يۆتەلمەڭ بۇ قەۋەتتە ئىت بار

1670154432

	دۇنيا دېگەندە ئاجايىپ ئېشىلار بولۇپ تۇرىدىكەن.شىركىتىمىزگە قايسىدۇر نازىرنىڭ ئايالى يۆتكىلىپ كېلىۋىدى،ئورگاننىڭ تاشتەك قاتتىق تۈزۈملىرىمۇ بىر كىچىدىلا ئاستىن-ئۈستۈن بولۈپ كەتتى.   ـــ نېمە ئېشلار بولۇپ كەتتى ھۇي!ــ دېدى بىر ئەمەس،بىر نەچچە قېتىم ،ئۈچىنجى قەۋەتتىكى خوجۇلۇق خادىمى ئابلا ھەيران،ھەر قانداق ئىشتا ھەيران بولىۋەرگەچكە كونا خىزمەتداشلارى ئۇنىڭغا شۇ لەقەمنى قويۇشۇپ قويۇشقان ئىكەن.بۇغۇ خېلى چوڭ ،ھەيران بولغىدەك ئىشلارغۇ،ــ بىرىنجى قەۋەتتىكى يوشۇرۇن يوقلىمىلارمۇ يوق ،كەچقۇرۇن بالدۇر كەتكەنلە بارمۇ-يوق دەپ قەۋەتمۇ-قەۋەت ،ئىشخانىمۇ -ئىشخانە مارلاشلارمۇ يوق،خۇيمۇ كەڭرى جاھان بوپقالدىغۇ؟   ــ ئۆزىڭىز بىلمەمسىز؟ــ قەستەنلىككە سېلىپ،ياندۇرۇپلا سورىدىم ئابلا ھەيراندىن .ھەزەر ئەيلىمىسەبولمايتتى ،ساددا بالىدەك ھەيران چىراي تۇرغىنى بىلەن غىرتتىلا كەتتىڭ ،قىستىغان ھاجەتتىن يالتىيىپ << ھۇزۇرى قۇبۇل>> غا چاپاتتى كاساپەت. ــ مەنغۇ بىلمەيمەن ،سىزنى بىلەمدۇ_ بىلمەمدۇدەيمىنا!ـئابلا ھەيران مەن قويغان شوتىغا لىككىدە چىقتى ،دەقىقە ئارلىقىدا <<تەن قۇيۇپ>> كېرىلدى. قېنى دەڭە ،بىزمۇ ئاڭلايلى ،<<مەخپىيەتلىك خالتىسى>>غۇ ئۆزىڭىز!ـ ئابلا ھەيران ھىجايغىنىچە داۋاملىق كېرىلىپ مەن تەرەپكە شوخشىدى ـ شۇ يېڭى كەلگەن يېشىل چاچ خوتۇننىڭ سەۋەبىدىن بولمامدۇ؟   ــ يېشىل چاچ ؟...كىمۇي؟ـ كۆزلىرىم بىلەن ئاۋازىمنى تەڭ ماس تەئەججۇپكە سېلىپ تۇرىۋالدىم. ــ ئا ..، قويوڭە سىزنى !... ـ ئابلا ھەيران تېرىكتى،ــ بىزنىڭ قەۋەتتىكى ھېلىقى بىكارچى خوتۇنچۇ،نازىرنىڭ ئايالى ،بىزنىڭ پىرۋوي باشلىق پەتنۇسقا سېلىپ يوتكەپ ئەكەلمىدىمۇ ئۇنى! ــ ئۇ نازىر بىلەن بىزنىڭ باشلىق يېقىن ئاغىنە بولسا كېرەك-ھە؟   ــ يېقىنلىقىمۇ چاغلىق!- ئابلا ھەيران يەنە بېشىنى بىلەرمەنلەرچە لىكىلداتتى ،_ شۇ،تاكتىكا دېسىلە،ئۇ نازارەت بىزنىڭ شىركەتنىڭ مېلىنى مۇنداغ - ئى ..( ئابلا ھەيران ئىككى قولىنى قاپچىلاشتۇرۇپ تېز-تېز ھەركەتلەندۇرگىنىچە <<مۇنداغ _ ئى...>> غا تەڭكەش قىلىپ << ئالىدۇ ئەمەسمۇ>> نى ئىپادىلىدى،مەنمۇ بئىختىيار ئۇنىڭغا ماسلاشتىم،_ ئەمدى ئۇقتىڭىزمۇ؟ ــ ئاپېرىن !ــ دېدىم جاۋاپ ئورنىدا ،ـ شۇڭا يېشىل چاچ خانىم كېچىكسىمۇ بالدۇر كەتسىمۇ داتاڭ سوراق بولمايدىكەن،ئۇنىڭ پايدىسى بىزگە بولىۋېتىپتۇدە؟ ــ سىزگىمۇ ئاپېرىن !ـ ئابلا ھەيران چىرايىغا جىققىدە قورۇق يىغىپ ھېجايدى ،ــ بىزدىن تەلىم ئېلىپ تۇرسىڭىز ،جىق ئىشلارنى بىلىپ كىتىسىز. بىر يۇلى كۆپرەك سۆزلىۋەتكەچكىمۇ ئابلا ھەيراننىڭ يازدىمۇ قالمايدىغان كانەي ياللۇغى غاژژىدىلا تۇتۇپ قالدى.ئۇزاققىچە ئۆپكىدەك ئېسىلىپ يۆتەلدى .ئەيىبىمنى تونىغاندەك خىجالەت بولۇپ غىپپىدىلا ئالتىنجى قەۋەتتىكى ئىشخانامغا جۆنەپ قالدىم .ئاجايىپ ئىشلار ئاندىن كىيىن بولدى،ئىككى كۈن ئۆتۇپ ،ئىشخانىدا كومپىيۇتېر مەشغۇلاتى قىلىۋاتسام ،تۆۋەندىكى قەۋەتلەرنى بىرىدىن ئىتنىڭ ھاۋشىغىنى ئاڭلاندى.    ـ توۋا خۇدايىم ،ــ دېدى يېنىمدا ئولتۇرۇپ خەت ئۇرىۋاتقان روقىيەگۈل،ـ ئەجەپ ئادەملەر بار ھە،بىزنىڭ ئىدارىدا؟ قاراڭ ،بىرسى ئىتتەكلا ھاۋشۇپ يۆتىلىۋاتىدۇ. يۆتەلنىڭ گېپىنى ئاڭلاپ ئىسىمغا دەرۇ ئابلا ھەيران كەلدى .زەن سېلىپ تىڭشىدىم . ــ نېمە دەيدىغانسىز روقىيەگۈل،يۆتەل ئاۋازى ئەمەس ،نەق ئىتىنىڭ ئاۋازىغۇ ئۇ،ئاڭلاڭە!   ــ توۋا خۇدايىم ،ــ دېدى روقىيەگۈل ئاخىرى ئۈزۈلمەي ،ئاچچىق-ئاچچىق ھاۋشۇۋاتقان ئىتنىڭ ئاۋازىنى ئىلغا ئېتىپ ،ــ راسلا ئىتنىڭ ئاۋازىغۇ بۇ .بىزنىڭ بۇ زامانىۋى كاتتا بىنادا ئىت پەيدا بوپقاپتۇدە ئەمدى!   ــ ئادىمى ئىتلار يەتمىگەندەك دەڭا!ئاغزىم ئىتتكلىك قىلىپ  دەپ سالدىممۇ ،يۈرىكىم جىغلا قىلىپ قالدى .ئاڭغىچە روقىيەگۈلمۇ قاقاخلاپ كۈلۈپ قالدى.   ــ كىمنى دەيسىز،ھېلىقى بىزنىڭ مۇئاۋىننى دەمسىز؟ئۇنى دىگەن بولسىڭىز ،ئىتقىمۇ ئۇۋال بوپقالار! گەپنى غاچچىدە يۆتكىمەكچى بولدۇم.   ــ يېڭى يۆتكىلىپ كەلگەن يېشىل چاچ ئايال بىلەن ئۇبدان تونۇشۇپ قالغانسىز؟   << يامغۇردىن قېچىپ ،مۆلدۇرگە تۇتۇلدى>> دېگەن شۇ ،روقىيەگۈلنىڭ شىركەت بىناسىدا مەشھۇر ئاغزى يېڭىباشتىن ئېچىلدى .   ۋاييەي ،ھالى بىر يەردە سەتقۇ ئۇ،قىرىققا كەلگەندە چېچىنى يېشىلغا بۇيىۋالغىنىنى قاراڭ ،كىيگەن كىيىملىرى نىمىلەرچە،شىركەتكە پىكاپ ھەيدەپ ئىشقا كىلىشلىرىچۇ تېخى ....   ــ نازىرنىڭ ئايالىدە! نازىر خانىم ،ھە؟ _ ئاۋازىمنى غەلىتە قىلىپ چاقچاققا يۇمزدىم .روقىيەگۈل تۇختامدىغان !   ــ نازىر بولسا ئۆزىگە ،نازىر خانىم بولسا ئۆزىگە ،ۋاييەي ،! بىزنىڭ ھېلىقى لېدىر خوشامەت قىلىپ پەيدا قىلدىغۇ شۇنى !خىزمىتىمۇ>>>   ــ شېركەتكە پايدىسى تىگىدىكەن ئەمەسمۇ،نازىر بىزنىڭ ئەڭ كاتتا خېرىدارىمىزكەن!گەپنى يوپۇتماقچى بولدۇم.   ــ سىزمۇ شۇ گەپنى قىلىۋاتامسىز،ئابلا ھەيراندەك؟ ــ روقىيەگۈل باش-ئايىغىمغا مەنسىتمىگەندەك قارىدى،ــ << ئېشىڭ ھالال بولسا ،چوڭ كۇچىدا ئېچ>>دەپتىكەن ،بىزنىڭ ماللىرىمىزنىڭچۇ ،سۈپىتى شۇنچىلىك ،بولمىسا خەقنىڭ كۆزىگە قاراپ خېرىدار ئىزدەيتىمۇ؟   تۆۋەندە يەنە ئىتنىڭ ئاچچىق -ئاچچىق قاۋىشى ئاڭلاندى.   ـ بۇ دىگەن تاكتىكا! ــ شەيتانلىقىم تۇتۇپ ئابلا ھەيراننى دورىدىم .روقىيەگۈل ماڭا بىر ئالايدى .ئاغزىنى  يەنەئاچچىق گەپكە ئۆمەللىدى.   يەنە نىمە سېسىق گەپ ئاڭلايتىمىكن،تەلىيىمگە ئىشخانىنىڭ قىيا ئىشىكى لەپپىدە ئېچىلىپ ،قولياغلىقى بىلەن ئاغزىنى مەھكەم ئېتىۋالغان ئابلا ھەيران ئېڭىشكەن پېتى دۈمبىسى بىلەن ئىشىكنى مەھكەم ياپتىدە ،قولياغلىقىنى ئېلىۋېتىپ ئۇزاققىچە يۆتەلدى.پۇخادىن چىقىچە يۆتىلىۋالدى.مەنمۇ ،گەپكە ئاغزىنى ئۆمەللەۋاتقان روقىيەگۈلمۇ ھەيرانىلىق بىلەن ئۇنىڭغا قاراپ تۇراتتۇق.   ــ توۋا خۇدايىم ،نىمە ئىشلار بوپكىتىپ باردۇ جاھاندا؟ ــ ئابلا ھەيران يۆتەل تەسىرىدىن تېز-تېز كالتە-كالتە نەپەس ئېلىپ ھارسىرىغىنىچە ۋە ياشلىرىنى سۈرتكىنىچە ۋايسىدى،_ ئىشەنچىلىك يۆتەلگىلى بولمىسا ...   ــ نىمە دىگىنىڭىز بۇ ؟ _ بۇ قېتىم راستىنلا سەمىمى ھەيرانلىق بىلەن سورىدىم ،روقىيەگۈلمۇ گەپتىن ئەمدىلا توختىغان ئاغزىنى تەئەججۈپلىك يېرىم ئېچىپ ،ئابلا ھەيرانغا تىكىلىك تۇراتتى،_ بىنادا تاماكا چىكىشكە بولمايدۇ دېگەننىغۇ خېلىدىن بىرى ئاڭلاپ تۇرىمىز،ئەمما يۆتەلسە بولمايدۇ دېگەننى ئاڭلىمىۋېدۇققا!   ــ ئەمدى ئاڭلايسىز!- ئابلا ھەيران زەردە بىلەن كۈچەپ سوزلىدى،_ مانا پېقىر بۈگۈن تۇنجى قېتىم ئاڭلىدىم ،تۇنجى بولۇپ...   روقىيەگۈل ئىككىمىز بىر-بىرىمىزگە لاپ ئىتىپ قارىشىۋالدۇق،نىمىشقىدۇر مېنىڭ قولىقىمغا چاڭ ئىتىپ بايقى ئىتنىڭ ئاۋازى ئاڭلانغاندەك بولدى.   ــ راست دەۋاتامسىز ئابلا ئاكا؟ئاللا،ئەمدى نىمە گەپلەر بۇ،تۇلۇقراق دەڭە،_ روقىيەگۈل ئادىتى بۇيچە ئابلا ھەيرانغا شىپقاپراق كەلدى.   ــ دېسەم شۇ ،باشلىق يۆتەلمەيسەن دېدى.،_ ئابلا ھەيران چاقچاق قىلغاندەكلا گەپنى شۇنداق دېدى ،بىراق ئاۋازى ئەلەملىك چىقتى.ئىشەنمەي ئامالىڭ يوق.   بىر دەم تىڭىرقاپ تۇرۇپ كەتتىم .روقىيەگۈلمۇ شۇ،ئابلا ھەيران بۇ قېتىم بىزنى سۇئال سورغۇزماستىن ئۆزىلا سوزلەپ كەتتى: ــ نەچچە كۈن بولدى سوغ ئۇتۇپ قالدىمىكىن ،گېلىم قىمىلداپلا تۇردۇ.ياش ۋاقتىدا نەرقىنى سورىماي چەككەن تاماكىنىڭ دەردىغۇ شۇ.ئۆزۈڭلارمۇ بىلىسىلەر،ئادەتتە يۆتىلىم كۆپرەك .لىكىن ھېچكىم شۇ كەمگىچە يۆتىلىم توغۇرلۇق يا ئاق ،يا كۆك پاراڭ قىلمىغان،يۆتەلمە يا ئاز يۆتەل تېخىممۇ دېمىگەن .مانا قاراڭ ئاڭلىمىغان گەپنى ئاڭلايدىكەن ئادەم !   ئابلا ھەيران قولياغلىقىنى ئاغزىغا تۇتىۋېلىپ ،بۇغۇق قىسىلدۇرۇپ بىر نەچچىنى يۆتىلىۋالدى .كۆزى ئېھتىيات قىلغاندەك ئىشىك تەرەپتە ئىدى.     ــ يۆتىلىۋېرىڭا ،ئېچىلىپ ! - دېدىم چاقچاق قىلىپ .ئابلا ھەيران چىرايىنى پۈرۈشتۈردى:   ــ بولدى قىلىڭا غۇلجىلىق پوچى،ئەتە-ئۆگۈن سىزگىمۇ كېلىدۇ .زۇكام بولمايمەن دەلەلمەيدىغانسىز،يۆتىلىپ بېقىڭا ،شۇ چاغدا قېنى!   ــ ئەھۋال شۇنچىلىك ئېغىرمۇ ئابلاكا،_ دەپ سورىدىم چاقچاقتىن توختاپ .راستىنلا ھەيران بولماقتا ئىدىم.    ــ خورلۇق دەڭا ئۇكا ،خورلۇق ،_ ئابلا ھەيران خېلىلا قەھرى بىلەن كىرىشىپ سوزلەپ كەتتى ،_ تۈنۈگۈن پەيدا بولغان بىر بىكارچى ھالدار خوتۇننىڭ پىستە كۈچىكى بىزدىن ئەتىۋارلىق ،زور بۇلۇپ كىتىۋاتىدۇ دىسە ! شۇ كۈچۈكنى ھاۋشۇپ ئاۋارە بوپكەتمىسۇن دەپ ئەمدى بىز بىنادا يۆتەلمەيدىكەنمىز!   ــ كىم دېدى شۇ گەپنى؟_ ھەيرانلىق ۋە جەھلى ئارلاش سورىدىم.   ــ كېمۇ شۇ دېگەن ؟_ روقىيەگۈلمۇ ئاچچىقىدا چەكچەيدى. ئىككىمىزنى ھەيران قىلىپ ئابلا ھەيران تەنتەكلىك ئېلان قىلدى: ــ كىم بۇلاتتى ،باش لېدىر ،چوڭام،شەخسەن ئۆزى...   ــ شەخسەن ئۆز ئاغزى بىلەن دەڭ !_ ھەيرانلىق ئىلىكىدە چاقچاقنى ئۇنۇتىدىم .قوناق شېخدەك تۈپ----تۈزلا كەتكەن ئابلا ھەيران گىپىمگە رەنجىدى.   ــ ھە،ئۆز ئاغزى بىلەن بولماي ،كەينىدە بولاتتىمۇ؟ تازا..   ـ لىدىر نېمە دىدى ،لىدىر نېمە دېدى؟ تۇلۇقراق دەڭا ئابلا كا،_ روقىيەگۈل ھەس-ھەۋەستە يەنە بېرىراق شېىپقىدى.   ــ ۋاي قېنىم خېنىم دېدىمغۇ ،_ دېدى ئابلا ھەيران،_ بىزنىڭ ئۇچىنجى قەۋەتكە پەيدا بولغان ھېلىقى نازىر خېنىم بارغۇ ،بوبى خېنىم ،شۇ خېننىم تۈنۈگۈندىن بىرى چەتئەللىكلەرنى دوراپ كۈچۈك يىتىلەپ كېلىدىغان بوپقالدىچۇ. بېشىدىكى ھاۋا رەڭڭ شىلەپىسىچۇ تېخى ! شۇ پىستە ... ئىتنىڭ كۈچۈكى تۈنۈگۈن خېلى تىنىچ تۇراتتى ،بۈگۈن مىنىڭ كانىيىمغا دەرت تېگىۋىدى،شۇنىڭغا ئاچچىقى كەلگەندەك ،مەن بىرنى يۆتەلسەم ،بىرنى قاۋاپ ،يېرىم كۈن زادىلا ئارامىمىزنى قويمىدى.بىزنىڭ ئۇچىنجى قەۋەتتىكىلەر مەندىن ئەمەس ،شۇ ئىتتىن رەنجىشتى ئەلۋەتتە ! دېمىسىمۇ شۇنداق بۇلىدۇ-دە! خىزمەت بىناسىدا ئادەم يۆتۇلۇش نۇرمال ئىش ،ئىت ھاۋشۇش دېگەن غەلىتە ئەھۋال ئەمەسمۇ. شۇنداق قىلىپ ،كۆپچىلىك ئىتنى تىللاپ ئولتۇرىۋەردى،بىر نەچچىسى تېخى ئىشخانا مۇدىرىغا ئەرىزمۇ قىلىشتى.   ـ توغرىغۇ ،ئىشخانا ،خىزمەت بىناسىغا ئىت ئەكەلگەن نەدە بار!_ غودۇرىدى روقىيەگۈل.مەن ئالدىرماي تۇردۇم . ـ ئالدىرماي تۇرۇڭلار ،_ ئابلا ھەيران ئىككى قۇلىنى تىككە كۇتۇردى ،_ مەنمۇ شۇنداق ئويلاپ ئولتۇرىۋەرگەن .لىكىن بىر چاغدا قارىسام ئىشخانا مۇدىرى تىلفۇن قىلىپ مىنى چاقىرتىپتۇ...   ـ ھە!؟ _ دېدۇق روقىيەگۈل ئىككىمىز تەڭلا.   ــ نىمە ئىش دەپ كىرسەم ،مۇدىر غۇجام گەپنى ئەگىتىپ كىلىپ ،بۇندىن كىيىن خزمەت بىناسىدا يۆتەلمىسىڭىز دەيدۇ!   ـ نىمە،نېمە؟ ئەمسە خىزمەت بىناسىدا ئىت ھاۋشىسا بۇلامدىكەن؟    ــ شۇ ئەمەسمۇ ،مەنمۇ شۇنداق سورىدىم تاپباستۇرمايلا... ــ ھە مۇدىر ئەپەندىم نېمە دېدى ؟   ـ بۇ سۇئالنى سورىماڭ ،ھىچنىمە دېمەڭ ،مەن سىزگە باش لىدىرنىڭ سوزىنى يەتكۇزىۋاتىمەن دېدى .   ـ توۋا!_ دېدىم مەن .   ـ يائاللا دېدى روقىيەگۈل. تۇرۇپلا كاللامغا بېر ئىشكلار كەلدى.   ــ چۇشىنىشلىك ؟_ دېدىدىم ئابلا ھەيرانغىمۇ ،روقىيەگۈلگىمۇ تەڭ قاراپ ،_ بۇمۇ شىركەتنىڭ مەنپەئەتى ئۈچۈن،پىستە رەنجىسە نازىر غۇجام بىزنىڭ ماللىرىمىزنى بىراك قىلىدۇ .   ــ شۇ ئەمەسمۇ !_ ئابلا ھەيران ئەلەم بىلەن خۇرسىندى. ــ يائاللارەي !_ روقىيەگۈل شۇ تاپتا ئۈچ ئادەمنىڭ ھەيرانىلىقىنى بىر ئۆزىنىڭ كۆزىگە يىغىۋالغاندى. ئابلا ھەيران بىر نەچچە كۈنگىچە يۆتەلگۇسى كەلسە بىزنىڭ ئىشخانىغا ياكى باشقا قەۋەتتىكى خالى جايلارغا ئاغزىغا قولياغلىق تۇتۇپ چېپىپ  يۇردى.    ئارىدىن ئىككى كۈن ئۇتۇپ ،ئادىتىم بويچە ئاللاقانداق بىر ئاھاڭغا غىڭشىپ ،پەلەمپەي باسقۇچلىرىنى ئالدىرماي بېسىپ ئۇچىنچى قەۋەتكە چىققىنىمدا قىرلىق دوقمۇش تامنىڭ ئادەم بويى ئىگىزلىكىتكى يېرىگە چاپلانغان بىر قەغەزگە كۆزۈم چۇشتى. قىزىق ،ھېلىقى قەغەزگە كومپىيوتىردا چىرايلىق بېسىپ چىقىرغان مۇنۇ خەتلەر يېزىلغان ئىدى:   ــ يۆتەلمەڭ،بۇ قەۋەتتە ئىت بار!    بىچارە ئابلا ھەيران شۇندىن كىيىن كانىيىنى جىددى داۋالاتتىمىكىن،ئانچە يۆتەلمەيدىغان بولدى.ياخشىدە ،قاراپ تۇرۇپ ساقىيىۋالدى ئەمەسمۇ!     ( ئاپتۇر : شىنجاڭ كىنو -تېلىۋىزىيە تەرجىمە مەركىزىدە)

ansar1013

	ئشچى خىزمەتچىلەرنىڭمۇ كۈنى تەسكەندە:qiray11

TaRKiN

	بۇنىڭدىن كىيىن يەنە قانداق ‹تۈزۈم›لەر ‹تەۋەللۇت›بولۇپ چىقىدۇ بۇنى خۇدا بىلىدۇ.

bujahan

	ئاجايىپ ئىشلار بار-دە.

ئىمكان

	ھا ھا ھا ھا .... ما تېمىنى كۆرۈپ بىر قانغۇچە كۈلۈپتىمەن. ئەگەر ماڭا ئۇنداق ئەركىنلىك بولمايدىغان بولسا ئاۋۇ بىنادا ئىشھەققى بىرەي بىكار تۇرۇپ بەر دىسىمۇ تۇرمايدىكەنمەن.

kaisar

	ئېملادىكى ھەرىپلىرىمىز نىمىشقا بىزنى جايىدا ئىشلەتمەيدۇ دەپ يىغلىماقتا .

ramu

	كۆرمىگەننى كۆرىسەن ،كۆرمىگىنىڭ دىگەندەك ھەيران قالارلىق گەپ بوپتۇ بۇ  ھىكايىمۇ. خوپ بوپتۇ كىم سىز بىلەن مىنى ياخشى ئوقۇماي كىچىك ئىشلەمچى خىزمەتچى  بولسۇن دەپتۇ دەيسىز! بولسا كىچىكرەك بىر دۇكانغا بىرەر يۇز تال گېزىتنى تىزىپ بولسىمۇ سودا قىلىپ لاۋبەن خۇجايىن بولساقمۇ بولاتتىدە.ھەييييي سەتىراچلىقىنى بىلگەن بولسام تۆت كۇچا يېنىدىن بىر كىچىك دۇكان ئېچىپ ئالدىرماي،پاكىزە ،سىلىق قىلىپ خەقنىڭ ساقىلىنى ئىككى سومدىن ئېلىپ قويساممۇ قۇساقنى باقارىدۇق ھە!

KANAN

	ظامال يوق . چۇنكى بىز شۇنداق جان بېقىپ كۆنگەن ...

Kulkam803

	ئەمەل-مەنسەپ ئادەمنى شۇنداقمۇ ئۇلۇغۋار كۇرسىتەمدۇ ئەمدى.....

atux-0908

	ھىكايىنى  ھەجەپ  تەسە  چۈشەندى ئادەم.