راك پەيدا قىلىدىغان سۈت دۆلىتىمىز ماركىلىرىغا زەربە بەردى

Eldawa

	گەرچە سىزگە سۈت تەركىبىدىكى ئافلاتوكسىن (黄曲霉素) نىڭ ئۆلچەمدىن ئېشىپ كېتىشى ناتونۇش بىلىنسىمۇ، ئەمما راك پەيدا قىلغۇچى سۈتنىڭ ئىشىنى بىلىشىڭىز مۇمكىن. سۈت تەركىبىدىكى ئافلاتوكسىن دەل راك پەيدا قىلغۇچى ماددىدۇر. دۆلىتىمىزدە ئىشلەنگەن سۈت مەھسۇلاتلىرىدىن ئارقىمۇ-ئارقا مەسىلە چىقىشىغا ئەگىشىپ، چەتئەل سۈتچىلىك كارخانىلىرى دۆلىتىمىزدە كەڭ كۆلەمدە كېڭىيىش ئىمكانىيىتىگە ئىگە بولدى. چەتئەل كارخانىسىغا سېلىشتۇرغاندا ھازىر دۆلىتىمىز سۈتچىلىك كارخانىلىرى «ھەممە نەرسىنى تاشلاپ قېچىپ،چېكىنىپ قوغدىنىش» ھالىتىگە چۈشۈپ قالدى. بۇنداق ئەھۋالدا ئۆزىمىزنىڭ سۈتچىلىك كارخانىلىرىنى تەرەققى قىلدۇرۇش قىيىنغا توختايدۇ، ئەلۋەتتە. دۆلىتىمىز ماركىلىرى يەنە ‹سۇغۇق›مۇئامىلىگە ئۇچرىدى مېڭنيۇ سۈتى تەركىبىدىكى ئافلاتوكسىننىڭ ئۆلچەمدىن ئېشىپ كېتىش ئىشى ئاشكارلانغاندىن كىيىن، مېڭنىيۇ سۈتلىرىنىڭ سېتىلىش مىقدارى تۈز سىزىق بويىچە چۈشۈپ كەتتى. «دۆلەت كارخانىسى گېزىتى» مۇخبىرىنىڭ تەكشۈرۈشچە، بېيجىڭدىكى چوڭ تاللا بازارلىرىدىكى سۈت سېتىش رايونلىرى بۇرۇن پۈتۈنلەي مېڭنىيۇ سۈتلىرى بىلەن تولغان بولۇپ، ھازىر ئۇ مەھسۇلاتلارنىڭ سانى كۆرۈنەرلىك ئازلىغان ياكى ئورنىنى باشقا مەھسۇلاتلار ئالغان . بېيجىڭ شەھىرى خەيدىيەن رايونى ۋۇمېي تاللا بازىرىدىكى ئىسمىنى ئاشكارىلاشنى خالىمىغان بىر مەسئۇل خادىمنىڭ دېيىشچە، مېڭنىيۇ ئىشلەپ چىقارغان باشقا تۈردىكى مەھسۇلاتلارنىڭ سېتىلىشى ئانچە ئۆزگەرمىگەن بولسىمۇ، ئەمما ئومۇمى سېتىلىش مىقدارى تەسىرگە ئۇچرىغان. نۆۋەتتە، مېڭنىيۇلا ئەمەس باشقا ماركىدىكى دۆلىتىمىز ئىشلەپچىقارغان سۈتلەرمۇ زەربىگە ئۇچرىغان بولۇپ، سېتىلىش مىقدارى ناھايىتى ئازلاپ كەتكەن . زەھەرلىك سۈت پاراشوكى، راك پەيدا قىلغۇچى سۈت قاتارلىقلارنىڭ زەربىسىدىن كىشىلەرنىڭ ئىمپورت مەھسۇلاتلارغا بولغان تايىنىشى كۈچەيگەن. مۇخبىرنىڭ بېيجىڭدىكى كارىفور قاتارلىق چوڭ تاللا بازارلىرىغا قارىتا تەكشۈرۈش ئېلىپ بېرىشىدىن مەلۇم بولىشىچە، ئائىلە باشلىقلىرى بالىلار ئۈچۈن سۈت پاراشوكى ياكى سۈت سېتىۋالغاندا چەتئەلنىڭ ماللىرىنى بەكرەك تاللىغان . بېيجىڭ خەيدىيەن رايونىدا ئولتۇرۇشلۇق جاۋ خانىمنىڭ مۇخبىرىغا دېيىشىچە، ئۇنىڭ بىر ياشقا كىرگەن بالىسى ھەر ئايدا  900gلىق ئىمپورت قىلىنغان سۈت پاراشوكىدىن 3 قۇتا ئىچىدىكەن. بۇنىڭ باھاسى 800 نەچچە يۈەن بولۇپ، گەرچە ئىمپورت قىلىغان سۈت مەھسۇلاتلىرىدىمۇ يىمەكلىك بىخەتەرلىك ئامىللىرى مەۋجۇت بولسىمۇ، ئەمما جاۋ خانىم يەنىلا چەتئەل ماللىرىنى تاللاشقا مايىلكەن. «چەتئەلنىڭ ماللىرىغا مەستانە ئەمەسمەن، ئەمما سېلىشتۇرغاندا يەنىلا مۇتەخەسسىسلەر تەۋسىيە قىلغان ، ئىمپورت ماللارنى تاللايمەن» دەيدۇ ئۇ . ئۇنىڭدىن كىيىن مۇخبىر بېيجىڭدىكى باشقا چوڭ تاللا بازارلىرىدا تەكشۈرۈش ئېلىپ بارغان . بېيجىڭ جىچۈن يولىدىكى بىر تاللا بازىرىنىڭ مال ساتقۇچىنىڭ مۇخبىرغا دېيىشچە، نۆۋەتتە چەتئەلدىن كىرگۈزگەن سۈت پاراشوكى ۋە سۈت مەھسۇلاتلىرىنىڭ سېتىلىشى ناھايىتى ياخشى بولغان. ئۇنىڭ ئۈستىگە «راك پەيدا قىلغۇچى سۈت» نىڭ تەسىرى بىلەن چەتئەل ماللىرىنىڭ سېتىلىش مىقدارى تېخىمۇ ئېشىشى مۇمكىن ئىكەن . دۆلىتىمىز ماركىلىرى رىقابەت ئۈستۈنلۈكىدىن مەھرۇم بولدى ئىستېمالچىلارنىڭ ئامراق بولىشى تۈپەيلىدىن، دۆلىتىمىز ئىچىدىكى سۈتكە ئىش قوشۇش كارخانىلىرىنىڭ چەتئەلدىن كىرگۈزگەن خام ئەشياغا بولغان تايىنىشى، ئېھتىياجى ئاشقان. بەزى سۈتچىلىك كارخانىلىرىدا ئىمپورت مەھسۇلاتلارغا ئېغىش خاھىشى كۆرۈلۈشكە باشلىغان. ئىسمىنى ئاشكارىلاشنى خالىمىغان بىر مۇتەخەسسىس ئۆزىنىڭ ئەندىشىسىنى ئوتتۇرىغا قويۇپ مۇنداق دېدى : بۇنداق ئەھۋال داۋاملاشسا، زاۋۇتنىڭ ئىشلەپچىقىرىش تەننەرخى ئېشىپ كېتىدۇ ، خام ئەشيا ئىشلەپچىقىرىدىغان جاينىڭ رىقابەت ئۈستۈنلۈكى زەربىگە ئۇچرايدۇ . دۆلەت ئىچىدىكى سۈت پاراشۇكلىرىنىڭ ئىستېمالچىلارنىڭ گۇمانىنى قوزغىغان يەنە بىر تەرىپى، ئىش قوشۇش ئۆلچىمى ۋە ئىش قوشۇش تېخنىكىسى بولۇپ، مۇتەخەسسىسلەر ئانالىز قىلىپ مۇنداق دەيدۇ :  ئەگەر بىز ئۆلچەم ۋە ئىش قوشۇش تېخنىكىسىدىن ئىشنى باشلىماي، ئۆزىمىزنىڭ خام ئەشيالىرىدىن ۋاز كېچىپ، ئەجنەبىيلەرنىڭ  خام-ئەشيالىرىنى قارىغۇلارچە قوغلاشساق « ياندىكى ھېسىپنىڭ قەدرى يوق» دېگەندەك ئىش بولۇپ، دۆلەت ئىچىدىكى ماركىلارنىڭ كىشىلەر قەلبىدىكى ئورنىنى ئۆزگەرتەلىشىمىز مۇمكىن بولمايدۇ . دۆلەت ئىچىدىكى سۈتچىلىك شېركەتلىرىگە پايدىسىز بولغان يەنە بىر ئىش، دۆلىتىمىزنىڭ دۇنيا سودا تەشكىلاتىغا كىرگەن ۋاقتىنىڭ ئۇزىرىشىغا ئەگىشىپ، دۆلىتىمىز سۈتچىلىكنى يەنە بىر قەدەم ئىلگىرلىگەن ھالدا ئېچىۋېتىدۇ . مەسىلەن، جۇڭگو-يېڭى زىنلاندىيە ئەركىن سودا كىلىشىمىگە ئاساسەن 2012-يىلى 1-ئاينىڭ1-كۈنىدىن باشلاپ يېڭى زىنلاندىيە دۆلىتىمىزگە ئېكسپورت قىلىدىغان سۈت مەھسۇلاتلىرىدىن ئالىدىغان باج تۆۋەنلىتىلىدۇ. ئۇنىڭ ئىچىدە بوۋاقلار ئىشلىتىدىغان سۈت پاراشوكى ۋە قېتىقتىن باج ئېلىنمايدۇ. بۇ ئەھۋالدا يېڭى زىللاندىيە سۈت مەھسۇلاتلىرىنىڭ دۆلىتىمىزگە كىرىش تەننەرخى زور كۆلەمدە تۆۋەنلەپ، ئۇلارنىڭ رىقابەت ئۈستۈنلۈكى يۇ قۇرى كۆتۈرلۈپ، بازار ئىگىلەش نىسبىتى ئاشىدۇ . مۇشۇنىڭغا ئوخشاش تەدبىرلەرنىڭ دۆلىتىمىز سۈت كارخانىلىرىغا بولغان زەربىسى چوڭ بولىدۇ. «راك پەيدا قىلغۇچى سۈت» ۋەقەسى تىنجىماي تۇرۇپلا ،سەنيۈەن(三元)، يىلى (伊利) قاتارلىق ماركىلارمۇ باھاسىنى يۇقىرىلاتتى. بۇ ئەھۋال دۆلەت ماركىلىرىغا پايدىسىز تەسىر ئېلىپ كېلەمدۇ يوق ؟ مۇتەخەسسىسلەر ئىپادە بىلدۈرۈپ ، سۈپەتلىك، داڭلىق ماركىدىكى ئىچىشلىك سۈتلەر باھاسىنى ئۆرلەتسىمۇ يەنىلا ، ئىستېمالچىلارنىڭ قوللىشىغا ئېرىشەلەيدۇ، دېدى. ئەمما دۆلىتىمىز سۈت بازىرىدا بىر قېتىملىق ماركا يۇيۇش يۈز بېرىش مۇمكىنچىلىكىنى چەتكە قېقىشقىمۇ بولمايدىكەن . ماقالە مەنبەسى: http://www.eldawa.com | ماقالە ئادرېسى: http://news.eldawa.com/exposure/2012/0104/1530.html ------------------------------------------------------------------------- مېڭنىيۇ (蒙牛)سۈتلىرى راك پەيدا قىلىدىكەن ماقالە ئادرېسى: http://bbs.eldawa.com/forum.php?mod=viewthread&tid=55

zapar

	مېنى چقىۋالغان ھاشارەتلەرنىڭ  شۇ زامانلا  ئۆلۈپ كىتىشىدىكى سەۋەبىنى  ئەمدى بىلىدىم. دۇنيادىكى ئەڭ كۈچلۈك ئىممۇنتىقا ئىگە ئىنسانلار توپى بىز كەنمىز جۇمۇ؟! پەخىرىلىنۋاتىمەن.

hazniqi

	بىزلەر تۈكىيەنىڭكىنى ئىشلىتىمىز سۈت مەھسۇلاتلىرىدىن ...:qiray14

kurkum

	يەنىلا كالدىن سېغىپلا  قاينىتىپ ئىچسە ياخشى

akkani

	لەغمەن،شاپتۇل،سۈت دىگەنلەر يېڭى پېتى،شۇ جايدىلا ئىستىمال قىلىدىغان ئىچىملىك ۋە يىمەكلىكلەردۇر. بولۇپمۇ سۈت دىگەن ئازراقلا تۇرۇپ قالسا بۇزۇلىدىغان نەرسە،ئۇزۇن-ئۇزۇن ساقلايدىغان قىلدۇق دەپ خېمىيىلىك نەرسىلەر ئارىلاشتۇرىلىدۇ،دەل مانا مۇشۇ خېمىيىلىك نەرسىلەر ئادەم بەدىنىگە ئەڭ زىيانلىق، شوڭا مۇشۇنداق نەرسىلەرنى قەتئى ئىستىمال قىلمىغۇلۇق،

fatima

	كۈندە ئىستىمال قىلدىغان بۇلۇپمۇ بالىلار كۆپ ئىچىدىغان سۈتكە بۇنداق،ماددىلارنى قوشقىنى بولماپتۇ.زادىغۇ ھەممە نەرسىنىڭ يىڭىسى ياخشى،ئۇزۇن ساقلايدىغان بولغاندىكىن خىمىيلىك ماددىلارنى كۆپ قۇشىدۇ.

hiyallar

	زادى سىرتتىن بىرنەرسە يىمەس بولدۇم...:qiray17

qiqakkiz

	مىڭنىيو سۈتلىرىدىن چاتاق چىقىپ ياخشى بولدى . مىڭنىيۇ قېتىقلىرىنىڭ تەركىۋىدە شۈبھىلىك بار . بۇ توغرىسىدا مۇنبەردە تىما يوللانغان . ئەڭ ياخشىسى ئۆزىمىزنىڭ مۇسۇلمانچە مەھسۇلاتلىرىنى ئىشلىتەيلى . يەنىلا ئانام باققان كالىنىڭ سۈتى ياخشى .:qiray121

arman3383

	خوپ  بولسا  لايىقىدا  بولغان  بۇلامدىكىن  دەيمەن؟!!!  ھەممە  نەرسىدە  نىمىشقا چەتئەلنىڭ  تاۋارلىرى،  مەھسۇلاتلىرى  سۈپەت  جەھەتتە  ياخشى؟؟؟  نىمىشقا  ئۆز  دۆلىتىىزنىڭ  ھەدىسە تۈۋەن  ئۇرۇنغا  چۈشۈپ  قالىدۇ....؟؟؟     ئاكىلىرىمىز  نىمىشقا  بۇ ھەقتە  باش  قاتۇرمايدىغاندۇ؟

albax

	سىلەر نىمىشقا ئويلىمايسىلەر ؟ ئاللا قىز - ئاياللىرىمىزنىڭ كۆڭلىگە ئىنساپ بەرسۇن ! بالا ئۈچۈن ئانىنىڭ سۈتىلا ئەڭ ياخشى ! ئۇغۇلنى 28 ئاي ، قىزلارنى 18 ئاي ئىمىتىش ئانىنىڭ قەرزى !  پەقەت سۈت چىقمىغاندىلا ئاندىن باشقا سۈتلەرنى ئويلىشىشقا بۇلىدۇ ، سۈتى بار تۇرۇپ باشقا سۈتلەرنى بالىسىغا ئىمىتىۋاتقان ئانىلار دىن سورىغۇم بار : سىلەر نىمىشقا بالىلىرىڭلارنىڭ ھەققىنى قىسماقچى بۇلۇپ قالدىڭلار ؟ شۇنداق سۈتلەرنى ئىمىپ چوڭ بولغان بالىلاردىن بىر نەرسە تەلەپ قىلىشقا ھەقلىقمۇ ئەمەسمۇ سىلەر ؟ كىسىپ ئېيتىمەن : ئايالىنىڭ بالىسىنى زۈرۈر بولمىسىمۇ شۇنداق سۈتلەر بىلەن بېقىشىغا يول قۇيۇپ ئولتۇرغان ئەرلەر دە مەسىلە بار !