ئوڭشىلىشقا باشلىغىن

MILYONIR

	باشقىلارنى يامان قىپتۇ دېگەندىن ، بار گۇناھنى بۇزاماندىن كۆرگەندىن ، ھەممە يەردە غەيۋەت قىلىپ يۈرگەندىن ، ئوڭشىلىشىنى ئۆزۈڭ ئاۋال باشلىغىن . زابويلارنى پەندى نەسىھەت قىلغۇچە ، باللىرىڭنى ھاراق ئىچمە دېگۈچە ، سەن ئۆزۈڭمۇ قاۋاقلاردا يۈرگىچە ، شۇم ھاراقنى ئۆزۈڭ ئاۋال تاشلىغىن . ئاق چەككەندىن ۋابا باردەك قاچىسەن ، ئاق ساتقاندىن ھەم ئۆلگىدەك قورقىسەن ، بىلىپ تۇرۇپ يامان يولدا ماڭىسەن ، تاماكىنى ئۆزۈڭ ئاۋال تاشلىغىن . كۈندە رەڭلىك سورۇن ئويناپ يۈرگىچە  ، ئاشنا ئۈچۈن ئايالىڭىن تانغۇچە ، بالىلارنى تىرىك يىتىم قىلغۇچە ، ئائىلەڭدىن ئۆزۈڭ ئاۋال تانمىغىن . قىمارۋازغا سورۇن راسلاپ بەرگۈچە  ، سەنمۇ گاھى دەتتىكوم دەپ يۈرگىچە  ، ئۇتتۇرۋىتىپ  قۇرۇق قاخشال بولغۇچە ، قىما دەپتۇ قىمارنى ھەم تاشلىغىن . پاك قىزلارنى ئەخمەق قىلىپ سۆيگىچە ، پاھىشەنى جانانىم دەپ بىلگىچە ، كوچا-كويدا بۇزۇق ئىزدەپ يۈگىچە ، تەن ۋە روھنى ئۆزۈڭ ئاۋال پاكلىغىن . پۇلۇم بار دەپ ھەشەمەتلىك قىلغۇچە ، ھەشەمەت ەپ تۈگمەس قەرىز بولغۇچە ، ھەشەمەتتىن قۇرۇق ئابروي تاپقۇچە ، ھەشەمەتنى ئۆزۈڭ ئاۋال تاشلىغىن . مىللىتىمنىڭ بولۇشى شۇ  دېگۈچە ، تارىخىدىن پەخىرلىنىپ يۈرگىچە ، مىللىتىڭنىڭ سۈت ئۇيقۇسى قانغۇچە ، ئوڭشىلىشنى ئۆزۈڭ ئاۋال باشلىغىن . ئاۋام سېنى ئوڭشىلىپتۇ دېگۈچە ، ھەممە كۆرسە ساڭا سالام قىلغۇچە ، ھايات بولساڭ ھايات بولساڭ ئۆلگىچە ، ئوڭشىلىشنى ئۆزۈڭ ئاۋال باشلىغىن . ئاپتورى : مىليونىر

zulayha

	تېتىملىق بۇ شېئىرىڭىزدىن خۇرسەنلىككە ھىسلىرىمنى باشلىدىم . ھەممىنى ئۆزىدىن باشلاش تېمىسى شېئىرىڭىزدە ھەقىقىتىنى تېپىپ مۇرادىغا يېتىپتۇ . ئىجادىيەتلىرىڭىزگە ئۇتۇق تىلەيمەن .

zapar

	ما شئېرنىڭ جېنى باركەن، ئۈزۈمگە بىر قاراپ باقاي،ۋاي قۇلۇمدا تاماكا تۇردىغۇ؟

arkin.jan

	ناھايىتى ياخشى يىزىپسىز اللاھ قۇلىڭىزغابەركەت پۇتىڭىزغاماغدۇربەرگەي

arkin.jan

haci

	« قاغا بالام ئاپپاق، كىرپە بالام يۇمشاق» دەپ ئولتۇرماي ئاۋال ئۆزۈڭنىڭنىڭ پىشانىسىنى سىلاپ باق دىمەكچىغۇ... توغرا دەيسىز، ھەممىنى ئاۋال ئۆزىمىزدىن باشلاش كېرەك.

elam_batur

	خىلى ئىغىر ئولتۇرۇپ.. يىزىپ قويۇپسىز ھە،ئىنتايىن ياخشى يىزىپسىز~!

烤包子

پالۋان

	ھەممە ياخشىلىققا ئۆزىمىز باشلامچى بولساق ئاندىن بىزنىڭ ئالاھىدە تۆھپىمىز بولغان بولىدۇ.... بىر ياخشىلىققا بۇيرۇشتىن بۇرۇن شۇ ياخشىلىقنى ئۆزىمىز قىلساق ئاندىن ئۈنۈمى بولىدۇ.