكىم باشتىراق . رېستۇران ، قاۋاقتا چېپىپ يۈرگەندىن ، مىڭ ئەۋزەل ، بۇ ئىشى مەنچە ياخشىراق . پارقىراق ماشىنا قىلىدۇ سىگنال ، < مىنى كۆر > دىگەندەك يوللاردا ماڭغاچ . < گازىرچى > سۆرەيدۇ ئەسكى ھارۋىنى ، جان بېقىش پەرمانى ئۇنى بەك تاڭغاچ . ئەمەستۇر ئۇ ئۈچۈن بۇمۇ بىر شەرەپ ، كوچىدا تىجارەت قىلسىمۇ دائىم . مۇرادى بولغىيدى بىر كۈنى ھاسىل ، ھەربەندە ياخشى كۈن ، كۆرسۇن ئىلاھىم . بولدىلا دىدىم مەن جىقمۇ ئويلىماي ، پىشانە ھەر كىمنىڭ جاھان ئايلىنىپ . قانداقلا ياشايلى ئاخىرى ھەركىم ، ئۆلۈمگە بىر ئەزا بولار سايلىنىپ ... سېـــلـىــشتــۇرمـــــا ... ھەي توۋا ، قايتىدىن قوزغالدى خىيال ، كۆرمەمسەن بىر ئەركەك بىرى مەزلۇمدۇر . مانا ، ياشاش ئۇسۇلى ئىككى ئىنساننىڭ ، ئويلانساڭ بۇمۇ چوڭ ساڭا تەلىمدۇر . بىر سائەت ، بىر مىنۇت ، بىر يەردە كۆردۈم ، مۇشۇنداق مەنزىرە ، سېلىشتۇرمىنى . بىرىگە ياغدۇردۇم ئالەمچە نەپرەت ، كۈيلىگىم كەپ قالدى يەنە بىرىنى . ئەي ئەركەك قوپساڭچۇ ، ئۆرە ئورنۇڭدىن ، كۆرگىنە گازىرچى ، يەنە ئۆزۈڭنى . نە ئۈچۈن زەيپانە دىدىم مەن سىنى ، ئاڭلايچۇ جاۋابىڭ ، سەۋەپ ، سۆزۈڭنى . ساق مېڭىپ كىرگەنسەن < خانە > گە بەلكىم ، شۇ جايغا ئەپچىقىپ كىملەر تاشلىدى ؟ سەن ئۈچۈن ئەتراپتا كۈلسە بەزىلەر ، بەزىلەر ئاھ ئۇرۇپ يۈرەك ياشلىدى . ئويلىساڭ بولاتتى تىگىگە يىتىپ ، بىر كۈنلۈك كەيىپ ئۇ كۆڭۈلگە تايىن . خار قىلىپ ئۆتمىسەڭ بولاتتى بۇنداق ، ھاياتىڭ گۈل كەبى كەلگەن ئاتايىن . ئەي ئايال بولۇپسىز نامدا < گازىرچى > ، < ئىچەرمەن > ئالدىدا سىز بىر مەردانە . ئۇقۇشماي بەزىلەر بەلكى تۇرمۇشنى ، قىلىدۇ سىز ئۈچۈن نەچچە ئەپسانە . ئۇ ياتتى تولغۇنۇپ يەرنى باخاشلاپ ، ئۆتتىڭىز يېنىدىن قەدەملەر سېلىپ . سىز ئۈچۈن يازىمەن بەلكى بىر رومان ، قالىدۇ قوللىرىم ئۇ چاغدا تېلىپ . ياشاڭ ، تىرىشىڭ ئەتىڭىز ئۈچۈن ، سىزگە يار بولغىيدى ھالال تىجارەت . ئاشۇنداق زەيپانە ئەركەكلەر ئۈچۈن ، بولغايسىز ئالدىدا ئۇلارغا ئىبرەت . خــــــۇلاســـــــە ! تۇغۇلماق تەس ئىكەن ياشىماق ئۇندىن ، بۇ  دۇنيا  بولۇركەن خۇددى بىر سىناق . ئەقلىمىز ئىشلىمەي قالغاندا بىزنىڭ ، بولۇركەن ھەممە ئىش بىزگە بىر قىلتاق . ئاددىي ياشىماق بەزىمىز ئۈچۈن ، بەك ئاسان بولىدۇ چۈنكى بىز ئاددىي . قەلب ،كۆكسىمىز بولسا بىر كىتاپ ، تىنىمىز ، ۋارىقى ، بويۇمى ماددىي . شوخ ئۇچار كەپتەرلەر سامادا شۈنچە ، قاراڭغۇ ، زەيكەشتە ئۇۋلايدۇ چاشقان . بىر ئۇچى باغلانسا < گازىرچى > غا تىز ، بىر ئۇچى دومسىيىپ < مەس > كە  تۇتاشقان . قانچىسى بار زادى مۇشۇنداق ئەردىن ، ئەيمىنمەي ياشايدۇ  ئاۋۇ ئايالدىن . قۇتۇلسا دەيمەنغۇ شۇ خىل ئەركەكنى  ، كۈن پاتقان ، تەقدىرى ، سوغۇق زاۋالدىن ... ئېرىقنى كۆرگەندە سۇ بار ئىچىدە ، ھۆل بولماي ئۆتىمەن ئۇندىن ئاتلىسام . < مەقسىدىڭ نىمە ھەي > دىمىگىن مىنى ، بۇ يەرگە ئەكىلىپ تازا داتلىسام . ئازىدۇ دىمىگىن گەپ سۆزلىرىدىن ، يازىمەن كۆرگىنىم ئاڭلىغىنىمنى . كەچۈرگىن دوسىتلىرىم بىرنى چۈشۈرۈپ ، بىرىنى ئالەمچە داڭلىغىنىمنى . 2012 - يىلى 3 - ئاينىڭ 18 - كۈنى ( دىيارى يەكەن )

XERHAN

	ئەسسالامۇ ئەلەيكۇم ! يۇقارقى سۈرەت تۈنۈگۈن چۈشتىن كىيىن تارتىلغان ، تۈنۈگۈن كەچ مىسرانىم مەخسۇس ئەزالار توپىدىكى بىر قىسىم تورداشلارغا يوللانغاندىن كىيىن ئوخشاش بولمىغان تەسىر قوزغىدى . ئەزالار توپىدا دىمەكچى بولغىنىمنى تولۇق ئىپادىلەپ بىرەلمىدىم . شۇڭا ئاخىرى بولماي ، دىمەكچى بولغىنىمنى يېزىپ سۈرەت بىلەن بىرلىكتە يوللىدىم . قانداق تەھلىل قىلىش ئۆزۈڭلارغا باغلىق . سۈرەتكە ئىنچىلىك بىلەن قارىساڭلار ئوخشاش زامان ، ئوخشاش ماكان ، ئوخشاش ۋاقىتتىكى ئوخشىمىغان ئىككى ئادەمنىڭ ياشاش ئۇسۇلىنى كۆرۈپ يىتەلەيسىلەر !

kanat

	ئاپرىن ئاپرىن! تېمىڭىز بەك ئوبرازلىق،تېتىمىلىق چىقىپتۇ،رىئاللىقنى ئەينەن سۈرەتلەپسىز،ھارمىغايسىز قېرىندىشىم،داۋاملىق تىرىشىڭ،ئىسىل تىمىلىرىڭىزغا تەشنابىز.

ehsan0997

	ئاۋۇ يەردە بىرسى ئىشتىنىغا سىيىپ قۇسۇققا مىلىنىپ ياتامدۇ نېمە

sahar01

	يارايسىز شېرخان،ناھايىتى ئوبرازلىق ياخشى چىقىپتۇ،ئاپرىن!!!

kurax114

	ما ۋۇ  تىما ھەقىقەتەن  ئىسىل  يىزىلىپتۇ  .خوش بولدۇق .مىنىڭ بىرتەكلىۋىمنى  ئاڭلاپ بېقىڭ  .بولسا  رەسىمنى  ئۈچۇرۋاتسىڭىز بولغىدەك .مۇنۇ  شىئىر بەك ئىسىلكەن .ماۋۇ رەسىم  يەنە تور دۇنياسىدا  تاراپ  .ئويغۇرنىڭ ھەممىسى  ئىچىپ  مەس لىڭدەيدە ياتىدۇ  .دىگەن ئۇقۇم بىرىپ  قويمىسۇن دەيمەن .لىكىن  بومىنىڭ  شەخسى پىكىرىم. توغرا چۈشۇنۇڭ .يەنىلا تىما ئىگىسىنىڭ  پىكرىگە ھۇرمەت قىلىمىز ..داۋاملىق  ياخشى تىمىلار ئۈزۇلمىسۇن قۇلىڭىزدىن

XERHAN

	kurax114 يوللىغان ۋاقتى  2012-3-18 11:12 AM ما ۋۇ  تىما ھەقىقەتەن  ئىسىل  يىزىلىپتۇ  .خوش بولدۇق .مىن ... ئەسلى رەسىمنىڭ ئېنىقلىقى خىلى يۇقىرى ئىدى ، مەن ئېنىقلىقنى چۈشۈرۈپ ، رەسىمنىڭ يۈزىنىمۇ كىچىكلىتىپ مۈشۈنچىلىك قىلىپ يوللاپ قويدۇم . ئاۋۇ ياتقان ئادەمگە بەكراق دىققەت قىلمىسا كۆزگە چېلىقىپ كەتمەيدۇ ، ئۇنىڭ ئۈستىگە ھەچ ئىككەيلەننىڭ چىرايى تونىغىسىز ھالەتتە ... سىزنىڭ تەكلىپىڭىزنى مەنمۇ ئويلاشقان ئىدىم ، بىراق بۇ رەسىمگە ھەر قارىغىنىمدا ئۆزۈمنىڭ بۇندىن كىيىن قانداق ياشىشىمنىڭ زۆرۈرلىكىنى يەنە بىر قېتىم ھىس قىلىدىكەنمەن . شۇڭا تورداشلارنىڭمۇ ئاز تولا تەپەككۇرى ئويغىنىپ قالسا ئەجەپ ئەمەس دىگەن ئۈمۈتتە بۇ رەسىمنى قىستۇرۇپ قويدۇم . تۆۋەندىكى تورداشلارنىڭ پىكىرىگە قاراپ باقايلى ، راستىنلا سىز دىگەندەك تەسىر پەيدا قىلىدىغان بولسا ئۆچىرۋىتەمىز .

qin.tumur

	مانا ماۋۇ تىما، مەن ئەر دەپ ئۆزىنى قالتىس چاغلاپ ئاياللارنى خارلايدىغان، ئەمما مەس بۇلۇپ خۇدىنى يۇقىتىپ كوچىلاردا يىتىپ قىلىپ لالما ئىتلار تۇمشۇقلىرىنى يالاپ «ھاببا»ئىتىپ قويسا تېخىمۇ ھۇزۇرلىنىپ ئۇخلاپ كىتىدىغان  ئەركەكلەرئۈچۈن  ئويلانغىدەك ئىسىل تېما بوپتۇ ھەقىقەتەن ئىسىل مەزمۇنلاركەن

tang-xamili

	ئاۋاتنىڭ كوچىسىمۇ نېمە بۇ