مۇساپىر ھېسلار

پالۋان

	مۇساپىر ھېسلار ئاپتورى: پالۋان دېڭىزنىڭ بويىدا ۋەتەنگە قاراپ، ۋەتەننىڭ پۇرىقىن پۇراشنى ئويلاپ، ئولتۇرار بىر غېرىپ مۇساپىر يىگىت، ۋەتەننىڭ ھىدىنى ئالالماي يىغلاپ. يىگىت ھەم ئۇھسىنار ئاسمانغا قاراپ، كۆز قىسقاچ ئانا يۇرت بۇلۇتتىن ماراپ، ۋەتەندىن كەلتۈرگەن سىرىق تاشلارمۇ، ئالتۇندۇر يىگىت چۈن تۇرار پارقىراپ. چۈشىدە گەر كۆرسە يىگىت ۋەتەننى، يايرايدۇ خوشال بوپ يۈرىكى، تىنى، ئويغىنىش ئۇيقۇدىن گوياكى ئازاپ، ئويغانسا گەر يىگىت چىقىدۇ جىنى. ۋەتەننىڭ شەربەتتەك سۈيىنى ئەسلەپ، چاڭقىغان يۈرەككە شۇ سۈنى ئىزدەپ، چەتلەرنىڭ شەربىتى ياقمايدۇ پەقەت، ۋەتەننىڭ سۈيىنى ئىچكەچ ئۇ دەسلەپ. دولقۇنلاپ غەزەپلە ئاققان شۇ دېڭىز، قالدۇرماس ئەسلىدە يۈرەكتە بىر ئىز، ۋەتەننىڭ سۆيگۈسى باسقاچقا مۈھۆر، دېڭىزدا، دەريادا ئۆچمەيدۇ ئۇ ئىز. [table=100%,#ffff00][/table] مەنبە: ئۆزۈم

yolkezar

	ۋەتەننىڭ سۈيىنى ئىچكەچ ئۇ دەسلەپ، شاتلىقتىن يۈرىكى قانىدۇ ھەسسىلەپ. گەر ئايرىلسا ۋەتەن سۈيىدىن بىر تامچە، چاڭقىغاندايېتەر ۋەتەن قوينىغا كېچىلەپ. قاملاشماي قالدىمۇ قانداق؟  لىكىن سىزنىڭ ياخشى چىقىپتۇ! ۋەتەن قەدرىنى پەقەت ئايرىلغانلارلا بىلىدۇ!

haci

	قاقماي تۇرغىن قېرىندىشىم ئۈستۈڭنى....   « توزان قەسىدىسى» نى ئەسلەپ قالدىم.

kaqmixlar

	شىئىرىڭىزنى ئوقوپ ۋەتىنىمنى ئەسلەپ قالدىم ......پات ئارىدا  قايتىمەن ۋەتەنگە ھەقىقەتەن ياخشى يىزىپسىز

musilina

	ۋەتەننىڭ قەدرىنى ۋەتەنسىزلەر بىلەر... شېئىردىن ئىچكى ھېسياتلىرىڭىزنى چۈشەنگەندەك بولدۇم...

qiqakkiz

	تۈركىيەدە تۇرۇپ ، ۋەتىنىڭىزنى بەكمۇ سېغىنىپ كىتىپسىز- ھە . كۆڭلىڭىزنى يېرىم قىلماڭ . سىزگە كەلگەن پۇرسەت ھەممىلا ئادەمگە كەلمەيدۇ . بەك ياخشى يېزىپسىز .

BAHADIRHAN

	ماۋزۇسىنى ئوقۇمايلا شىئىرغا ئىچكىرىلەپ كىرىپ كىتىپتىمەن، ئوقۇپ بولۇپ، كاللامغا كەلگەن تۇنجى سۆز مۇساپىر ھىسلار بولدى، قايتۇرۇپ ماۋزۇسىغا قارىسام راستىنلا مۇساپىر ھىسلار ئىكەن. توۋا قىلدىم، شىئىرنىڭ جىنى بار دىسە مۇشۇنداق ئۆزىدىكى مەنانى كىشىنىڭ يۈرىكىگە ھىس قىلدۇرالايدىغان شىئىرنى دىسە بولىدۇ.

yawa-xir

	مۇساپىر بوپقالغاندا ئوقۇپ كۆزۈمگە ياش كەپ قالدىيا...

uygurman

	:qiray مەنمۇبىر مۇساپىر دە 146