كالا سۈتى بىلەن بىللە ئىستېمال قىلىشقا بولمايدىغان يېمەكلىكلەر

yalkun085

	كالا سۈتى بىلەن شوۋىگۈرۈچ . تەتقىقاتلاردا كۆرسىتىلىشىچە، ئەگەر كالا سۈتى بىلەن شوۋىگۈرۈچنى ھەرخىل تېمپېراتۇرا ئاستىدا ئارىلاشتۇرغاندا ۋىتامىن A كۆپ مىقداردا بۇزغۇنچىلىققا ئۇچرايدىكەن، ئەگەر بالىلارنىڭ ئۇزاق مەزگىل ۋىتامىن A نى قوبۇل قىلىشى يېتەرلىك بولمىسا، يېتىلىشى كېچىكىپ، بەدىنى ئاجىزلاپ كېتىدىكەن. شۇڭا، بالىلارغا شوۋىگۈرۈچكە كالا سۈتىنى ئارىلاشتۇرۇپ ئىچۈرمەسلىك لازىم.    كالا سۈتى بىلەن كالتسىي پاراشوكى . كالا سۈتى تەركىبىدىكى ئاقسىل ئاساسلىقى كازېئىندىن ئىبارەت بولۇپ، بۇنىڭ مىقدارى ئاقسىل ئومۇمىي مىقدارىنىڭ %83 ىنى ئىگىلەيدۇ، كالا سۈتىگە كالتسىي پاراشوكىنى ئارىلاشتۇرغاندا، كالا سۈتى تەركىبىدىكى كازېئىن كالتسىي ئىئونى بىلەن بىرلىشىپ، كالا سۈتىنى ئۇيۇتۇپ قويىدۇ. قىزىتقاندا كالا سۈتى تەركىبىدىكى باشقا ئاقسىلمۇ كالتسىي بىلەن بىرلىشىپ چۆكمە ھاسىل قىلىدۇ. شۇڭا، كالا سۈتىگە كالتسىي پاراشوكى ئارىلاشتۇرۇش چەكلىنىدۇ.    كالا سۈتى بىلەن شاكىلات . كالا سۈتى تەركىبىدە چۆپ كىسلاتاسى بار، ئەگەر كالا سۈتى بىلەن شاكىلاتنى بىللە ئىستېمال قىلغاندا، كالا سۈتى تەركىبىدىكى كالتسىي بىلەن شاكىلات تەركىبىدىكى چۆپ كىسلاتاسى بىرلىشىپ كالتسىي ئوكسالاتنى ھاسىل قىلىدۇ، ئەگەر ئۇزاق مەزگىل مۇشۇنداق ئىستېمال قىلىنسا، چاچ قۇرغاقلىشىش، ئىچى سۈرۈش كۆرۈلىدۇ، شۇنداقلا كالتسىي كەملىك ۋە يېتىلىشى ئاستا بولۇش قاتارلىق ئالامەتلەر پەيدا بولىدۇ.    كالا سۈتى بىلەن ئاپېلسىن . كالا سۈتى تەركىبىدىكى ئاقسىل ئاپېلسىن تەركىبىدىكى مېۋە كىسلاتاسى بىلەن ئۇچراشقاندا قېتىۋېلىپ ھەزىم بولۇپ سۈمۈرۈلۈشى توسقۇنلۇققا ئۇچرايدۇ. شۇڭا، ئاپېلسىن يېگەن ۋاقىتتا كالا سۈتى ئىچىش مۇۋاپىق ئەمەس، ئەگەر تاماقتىن بۇرۇن ياكى ئاچ قورساق ۋاقىتتا ئاپېلسىن يېسە، تەركىبىدىكى ئورگانىك كىسلاتا ئاشقازان شىللىق پەردىسىنى بىۋاسىتە غىدىقلاپ، ئاشقازان يەللىكى ياكى ئاشقازاننىڭ نورمالسىز غىدىقلىنىشىنى كەلتۈرۈپ چىقىرىپ، يېمەكلىكلەرنىڭ ھەزىم بولۇشىغا تەسىر كۆرسىتىدۇ.    كالا سۈتى بىلەن مېۋە شەربىتى . كالا سۈتى تەركىبىدە ئاقسىل مول، مېۋە شەربىتى چۈچۈمەل يېمەكلىكلەرگە تەۋە بولۇپ، ئاشقازاندا ئاقسىلنى قاتۇرۇپ، ئاقسىلنىڭ بەدەنگە سۈمۈرۈلۈشىگە بىۋاسىتە تەسىر كۆرسىتىپ، كالا سۈتىنىڭ ئوزۇقلۇق قىممىتىنى تۆۋەنلىتىۋېتىدۇ. ئەگەر مېۋە شەربەتلىرىنى ئىچىشكە توغرا كەلسە، كالا سۈتىنى ئىچىپ بىر سائەتتىن كېيىن ئىچىش لازىم.    كالا سۈتى بىلەن چېچەكسەي . كالا سۈتى تەركىبىدە كالتسىي مول، چېچەكسەي تەركىبىدىكى خىمىيەلىك تەركىبلەر كالتسىينىڭ ھەزىم بولۇپ سۈمۈرۈلۈشىگە تەسىر كۆرسىتىدۇ.    كالا سۈتى بىلەن كۈدە . كالا سۈتى تەركىبىدە كالتسىي بار بولۇپ، تەركىبىدە چۆپ كىسلاتاسى مول بولغان كۈدە بىلەن بىللە ئىستېمال قىلغاندا، كالتسىينىڭ سۈمۈرۈلۈشىگە تەسىر يېتىدۇ. مەنبە: پەن ۋە تۇرمۇش

yidayat815

	رەھمەت، بىلىۋالدىم

lostba

	ياخشى تىمىلىرىڭىز بولسا بىزدىن ئايىماڭ

barquk8

	رەھمەت ، بىلىۋالدىم ! بۇنىمۇ كۈرۈپ بېقىڭ ! https://uyghur-archive.com/misranim/thread-68184-1-1.html

tohtihan1

	‹ كالا سۈتىمۇ يەللىك ، كۈدىمۇ يەللىك ، قوشۇپ يېسە كېكەرتىدۇ ئەللىك . › ئىش قىلىپ يەل كېلىپ بەدەنلىرىڭىز قىچىشىپ كېتىدۇ .:qiray20

zulayha

	ھەقىقەتەنمۇ بىلىۋېلىشقا تىگىشلىك ئىشلاركەن ، بەزىدە دىققەت قىلالمايمىز بۇلارغا. مەن بولۇپمۇ سۈت ئىچىپ بولۇپ شاكىلات يەۋېرىدىكەنمەن .

kahrizat

	رەھمەت

Jim

	دىققەت قىلمايدىغان ئىشلار ھەقىقەتەن كۆپكەن .

orkixi

	ئەڭ ياخشىسى سۈتكە نان چىلاپ يىيىش . :qiray18

yalguz

	ھەقىقەتەنمۇ بىلىۋېلىشقا تىگىشلىك ئىشلاركەن