چىش ئاغرىقىنى ئائىلىدە داۋالاش

Alpida001

	چىش ئاغرىش بەدەن ئىسسىغلىق ياكى سوغوغلۇقنىڭ ئېشىپ كىتىشىدىن كۆپرەك پەيدا بۇلىدۇ .  ماددىلىق سەۋەپتىن ئاغرىيدىغان چىش ئەڭ ئاز ئۇچرايدۇ ، باشقا ئەزا شىرىكچىلىكىدە بۇلىدىغان كىسەللىكلەر چىش ئاغرىشقا مۇھىم سەۋەپ بۇلىدۇ . قان بېسىمى ، دىئابىت ، كەم قانلىق ، نىرۋا ئاجىزلىق ، يۇقۇملۇق زۇكام نەزلىسىنىڭ نىرۋىلارغا تەسىر قىلىشى ھەم چىشنىڭ ئۈزىدىكى بەزى ئۆزگىرىش ، قۇرۇت يىيىش قاتارلىق ئامىللار چىش ئاغرىشقا بىۋاستە سەۋەپ بۇلىدۇ .     داۋالاش: رېتسىپ : تۇز سېلىنغان ئىسسىق سۇدا ئېغىزىنى چايقىسا ، ئېغىز پۇراش ، چىش بۇشاپ قېلىش قاتارلىقلارغا مەنپەئەت قىىلىدۇ . رېتسىپ : چىش ئاغرىپ كەتكەندە ، بىر ئاز ئاش تۇزىنى قولنىڭ ئالقىنىغا ئېلىپ ، توختىماي ئۇلاپ بەرسە ، ئون نەچچە مىنىۇتتىن كىيىن ئاغرىقى توختايدۇ . رېتسىپ : پاختىنى سۇ يېغىغا چىلاپ ، ئاغرىق چىشنىڭ ئۈستىگە قويسا ئاغرىق دەررھال توختايدۇ . رتسىپ : توغىرىغىنىڭ كىرىستال ھالەتتىكى قىسىمىنى ئېلىپ قۇرۇت يىگەن چىشنىڭ كامىرىغا سالسا ، ئاغرىق دەرھال توختايدۇ . رېتسىپ : كۈشتە قىلىنغان بۇغا مۇڭگۈزى تالقىنىدىن مۇۋاپىق ئېلىپ ، سىركە بىلەن ئارلاشتۇرۇپ ئاغزىنى چايقاپ بەرسە ، چىش ئاغرىقىغا مەنپەئەت قىلىدۇ . رېتسىپ : چالا پىشۇرۇلغان تۇخۇم سېرىقىغا مۇۋاپىق ھالدا سېركە ئارلاشتۇرۇپ ، چىشقا سۈركىسە ، سوغوقتىن بولغان چىش ئاغرىقى ياكى قاماپ قالغان چىشقا مەنپەئەت قىلىدۇ . رېتسىپ :كالا يېغىنى ئىلمان ھالدا ئېغىزغا سالسا ، نىرۋا خاراكتىرلىق چىش ئاغرىقى ئۈچۈن شىپا قىلىدۇ . رېتسىپ : قىزىلمۇچتىن بىر تالنى ئوتقا قاقلاپ قىزىتقاندىن كىيىن ،ئاغرىقى چىشنىڭ ئۈستىگە قويسا ، ئاغرىق توختايدۇ . رېتسىپ : ئاقمۇچ بىلەن قارىمۇچتىن بىر تالدىن ئېلىپ بىللە ئىزىپ قۇرۇت يىگەن چىشنىڭ كامىرىغا سالسا ، ئاغرىق دەرھال توختايدۇ . رېتسىپ :چىش بەك ئاغرىپ كەتكەندە ، بارماق بىلەن قۇلاق سۇپۇرىسىنى يۇمشاق ئۇلاپ بەرسە ، ئاغرىق توختايدۇ . رېتسىپ : سامساقنى چاۋا ياغ بىلەن پىشۇرۇپ  چىش تۈۋىگە قويسا چىش ئاغرىقى توختايدۇ . رېتسىپ : شاپتۇلنىڭ يۇپۇرمىقىنى قاينىتىپ ئىلمان ھالەتتە قۇرۇت يىگەن چىشقا تېمىتسا ، چىش ئاغرىقىغا مەنپەئەت قىلىدۇ . رېتسىپ : پىيازنىڭ يۇپۇرمىقىنى ئوتتا كۆيدۈرۈپ ، تۈتۈنىدە قۇرۇت يىگەن چىشنى بۇسلىسا ياخشى ئۈنۈم بىرىدۇ . رېتسىپ : سامساقنى ئىزىپ چىقىرىلغان سۈيىدە پاختىنى يۆلدەپ چىش تۈۋىگە باسسا ، چىش ئاغرىقىنى توختاتقىلى بۇلىدۇ . رېتسىپ : ئاغرىغان چىشقا كەپتەر باچكىسىنىڭ قېنىنى ئېقىتىپ بەرسە ، چىش ئاغرىقىغا شىپا قىلىدۇ . رېتسىپ : ئانار ئۈرۈقىنى قورۇپ ، يۇمشاق سۇقۇپ تاسقاپ ، سۇفۇف تەييارلاپ ئىستىمال قىلسا ، چىش تۈۈۋى بۇشاپ كىتىش كىسەللىكىگە مەنپەئەت قىلىدۇ . رېتسىپ : قۇرۇت يىگەن چىش ئاغرىغاندا قىزىلمۇچتىن بىر تالنى سۇس ئوتتا قىزدۇرۇپ ، كۆپكەندىن كىيىن سەل سۇۋۇتۇپ ، ئۇنىڭدىن ئازراق ئېلىپ ، ئاغرىۋاتقان چىشقا باسسا ، ئاغرىق توختايدۇ . ئەگەر بىر قېتىم توختىمىسا ، يەنە بىر قېتىم بېسىش كېرەك . ۋاقىتى بەش مىنۇت بولسا كۇپايە . رېتسىپ : چىش ئاغرىغاندا ، چىشنىڭ قۇرۇت يىگەن يېرىنى پاكىز تازىلاپ ، سۇقۇلغان سامساقنى بىر ئاز تىقىپ قويسا ئاغرىقنى توختىتىدۇ . رېتسىپ : ئەگەر ئاچچىق - چۈچۈك مىۋىلەرنى يىگەنلىك سەۋەپلىك چىش قاماپ قالسا ، خام سامساقنى چاينىسا ئوبدان مەنپەئەت قىلىدۇ . رېتسىپ : پىيازنىڭ سۈيىدىن پاختىغا تېمىتىپ ، چىشقا تەگكۈزسە ئاغرىغان چىش توختايدۇ . رېتسىپ : خام قاپاقنىڭ سىقىپ چىقىرىلغان سۈيىنى غار - غار قىلسا ئىسسىقتىن بولغان چىش ئاغرىقىغا مەنپەئەت قىلىدۇ . رېتسىپ : قاپاقنىڭ سىقىپ چىقىرىلغان سۈيىگە گۈل يېغى  قۇشۇپ چىشقا تېمىتىلسا ، چىش ئاغرىقىغا مەنپەئەت قىلىدۇ . رېتسىپ : چامغۇر يۇپۇرمىقى سۈيىدە چىشنى يۇيۇپ بەرسە ، چىش ئاغرىقىغا مەنپەئەت قىلىدۇ . رېتسىپ : چامغۇر شىرنىسىنى بۇرنىغا تېمىتىپ بەرسە باش ۋە چىش ئاغرىقىغا مەنپەئەت قىلىدۇ . رېتسىپ : شوخلىنى مىۋە ئورنىدا ئۇدا ئىككى ھەپتە يەپ بەرسە ، چىش قاناشقا مەنپەئەت قىلىدۇ . رېتسىپ : پىننى چايناپ بەرسە ، چىش ئاغرىقىنى توختىتىدۇ . رېتسىپ : مۇز پارچىسىنى ئاغرىغان چىشنىڭ يۇز قىسىمىنىڭ مۇسكۇلىغا سۈركەپ بەرسە ، چىش ئاغرىقى توختايدۇ . رېتسىپ : كاۋاۋىچىندىن 15 گىرام ، ئاچچىقسۇدىن 60 مىللىلىتىر ئېلىپ ، ئىككىسىنى ئون مىنىۇت قاينىتىپ ، تىرىپىنى سۈزۈپ ئېلىۋىتىپ ، سۈيى ئىلمان بولغان ئېغىزنى چايقاپ بەرسە ، چىشنىڭ ئاغرىقى دەرھال توختايدۇ . رېتسىپ : 100 گىرام ھەسەلگە ئىككى دانە توخۇ تۇخۇمىنى چېقىپ ، ئازراق قايناقسۇ قۇيۇپ ئارلاشتۇرۇپ ، ئۇنى بىر مەزگىل ھەر كۈنى ئەتىگەاندە ئىچىپ بەرسە ، چىش ئاغرىقى ساقىيىپ كىتىدۇ . رېتسىپ : ئۈرۈك مېغىزىنى سۇقۇپ ، سىركە بىلەن ، ئېغىزغا ئېلىپ تۇرسا ، چىش ئاغرىقى ساقيىدۇ .     پەرھىز : 1 - . تەستە ھەزىم بۇلىدىغان ، غىدىقلىغۇچى ، يەل پەيدا قىلغۇچى ، يىمەك - ئىچمەكلەردىن پەرز قىلىندۇ . 2- . ئاسان ھەزىم بۇلىدىغان ، سىڭىشلىك ، ئۇزۇقلۇق قىممىتى يۇقىرى بولغان يىمەك - ئىچمەك ۋە مىۋە چىۋىلەر بىرلىدۇ . تۇخۇم سېرىقى رەڭلىك سەپرا خىلىتىدىن كىلىپ چىققان بولسا ، ھۆل سوغوق تەبىئەتتىكى يىمەك - ئىچمەك ۋە مىۋە - چىۋىلەردىن شويلا ، قېتىق ، كەكلىك گۆشى ، تۇرۇپ ، يېسۋىلەك ، ئانار ، قۇغۇن ، ئەينۇلا قاتارلىقلانى بىرش كىرەك . 3 - . چىشنى خالىغانچە تارتقۇزماسلىق ، چىشقا خالىغانچە دورا تېمىتماسلىق ، تاماقلارنى بەك قىزىق ياكى سوغوق يىمەسلىك ، چىش ئارلىقىغا كىرىپ قالغان نەرسىلەرنى پاسكىنا نەرسىلەر بىلەن كوچىلاپ ئالماسلىق ، تىل بىلەن چىشنى يالىماسلىق كېرەك . 4 - . ئېغىز تازلىقىغا ئەھمىيەت بېرىش ، پاكىز سۇ بىلەن ئېغىز چايقاش ، چىش ئارلىقىغا كىرىپ قالغان نەرسىلەرنى ۋاقىتى - ۋاقىتىدا پاكىز نەرسىلەر بىلەن ئېلۋىتىش . تاماقلارنى ئىلمانراق ئىستىمال قىلىش ، چىشقا سۈركەيدىغان ، چاپلايدىغان دورىلارنى ئىشلىتىپ ، مەلۇم مەزگىلدىن كىيىن پاكىز سۇ بىلەن ئېغىزنى چايقىۋىتىش كېرەك .                  مەنبە : ئائىلىدىكى رېتسىپلار نامىلىق كىتاپتىن .

dilmervan

	مەن ئوبدان ساقلىۋالسام بولغۇدەك، يوللىغۇچىغا كۆپ رەھمەت!

peyaz

	مىنىڭ چىشىم ئاغىرىپ باقمىغان ، ئەمدى ئاغرىدىغان ۋاقتى كىلىپ قالدى كۆرۇپ خاتىرلىۋالاي !

adil2052103

	ساخلىۋالغىدەك لاتېمىكەن  تېما ئېگىسىگە تەشەككۈر

TIRIXQANBALA

	مەنمۇ بۇ رېتسىپلانى تۇلۇقى بىلەن ساقلىۋالاي ، ئۆيدىكىلەرنىڭ چىشى داىم ئاغرىسا دوختۇرخانىغا چاپقاندىن ، مۇشۇ رېتسىپلاردىن ئۈنۈملۈك پايدىلاي .

kaqmixlar

	مەن ساقلىۋالماي ياتلاپلا ۋالاي

monix

	ئاللاھ  قۇلىڭىزغا  دەرىت بەرمىسۇن .ئانامنىڭ چىشىنى شۇنچە داۋالاتساقمۇ يەنىلا پات پات قوزغىلالىدۇ .دوختۇرغا بارايلى دىسەك جاھىللىق قىلىپ تۇرىۋالىدۇ .ئەمدى   ئاسان بولدىغان بولدى.

بېھزات

	ماۋۇ رىتسىپ ئۆزگىچىكەن... رېتسىپ : چىش ئاغرىپ كەتكەندە ، بىر ئاز ئاش تۇزىنى قولنىڭ ئالقىنىغا ئېلىپ ، توختىماي ئۇلاپ بەرسە ، ئون نەچچە مىنىۇتتىن كىيىن ئاغرىقى توختايدۇ . يىقىندىن بۇيان چوڭلارنىڭ چىشى تولا ئاغرىيدىغان بولىۋالغان ،دوختۇرخانىغا بارسىلا تارتىۋەتمىسەك بولمايدۇ ،دەپ تۇرىۋالىدىكەن!!!بۇ رىتسىپلارنى ساقلاپ قوياي...ئەسقىتىپ قالسا ئەجەپ ئەمەس. تېما ئىگىسىگە رەھمەت !!!

DOPPIQI

	تېما ئېگىسىگە تەشەككۈر