كۈتۈش(چىمەنگۈل ئاۋۇتقا تەقلىد ـــ قىش نۇسخىسى)

روھزاد

	كۈتۈش (چىمەنگۈل ئاۋۇتقا تەقلىد ـــ قىش نۇسخىسى) روھزات ھەسرەتتە مۇزلاتتىم يالغۇزلۇقۇمنى، تەقدىرنىڭ پايانى كۆرۈندى تاتلىق. ئۈمىدلەر يېقىنلاپ كەلگەندە ئاستا، نە ئۈچۈن يىراقلاپ كېتىدۇ شادلىق. سوغۇقمۇ باقىدۇ ماڭا مۇڭ بىلەن، ئىشەنچىم جاھىلدۇ شۇنچىلىك بەلكىم. قەلبىمدە سەن يەنە تۇرىسەن ئىسسىپ، يەنىلا مەن كەبى سۆيەلمەس ھېچكىم. بىپەرۋا سۆزلىرىڭنى ئەسلىيەلەيمەن، بىلىمەن كۆزلىرىڭ كۆيەر يىراقتا. سىمايىم قېتىلار ئىسسىنماق بولۇپ، ئۆتكەن قىش سەن ياققان ئوتقا پىراققا. كۆزلىرىڭ كۆيىدۇ كىمنىڭ قەلبىدە، قار پەسلى ھەممىنى قىلىدۇ بايان. شۈبھىلىك ھېسلىرىم سۆزلىسە ئەگەر، مۇڭ باسقان ئويۇڭدىن قىلىمەن گۇمان. بۇ قارلىق دالىغا سىغمىغان ھەسرەت، تۇرقۇمدىن قالىدۇ بەلكىم ئەنسىرەپ. ئىسمىڭنى ئاتىغۇم كەلمەيدۇ جېنىم، سوغۇقتا قالمىسۇن دەيمەن تەمتىرەپ. ئۇپۇققا سوزۇلغان ئۇزۇن سېغىنىش، قەلبىمگە مۇز كەبى كېتىدۇ تاراپ. مېھرىمدىن ئېچىلسا يېڭى بىر ئالەم، مەن يەنە قالىمەن يولۇڭغا قاراپ. بۇ مىسرالار پېقىرنىڭ مەزكۇر ناخشىنى ياقتۇرۇش سەۋەبى بىلەن يېزىلغان، كۆچۈرۈلۈپتۇ دېمىگەيسىزلەر. تولۇقلىما مەزمۇن (2012-1-7 08:14 PM): قەلبىمدە بىقارار تۇرىسەن ئىسسىپ، يەنىلا مەن كەبى سۆيەلمەس ھېچكىم.

jahansaz

	ياخشى چىقىپتۇ

peyaz

	چىمەنگۈل ئاۋۇتنىڭ «ئۇيغۇر دېڭىزى» قازاقىستاندا بۇ يەرنى چېكىڭ !!

روھزاد

	خۇشاللىنارلىق ئۇچۇركەن، ئۇنىڭ يېڭىچە شېئىرىيىتىمىزدە باشلامچى بولۇپ قېلىشىنى ئارزۇ قىلىمەن. بىر قىز ساۋاقدىشىم ماڭا «مەن چىمەنگۈل ئاۋۇتقا چىدىيالمايمەن، ئۇنىڭ مىسرالىرىنى كۆرەلمەيمەن دەپ» چاقچاق قىلغانىدى.

nurulla112

	قايىل بولدۇم

fatima

	لىرىك مىسرالىرڭىز بەك مۇڭلۇق چىقىپتۇ. بۇندىن كىيىنكى ئىجادىيەتلىرڭىز تېخىمۇ مول-ھۇسۇللۇق بولسۇن.

روھزاد

	fatima يوللىغان ۋاقتى  2012-1-6 11:28 PM لىرىك مىسرالىرڭىز بەك مۇڭلۇق چىقىپتۇ. بۇندىن كىيىنكى ئ ...    رەھمەت، ماختاۋەرمەي تەكلىپ-پىكىرلەرنىمۇ بېرىپ تۇرغايسىز، سىزمۇ يېزىپ تۇرىدىغان بولغاندىكىن ئۆز-ئارا ئۆگەنسەك تېخىمۇ ياخشى بولىدۇ.

fatima

	روھزاد يوللىغان ۋاقتى  2012-1-6 11:31 PM رەھمەت، ماختاۋەرمەي تەكلىپ-پىكىرلەرنىمۇ بېرىپ تۇرغ ... بۇ شېئىرڭىز راسلا بەك ياخشى چىقىپتۇ.ھەر ئادەمنىڭ كۆز قارشى تەپەككۇر قىلىشى ئوخشىمايدۇ.ئەمما بۇ شېئىرڭىز ماڭا بەك ياقتى...شۇڭا تەكلىپ بەرگۈدەك يەرلىرىنى تاپالمىدىم. بۇندىن كىيىن تىمىلىرمىزدا خاتالىقلار بولسا كۆرسىتىپ،تەكلىپ پىكىرلىرمىزنى ئدايمايلى.

روھزاد

	fatima يوللىغان ۋاقتى  2012-1-6 11:36 PM بۇ شېئىرڭىز راسلا بەك ياخشى چىقىپتۇ.ھەر ئادەمنىڭ كۆز  ...     بولىدۇ، ياقتۇرغىنىڭىزغا رەھمەت~~~

noriya

	بىر گەپ قىلسام زاڭلىق قىلماڭلار ، مەن ماۋۇ ناخشىنى تۇنجى قىتىم ئاڭلىدىم ، بەك ياقتۇردۇم ،شېئىرىڭىز ھەقىقەتەن يىنىك چىقىپتۇ ئاستا كوپىيوتۇرۇمغا ساقلاپ قويدۇم .... مەنبەسىنى يىزىپ قويدۇم ئوغۇرلىمىدىم جۇمۇ .