چىش ئاغرىقى

Alpida001

	چىش ئاغرىقى قاندىن بولغان بولسا ، قىيپال تۇمۇردىن قان ئېلىنىدۇ . سەپرادىن بولغان بولسا ،قىزىلگۈلنى سىركىدە قاينىتىپ ئېغىزغا ئالسا ساقىيىدۇ . سامساقنى ئوتقا كۆمۈپ ئىسسىق ئۆتكۈزسىمۇ بۇلىدۇ . چىش بۇشاپ كەتكەن بولسا ، ئاقىرقەرھانى سىركىدە خېمىر قىلىپ چىشنىڭ تۈۋىگە باسسا ، بۇشاپ كەتكەن چىشنى چىڭىتىدۇ . چىش قاناش كىسەللىكىدە تۇز سۈيى ياكى زىرىق سۈيى بىلەن چىشنى يۇيۇپ ، ئانار پوستى ۋە موزىنى سۇقۇپ چىشنىڭ تۈۋىگە باسسا ، چىش قاناشقا پايدا قىلىدۇ . چىش بۇشاش ، چىش قاناشقا قىزىلگۈل يىسسىمۇق ، پۇرچاق نۆشۇدۇر ، كۇچۇلا قاتارلىقلارنى ئارلاشتۇرۇپ سۇقۇپ تاسقاپ چىشنىڭ تۈۋىگە باسسا پايدا قىلىدۇ . ئىنكنىڭ مۈڭگۈزىنى كۆيدۈرۈپ چىشقا باسسا ، چىشنى چىڭىتىدۇ . قان توختىتىدۇ . چىشنى ئاقارتىدۇ . ئۇدھىندىنى كۆيدۈرۈپ ، تۇز بىلەن ئارلاشتۇرۇپ چىشقا باسسىمۇ چىشنى ئاقارتىدۇ . قۇرۇت يىگەن چىشنىڭ ئاغرىقىغا ئۆچكىنىڭ چاۋا يېغى بىلەن قاپاقنى كۆيدۈرۈپ چىشنى  ئىسلىسا پايدا قىلىدۇ . ئانار گۈلىنى سۇقۇپ ياتىدىغان چاغدا چىشنىڭ تۈۋىگە باسسا ، چىشنى چىڭىتىدۇ . ئەگەر چىش يەلدىن ياكى باشقا سەۋەپتىن ئاغرىغان بولسا ، سامساقنى ئوتقا كۆمۈپ پىشۇرۇپ ئاغرىغان چىشتا چىشلەپ تۇرسا ، ئاغرىق شىپا بۇلىدۇ . ئاغرىغان چىشنىڭ تۈۋىگە ناشتىدا قىزىلگۈل ، يىسسىمۇق ، ئانار پوستى ، نۆشۈدۈر ، زەپەر قاتارلىقللارنى سۇقۇپ باسسا مەنپەئەت قىلىدۇ . زاك بىلەن مۇردارسەڭنى يۇمشاق سۇقۇپ ، چىشقا سەپسە ، چىش ئاغرىقى يۇقىلىدۇ . چىشنىڭ يىلتىزى ئاغرىسا ، مۇردارسەڭنى زەمچە بىلەن ئىزىپ ، ئاغرىغان چىشقا باسسا ، چىش ئاغرىقى توختايدۇ . چىش ئاغرىۋاتقاندا زەنجىۋىل ، ئاق تۇز ، ئانارنىڭ كىندىكى قاتارلىقلارنى يۇمشاق سۇقۇپ ، چىشنىڭ تۈۋىگە باسسا پايدا قىلىدۇ . چىش تۈۋىنىڭ ەۆشى قاچسا 0.5 مىسقال كۈندۈر ، 1 مىسقالدىن  زەمچە ۋە ئانار گۈلىنى سۇقۇپ ، چىش تۈۋىگە باسسا شىپا بۇلىدۇ . بۇ دۇرا چىش تۇۋىنى چىڭىتىپ ئېغىزنى خۇشبۇي قىلىدۇ . سامساق بىلەن سىركىنى ئارلاشتۇرۇپ چىشنى چايقىسا ،چىش ئاغرىقىغا شىپا بۇلىدۇ . چىش ئاغرىقى ئۈچۈن ھەرە كۆنىكى ، ئەنگۈر جىغىندار  ئادىراسمانلارنىڭ ھەرقايسىسىسىدىن ئۈچ مىسقالدىن تەييارلاپ ، ھەممىسىنى ئىككى چىنە سۇدا قاينىتىپ ، كۈندە ئىككى ۋاخ چىشنى چايقىسا پايدا قىلىدۇ . چىشنىڭ تۈۋى ئېچىشىپ قانىغان بولسا قىزىلگۈل ، يىسسىمۇق ، قىچا ، نشۈدۈر ، زەپەر ، سېرىق دىۋىرقاي قاتارلىقلارنىڭ خېمىر قىلىپ چىشقا باسسا ئۈنۈم قىلىدۇ . تۇتىيا ، شەب پامانى نەشاستە ، سۇمەق ، قىزىلگۈل ، ئاچچىق ئانار پوستى ، سېرىق ھېلىلە ، ئۇسىتخان ، ئانار گۈلى ، موزار ، رۇسۇت قاتارلىقلانى سۇقۇپ يۇمشۇتۇپ ، چىش تۈۋىگە باسسا بۇشىغان چىشنى چىڭىتىدۇ  . چىش ئاغرىقى ئۈچۈن ئەنگۈر شىپا ، ھەرە كۆنىكى ، موزاي بېشى ، سۇزاپ ياغىچى قاتارلىقلارنى مۇۋاپىق مىقداردا ئېلىپ ، ئىككى چىنە سۇغا چىلاپ يېرىمى قالغۇچە قاينىتىپ ، ئېغىزنى چايقاپ بەرسە پايدا قىلىدۇ ‹‹ تەجىرىبىدىن ئۆتكەن ››     مەنبە : ‹‹خۇلاسە تىببىيە›› نامىلىق كىتاپتىن

saraghutun

	ئاپامنىڭ  چىشى بەك ئاغرىيتى  بۇنى  ئوقۇپ  بېرىۋاتىمەن ...تېما  ئىگىسىگە  رەھمەت

مامكاپ

	مەن كىچكىمدە يامان بەك تاتقان بۇ دەرتنى.. كېچلەپ ئۇخلىماي يېغلاپ چىقاتتىم.. ئاخىر زاماسكا قىلىپ قۇتۇلدۇم چىش ئاغرىقىدىن خۇدايىم مىڭ ساقلىسۇن!!

ARZUY

	خۇدا  ساقلىسۇن  چىش  ئاغرىقىدىن ،ماڭا ھېيت ھېيتتەكمۇ بولمىدى بۇيىل ئىشقىلىپ بەندىسىگە چىش  ئاغرىقى سالمىسۇن  ئۇلۇغ  رەببىم ،

kuklam1979315

	چىشىم  تازا  ئاغرىۋاتاتتى، تىمىڭىزنى  كۈرۈپ  بەك  خۇش  بولدۇم. كۆپ  رەھمەت

سەۋېر

	چىش ئاغرىقى ئاغرىق ئەمەس،چىش ئاغرىقىغا ئادەم ئۆلمەس.

Pinhangul

	تېمىڭىزغا رەخمەت! چىش بەك ئاغرىپ كەتكەندە ئادەتتە ئاسان تاپقىلى بولىدىغان نەرسىلەردىن پايدىلىنىپ دەرھال ئاغرىقنى توختىتىدىغان ئامال يوقمۇ؟

mihir

	چىش ئاغرىقىغا پايدا قىلىدىغان رىتسىپلارنىڭ جىقلىقىدىن قايسىنى ئىشلىتىشنى بىلمىدىم .بىلگەن تەغدىردىمۇ  تاپقىلى بولىدىغان دورىلار ئازكەن ،

سابا

	پايدىلىق تېما ، ئىنكاس بىلەن ساقلىۋالاي . ئەجىرىڭىزگە رەخمەت .

aliali

	مەندىن ۋەسىيەت؛ چىشى ئاغرىغان، ئېزىقىدا كاۋاك پەيدا بولغان....... ئشقىلىپ چىشقا مۇناسىۋەتلىك كېسەل بولغانلار ناھايىتى چىشنىڭ ئىشىغۇ دەپ ئاددى قاراپ دورختۇرچاقلارنىڭ قېشىغا بېرىپ قالماي مۇنتىزىم چىش دوختۇرىغا كۆرنۈڭلار.